المنتدى :
الارشيف
رواية » الحنين لسنين لن تعود «
...
...
...
الجزء الثاني ...
رواية » الحنين لسنين لن تعود «
...
...
...
البداية,,
الجـــــــــزء الأولــ,,,,,
تحاول تكتم صوت شهقاتها وهي متخبيه خلف الباب وتسمع صوته العالي والي باين انه مو بوعيه
هو ينادي بصوته وشبه يتخبط في الجدران من الالم: ملآآآآآآكـ يا ملاآآآآآآك وصمخ ان شاء الله تعالي هنا عندي بسرععهه
ملاك ولازالت ترتجف وماسكه شهقتها شافته من خلف الباب وهو يقرب من الغرفه الي هي فيها
شافها وقرب منها وهو على حالته : انتي على بالك انك اذا هربتي مني ما اقدر
القاك هع [وبابتسامه خبيثه] تعالي يا عمري ماني مسوي فيك شي بس بوريك حاجه
ملاك وهي تبكي : جابر الله يخليك بعد عني انت منت في وعييك الله يرحم والدييك
جابر بغضب: انتي ماتفهمين انا اقولك تعالي ولاتجيبين سيرة ابوي وامي ,, هم ماتووا تعرفين ايش معنا ماتووا ]وقعد يبكي[ راحوا وخلوني مابقى لي احد من بعدهم انتي لاهيه بدراستك ورغد ماهمها الا نفسهها وتركي دايييم مشغوول
وسكت ثم ناظر لها بخبث] انا اقولك تعالي البيت فاضي يعني لاتخافين ماحد يشوف ولا انا راح اعلم ( وهو يقرب منها) تعالي حتى انا مارح اشوف هههههههآآ كح كح
ملاك راحت لاخر الغرفه وهي تقول بخوف وبكا :جابر الله يخليك ابعد ترا انا اختك وعرضي من عرضك
جابربهيستيريا وغضب وهو يحكك جسمه : اقولك تعالي وخلصيني وهو يشدها من يدها وينزل فيها مع الدرج
ملآآك ببكا وحالة رعب وخوف وهي تشاهق : جابر جابر الله يخليك فكني خلاص الله يخليك انت مو بوعيك تكفى يا اخوي تكفى
جابر وهو يدخل للمجلس الي فيه الرجال وهو يرميها عليه ويقول بغضب: اعطيك
اختي عطيه بس خلصني وعطني الي معاك بسرعه تراي معاد قادر استحمل جسمي ياكلني
فز خالد من مكانه ولا توقع ولا واحد في المية انه راح يصير معاه بيوم من الايام مثل هالموقف
مد الظرف الي معاه وهو في حالة ذهول ولا هو مستوعب اي شي يحصل
خالد ولازال مذهول من شيئين اول هالبنت الي تقول للقمر قوم وانا اقعد مكانك وهي بالشكل هذا وثاني شي هالرجال الي حذف هالبنت عليه وطلع كان حيه لدغته
خالد وكل شي فيه مذهول : ايش السالفه
ملاك سكتت وهي خايفة وباين على وجه هالشخص الي قدامها علامة استفهام كبيره
خالد وهو مازال على نفس حالة الذهول: قولي لي ايش السالفه يابنت
ملاك بخوف وبكى وبلهجة واحد مخنوق ويعاتب بنفس الوقت : انت ايش الي جبته لأخوي انت تعرف ايش جبت له
خالد وبذهول اكبر لان هذا معناته بيع شرف: لا هذا واحد من الشله الي انا عندهم بالاستراحه طلب مني اوصل هالظرف لاخوك
ملاك بهيستيريا : تدري ان به مخدرات مخدرات ي المغفل لا والاخ الكريم الي جوه مستعد انه يبيع شرفه وعرضه بسبب هالسم الهاري هذا
خالد استفزته كلمة المغفل ورفع يده بيعطيها كف وهي تنكمش على نفسها بخوف وهي يتعوذ من الشيطان الرجيم بعد ماتوضح له كل شي
خالد: طيب والحل ايش الحين
ملاك بقو: ولا شي توكل على بيتك والدرب اخضر
خالد تجاهل كلامها ودفعته النخوه والشهامه : لا بالله ماني مخلييك عند هالوحش
ملاك رفعة حاجب: لابالله وانت ايش دخلك الحيين يجي اخووي الي اكبر منه واصير بأمان
انفتح الباب وكل العيون على هالشخص الواقف عنده ,, ليه هيبه تجبر الي قدامه يحترمه ويوقف تقدير له لكن هالمره عيوونه كانت تطلع منها شرار وغضب عارم ولو كانت النظرات تحرق كانوا احترقوا من زمان اخته وهي لابسه بجامةالبيت مع واحد غريب لا وبايين بينهم حده في النقاش
تركي: وانا ولد ابوي ولده ]وبصراخ[ هذي اخرتها ياملاك هذي اخرتها تخونين اهلك وبالبيت بعد يعني ماهموك الناس الي فيه ولاحاطه لهم اي اعتبار
ملاك بخوف: تركي هد اعصابك والله انك فاهم الموضوع غلط والله
تركي بغضب وحزن بنفس الوقت : هش بس هش ولا كلمة لاتحلفين بالله كذب
تبيني اكذب عيوني واصدقك ياحيف عليك ياملاك ياحيف بس وطيتي روسنا بالتراب
ملاك وهي تبكي : راسك مرفووع ياخوك راسك مرفووع وجزاه المووت الي يحنيه الموت يا خوك
خالد بعد السكوت وتبادل النظرات وبثقة: لو سمحت يا اخ تركي تراك فاهم الموضوع غلط والاخت ملاك ماغلطت وكلامك كله بعييد عن الحقيقة ممكن تفهم السالفه بالاول
