كاتب الموضوع :
♫ معزوفة حنين ♫
المنتدى :
القصص المكتمله
شويه وتفاجانا بدخوول كمن شخص..ومسببين ازعااج باصواتهم وضحكهم..
ما جفت الا ريولهم..
بس تعرفت عليهم من اصواتهم..
سالم : ككككك....الله يخسج خلووفه....قفطتيني جدامها..
خليفه يضحك : شسوي فيج سلومة...حد قالج تفشلين عمرج..؟
ناصر : استحوا ع ويوهكم انتي وياها..وين عاايشين.؟
سيف : عييب..انتن في المستشفى..!
بس سكتوا فجأة...
سالم باحراج : اوو...دكتور انت هني...!؟ " قال يرقّع السالفة " الا ليش يالس ع الارض جي.؟
جفت الدكتور يبتسم لهم...ووقف
الله يستر..شكلهم متآمرين عليّ كلهم..!!
الدكتور : هلااا شبااب...اخبااركم.؟
الشباب : تماااام...! وانت.؟
الدكتور : الحمدالله بخير.....ممممم..اعتقد...انــ....
قاطعه خليفه : دووم ان شاءالله..
سالم : مدييم ياااارب...
ناصر : يعله دووم مب يوووم...
الدكتور باستغراب : تسلموون...
سيف بسرعه : الله يسلمك...
خليفه : من الشر ياااارب...
الشباب مرة وحده :آآآآميييييين....!
سكت الدكتور يطالعهم....قال : بس انا..قلت...أأ...
ناصر بشهقة : دكتوور....وين فروووصة...؟
الدكتور بحزم : اظن انكم سمعتوا من الممرضات الزيارة ممنوعه لفارس..صح ولا لا...؟
سيف : أفآآآآآ ....شو سوا فروووص مسوود الويه...؟
سالم : فشلنــــآآآآآ...!!!
خليفة : فضحنآآآآآ...!!
نااصر : سوّد ويووهنا جدام العرب والغرب...!!
سيف باستلطاف : دكتوور...عسى ما شااغب...؟
جفت ريول الدكتور تضرب الارض بخفه...يترياهم يخلصون استهبالهم..
ضحك سالم بتوتر : آآسفين....خلاااص شبااب عييب عليكم..مب وقته تستهبلون...
الدكتور : ممكن تطلعون الحين..؟
سيف : بس اول بنجوف فارس..
الدكتور وصبره بدا ينفذ : ممكن تطلعون وبنتفاهم براا...
خليفة مطنشه : فرووص...ويينك...؟
جفته توجّه للحمّام...دق..الباب بس محد ردّ..
فتحه..
خليفة : مب هني...
ناصر فتح الكبت : ولا هني..
سيف بضحكة : لا يكون بعد تحت السرير....!
كلهم نزلوا مرة وحده يطالعون تحت السرير..
لما جفتهم..
ارتجفت من الخووف...
دفنت ويهي بايدي...
هم يستهبلوون....يعرفوون اني بنية...
واكيد يوسف موصيهم عليّ...
اصلا كلهم نفسسسسه...
كلللللهم...
سالم بصدمة : فرووص..من صدقك انت..!! شو تسوي تحت..
خليفة باستنكآر : فاارس....تسمعناا..؟
سيف بتوتر : يمكن ما يعرفنا..
ناصر باستغراب : لييش شكله خاايف..؟؟ لما زرناه قبل كم يوم ما كانت حالته كذي..
تنهد الدكتور : ممكن لو سمحتهم نتكلم برا....حالته ما تسمح تتكلمون وياه...
،
أمام الغرفة..
سالم بخوف : دكتوور...شو فييه فاارس..؟!!!
الطبيب : مآآدري....! من امس يرفض اي حد يقرب منه...الا ممرضة وحده.!
خليفة : ممرضة..؟
الطبيب : انا ابي اسالكم كم سؤال يخصه..
نظروا اليه باهتمام...
الطبيب: ممم...هوو تعرض لـ شي قريب..؟
خليفة : شي نفس شو..؟
الطبيب بجدية : اغتصااب....اوو....حد تحرش فيه..؟
لاحظ الصدمة على وجووههم..!
سيف باستنكار : انت تتكلم من صدقك..؟
ناصر : دكتور....فارس تراه ريّال..وو
قاطعه الطبيب : جاوبني...؟!
خليفة : مم...مادري دكتور....نحن بصراحه مب واايد ويااه...لانه كان اكثر شي ويا علي الله يرحمه...زرناه بعد موت علي....بس ماكان يتكلم...وعرفنا انها من صدمة موته...
