كاتب الموضوع :
عبق الرياحين
المنتدى :
القصص المكتمله
اقتباس :-
المشاركة الأصلية كتبت بواسطة وردة الزيزفون  |
مساء الخيرات سهومة ...... فعلا بارت حزين وغير متوقع كنا متوقعين هالشي من ايام البارت بس ماخمنا طريقة الموت الله يرحمه بس الي فعلا بيتأثر هي اخته لانو بالنسبة لها كل شي الحين كيف بتتحمل الصدمة وهي بهالعمر الله المعين ........واكيد الدموع مستمرة لانو الاحزان والمصايب لسى باعها طويل
عبوقة تسلمين ياقلبي على النقل لاخلا ولا عدم منك ومن مجهودك ربي يعطيك الف عافية
انا اشوف الكل مذنب من ام عيسى لمريم لمحمد وحتى موضي احملها الذنب كله لانها السبب وبالاخير الي اختارته عذبها وماقدر الي سوته والسبب عجوز النار الي مااستبعد انها هي ساس الدمار كله
فعلاا الكل مذنب ومقصر تجاه علاطفال الي عاشوا يتامى واهاليهم حيين
اذا كان محمد انتقامه سيره وفكر بغباء مريم ماهي اقل منه هي تدري انو كان يبي بنت عمه بحكم انها صديقة موضي ليه توافق وتاخذه وكأنها ماصدقت وعلى فكرة مااستبعد عليها انها نفس موضي شايفة محمد من قبل وتمنته يكون لها بس الفرق انو موضي وعيسى الاثنين شايفين بعض وهي حطته بخيالها وعافت غيره علشانه لذلك كان يشك ويصدق فيها ويمكن اعتبر حركاتها قبل موعفوية وامه ماقصرت ببث سمومها
ومريم ماقدرت على محمد صارت موضي خاينة الحين ... اعتقد حتى لو ماتزوج موضي كان بيتزوج غيرها وهي ماراح يفكر يرجعها ....... بس هي الي حرق قلبها انو اخذ موضي الي يحبها موغيرها
هي وموضي تفكيرهم واحد رغم الاهانة الي لقوها بأزواجهم ماعندهم مانع يرجعون لنفس الجحيم ... وام عيسى مفكرة بعد الي صار لمحمد بيسكت لا وبيحرق قلبها اكثر هي لو كانت تخاف ربها ماشبت النار بين عيسى وزوجته وحتى لو انسجن عيسى موضي ماكانت بتتطلق لو حياتها سعيدة
مريم نفس محمد اخر همها عيالها لوهي تملك قلب ماكرهت عيالها الي مالهم ذنب وجاية مع امها تاخذ عيال غيرها اذا ماعرفت الامومة مع عيالها ماراح تعرفها مع غيرهم ........ الحين بنشوف حرقت قلوب الاثنين على هالولد هذا اذا طلع فيهم احساس .........الولد لقى الهموم والجفا من اقرب الناس له وماحمل معاه اي ذكريات حلوة منهم بنشوف مريم الي همها دمار موضي بينحرق قلبها على ولدها كثر مانحرق على طلاقها من محمد
ياقلبي هذااا نتيجه الزواج الغير متكافيء بين الطرفين الي كل واد فيهم يدور راحته
ام عيسى هل بتتوب وتهجد بعد مادمرت حيات عيالها ........ والله تفكيرها الغبي بيستمر ... والله موكاسر خاطري غير هالاطفال سواء عيال محمد او عيال عيسى الي كأنهم انولدو للانتقام من احقاد الكبار يعني الهدف من وجودهم بس الانتقام اتمنى يصحو خلاص من سواد القلب ويفتحون باب جديد وكلا يرضى بنصيبه
الله ياخذها عجوز الناررر هي راس البلاا جالس تشحن عيالهااااا وهم يفرغون
مازال هناك الكثير نجهله عن عيسى وشخصيته وهل الي صار له كله مدبر او طيش وليه امه تحقد على موضي اذا كانت من البداية ماتبيها ليه مامنعت عيسى عنها وليه زوجت مريم لنفس العيلة مانقدر نحدد بالظبط مين السبب في هالدمار كله ..... ومااعتقد انو عيسى انسان عاقل ورزين دامه كان صديق فهيد وكان يصدق امه واخته في تبليهم على موضي
