هااااي مشكووورة عبوق على النقل الله يعطيك العافيه

تدرين عندي سؤااال يطرح نفسه

ناااايفووه الغبي يوم يبي سارونه تقعد عند خواتها ولايشوفها ليييه يقول لي شفتوني أدوس برقبتها لاحد يتكلم ولابدينا حركات النص كم

شييوخ خلصت من مشكلة سااره أتوقع رح تبدا تأدب صقر

وصراحه الروايه احداثها في وادي وأنا توقعاتي في وادي

ودمتي عبوووق

مساء الخيرات
يعطيك الف عافية سهومه
ربي يخليلك احبابك ويبعد عنك عيال الحرام وبنات الحرام

عرفنا سر شيخة والا الحين صقر ماعرفها ومنتظرين رده اتوقع ردة على الموضوع راح يقربهم من بعض
ساره ونايف راح تكون حياتهم موجعه جدا لسارة
سلطان ونورة وطلبه لولد وايش نهايته هالطلب ...
ضاحي والجازي وكشف الاسرار اتوقع اذا عرفت ام ضاحي راح يجي يوم ويفلت لسانها او العكس حتى لو ماعرفت راح توصل معلومه لو هي مو قاصدتها راح تفهم الجازي بان مالها صلة بضاحي وفية سر
فهيد ووضحى يمكن فهيد لمن يعاير وضحى بعرجتها يبي يخفي اعجابة فيها .....؟
فارس وهند اتوقع نهايته حب وزواج هادي

يعطيك الف عافية ... وبتوفيق

اشككرك اختي سهم المملكة على هذه الرواية الروعة

واشكر اختي عبق الرياحين على النقل المميز والى الامام

صباح الخير .......كيفك سهومة وحشتينا ووحشونا ابطالك مع انهم مافيهم واحد مبرد قلوبنا ...تعبنا من حالهم المايل متى بيبتدي الحظ يتعدل مع هاليتيمات ويبتدون يغيرون مجرى حياتهم المتعب .........بصراحة احس هالهموم الي عاشوها بقرب اهلهم كبرتهم سنين غير كذا احس فيهم يذبلون ويموتون موت بطيء جدا ....الله يعينهم حياتهم متعبة جدا

كيفك عبوقة تسلم ايدك ياعسل
سارة ونويفان الخسيس

يعني ايش بنتوقع من واحد مثله واحد علشان وحدة يهوديه داشره عادى اخوه وخطط للانتقام منه نسى ربه ودينه وقام يشرب المحرمات والا اصلا هو من يوم سمح لحاله يكون علاقة مع حمارة القايلة وهو عاصي ربه ...وبالاخير يغتصب بنت ماادته ولا ضرته بشي وهالبنت عرضه وشرفه من لحمه ودمه ......وغير كذا مافكر يصلح ذنبه ويسترها من الفضيحة الي موبس بتضرها هي لا حتى هو بيتضرر عند الناس بنت عمه مضيعة شرفها ....وراح يدور لها داشر من ربعه الخمة معتقد بكذا بيتخلص من ذنبه .........ويوم ربي فضحه مافكر ليه وايش السبب لا تجبر وتكبر حتى على امه وابوه وابتزهم علشان يستر فضيحته الي سواها مو يستر جريمة غيره

بس مثل ماذل اهله وابتزهم بيبتدي العقاب قريب لانو اغضب قلب امه وابوه هذا شي وقبل كل هلاشياء اغضب ربه حطم بنت يتيمة وظلمها وذلها ذل وفضحها لانو لو من اول ماسوى سواياه سترها حتى لو طلقها كان ماانفضحت عند خواتها ... الفلوس الي اخذهم وعيادته ماراح يتهنى فيها ........بتجيه صدمات قوية بتكسر غروره وبتنهي ثقته بنفسه هذا اذا ربي مابلاه بصحته وكل وسامته وشهادته وفلوسه ماراح ينفعوه .......وترى موبس سارة الي خسرانة حتى هو وانتصاره الي فرحان فيه ماراح يطول ........وقريب صقر بيسدد له ضربة تكسره لما يكشف له المستور وحقيقة صديقه المقرب وهذاك يعترف بكرهه له واسباب فعلته وتخطيطه ........واكيد بتحل عليه المصايب وبياخذ جزاه مثل اخوه محمد الي المصايب هدته وكسرته

