هلا وغلا يعطيك الف عافيه على البارت


ماقصرتى ابدعتى وامتعتينا


بالنسبه لى ما حسيت ان الروايه طويله بالعكس يمكن لانى مستمتعه فيها احسها قصيره والبارتات قصيره


وتمنيت ما تخلص الحين لكن لكل شى نهايه واكيد متحمسين بنعرف وش بيصير بين نايف وساره وفعلا كلنا ما نبيها تتطلق منه يكفى عرف قيمتها وحبها وتبهذل وتعاقب على فعله فيها

بنتظارك يالغاليه على خير

مساء الخبر سهم يكفيك ان كل بارت مختلف عن الي قبله والاحداث تشدنا اكثر واكثر نتوقع شي يطلع شي ثاني وتقنعينا بحبكتك روايتك ناجحه ماتسرعت ولا مطيتي بالاحداث كل شخصيه لها نصيبها الله يوفقك ومعك حاملة المسك عبوقة
يوه يوه يوه شكل بدت ايام الافراح والليالي الملاح عند بنات ناصر

شيخه وصقر ttf4555 يههههه شيوخ قميص نوم قصير اجل طاح الحطب الا صار رماد ثمن هباء منثورا سبحان الله الزواج سكن وموده ورحمه بين 2 يس يدخل العناد والتحدي تخرب السالفه صقر لو انك تنازلت شوووي شووي وبينت لها حبك حسنت معاملتك كسبتها الرجال الافضل باتخاذ القرار والتحكم بالاعصاب يمكن لو الطلاق بيد الحزمه اتوقع شيوخ مطلقه صقر سبعين مره العصبيه عدو الراحه مأظن موضوع لافي له دخل قوة شخصية شيخة +طريقةالزواج+اسلوب الجد+مقارنة حياتهم في الدوادمي بحياة عمانهم هي الي سببت المشاكل ولا الرجال لا يمكن يعيش مع وحده يكرهها وزياده لسانها طويل ومتمنعه عنه واحد من هالاسباب تخلي الرجال يبيع ولا يفكر واضح الحب موجود بين الاثنين لكن كل واحد ييثبت انه الاقوى وللاسف طريقة صقر بتأديب شيخة تصير كثير يتزوج ثانيه علشان يأدبها بعدين الاولى يطيح اللى براسها وتصير الثانيه مالها لزوم انتهت مهمتها وتتطلق وتحمل لقب مطلقه وهي مالها ذنب يالله صقر وشيخه عساكم تجيبون عيال ..........تلهون بهم عن المطاق لو انه على شخصياتكم مستحيل

وضحى وفهيد ارجع واقول العلاقه الزوجيه شراكه بين 2 ممكن تنجح او تفشل هم كل واحد منهم بشوف الثاني ناقص لكن وضحى نقصها من الله وبالعلاج ترجع احسن وحده اما فهيد فجامع ال3 الاثافي سكار نكار لا شغل ولا مشغله ويطق ولسان وصخ ويبي وضحى الظاهر كل يوم تسجد ركعتين شكر لله انه ماخذها وامه الله يهديها ماتشوف عيب ولدها تزيده على وضحى بدل لا تهبطه ماراعت حتى انها حامل وضحى ضروري تسويهالعمليه علشان تزيد ثقتها بنفسها سبحان الله فهيد يوم حس ان وضحى بيتتركه بدا يبين غلاها ياخي وش بيضرك اول كلها كلمات ومعامله لا تبي منك تتبرع لها برجل بس عقول بعض الرجال يحسب انه لا بين غلا مرته ركبت على ظهره ولا عاد يتحكم فيها!!!!!!!!!!!!!! بس الواجب ان وضحى ما تشد مره الرجال يبيها ومستعد يتغير علشانها وعلشان ولده لا تعندين وسايسي امورك

ساره ونايف البدايههههه غلط ارجع واقول ساره غلطت اول انها طلعت لنايف وهو سكران ولا عالجت الموضوع صح فضحت عمرها ليه مامسكت عمتها منيره وفهمتها الام بتتصرف غير نايف ثارت رجولته فحب يبين انا بتزوجها بس بشروطي نايف نذللللل ولا اي واحد يسوي سواته ياخذها لو طلقها بعدين يده طويله لسانه اطول تعقد من حبه اللي ضاع فحط الحره بساره ساره الحين بين طريقين الطلاق بعدين يجي اللي بعد الطلاق اذا تزوجت هند وش تسوي تقعد لحالها في الملحق ؟؟؟اوتسكن بوسط الفله وتكون قريبه من نايف؟؟تتزوج بسرعه بس علشان تفتك يمكن تنسعد وممكن تنقرد الطلاق حل بس هل ظروفك ساره تساعد على القرار

