صباح الخيرات .........تسلم ايدك سهومة ماقصرتي ياقلبي لاخلا ولا عدم فديتك ..........بس نبي شي يبرد القلب تعبنا من الجفا والمشاكل لو كانت الاحوال منوعة بين الابطال مابين الحلو والمر شوي بيخف الضيق من صدورنا ....الله يعين هالبنات وان شاء الله تفرج عليهم قريب

كيفك عبوقة لك وحشة ياقلبي تسلم يمينك ياعسل

شويخة وصقير

ياليت هالماصورة بيدي غير كل واحد ضربة بلكت يتعدل هالراس ويلين تعبتونا معكم الي متى ياشويخ ملينا من جمودك وقسوتك متى بتصيرين انسانة وانثى لها احاسيس لمتى المكابر ماتعبتي مامليتي من المواجع وانعدام الامان دام قلبك بدى يحب صقر وهو زوجك حلالك خلاص مثل مااستخدمتي القوة علشان تنفري الناس منك والاهم زوجك الي مااحترمتيه ولا اهتميتي لوجوده استخدمي قوتك هالمرة في شي لصالحك الوقت مازال بيدك صارحي زوجك بالحقيقة وحنني قلبه عليك ماقلنا ارمي حالك بس مجرد ماتشيلي الحمل الي بقلبك انتي بترتاحي والباقي على صقور

وانت ياحظي دامك ميت عليها وتبيها وتتمنى قربها فكر شوي وخطط لشي يعدل الحال المايل جربت القوة مانفعت استخدم اسلوب ثاني دامك فهمت عيون شويخ خليها تتغير على ايدك انت المسيطر والقوي بمشاعرك صير ذكي موكل شي بالعناد والضرب والتسرع ...........انتو الاثنين يبي لكم حبس بمكان واحد ماتطلعون منه الين تعتدلون ...سهومة شوفي لك حل تعبونا اول المتزوجين وماعقلو اجل الي بعدهم متى بتعتدل احوالهم ....الزواج ماراح يصلح حياتهم بالعكس بيظلم ناس ما ها دخل فيهم وبيكبر الحاجز ..


سارة ونويفان

سارة حرام الي يسوونه خواتها فيها وعلى فكرة هم بعد يتحملون جزء كبير من الي سوته لو كانو قريبين منها ومنتبهين عليها ماتجرأت سوت الي سوته اذا هي بسن مدرسة واهلها صار لهم خمس سنين متوفيين يعني ماتو وهي صغيرة او بعمر المراهقة مين احتواها وعلمها الحلال من الحرام اذا شيخة كانت عوبة ماعندها وقت تجلس معاها ووضحى مشغولة كيف تدبر لهم مصروف ولاهية بعمرها ونورة وهند صغار ....... يعني مافي الي ربها زين والحين بمقاطعتهم لها بعد يكبرون حجم الجفا الي بينهم ماعجبني تصرفهم حتى لو مصدومين يسمعوها اول وبعدين ياخذون قرار ...وشيخة قبل ماتكبر راسها وتجرح تشوف نفسها وعيوبها بعدين تيجي تعاقب ......... وهند اول وحدة تعرف تعلق اختها بنويفان ليه ماتصرفات وخبرت خواتها ليه سكتت عن السالفة بدل ماتقول كلام يذبحها قبل مايذبح اختها

سارة لولا زواج ريم الي مستحيل عمشاء ترضى لها بغيرعرس كبير وجهاز كان صارت مثل خواتها لاجهاز ولا زواج وكأنهم بنات من الشارع او مسويين منكر ......

اعتقد بعد الزواج نويفان ماراح يقصر عليها وبيستلمها تجريح غير كذا بيطلع حرته كلها فيها والله يستر منه

نورة وسلطان

زين سوت فيه نورة اجل يجرحها بكلام قاسي ماينقال لعروس ويبي يشتري رضاها بطقم ياشيخ طير مالت عليك انت وهداياك تجرح وتداوي بالمادة عمر الفلوس ماكانت دواء مثل ماجرحتها بكلام موجع داويها بكلام يمسح الي صار بشرط يكون كلام صادق ..........مو وقت الي يعجبك تراضيها واذا اكتفيت واخذت الي تبي رميتها وطردتها نورة اسفيه ولا تعطيه وجه الين يعرف خطاه ويتأدب


نور وضاحي

نور تستاهل الي سواه فيها ضاحي وتحمد ربها انو قدر ينقذها اجل الي تطلع من بيت زوجها بدون شوره شمفكرة ربي بيوفقها ..........احسن خلي الي صار يكون لها درس علشان تنثبر ..........الحين العصابة تأكدت من وجودها واكيد بيعرفون مكانها والله يستر من خطوتهم الجاية ..........بس ليه مصرين ياخذوها او يقتلوها هي مجرد بنت واحد كان يشتغل معاهم .....اكيد في سر كبير والله يستر من الحقيقة الي يمكن ماتخطر على البال ......الا اذا ابوها مامات اصلا وخبر مقتله تمويه للعصابة وهم اكتشفو انو عميل للشرطة وخدعهم ويبون ينتقمون او يعرفو انو مامات يبون ينتقمو منه او يساومونه على روحه ..........مااستبعد اي شي منك سهومة

موضي ومحمد

ماعرفنا كيف علاقتهم مع بعض هل فيها تقدم هل موضي تقبلته كزوج ........ماينذكرون الا بأشياء بسيطة ...ومحمد هل يتعالج علشان موضوع العيال ولا لا وعيسى واهله خلاص انتهى دورهم والا باقي لهم اشياء بيسووها


سعد وريم

واخيرا مابغى يتزوج المسكين خخخخخخ بس احساسي يقول فرحته مابتكمل يااما هو بيسوي شي مثل غيره من رجال العيلة او هي بترمي كلمة مابتحاسب عليها لانو ولا ثنائي مبردين قلبنا وحاشمين حالهم وعايشين مثل الخلق يبي لي ادخل عليهم كلهم واعطيهم كم كلمة ..........ناس ماتيجي الا بالعين الحمراء

في انتظارك وانتظار باقي مفاجأتك

هاااي

وردة الزيزفون تدرين اني دااائما اقرا توقعاتك مدري ليش بس احب طريقتك الغريبه في التعبير

بذات عن ساره ونويفان على قولتك

ويسلمووو