صباح الورد ...تسلم ايدك سهومة ...بس مشتهيين بارت دسم شوي يروي تعطشنا للرواية ...شنسوي ماحد قالك اخذي عقولنا بسحر ابداعك ... مانشبع منها حتى لو قرينا البارت اكثر من مرة ...يعطيك الف عافية يالغلا


عبوقة معذورة ياقلبي ..كل انسان تحكمه ظروف غصب عنه .....الله يعطيك الف عافية ماقصرتي ياعسل

فهيد ووضوح

فهيد يامن يعطيني اياه ساعة بس غير ماارجعه الا بعاهات ......على ايش شايف نفسك ابي افهم .... طاح حضك اكثر من ماهو طايح من زين الخشة الي لو اوديك سوق الغنم ماحد طل بوجهك وسام سعرك ...عطالي بطالي لاصلاة ولا ديانة منخمد ولا على بالك شي وبعد ماسويت الي سويته بهاليتيمة جاي تعيب عليها لك وجه ..صدق الي اختشو ماتو .... بشوف انا هالشينة الي موعاجبتك اذا رجعت الليل ماتدل دربك اذا مانبحت عند بابها تراكض وراها لكن حريمتك مالك الا رقعة الباب بوجهك ...

روح شوف مسود الوجه الي متصل عليك الظاهر سمع انهم عطوك حرمتك في نفس يوم الملكة ماقدر يرقد الليل يبي يملك ابو ريحة ...ياجعله من نومته مايقوم ولا يحلم بطيف سارة ...وابوكم ابليس نويفان جعله وهو جاي عندكم تطب عليكم الهيئة بالجرم المشهود بشوف انا جدك الي خايف من العرب شبيسوي ساعتها

والله قلبي مو موجعني الا على هالمسكينة وضوح اذا جاء خرعها مسود الوجه بحالته ياهي صدمة وكسرة لها ..ياخوفي من الصدمة تكره حالها وتحط السبب انها عرجاء زوجوها لواحد عربيد وهذا هم اهلها بس ياليتها تنفجر فيهم كلهم وتسكتهم من كبيرهم لصغيرهم وعرجها ربي بلاها فيه اختبار لصبرها بس الشرب والعربدة ذنب كبير ربي بيحاسب عليه كل من يشرب وكل من يتستر على الي يشرب .... اعتقد البارت الجاي بنتوجع اكثر لحال وضحى


نورة وسلطان

نورة الي متى هالحبسة وقلة النوم حاسة انك بتنهاري وبيصير فيك شي خوف ووحدة وجوع وتفكير الله يعينك وسلطان ناسيك بالمرة ... والله خايفة اتوسم فيه خير ويفجعني بأهانته لنورة ويرمي عليها كلام جارج يزيد وجعها ...دم ال قاسي يجري بعروقك مامنك امان ...ياترى البارت الجاي بيشوف سلطان نورة والله باقي خلصنا من شيوخ جات لنا نورة نبي نعرف ردة فعل سلطون اذا شاف الفتنة الي عنده وهو عايفها وناسيها ....والله شكله بيروح فيها وبيدور اي حجة علشان يمتع نظره خخخخ


هند وفارس

والله زمان عن هالثنائي ومشاكساتهم من قبل ايام البر .........هند طاحت بهوى فارس بس سهومة ليه ماخليتي فارس هو الي يحبها اول تغيير هههه والله حاسة انو بينقلب حال فارس اذا اجبروه على هند ومابيقصر فيها ...او اذا صار تخميني انو يمكن يخطب سارة لانو شايف حالتها وبكاها الي بيفسره انها ماتبي سيافوه وغير كذا هو عارف خياسه فعلشان يمنع هالزواجة بيوقف بوجه سيافوه ونويفان ماراح يقدر يفر من جريمته ساعتها هند بيحز بخاطرها وبتذكر سؤال فارس عن سارة وبتفسره انو يبيها ويحبها ..والله كل شي متوقع


نور وضاحي

والله حالة ضاحي صعبة وماراح يطول الامر وهو ماسك نفسه بس نور هي الي بتدفع ثمن الي سوته ...موهي ماعندها صبر الله يهديها غيرها يبي ياخذ فترة يفهم وضعه وهي ماتدري انها بتضر حالها اكثر من ماهي منظرة الله يعينها اذا رجعت لها الذاكرة

ضاحي حتى لو هو عاقل بس دم ال قاسي يجري فيه والقسوة الي بالعايلة متفاوتة من واحد لواحد بس مو معدومة ..احساسي انو بيسوي سواة اخوه فهيد بس بشكل مختلف ...والله يعين هاليتيمات على هالعيلة


نويفان وسارة

ماادري ليه كنت متوقعة انو دعوتها عليه بصوت عالي بيسمعها احد وخصوصا فارس بس ماادري مابان هالشي ...بس يانويفان لاتستهين بدعوة المظلوم فمابالك بمظلوم ويتيم ........اجل بعد كل الي عرفته عن حقيرتك انها ترمي حالها لاي رجال يجيها ومازلت محترق عليها هي والله قدرك وكفوك بس بعد مصيبتك بسارة مالك الا تستر عليها اول وبعدين بحريقة روح لخايستك وولدك الي بالحرام وورينا شبتسوي ساعتها ....



شيوخ والصقر

صقور كفو والله ههههههههه جننها مثل ماجننتك واذا صحت من النوم وابليس حاضر معاها شيل عمرك وملابسك الوصخة الي فيها ريحتك واذا تقدر بعد تشيل المخدة لاتقصر خخخ ا قفل عليهم واخذ المفتاح وهج بعمرك ولاترجع الا بعد كم ساعة خليها تدور الريحة ماتلقاها واذا رجعت هددها اذا ماتعدلت بتهج كم يوم وهي بتجلس بدون لافانيلة ولا صاحب الفانيلة بنشوف تعرف تعدل لسانها لو لا .......ماقلنا لك تغزلي ولا تبوسمي بس كفي لسانك الاعوج لوقت الحاجة بس ...الله يستر على صقور نام مبتسم مايصحى الا شيوخ صاقعة راسه بالابجورة خخخخخ



محمد

شكل العايلة كلها بتصير ورى القضبان وخصوصا جريمة مريم وامها مو بسيطة بس هذا وجهي اذا شيبة النخرة ماتلقف وقال طلعوهم لو انا من صقر لو يفطس ماسمع له كلمة خليه يعوي الين يشبع الظالم .........سهومة شوفي لهالشايب اقرب مرض واسدحيه باقي عمره بفراشه خلي العالم تعيش بعيد عن تحكماته



سهومة في انتظار البارت الجاي بكل شوق