كاتب الموضوع :
عبق الرياحين
المنتدى :
القصص المكتمله
اقتباس :-
المشاركة الأصلية كتبت بواسطة فيتامين سي  |
السلام عليكم ورحمة الله و بركاته
بارت قمة في الروعه يعطيك العافيه سهومه
زيزفونه والله لو نايف موكل محامي يترافع عنه ويرجع ساره له
مادافع عنه مثل دفاعك ولو درى عنك نايف كان أعطاك الشيك
اللي أخذه من أبوه ههههههههههه لأنك شوي وطلعينه براءه
هلا ياقلبي .........لا انا ماادافع عن نويفان يخسي هو وامثاله ......وتخسي بعد سويرة وامثالها احطها ضحية ومظلومة وهي الي باعت حياها وخجلها
أنا معاك إن ساره تتحمل جزء من الغلط لأنها لو ماهي اللي طلعت بوجهه كان ماسار لها اللي سار لكن نايف يتحمل الجزء الأكبر لأنه رجال وكبير وفاهم ولأنه كان سكران وهي ماكان هدفها اللي سار ولو ماظنت إنه مريض ماظهرت له لكن طيبتها وبراءتها خلتها تتصرف بحسن نيه
مو عذر فتوما هي لو طلعت صدفة وشافته بحالته ماتروح له بأي صفة تروح له زوجها خطيبها اخوها حيالله ولد عمها ...... هي بنت بالغة وكلنا عارف ليه هي الي شافته جالسة متعنية تنتظره ......لو جالسة تتعبد لربها مو احسن لها من انتظار رجال عاشقته ..... وسبق لمح لها بسيارته عند امه انو كاشفها وقال رايه فيها بصراحة .....ابي بس عذر لجلوسه في انتظاره ........ترى لاهي ولا هند عجبتني تصرفاتهم ماشفنا لامن ريم الي متملكة وسعد حلالها ترزز الوجه ورمي التكلفة
يمكن لونايف حس بغلطته وستر عليها بدون فضايح لو يطلقها بعدين كان ماكرهته لهذه الدرجه لكن هو قضى على ساره وحطمها جسديا ونفسيا بكلامه وبضربه لها وكسرها لما خلاها تفضح نفسها قدام اخواتها وأمه وأبوه وفارس وكسرها وذلها أكثر بشروطه وبضربه وكلامه لها بعد الزواج
تحمد ربها انو عمها مو متحجر ولا فارس لو غيرهم سحبوها وغسلو عارهم .....طيب لو سألو الاثنين كيف صار الي صار هل سارة بتتجراء تخبرهم لو سألوها كيف شفتيه هل بتصدق انها تصحى متعمدة موقتة نفسها لوقت رجوعه علشان تشوفه قبل نومها .......وكأنو واجب ديني عليها تسويه .......الي صار لسارة رسالة لكل بنت تتهاون بنفسها وترخصها تحت مسمى حب عذري ماقبل الزواج وغرضه شريف ........
ولو نايف بسهولة تزوجها وهي تحبه ... ماراح يكون درس لسارة وامثالها ....وغرضها الي تمنته حصلته بسهولة صح اولا ..... تدري لو صار وعاشت بسعادة ماراح تحس بغلطتها بحق نفسها وبحق خواتها
ساره كرهت نايف كره شديد وشوفتها له تتعبها نفسيا والدليل إنها ماحن قلبها له ولا رحمه وهو مريض ولو ما أمه كان دعت عليه بالموت
لاتقولين ليش أخواتها ماطلبن الطلاق وهن تعذبن مثلها لا والله فرق بين اللي حصل لساره وسود وجهها وخلاها ماتقدر ترفع عينها في الناس وهي اللي كانت مغروره بنفسها وبين اللي حصل لأخواتها وأغلبه كان بينهن وبين أزواجهن ومحد درى به
ووضحى بعد ماراحت لفهيدوه خير شر ولا حنت له ولا خافت عليه ........سارة اغمى عليها يوم قالو نايف مات بينما وضحى ولا شي بس انصدمت طلع من المستشفى مااهتمت لشوقته فراقه عيد عندها يعني ان دل دل على كره وضحى الشديد لفهيدوه ليه ماطالبنا بأنصافها وهي المكسور بكل الرواية بسبب عرجها ......
