السلام عليكم تسلم يدك على النقل الرائع بصراحة الرواية حلووووووووووووووووة مررررررررررررررررررررررررررررة اكلثت ارحيت ارحيت

صباح الخيرات ........صباح الصدمات سهومة احنا قلنا يتعدل الحال بس انتي خبصتي الدنيا على بنات ناصر وبدل مانتعاطف معاهم وبدل ماالكل يتسامح منهم بعد الي صار كبر الحاجز وكبرت المصايب وماالوم العيلة لو كرهتهم هالمرة ومارحمتهم وطردتهم بعيد عنهم

تسلم ايدك عبوقة الله لايخلينا منك

شويخ وصقر

شويخ مولهالدرجة قلبها المريض رجال ينازع بيموت تدعي عليه وتتشمت فيه ليه هي ضامنة اذا جاتها سكرات الموت ماتكون مكانه وتطلب من الي ادتهم بلسانها مثل منيرة وغيرهم من الي اوجعتهم بلسانها يبيحوها ترى الانسان ماراح ياخذ من دنياه الا عمله والذكرة الحسنة يمكن الجد كان قاسي معاهم بس مع الناس ومع غيرهم كان له محبين بس هي مين الي بيذكرها بخير ساعة الموت الي مايعرف عمر ...........على اني مااحب الجد على ظلمه بس جدا اوجعني الحال الي هو فيه رجال كبير يبكي ويترجى السماح هو خلاص بيموت وبيودع ماراح يضرها شي لو سامحته بس مااقول الا تدعي ربها ساعة موتها انها تطلع من الدنيا بعمل حسن من ابتدت الرواية مااشوفها الا تراكض ورى حقدها وانتقامها الي ماراح يخلف وراها الا ذنوب وسيئات ..........ماتسوى الدنيا على بني ادم كلنا طالعين منها ليه نصر على الحقد الي ماراح يولد الا الاحقاد ........وحتى يوم خواتها بيسامحوه ماخلتهم هي شدخلها عليها من قلبها الاسود الي مارحم احد ............وقسم حتى يوم وضحى حكت ماضيها ماتعاطفت ابد معاها لانها مارحمت الضعيف فكيف تبينا نرحمها هذا الجد ومات عسى بس ابوها ارتاح وبرد قلبه وهو بقبره بعد ماترك بنت حقودة تنظر من منظار واحد والله الولد الي يعيف اهله علشان حرمة لاتغنيه ولا بتدخله الجنة ولا هي واجب عليه يتزوجها ويضحي بأهله وامه الي حملت فيه وتعبت بتربيته واخرتها يعيفها ويروح ورى حرمة ابوها لو هو يخاف ربه ماناظر بوحدة جاية تشتغل كان غض بصره وتعود من شيطانه وامها لو فيها خير ماوافت واحد يغضب امه وابوه علشان يتزوجها ابوها تزوج وذلف مع الي ماخذها مافكر يرضي اهله ويتعب في ارضائهم حتى لو لاخر يوم بعمره جالس يتبكبك مثل الحريم ويتشكى .....نسى فضل الام والابو عليه لو يطلبون عمره ملزوم يلبي لهم .......يعني ابوها الي طلع من الدنيا ربحان مات وغضب ابوه وامه ملاحقه لاتقول جدتها راضية لا حتى جدتها ماتبي امها يعني اعذارها كلها مابتنفعها والانسان محاسب على عمله والي قدمه في دنياه لا لها دخل بأبوها ولا اخوها .........بنشوف الحين بعد المصايب الي حلت على العيلة من بركات دعاويها الي كلها شر بدل ماتدعي لحالها ولاخواتها بساعة الاجابة بخير وبدل ماتدعي لوالديها استغلتها دعاوي بشر اي ذنوب بتحملها على ظهرها يوم الي مابينفعها فيه شي لاانتقام ولا حقد عساها بس بردت خاطرها وارتاحت الحين

اما صقر مااعتقد العذر الي قالته وضحى قوي لدرجة انو يتعاطف مع قلب شيخة الاسود وحدة معقدة مريضة اذا مااخذها وعالجها من الافضل يطلقها ويخليها تذلف مكان ماجات صدمتي فيها كبيرة وطاحت من عيني .......والله لو كل بني ادم حط نفسه مكان الجد وهو ينازع سكرات الموت ويطلب السماح ومايلقى جواب جد يستحقر الدنيا بلي فيها الله يجعل خاتمتنا حسنة ولا نترك الدنيا الا وماحد شايل بقلبه عليه وقسم اثر فيني الي صار واوجع قلبي

