مساء الخيرات ........مساء الورد والفل والياسمين ......... كيفك سهومة وكيف كتكوتتنا ...تسلمي ياقلبي على البات ومشكورة على بارت الاحد حتى لو كان صغنون اكيد بيكون كله عن زواج مويضي وحمودخخخخ

تسلم ايدك عبوقة على النقل لاخلا ولا عدم ياقلبي
نويفان وسيافوه وسارة

نويفان قاعد يلعب بالنار وماراح يحترق فيها الاهو الحين هو بيخدع اهله بشخصية الخمة الشيفة الي جايبه وبعد كذب على سيافوه في سبب تزويجه لسويرة بدل مايتزوجها هو .........طيب وهالطرطور الشيفة لما يشوف الفتنة سارة بيتركها ديكور يعني والا مفكر علشانه سكير مثله انو بيقرب منها وهو مخمور وفاقد ...... طبعا هو مفكرها بنت ماحد قرب منها وبيكتشف انو انخدع وصار طرطور بيد نويفان واعتقد ردة فعله بتصدم نويفان هذا في حالة تم الزواج غير كذا اغبى من نويفان ماشفت متأكدة سهومة انو عنده شهادة كيف يبي يزوجها لانها وحيدة وخواتها تزوجو ويبي ياخذ راحته بالدخلة والطلعة وهو يبي سيافوه يتزوجها بس اسبوع شهالغباء والثور الثاني كيف مالقطها يخلف الله على الي ماله عقل الشرب لحس المخيخ الي باقي فيهم مالت بس مالت


سارة اتمنى فعلا تتحرك وتترك الخوف وتخلص حالها قبل مايتمم بيعته لها الخسيس وبرايي تروح لمنيرة امه وتخبرها بجرم ولدها لانو الجد ماراح يصدقها ويكذب نويفان وهو يشكك بشرفهم وحتى صقر شكك في كلامه وصدق الخسيس وهو يعرف مين هو الصقر ..... والجدة ماحبتها لانها تشبه امها ومالها اي خاطر عند الجد والدليل رايها في زواج وضحى من الفاشل فهيد غير كذا هي بعد مصدقة انو الولد لصقر يعني الذكاء نفس المستوى بس منيرة نقطة ضعف نويفان تروح لها سارة وهذيك بتحل الموضوع بدون ماحد يدري وبتستر على هاليتيمة الي انسلب شرفها في بيتها وبيد واحد من عيالها


شيوخ والصقر

صقور تسلم ايدك على الي سويته بنويفان رجال طول عمرك بس ليتك كسرت هالخشم علشان لايرفعه على العالم وهو اكبر زبالة على وجه الارض لاتخاف حقك بتاخده وبتفضح هالخسيس بس تحرك وجيب الدليل القاطع

شيوخ هههههههههههههه اي يابطني هههههههههههه اجل تشمشمين بهدومه وتدورين ريحته ههههه والله ماراح يأذبك الا ولدك الي بيكسر عنجهيتك لانك ماراح تكتفين بريحة الهدوم لا الا بتلصقين بصقير ومابتقدرين تفاريقين عنه وبتستغلي وقت نومه وبتنامين بحضنه خخخخخخخ بس بيطيح عليك صقير بيوم وبيستغرب حالتك لسانك يقول شي وتصرفاتك شي الين يطيح صقور على سرك ويبتدي يداويك وان شاء الله تكون بداية خير


فارس وهند

فروس اجل طلعت حساس بعد على هالمزح والضحك الحمد لله الي ربي برد قلب امك فيك وعقبال مايبرد خاطرها على صقور ... وهند اجل كنتي خايفة يموت من دعاويك اي رقعي رقعي الايام بتطلع المستور والمخفي ومالك الا ابو الفوارس بس كفي لسانك ولاتقلدين شويخة شمامة الملابس ههههههههههه

