دخلت الجناح وانا احس بناااااااااااار وحراره .. انفتح الباب

وكان هو .. بصراحه خفت منه .. توه عقلي يرجعلي وانا اتذكر

يوم اني اضربه .. قرب مني وعيونه حمر ومسك فكي بقوه

وبفحيح – انا بفهم شغله .. البنات اللي يغتصبون يكرهون

يقربون من جنس رجال ليش انتي عكسهم

حاولت ادزه بس ماسكني بقوه قلت – فكني انقلللللللع

لين هالحين ماشبعني إهانه – انا يمرون علي بنات مغتصبات

يتعالجون بس انتي متأهله بقوه وش السبب

كرهت إسلوبه وكلامه .. يبي يمرضني أكثر من اللي أحس فيه

يبيني اصير مجنونه .. ضربته برجلي على بطنه .. وطلعت

منحاشه وفتحت الباب

وقفني – يويلتس لاتروحين

وقفت – والله لانادي على امك .. انقللللللللللللللع

منحني على بطنه ومقهور ويهدد – من اليوم ورايح نومي

بيكون هنا لين احل نفسي من رباطتس .. هالإسبوع بس

وعقبها فارقت وجهتس

حسيت اني بأبكي .. شفته عطاني ظهره وذلف للحمام .. سكرت

الباب بقوه .. سمعته يتحرطم في الحمام بس طنشته .. قفلت

علي الباب ولإول مره امسك دموعي وأقدر أسيطر عليها

دورت لي فستان كشخه وانا اقول .. من اليوم ورايح لو أموت

ماشمت أحد فيني .. وهو بالطقاق اللي يطقه .. جعله يموت

ويخلصني منه .. فكه اخر ايامي معه هالإسبوع .. جاء الفرج








شفت وضحى بوجهي .. ووجهها مايتفسر .. أكيد عرفت

دخلت انا وإياها وشفت صمت .. وجدتي تناظر فيني يبا

الفيت محزنة علي .. حبيت راسها وجلست وجلست

جنبي وضحى .. كانت طول الوقت تناظر فيني هالوسميه

دق جوال منيره وكان يستعجلونها بالقهوه .. وقفت

وقلت وانا اناظرها – خليه عمتي اقعدي بروح اباشرها

مشيت وتاركتهم .. كارهه الجو اللي نحن فيه .. يحسبوني

منكسره .. مادروا ان هالكسر يزيدني قوه .. يصبح الصبح

ويعرفون وش بتسوي لهم شيخه

جاء فارس بيأخذ القهوه يوم شافني – شيخه انتي هنا

وشلونها جارتس

ودي اعطيها بالطوفريه على راسه بس مسكت نفسي

وزليت القهوه – رح شفها .. تراها حرمة اخوك وواجب

تسلم عليها

اتكى جني على الرف – تخسي تراني مانيب راضي عن ذا

العرس .. بس اقول لتس شي فاتس ابوي وعمي هزوئه

تهزئ كنت اتمناتس فيه تتشمتين

سكرت الدله وقلت – متى اعرسوا

ضحك وهو يقول – ثره امس كتب كتابه وذابح ذبيحتين

وخذاها معه باتوا في الفندق .. ماراح لعرسه احد بس

محمد حضر معه وضاحي وكانوا الشهود

عطيته الدله – اها زين خذها

خذى الدله وهو يقول – مانتيب خاليه وش بتسوين

ضحكت وانا اجلس على طاولة المطبخ – وش اسوي يعني

زوجي تراه معرس يبي ولد ويبي يستانس خله يستانس

لييييييييييييين ( وانا امد الكلمه ) أنا اقرر

سمعنا صوته – انت وين ذلفت الريجيل جونا وانت هنا تهذر

ناظرت فيه واحط رجل على رجل وقلت – افا يالله يالله فارس

رح باشرهم لاتفضحونا في عمي

راح فارس .. وهو مشى بإتجاهي ويناظر فيني .. وانا وقفت

بسرعه واخذت الملاس احرك الجريش .. قرب مني

بالحيل وقال – وش اخبار الحرق

ألتفت عليه وابتسمت – الحمدالله خف

كنت بدزه عني بس رحمتنا الشغاله اللي دخلت وهو بعد

واحسه مقهور .. ووقف عندي والشغاله معنا تغسل في