سارة مااتمنى لها بعد كل هالعذاب والانكسار والضياع الا السعادة في النهاية لانها حصدت ثمن تهورها وتفاخرها بجمالها كثير وتعلمت انو الوسامة والجمال الخارجي مو اهم شي بالرجال ........هي غلطت بس اتمنى بعد الي صار لها تتوب وتتعدل والي ربي كاتبه لها بيصير ........مااتمنها تحمل لقب مطلقة وهي صغيرة بس مابيها بعد تستمر مع نايف بدون لاتكون هي القوية وهو الدليل مثل ماعافها واهانها يجي ينذل عندها وقدام اهله علشان تقبل فيه وهالشي عادل لسارة ..........وخواتها بيجي يوم ويسامحوها بس حاليا صعب صدمة كبيره الي عاشوها بسببها


شيخة وصقور

لاجديد في حياتهم بس اتمنى ماتطور الاحوال وتتصعب اكثر من الي صار الدنيا ماتسوى والاحقاد مابتضيع الا اعمارهم لابد الاثنين يجلسون جلسة مصارحة وشيخة خلاص لازم تتنازل من عنادها هي شافت كيف الدنيا مو مقصرة عليهم وعمرها يضيع هي وخواتها في هموم ومصايب لانو مالهم سند يحميهم صار الي يسوى والي مايسوى يتحكم فيهم كأنهم مو بشر ........... صقر يحبها ويهواها وهي بدى قلبها يميل له لازم هي تتنازل عن الي براسها وتخبر صقر بماضيها وسبب ركضها هذاك اليوم ...........ومتأكدة انو صقر راح يندم ويتحسف على كل دقيقة مد ايده عليها وبيعطيها الحق في بعض الاشياء لانو للان في تصرفات هي سوتها مالها مبرر ولا عجبتني

يبي لهم قرصة قوية وشدة علشان لايضيعون حياتهم بعنادهم


فهيد ووضحى

فهيد ماجاء ينابح ورى وضحى الا ميت عليها وكلامه الي مثل وجهه علشان يخفي هالحقيقة لو ماهي عاجبته ماكل يوم مرتز عندها بس لو وضحى تغير تعاملها معاه وتحسسه بالنقص وتهدده بالطلاق بيطخ ويخاف وبيعمل لها الف حساب خصوصا لو حسسته انو عرجها مو هامها وكلامه مو مأثر فيها ......اعتقد اذا عرفت بلوته بتنقلب شرسة عنده وعند الي خدعوها مهما كان للصبر حدود


نورة وسلطان

اتمنى هالبارت الي بينزل يتناول حياة هالاثنين نبي نعرف على ايش بترسي حياتهم بعد قرار سلطان وايش ردة فعله اذا شاف شكل نورة وزينها هل بيسوي نفس صقور من الصدمة او بيكون بارد ...وبيكابر كالعادة ؟؟؟


نور وضاحي

لحد الان نور ماعرفت شي عن ماضيها وحبها الكبير لضاحي مخليها تصدق على طول اي كلمة يقولها لها بس ماراح يستمر هالوضع وبتجي لنور صدمة ترجع ذاكرتها واعتقد هالصدمة بتكون من امه او بتسمعها بيوم يتكلم مع احد والله يستر عليها

محمد وموضي

محمد هذا مو طبيعي الحين يقرب عيال عدوه عيسى وينسى وحيدته الي ظلمها سنين حتى ماتعلم من فقده لولده كل هذا علشان موضي الي مومهتمى لافيه ولا في حبه لها ........الى متى بيصحى على ضميره الين يفقد بنته بعد كسرت خاطري خلود وهي تقول لفارس انت بابا ياقلبي عليها يتيمة وامها وابوها عايشين توقعت موضي تغير الوضع بس الظاهر موضي مايهمها غير عيال عيسى وبس


سهومة في انتظارك وانتظار البارت اتمنى يكون فيه شي قوي لصالح هاليتيمات