ماادري بعد كل الي صار بليلة زواج هالاثنين هل بيكملون حياتهم عادي مع اني اتمنى لانو بنت محمد محتاجة لصدر يحتويها بعد فقد اخوها ومااعتقد الي صار بيخلي محمد يضحي ويرجع مريم علشان بنته وخصوصا هذيك مو مثل موضي اهتمت بعيالها بعد طلاقها
اتوقع ان موت خالد راح يحدث فرق كبير بحياتهم ويغير مسار حياتهم
فارس مسكين لانو هو وسعد كانو اقرب اثنين لعيال محمد وغير كذا شاف الي صار بعيونه وشاله بين يديه الله يصبره احس فارس بيتغير كثير بعد هالصدمة والضحكة بتفارقه مدة وهالشي ممكن يخلي الجدة تتحرك وتخطب له هند وتزوجه اياها لانها تحبه وتحب مزحه معاها خوب هي ماتعرف تداويهم الا بالتزويج خخخخخخخخخ
فارس هو اكثر واااحد متاثر بوفاة خااالد وحالته تقطع القلب
نويفان بعد ماشاف ولد اخوه ميت قدامه هل بيحرك ضميره شوي ويتذكر ذنوبه ويصحى منها قبل يجيه مصيره وهو مستمر بتكبره وعنجهيته هل بيرحم هاليتيمة ويسترها بصراحة اشك انو يسويها لانو مابيحس الا بمصيبة اكبر على راسه
ضاحي شالقرار الي اتخذه هل بيطلع نور من المستشفى وياخذها تعيش معاه مااعتقد انو ماتملك عليها دامه يجلس معاها لوحدة وباب يتسكر وضاحي ماكلم الشيخ الا علشان الحلال والحرام وخصوصا انو نور ماتصبر عنه لذلك اتوقع انو بيطلعها من المستشفى دام صحتها تسمح يمكن اذا طلعت وشافت الدنيا تتحسن نفسيتها اسرع بدل هالحبسة وكتمة النفس
منيرة الله يعينها على هالخبر الي اكيد بيتعبها ويمكن تدخل المستشفى بسببه لانها تشوف حالها السبب في موت خالد واعتقد بتظل فترة بحالة صعبة
شيوخ نامي بس نامي نوم الظالم عبادة الدنيا حوسة وانتي بحقدك وياليت تجلسي ببيتك حتى وقت العزا لان الي مثلك يزيدون هم الواحد مايخففوه واشك انو بيتحك بقلبك شي لو عرفتي الي صار لانك ماتهتمي بهالعايلة من كبيرها لصغيرها فنومك اريح للكل لانو خواتك مو مثلك بيحضرون العزاء وبيواسون المحزون يعني لاتروحين تشغليهم لانهم موناقصينك هالوقت مع كلامك السم وطولة لسانك
حلللللللوه نوم الظالم عباده هذي مقوله دائما اقولها لعيالي
سهومة اعتقد البارت الجاي تكملة لبارت اليوم ومايحمله من احزان وماراح تنتهي هالاحزان طالما احوال الابطال مأساوية ....... وبالنسبة للتصويت لاتوقفي البارتات في الامتحانات لانو ماراح يفوت عليهم كثير وخصوصا بعد هالعمق الي دخلناه بالرواية غير كذا اذا بتوقفي يعني بتاخذي شهر لانو امتحانات الجامعة تختلف عن المدارس وانتي لازم ترضي هالطرفين من الطلاب لذلك استمري وماراح يضرهم شي والبارتات ماراح تكون كثيرة عليهم ...والقرار الاخير لك ياعسل
|
صباااحك راحه بال وسعااااااده زيزفونتي
ياهلااااا وغلاااااا باحبه الراي السديد والتحليل الشامل
الله يسلم قلبك من كل شرر هذا واجبي ويكفي تواجدكم حولي لاعدمت وجودكم
|
03-01-12, 11:18 PM
جديد مواضيع قسم القصص المكتمله
العرض العادي
