يسلمووو سهومه وعبووقه




بارت اعتبره تمهيد لاحداث البارت الجاي ..


وياليته يكون اطول بليز ..


ما ادري ليه احس ساره بتحاول تنتحر ونايف بيتزوجها او خويه الثالث

وجاني احساس سخيف هههههههههه يمكن ان سلطان بيعرف وبيستر عليها

بما انه بيتزوج عشان جدته وهو ما يبي فما راح تفرق معاه


صقر بدا يحبها بس مو يتعامل بالضرب بهالاسلوب ..

وش سر شهقته ليكون قصت شعرها او شوهت شكلها !!!!!!!!!!!!!!!!!!!!!!!!!

او انش بتصدمينا وتطلع متمكيجه ههههههههه ما اتخيل وجهها بمكياج ..






يسلمو مره ثانيه ومتحمسين للبارت الجاي

صباح الخيرات سهومة ........ والله يشفي صديقتك وتبشرينا عنها يارب وبقدرة قادر يزول عنها كل هالمرض .... اما عن توقيتك حلو بصراحة اتمنى ماتغيرينه ومثل ماقلتي يقدرون البنات ينامون بدر ويصحون للصلاة وبعدين يقرونه... ويسلمو عبوقة ياقلبي

نجي للبارت ومايحمله لنا من احداث .... مع انو في اشياء احس مخي مو قادر يخمن شالي ممكن يصير بالاحداث الجاية


صقير وشواخ

ابي افهم شي واحد هالاثنين وبعدين معهم ترا مصخوها هذيك متكسرة مكفخة محبوسة مجوعة ولسانها وعنادها على نفس الخط وصقير والضرب شغال عنده مايعرفون يتفاهمون مثل البشر ابد

شيوخ الى متى يباسة الراس شتنتظر اكثر عيب عليها والله شخلت للبزارين هذي تصرفات بنت عاقلة وتستوعب الي يصير حوالينها ... في عقدة مخربة شخصيتها من الماضي قلنا ماعليه بس الواضح انو عقدتها مو من الرجال يعني مااعتقد تحرشات بسبب جمالها لانها قشرة مع الكل كبار وصغار حريم ورجال السالفة اكبر واتمنى تكون مقنعة مو شي تافه مثل مشكلة سلطان الي مكبرها زيادة

وبعدين ابي افهم سالفة البرقع الي مصرة عليها خلاص الرجال وشافها وشبع منها البرقع ماراح يمسح صورتها من عقله وهالشي ابسط حقوقه مايبيها تتغطى عنه واعتقد من واجبها تلبي حقوق زوجها بدون تصرفاتها الصبيانية وبعدين يومها تعبت من قوته عليها ليه ماتلين وتعقل ليه مصرة تذل حالها وتمسح بكرامتها الارض ماراح تعقل الا اذا صقر كشف ماضيها لانو بيغير اسلوبه معها وبيعرف من وين يرجع لها شخصيتها الاولى واكيد ماراح يوصل لسرها الا من وضحى وان شاء الله يستغل طلعتهم للبر ويعرف حكايتها لانو حياتهم صارة مملة لابعد حد
بس شفيه صقير منصدم شيوخ شمهببا بعمرها ومغطية عويناتها والله ذي مااستبعد عليها تشوه عمرها مجنونة وتسويها ........


وضحى وفهيد

مسكينة وضيحي ماتدري عن عريس الغفلة وبلاويه اعتقد انها بتنجبر على الزواج منه حتى لو رفضت دام الشايب الي مايخاف ربه زوج شيوخ غصب فاوضحى نفس المصير بس بتنظلم بالزوج مع اني متأكدة وراه سر وماراح يعدله الا وضحى واذا شاف تعاملها واحترامها له الي مفتقده من الكل راح يتعلق فيها بس لازم يذوقها المر بالاول
هذي اول التباشير انو عمها يدعي عليه وماخفي كان اعظم ....


