صباح الخيرات .........تسلم ايدك سهومة والحمد لله انو صحتك تحسنت شوي .......البارت بدى ياخذ منحنى جميل لناس ومنحنى ماادري كيف بيكون لناس ثانية


تسلم ايدك عبوقة
شيوخ وصقور

الحمدلله بداية عذاب شيخة وماضيها قربت ........بعد ماينمسك المشوه وتكمل شيخة الي بداخلها لصقر عنه .....راح تتغير نفسيتها للاحسن لانها اخذت حقها لو بعد سنين وطبعا صقر اذا شافه بيعرفه وبيعرف ليه خسرت شيخة ولدها وانو هالمجرم كمل عليها بالعذاب وحرمها ضناها
شيخة لما حست انو في احد مهتم لها هي ولابعادها عن سبب ضيقها وحزنها حست بقيمتها وبوجودها ......والخير جاي لقدام


وضحى وفهيد

اجل مشتاق لها وبيموت على شوفتها احسن والله خليه يعرف قيمتها في قلبه وعدم مقدرته العيش بدونها ........ووضحى عجبتني بردها على العجوز المتسلطة يوم علمتها قدرها والي ماترضاه لبناتها لاتسويه ببنات الناس وحوباتها ماتعدت بناتها وهذاك موضي تاخذ جزاها .....وحلو قرار وضحى واعتقد بتنفذه الا في حال فهيد من خوفه يفقدها بيرفض الا اذا علشانها تسحس بالنقص بيرضى بس بعد مايضمن قومتها له ولولده سالمة .....واعتقد هالولد لما يطلع للدنيا راح يغير فهيد بسبب المشاعر الي بتكون داخله


سارة ونويفان

الحين هذيك الخايسة مين قالها وعلى اي اساس جاية لنايف اصلا وبأي صفة وايش تبغي منه مو هي طست وتزوجت شتبغي منه .........تتوقع بعد ماتقول كل الحقيقة نايف بيرجع لها تحلم لانو في عدة اسباب اولها انو حب سارة وعشقها اكثر منها .......ثانيا هي خططت مع حسن تخدعه وتفرقه عن اخوه الي كان اقرب شخص له هي سبب انحرافه والي سواه بسارة فبعد مايعرف الحقابق بيطرده شر طردة اما حسن عسى صقر يقتص منه لانو مو بس انتقم من نايف لا هو استخدمه اداه يضر فيها اخوه ماراح يمر الموضوع مرور الكرام ..........ومنها الكل بيعرف الحقيقة وشيخة بتعرف سالفة الولد الي نسته

وان شاء الله صقر يتعدل مع اخوه ..........وبعدها سارة تتحسن حالتها وربي يعوض عذابها خير اضعاف العذاب الي شافته يكون خير ومسرة وفرح تعبت كثير واتمنى لها الاستقرار والحياة الكريمة


نور وضاحي

ننتظر الورقة الي قالتها والاسرار الي تحتويها والي بتكون قنبلة قوية بس لاتتأخر لانها شافت الي صار لها من العصابة والتأخير مابيفيدها وبنشوف قرار ضاحي يكمل معاها والا تشوف حياتها مع غيره دام زواجهم كان على ورق بس

مويضي ومحمد

مويضي ههههههههههه تستاهلي يالخاينة مسوية فيها الحرمة السنعة وحاطة دوبك ودوب بنات عمك وانتي تخوني زوجك بتفكيرك بعويس وجايبة رسايله عندك وحتى لو قديمة ليه محتفظة فيها وجايبتها بيت زوجك ياخاينة ها اتمنى محمد مايطلقها يخليها معلقة علشان لاترجع لعويس خليها تذوق شوي من الي يذوقوه لوضحى المسكينة ونور من قبل ...........ومحمد يفتش كل فترة اغراضها ويراقب مكالماتها علشان تعرف انو ماعنده ثقة فيها .......تربية عمشاء ماعليها عتب من قبل تترزز عند عويس الين تزوجها والحين محتفظة برسايله


هند وفارس
بيكون زواجهم بعد مالكل يستقر ويعم الخير بعد هالاحزان والمصايب
بس اتمنى لايشيلو الكلافة بينهم الين هذاك اليوم