الطريق الثاني ترجع لنايف بس بشروط وضمانات وعهود ومواثيق وتلعب بحسبته لعب ليش لانها يحبها وبين حبه قدام الجميع وندمان ومتحسف القرارفي هالشي راجع لنفسية وشخصيه ساره انصدمت بحقيقة حبيبها
وتخليه عنها وحقرانها وطيحها من عيون اهلها كلهم اذا ساره تقدر تنسى ترجع ماتقدر تتطلق قبل لاتحمل
اذا كانت ما حملت

هند وفارس غريزه طبيعيه بين اثنين يجمعهم بيت واحد وقرب العمر وفورة الشباب عسى فارس يستفيد من تجارب الى قبله ومايمر بالتراجيديا والدراما اللي مروا فيه بتنجح علاقتهم احس انهم فاهمين بعض والزواج راضين عنه الاثتين لا غصب ولا غصيبه

ماشاءالله عليكي البارت روعة كتيييير حلو ورومنسي
توقعت سارة يلي شافها طلال شفتي شو شاطرة انا
ياترى شو رح يصير بيناتون حمارة هي بس بنفس الوقت مسكينة
مو مصدقة انو رح تخلص الرواية والله انك كاتبة محترمة وبتحترم القراء بتمنا اقرألك كمان
شكرا لعبق الوياحين لانو نقلتلنا هل الرواية الحلوة والله انك بتفهمي
جاري التنتظار عزيزتي وشكرا كتييير

صباح الخير .........تسلم ايدك سهومة على البارت ....امممممم كنت ناوية اخلي ردي غير هالوقت بما انو البارت الاخير ماراح ينزل الا الاسبوع الجاي يعني في مجال .......بس في خاطري كلام ووجهة نظر حبيت اوضحها وخصوصا بعد كلامك وبعض ردود البنات


تسلم ايدك عبوووووووووووووقة

نايف وسارة

انا من وجهة نظري ومن خلال المجتمع الي حولي والقصص الواقعية الي سمعنا فيها بمجتمعنا والقصص الي انا شخصيا سمعتها من بنات مرو بأغلاط دفعو ثمنها غاليي جدا ... راح اوضح لك ليه افضل انو سارة ونايف يعيشون فرصة ثانية ومن خلال معالجتك انتي لبعض مشاكل الشخصيات الي بالرواية وهذا الشي الي خلاني اقتنع بوجهة نظري ......

اول شي سؤال اتمنى كل من يشوف ردي يشاركني فيه سارة تتحمل نصف الخطأ الي صار لها وتتحمل مسؤلية الي جنته على نفسها اولا ؟؟؟؟؟؟؟

نايف هل كان بيتجراء يقرب من سارة وهي حاشمة عمرها ومنثبرة مكانها عند خواتها ؟؟؟؟؟؟؟هل هو دخل عليها مكان نومها واعتدى عليها ؟؟؟؟؟؟
هل خروج سارة وتعمدها تسهر كل ليلة تنتظر رجوع نايف علشان تكحل عينها بشوفته من حقها ويجوز لها ؟؟؟ احنا اهالينا يربونا على الحياء والخجل ودايم يوضحون لنا انو عيب البنت تناظر الولد بدون مايحق لها اذا البنت مننا حتى وقت ملكتها او بعد زواجها تحتاج شهور على بال ماتتجراء تناظر زوجها بحرية وبدون خجل كيف بنت متربية فاهمة اول ماتيجي بيت عمها وشافت واحد من وجهة نظرها يناسب جمالها وحطت عينها عليه وقالت تحبه ......

على اي اساس حبته هي من وين تعرفه علشان تحبه ليه ماحبت اي واحد غيره بأختصار علشان جماله ووسامته وهل اكتفت بهالشي طبعا لا تتعمد تجلس بالصالة وتبغي تلفت انتباهه هل هالشي من حق سارة ولا تقولو لي صغيرة ومراهقة ماعندنا حكم شرعي بديننا يجوز للبنت المراهقة تناظر وتعشق رجال يعتبرو غرب عنها ..........سارة مثلها مثل الي تسوي علاقات بأي شاب بحجة انها تحبه وغرضها شريف وتكلمه لانها بتتزوجه سواء قريبها او غريب عنها واذا صار الي صار قلنا ضحية ليه موهي الي ارخصت عمرها ......... للاسف كل الي يصير بسبب ضعف الايمان سارة لوهي مهتمة بدينها ماعشقت واحد بالحرام والمصيبة انو رمى عليها كلام يسم البدن لوغيرها لمت كرامتها وتراجعت عن الي تسويه ..........واصلا ليه تروح له لو تشوفه بيموت بأي صفة رايحة له ......هي اعطته انطباع سئ عنها بملاحقتها له واتذكر انو هند قالت لها وحذرتها وهي كانت واثقة انو بيذوب من جمالها وبتطيحه بحبها ويوم صار لها الي صار صارت ضحية ومظلومة


