السلام عليكم ورحمة الله و بركاته
بارت قمة في الروعه يعطيك العافيه سهومه
زيزفونه والله لو نايف موكل محامي يترافع عنه ويرجع ساره له
مادافع عنه مثل دفاعك ولو درى عنك نايف كان أعطاك الشيك
اللي أخذه من أبوه ههههههههههه لأنك شوي وطلعينه براءه
أنا معاك إن ساره تتحمل جزء من الغلط لأنها لو ماهي اللي طلعت بوجهه كان ماسار لها اللي سار لكن نايف يتحمل الجزء الأكبر لأنه رجال وكبير وفاهم ولأنه كان سكران وهي ماكان هدفها اللي سار ولو ماظنت إنه مريض ماظهرت له لكن طيبتها وبراءتها خلتها تتصرف بحسن نيه
يمكن لونايف حس بغلطته وستر عليها بدون فضايح لو يطلقها بعدين كان ماكرهته لهذه الدرجه لكن هو قضى على ساره وحطمها جسديا ونفسيا بكلامه وبضربه لها وكسرها لما خلاها تفضح نفسها قدام اخواتها وأمه وأبوه وفارس وكسرها وذلها أكثر بشروطه وبضربه وكلامه لها بعد الزواج
ساره كرهت نايف كره شديد وشوفتها له تتعبها نفسيا والدليل إنها ماحن قلبها له ولا رحمه وهو مريض ولو ما أمه كان دعت عليه بالموت
لاتقولين ليش أخواتها ماطلبن الطلاق وهن تعذبن مثلها لا والله فرق بين اللي حصل لساره وسود وجهها وخلاها ماتقدر ترفع عينها في الناس وهي اللي كانت مغروره بنفسها وبين اللي حصل لأخواتها وأغلبه كان بينهن وبين أزواجهن ومحد درى به
وبعدين لوتعرض أشخاص مختلفين لنفس الموقف كل واحدراح تكون له ردت فعل تختلف عن الثاني بحسب شخصيته وساره ماتملك قوة شيخه ولا عقل وصبر وضحى ولا طيبة نوره وهند وتسامحهم فطبيعي تتعب نفسيا وتطلب الطلاق
وأعتقد إن نايف لو يحبها صح لما يشوف تعبها وإنهيارها يفضل راحتها على راحته ويطلقها
وأعتقد سهومه ناويه على طلاق ساره واضح من العنوان ومن الموقف اللي حصل لها مع طلال ويمكن يتقدم لها طلال وتوافق أولا حتى تبعد عن المكان اللي كرهته لأنه يذكرها باللي حصل لها وتبعد عن الناس اللي عارفين قصتها وماتقدر ترفع عينها فيهم من خجلها وثاني شيء لأنها راح تكون قريبه من نوره
ههههههه والله زيزفونه ردك أجبرني أدور وقت فراغي وأرد عليه شوفي عاد طول الوقت وإحنا متفقين ورأينا واحد خلينا حبايب وإختلاف الرأي لا يزعلنا رغم إني أتمنى ساره تكمل مع نايف لكن واضح إنه مستحيل
سهومه الله يعينك علينا ويعطيك الصبر مثل مايقولون رضى الناس غايه لاتدرك صعب ترضين الجميع أهم شيء تكونين إنتي راضيه ومقتنعه بالنهايه اللي إن شاء الله تكون مقنعه
منتظرينك سهومه يعطيك العافيه
وشكرا عبوقه على النقل يعطيك العافيه
25-06-12, 09:41 AM
جديد مواضيع قسم القصص المكتمله
العرض العادي