شيخة مافرقت عن جدها هو عاش عمره حاقد ومخلي ناس تحقد عليه وهي نفس الطريق ليه تشوف نفسها مظلومة وابوها مظلوم ابوها ظلم حاله وظلمهم يوم فكر بنفسه وبنزواته ومافكر بالدنيا الزايلة يوم يموت ويتركهم بدون سند



سارة ونايف

هذا ربي فكها منه ليه زعلانة وليه مصدومة ومنهارة وفاقدة الوعي ربي استجاب دعاها مو هي تمنت الشر للنايف ربي عطاها والا مفكرة الدعوات هي واختها لعبة مافكرو بساعة الاستجابة ........يعني لو مستغلتها بالدعاء الصالح لها وبالراحة والاستغفار مو احسن لها ........لاتلوم اي احد يحتقرهم وينظر لهم نظرة بغيضة مو هي تبغي الطلاق والفراق خلاص جاها الفراق بشكل ثاني مع اني مااعتقد انو نايف بيموت ..........يعني مابتكون نهاية البنات طلاق وترمل ونقول هذا الحال المعتدل ........والحواجز والحزازيات الي انشالت بقلوب العيلة عليهم معقولة بيقدرو يعيشو مثل ماكانو لو رجعو الدوادمي مستحيل كلام بس والدليل يوم صقر تزوج وغاب عن شيخة اسبوع بغت تموت من فراقه وهذي سارة غابت عن الوعي لانها سمعت خبر انو نايف مات يعني كل كلامهم هوى والي بالقلب شي ثاني والله يستر وماتترمل سارة بعد كل هالعذاب .........اما صدمة شيخة مااقنعتني ابد لانها ماحنت وهي تشوف جدها بيموت بتنصدم من موت اي واحد من عايلة مااخذت منها الا الدعاوي بالشر


وضحى وفهيد

اعتقد فهيد ماراح يموت مانبي لوضحى الوجع اكثر لانو موت فهيد معناته حرمانها من ولدها لانو لاعمشاء ولا عمها بيرحموها وبيتركو الولد عندها وهم يشوفونها هي وخواتها السبب ........مع انهم ظلموها بولدهم الي لو مات بيموت وهو ماسوى لاخرته شي بس الحقد الي بقلب شيخة بينتقل لقلوبهم وهذي موضي اول من انتقل لها الحقد


نورة وسلطان

سلطان بعد موقف شيخة بيصر على رايه وبيبعد نورة عن حقدها وعقدها .......ماراح ينسى الموقف الي صار وشيخة ماراح تقدر تسوي شي والحق مع سلطان انو مايبي زوجته تصير بقلب اسود نفس اختها خليها تعرف انها مثل الوباء الكل بيتجنبها هل بتقدر تعيش براحة وسعادة وهي منبوذة والكل مايبي يحتك فيها


نور وضاحي

نور ماشكل اصابتها خطيرة بس ن الجوع والرعب الي عاشته ايام والدم الي فقدته والحين بتقدر توصل الي تبغيه لضاحي وعسى بس يطلع حتى ابوها بريء علشان تقدر تكمل معاه لانو اذا ابوها مجرم صدق ماراح تقبلها لاعمشاء ولا ابوه ولا حتى هو مركزه بيسمح له يرتبط ببنت مجرم ............لذلك اعتقد نور جايبة دليل برأة ابوها قبل برأتها


موضي

موضي مالها حق تطرد البنات من بيت مو بيتها ولا لها فيه اي شي وسبق محمد طردها منه بطريقة منمقة .... يعني هي كانت ظالمة بسكوتها عن حقيقة اخوها لوضحى مالها حق اصلا تنطق بكلمة لو واجهتهم وضحى الكل بينزل راسه وماعنده عذر ...............بس من صدمتها بحقد شيخة ودعاويها الي ماراحت بعيد والمصايب الي هم فيها خلاها تطلع من طورها والا هي عارفة انو مالها حق وكل وحدة زوجها عندها هو الي له كلمة وانو الي سوته راح بضرها قبل يضرهم لانها مثلهم زوجة لولدهم والبيت بيت عمهم مو بيت ابوها ولا بيت زوجها حلاله ........ولابد بتعتذر او بتدفع ثمن الي سوته


سهومة ماادري ايش باقي من مصايب ماصارت بالرواية

بعد البارت الي راح ماادري وين الصلاح بحياة بنات ناصر

هل النبذ والكره من باقي العيلة لهم

بننتظر ونشوف ماتخفيه من احداث

السلام. عليكم
لطالما كنت متابعه بصمت لكن حان الوقت الذي اظهر فيةإعجابي بقلمك
سهومة اشكرك على الرواية الاكثر من رائعة
ومانسى اشكر عبق الرياحين على النقل المميز
واصلي ابداعك ولايهمك النقد السلبي << لاترمى الا الشجرة المثمرة