تسلم يدينكم على النقل والكتابة ..
انا متابعة جديدة بس جد القصة روعة ..
صقر يامال الكسر ان شاء الله ترى في تعامل غير الضرب حسبي الله عليك..
عورت قلبي سارة وياخوفي تطلع حامل وهذا اللي يجبر نايف انه يتزوجها ..
الله يعطيكم العافية

يسلمو سهومة على البارت بس والله يعل القلب ومافيه شي يسر الخاطر مواجع واهانات مع اعتقادي انو الدور جاي على وضحى ونورة


صقر وشيوخ

وقسم هالاثنين يبي لهم تربية من جديد .....شيوخ هذي الي تقول انها تخجل والله هي بصوب والخجل بصوب ثاني تجيب لحالها الاهانة والضرب وتدوره دواره كأنها بهيمة بلا عقل وتسوي حالها مظلومة ومكسورة

ابي اعرف وين خوفها من ربها بالي تسويه بزوجها ليه ماتصير عاقلة وتبطل حركات العنف الي بغير وقتها طولة لسانها بأيش فادتها

وبعدين مافيها احترام للكبير عمتها تحوس بالمطبخ لحالها وحضرتها جالسة بغرفتها ووقت الاكل ماتستحي تجي تاكل على الجاهز ليه حضرتها متعودة على الخدم والحشم عيب عليها مالها اي عذر على معاملتها للكل بهذي الطريقة الوقحة واذا بغت شي عرفت الحقوق والواجب يعني حقوقها تبيها بدون نقصان والحقوق الواجبة عليها ماتتنزل تسويها اجل تتحمل صنع ايديها ومافي مبرر لكل الي سوته وتسويه

ومااعتقد عذرها اعظم من الي صار بسويرة ........ماتسوى عليها كل هالضرب مااحد قالها تكون سلبية ولا تكون بهالوقاحة .......... ووضحى دامها عارفة سالفة شيخة لازم تتحرك يااما تخبر صقير يااما تشوف لاختها حل مو تسكت بهذا الشكل وتكون بلا فايدة ....... الغلط غلط والي تسويه شيخة وقاحة وقلة تربية


اما صقيران خير يالاخو ماعندك الا هالطق بذا البنت تراها مو ند لك وجسمها مابيتحمل كل قوتك وبتندم على هالاسلوب واذا انت مقهور انها مانولتك جمالها مثل ماتبي شوف اسلوبك الي استخدمته وبعدين اعترض اعتقد انو في ميت طريقة تقدر تتعامل مع زوجتك فيه عيب عليك رجال طول بعرض تمد يدك عليها صدق هي وقحة وعديمة تربية وماتستحي على وجهها بس في اساليب تعلمها الحيا بس انت ماعندك عقل تفكر فيه اثنينكم اغبياء هي تسوي حالها قوية وتجيب لحالها الطق والاهانة وانت تتعامل معاها نفس تعاملك مع مجرمينك

الحل انو واحد منكم يستخدم عقله وبتقدرون تغيرون موجة حياتكم وشيوخ تحلم بالطلاق خلاص مابيفرقها عن صقيران الا الموت والزواج مو لعبة ولا تفكر انو الفلوس الي اخذتها بتغنيها هي وخواتها عن العايلة وحماية الرجال وخواتها بعد بيمشون بنصيبهم قريب

سويرة ونويفان

سويرة مااقول الا انتي الي سعيتي للي صار برجلينك شدخلك فيه تروحين معاه وتتلصقين فيه هذاك شفتي الجمال على اصوله ارخصتي بنفسك لواحد بايعها والايام الجاية راح تعلمك درسك الي رميتيه ورى ظهرك ومشيتي ورى شهواتك وغرورك الا تبينه يلتفت لك هذا هو شافك وشبع منك بأبشع الطرق وبعدين من يقول مغتصبة هذي تضحك فيها على حالها لانها هي الي راحت لحد عنده برجلينها وبنشوف كيف بيتم الزواج لانو اكيد بتتزوج نويفان ماغيره وبتذوق العذاب والاحتقار منه والشك بكل تصرفاتها

اما نويفان ماعليه شره الي حب وسخة مثل هذيك الكافرة الي عرضت حالها عليه بالحرام مثله مثل العشرات غيره وهذا هو الى اليوم ميت عليها وبنت عمه يشكك بطهارتها صدق خسيس وماعنده غيرية

عاد سفرته هي الي بتعلمه درس ماتعلمه من صقر يوم سوى الي سواه وبيشوف خايسته على حقيقتها وبيفتح عينه والولد ماهو ولد صقر وبيرجع مقهور اعظم من قبل بس كاره جنس الحريم وبيحط حرته بسويرة الغبية والاثنين حياتهم بتكون عدم ثقة واحتقار لبعض

