بسم الله الرحمن الرحيم .. السلام عليكم ورحمة الله وبركاته
اللهم صلٍ وسلم وبارك على سيدي ونبيي وحبيبي محمد ( صلوا عليه )
يالله حي كل متابعين سهم \ واللي متشوقين للجاي \ واللي خلف الكواليس
وللجميع
عندي زيارات قريب بنظمها >> اظاهر حكي بدون كلام .. بس للمنتدى
للي أحب هله وناسه وربي يسعدهم يارب ( رواــــــــــــ) الله يوفقكم يارب
كنا منظمين زياره للمنتدى ( ليـــ ـــــــــــــــــــــــ) بس للإسف علق معي الموقع
..
بالنسبه للبارت لليوم .. متأكده انه روايه بلحالها .. قوي بالحيل .. استمتعت
بكل حرف كتبته .. اول مره استمتع في هالشي بهالكثر .. وانا دائم استمتع باللي
اكتبه بس بارت اليوم .. انا بنفسي ودي اقراه مليون مره .. جدا رائـــــــــــــــــــــع
ويارب يعجب الجميع
..
خلف الكواليس
بالنسبه حق تعليق لوحده من الإخوات في المغرب كل اللي فهمته من الإنجليزي اللي
كاتبته مدري الفرنسي كلمة ام بي سي .. بتضحكون علي اضحكوا .. ميييييييييييح
في الإنجليزي وينضحك علي لا ويقدروني يلعبون علي بعد .. ماأحبه اهوى العربي
ولا غير ابدا .. بس قريب نأخذ دوره نمشي حالنا ونعرف نرطن
بس اتمنى ان كلامها عنا يالسعوديين زين .. وانا ماعلقت بسبب بس اللي صار لنا
مع مصر .. لا الإغلب مستهدف السعوديين .. ومستهدفين سفاراتنا .. مسبتهم
لنا موجعه .. على ان ايادينا البيضاء تشمل الجميع وتغدقه .. ولكن هاذا جزاة الطيب
..
بالنسبه للإسئله
1) الروايه ماأقدر أحدد متى نهايتها .. لكن قريب
2 ) للي قالت ان مايشتكون البنات في المحكمه .. مدري إذا هي سعوديه ولا لا
علشان ارد عليها
وأقول لها القضايا الإسريه تتم في المحاكم .. عندي خلفيه عن هالموضوع .. مستحيل
اكتب شي وماعندي عنه خلفيه .. بلاهي عليكم قضيه اسريه وين بتروح الشرطه مثلا
لا في المحاكم وانا متابعه الصحق واعرف طبيعة هالقضايا .. اتلاها اليوم بيحطون
قضاة او مشايخ يشتغلون زياده بعد الدوام الرسمي .. عشان يقدرون يلحقون على
القضايا .. الله يخليكم لحد يسوي علينا فهيم لين يتأكد من المعلومه
..
للإخت الغاليه صبوحه
سلامتها الوالده .. جعلها ماتشوف الكدر يارب .. وتستاهلون سلامتها يارب
والحمدالله على قومتها بالسلامه والله يحفظها


وألف شكر للجميع


مع اطيب الإمنيات بقراءه ممتعه
.
سهم المملكه
.
لإله إلا الله



( البارت الثاني والستــ 62 ـون )