باقي نشوف وضع نورة مع سلطان وبنشوفه بعد علاجه ونظرته لنورة بعد شفائه من عقده

في انتظارك

بارت حلو بيكشف الغموض شوي
صقر وشيخة انشالله بيضلو بسلام هيك حاجة حروب بيناتون
اما سارة يعلي عليكي يامنحوسة شكلك مضروبة عين اوية لانك احلا اخواتك ياحرام شو ضرك هل الجمال
نايف وحسن وصقر اوووووو واخيرا رح ينكشف المستخبي
موضي خرجك بتستاهلي انشالله بمسيكي بعلقة وبصبحك بعلقة لكن في وحدة عاقلة بتحتفظ برسايل جوزا الاولاني
علا شو حبيتي كان يضربك طول الوقت ويرجع متل الاجدب يعتذر لسا محمد يضربك ضرب واحد مقهور
اما عيسى كان يضربك ويقلك بحبك وانتي متل الحمارة ( اسفة عل هل الكلمة بس بتستاهلا )
بترجعي لعندو متل التوتو
بالختام مابدي طول عليكي انا بانتظار البار الجديد علا احر من الجمر

السلام عليكم ورحمة الله وبركاته
كيفكم يالغوالي حبيت اشكر كل من مر وعلق
الله لايحرمني منكم.....
همس الغرور......نجلااء الريم......صورة الاحزان....ورده الزيزفون
Lili2010لكم خالص ودي اعذروني ما قدرت ارد على كل وحده
لاني عن جد تعبانه وهذا البارت لكم

بسم الله الرحمن الرحيم .. السلام عليكم ورحمة الله وبركاته
والحمدالله والصلاة والسلام على رسول الله ( صلوا عليه وسلموا)
..
ياإلهي ان كان مافهمتوا قصة شيخه لين هالحين .. سقطه في
قلمي بكل صراحه
هي لين هالحين ماتوضحت حقيقتها بالشكل المطلوب .. بس
حنا بنوصل نقطه معينه وبتفهمون القصه تمام .. هاذا كل اللي
أقدر أقوله
انا اعرف اني اوصل لنقاط واخلي القصه مبهمه .. فيه نقاط كثير
لين هالحين اعرف ان متابعيني مافهموها .. بس اتمنى اني اتوفق
لأوصلت للنهايه وأوضح كل شي مطلوب
..
اما النهايه فانحن على مشارفها .. بقى القليل وتفتكون مني .. بس والله بفقد الكثير منكم .. اتمنى ان الجميع يسامحني
ويحللني .. ومايشيل في قلبه علي .. كلمه حرف نص يارب اكون ماجرحتكم ياااااااااااارب
..
فيه هديه بتقدم مني لكل اللي تابعوني .. لكل اللي طلبوا مني
افديكم ياحبايبي .. ربي لايحرمني محبتكم ولايحرمكم الجنه يارب
..
حابه اشكر كثير الشكر اختي الغاليه وردة الزيزفون .. طالما كانت
داعمه لي وبقوه .. وأختي الغاليه معزوفة حنين اللي أراها الورده
لهالمنتدى .. وهي الفراشه التي لاتكل ولاتمل .. طالما خدمت الجميع .. الله يسعدها ويوفقها .. واختي الحبيبه روح زايد
يشرفني انك اتابعين هالروايه .. انبسطت كثير كثير كثير في متابعتك لي .. الله يسعدك ويوفقك يارب




مع اطيب الأمنيات بقراءه ممتعه للجميع
.
سهم المملكه
.
لاإله إلا الله




(البارت السبعـــ 70 ــون )