سالم : بس ما كانت هذي حالته...و.بالعكس..كان....كان يطالعنا بحقد...وشكله كان كارهنا بالقووو وما كان خايف ..! واخر مرة جفته قبل 3 ايام في النادي...! وكان يركض وظهر من النادي...حتى لما المفتش كان يزقره ...مارد عليه...
سيف : رحنا له مرة ثانية لشقته...بس ما فتح لنا...ولمّا مر يومين ..خفنا عليه...ولما كسرنا الباب...حصلناه بهالحاله..
هز رأسه الطبيب متفهما...ثم قال : انزين...هو منو قابل في النادي..؟
سالم : مادري...انا جفته ظهر من المستودع يركض..وما انتبهت اذا كان في حد هناك او لا...يمكن هو تأثر لمّا جاف المستودع..وتذكر علي..
لحظة صمت....!
الدكتور : خلااص...مشكورين ع المعلومات...بس اتمنى منكم ما تزورونه حاليا..صدقوني لما تتحسن حالته..بسمح لكم بزيارته..
انزلوا رؤوسهم بحزن على رفيقهم..
و غادروا بعد ان شكروا الطبيب..
ذهب الى مكتبه...وفكره مشغول بـ مريضه...!
استدعى احدى الممرضات..
وأمرها ان تذهب الى فارس وتهدئه...بينما هو سيراقبه من الكاميرا...
.
راقبه باهتمام من خلاال الشاشة...وملف فارس امامه ليسجل ما يلاحظه...
رفع حاجبيه بتعجب...عندما خرج فارس بسرعه من تحت السرير..
و تشبث بالممرضة بخوف..
ومنعها من ان تذهب..
,
فكر بحالته الغريبة هذه...
استدعى ممرضة اخرى فورا..
الممرضة : نعم دكتور مروان..؟
الطبيب مروان : صفية...ابيج تسوين له فحوصات...ولا تخلين اي ممرض يدخل عليه عدا الممرضات طبعا...واهم شي ابي فحوص الهرمونات والدي ان اي...وباسرع وقت...
هزت راسها بموافقة..وعلامة الاستفهام على وجهها..
،
في صباح اليوم التالي
،
قرأ نتائج الفحوصات بحيرة..
قال لنفسه بحيرة : الهرمونات الذكرية عنده مرتفعه بزيااااادة...! و والانثوية بالنسبة لرجل مرتفه بعد..ولو انها اقل عن الذكرية...بس ليش.؟
وقف وتوجه الى غرفة فارس..
دخل وااقترب منه..
وجده لازال نائما..
تفحصه بنظراته...محتار...لا يعلم عنه شيء...وليس له اهل...
انتبه بانه ممسك بقميص المستشفى بيديه ..
تقدم...وابعد يديه بهدوء..
لاحظ بان ذراعه مليئة بآثار جروح...!
لفت انتباهه بوجود آثار ايضا على رقبته..
تأكد انه تعرض لشيء...!
مسك قميص فارس..
ولكن سرعان ما شد فارس على قميصه..
فتح عينيه ونظر الى الطبيب...وبعدها عاد واغمضها..
تنهد الطبيب بارتياح...وانتظر الى ان يتعمق في نومه..
.
ابعد يديه مرة اخرى...
وفتح ازاره وهو يتفحص رقبته بعينيه..
كما توقّع...تعرض لشيء سبب له هذه الحاله...
ولكن..!!
سرعان ما اشاااح بوجهه بعيدا..!!
تراجع الى الوراء..وهو ينظر الى فارس بصدمة..!!!!
همس بصدمة : بــ...بنت..!!!!!!!!!!!!!!!! فآآرس محمد.الـ.... بنت..!!!!! كييف..!! اللاعب المشهور...يطلع بنية..!!!
تنفس بعمق ليهدىء اعصابه..
فتح ازراره العلوية بتوتر...
اقترب من غير ان ينظر اليها..
ورفع غطاء السريرلـ يغطيها به..
وبعد خرج مسرعا من الغرفة....
,
بعد ان ابتعد عن الغرفة..
اصطدم بشخص امامه..
الطبيب : ام سووري...
اكمل طريقه لكنه صوت استوقفه ..
..: دكتور مروان..؟
التفت له : اي نعم...؟
تقّدم اليه بثقة وهو يثبت نظارته الجديدة باصبعه..مدّ يده له : وياك كآبتن يوسف...مدرب اللاعب فآرس محمد.الــ..
