هلا هلا والله بسهومة وحشتينا موت ووحشونا صقور وشواخ العوبا خخخخخخخ .... الله يعظم لك الاجر يالغلا والله يرحم ميتكم ويلهم اهله الصبر والسلوان


نجي للبارت تسلم ايدك يالغلا على البارت الحلو لصقور وشيوخ شكل الايام الجاية بداية ترويض لشيوخ خلاص صقيران طاح بهواها من شاف جمالها اهم شي طلعت فتنة بنظره وتدوده قلبه وهو يجننها بحركاته الي بيبتدي فيها بالايام الجاية اجل متحسف على ايام الدمام انو ماشال برقعها وهم بحالهم هناك هالشي من صالح شيوخ والله شيفكها من ايدين صقور ونحاسته هههه

عاد شيخوه ماتجوز من حركاتها اجل تضربه كف وهي حلاله تحمد ربها انو زينها شل حركته والله كانت الحين مكفخة ومكسرة ماتسوى على الرجال متزوج ولا يعرف شكل حرمته وهي معاه بنفس الغرفة

ضحكت على صقر يوم يقص البرقع يعني ماعندها غيره الا تلاقي عندها مخزن براقع هذي شيوخ مو حيالله بس بعد مابتقدر على صقور اذا بغى يكحل عينه بجمالها خليه يشوفها ويوصفها لنا البارت الجاي مابعد شفناها وتخيلناها حتى شعرها ماعرفنا الا انو مقسوم من النص خخخخخخخخخ وانها موطويلة احس الايام الجاية حماس لانو صقر كل مابغى يسكتها بيشيل برقعها وهي من الخجل بتنطرم ياليت نعرف ردة فعل الباقي من جدتها لبنات عمها ونشوف مين الاجمل هي او سويرة المغرورة

نجي عاد للعلة سويرة جعلها السلال الخبلة والله خسارة هذي تكون اخت لوضوح وشيوخ نزلت راس خواتها بالقاع وثبتت كلام الجد عليها وعلى خواتها حسبي الله عليها وتستاهل الي صار لها وكلام السم الي قال نويفان اجل شتتوقع بتكون نظرته لها وهو من الاول لمح لها انو عارف حركاتها الماسخة ومااخذت درس في بنت تخاف ربها تنتظر رجعة رجال مو محرم لها للفجر علشان تناظره ماعرفت انو حتى هالنظرة ماتجوز وانها المفروض تغض البصر تستاهل هذا هو نايف بيتزوجها وهو كارهها وماخذ فكرة شينة عنها خلي جمالها ينفعها

اما نايف مالت عليه الحين هذيك الي ميت عليها الي بلا دين احسن من بنت عمه يخسي هو وامثاله يفضل بنت بلا دين فرقت بينه وبين اخوه على بنت عمه عرضه صدق هاذيك الغلط راكبها بس احسن بمليون مرة من الي ميت عليها وهي من واحد لواحد والله العالم الولد ولد مين وهي حاطتها براس صقيران بس هو الي بيفتح عيون اخوه على حقيقة الوسخة وبيكرهها هالمرة للابد

مااتمنى انو نايف يحب سويرة بعد مايتزوجها لانو اذا حبها مابيكون الي صار لها له معنى لازم تعرف انو مواي وحدة تشوف واحد حلو وتحطه ببالها بتناله او بتنال السعادة معاه

نجي لوضحى ياقلبي عليها وربي كاسرة خاطري يعني اكيد هي بتفرح اذا انخطبت وتزوجت بتفتكر انو الدنيا ابتسمت لها اخيرا وانو في واحد راغب بالزواج منها وبتنصدم منه بعدين لما تعرف انو سكير وماراح يقصر بمعايرها وعمشى حبي الله عليها من ام عندها بنت مطلقة ذاقت المرار من زوجها تقوم تحد ولدها يعايرها اذا هي عايرته ليه حرام عليها البنت يتيمة وماتستاهل القهر ومو معناة انها عاقلة وفيها علة لها علاج بس المادة ماتساعد يعني يحق لهم ينقصون من شانها وربي مقهورة عليها وعلى نورة الي بعد بتشوف الهم من سلطان ببداية زواجهم

سهومة مو ملاحظة انو كل الابطال بدايتهم مو طبيعية بزواجاتهم حتى ريم مع سعد الي يحبون بعض بينهم حزازات وموضي ومحمد والماضي الي بيكون حاجز بينهم غير انو عويس ومرايم ماراح يهنا لهم العيش بدون ماينكدون على موضي والله يعين شكل الاحداث الجاية كلها مشاكل وعوار قلب