كنت راكبه جنب عمي ابو محمد في الخلف .. الصمت يضج

السياره بس صوت تنفسي المكتوم .. ودقات قلبي القويه

احيانا أفكر في حالي وش بيسوون فيني .. واحيان أكثر أفكر

في حآل شيخه اللي ركبت مع الجني .. يارب تستر عليها

وانا احس اني بموت من الرعب

كان جدي راكب جنب فارس اللي يسوق .. وفي الخلف انا

جنب عمي ابو سعد .. وابو محمد

ماتوقعت صمتهم .. او صمت جدي اللي طول الوقت اسمعه

بس يهلل .. معقول انه ندم

متأكده ان الكل صامت يحتري ثورة الشايب .. بس الشايب

صامت ويالله يهمس بالتهليل .. يارب انه يفكنا شره

والله اني خايفه بقوه .. لدرجه اني اصيح بصمت .. وافرك

عبايتي .. الخوف ذبحني .. يارب تستر علينا

وصلنا البيت .. بسرعه فتحت الباب .. وركضت لخواتي

لقيت وضحى وهند يبكن .. ونوره جالسه وتفرك يدينها

وسرحانه .. يوم شافني بسرعه وقفن

وضحى ودموعها تسيل وعيونها حمرا – وش صاااااااار

حسيت انه بيغمى علي .. جلست وعيوني غايره .. وكل

شوي ألتفت وراي .. وينهم .. محد لحقني يضربني .. معقوله

سكت عنا الشيبه

قلت ووجهي ملفوع وقلبي ينتفض وارجف – مدري

( ناظرت فيهن وحده وحده ) – مدري ليش محد ضربني

ولا هاوشني .. ساكتين بس

وضحى خبطت على صدرها وقامت تبكي – يويلي وش بيسوون

فينا يويلي يويلناااااااا

هند تلتفت يمين ويسار – وينهي شيخه

تذكرت شيخه وبكيت – شيخه راحت مع الجني .. خمها بكتفها

وركبها السياره غصبن عنها .. وذلف فيها

بكن خواتي .. وانا احس بالخووف والرعب .. كيف

سمعت هرجتس ياشيخه .. ياليتني مارحت معها .. يالييييييت







مشيت وراهم .. واحس ان كل واحد منهم ماهب جايبها

على خير .. مارحت معهم وجلسنا في المجلس غير خوف

عليهن .. ان نووا فيهن بشر .. انحشت إبهن .. واللي يصير

يصير .. يتيمات وحالهن يكسر .. مضيومات وانا عارفن

ضيمهن .. ابوي اللي احسه يبي يهدي الوضع مثلي

قال – ترى ماينلامن ياابوي من يوم جنا وانت الله يسامحك

ابو فهيد – وش لومه انت انهبلت .. ابك هذلي بناااااااااات

ناس وقبيله معاد بوجيهنا ماي .. يسحبنا للمحاكم ياجدهن

الشايب وعمانهن .. كله من هاذيك العوباء تهبى اويل

من مردغها بالعقال .. عسى صقر يبرد حرتي فيها

مطيت عيني .. ناظرت جدي بشوف ردة فعله .. مدري

وراه ساكت .. ألتفت اشوف ابوي .. لقيته يناظر جدي

فجأه نقز وركض له .. ألتفت ولقيت جدي ماسك قلبه

صرخ فيني عمي سعد – دق على الإسعاااااااااااااااف

عجلللللللل

[COLOR="Black"]شفت السياره يوم اقتربت صرخت بكل قوتي .. واشوف

ان الوداع حان – لااااااااااااااااااااااااااااااااااا

غمضت عيوني بقوه وانا اصرخ بقوه .. احتري من وين

بتكسر وأموت .. و السياره تلف يمين ويسار وتمشي بكل

إتجاه .. وانا اصيح وابكي .. لكن فجأه توقفت السياره

وهو ينفث الهواء بقوه .. فتحت عيني ببطء .. ألتفت له

ألتفت علي – صار فيتس شي

