صباح الخيرات .......صباح التمرد والعصيان ياسهومة ابد ماعجبني البارت ولا حبيته قسم رفع ضغطي اكثر واكثر ... اذا كان تعديل حال بنات ناصر بالفراق والطلاق بس ماراح يبرد قلبي لازم كل العيلة تنذل وتنحرق قلوبهم مثل بنات ناصر كلهم منافقين حتى ابو محمد هالرخمة ماله كلمة ولا راي وقسم قهروني في هالبارت وطاحو من عيني المنافقين الي مافيهم خير ولا احساس .........حتى لو تطلقو بنات ناصر طول مالشايب جدهم موجود لاتعتقدو انهم بيعيشو بسلام الي زوج بنات ولده للسكارى والمعربدين يزوجهم لشياب ويدفنهم بالحيا شتتوقعون من واحد يقذف شرف امهم ويشكك بنسبهم .......

فتوما مااعتقد انو السبب الي قلتيه صحيح تدري ليه لانو الجد عمره ماحب الا نفسه هذا وجهه وجه واحد يعرف يحب لو فعلا حب الهندية كان على الاقل بيرتبك لما يشوف جمالها وشبهها في بناتها وبالخصوص سويرة اكثرهم شبه فيها بس هو صخرة احساسه ميت .....وبنت خزام نفسه وعيالهم رخوم والاحفاد نفس الشي ........انا اقولك الي قهره في ناصر هو انو الوحيد الي طلع رجال ومااهتم بخرافاته الي قهره انو هو الوحيد الي ماصار طرطور بيده يسير له حياته الي قهره انو ماجاء لحد عنده وترجاه يسامحه وينفذ له الي يبغيه الي قهره وكرهه في ناصر انو مات وهو على رايه مااهتز ولا تعب ولا كل من الفقر الي عاش فيه عاش حياته وجاب بدل البنت خمسه ...هذا الي عال قلبه شوفي ناصر وشوفي اخوانه الخرفان مالت عليهم بس


كلمة لابو محمد صدق انك منافق عرفنا انك جبان ومو قد كلمتك عند ابوك المخرف بس كون انك تستقبل البرميل ببيتك وتسأل عن احوالها حتى لو مالها ذنب بزواجها من صقر على اقل شي تقدمه لشيخة الي جنيت عليها يوم تجيبها من بيتها وولدك يسوي سواياه الخايسة انك قدام الكل واولهم وسميوه تحط لها حدود وانو البيت لشيخة وهي ضيفة غير مرحب فيها مثلها مثل الثور الي ماخذها مالها سكن ببيته زوجها يوديها وين مايبي مثل مااخذاته وابوها زوجه بدون اهتمام لحضوره هي بعد مو مرغوب بحضورها مجرد هالكلمة راح تواسي شيخة بدل مايسكت كأنو لوح وولده النذل الثاني رايح يشهد على زواجه عساهم يشهدون على شهادة وفاته


ومنيرة الي مبخرة البيت تنتظر العروس المبجلة وين دموعها وهي رايحة جالسة عند البرميل مهما كان لازم تحسس ولدها بموقفها شفايدة الكلام بدون فعل ولا الجدة الي لسانها بس على اليتيمة نور اشوف انقطع لسانها ليه مادافعت عن بنت ولدها المنافقة ربي يحرق قلبها على سكوتها وجودها وعدمه واحد عايلة منافقة مافيهم الا سعد رجال الله يحرسه الي من البداية شاف فيها شي ماعجبه ومشى تارك المهزلة قدامه

وفارس عجبني كلامه خير يسلم عليها ويعطيها اكبر من حجمها ليه ينافق فيها بنت عمه اولى من هالغريبة ماحد قالها تدخل على ضرة تستاهل ولسى جايها بالطريق الاعظم

محمد وضاحي عسى ربي لايوفقكم ولا يهنيكم ولايريح بالكم لو فيكم نخوة وذرة رجوله ماوقفتو مع الظالم في وجه هالمسكينة بنت عمكم مين الي نخى صقير يتزوج شيخة مو النذل محمد والحين يروح يشهد معاه كان خلوه ينقلع هنود الشارع كثار يسحب اثنين منهم يشهدون على خيبته مين ماخذ غير برميل وفضلة واحد ماعافها الا لعلل ماتنعد ولا تحصى المكتوب باين من عنوانه