فهيد الخسيس

خير اخ فهيد مصدق حالك تراك ماخذ تاج راسك لو ربي حاط الشر وسلاطة اللسان فيها كان ربتك انت وعمشة الي ماخافت تأثم في هاليتيمة ومو بس هي كل العايلة لانهم ماخبرو وضحى حقيقة الخايس وبيخلوها تنصدم فيه حسبي الله ونعم الوكيل

فهيد مو شيوخ الي بتقطع ايدها انا الي بقطع ايدي اذا ماكان تربيتك على يد وضوح الي مقللين قدرها انت وامك على شي الله خلقه فيها وله علاج ...بس صبركم على وضوح وعقلها الكبير


موضي ومحمد

موضي طاحت من عيني اصلا من يوم عرفت انو عيسى صديق لفهيد وهي فضلته على محمد طاحت من عيني لانو لافهيد ولا الي يماشيهم فيهم خير والظاهر الي سواه فيها عيسى ماربها
محمد كان عشقه لها من الصغر وتصرفاته من غيرته عليها بس هي من رزت وجهها عند عويس الي الظاهر من شاف خشتها سنتر ببيتهم خلاص صابها الي صاب سويرة
الحين وحدة بعمرها بتصير على ذمة رجال ربي بيحاسبها على اي غلطة بحقه تخونه وتفكر برجال غيره ماعاد يربطها فيه غير عيال .......هي ماضيعها الا عقلها وعنادها بس راح تعرف قدر محمد وبتعرف الفرق
عيسى الي عاشقته ومفكرته يحبها كان يصدق فيها ومايوثق فيها عيسى ماصان كرامتها كان يمد ايده عليها والظاهر هي عادي عندها تتعامل بأحتقار بس ماتفارق عويس

محمد حبيت وحدة ماتستاهل ليتك اخذت وضحى غير تنسيك مويضي الي تسواها الف مرة ......جد مصدومة فيها وفي تفكيرها على كل الي جاها منه ومن اهله مازالت تتمنى قربه ذنب محمد برقبتها ومالها عذر عند ربها اذا خانته حتى بتفكيرها وفكرت برجال محرم عليها اذا ارتبط اسمها بمحمد

اتمنى محمد مايتركها على هواها وزواجهم يتم بشكل صحيح مو على ورق يمكن ساعتها تحس على دمها وتترك تفكيرها الغبي


ضاحي ونور

هالاثنين الي احسهم بدايتهم بتكون احسن من غيرهم صحيح وضع نور يعور القلب بس ضاحي بيساندها وبيدعمها وبيحبها بعد وتعلق نور فيه بهالطريقة هي البداية .........بس الي متى بتظل بالمستشفى ليه ماتطلع وتكمل علاجها بالمراجعات دام بعد ضاحي يرعبها ويخليها تنهار الله يشفيها حالتها تعور القلب


سعد والريم

سعد هههههههه حرام سهومة زوجيه الرجال بيستخف يبي يتزوج صار له دهور مملك على ريم ومابينهم لاشوفات ولا مكالمات ارحمي حاله ههههههههههه


تصدقي سهومة نويفان ماتنفع له الا وحدة مثل خايسته لو تزوجها وشاف انها موبنت الف واحد معاشرها قلبه والف غيره يعاشرها وهي على ذمته ساعتها بيعرف قدر بنات بلاده
للاسف شباب كثير امثاله من يشوفون الشقر والمفاتن المعروضة للرايح والجاي يفضلها زوجة على بنات بلده الي ماحد لمح شعرةمنهم ......يفضل بنات الليل يحملون اسمه على وحدة مطلقة او ارملة والسبب واحد واحط مليون خط على واحدسبقه قبله وهي متزوجته بالحلال بس الي معاشرة غيره بالحرام ويمكن حملت كذا مرة واجهضت على قلبه زي العسل صدق تخلف وانحطاط اخلاقي

يسلمو سهومة ماقصرتي في انتظار زواج حمود ومويضي