محمد وموضي

وربي هالمحمد يبي له كف يصحيه من ظلمة لعياله ماحد ضربه على يده وقاله يتزوج امهم ويناسب عويس بالذات خلي غبائه ينفعه ودامه ماكان يبي عيال ليه ماسعى لها الشي والله اذا بغى حاجته نسى العيال والحين يحط حرته فيهم شهالتعامل الخايس الي يتعامل فيه مع اطفال صغار اجل كيف بيتحمل عيال غيره او بالاصح عيال غريمه بس موضي هي الي بتأدبه وماراح تنوله قلبها الا اذا صار اب يعرف حقوق عياله واكيد هي احسن منه وبيكون في طرف يحن على هالعيال الي لو هم يتامى كان حالهم ارحم

الخوف لو تحمل موضي منه ساعتها هالعيال هم الي بياخذون الحنان والاهتمام كله وبيكون في تفرقة من محمد لعياله وعيال موضي و الولد الجديد مع اني اتوقع موضي ماراح ترضى تحمل الا اذا محمد اثبت لها انو يستحق الابوة
ومنتظرة الرحلة ومايتخللها من احداث الي اكيد محمد ماراح يخليها تعدي بدون فايدة له


سويرة ونويفان

سارة مصيبتها كبيرة حيل وصغر عقلها وخوفها مربطينها وشكلها بتحاول تنهي حياتها من اليأس الي بقلبها بس مااعتقد بتحمل لانو نايف الخسيس ماراح يهتم بالولد وبيكرر كلامه وتهديده انو الولد مو له وبعدين لو حملت راح يكون ولدها ولد حرام الا اذا مات قبل مايجي للدنيا بس طول سفرة نايف بتسوء حالتها

اما اجبان الخسيس ربي بيعطيه على قد عمله وبيشوف الحقيرة الرخيصة الي رايح لها بأبشع صورة بتظل براسه وبيعرف نجاستها وغرضها من ملاحقته لها ويمكن هالصدمة هي الي تصحيه وتخليه يرجع يتزوج سارة لانو مااعتقد في شي غير الصدمة والانكسار بتخليه يصلح جريمته غير كذا بيحط حرته وعقدة فيها ...وهذا جزاها الي ناظرة الجمال الخارجي وانفتنت فيه وصارت تسعى له بكل قوتها ونست الجمال الداخلي والاخلاق


ضاحي ونور

ضاحي بيكون في دوامة مصيريه ومابيعرف يطلع منها بسهولة مثل ماهو حاط بباله ... هو لسى ماشاف نور وضعفها وحاجتها لانسان يحميها من هالبشر الي حواليها واعتقد انو كرجل وعنده زوجة حلاله ماراح يقدر يبعد عنها وبتحمل منه واكيد ماراح يرضيه هالشي بي هذا الشي الي ربي بيكتبه لنور علشان تظل مرتبطة بضاحي غير شرارة الحب الي بتشتعل بقلب ضاحي



هند وفارس

فارس عسل الرواية ونكهتها الجميلة اما ام البلع هندوه تجيب الغثة احسن شي سواه فيها فارس انو سرق الكيكة خليها تخف لاتنفجر على الاوادم حشى دعاوي على ولد عمها علشان كيكة مودافعه فيها ريال ...يمدحون الرشاقة والرزانة واعتقد مو من الادب والحشمة تاخذ وتعطي مع الرجاجيل حتى لو كان ولد عمها وهذا خواتها يسمعون ويشوفون تصرفاتها ياليت وحدة تتكرم وتوقفها عند حدها كافي شيخة وحدة وكافي سارة وحدة وهذي شكلها بتكون مزيج من الثنتين وماراح تعقل الا بمصيبة كبيرة تعلمها درسها زين


سهومة في انتظار البارت القادم بشغف كبير

صباح الورد

واخيرا عودة بعد انقطاع ... سلامة صديقتك سهومة والله يشافيها
ويشافي مرضى المسلمين والمسلمات ويجعله تكفير لذنوبهم يارب