المواعين .. حسيته بيطردها ويوم قال – ياني روحــ

طلعت ومعطيته ظهري .. ومشيت للحريم .. سمعت صكة

الباب القاطع بينا وبين الريجيل بقوه

ياناس ماشفت اوقح منه .. يدخل علي بحرمه ويبيني

اكلمه .. بس بجننك وبوريك وش هو جنان شيخه

نزلت ساره وكانت تناظرني تبيني اوقف بس طنشتها

مصدقه عقب سواتها بأخذه بالإحضان .. دخلت عمشاء

علينا وكشرت .. أكرهه ذا الحرمه .. الله يعين وضحى عليها

مدري كيف تستحملها .. اكتمل الحضور إلا ريم

اللي بعد فتره

دخلت علينا ووجهها متغير .. مكانها ريم اللي نعرفها

ذابله وباين فيها التعب .. سلمت على الجميع وجلست

احس كل ماعرفوا الحرمه .. ناظرن بوجهي يحسبني

بإنكسر وأفرحهن بكسري .. حسيت اليوم ماني شيخه

وانا اضحك بالقصد مع وضحى .. خلهن يشوفني كيف

احس انهن انجنن .. فيه حرمه بموقفي وتضحك

بعد العشاء

الجميع انصرف بسرعه .. ريم وساره عدن على قولتهن

تعبانات .. وعمشوه ذلفت ومعها العجوز .. ووضحى راصه

عمرها همست لي – برقد عندكم

ناظرت فيها – وعنتر رجلتس يدري

احسها مافهمت بعدين اضحكت – ايه واجهته اولى وانا اشوفه

داخل المطبخ وعلمته

ناظرتها بخبث – اها اها

ضحكت وضربتني على خفيف .. قاطعنا صوت منيره

وهي تقول – يمه وضحى تعشيتي

قالت وضحى – الحمدالله ياعمه تعشيت

جلست عندنا وقالت – اعرف الوحام يتعب الله يعينتس ياأمي

حسيت وضحى تحب هالحرمه .. وانا مشاعري لها عادي

الشي الزين فيها انها غير ذا العائله المعفنه







دخل ابو محمد ومحمد وصقر وسعد وفارس الصاله

وقفت وسميه وهي باين فيها الإرتباك .. مشت لين وقفت

جنب صقر

قال صقر – يبه هاذي وسميه

جت وحبت راسه – كيف الحال ياعمي

ابو محمد ناظر في شيخه اللي مطنشتهم وتسولف مع

وضحى – بخير ,, وشلونتس انتي

ردت وسميه – بخير

سعد ماأرتاح لها وعلى طول أنصرف .. اما فارس مشى

لوضحى وشيخه وجلس عندهن – اخبار شيخة الحريم

استهبلت شيخه بصوت عالي تقهر صقر – مشكور فديتك

فارس ضحك وهو يقصد وضحى همس لها – ودي اقول ماهب

انتي بس ماأبي اكسحتس عند جارتس ورجلتس

ضحكت شيخه ووضحى .. وصقر يلف عيونه يناظرهن

كان ناوي يأخذ وسميه ويمشون .. بس مدامها بتجلس ومبسطه

وفارس معهن .. جلس مقابلهن وحط رجل على رجل

وجلست جنبه وسميه .. ومسك يدها يلعب في اصابعها

شيخه تأخذ مرات وتناظرهم بطرف عينها .. وصقر كذلك

فارس رافع صوته ويضحك من فهيد – لو تشوفين فهيد ياوضحى

كل شوي يرفع جواله ويناظر الوقت احستس كسحتيه يوم

رقدتي هنا

وضحى في بالها ( ايه واضح ) – اها

شيخه ترفع صوتها – اقول فارس وش رايك تمشينا يم

الثمامه اسمع بطاريها ولا شفتها .. خذنا بكره كشته لها

مط عينه فارس – بذمتس مارحتي الثمامه

ألتفت على صقر – صقر ماقد خذيت شيخه لها

صقر حط عينه بشيخه وشيخه تناظره بتحدي – ماهب لازم

تروح لها الثمامه ذا الإيام راحت مصيعه

رد فارس عليه – وش مصيعه حرام عليك .. بالعكس ياكثر

العوايل دائم اشوفهم انا وخوياي .. اللي يبي المصيعه بيلقاها

وضحى – ياليتني اشوفها

فارس – يالله اجل بكره بوديتسن بس جهزن الحلا والقهوه

وان بغيتن اركبتسن دباب بعد ابشرن