تركي بغضب اكبر: اص لاتجيب اسمها على لسانك يالواطي
اكيييد بتدافع عنها[وبضحكة سخريه وحزن عميق مخفي[
مو غلطت معاها اكييد تدافع عن غلطك
ملاك وهي تشاهق: تركي بس خلاص تكفى لاتقول هالكلام تكفى سو فيني الي تبيه تبي تذبحني اذبحني تبي ترميني ارمني سو فيني الي يريحك
تركي : لا علشان تصير الفضيحه فضيحتين اسمعي روحي جيبي عباتك الحين وتعالي هنا بسسرعه
ملاك بخوف: ليه
تركي بغضب : من دون ليه بسسرعه نفذي وانتي ساكته
ملاك بحزن: على امرك\وطلعت
خالد: بس يااخ تركي انت ظلمت م
قاطعه تركي: انا كم مره اقولك لاتجيب اسمها على لسانك
ولا اقول هه اشبع فيه الحين املك لك عليها وبلاعرس ولاهم يحزنون بكرا عشا للرجال وتاخذها معاك وعيني عينك تتهرب او ماتحضر والله والله ليكون اخر يوم لكم في حياتكم\واتصل على المأذون ونادى ملاك وملك عليهم وخلى ملاك تدخل داخل وهي خانقتها العبره بس علشان اخوها كل شي يهوون
المأذون عند كتابته للعقد: وين ولي امرها
تركي: عطاك عمره وانا المسؤل عنها الحين
المأذون بدى بالكتابه واتمام عقد الزواج بعد ما سأل ملاك
وبعد ماملكوا قال تركي : هه ما اعتقد انك تبي تشوف زوجتك ياخالد<<هو تعمد يقول زوجتك علشان يثبت لنفسه اولا ولخالد ثانيا انه خلاص الملزوم فيها هو خالد وانه صار زوج اخته
خالد بثقه: ومن قاال وما اتوقع انك بتمنع شي ربي شرعه
تركي بنظره غريبة: مع اني ماتوقع انك تعرف وتخاف من الله بس مو انا الي امنع الحق
بالمجلس عند خالد
تركي: وهذي هي العروس ي عريس ] قالها بسخريه متالم[
وانا طالع مو اناعذول بينكم
خالد بحزم: اكيييد عروس ولاتطلع بقولك شي يمكن يخليك تندم عمرك كله
وتركي باستهزاء: وايش هو ياحظرة الباشا<< هذا مو اسلوب تركي ابدا بس الظروف احيانا تجبر الانسان على اشياء هو مايبيها
خالد وهو رافع حاجبة: اولا احب اهنيك على الاخوة الي فيك حتى ما عطيت اختك فرصه حتى تدافع عن نفسها وثانيا احب اوضح لك سوء الفهم الي حاصل وهو ان اخوك جابر هو
قاطعته ملاك بصوت مخنووق: لا ياخالد تكفى لاتكمل الله يخليك
تركي باستعجاب: كمل ايش هي القصة
خالد : اكييد راح اكمل وهو ان اخوك جابر مدمن مخدرات وصار ضحية اهمالكم وابتعادكم عنه في فترة وفاة الاهل
واليوم صادف واحمد ربك اني كنت مار الاستراحه الي نجتمع فيها وطلب مني واحد من الشباب ومعرفتي فيه سطحيه اوصل ظرف ل اخوك جابر وامني اني ما افتحه وجيت لهالبيت على وصفه ومادريت الا واخوك جابر رامي علي ملاك وقايل لي عطيك اختي عطيه بس خلصني وعطني الي معاك انا من الصدمه مديت له الظرف وانا مذهول
من الي يصير قدامي شوي الا استوعبت السالفه على دخلتك وانت ما شاء الله ظلمت اختك وانا معاها انا ما اقول هالكلام دليل اني ابغى اترك اختك لا ويعلم الله اني شاريها بس باخذها مثلها مثل اي بنت معززه مكرمه من بيت اهلها
تركي بصدمه من هالكلام : لكن كيف وشلون ومن متى)التفت على ملاك( من متى وهو [وبغصه] مدمن
ملاك ببكى: من زمان وانا ملاحظة عليه انه متغير واجهته ولا انكر بالعكس قالي بالحرف الواحد لاني مدمن مخدرات تعرف شلون وبحياته كلها ماسوى مثل اليوم]صوتها بدى يعلى[ خفت اخبرك تطرده من البيت وهو يكفيه الي جاه وصار له من بعد وفاة اهلي يكفيه
تركي ولازال مصعوق من هالكلام: ومن قال اني راح اطرده بالعكس هذا اخوي والظفر مايطلع من اللحم راح اوديه واعالجه بس السكووت عن حالته شيين ولاهو بصالحه]وبنظرة اسى[
وانا ظلمتك ياملاك وقذفتك بهتان وزور قولي لي بايش اكفر عن غلطي) وحط يديه على راسه( آيش الحل ,,الصبر منك يارب الصبر
ملاك : لاتلوم نفسك ي أخوي كله علي لو انني قايلتلك من اول ماكان صار الي صار
تركي; لو ماتفيد وباب للشيطان واثنيننا غلطنا وراح نتحمل غلطنا [ولف على خالد] انا اسف ياخالد حقك علي ظلمتك معاي
خالد بمواساة وكلام موزون: ياتركي وانا اخوك خلاص الي صار صار وماينفع الندم واختك انا شاريها,, وانا لو بمكانك سويت الي انت سويته ويمكن اكثر بعد..هذا شرف وعرض مو لعبة \وحط كفه على كتف تركي \ وقال بمؤازره: ياخوك هونها وتهون..هونها وتهون..