في انتظارك ياقلبي البارت الجاي

يعطيك العافيه سهم على هالبارت الحلو بس وضحه كسرت خاطري راح تنظلم اكثر وحده بخواتها لانها راح تعيش بالبيت اللي جدها موجود فيه يعني راح تذوق الامرين بس عندي احساس انه راح تكسبه في النهايه . في انتظار البارت القادم *

مرره رااااااائعه

مسكينه ساره وش سوى فيها ناااااايف

بانتظاار البارت القااااااااادم بفاارغ الصبر

بسم الله الرحمن الرحيم .. السلآم عليكم ورحمة الله وبركاته
..
اسعد الله اوقاتكم ياحبايبي بكل خير .. اسمحولي اليوم كلامي بيكون قليل
بالحيل .. وحتى مافيه قفله تعذبكم
لاني وبكل صراحه ماعندي كلام كله تبخر يوم جيت لكم .. الأهم اني اشكر كل
حد ساندني ووقف معي .. وكل حد رفع من معنوياتي عسى ربي مايحرمكم نعيم
الجنه قولوا آمين ..
همسه في أذن اختي فيتامين سي { تراني عند وعدي بس ألقى فرصه واجي للربع
اللي عندك .. بس وقتي ضيق .. وماعندي عضويه ,, ألقى مناسبه واجيكم }





مع اطيب الأمنيات بقراءه ممتعه
.
سهم المملكه
.
لإله إلا الله





( البارت التاســـــــــ 19 ـع عشـــــــــــــر )




مصيبه .. ناظرها بخوف .. وهي شبه ميته حوله .. حاول يتحقق من نبضها .. لا لازالت تنبض
شالها بسرعه وهي بين يدينه .. حطها في مكان منزوي .. ناظر فيها .. صعبه لو يعرفون عن مكانها او تكلمهم .. عصب من هالفكره .. بدون تفكير سطرها كف قوي .. بس ماصحت .. لازالت في إغماتها .. تذكر عطره اللي في سيارته .. طلع من المكان وهو يتلفت يمين ويسار .. خوف ترقب .. اللي يصير له مصيبه .. حتى جيسي ماعمره فكر انه ينام معها .. مع انها اعطته إشارات واضحه بس كان يتجاهلها .. لانه حبها حب حقيقي .. حب فيه زواج بس ماتوقع كل شي ينقلب عليه .. صقر يخطفها منه .. وهاللي طاحت بين يدينه .. بنت عمه اللي إبتلى فيها
طلع العطر .. سكر السياره وهو معصب .. ودخل بسرعه للبيت
مشى لين وصل للملحق .. وطاحت نظراتهم في بعض









طلعت من الحمام وهي معصبه .. وتحاول ماتحط عينها في عينه .. بينما هو مستمتع كثير في إحراجها .. حست دموعها تحرقها .. وهي تبحث يمين يسار عن برقعها .. وهو يتابع بخبث ملامح وجهها .. شعرها اللي يلتف بين كل حركه وحركه .. عيونها اللي صف رموشها كإنها حراس ملوك عظماء بيزنطيين رسمة حواجبها تعطي هيبه قويه لشخصيتها .. إلى هنا وسمع شهقتها اللي خلته يقمز من سرحانه

ركضت لبرقعها اللي طايح على الأرض مقصوص .. حست بالقهر والغبن .. رصت على اصابع يدينها بقوه .. قهرها وغبنها وقهرها شين
وقفت وهي تحارب نظراته اللي مصوبه عليها .. هالمره نست الخجل .. وتشجعت .. والصحيح ان القهر والغبن له دور كبير في تصرفاتها اللي بتسويها
وقفت على راسه وهي تصرخ وترز برقعها – قلي وش سويت
ابتسم إبتسامه خبيثه ومستفزه لها – وش سويت
هي وترز برقعها على وجهه – انت قد هالحركه
شم ريحة تحدي .. وعقد حواجبه .. ناظرها بإزدراء .. وتقليل
شأن .. بلهجه بارده دليل على إحتقار كلمتها – أي قده
ماإن قال قده .. حتى عفاريتها نطوا .. قامت تصرخ وتحاول
تضربه على صدره – والله ان ادفعك هالثمن غالي والله ان
ماخليك
هو حس انه تيبس ,, لهادرجه مقهوره .. حتى تمد يدها
عليه .. سكت عن الكف .. وهالحين تتجرأ وتضربه .. مو إيا
كان يقدر يمد يده على صقر .. حتى لو سكت عن حركتها
الأولى .. كتف يدينها على
ورى .. وهي تصرخ وتفر راسها يمين ويسار وتصارخ ..
انفعلت بقوه .. ورفعها على السرير .. وهي تحاول تدفه
وتضرب برجلها الأرضيه .. بس لاحياة لمن تنادي .. وصقر
ياجبل مايهزه ريح
حست انها بذلت مجهود وطاقه .. وصارت تلهث من التعب
استرخت وهي تصرخ عليه – فكني
سمعت صوته وهو يقول – اششششششششش اهدي
هي حست انها تبي تبكي قالت بيأس – فكني
حس انه انتصر وهو يسمع لهجتها اليائسه .. باسها برقه ثم فكها
وهو يضحك بقوه .. تحت دموعها اللي نزلت من القهر
مسحتها بعصبيه .. ومسحت مكان بوسته بقرف .. اتجهت على
الحمام وهي تقفل الباب بقوه .. وسط قهقته الصاخبه في المكان
كله