عصب صقر – سوها وشف وش بيحصلك

ناظرته شيخه بقهر وقامت تتدلع – افااااااا صقوري وانا قلت

تبي تونسني

كلهم مطوا عيونهم وصقر خق ووقف ومشى لين وصل لها

ناسي نفسه – شقلتي

وقفت وسميه بقهر – صقر ابي اروح ارقد

توه يتذكرها بلع ريقه ووقف – ايه يالله يالله مشينا

مشت قبله وهو كل شوي يتلفت يناظر شيخه

لين طلع مع الباب

نقزت شيخه ووضحى من ضحك فارس – هههههههههههههههه

ههههههههههههههه والله ياللي استخفيت ياأخوي دخيلتس

ياشيخه ارحميه اخوي انهبل ,, نعنبو الحب كيف يفضح

وقف وهو يضحك ويقول – سلام بروح ارقد

وطلع الدرج ويضحك كل ماتذكر صقر .. فجأه جاء في راسه

منظر ساره وهو يشيلها .. بسرعه هز راسه يمحي صورتها

وكانت بوجهه هند بغوا يصدمون – وش عندتس فوق

هند – كنت عند خلود

فارس – اها ( وطلع الدرج ) وتذكر – اقول هند

ألتفت عليه هند – لبيه

ابتسم على كلمة لبيه وش عندها طلعت ذربه .. بس تحفظ

على هالكلمه وقال – بتخاوينا يم الثمامه

حسها استانست واضحكت – ايه ايه متى ,, مع من

فارس فرح يوم حس بوناستها – خواتس شيخه ووضحى

مدري عن ساره وبسأل موضي .. اما ريم استبعد هالشي

ماهب فاكها سعيدان

هند – ومتى بنروح

فارس – بكره بس جهزي الحلا

هند وهي تنزل – طيب ,, وناااااااااااسه بشوف الثمامه

ونزلت وهي مبسوطه .. ضحك على خبالها وكمل طريقه

لجناحه .. ومايدري ليش طول الليل مافارق خياله وناستها

بالثمامه







( إنتظروني بإذنه تعالى .. يوم السبت بالهديه الموعوده )

بارت روعة بصراحة
كنت متوقعة انه اكيد شيخة مش هاتسكت و هتبهدلهم هما الاتنين وهتجيب له القديم و الجديد من الاخر ان ما جننته يبقى قليل عليها............
اما بالنسبة لوضحى احس ان فهد بدا يتغير او ع الاقل بيحاول و رغم كل اللى عمله ف وضحى المفروض انها تشجعه و لو بطريقة غير مباشر مش على طول تكسر مجاديفه على الاقل عشان ابنها اللى مصبرها عليه فتم جميلها للاخر.............
و بصراحة بقى سارة صعبانة عليا جدا و احسن حاجة فعلا انها تطنشه و تبطل تعيش دور الكابة اللى هيا عايشاه وان كان مش بايدها بس اللامبالاة من وجهة نظرى هى اكتر حل معقول.........
و بالتوفيق ان شاء الله

الــــــــــسلام عليكم ورحمة الله...........


عبــــــــــــــــووق أستـــــــــــانست على البــــارت <فيسي متشقق من الفرحه....


ســـــــــــــــهووومـــــــه الله يسعدك ياعسل وربي بردتي قلبي شــــــــووي ووه بس من الابـــداع^ـ^



أحـــــــــــداث الــــــــــــبارت.....

شيخه وصقر....

يمكن من كثر ماقريت الروايه ومقابلتها حتى التعليقات أحللها صرت أصيب بالتوقعــــات خخخ.

"حسيت غصتي

وصلت حلقي .. هاذي اللي تزوجها علي .. هاذي اللي بدلتها بي "

وأنا بـــــعد شيووخ الغـــصه بغت تذبحني .. يعني بالمووت تنازلت عن صقر لشيــوخ تجي هالوسميوه تاخذه عيني عينك مالت على الثنين أفف ...


بس أش معنى "هاذي اللي بدلتها بي " يعني شييينه بشـــــــــــريني عـــــشان الشماته يمدحونها^^


"وتكتفت – مبروك منك المال ومنها العيال اللي

تبيهم ناظر فيني فتره وعيني بعينه ."

