كاتب الموضوع :
عبق الرياحين
المنتدى :
القصص المكتمله
صباح الخيرات ......صباح الابداع ........صباح القهر والغبن وحرقة الدم خخخخخ.....شسوي ياسهومة لاالبارت الي راح ولا هالبارت الا فيه مرار وحرقة دم لابارك الله في في الشايب واحفاده الي وارثين نذالته وقسوته
عبوقة تسلم ايدينك ياقلبي على النقل المستمرالله لايحرمنا منك ولا من تعبك
فهيد ووضوح
فهيد ياجعلك العرج الي ماله علاج ياجعلك العشق الي يجننك اكثر من جنونك وتدور رضا وضوح دوارة وتصير اعظم من مجنون ليلى ......... ابي اعرف على ايش شايف حالك ورافع خشمك من زين الخشة ولا من زين الاخلاق ولا من زين المنصب والشهادة .........عطالي بطالي عايش على مكدة ابوه مثل البزران ....... وجاي تسوي فيها رجال على وضوح .......هالعرجاء الي موعاجبتك محافظة على نفسها وخواتها وهي بنت ماعندها رجال .......هالعرجاء الي تعايرها يوم هي بعيد عنكم وعن ظلمكم كانت تشتغل ابسط شغلة علشان تاكل هي وخواتها ومامدت يدها للقاصي والداني ولا فرطت لابشرف ولا كرامة ....... احسن من الي ربي معطيه صحة وعند ابوه خير حتى بقالة ماسوى له واشتغل وكد من تعبه ......... احسن من الي مونافع ولا في ابسط الاشياء ماغير شرب وسهر وعربدة ... هالعرجاء لو عندها ابو او اخوان ماشفت ظفرها بس مااقول الا حسبي الله على الي زوجك اياها وظلمها وحسبي الله على امك الي حرضتك على معايرها ........طول عمرك طرطور مالك شخصية تبي تتمرجل على وضحى وتسوي فيها الي يسوونه اهلك فيك ..... بس لاتفرح كثير ولاتنبسط هالعرجاء هي الي بتكسرك موانت الي بتكسرها وبتشوف الايام الجاية ...... اذا ماصرت تنابح مثل الكلاب لانها مو معبرتك ولا مهتمة فيك مااكون زيزفون
وضوح لاتقللي من قدر نفسك مثل ماربي اعطى خواتك اشياء انتي بعد ربي منعم عليك ماعليك من هالسكير الي لو هو رجال ماسوى سواياه ببنت عمه وزوجته ... ولو فيه خير ماالكل رفض يزوجه بنته ......اقهريه هو وامه الي ماخافت ربها فيك ومااختارتك الا علشان تنذلي من ولدها ولا تنطقي بكلمة والي عطاك العرج قادريعطيه غيرك ولو كان اقوى انسان ........صبرك وعقلك وحكمتك هي الي بتكسر شوكة هالظلام لاتبيني لاي احد ضعفك
والجدة ليه رازة نفسها بسيارة فهيد دامها ماردت عليه معايره لبنت ولدها بس فالحة ترد على شيخة يوم قالت الحق فيهم بس ذنب هاليتامى ماراح يتعداهم
شيوخ وصقور
والله وجاتك على الجاهز ياصقور وشيوخ انجبرت وبدون رضاها تتلصق فيك ......يالله استغل هالفرصة وتقرب منها اكثر وخصوصا في هاللحظات واعرف قصتها وداويها ...........زيد جرعة الحنان وبطل الشدة واذا شفتها قامت تخورها انسحب بهدوء واتركها وخليها عاد تدور ريحتك ماتلقاك الين تعلقها فيك حتى بدون وحام
اعتقد انو شيوخ بتظل على هالحالة الين تروح مدة الوحام وبهالفترة بتتقرب من صقر وبدون احساس منها بتحبه طبعا هي ماراح تتقبل هالشي ولا بتبينه وبتظل تحن لحظن صقر حتى اذا عدت فترة وحامها بس هي مابتخبر صقر
اعتقد صقر هو الي بيعترف لشيخة بحبه قبل مايكشف حبها له وهالشي يعتبر مرضي لشخصية شيخة انو هو الي حبها واعترف قبلها وبنشوف سهومة ايش مخبية للاثنين
نورة وسلطان
نورة ماتزوجت سلطان الا وهي مرعوبة من الكلام الي قالته ريم وزاد على خوفها تصرفات سلطان اممم اعتقد بيظل الخوف مصاحبها فترة الين العم حمزة هو الي يتكلم عن الجانب الحقيقي لسلطان وبكذا نورة لانها رقيقة وحساسة راح تتأثر وتتعاطف مع سلطان .....