بيت ضاحي بن فهيد

توجهت للملحق وشنطتها بيدها .. مستحيل تقدر تعش مع

هاذيك الإنسانه .. إنسانه لاتطاق ابد

دورت على هند وشيخه ومالقتهم .. طلعت عبايتها وملابسها

والبست جلالها وبرقعها .. وتوجهت للبيت .. وأول مادخلت

سمعت صوت موضي وهند .. وصوت فارس ومنيره يهدونهم

سكرت الباب بقوه عقب مادخلت .. عشان ينتبهون لها

لفوا وجيهم كلهم لها

قربت لين وقفت في نص الصاله – خير اخت موضي وش حارينتس

فيه .. هناك امتس وهنيا انتي .. وش تبين في أختي

مسكت منيره راسها .. وفارس يغمز لوضحى تسكت

قالت موضي بعصبيه – حدتس لين هنيا وعاد ياوجهه استح

انا ولا اختس .. اللي تشيش بنت محمد علي

قالت هند بقهر – متى شيشتها انتي انهبلتي

ناظر فارس في خلود اللي واقفه ورى هند وتبكي – بس بس

خلاص روعتن البنت

موضي وهي تناظر فارس – لا ماني بساكته .. اللي قدامي لاخلن

فيها لاحشيمه ولا حياء .. انتن ماتستحن إلا تبن البنت تكرهني

وتصير جفسه مثل قلوبتسن

صرخت وضحى بعصبيه وهي تناظر فارس ومنيره – هاه اشهدوا

واسمعوا ياسامعين ( قربت من موضي ) حنا وش ضريناتس فيه

خافي ربتس .. كل شوي ترمين بلاتس علينا .. استحي على جهتس

موضي بعصبيه – انتن اللي استحن

دمعت هند وهي تقول لمنيره – والله والله ياعمه ان ماقلت لها حرف

البنت هي اللي تجي تشكي من ابوها ومنها وانا اللي اهديها

عمري ماقلت الشينه لافيها ولا في رجالها

موضي بقهر – اجل البنت تقول انتي ماتحبيني .. ماتحبين إلا

عيالتس .. تقول هند قالتلي .. والبنت دائم تقعد معتس

ولها ايام ترقد بعد عندتس

فجرتها في وجهها هند – انتي ماهب عشان محمد عايفتس

ومتهاوش معتس .. تجين ترمين بلاتس علي .. وتحطيني في

وجهه المدفع ( تغير صوتها وبكت ) حسبي الله ونعم الوكيل

فيتس .. الله لايسامحتس

وطلعت من بينهم معصبه وخلود تبعتها تبكي وخايفه .. انقهر

فارس وناظر في موضي وقال بقهر – قسم بالله عيـــــــــــــــــــــــب

وسمع اذني مره وخلود جالسه معها تقول .. روحي لماما موضي

تحل لتس هالمسأله لانها ماتعرف لها

سكتت موضي .. وناظرت فيها وضحى بنص عين .. وطلعت تلحق

هند وهي تتحسب وتدعي

انسحبت موضي وهي تحس باللؤم عقب كلام فارس

مسكت منيره راسها عقب ماراحن – يافضيحتس يامنيره فضحتني

في البنات .. كثر خيرها الضعيفه تداري هاليتيمه اللي كلن حاذفها

الشرهه ماهب عليها الشرهه والله على ابوها اللي مهملها













في الدمام

نزلت دمعتها وهي تدخل البيت .. ناظرت في ارجاء البيت بقدر

مايستطيع نظرات عيونها تشوفه

كبير .. موحش .. اكبر من البيت اللي في الرياض .. هذاك على انه

كبير بس فيه حميميه .. وروح .. ودفا

هاذا بارد .. ويخوف .. انقزت يوم قربت منهم الحرمه – اخيرا

وصلت سلطان ( ناظرت في نوره ) لاتقول هالحلوه زوجتك

ابتسم سلطان لعمته – إلا هاذي نوره ( ناظر في نوره ) نوره

هاذي عمتي حصه .. وهالبيت بيتها .. وحنا ضيوف عندها

قربت حصه وسلمت على نوره وقالت لسلطان – منتم ضيوفي

هاذا بيت جدك عبدالله الله يرحمه .. ابوك اللي تركه وراح يعيش

في الرياض

ضحك سلطان وهو يقرب لها ويضمها – بس انتي اللي غيرتيه

وخليتيه بهالزين ( حب يدها ) الله يسلم ذا اليدين اللي زينت

جدرانه

ضحكت حصه وقربت لنوره وضمتها – وياحيك وانا امك اللي

جبت لي اللي تونسني في ذي الوحده .. الله لايحرمني منك

ولا من نوره .. اخيرا رجعت لبيت اهلك وجماعتك

مشوا لين جلسوا في الصاله

قال سلطان – وينه عمي بدر

ابتسمت حصه – عمك بدر ماصدق يوم سمع انك جاي .. راح

هو وبدريه يشترون النواقص لجناحكم

وقفت وهي تقول – بروح اجيب القهوه

ناظر سلطان في نوره – روحي انتي

قالت حصه – والله ان ماتقوم .. انا بس بشرف الشغاله اللي

بتجيبها