تدرين عـــاد أجلسي أرمي عليه بالكلام اللي يسم بس لسان حاله يقول غـــير اللي يتظاهربه !!!!!


""سألت وسميه:– مين هاذي صقر "

بدينا بالحشريه واتضيرار . وبعدين أووم اللقافه من قبل ماتاخذ نفس ميين هذي قطـــع..

"على طول مسكت في صقر .. كأنه بيطير منها .. وناظرتني "

لا تلومـــــــينها شيووخ . بس أدواها أن شاء ربي عندك...


"على نظراتها إبتسمت عرفت انها ماهب سهله "

عـــاد لاتقولين مو سهله وتسوين لنا تحــــــطيم يرحم والديك . حتى لو تأجرين أخويا خالك الهنود يخطفونها أهم شي أحرقي أعصاب صقيران الخاين الكذاب الشرير ال*** .

"قلت في نفسي ( صبرتس علي اعلمكم من شيخه )"

امــــــــــــشي والقلب داعـــــــــــــيلك..


"قالت بإندفاع – ماني ضيفه "

بدينا بقلة الادب . وأستحلال ماليس لكي !!

"بتمثيل متقن – لالالا ماتوقعت انتس بهالصوره ياوسميه "

كــــــــــــــــثري منها شيوخ بتمثيل متقن أعجبتني ههههه.


"سويت انه زلق وانكب على فخذي "

الله يهديكِ قلنا أحشري الثنين في زاويه بس لاتأذين عمرك كذا يكفيك اللي جاك من اول ماتزوجتي .

"ناظر فيها وهو معصب – انتي مهبوله .. تبين تحرقينها هااااااااااه "

لااا يابو قلب حنيــــــــــيين ^^

" ضحكت وانا اجلس على طاولة المطبخ – وش اسوي يعني

زوجي تراه معرس يبي ولد ويبي يستانس خله يستانس

لييييييييييييين ( وانا امد الكلمه ) أنا اقرر ""



قــــــــــــرري بسرعه ماعاد فيه أعصاب . بس أتوقع ناويه على شي كبير للعائله كلها . المهم خلينا في صقر نتفي ريشه اللي فرحان فيه .


"ألتفت عليه وابتسمت – الحمدالله خف "

ياقوة قلبك ياشيوخ . الصراحه من أرروووووع ردات الفعل اللي قريتها بحياتي

"عصب صقر – سوها وشف وش بيحصلك "

انا قلته من أول حبك يخوف وشين وغيرتك أشين وتدمراللي قدامك كله لعيون شيوخ .. وشكل الأكشن بالطريق وااااجد.

"كلهم مطوا عيونهم وصقر خق ووقف ومشى لين وصل لها ناسي نفسه – شقلتي "

أول الغــــــــــيث قطره .ثمٌ ينهمرُ . ماتحمل من اول كلمه . أجل لو تعطيه ووجهه من قلب وش بيسوي .
مسكين باين انه شفقان ويسمع شي حلوو منها ...


"دخيلتس ياشيخه ارحميه اخوي انهبل ,"

تكفى ترحمه من أيـــــــــــــش . يالحساس أنت وأخوك .
وهاليتيمات مارحمتوهم سواء من ضرب وكلام وسخ وتعديتوا على عرضهم . حتى المستشفى وصلتوهم له كم مره. وقــــذف حسبي الله عليكم ماسلموا منه . الله كريم بس.

%

نايف وساره.

"قال بعصبيه – بتمشينها علي انا اعرفتس أكثر من نفستس زينتس هذه تبين يشوفه أكبر عدد ممكن من الريجيل"

لاحول ولاقوة إلا بالله العلي العظيم في هالانسان ومرض الشك اللي فيه . كله من هالأمريكيه حسبي عليه هو وياها سبع التحاااسيــــــب.

"مادرى غير يوم طبيت عليه اضربه في كل مكان تلمسها يديني "

أصلا مفروووض يكون مخصص 7 ساعات في اليوم تضربينه فيها و7 ساعات يتأسف فيها و7 ساعات يعـــــــوضك ويعالجك فيها 3 يتعلم كيف الاخلاق والمرجله اللي لاتمت له بصله ^ـ^.


