نزلت موضي ووضحى ,, اللي وقفوا في الحوش يوم شافوا الجمع الغفير


عين موضي طاحت في عين محمد بعدين نزلتها .. شافت ضاحي واقف معه ومع سعد


فارس قرب بإتجاهه موضي ووضحى – حيالله بنات عمي الموقرات اخبارتسن


موضي ووضحى – بخير كيفك انت


فارس – الحمدالله بخير وبنعمه ( غمز لهم وبإبتسامه ) كيف الجو فوق


موضي ابتسمت اما وضحى قالت – وش تبي تعرف ونعطيك التفاصيل


فارس ضحك – لالا مانبي تفاصيل تفاصيل مخيفه صقر اكشر وشيخه عصبيه


ضحكت موضي ووضحى ,, قرب منهم ضاحي – مساكن الله بالخير


وضحى استحت وألتفت زين بالشرشف اما موضي – مساك الله بالخير


ضاحي انفشل – ماعليه يابنت عمي اللي مايعرفتسن يجلهتسن انتي الكبيره وضحى صح


وضحى اللي متفشله – صح


ضاحي ابتسم – اها كيفتس اجل


فارس اللي ينقل نظراته بينهم ومبتسم هو وموضي


وضحى – بخير ,, كيفك انت


ضاحي – يسرتس الحال ( ناظر موضي ) يالله سرينا


موضي اللي حاسه بمراقبة محمد لها – يالله


سلمت على وضحى – يالله تصبحين على خير واشوفتس بكره


وضحى – وانتي من هله


مشوا ,, اما فارس عرض على وضحى يوصلها لين الملحق ويسولف عليها وهي وافقت


مشت وهي تعرج تحت نظرات عيال عمها المشفقه عليها











في السياره


كل مارفع عينه طاحت في عينها ,, وتنزلها بسرعه وكل شوي على هالموال يرفع عينه على المرايه


هي تنزل عينها يغفل شوي يرفع عينه يلاقيها تناظر فيه وتنزل بسرعه


نايف بخبث – اقول يمه


منيره اللي حاسه بتعب ودوخه – هلا يمه


نايف – هالحين اللي تزعجني بنظراتها وعيونها وش اسوي فيها ؟؟


منيره انصدمت – ليش وش صاير !!


نايف بإستعباط يمد الكلمه وساره خافت يفضحها – ابد وحده الله يستر عليها ازعجتني في المستشفى


(من قال المستشفى نفثت براحه ) كل شوي تناظرني



منيره انقهرت – بنات اخر زمن مايستحن الله لايبلانا دار الزمن وخربن البنات منول الولد اللي يطارد



البنت هالحين ابدن البنت تطارد الولد عيني عينك



ساره انصدمت وتفشلت وحست بغصه من كلام منيره



نايف رفع عينه للمرايه وناظر فيها – صازه يمه هالجيل معاد قام يستحي الله لايبلانا















في جناح صقر


طلعت شيخه وهي لابسه جلابيه والبرقع والجلال عليه ,, صقر اللي كان يقرأ قران نزله يوم شافها


صقر قال – صدق الله العظيم ( وقف ) يالله امشي نصلي


وقف يكبر ووقفت وراه ,, صلوا مع بعض .. ووقف مشى بإتجاه السرير خذى مخده وشرشف


وهو معطيها ظهره طالع – خذي راحتس انا برقد في الصاله













































( انتظروني بإذن الله وحوله وقوته .. يوم الأثنين القادم )

بارررت روووعه

اووف ي شويخ عليها طلعات موب صاحيه
اجل برقع مع فستان عرس بالله كيف راح يكون الششكل هههههههه
وصقيران شكله موب هين بيسنعها بيخليها تمشي ع العجبن وماتلخبطه