هزيت راسي بلا ودموعي تنزل .. فجأه اللي ضرب علينا

الشباك ويصارخ .. نزل له صقر .. وانا حطيت يديني على

عيوني وجلست ابكي .. أقوى موقف واجهته .. كان بيني

وبين الموت شعره .. سبحان اللي نجانا







دخلت اركض للبيت .. أكيد فضيحتي انتشرت .. وش بيصير

فيني .. بتطلبني المحكمه .. انسجن .. يعني انفضح

ركضت بأقصى سرعتي .. ابي ألقاها .. ابي أعرف وش صار

فجأه طلع فارس بوجهي وهو يصارخ – نااااااااااااااااايف

ألحق علينا ألحققققققققق

مطيت عيني وش صاير .. ركضت وراه .. دخل مجالس

الريجيل .. دخلت وراه .. شهقت يوم شفت جدي أمدد على

الإرض .. وأزارير ثوبه مفتوحه .. ويرشون عليه ماء

صرخ فيني ابوي – وش تحتري تعااااااااااااااال

ركضت لجدي وصرخت في فارس – شنطتي في السياره

عجل بسرررررررررعه

ركض فارس .. وبسرعه مسكت يده وانا اسأل – وش صاير

عمي ابو محمد – كل شر .. كله من ورى دروب هاللي مايستحن

سودن وجيهنا الله يسود وجيهن

ابوي وهو يمسح على وجهه جدي – ماهب وقته

لقيت نبضه ضعيف .. بسرعه سويت له الإسعافات .. وانا مرتبك

وصلت الإسعاف وخذوه .. ركبت معهم وانا أحاول ارجع نبضه

للطبيعي واسويله صدمات كهربائيه





ركب السياره وهو ينافخ .. وسكر الباب بقوه – الله

لايوفقه ( إلتفت علي ) كله دروبتس .. بس انا اعرفتس

منهو صقر

شخط الموتر بقوه .. اسمع جواله يدق .. بس مطنش

مدري ليش حسيت انه ماهب معديها على خير .. ماعلي

فيه .. أهم شي علمتهم من بنات ناصر .. مستحيل نسكت

لهم عقب اللي سووه فينا

كنت بأبكي وأشوفه يأخذني لطريق الشقه – لا صقر لااااا

تكفى لاتطرح وجهي قدامها

صرخ في وجهي – اقطعــــــــــــــــــــــــــي

عصبت منه وألتفت عليه وصرت اضربه .. وهو مطنشني

جلست أبكي – انا عارفه انك بتهيني .. بس ماهب قدامها

صقر لاااااااااااااا .. لاتطرح وجهي لااااااااااااا

بس لاحياة لمن تنادي .. يعني هاذا درسك لي الإهانه

وصلنا الشقه .. ونزل بسرعه .. مشى لبابي وانا ابكي

مستحيل اطرح كرامتي قدامها مستحيـــــــــــــــــــل

جرني وانا اصارخ – لاااااااااااااا ماراح انزل مستحيل

وهو معصب ويجر بأقصى قوته .. حسيت اني بموت

انا ماخليت أحد يتشمت فيني .. تتشمت فيني هي لاااااااا

ناظرت في عيونه وأنا أقول بجديه – بنزل وان صار فيني

شي قدامها .. انسى وحده اسمها شيخه .. وتحرم عليك

شوفتي

كان مثل الثور الهائج .. نزلني بقوه وهو يجر كتفي .. المجنون

بغى يخلعه .. نزلت وسويت عبايتي .. احس اني بموت

لو نزل راسي قدامها .. اعرف اني غلطانه .. بروحتي للمحكمه

ويضربني يمكن عادي .. بس لايطرح كرامتي القاع قدامها

جرني بيدي ومشاني وراه .. وكان يصعد فيني الدرج بقوه

وصلنا الشقه وفتحها بالمفتاح .. وحذفني وسكر الباب

وقفله بقوه .. سمعت صوت الكعب ألتفت وشفتها جايه

بقميص أحمر لو أموت مالبسته قدامه .. حسيت اني