قام تركي وحضن خالد وقال بشبه أبتسامه: والله انك كنز يا خالد كنز ومحظوظ فيك يوم صرت زوج ل اختي
خالد ابتسم وربت على كتفه.. وملاك دمعت عيونها من هالموقف الي قدامها
اخوها والشخص الثاني الي يقولون زوجها
في مكان اخر,,
صووت الاغاني مالي الاستراحه واكواب
الوسكي تدور بين الحضور
مكان اقرب مايقال له ملهى ليلي لا استراحه
جالسه باحضانه وصوتها يعلى في المكان بقهقهه مصطنعه
: ياحبيبي والله وانا اكثثر
:لا مو اكثر مني
:تتحدى
غمز لها: مو قدها
بابتسامه: لا منو قال قدها وقدود بعد
:يالله امشي ووريني
: على كم
بخبث: على مقدار حبك
: والي يقول الليلة كلها لك وانت الامير فيها
:يقولك يفداك مالي وحلالي
وهو يوقف ويشد مع خصرها ويزيد من احتضانه لها بعد ماكان جالس: ياللا على الغرفه وفرجيني انتي قدها ولا لا[ويبوسها من جنب رقبتها] وهي تضحك بدلع
صوت من بعيد: ايه يا راشد الله لنا
الدلع والحب كله ل رغد واحنا ولا شي
راشد : اكيد هذي حبي الاول والاخير)وشدها معاه لداخل غرفه من غرف الاستراحه( وهو يهمس لها باذنها وهي تضحك بصوت عالي
,,,وفي شقة,,,
واصوات الاغاني ماليه المكان
جالس في الزاوية ويضرب الابره في يده لان الامر تطور وتدهور من الحبوب للابر
والشباب من حوله في حالة مزريه الي مثل حالته او اشد
وكأنهم في مستنقع للحيوانات ,,
اشياء تشيب بالرأس ولايصدقها عاقل..
ولكنها بالفعل موجوده
شباب تخلوا عن رجولتهم واصبحوا في الحضيض
ترا شاب بجواره اخر يمارسون الفاحشه والعياذ بالله
وغرب عن بالهم عقاب الله وعذابه ومافعله ب قوم لوط
وكل هذا بسبب الانجراف وراء شرب المسكر وتقليد الغرب
اشخاص ليسوا برجال بل اقرب ماهم الى النساء [مخنثين]
ولن انزل من مكانة قلمي بالحديث اكثر عنهم
لأني اعلم اني تعدييت حدود الجراءة واصبحت قريبة من حدود الوقاحه
ولكن كل ذلك لا اكون قريبة من وصف الحقيقة
علي بصوت ثقيل بداء يصيطر عليه المسكر وبخبث: اقوول جابر مالك نية تجي تشرب معنا
جابر والذي انتهى من حقن نفسه: لا يابووك الحيين جايكم
ونهض من مكانه متجه اليهم وبعد ان شرب وبداء مفعوله عليه انغمس بالرذيله
ــــــــــــ&ـ&ــــــــ&&&ــــــــ&ـ&ـــــــــ
انتهى الجزء الاول
بأنتظار تعاليقكم ارأكم وانتقاداتكم
ايش راح يصير في الجزء الثاني هل معقوله بس هذولا هم ابطال الرواية ولا في اشخاص ماطلعوا
هل راح يتعالج جابر من ادمانه ولا لا
رغد ايش حكايتها,,وملاك وخالد ايش راح يصير عليهم
وتركي ايش دوره بالضبط هل بكذا راح يكون مجرد شخص وعدا ولا لا ?؟
تحياتي,,مها العنزي
التعديل الأخير تم بواسطة بياض الصبح ; 18-09-11 الساعة 05:01 AM
سبب آخر: وضع رابط البارت 2 ^ــ^
|
16-09-11, 03:42 AM
جديد مواضيع قسم الارشيف
العرض العادي