"بفحيح – انا بفهم شغله .. البنات اللي يغتصبون يكرهون يقربون من جنس رجال ليش انتي عكسهم "

بمعلوماتي البسيطه اقدر أحلل هدفه من اللي يسويه .
يخـــــوفها من جنس الرجال ليه ؟
يبيها تتعقد وتلجأله يساعدها !!
ماتعرف في حياتها رجل غيره وهو بايعها !!

"ماشبعني إهانه – انا يمرون علي بنات مغتصبات

يتعالجون بس انتي متأهله بقوه وش السبب "

الــــــــــسبب يااا فاقد الإحترام أن اللي حاميها حراميها . انت أمانها وهي عرضك .

ليه ماتكون قويه وهي جربت أبشع طرق الذل والإهانه والسب والإعتداء والحاجه وكمان الضرب والتجريح !!! عجبي من تفكيرك .

"ولإول مره امسك دموعي وأقدر أسيطر عليها

دورت لي فستان كشخه وانا اقول .. من اليوم ورايح لو أموت ماشمت أحد فيني "

جــــــــعله دوووم ماهو يوم ياسارونه ^^

$

وضوح وفهييد.

"يوم صفعته بهرجتي – من وين لك دراهم وانت

عاطل باطل .. لاتقول بعد انك بتأخذ من ابوك

حسيته في وسط تحمسه كسرته ."

ووضوح لسى مافرحنا أنه تغيير وأنت ماشيه وتحطمين فيه . صح يــــــــــــــستاهل بس . إن الله غفورٌ رحيمٌ.

"فهيد ياوضحى كل شوي يرفع جواله ويناظر الوقت احستس كسحتيه يوم رقدتي هنا "

شكل وضوح بدت تربيه وإن شاء الله يبن فيه .
بس كله كم يوم وتنط امه ولا جد الغفله في حلقها عشان ترجع !


نور وضاحي.

"كنت مقهور من اللي صار فينا .. ومن سواتها .. من رجعت لها الذاكره شالت شلايلها وراحت "

أنت وجــتهك أحيان عليك أفكار مادري وش تبي .

اللحين ماسح بالبنت الارض ومسفل فيها هي واللي خلفوها تبيها تقعدلك . هـــزولت من هالعائله .


نوره وسلطان.
؟؟؟؟؟
؟؟؟


وعـــــــــــــــــبووق الله يرزقك من حيث لاتحتسبين ياعسل على هالتعب معنا حن وهذرتنا ^ـ^ وتحملينيا.


ودمــــــــــــــــــــــــــتي عبوووقه.

صباح الورد على سهم ومتابعاتها

والي ينقلون روايتها ربي يقويكم

تسلمين على البارت الي الي الآن ما شفنا انتقام يطيب الخاطر ويليق بكمية العذاب الي شافوها بنات ناصر

انا ما زالت مع روحة البنات لدوادمي والفرصه خلاص قربت وجتكن على طبق من ذهب

وش تبن با الثمامه ثمامه وتمشيه وعيال القاسي دايسين كرامتكن دوس

اطلبن فارس وانخنه اكيد بيطيعكن وهو شايف حالكن وعارف وضعكن

هند وضحى وشيخه وساره مع بعض باقي يشوفون طريقه ينادون فيها نوره وياخذونها

فهيد بدا يتعدل حاله ولو بتضغط عليه وضحى مع ها التغير البسيط راح يتغير للأفضل

لكن لازم ياخذ درس علشان يعرف قيمة وضحى

ويكون تغيره جذري وترجع له وضحى وتستمر حياتها معاه

فهيد في مجال ينصلح حاله واذا على العيب الي برجل وضحى له حل

تصلح عمليه وتتشافى بأذن الله رجلها علشان نفسها وعلشان ما تحس بنقص

اتمنى نوره تروح معهن علشان سلطان تنحل عقدته ويعاملها مثل الازواج الطبيعين ويحس بقيمتها

الفراغ الي بتتركه وراها نوره بيخلي سلطان يترك المقارنه بينهاوبين زوجته الاولى وبعد ما يتأدب ترجع له

لأنه مابعد حس بفقدتها ومتردد بعلاقته معاها البعد بيبين له مشاعره الحقيقيه اتجاهاوبينصلح حاله

اقدمي على ها الخطوه يا نوره بقلب جامد احسن من حياتك معه الي كنك في بيت اشباح وهو بسم الله كنه جني ينطنط توالي الليول