بموت من الخجل .. ماهب قميص شي فضيييييييييييييييييحه

ناظرت فيني وفيه بصدمه – صقررر

صقر اللي كان مطنشها ويناظر فيني بقهر واضح .. كان

يقرب وأنا أبعد .. ياااااااااارب إلا هالإدميه لاتشوف كسري

صرخ ونقزت مكاني بخوف – وقفــــــــــــــــــــــــي

حسيتها خافت هي بعد .. ووقفت وتكتفت تناظر فينا .. انا

استحيت اناظرها .. نعنبو وجهها كيف ماتستحي .. وقفت مكاني

وحطيت عيني بعينه .. بس احتريه يصفعني كف عشان احلف

قدامه لو يموت موت ماشاف وجهي .. تجمدت مكاني وهو يوقف

في وجهي ويناظر فيني .. وأناظر فيه .. حسيت بالخوف وهو

يرفع يدينه .. بسرعه غمضت عيني وانا اتنفس بسرعه

بيضربني .. هالحين بيصفعني .. وبعدها مستحيل يشوف

وجهي والله ماأقعد له دقيقه وحده .. والله اني لإرفع عليه

قضية خلع .. وبأخذ خواتي معي .. بنرجع للدوادمي

فجأه حسيت ببوساته الرقيقه .. تمطر كل وجهي .. حتى

حسيت اني بختنق .. حسيته ناسي نفسه .. لين سمعنا صراخ

خوفني انا وإياه وخلانا ننقز – لواللــــــــــــــــــــــــــــه

وبعدها صوت بكا .. ثم راحت تركض للغرفه وهي تبكي .. مت

قهر وانا أشوفه يركض وراها .. حسيت الغيره قطعتني .. بس

قبل شوي اتوعده واني بتركه .. ياليتني ماعرفتك ياصقر .. وبدال

ماأفرح .. جلست على الإرض وبكيت .. وانا أسمع صوته عندها

يبرر لها اللي سواه فيني .. حقير .. حيوااااااااااااااااااان

سمعت صوت جواله يدق وهي تصارخ عنده .. وقمزت

واقفه أمسح دموعي يوم طلع وهو مثل المصفوع – ايشششش

جدي

ناظر فيني .. وبسرعه زينت برقعي .. قرب مني ومسكني

بقوه وهزني – ان صار في جدي شي تتمنين الموت

ولا تلقينه

دق قلبي بقوه

ألتفت انا وإياه يوم قالت وسميه – الله لايوفقكم .. حسبي

الله عليك يـ ................. يـ ..................

حسيته انقهر ومط عيونه .. بغيت اضحك على شكله وهي

تحذف اغراضه بوجهه

صرخ فيها – ماني فااااااااااضي ( ناظر فيني ) امشي يالسلقه

امشي قدامــــي

مشيت بس وقفتنا صرختها – ان طلعت مع هالباب تراني

حرمت عليك نفسي


ألتفت عليها ومط عينه .. ومشى لها وحب يدها وخدها

وكل مكان وهو يقول – وسميــــــــــــه

حسيت اني منفجعه .. عمره ماسوى هالحركه لي وش

هاللي سلبت عقله

صرخت عليه وهي تنزل دموعها – خلها تذلف .. خلها تنقلع

قال يبرر لها – جدي وسميه جدي في المستشفى

قالت وهي تبكي ومنهاره – مالي شغل في أحد .. ان طلعت

بعتبر انك طلقتني خلاص .. عطني ورقتي

حسيته أحتار .. وجلس يناظر فيني وفيها .. حسيته بيموت

لو فارقها

حسيت اني دخت وهو يناظرني ويقول – شيخه اطلعي

ناظرت فيه مصدومه .. وين يباني اروح .. ماعرف شي

حسيتها استانست وذابت .. وجلست تناظرني بشماته

وتبتسم .. حسيت بالخنقه .. ودموعي على وشك النزول

طلعت .. وسكرت الباب وراي بهدوء .. وقلبي يشتعل

حريقه .. ياحضها فيه ياحضهااااا




[/COLOR]