شيخة والغراب وبرميلته

شيخة ماادري الومك لانك بيوم كنتي السبب في الي صار لك كنت بنعمة وكنت مغفلة وغبية شستفدتي من عوابتك الحين وايش استفدتي يومك اخفيتي حقيقة السواق اللوم على الي فيك نصه بسببك انتي الي جبتي الهم لنفسك ليه مااحترمتي حالك وحبيتي نفسك وصرتي انا نية انتي عارفة العيلة الي جيتي عندها ماترحم جبابرة تقدري تسير قوتك لصالحك وصالح خواتك بس غبائك ومبرراتك كانت تافهة والحين تجني ثمن الي سويتيه

وصقير مفكر انك لما تسحب برميلك وتسوي فيها العاشق بتصير رجال مالت عليك بعد ماتمتعت وانبسطت بليلتك مع هالبرميل بتقنعني انك تحب شيخة كذاب ومنافق عمرك ماحبيتها لو حبيتها ماقدرت تاخذ غيرها لو حبيتها مستحيل تقدر تعتبر اي وحدة زوجة لك وطيف حبيبتك مافارقك انت تبي وحدة تفرغ رغباتك فيها والبرميل باين انها ارضتك بس انت الخسران الى متى يعني بتستمر مع هالشينة اسبوع شهر وبعدين اذا راحت السكرة وجات الفكرة شراح تسوي

بعد مااخذت بحضنك وحدة غير زوجتك لاتتوقع راح تنال الي تبغاه ابد انت نزلت من قدرك لانو سبب زواجك تافه مثلك ويارب يطلع سبب طلاق البرميل انها عقيم وبنشوف ساعتها يالرخمة ايش بتسوي والاهم من كل هذا كيف قدرت تتعامل مع هالشينة كزوجة بعد ماكنت غرقان بفتنة كاملة الفكرة موقادرة تدخل براسي

اما وسميوه مبين الغباء من البداية واعتقد عرفت قدرها وحجمها من هالزيارة والاهم الغرض من زواج الغراب بوحدة مثلها هي عارفة انها ولا شي لاعند صقر ولا بتقدر تاخذ اي حيز من حياته والدليل انضربت كف بأول يوم ببيت اهله ولا عبرها ولا ناظرها الا هب فيها وطنشها ولحق زوجته المتربعة على صدره ومفكرة انو ساكت لها وهي ماسكته يعني راضي مادرت انو لو بكيفه حطها تحت رجله ومتأكدة انها بتعرف هالشي لما تكون معاه بارد ومو مهتم وقدام شيخة مسوي فيها المهتم خليها اذا تحمل ذرة كرامة ترجع من مكان ماجات بس مااعتقد امثالها عندهم كرامة ماصدقت واحد يطق بابها لاهي ولا ابوها بس بترجع مطلقة حتى لو شيخة مارجعت لصقير وحتى لو جابت له عيال لانو مثله مثل اخوه محمد مايهم الا نفسهم وشهواتهم ومين الي بيمنعه ابوه عديم الشخصيه


سهومة انا ماادري ايش الحكمة من انك قلبتي حال صقر وشيخة لهدرجة يعني مافي حل لانصلاح حياتهم الا بوجود بقرة بحياتهم انتي كذا زرعتي حواجز بعد ماكان الاثنين يحملون مشاعر لبعض ........فقد شيخة لولدها وهجران صقر كان كافي انو شيخة تتغير يعني لازم الوحدة تنجرح اكثر واكثر علشان تلقى حياتها وربي موسهل على الوحدة يكون لها شريك بزوجها ولا هو سهل انو البنت تطلق بعد كل هالمرار الي عاشته ليه مو كافي الحرمان الي طول عمرها عاشته ليه هالقسوة كلها ......وربي كرهت هالعقاب الي سويتيه لشيخة كان من البداية تطلقت وخلاص ولا حرقت هالقلب ولا الذل ماتسوى على الوحدة منهم يعني لانهم يتيمات يستحقون الحرمان متى بيعيشون حياتهم اذا من سنين وهم يعانون وقسم شئ متعب للنفسية .........والشي الي مستنكرته كيف صقير عند وسيميوه قلب خروف تمشي قدامه وهو وراها تقوله وتأمره يقوم يسمع كلامها وين شخصيته الاولى الي تخوف اقسى الرجال قمة التناقض شيخة من اول ضرب واهانات بس لانها ترادده وتعطيه ضهرها والبرميل تسحبه ويمشي وراها هو من متى يحاسب عند احد ليه ماصرخ عليها وبرد قلوبنا مافي سبب مقنع من تصرفاته ليه دايم هالشي يصير لما الزوج ياخذ وحدة ثانية حتى لو مايحبها يقلب دجاجة عندها