مهما كان البنت جوهرة مايصير ترمي التكلفة مع غير محارمها مهما كانت نيتها .....حتى لو عيال عمها ومتربيين سوى الشيطان مامات ......

وهي لما صار لها الي صار ماراحت خبرت عمها بينها وبينه هي الي اختارت توقيت تفضح عمرها والي مايستر على عمره ربي مايستر عليه .......وتحمد ربها انها مااحملت منه هذيك الفترة

اما نايف يستحق كل الي صار له احتقار اهله له مع انهم السبب من تراخيهم مع عيالهم .....ربي بلاه بعشق ساره وكسره وخلاه مثل ماهي كانت تترجاه هو الي ينهار ويترجاها نايف الي يناظر الناس من طرف خشمه

سارة لاهي مظلومة ولا هي ضحية لو نايف هو الي لاحقها ودخل عليها واغتصبها كان قلنا ضحية مثل الي تطلع مع واحد بشقته وهو واعدها مايسوي لها شي وبعدين ياخذ اغلى ماعندها ونقول ضحية والبنت جاهلة مثل كلمة سارة بالمستشفى جاهلة بأيش عذر اقبح من ذنب

والي تقول طلال يتزوجها ليه حكمتو على طلال انو احسن من نايف من وين عرفتو انو بيسعدها ...... والا كل واحد شاف سارة لازم ينفتن فيها فارس لما شافها لانو ماتعود يشوف بنات من قبل هذا هو يوم يشوف هند عجبته وهي اقل خواتها بالجمال .........طلال عاشق للعنود من سنين والي شاف بنات اشكال والوان مانسوه العنود .......طلال الي حتى والعنود زوجة ولد خاله وهو ماشالها من باله بين يوم وليلة بيشوف سارة بيروح العشق وبينفتن بسارة

مو نايف كان عاشق جيسي قبل ومانساها حتى بعد سنين ومو هو شافها وهي فاتحة الشباك وجالسة تبكي انو ماعطاها وجه ليه ماانفتن فيها ونسى جيسي .............وطلال بس لمحها على السريع بينفتن فيها وبينسى العنود ....
وحكمتوا عليه انو احسن من نايف طيب قلنا كويس امه بترضى ولدها الوحيد يتزوج مطلقة وبسهولة واحنا عارفين مجتمعنا مايقبل المطلقة بوقت الملكة بيتقبل المطلقة بعد كم شهر من زواجها


وبعدين مثل مالكل تقبل رضا وضحى عن فهيد السكير الي من ابتدت الرواية ماانذكر انو ركع ركعة لربه ووضحى اكثر من مرة ذكرتها .........بتقولو وضحى حامل وخير حامل الي صار لوضحى هو الظلم وحدة تنخدع بزوج سكير عطالي بطالي لاصلاة ولا دين وفوق هذا اول لقاء له بوضحى الي سحبها بدون زواج ولا جهاز ناظر برجلها نظرة جرحت وضحى ياخذ الي يبغي منها ويعايرها ويضربها ويرميها برة غرفته هل هذا شي ينسي هل هذا مايجرح انوثة الزوجة ويجي بعدها اليوم الثاني يطلبها غرفته كأنها بنت شوارع بدون مراعاة للي سواه فيها واذا رفضت يطيح فيها طق بكل وحشية وياخذ الي يبغيه ويرجع يعايرها ويتلذذ ببكاها .............ويكررها اكثر من مرة يطقها وياخذ الي يبغي بوحشية ليه ماحد تكلم ليه ماطلبتو طلاق وضحى وزواجها بواحد احسن من فهيدوه

على الاقل نايف اكثر من مرة ذكرت سهومة انو يروح يصلي وعلى الاقل لمسنا منه حبه لامه واهتمامه فيها فهيدوه ايش لمسنا منه ...........على الاقل ابو نايف وام نايف مع سارة وماجرحوها بكلمة حتى بعد ماعرفو الي صار بس وضحى الي تنهان والكل يذلها ببيت عمها لاالعم ولا عمشاء ولا الجدة ولا الجد رحمو يتمها

سارة على الاقل عرفت معدن نويفان وخياسه وماحد كذب عليها بس وضحى لما عيلة كاملة تدري ببلاوي ولدها وتتكتم وتتستر العم الي ضميره صحى الحين عند سارة وينه عن وضحى الي خدعوها ليه بس لانها يتيمة وعرجاء لو مو الكل مستنقصها ماسكتو ........