بالنسبه للبارت رائع وان كان من روعته ننصدم بسرعة نهايته


شيخه وصقر : شيخه بعدي والله هبلي بهالصقر جننيه طفريه طلعي عيونه
خليه يعرف ان الله حق ومو كل ماعجبه شي قال انا بربيه ولا بعدله خيييييييير
مصدق نفسك عالاخر .... اظن ان شيخه من طيبها بالاول وسذاجتها كانت تطلع
ووجهها مكشوف وماتغطيه وفيه شخص كان يترزز عندها ومو مهتمه بهالشي يمكن ببداياتها
بالبيع بالبسطه حتى جاء يوم وحاول يتعرض لها واتهمها بانها هي الي بتصرفاتها جبرته على كذا
ومن يومها وهي تغطي وجهها عن الجميع حتى ماينقال لها نفس الكلام مرة ثانيه وبنفس
الوقت عرفت ان المراه الضعيفه الطيبه مالها مكان بهالعالم فبنت حول نفسها جدار القسوة
تغطي فيه ضعفها وقلة حيلتها هي واخواتها بدون رجال يحميهم
.
اما صقر التبن لا مو صقر الا غراب ونعق فوق بيت البنات من يوم جاهم واخذهم للمدينه
وهذاهم كل واحده ونصيبها اقرد من الثانيه بسم الله على شباب العايله مريضين معقدين
نفسيا وكلهم كلاكيع .. ارجع لصقر العله وعسى ليدك الكسر وراك مصبح وممسي ضرب
بشيخة البنات عساها تفقع مرارتك وترفع ضغطك ببرودها وردودها عليك وبزيادة خلك
ماتهنى بحلاها مثل ماودك .... اظن ان صدمة صقر من منظر شيخه راجعه لانها حاطه
مكياج تخفي فيه اثار ضربه وتكفيخه لها لانها بالعادة تلبس برقع ولما غطت عيونها فلانها
ماتبي رسمة عيونها تبان لاي احد من اولاد عمها عامة ولصقر خاصة وهنا هو خلاص
عيونها من غير شي انهبل عليها شلون بعد ماتكحلها وترسمها خخخخخخخخخخ
ومااظن انها اخفت عيونها عنه حتى مايشوفها او يشوف دموعها لانه خلاص شافهم قبل ماينزلون
وماراح يتفاجأ بمنظرهم وهي ماعاد لها تخفيهم عنه الا عنادا وقهرا فيه بس


ايه ذكرت قال ايه ماراح اطلقك حتى ماتلعبي بذيلك يابنت الهنديه صدقتك وربي
الا قول ان قلبك الي بين ضلوعك ماعاد يقدر على فراقها وفراق جمالها


فارس وهند : هالمزح والطقاق الي بينهم اخاف انه يتحول لشي ثاني كبير بسبب التحدي


فهيد ووضحى : مرة مصدق نفسه خلاااص وافقت لا تكفى لاتوافق مع وجهك ... انتظر بس
وضحى وش بتسوي فيك وشلون تعدلك يالفهيم


سارة ونايف : بعض الناس حظها في جمالها بس وسارة زينها وجمالها خلوها ماتشوف شي
في الدنيا غيرهم حتى ضيعت الاولي والتالي بتهورها وحتى لو حملت ماظنتي ان هالتعبان نايف
بيساعدها او بينجدها ومع ضعف اخلاقها ياخوفي تحاول تنتحر او تتصرف تصرف لامسئول



سلطان ونورة : الى الان سلطان قانط وتعبان بحياته وبايعها ببلاش شلون بيكون تصرفه
لما يزوجوه جميلتهم هل بيخاف انها تلعب عليه بجمالها فبيتقصد يجرحها ويكرها بحياتها
ويتعامل معها ببرود حتى ماتقدر تسيطر عليه بنظره وهي شلون بيكون تعاملها مع واحد
عايش بالماضي وللماضي



محمد وموضي : اول شي هالمحمد تصرفه مع اولاده ماهضمته ودي اكفخه على خشته
واعدل مخه دامك مو قد العيال ليه تجيبهم وش ذنبهم تعقدهم في حياتهم المساكين ....
ثاني شي موضي وراها مشوار طويل من العتاب معاه .. كيف قدرت ترفضهم وترده
وهو المحب الولهان لها راح يتعبها معاه ويتعب قلبه معاه قبلها الى ان تمتص غضبه
بحسن تصرفها وطيبها وحنانها


ابو محمد : قاهرني وين الي دق الصدر بحميكم وبكون لكم السند شوف البنات الحين
وش حالهم الي متكفخه ومنطقه بعقال الله لايبارك فيه صبح وليل والي مغتصبها ولدك
السكران والي بيزوجونها ولدهم العله على قلوبهم والي بيزوجونها مريض نفسي
يعني حالتهم من سيء لاسوء

واخيرا وليس اخرا من قلتي بالبارت السابق ان فيه خرجه للبر عرفت انه بيكون
بارت حمااااااااسي بمعنى الكلمه واحنا بانتظاره وبانتظار مفاجاته : وضحى ولقاءها
الاول مع فهيد - موضي ومحمد - هند وفارس - صقر وشيخته - سلطان ونورة -