نور وضاحي

في انتظار حياتهم الجاية والي ينتظرهم ببلاد الغربة ورجوع نور بشخصية جديدة وذاكرة جديدة وكيف بيتعامل ضاحي معها


في انتظارك سهومة وفي انتظار طلعة البر وماينتظرنا فيها من احداث بين موضي ومحمد وهند وفارس الي اكيد بيكون بينهم لقاء

البارت نتفه اتمنى من الكاتبه تطول البارت خصوصا ان فيه وقت كافي

السلام عليكم..
اووووووووووووووووووف واخيراااااااااااااااااااااااا وصلت لكم>>فيس منسدح من التعب بعد الوصول بالسلامه..هخهخه
ها انا ذا عدت وبجعبتي ردي>>فيس مسوووي لنفسه دعايه وسالفه..هخهخهخهخه
عبووق تسلم الايادي على هالنقل الرائع.. ذوووق رووعه يااقلبي .. تسلمين وتسلم الكااتبه المبدعه..لي فتره ماقريت قصه جذبتني مثل هذي.. على الرغم ان موضوعها من المواضيع اللي مو غريبه علينا وهي سالفه عيال العم مع بنات عمهم بس لها جانب ثاني حلوووو ..
وعندي ملااحظه صغيروونه مرررررره مرررررررره ولوو اني المفروض ما اقول أي ملاحظات وخصوووصاا انها متأخره وانا تووني بديت فيها ووصلت لكم وماراح يكون له اهميه كبيره مثل اللي قروها من اول بارت او ثاني بارت.. بس اللي حسيت فيه وانا اقراها و قلت بقوووله. وخصوووصااا ان الكاااتبه مشاركه هنا لعيون هالقصه الحلوهـ.. وهوو ان اللهجه البدووويه في القصه قوووويه مررره مرررره زي مثلا لما يقولون وشلونتسن.. علومتسن.. يعني انا افهم ان كبار السن يقولونها بس الشباااب احس انها غريبه عليهم وخصوووصااا انهم رابين وعايشين بالريااااض طوول عمرهم .. افهمها من البنات لانهم متربين بالدوادمي وعايشين فيها بس من شباب القصه اهل الرياض احس انها قووويه منهم ..وبس ياعسل..
نجي الحين عاد لربعنا بالقصه..
اكثر شخصيه دااابلتن كبدي شيخه ..شيخه هذي اعتقد لازم يكشفون عليها ويشوفون وش جنسها يمكن تطلع ولد.. اقطع الله هالخشه واقفه تحدين الرجال وتنافخين عليه وتعطينه كفوف بعد..
ياختي الحرمه حتى لو هي شرسه وقووويه لابدتغلط وتطلع عليها تصرفات انثووويه ..يا اختي هالغلط ماشفناه منتس ابد .. بسم الله علينا ماغير طايحه بالخلق سب وشتم وقلة ادب..
ابد ابد مااافيه غلطه صغيره تسووينها وتدل انتس حرمه. اووول ماشفت صقر عطاتس كف قلت صدق حمار تاركينهم كل هالسنين والحين جاي يتمرجل عليها.. بس لما شفت تصرفاتس الحين قلت تستاااهل كل مايجيها والله يلوووووووووم اللي يلوووووووومه باللي يسوويه فيتس .. والله لوو انه طالب العون ان مانقصر معه.. الرجال بغى يروح عمره بقنبله وانتي مافيه احسااااااااااس. يااحمااره هذا رجلتس وبعدين ماشفتي منه شي يخليتس تسووين هالسوايا كلها ..والله ما الوومه يوم هو يمصطتس بالعقال..قهرتييييييييه وحريتي قلبه.. انا اللي هو انا قهرتيني وحريتي قلبي وشلوون هو الرجال اللي له هيبه ..تدرين لو انتي ياا الغبيه تبين تقهرينه سووي كل اللي يبي بدون ما تحارشينه ولاتكسرين كلمته جعله ينكسر راستس قوولي آآمين..بيحتر اكثر وهو مايقدر يمد يده لان اللي مثل صقر يبون اللي يلاغيهم ويرد عليهم عشان لو يكفخهم الاه معذور وانتي لو كنتي عاقله وتسووين اللي يبي بدووووووووووون مااا ترفضين له طلب بس تتعاملين معه ببروود ومثل الثلج صدقيني راح تقهرينه اكثر فخلي السلام يعم في قصتنا كود ان الله يخلينا نشوووف شيخه الانثى مهوب شيخ الولد..هع

صقر: هيبه وشخصيه ورزه .. واخرتها تتمرجل على الحرمه.. ماعندك حمد الله تفاهم .. على طوول تمد يدك وبالعقال.. ؟؟ شوف انا معك انها تبي تأديب بس كذااا مدري شلوون بتأدبها هي عنيده وقوويه وانت شفت يعني يبي لها اسلووووووب تعامل ثاااااني .. دووره وبتلقااهـ.. واتمنى ان رحلتكم للشرقيه ماتكون رحله تعارف بينكم مهوب رحله كلها مغثه وزياده في التباعد والكفخ والعناد..