تسسلمين عبووقه

~ بسم الله الرحمن الرحيم ~ ,, السلآم عليكم ورحمة الله وبركاته
كيف حال حبيباتي عساكم بخير وحده وحده ,, يالله عسى ربي يعطيها على قدر
ماتتمنى يارب
والله ان جميلكم وردودكم هي الحافز الأول لي باني أقدم افضل شي عندي ,, وهي
الحافز الأول باني أكون متواجده بينكم لتشجعوني وتعطوني حقنة الفرح بردودكم
المشجعه لي والداعمه لي بإستمرار
على ان وصلتني ردود احلى في هالروايه واني مبسوطه فيها ومتحمسه لنجاحها
على اني قاعده انحبط ساعات من المتابعين اللي مايتفاعل معي إلاقليل لكن كل واحد
ألتمس له العذر والله يكون في عون الجميع
..
بنات بتكلم عن نقطه مهمه جدا وهي سالفة برقع شيخه ,, لو تردون للماضي شوي
وتسألون امكم وجداتكم عن البرقع والعرايس بيقولون لكم كان فيه كثير حريم مايخلون
ازواجهم يشوفون وجيهم بل والله اني سمعت قصص اعبر اللي تموت وزوجها مايعرف وجهها هاه شرايكم !!
انا اتكلم لكم عن عادات حصلت لكن هالعاده انقرضت في الوقت الحاضر بل على
العكس نجد العروس متفصخه جدا في زواجها ولاتضحكون مني بجد استنكرها
شفت عرايس شوي وتفصخ الفستان بعد من شدة التعري وين الحشيمه والحياء
ماأدري عنهم وليته بس عند الزوج المصيبه الأعظم عند الحريم اللي تنزف عندهم
..
نبعد عن هالنقطه اللي اتمنى اضفت لها شرح وافي ونتجهه لأسئله حبيباتي الله
لايحرمني منهم
هاذا السؤال من اختنا أميرة الليل تقول فيه
فحبيت اسئلك: الروايه ممكن يكون فيها جرأه؟!

أتمنى لا ..

لا لو تسألوني عن اكبر غلطه سويتها في روايتي اللي قبل بقول الجرأه اللي كانت
بسيطه فيها ومو قد الجرأه اللي تتميز فيها الروايات حاليا بقولكم ندمت قد شعر راسي
عليها
هاذا نقد هادف ومميز لأختنا روبي
تتمنى اني اوصف المواقف اكثر بس عقب وصفي وش بيصير إذا حنا حاليا ماقدرنا
يمر اسبوعين على وجود بنات ناصر في الرايض والأيام اللي تمر بطيئه
وبخصوص اللي قالت ياليت تطولين البارت ,, هالبارت اطول بارت من كتبت الروايه
سويته استمتعوا فيه مثل مااستمتعت في كتابته وحباكته الجميله
بس قبل بتكلم لكم عن قضية هاذا البارت اللي من البارت اللي قبل للجايات بنحاول
نحط قضايا مفيده وواعيه لنا ولها علاقه واحكام دينيه في الموضوع
,,
دار رعاية الفتيات الاجتماعيه
تقول الرئيسه : نبدا بالاسم 000المفروض ان يكون الاسم ( سجن البنات ) ولكن تكرما منهم اطلقوا عليه اسم ( دار الرعايه الاجتماعيه للفتيات )
والسبب انه يكون للفتيات فحري به ان يحمل اسما لائقا بانوثتهن!
,,,
كيف هونظام السجن عفوا الدار من الداخل
اتعرفون كيف تكون المذله بابشع صورها ؟

لااعرف كيف اصف المكان من شدة بشاعته ولكني حمدت الله كثير على النعم التي اغدقها علي

نظامهم : تاتي سيارة الهيئه وبداخلها الفتاة تدخل السياره من البوابه الكبيره
يدخلون الفتاة ويقومون بتفتيشها تفتيش كامل على حد قولهم انها قد تقوم بادخال ممنوعات معها

ثم يجرون لها فحص طبي شامل للتاكد من خلوها من الامراض المعديه

بعد كل هذا يقومون بادخالها الى غرفه 00تتم فيها فتره لوحدها >>>>>مالسبب برايكم ؟

السبب انهم يراقبون تصرفاتها
فاذا كانت هادئه وغير مشاغبه يسمحون لها بالاختلاط بالبقيه