في المستشفى

في السيب واقفين ينتظرون بخوف

ابو فهيد – حسبي الله عليهن .. حسبي الله عليهن سودن

وجيهنا الله يسود وجيهن

فارس قرب من عمه – عمي اهدئ حنا في مستشفى الناس

تناظرنا وانت تدعي

دزه وهو معصب – اذلف عني .. ماخربهن غيرك انت وابوك

وامك موصلينهن السقف لين نفشن ريشهن علينا

ابو محمد جالس على كرسي وماسك راسه .. وواضح في

وجهه التعب والقلق

جاهم ضاحي وسلطان اللي منصدمين .. وتلاقوا عند باب

المستشفى

محمد جاء بعدهم يناظر فيهم – وش صاير وش فيه جدي

ابو فهيد – وش صار لجدك .. قل وش مصار إله جدك

هالسلق ذبحنه .. ان مات ابوي هن سبب موته

سلطان هز راسه إستنكار لكلام خاله .. قرب منه – خالي

وش القصه

ناظر في محمد وضاحي وسلطان – السلق مستقاتن جدهن

للمحكمه .. رافعاتن عليه قضيه .. وطن روسنا القاع

قرب منهم فارس وهو معصب – لاتنسى ياعمي ان جدي

اتهمهن انهن بنات حرام .. وقذف ابوهن وامهن وبهتهم

مط عينه ابو فهيد بقهر من دفاع فهيد .. وجاء بيصفعه

كف .. مسك يده فارس وقال – ماني بولد امس تصفعني

نزل يدك عني .. وبنات عمي انا واقف في وجيهن ورني

مراجلك فيهن وشف وش بيصير

الكل أنصدم من كلام فارس .. اللي ناظرهم واحد واحد

وقال – هالكلام مو بس لعمي .. وموجه لكم كلكم بعد

سلطان وضاحي انسحبوا وسكتوا .. بس محمد

عصب – مابقى غيرك يهرج .. قص يقص لسانك

ايا اللي ماتستحي

صرخ فيهم ابو محمد – بــــــــــــــــــــــس

ألتفتوا إله .. كانوا ناسين وجوده .. قرب منه محمد – شفت

ولدك وش يقـ

قاطعه ابو محمد بعصبيه – بس قلت لك إسكت إسكــــــــت

ومسك قلبه اللي بدأ يزيد وجعه .. من دق التلفون طالبينهم

في المحكمه .. وقلبه يوجعه .. وهالحين أظاهر انه بيطيح

عليهم ناظر فارس وأشر بيده مايقدر يتكلم .. قرب منه

فارس – لبيه

ابو محمد ويالله يتكلم - في مخباي حبوبي عطنياها

فارس ناظر وجهه ابوه اللي مايبشر بخير .. دور على الحبوب

وفتحها بس يبي ماء .. جاء بيروح يركض يجيب ماء .. مسك

يدينه ابو محمد – لاتروح اقدر ابلعها

بلعها وجلس جنبه فارس .. ومحمد يراقب حالة ابوه بعيونه

والكل يناظرونه ساكتين همس فارس – انادي الدكتور لك

هز براسه – لالا .. هالحين ارتاح







وصلت الشارع وانا مقهوره .. الله لايوفقها هو وإياها

الله لايوفقهم

ألتفت يميني ويساري مافيه تكسي .. مشيت بخطوات

سريعه .. ابي ابعد عنهم .. خلاص مالي مكان في حياته

ومستحيل أقعد انا وخواتي هنا .. لهن الخيار اللي بتروح

تروح .. واللي بتقعد تقعد عمرها ماجت .. لاني شاكه في

نوره ووضحى ماهب راجعاتن معنا

صب قلبي وانا اسمع صوت بوري السياره وراي .. خفت

وبعدت عنها أفتح لها المجال .. بس ظلت تلحقني وتضرب

بوري .. بغيت اموت مكاني وهو يوقف مكابح السياره

بيجي يسحبني أكيد .. أسرعت في مشيتي بس صوت

خطواته وراي – شيخـــــــــــــه

ألتفت وراي .. ماصدقت عيوني – صقـــر

وقفت مكاني .. لين قرب وهو معصب – وين ذالفه هااااااه

حلالتس الجو .. تعودتي على سوالف التكاسي

انقهرت منه وجيت بمشي .. سحبني بقوه وجرني

للسياره – امشـــــــــــي

كنت في داخلي مستانسه .. ماصدقت انه رجع وأخذني

بس وناستي خربت يوم صارخ علي وهو يسكر بابه – وين

ذالفه هاااااااااااااااااااااه

قلت – انت تقــ