بتقولو وضحى عدلت فهيدوه متى متى تعدل وتغير بعد الحادث وهذا نايف تعدل بعد الحادث ..........مين من خوات سارة ماانذلت بأول ليلة لها شيخة ماانضربت اول ليلة ولا نورة انضربت بس هل لما ازواجهم اخذو حقوقهم كانت برضاهم وبرحمة صقر اخذ الي يبغي بعد طق واخذه غصب ونورة بعد كلام موجع وقاسي من سلطان محسسها انو منقرف من قربها بس يبغي ولد يسكت الناس وبيطلقها يعني بالذمة كلهم لهم حق الفرصة الثانية ونايف

سارة قالت انو الي سواه نايف بعد الزواج هو الي اكثر شي خلاها تكرهه يعني لااغتصابها ولا فضيحتها ولا شروطه عندها مثل بعد الزواج ولو تدري بحال خواتها كلهم واول ليلة لهم مع ازواجهم انهانو وانضربو بتعرف انها مو اقل منهم

جالسة تذكر نظرات الحريم يوم ثاني على قولتها على الاقل هي تجهزت شوي وزواجها كان معلن حتى لو ماحضرت في القاعة نورة ووضحى مين درى عن زواجهم فستان جديد واحد ماعندهم لازينة لالبس مثل الناس كأنهم مسويين عيب وبيسترونه ...........نورة على الاقل سلطان عبرها بطقم بهدية بس وضحى المسكينة الي من قبل مظلومة بين خواتها تطبخ وتبيع الاكل علشان توفر لهم الفلس وبعد الزواج ماحد تذكرها بقطعة قماش ولا زوجها بيوم اخذها للسوق وامه ومويضي اخته طايحين فيها تجريح وتعذيب ............

ليه الكل طالب بطلاق سارة وماطالب بهالشي لوضحى ...........اكثر شخصية انظلمت في الرواية بس لانها عرجاء طفولتها انحرمت منها لما كبرت شوي تحملت مسؤلية اكبر منها هموم في هموم ....... ليه بمجرد ماحملت الكل طالبها انها تتحمل وتتصبر ...........يعني لو سارة حامل بيتغير الوضع وبينسى الي صار

فهيد مايقل نذالة وحقارة عن نويفان .........وسارة مو الوحيدة الي انضربت وحست بالنقص من خواتها بس لانها دايم شايفة حالها افضل خواتها وتستحق الي احسن من خواتها ويوم صار لها العكس ماتحملت .......لوهي مكان وضحى هل بيعجبها الوضع او لوهي مكان شيخة الي اكثر وحدة انضربت حتى الكل كان يسمع صراخها من جناحها والي حتى يوم تسقط انضربت وزوجها تزوج غيرها وحرق قلبها .........ولا مثل نور الي ببساطة نست كل الي سواه ضاحي وكل الطعون الي قالها لها بكلمة مسحت كل الي صار ........الكل بسهولة تقبل يعيش ويفتح صفحة جديدة ليش سارة ماتعطي نفسها فرصة لاتقول لانها تكره نايف وضحى ماتحب فهيد واصلا هي ايش شافت منه علشان تحبه وماتكرهه وهذا هي حطت شروط وهي تقدر تشرط بكيفها وتحط شهود وتكتبها بورقة بعد


وبعدين القرار الي ماخذته وين بتروح بعد ناوية على عمها ماتفكر الا بنفسها طول عمرها اهم شي رغباتها يعني شايفة الرجال ساكت ومتحمل وين تبغيه ياخذها وحدة مطلقة بتسكن بدون رجال يعني كيف تفكر .......بسهولة يقدر اي واحد يدخل عليها وياخذ الي يبغي .............واصلا سارة تعاني من حالة نفسيه من كثر ماكبتت الي صار لها وردة فعلها الاخيرة اكبر دليل المفروض من زمان رايحة لطبيبة نفسية تطلع الي داخلها كله وتريح عمرها

هذي وجهة نظري بالنسبة لكل بنات ناصر والي عانوه من قبل وبعد الزواج


سهومة في انتظار نهاية روايتك واسدال الستار عليها وعلى ابطالها