لكن اذا كانت غريبه ومشاغبه يبقون عليها في الغرفه وحيده


وهذه الغرفه غرفه كما غرف فندق خمس نجوم

مقاسها 2في 2
حمام (تكرمون ) لايجدر بنا ان نطلق عليه اسم حمام (تكرمون)

الطعام 00في كل يوم تقوم مجموعه بالتنظيف والغسيل واعداد الطعام
اعني ليس كما تعيشن الان يافتيات حيث تعتمدن على الخادمه من الالف الى الياء 0
\اللهم اصلح احوالهم وتب عليهم يارب العالمين

( بتصرف )

هاذا البارت إهداء مني إلـى العضوه (キャプティブ " )


مع اطيب الآمنيات بقراءه ممتعه
.
سهم المملكه
.
لإله إلا الله



( البارت الثالث عشــــــــ 13 ـر )




بيت ضاحي بن فهيد .. \ ليلة العرس


وقفت السياره ونزلوا البنات منها .. ساره على طول مشت


للملحق وهند تتبعها .. اما نوره


اللي سووه خواتها .. وقفت مع منيره اللي واضح انها تعبانه


بالحيل ماحبت تروح وتخليها


نوره – عمه اساعدك في شي


منيره – لا ياحبيبتي روحي امرحي ,, نايف بيقيس ضغطي


وبيشوف الحبوب لاتخافين علي


نوره – خلاص اجل تصبحين على خير


مشت .. ونايف يناظر فيها لين اختفت عن عيونه


نايف مسك يد امه – الله يهديتس يالغاليه لازم تتعبين عمرتس


منيره – وش اسوي عرس اخوك ياولدي لازم اقوم ابه واجهزله


نايف دخلها داخل ومشاها لين جناحهم .. قاس ضغط امه وعطاها ا


لحبوب وكوب الماء .. جلس


عند راسها فتره من الوقت وهو يلمس شعرها ويتمنى يضمها ..


هاذي اللي يوم ضامته الدنيا ضمته


باس يدها وشافها نامت من التعب والأرهاق .. لحفها زين ووقف


على الشباك بينتظر لين يوصل ابوه


على انه مشتاق للي يشربه بس لازم يجلس عند امه لين يوصل


ابوه ويروح لشقته .. فهيد يحتريه هناك


هو وسياف


ناظر من ورى الشباك وشاف ان شباك امه وابوه يطل على ملحق


بنات عمه ,, وكاشف وحده فيهم


بما ان جناح امه وابوه تحت مو فوق .. شاف حوريه ولا هي أي


حوريه جميله لدرجة الجمال اصلا


كلمة جمال قليله عليها جالسه ودمعتها على خدها واضح انها


متأثره من شي يمكن فراق اختهم .. فجأه


صورة جيسي ضببت عليه الرؤيه .. فجأه واقفه مع صقر


وتضحك غمض عيونه بقوه وقابض كفوف يده بقوه


فتره من الوقت ,, فتحهم بحضور ابوه ويحاول يمنع دمعته تنزل,,


بسرعه ترك الشباك ودار راسه لأبوه


ابو محمد يناظر فيه – نايف ,, وراك هنا ؟؟


نايف مشى لين قرب عند الباب – امي كانت تعبانه قست الضغط


وعطيتها حبوب واظاهر انها نامت


ابو محمد – زين ( ومشى بإتجاه الحمام )