سلطان بيكون جاف مع نورة في البداية بس اعتقد انو جمالها الباهر الي للان ماشافه ورقتها وخوفها منه الي اكيد بيكون واضح له من تصرفاتها وصغر سنها بيخليه يخفف من قساوته ...سلطان المفروض يحس بأحساس نورة لانها مثله فقدت امها وابوها غير كذا هي بنت ضعيفة لاحول ولا قوة لها .......واذا هو الرجال الى اليوم مو ناسي اهله ومتأثر فكيف فيها وهي فقدت اهلها بسن صغير .......بنشوف ردة فعل سلطان لما يشوف نورة
نويفان وسارة
نويفان مابرد خاطرنا من ظلمك وحقارتك يطلع لنا خويك فهيد ولو تم مخططك وزوجت سارة للنكرة سيافوه راح يكون حالها اعظم من وضحى .....بس تواجد فارس بالسالفة ماهو عبث ويااما هو الي بيعرف من سارة اجرام نويفان فيها وبيعرف كيف يبجبره يتزوجها ......او بيسوي شي يمنع زواج سارة من الخايس سيافوه وبيخرب مخطط نويفان عاد الجد بيقوله انو يبي الفكة منها مثل مارمى خواتها ففارس بتاخذه الحمية ويمكن هو الي يقول بيتزوجها
نويفان بيتورط عاد اذا تزوج سارة وكشف جريمته السوداء مابيقدر يخلص نفسه مثل لو اكتشفها سيافوه بيسكته بالفلوس وهو عارف خويه وعقليته غير كذا عادي يطلقها بدون مايفضحها وهو بيتكفل يزوجه غيرها ... اما نويف هو من نفسه يغير رايه ويتزوجها بدون ضغوط مااعتقد ابد
غير كذا سالفة الولد يعني هو شافه شوفة العين مو بس مجرد صورة ..... اجل الولد ولد نويف مليون بالمية لانو هو الي اختلى فيها اكثر من مرة وهي عرضت حالها عليه وهو رفض وهو بوعيه بس هي يمكن حطت له حبوب في عصير خلته يفقد وعيه وسوى الي سواه .......وعادي لو الولد ماشابه ابوه وشابه عمامه كثير اطفال ماياخذون لاملامح لاامهاتهم ولا ابائهم بس يشابهون خوالهم او عمامهم ........يعني بعد عنده ولد بالحرام وطبعا مايقدر يجيبه عنده لانو ولد حرام ...بس الخايسة ليه مصرة انو ولد صقر شالغرض من كذبتها وايش راح تستفيد اصلا ...
وهالحسن مو مرتاحة له ولا لااهتمامه بالموضوع ......لو مالشبه الي يقولون عنه كان قلت الولد ولده ويبي يرمي بلاه على غيره بس ليه صقر ....اتوقع الولد بيصير عليه شي وساعتها الخايسة ام الرجاجيل بتنطق بالحقيقة
نور وضاحي
نور الله يهديها ويعينها على الي هي فيه ....على ايش مستعجلة يابنت الناس كونك قريبة من ضاحي وساكنة معاه بنفس البيت هالشي ماراح يمنع تقربه منك ولا تعلقه فيك ...يعني الوحدة حتى الي تعيش فترة ملكة وتكون بينها وبين خطيبها زيارات ومكالمات لابد تتوتر وتحس بخوف ببداية ايام زواجها وغير الهواجس الي تجيها ...وانتي بصراحة مزودتها لاخجل لاارتباك دائما متسرعة ومندفعة وهالشي بيدمرك انتي ماراح يضر ضاحي
واعتقد ضاحي مابيقدر يقاوم كثير ونور مصرة على تقرب ضاحي منها وهي الي بتجبره يسويها بس لما ترجع لذاكرتها بتنكسر وبقوة لانها بتحط اللوم على ضاحي وهو بيخبرها بحركاتها وافعالها وهالشي صعب على اي بنت لذلك اتمنى ضاحي لايكون قاسي معاها يتحرك بحكمة ويعطيها مبرر يريحها ويخليها تخفف من جرئتها ...في اكثر من طريقة .........والحين كيف بيتصرف معاها وهي تبي اهلها ..الله يستر مايعصب ويرمي الكلام بدون مايحاسب وتنهار نور مرة ثانية .........ضاحي وصية شايب الهم دوس عليها برجلك اذا جات لحظة انك حبيتها وشفت انها مؤهلة انها تكون زوجتك بغض النظر عن ماضي اهلها ...اتكل على الله واتبع قلبك وربك بيوفقك لانك رحمت هالمسكينة بس اذا بتسوي سواية فهيد ونويفان اذا اخذت الي تبيه بترمي المسكينة بكلام موجع خلك مكانك البنت مو ناقصتك
سهومة يعطيك الف عافية بس عاد اسحبي البارت شوي
يمكن يطول مانشبع من ابداعك ودايم نطمع بالمزيد
في انتظارك
|
05-02-12, 10:57 PM
لا يسمعني زوجي انا اتوووقع انه بيعرررف يداااوي شيوووخ زين 
جديد مواضيع قسم القصص المكتمله
العرض العادي