صرخ علي وقاطعني – إلا ماصدقتي .. بس انا اوريتس

الشغل

وطار بالسياره وانا ذابحني الخوف .. مجنون ومتهور

وجواله كل شوي يدق وهو ينافخ .. وينافخ

لين فجأه صرخ ونقزت – خلاااااااااااااااااص لو تموتين مارجعت

لتس

ألتفت عليه .. وانطرمت في مكاني .. شكله معصب بالحيل

معلوم تراها الحبيبه .. أكيد تهاوشوا .. يارب تذلف وتريحني

وصلنا البيت وقف بسرعه وصرخ – يالله انقلعي

ماخلاني انزل زين .. شخط بالسياره بقوه .. والباب

مفتوح .. بس الهواء سكرها من سرعته

دخلت البيت .. ناظرت يمين ويسار .. اتجهت للملحق

بسرعه .. انصدمت من حالة خواتي وانا افتح الباب عليهن






طلع نايف والكل إلتف عليه

محمد – وش صار في جدي

نايف يناظرهم – والله اني ماقصرت واني سويت اللي أقدر عليه

بس حالته خطيره

ابو فهيد – كله بسببهن كله بسببهن الله يقصفهن يارب

ناظره نايف .. وناظر فارس وابوه

مشى لين وصل فارس – تعال ابيك

فارس ناظره من فوق لتحت – وش تبي

انقهر نايف من نظراته – تعال وبس

مشى معه فارس لين وقفوا بعيد عنهم – وش سوت ساره

فارس فاهم بس يستهبل – في وش

نايف انقهر وكأنه انحرج – رافعه قضيه .. فضحتنا

فارس ناظره بقهر – ايه .. واللي صار بجدي بسببك

انصدم نايف يعني انفضح .. طول الوقت وهو عند جده يناظر

فيه وخايف ان اللي سواه كشفه ودروا عنه

ترك فارس ووقف في وجهه محمد - لاتروح عمي وابوي

يبون يدخلون على جدي

ناظره وهو يبي الفكه من المكان بكبره .. كفايه ان عينه صارت

صغيره عقب ماكشفوه – ممنوع الزياره

محمد انقهر – وليش ممنوع

نايف صد بجسمه ومشى – ماهب انا دكتوره الدكتور حقه

عبداللطيف

كان يمشي وناره تسعر .. جابت راسه للإرض .. سودت

وجهه يوم شكته

طلع من المستشفى وهو ماهب ناوي الخير .. ان ماعلمها

من يكون .. ماهب نايف

شاف في وجهه صقر .. بسرعه اندس عنه قبل يشوفه

وركض لسيارته وهو مقهور .. ركب فيها ويحس انه مخنوق

قدرت عليه وسوت اللي تبي .. ماهب تزوجها وستر عليها

زين يا سويران وين بتروحين مني جايبتس جايبتس

شيخه منصدمه من إشكالهن – صاير شي

ماصدقن وهن يشوفنها .. تراكضن لها – وش صار فيتس

سوى فيتس شي

ناظرت فيهن – لا وش بيسوي .. بس بغينا نموت

وجلست وانا إبتسم – وبيطلق حرمته

وضحى جتني وجرتني – انتي في حال وناسه وجدي طايح

في المستشفى ونحن السبب

صرخت فيها – عساه معثره ياااااااااااااااارب نموت ونفتك منه

نوره الحساسه بكت – حرام عليتس شيخه

صرخت فيها – حرمت عيشتس .. اظاهر انتسن سامحتنه نعنبو

ذا الوجيهه إلتسن .. يقذفتس ويضرب بسمعة ابوتسن وامتسن

القاع وتبكنه تفووووووووو عليتسن

مطن عيونهن .. جيت بمشي .. وطاحت عيني في ساره

سألتها – سووا فيتس شي

هزت راسها بالرفض .. ودخلت غرفتي





العصر

دخل البيت مثل الثور الهائج .. شاف أمه في وجهه – وينهي

منيره وهي رابطه على راسها – منهي

نايف بقهر – اللي حذفتوها علي .. جعلها بالمرض اللي يريحني

منها

مطت عينها منيره – انت صاحي ولا مجنون

تركها وجاء بيمشي تاركها .. وقفته منيره – نااااااااااااايف

وقف ولا ألتفت على أمه – جدك وشلونه

قال بعصبيه – دقي على واحد من عيالتس انشديه .. انا هالحين

ماهب فاضي

وتركها وطار على فوق .. فتح الجناح .. ودور عليه .. لآثر

إلها