نايف ناظر الشباك .. وناظر ابوه ,, مشى طالع لشقته ومنظر


البنت ودمعتها


وخيانة جيسي مو رايحه عن باله






في جناح صقر \ بيت ضاحي بن فهيد


سكرت الباب وحذفت البرقع اللي كتمها عقب ماطلع .. حست


بضيق خانقها مو متعوده على هالجو تبي ترد


لأخواتها اللي عمرها مافارقتهم .. كانت غلطانه انها تقبل تتزوج


ليش ماحاربت ,,وبسرعه استسلمت


الإستسلام مكان في في قاموسها ابد ,, كرهت ضعفها تفكر في


خواتها واللي أكل قلبها وضحى اللي


فرصها في الزواج وبناء عائله قليل من بيقبل في وضحى اللي


تحارب عشانا وماتدري اني شايله همها


كيف تزوجت ومافكرت في اختي اللي تكبرني السن وأكيد بتشيل


في خاطرها اني اللي اصغر عنها


اتزوجت وهي لا ,, وين كان عقلي وتفكيري .. على هالتفكير


نزلت دمعه يتيمه بسرعه مسحتها


تكره الدموع تكرهها لانها ضعف وهي مانزلت دموعها غير على


وفاة ابوها وأمها بس


فجأه سمعت الباب ينطق .. لبست البرقع والجلال افتحت الباب


وشافت صقر واقف ومعطيها ظهره


ماإن افتحت الباب حتى اقتحم الغرفه ودخل متجهه للدالوب يطلع


الشنطه – بسرعه لمي اغراضتس بنسري


للدمام


شيخه انصدمت – نعـم


صقر اللي بدأ يحط ملابسه في الشنطه ويرميها بدون ترتيب –


طالبيني في الدمام فيه مهمه لازم اسويها


شيخه انقهرت – زين رح وش يخصني فيك انا

ترك اللي بيده وناظر فيها – نعم عيدي وش قلتي


شيخه تكتفت – تراك سمعت انا ماابي اروح مكان واترك خواتي

صقر ومقرص عيونه – انا ماقلت للحكومه يوم طلبتني انا توني

معرس عشان تطلعين لي انتي وتقولين خواتي


شيخه وهي متكتفه – وانا وش خصني طيب رح الله يستر

عليك !!


صقر حذف اللي بيده في الشنطه بقوه .. ومشى لين وقف في


وجهها بعصبيه – مدام النفس عليتس طيبه اخلصي


تراني طيب لين هالحين


شيخه بعناد – ماابي اروح انا بقعد عند خواتي


صقر بعصبيه – المره مكانها مع رجلها ماهب مع خواتها اخلصي

بسرعه ولا والله لتركبين بقشاشتس اللي عليتس


شيخه عصبت – غصب هي الروحه قلت لك مااني برايحه


صقر مسكها ودزها على السرير بقوه – والله اني لين هالحين

متحملتس نعنبو ذا الوجه لتس لاحشيمه ولا حياء انا ابي


اعرف حياء الحريم وينه عنتس معتس خمس دقايق بنزل شنطتي

واشغل موتري ان ماجيتي علي بالحرام لاتمرحين


الليله في المستشفى


غصب عنها مو برضاها انصاعت ولمت ملابسها وهي تصارخ

وتسب ,, وهو إذن من طين وإذن من عجين


نزل شنطته واتجهه لسيارته وشغلها ودق على محمد اللي كان نايم

خبره انهم ماشين للدمام ويبلغ بكره اهله


بعد فتره نزلت شيخه بشنطتها اليدويه ولابسه عبايتها وافتحت

الباب عليه – الشنطه ثقيله رح جبها


صقر لو هو مو مستعجل كان عرف يربيها في إسلوب الكلام ,,

رد وهو شايل الشنطه ومالقاها عصب فكر


انها راحت لخواتها .. مشى لين الملحق وسمع الأصوات فيه

والصراخ


صوت عليها – شيخه شيخه


في الملحق


شيخه انقهرت – شرف


وضحى – خلاص شيخه روحي الرجل يحتريتس وانتي لاتنسين

دقي علينا كل فتره


شيخه – زين ( وطلعت الظرف اللي في شنطتها ) هاتس خليها

عندتس لين ارد واتصرف فيها


وضحى ناظرت فيها فتره – سويتي اللي في راستس


شيخه – ايه هاذا مستقبلنا كلنا ولأزم أأمنه من هالحين


وقفت وضمت خواتها ووصت وضحى على خواتها ,, طلعت له

بعد فتره وكان جامد مشى وتبعته


فتح باب السياره وركب وركبت وهي مغصوبه جنبه


في الطريق


كان صامت ويفكر وهي طفشانه حاسه بالنوم بس ماتقدر تنام في

السياره مستحيل ترقد .. حست انه هدى سرعته


ألتفت يمين شافت انه بيوقف في محطه صقر بجمود – تبين شي

معين اجيبه معي

شيخه – شكرن ماابي منك شي

صقر نزل وهو معصب منها ومن إسلوب كلامها الخايس ..