نايف وساره: لاحول ولا قوة الا بالله.. تدري نايف اصلاا اصلااااااااااا من شفت انك كاره اخوك عشان حرمه اجنبيه ويهووديه بعد طحت من عيني.. واكثر شي حرني منك انك عارف اخلاقه ومعدنه ومع هذاا بكلمه من هالمجرمه خربت اللي بينك وبين واخوك وفووووووووق هذا كله بعد تشرب خمر حسبي الله عليك يوم انك ضيعت هالمسكينه ساااره بسبتك ومن زين هالوجه تهددها بالسواق جعلهم يسوقونك للقصاص يااا المجرم..ياعديم المرؤه والغيره..
الحين حسبي الله عليك وش اللي بيصير للبنيه.. ؟؟ هي غلطت غلط كبيييييييييير يوم نزلت لك ..بس بنقول انها تخرعت عليك وفكرتك تعبان ومافيه احد يساعدك فتبرعت هي وهي اللي مسيطره عليها احلامها الورديه وخوفها على حبها المزعوم انها تجي وتسااعدك ..ياا مسااعدة الشر اللي حصلت نتايجها عار ودمار..
بس تدري عاد اللي مخرعني صدق انها تحمل .. واللي مخرعني ومخوفني اكثر انك تستحلي السالفه وتصير كل شووي تعتدي عليها؟؟؟ مدري صرااحه انت واحد كل شوووي سكران وتبلع بهالمنكر وكل شي يجي منك يمكن تجي بكره وانت لاهط هالمنكر وتتصل عليها عشان تجيك وانت كل يوم تهددها بانك بتفضحها وهي لانها ضعيفه بتستجيب لك ولطلباتك.. يعني ياا دكتوووور بتصير لساره مووتها ..ولو صار هالشي يمكن تنتحر>>فيسي ابو التوقعااااااات..
اما لو انها حملت هالحمل ان تخبى شهر ماراح يتخبى اللي عقبه .وبتصير فضيحتها بجلااااااجل .. ومستحيييييييل يرحمونها اهلها حتى لو كان المعتدي ولد عمها هو يمكن يطلع نفسه بقوله انها حامل من السواق او أي سبب ثاني بس هي فضيحتها معها لاتقدر تروح منا والا مناك فموتها حااصل حاصل الا لو رحمها ربي..
لكن لو اهلها صدقوها بانها حامل منه وقالوا له يتزوجها فهنا هالولد بيكون له احكااااااااااام دينيه وشرعيه لاازم تتطبق عليه.. مثل انه ماينسب لابوه لانه ولد زنا وانه مايارث ولو جاه خوات مايحرم لهن ويتغطن عنه ...والخ ..
يعني هالولد بيكون منبوذ اجتماعياااا.. وسالفه ساره ونايف بتتعقد اكثر..
فمافيه احلى من انه يتزوجها ويستر عليها بدون حمل .. وخصوووصاا ان الغلط راكبه من راسه لرجلينه .. وياليت بعد تجيه الكوااابيس اللي ماتخليه ينام ويرتاح ويجيه السهاد ومايجيه الرقاد عسااه للبلى اللي يبلاه يااارب..
على ان سااره كانت سبب رئيسي باللي صاار لها بس قصتها أثرت فيني مره مررررره وخصوووصااا ان الذيب ساكن معها بنفس البيت ومستحيييييل تأمن على نفسها مره ثاانيه منه..

وضحى وفهيد: يااااااااا حر جوفي عليتس حراه ياا وضووح>>فيس الشيخ مصقال..هخهخهخه
الله يعينتس على مابلاتس فهيد هالسكير الخايس اللي مصاحب نايف المجرم بيكون من نصيبتس.. على طاري نايف قهرتني امه قهررررررر وهي تقول له ان عيرتك عايرها حسبي الله عليتس يااعجوز ابليس اجل لو ان واحد مثله جا يخطب بنتس بتزوجينه ؟؟ مير الله يخلف عليهن اللي ماله والي يالونه الناس .مستوطين حيطهن عشان مالهن ابو ولا اخوووو مير الله ينصف لهن منكم ومن كل اللي يبي فيهن شر..