وضحى وفهيد

وضحى اتمنى انو حملها يتم على خير لانو هو الي مخلي النذل فهيد يهجد عنها شوي ويكف ايده ويعاملها كبشر بس بعد يبغي له درس بحياته ماعاشه ولا شافه علشان يعرف انو كلامه وافعاله ماتنسى من الذاكرة من كثر ماهي موجعة .......واول خطوة سوتها انها بعدت عنه خليه يحس انو ممكن يفقدها بأي وقت وينحرم منها


سارة ونويفان

الاسبوع الي قال عنه بيتغير وماراح يطلقها لانو سارة شكلها راح تتخذ خطوة تغير مجرى الذل والمهانة الي عايشتها كلها راح تحسس النذل انو فراقه القريب غير نفسيتها للاحسن قامت تهتم بنفسها اكثر تبرز فتنتها البارزة اكثر واكثر ماراح يتحمل فكرة انو يفقد كل هالزين ويروح لغيره ...........بس سارة بتعلقه وبتختفي من حياته علشان يعرف انو موبس هو الي يعيف لا هو ينعاف بعد


نورة وسليطين

سكوت نورة ماراح يستمر وبتتمرد هي بعد مالهم الا انو كلهم يجتمعون ويتخذون قرار حاسم لحياتهم عايلة القاسي مافيهم رجال يستحق اننا نقول عنه رجال الي نذل والي جبان والي عديم احساس والي سكير مايخاف ربه والي منتهك للاعراض والي يقول شي وماهو قده والمعقد .....كلهم علاجهم الهجران وبس


هند وفارس

حتى فارس الى واقف معاهم ماله امان دام مازال طيف سويرة براسه مايستحق هند اذا عرف قدرها بعدين يطالب فيها اما يتزوجها ويجرب حياتها يفتح الله البنت مو فار تجارب والعنوان باين من اخوانه وعيال عمه ماله نصيب طالما خواتها حالهم اعوج يالكل يعتدل حاله او الكل ماله لزوم بحياة بناة ناصر لانهم سنين عايشين لبعض مايجو اليوم يتفرقون علشان ازواج رخوم مالهم داعي من الوجود


شيخة ايش ناوية تسوي على الصبح على قولتها بتهج الدوادمي بيعرفون مكانهم من رايي يروحو اي مكانهي وخواتها غير الدوادمي ويستأجرو لهم شقو بس كلهم يروحون ولا وحدة تقعد مكانها واعتقد مهرها هي وخواتها موجود راح يكفيهم فترة التأديب لازوج العازة يغيبو كذا شهر بس يكون عندهم علومهم اتحدى اذا ماربوهم وجوهم يطلبون الرضا اتحدى لو ماكل واحد فيهم عرف قيمة بنات ناصر ومعنى فقدهم وبعرفو انو البنات ماهموهم ولا عبروهم حتى ..........بنشوف يعتدلون او لا وماراح ترجع اي وحدة الا بشروطها وتكون رجعتها معززة ومكرمه بكذا بس بيكونو بنات ناصر اخذو حقهم بكذا بيكونو علمو غيرهم انهم لهم كلمة وراي وكرامة مو مسموح لكل من هب ودب يدوسها ...........اما انهم يتطلقون كذا وقلوبهم محروقه عمرهم ماراح يرضون عن نفسهم الطلاق مو حل بعد كل هالمواجع الي عاشو فيها ......

في انتظار باقي المواجع لاني متأكدة

انها ماراح تنتهي وتخلص

إنتظروني بإذنه تعالى .. يوم السبت بالهديه

ننتظررررر على احر من الجمر