سلمت انااملك سهووومه ويعطيك الف عافيه

السلااااااااام عليكم..
مرحباااا عبوووووووقه الله يعطيتس الف عافيه على النقل السريع للبارت.
وتسلم ايدتس سهوومه على هالبارت الحلووو بس حساافه حسيته خلص بلمح البصر اعتقد اني اللي خرب علي هو اني قريت كل الاجزااااء على مرحلتين وكل مرحله اطوول من الثانيه فالحين عاد الله يعينكم علي بشوف كل جزء صغير الا لوو ارضيتينا صدق وخليتي الجزء مايخلص الا بساعه ونصف>>فيس تعجيزي..هخهخهخه

احب اقول اول شي الله يشفي مرضانا ومرشى المسلمين جميعاا ويشفي صديقتس ويعافيها ويجعل هالمرض عليها اجر وخير ويعافيها منه عاجلا غير اجل ياارب العالمين..

وثاني شي نجي عاد للاحداث اللي بهالجزء.. اووول شي حسيت اليوم شيخه فيها نسبه هدوووء مع بقاااء التوتر بالاجواء.. بس اهم شي فكتنا من المنافخ واالمكافخ وصراحه الموقف اللي وقفتي عليه بين صقر وشيخه وشهقه صقر يوم رفعت عيونها فبما انها متغطيه اتووقع انها متكحله فقط يعني ما اتوقع ان وحده مثلها تعرف للشدو والاي نيلير وهالحركات فعليه بنقول انها مكتفيه بكحل وهو لانه ماشافها ابد بكحل فاكيد بيكون شكلها غريب عليه.. والا عينها ماتتبين من كثر ماهي منتفخه من الصياااااااااااااح والبكى؟؟؟

محمد : ابي اعرف شي الحين هالعيال لك والا لغيرك . يعني مريم جابتهم بروحها مثلاااا ..؟؟ ماتستحي على وجهك وانت معادي هالبزران الصغار يااويلك من الله.ز لااااااااااا ومنزين الخشه تبي تتزوج موضي وبتربي عيالها ..انت اول رب عيالك وبعدين تفنتك علينا بتربيه عيال النااااااس ..اصلاا اذا عيالك اللي من صلبك مب طااايقهم عشان امهم شلووووووووووون بتحب عيال موضياللي ابووهم خال عيالك وعدوك ..انت تلعب على من ياا الشاطر؟؟ لو اني من موضي ارجع عن موافقتي عليك هي تبي احد يربي عيالها وهالشي مستحيييييييل انت تسوويه لانك ماتطيق ابوووووووووهم وعليه اتوووقع ان موضي بتدري عن فعايلك بعايلك وبتقول اذا عياله ماااراابهم وماحبهم شلون بيحب عيالي ويعطف عليهم؟

نايف : جعل الطياره تطيح فيك ياا الحقير .. عادي ومستانس وتسوولف ولا كانك مسووي مصيبه في بنت عمك؟؟ حسبي الله عليك كانك ماحسيت فيها ومفكر انك بريء ياا الشري..
اتمنى بس الحين تجيك الكواابيس اللي تهجدك وكلها في ساره وماعاد تقدر تفتح عيونك الا هي قدامك وكل ماغمضت عيونك تشووفها قدامك.. خااطري ان ها اللي سويته يكووون ظل لك مايتركك لين تخطبها وتتزوجها ..

وضحى وفهيد: ياااااااا ويل قلبي عليتس ياا وضوح .. ياا والله العرس اللي ينعاف من اوووله قبل تاليه.. اجل سمعتي ابوهـ كيف يتكلم على ولده.. ويااااااااامااااااااا باقي اخطر واشين بس هالشي صراحه وسع صدري خليتس تعرفين انتي من بتاخذين يعني كل الصوور السلبيه والقاتمه حطيها لهالفهيد لا تتأملين فيه خير ولا تبنين عليه احلام ورديه بس من تاخذينه وريه الشغل العدل.. الا لو بتصيرالمفاجأه وبترفضين فهيد يوم عرفتي انتس بتدبسين فيه؟؟؟

عبوووووووق الف شكر قلبووو على النقل وتسلم ايدتس وايد الكاااتبه .. بانتظار عادالبارت الجاي اذا الله احيانا بكل شوووق للرحله والاحداث اللي فيها .. واتووقع ان وضحى بتشووف فهيد فيها وبتحدد وش راح يكون قرارها..

متى بينزل البارت :| ودي اقراه قبل المباراة :( ؟