الا وضحى صدق هالخبلا شيخه وش اللي قلب حالها كذاا وخلاها تمرجل وتصير رجال؟؟ وش الحادثه اللي اثرت فيها وقلبت حياتها؟؟ امممم اتووقع هالشي من حياة ابوكن او بعد موته ورفض جدكن المهذري انه يستقبلكن.. فقررت انها تصير رجال البيت وهي حرمه عشان محد يقدر يتجرأ عليكن ..بس هي ضعيفه فقدت شخصيتها الاساسيه وقررت انها تكون داائما مهاجمه بسلاح وبدونه عشان تجبر الناس انهم يسون لها حساب ..بس للاسف طريقتها كانت غلط بغلط..

هند وفارس : احسهم مراهقين ..حتى فارس ابو 24 احسه مراهق بحركاته مع هند ..وهي بعد قليلة ادب مدري شلون صراحه وهم بنات ماجلسن مع رجاجيل بحياتهن يتصرفن كذا مع عيال عمهم...؟؟ يعني شكلهن متعودات وماخذات عليهم بشكل مو طبيعي.. وهالعجوز مااشااء الله طايحه فيهن مثل اخوانتسن ومثل اخوانتسن ماعلمها احد ان هالشي حرام؟؟
وبعدين فيه حاجه مستغربتها صراحه كيف الحين سعد وريم مايخلونهن جالسين مع بعض وهم حلال عليهم وفارس مطيح عندهم الليل والنهار..ههههههههه والله ما الوومه سعد يوم يحمق على اهله ..
الا على طااري سعد مدري ليش خاايفه ان الطياااره تطيح فيه ويصير لنا حزن بالقصه..

ضاحي ونوور: والله رحمت هالبنيه بشاااااااااااااااكل . وش هالحياة الخايسه اللي هي عايشتها ابوها مروج وامها ماتبيه وعايشه مع زوجها وعيالها براحه والمسيكينه في نار..
الحين هي فاقده الذاكره صح؟؟ يعني ماراح تذكر أي شي صار لها قبل ولا بتذكر سالفة ابوها .. وبعدين الحين اسمها الجازي بنت سعود.. صح علي؟؟ يعني هي اللي غيروا اسمها.. وصارت بنت عم لضاحي بالاوراق الرسميه والا لأ.؟؟. بس اللي اتوقعه ان ضااحي ماراح يستغني عنها ولا راح يطلقها وبتصير هي ام عياله سواء رضى الشيبه والا مارضى.. هالشيبه اهم شي عنده الناس ورايهم وشوفي كيف تقبل نور وهي بنت مرروووج لان اسمها تغير . والا بنات ولدهـ تاركهم حتى بعد وفاة ابوهن وامهن ومايدري عن هوا دارهن حسبي الله عليه هالشيبه المهذري..
على طاري نور اتوقع ان العصاابه مردها تكتشف انها عايشه ماماتت وبترجع لها عشان تخلص عليها.. والورقه اللي ابوها كان كاتبها اتوقع فيها كل الاساااامي اللي متعامل معها وبتوصل لنور بطريقه او الثانيه وهنا بترجع لها الذاكره..

سلمان ونوره: تدرون عاد احس انكم فعلا منااسبين لبعض وباذن الله احياة تكون بينكم طبيعيه جداااا.. بس انت يااسلمان احس لازم لك علاج نفسي..لان لو استمريت كذا بتتعب وتتعب نووره معك ..


عبوق لي فتره طويله ماارديت ردطويل مثل هذااااا.. حسيت اني رجعت لشبابي..هههههههه
تسلم الايادي عبوووق ويااااااااااارب يااااااااااااااارب نشوووووف هالقصه وهالنقل وااصل لبر الامان بنهايه القصه ونستانس كلنا مع الكاااتبه..

ســهــم المملكه. ابدعتي ياا عسل تسلم الايااااادي قصه تهبل .. واعذري ردي لو كان فيه شي ضايقتس .. بس بعد ماتتعرفين علي اكثر بتعجبيني فيني>>فيس يرفع راسه فوق يبعد الغره عن عيونه..>>وفيسي الثاني المغرور..هع هع هع

سهوومه نورتي ليلااااااااااااس وصدقيني بعيونتس شفتي وبتشووفين احلى ناااااااس بس انتي توكلي على الله وتعالي لقصص من وحي الاعضااء وابشري بالخير>>فيس يسووي دعايه..

بانتظااااااار الجزء الجاي بكل شوووق اذا الله احيانا بس تكفين سهوومه ارحمي ساره تراها ضعيفه ومابعد شافت من الدنيا شي وادري ان أي كلمه عليها بيصدقونها لان عندهم فكره انها رابيه بدون ابووو وامها اجبنبيه والسببين هذولي بروحهم بيخلونها اصيع بنت في العالم بنظر الناس..فترفقي فيها..

دمتي بود