سواد الوجه سارة الي سعت له .........وفي مين حذرها بس غرورها وثقتها بنفسها هي الي مشتها ...اجل تكابر وتتبع الشيطان وتبغي ربها يوفقها .........طيب هل بعد الي صار لها شفنا لسارة جلست مصارحة بينها وبين نفسها هل بدر منها لوم لحالها وانو الي صار غضب من ربها عليها .....ابد ماشفت ندم الا على حبها لنايف اما على تهورها وملاحقتها لنايف وانها تبغي تطيحة بشباكها ابد مافي
وبعدين لوتعرض أشخاص مختلفين لنفس الموقف كل واحدراح تكون له ردت فعل تختلف عن الثاني بحسب شخصيته وساره ماتملك قوة شيخه ولا عقل وصبر وضحى ولا طيبة نوره وهند وتسامحهم فطبيعي تتعب نفسيا وتطلب الطلاق
وأعتقد إن نايف لو يحبها صح لما يشوف تعبها وإنهيارها يفضل راحتها على راحته ويطلقها
موعذر فتوما لتصرفات سارة الغير مباليه هي همها انكسار صورتها عند غيرها وهي الي شايفة نفسها فوق عن خواتها ... لابد اي انسان مخطي يدفع ثمن غلطه غالي .......على الاقل رجعت علاقتها مع خواتها وماحد عايرها ولا سألها ولا كلف على خاطره يعرف الحقيقة والسالف ......يعني استهتار من قبل الكل للاسف وبدل مايوقفون ضدها جالسين يسايروها وكأنها ضحيه .........لما يكون انسان مذنب ونحطه ضحيه شئ موحلو ابد ........الكل حط سارة ضحية وذنبها حبت وكأنو هالشي مقبول وعادي عندنا
وأعتقد سهومه ناويه على طلاق ساره واضح من العنوان ومن الموقف اللي حصل لها مع طلال ويمكن يتقدم لها طلال وتوافق أولا حتى تبعد عن المكان اللي كرهته لأنه يذكرها باللي حصل لها وتبعد عن الناس اللي عارفين قصتها وماتقدر ترفع عينها فيهم من خجلها وثاني شيء لأنها راح تكون قريبه من نوره
انا موقف طلال بالذات ماعجبني ...... خصوصا لو تزوجته سارة مو لانها بتتطلق سواء تطلقت او لا بس ببساطة صور لنا انو فتنة سارة هي سبب رغبة الرجال فيها ولو ماهي فتنة ماحد فكر فيها .....يعني واحد سنين عاشق وحدة وحتى بكاها وهو جاي عند بيت ابو محمد من حرقة قلبه عليها تطلع سارة له الي عايشة ببيت كله رجاجيل وهي على ذمة رجال ماطلقها لسى .بدون ستر ........علشان هذاك ينفتن فيها ويتزوجها .... بينما يقدر يتزوجها بدون هالموقف كله مجرد زيارة من نورة مع عمة سلطان او سفرة بنات ناصر للشرقية زيارة لنورة وتشوفها ام طلال وتخطبها هذا اذا رضت بوحدة مطلقة
هالشي افضل لصورة سارة ........مو كل مرة ماتتزوج واحد الا ناطة له اول وطالعة بوجهه ..... يعني سارة ثلاث رجال شافو فتنتها وجمالها واثنين منهم شافوها مكشوفة كلها وهي زوجة لنايف .
ههههههه والله زيزفونه ردك أجبرني أدور وقت فراغي وأرد عليه شوفي عاد طول الوقت وإحنا متفقين ورأينا واحد خلينا حبايب وإختلاف الرأي لا يزعلنا رغم إني أتمنى ساره تكمل مع نايف لكن واضح إنه مستحيل
خخخخ اجل من حظي طلعتك من قوقعتك ومن حظي اني اتناقش معاك في نهاية الرواية ....واكيد حبايب مجرد وجهات نظر لكل شخص وقناعات .... بس صدقيني مو مستحيل الانثى مننا ضعيفة ولما تلاقي الي يحتويها وقت وجعها صدقيني عاطفتها تغلبها وسارة ابوها وامها ماتوا وهي صغيرة ولا اعتقد وحدة من خواتها اشبعت عاطفتها لو تلاقي حنان واحتواء من زوجها صدقيني بتلين ...........والله اعرف ناس اعظم من سارة بكل شي موالضرب بس ولا الفضيحة الي يمكن سارة عند خواتها وعمها وزوجته بس وحدة عند الناس كلها ووصلت للشرطة وكان عمرها 15 والي غرر فيها ولد عمتها وكان اكبرمنها ب12 سنة وعمتها رمتها بكلام شقول لك واخوانها والكل ضد البنت الي ماتدري اصلا ايش معنى الي صار لها ......... بس شوفي زوجها الي مااعترف بالي سواه ورضى يتزوجها الا لما وصلت للشرطة والحين الكل مايرضى عليها ام عيالهم والمحبوبة للكل ......رغم بداية زواجها ضرب واهانات من الكل سكنها عند اهله واخوانه قبيلة من كثرهم وحتى بيت خواته المتزوجات وداها تخدم وتغسل دراستها انحرمت منها ........بس شوفي كيف سبحان الله وهذا بواقعنا مو برواية .......
سهومه الله يعينك علينا ويعطيك الصبر مثل مايقولون رضى الناس غايه لاتدرك صعب ترضين الجميع أهم شيء تكونين إنتي راضيه ومقتنعه بالنهايه اللي إن شاء الله تكون مقنعه
منتظرينك سهومه يعطيك العافيه
|
هذا الكاتبات لازم يتحملو جنون متابعاتهم ..........وزين عاد احنا ماسوينا حرب داحس والغبراء عندها وماقمت اتفلسف عليها الا بأخر الرواية غيرها من اول الرواية مقومة حروب واحزاب وروابط خخخخ
بالعكس هذا ان دل دل على الحماس الزايد
|
20-06-12, 06:32 AM
جديد مواضيع قسم القصص المكتمله
العرض العادي