نزل بسرعه وهو يصارخ – يمه يمــــــــــــــــه

وصل الصاله وشاف امه جالسه وتبكي .. وقف عند راسها – يمه

ليش تبكين

منيره – انا بموت والسبه انتم .. حسبي الله عليكم

جلس نايف جنبها وحب يدها – دخيلتس يالغاليه لاتزعلين

يرضيتس هاللي ماتنذكر تشكيني في المحكمه .. كلن درى عن

فضيحتي .. ماهب اعرسنا وسترتها

ناظرته منيره وهي ماطه عينها – من يقوله

وقف وهو محمر – فارس

طلع وهو متأكد بيلقاها عند خواتها .. مشى بسرعه بإتجاه

الملاحق .. طق الباب بقوه

البنات فزن

هند بخوف – يويلنا

طلعت شيخه من غرفتها – من اللي يدق الباب

وضحى وهي تخبط على راسها – بيذبحونا بيذبحونا

شيخه عصبت – خلاص انطمي

قربت من الباب – من

صرخ عليها – وينهي وينهي

فتحت الباب شيخه عقب مالبست برقعها .. وعرفت صوته

صرخت في وجهه – انت وش تبـــــــــــي

صرخ عليها – وينهي ساااااااااااااره وينهييييييييي

شيخه – وش تبي فيها

نايف بقهر – خليها تطلع ولا أقسم بالله أدخل وأطلعها

شيخه صرخت في وجهه – ماهب طالعه وأعلى مابراسك

سوه ( وقرعت الباب بوجهه بقوه )

دق الباب وشوي ويكسره .. وساره قامت ترجف

صرخ وهو يحاول يكسره – اقسم بالله لاتطلع .. طلعووووووها

لي طلعـــــــــــــــــــــــــوها

ناظرت ساره في خواتها اللي يرجفن .. وفي شيخه اللي رافضه

انها تطلع .. افتحت الباب وصرخت فيه – خيـــــــــــــــر

وش تبي

ماخلاها تكمل كلامها .. وسحبها معه .. وشيخه ركضت وراه

تسحب ساره .. وساره تصارخ عليه

وهو ماهب في عالمهم .. همه يسحبها وبس ..يوم شاف

مقاومتها .. وصراخ خواتها وراها .. فك يدها وشالها

وهي تبكي وتصيح .. جتهم منيره .. وشيخه ووضحى وراها

يصارخون عليه .. مسكته منيره ترجاه – دخيلك يانايف

خلها تكفـــــــــــــــى

لاحياة لمن تنادي .. طنش الجميع .. مشى فيها لفوق

وخواتها يصارخن وراها

شيخه صرخت بقوه – والله لإكلــــــــــــــــــم الشــــــــرطه

ألتفت عليها وهو يوصل أخر الدرج وساره تصارخ

وتبكي – ياليت عشان تكمل ,, وأقول يحرضون حرمتي علي

دخلها الجناح ونزلها ودزها بعيد .. وقفل الباب وأخذ المفتاح

ركضت للغرفه وركض وراها قبل تقفلها .. دز الباب ودخل

وناظر فيها .. صفعها كف .. وكأن الجو عقب هالكف هدى

لانها قامت تناظر فيه وماسكه خدها صرخ عليها – اجل رحتي

وسويتي اللي قلتيه وشكيتيني

ثارت ساره وقامت تجر شعرها – اكرهك اكـــــــــــــــرهك

وقامت تناقز من اللي تحس فيه وتبكي – الله يأخذني وأموت

وأفتك من وجهك .. روووووووووووووح اذلف عني

روووووووووح

انقهر منها ومسك كتوفها يثبتها – بتوقفين ياحيوانه وبتسمعيني

غصب عنتس بتسمعيني .. قلت بطلقتس بس تبطين عظم

خلتس كذا كارهتني وانا كارهتس أكثر

كانت ساده أذانيها عشان ماتسمع صوته .. بس يوم قال طلاق

وسمعت وش قال مطت عيونها .. ونزلت على الإرض وبكت

بهيستريه – اكرررررررررررررررهك

صرخ عليها وهو يضحك – ماهب لازم تحبيني .. اهم

شي عجبتيني واللي بغيته امس منتس خذته

قامت تجر ثوبها وتصارخ .. وتقول كلام ماهب مفهوم

ومرات تجر شعرها .. ومرات تنسدح على الإرض وتبكي

وهو وقف يتفرج .. عرف انها منهاره .. بس يبيها تذوق

العذاب شوي .. من قالها تروح وتشكي عليه









( إنتظروني بإذنه تعالى .. يوم الثلاثاء القادم )