السلام عليكم ورحمة الله وبركاته
سهومه تروحين وترجعين بالسلامه
ومشكوره على التهنئه وكلامك االحلو عني وأتمنى أكون عند حسن ظن الجميع وقولي اللي تقولين ولا يهمك
حتى إنتي قدرك عالي يالغلا وقدرتي تفرضين إحترامك
على الجميع مثل ما إحترمتيهم بكتابتك الراقيه وإلتزامك
سهومه مادام صرحتي إن حال بنات ناصر راح يسرنا
خلاص وقفنا المظاهره والمقاطعه والله يستر لايكون تصريح تهدين به الشعب الثائر بعدين راح يزيد الغضب
ونطالب بعقوبات منها كتابة روايه ثالثه
((فيسي الحذر يهدد))
فارس
((من نزلوا من السياره وابتعدوا عني .. وانا أحاول أشم هواء يطلع
الوجع المكبوت اللي بصدري .. احس بحراره فيه توجعني ))
هذا جزاء اللي مايغض البصر
(( ياترى انتي بعد تشبهين لإختس ولا هي بس الحوريه ))
بنت عمك جوهره بس عساك تعرف قدرها ماتسوي سوات إخوانك
(( شفتها عطتني ظهرها ووقفتها – هند تعالي وين رحتي))
وليه تجلس تكلم واحد مجنون عقله ماهو معه والا فيه واحد صاحي يفكر في زوجة أخوه يا إبن الحلال تعوذ من الشيطان وأطرد عنك التفكير في ساره
((واخواني مادروا عن سواد وجه ))
ولا دروا عن تفكيرك بساره وسواد وجهك إنت بعد
هند
((مشيت لين وقفت في وجهه وانا معصبه ورفعت اصبعي بتهديد في
وجهه – انت أخر واحد يتكلم عنا فاااااااااااااهم ولاااااااااا ))
لاتعصبين ولا شيء لايطق لك عرق وتزيدين هم خواتك بعدين إنتي ماعرفتي إن فارس يحب يشوفك معصبه أخسريه ولاتردين عليه
ومثل مايقولون الخسران يقطع المصران
وضحى
((من شكله وهو بيطيح قدامي .. ولسانه المعّوج .. خفت منه))
كل هذا وماعرفتي علته والله إنك على نيتك
((بعد ركضت وانا ابكي واعرج .. اكرهه والله العظيم اكرهه))
مصدقينك من غير حلفان وإحنا بعد نكرهه هذا من يحبه
أبو محمد
((ابو محمد تكلم – اقسم بالله ان صار إبها شي ان مارحمه ))
هذا كل اللي قدرت عليه بدل ماتروح له وتأخذ ساره من عنده أو على الأقل تتطمن عليها
منيره
((ناظرتني امي – انت ألزم حدك ابوك واخوانك الكبار ابخص))
صح لسانك والله إنك صادقه
((قلت له – اخوك نايف كان مغصوب على العرس ))
((اخذ بنت عمك اولى وردها وهي مصفعه واخذ بعضه وانحاش .. بكره فضيحتنا فضيحه والعرب بيتليمون في بيتنا .. اخوك منحاش))
عين العقل اللي سويتيه والله ياجرك على اللي تسوينه مع الضعيفه وسترك لها
ساره
((اقتلني في إي مكان بس ماهب هالمكان تكفى دخيلك ))
يالبى البراءه ياناس هو فيه بعد الموت شيء هل يضر الشاه سلخها بعد موتها
((وقف في وجهي وسطرني كف قوي .. تلى هالكف كف واثنين وثلاثه))
عسى يده للكسر اللي ماينجبر والا الشلل وإنتي ساكته له يلعبك ويجرك يمين وشمال مثل الغصن اللي يلعب به الهوى دافعي عن نفسك ما حولك شيء تخبطينه به على راسه يرد له عقله المجنون أو تشردين وتقفلين على نفسك
((نمت وهوه علي .. حسيته تألم وهالشي وضح في صوته وهو يقول – ليش مابعدتني عني .. ليش ماهربتي تراني كنت ثاير ))