ماعليه الطريق قدامه بيعرف كيف يربيها ويربي إسلوب

هالكلام وتعرف تحكي معه زين .. علم العامل يعبي الموتر بنزين

ومشى للبقاله وعبئ أكياس .. حاسب العامل وركب

وحط الأكياس في حضنها وبأمر – طلعيلي المويه

شيخه عصبت وانقهرت بس كتمت غيضها .. طلعت المويه

وعطته – هاك

صقر رده عليها – افتحيه لي

شيخه هنا صدق ماتت قهر – افتحه انت

صقر عصب وحذف عليها العلبه – انا لي قلت لتس افتحيه تقولين

سم ابشر ماهب افتحه انت افتحيه بسرعه

شيخه ضربت العلبه في فخذها وإستاجعت – آي

صقر بدون مايعيرها أي اهميه – افتحيه بسرعه


خذت منه العلبه بعصبيه وفتحته وعطته المويه بقهر واضح وفي

داخلها سم هاري إن شاءالله







شقة نايف \ منتصف الليل

فهيد نام وسياف يحوس في المطبخ ويغني وهو سكران .. ونايف

جالس في غرفته وكوبه في يده ودموعه تنزل

وهو سرحان .. بعد فتره حذف الكوب بقوه على الأرض وركع

على الأرض وضرب بكف يده البلاط وصرخ

وهو يبكي – جيســــــــــــــــــــــــــــــــي ياخاينه

خاينــــــــــــــــــــه خاينـــــــــــــــــــه









بيت سعد بن فهيد \ غرفة موضي

انسدحت جنب ريم اللي كانت تنتظرها تنوم عيالها وتعطيها

السوالف

موضي – صراحه انقهرنا منها

ريم وهي تضحك – يآآآآآآآآآآآآه ياشويخ مثل عجز مبطي

موضي بقهر – والله انقهرت انا ووضحى سفيهه وماعجبتني

حركتها

ريم بتعاطف – مسكينه يمكن كانت مستحيه

موضي – مو لهدرجه اصلا حتى ماشفتها استحت يوم دخل صقر

ولا ارتبكت ولا شي اصلا كل شي عادي تصدقين عاد

انا اللي كنت عارفه عيسى وخابرته وخابزته بغى يوقف قلبي اما

هي ماتصدقين عاد حاطه رجل على رجل

ريم ضحكت – ههههههههههههههههههههههه صراحه عجيبه

هالشيخه اتمنى اتعرف عليها اكثر تصدقين احسها غامضه


عكس الوضحي ونوره والباقيات مكشوفات بس هي قويه

شخصيتها تخوفني صراحه


موضي حطت راسها على المخده واعتدلت – صراحه عجيبه

شخصيتها غامضه وحبيتها

ريم ناظرت في اختها فتره من الوقت .. موضي حست انها سكتت

لفت عينها لها شافتها تناظر فيها

موضي – ليش تناظريني كذا !!

ريم – وش رسيتي عليه امي بتأخذ جوابك اليوم

موضي بهم – مااعرف ياريم ,, عمر مشاعري لمحمد ماكانت

غير اخوه ولاتنسين انه مقهور مني

اكيد يوم خطبني ورديته

ريم – مو لهدرجه عاد هاذا النصيب

موضي – وولد عمتس بيرضيه عذر النصيب صعب ياريم صعب

ريم – مافيه شي صعب عند الله سبحانه محمد ونعم الرجل

وخساره كبيره إذا رفضتيه

موضي – الله يكتب اللي فيه الخير

ريم باستها على خدها – تصبحين على خير واتركي بكره لبكره

والله يكتبلتس اللي فيه الخير

موضي ابتسمت لها – مشكوره يالغاليه

ريم طلعت .. وسكرت الباب وراها

موضي ضمت نفسها بقوه .. ودمعت وهي تتذكر متاعسها مع

عيسى اللي حبته من قلبها بس اهانها بقوه