الجوال اللي في جيب ثوبه خلاه يهتز .. طلعه بسرعه وشاف
المتصل فهيد .. حطه صامت .. ونظراته في عيونها الكسيره
ركضت عند رجله ومسكته وهي تترجاه وتبكي – دخيلك دخيلك
دزها بقوه عن رجله وسكر الباب .. معقد حواجبه .. ودمه يغلي
مسكها مع شعرها وهو يجره بقوه ويتكلم من بين سنونه – لأنتي
ولاعشره غيرتس يقدرون يمشوني على كيفهم .. من قالتس
تعترضيني انا حر في تصرفاتي فااااااااااااااااااااهمه

رفعت عينها له بإنكسار .. حس انه رد على ورى من عيونها
اللي تشبه البحر في كبرها .. وهي تبكي وتترجاه – والله والله
وآآآآآآآآآآآآآآآآآه ( وقامت تشهق )
قامت تلطم وجهها وخدودها وتضرب شعرها – دخيل الله
خواتي لايعرفون
حس بالنشوه والفرح .. مسك عليها خيط .. كان هو اللي خايف
انها تفضحه .. هالحين هي تترجاه مايفضحها
حس انه دايخ وتعبااااااااااااان من عقب كلامها .. السكره بدت
تروح منه تمام وبدأ يرد لعقله وصوابه .. لان شارب الخمر مو
بسرعه يرد عقله .. لا تدريجي

وقف وهو يقول وبخبث وهو يلعب على عقلها – خلاص ماراح
اخبر حد الأهم انتي ماتخبرين حد ولعاد اشوف رقعة وجهتس

هي وقفت وهي تبكي وتشاهق وتضرب وجهها بقوه – انا
بنفضح بنفضح وانت لازم تصلح غلطتك

عيونه اتحولت حمرا فجأه من نبرة كلامها .. وبدأ يرتجف من
الغيض صرخ عليها وهو ينتفض ويمسكها مع شعرها ويهزها
بقوه بدون رحمه – والله لو تموتين ماتلوث اسمي باسمتس وان
حتى في حلمتس حرام اخذتس
نزلت دموعها من كلامه وهي تبكي – وانا انا اشيل الفضيحه
بلحالي انت ولد عمي

دزها بقوه وهو يقول – تخسين اخذتس وش دراني لو نايمه مع
مائه غيري

طاحت على الأرض وتجمعت على نفسها .. وثيابها مشقوقه
حست انها انبلمت من كلامه .. تمنت الموت يأخذها .. نزلت
سمعة خواتها للقاع .. وابوها اللي تعب في تربيتهم
ألطمت خدودها وقامت تهذي بالكلام .. وهي تصيح وتبكي
وتصارخ .. وترجع تضرب خدودها بقوه .. اللي يصير لها عار
عار .. صارت مغتصبه

حس انه بينفضح بدون مجال .. ركض لها وسد فمها بقوه وهو
شاد على سنونه ويقول – خلاص انكتمي بشوف لتس واحد
يستر عليتس اما انا تحلمين ان خذيتيني
انمطت عيونها وهي تسمع كلامها .. كرهته .. من قلب كرهته
تتمنى يموت .. تتمنى انها تشوف اللي يبرد كبدها فيه .. تتمنى
ان يده المحطوطه على فمها تنشل

فكها وهو يعطيها ظهره طالع – وهالحين انقلعي ولاتوريني
رقعة وجهتس ( ألتفت عليها وهو يقول ) وان شفتس قسم بالله
لافضحتس لأقول اني شفتها نايمه مع سواقنا