ياعلك لثور ينطحك ويتوطى في بطنك لين يساويك بالأرض
نايف
((انتي السبب اللي انا فيه انتي السبب ماني براحمتس انتي السبب ))
والله السبب قل الدين والخوف من الله والشرب اللي طير عقلك والا فيه واحد يخاف الله وعاقل يسوي سواتك في بنت عمه
((فجأه سمعت صوته يبكي ))
هذا اللي يقول ضربني وبكى وسبقني وإشتكى عساه يبكي بدل الدموع دم
((ابتسم – صح اني غلطت عليتس البارح بس اوعدتس هالشي مايصير امي فتحت عيني على شي كان مخبى عني))
وش اللي قالت لك أمك وفتحت عينك له مسألة الشيك خوفتك إن أبوك يرجع ياخذه لأنه ماوفيت بوعدك أكيد منيره تخطط لشيء وتحاول تقرب بينكم
((اطلعي جناحي فوق خل نخلص هالمسلسل البايخ))
الله يستر من هالطلعه خاصه لو طلعة له بعد مالبستها منيره وزينتها الكوافير أكيد هذي فكرة منيره إنه يطلب منها تروح لجناحه
فهيد
((ومسكني مع شعري معصب يبي يضربني ))
يمال من يضرب فيك لين تفوق من سكرتك لابارك الله فيك
((قال – يوم قامت حبيبتي ( بسرعه ناظرته ) من حضني
حسيت ان شي ناقصني))
والله لو على اللي ناقصك ناقصك شيء كثير الدين والأخلاق والمرجله وغيره كثير
ريم
((مد علي بالملعقه من الرز – يالله أكلي يابعد حيي حسيت اني بذوب مكاني .. من دخلت لين هالحين وهو يمطرني بالكلام اللي يحرجني))
الله يديم المحبه بينكم
سعد
((من عشرين سنه وانا عارف انتس يوم بتكبرين بتصيرين إلي وانا احلم كل ليله انتس فيها معي .. بلاه هالشي ماحلمتي فيه معي ))
عزالله إنك صبرت كثير الله يعوض صبرك خير
عمشاء
((عمشاء قالت بتهديد مبطن – اللي صار قبل شوي ماابي احد
يعلم عنه شي اوحيتي))
لا والله مسير ولدك الخايس ريحته تفوح والمستخبي يبان وفضيحته بتكون قريبه إن شاء الله ماخرب ولدك غير دلعك له وتسترك على مصايبه
((وضحى خلتس عاقل ولاتهدمين بيتس بيدتس هاذا رجلتس ومجبوره تعيشين مع وضعه))
والله لو هو مريض أو مجنون أو صابته عاهه قلنا أمر الله وتصبر وتعيش معه على الحلوه والمره لكن اللي في ولدك ماينسكت عنه
والدليل إنك ماأنت قادره تقولين لها اللي فيه وخايفه من الفضيحه يكفيك إن ما أحد رضي بولدك غير الضعيفه اللي أجبرتوها عليه وهي ما تدري عن بلاويه
شيخه
((صامته صمت مخيف .. على كثر ماعشت معها مستحيل اعرف وش يدور في راسها .. الوحيده اللي تفهمها هي وضحى ))
لو درى صقر إن زواجه بيقص لسانك الطويل كان من زمان مسويها وش تخططين له يمكن هذا الهدوء اللي يسبق العاصفه يمكن اللي يخرجك من صمتك شوفتك لصقر اللي راح تنفجرين فيه او يمكن عندك تخطيط ثاني بعد محاسبه صادقه لنفسك
موضي
((وضحى يالخايسه وراتس تبعدين عن اخوي تراه يحب الحنان))
يعل يحبه الجنان وكل أمراض هالزمان
منتظرين جديدك المميز سهومه يعطيك العافيه
عبوقه يعطيك العافيه على مثابرتك على النقل
04-04-12, 09:19 PM
جديد مواضيع قسم القصص المكتمله
العرض العادي