وقفيه عند حده وامشي مع خواتس واذا خواتس سبقوك لدوادمي اطلبي سلطان ياخذتس لمهن

والا قولي له بطلب وجه النكبه عمتس ابومحمد الي جنى عليكن وجابكن لبيته ولا حافظ عليكن

وهو عاد عنده عقده من طلب الحريم لسفر بيخاف ويوديتس لبيتكم بنفسه

عسى بس تدلين طريق البيت ولا توهين الرجال

هند مع اني ما اميل لزواجها من فارس لكن بما انه افضل الموجودين اتمنى انك تجمعينهم

لكن بعد ما تهدى العواصف الي تجتاح حياة خواتها

وعلشان اخبار ساره وشيخه توصل لبيت القاسي عن طريقك بعدين ان شاء الله اذا تطلقن من قليلين المرؤه عيال ضاحي

ساره وشيخه ماعاد لهم حياه مع آل قاسي

ساره والفضيحه وقدر الله انها تنستر خلاص الانفصال اسلم حل لأن عقدة الاغتصاب عند نايف ما راح تنحل

بيشوفها رخيصة وكل حركه منها تحت المجهر

والعقده بتنقل والنظره نفسها بيشوفها اذا ولدت ساره منه بنات بيحس انهن خفيفات مثل امهن

وهي ماراح تنسى الي صار لها حياتها ماراح تكون طبيعيه معاه فالا نفصال اسلم حل وكلآ يشوف حياته

شيخه وصقر انا ماني مع رجوعهم لبعض نهائي العلاقه من بداية الزواج وهي ماهي مستقره

زاد عليها زواج صقر من وسميه

والحياه مع وجود ضره مره وشيخه راسها يابس فماراح ترتاح

تنفصل عن صقر وتشوف حياتها

وسميه وش ذنبها رحمت حالها الي ماخذها صقر كنها عصى تأديب ومن يوم بتعطيه شيخه وجه بيسحب عليها

ولا راح ترضى شيخه ان وسميه تتطلق او تطلب طلاقها من صقر

لأنه شرعآ ما يجوز وصقر هو الي جنى على نفسه يبي يقهر شيخه

خلاص يا كل طبخته الي طبخهالآن وسميه ماطقت باب صقر

اتمنى بصراحه شيخه وساره ينفصلون عن عيال عمهم ويتزوجون ويعيشون حياتهم

وياليت بعد تمر سنين واشوف ساره وشيخه بعد ما يتزوجون غير صقر ونايف زايرين عمهم واعيالهم معهم

ومنيره شايلتهم توريهم صقر ونايف تقول هذولا عيال خواتكم بنات عمكم ساره وشيخه

وعيالهم كلن يسمي عليهم من زينهم

وانت ياصقر اتمنى ان وسميه فوق انها سمينه شينه وعيالها يجون شهبان مثلها

ونايف ما يقل عنه ان شاء الله يطيح له بوحده تزوجه الهيئه منها يسكر له يوم ويلقاها بمكان وينصاد

و من شينها تدعي يا نويفان وتقول جعلني اذا دخلت بيتك الي هي فيه يطفي الكهرباء علشان ما اتروع من شينها

ولاتقدر تطلق زواجها اجباري بتقعد في حلقك سنين

علشان تعرف ان الجزاء من جنس العمل وان ربك يستر مره ومرتين ثم عاد يجي العقاب الي ما يخطر على البال

ويزين صقر ونايف بعد ما يطلقون ساره وشيخه ويعرسون على شينات ورفل

ومنيره بدون قصد تمدح شيوخ وسوير قدامهم وانهن ماشاء الله عايشات سعيدات وربي عوض عليهن بأحسن من عيالها

عاد بجد هذي حرقة التسبد لعيال القاسي والا نتقام الي يبرد الخاطر

همسه بأذن شيخه؛ لاتضعفين اطلبي الطلاق انسي حبك لصقر واعتبري فرقاه مثل حرقة القهوه الي انكبت على رجلتس

حرتها في وقتها ثم يطفي الوجع

سمي على اسمه جعله الجدري واعرسي وبتنسين الي خلفوه

كرامتس انتي وساره مايردها الا يوم يشوفونك كل وحده معرسه في بيتها ولا جبتن خبرهم

امتعتينا ببارت رائع امتعك الله بلباس الصحه والعافيه انتي ومن تحبين

في الانتظار سهم متى مانزل البارت