صافحه وهو يتفحصه..
يوسف : عرفت ان اللاعب فارس..موجود هني..؟
الطبيب : هيه...يتعالج هني...
يوسف : اقدر اجوفه..؟
الطبيب بنظرة ثاقبة ليوسف وهو يتذكر كلام الشباب عنه : حاليا..! وضعه ما يسمح.." سكت قليلا " ممكن تتفضل وياي للمكتب..؟ ابي اسالك كم سؤال عنه..
اومأَ راسه موافقا...وذهب وراء الطبيب الى مكتبه..
.
بعد ان جلس امامه..
تأمله الطبيب للحظات وبعدها قال : ابي اسالك عن فارس...قولي اي شي تعرف عنه...
يوسف ببرود : انا مدربه...مب اخوه...ماعرف عنه غير انه وحيد..
الطبيب ببراءة وبفطنه : انزين ...لما قابلته اخر مرة في النادي...كيف كانت حالته..؟
نظر يوسف الى الطبيب بتفحص : كانت حالته عادي..عدا انه ما يتكلم..
هزّ الطبيب رأسه باهتمام : انزين...قالولي ربعه انه دخل المستودع اللي توفى فيه ربيعه..ولما ظهر منه كان يركض..وما كان يسمع لنداءاتهم..
صمت يوسف للحظات...اعتقد بان احد من اصدقاء فارس قد رآه وهو يخرج من المستودع..واخبر الطبيب بذلك..
يوسف وهو يبدي اهتمام مزيف : هيه...انا كنت موجود...جفته منهااار داخل..وبعدها ظهر من المكان وراح لشقته...وبعد يومين لما اقتحموا الشباب شقته جفته بحالته هذي..
سجل الطبيب على دفتره ملاحظات وهو يجاري اهتمام يوسف بمكر...
سأله : انت مدربه فقط في الفريق...يعني مالك اي علاقة ثانية فيه..؟
يوسف : تقدر تقول مدربه الخاص بعد..
ابتسم الطبيب بسرعه : عيل مب غريبة انه خذ البطولة..! مشاءالله عليك..شكلك مدرب محترف...!!
نظر اليه يوسف ببرود وتجاهل اطراءه سال الطبيب : سمعت ان عنده انهيار عصبي..من الدكتور الاول....بس ما قلتلي كيف هي حالته الحين..؟ وفحوصاته كيف..؟ نبا يرد لنا باسرع وقت...تعرف انت انه لاعب مهم لنادينا..
لم يفت الطبيب اسالة يوسف..! قال بجدية وهو ينظر الى الملف : حالته مستقرة حاليا...
بس محتار من الفحوصات..!!
رفع نظره الى يوسف الذي ينظر بجمود..!
قال وهو يتفحص ملامحه.. : خاصة لما فحصنا الهرمونات....!
ثبّت يوسف نظارته باصبعه : ليش شو فيها.؟
الطبيب : الهرمونات الانثوية عنده مرتفعه عن حدها الطبيعي للرجل..و كذلك الذكرية..مرتفعة بزياادة..!! وهذي ممكن لها علاقة لبعض تصرفاته" سكت قليلا " فترة علاجه يمكن تطول شوي..خاصة وان سبب خوفه مجهول...والمعلومات عنه قليله..!
دقائق صمت مرّت..!
وبعدها...
قال يوسف بأمر ومن دون ان يلقي بالا لكلام الطبيب : فارس انا بتكفل فيه...بوديه عند دكتور خاص...
رفع الطبيب حاجبيه بتعجب : بس ربعه يابوه عندي و اختاروني بنفسهم..بعد ما غيروا دكتوره السابق..!
يوسف وقف لينهي النقاش : ماعليّ منهم ...نفس ما قلتلك..باخذه عند طبيب خاص..وانا اعرف مصلحته.." سكت قيلا يفكير " او بخلي دكتور ثاني يشرف عليه..
الطبيب بحزم : بس انت مب مسؤول عنه..!
يوسف وعلى وجه شبح ابتسامة سخريه : عيل هم المسؤولين.؟
تكتف الطبيب وقال بهدوء : مافي غير اني اسال فارس نفسه..وهو القرار له..
يوسف بجمود : انت تعرف وضع فاارس...! مستحيل يتكلم و....
قاطعه : انا طبيب نفسي...واقدر اتفاهم ويا وضعه..." اشار بعينه الى الطاولة " تقدر تحط رقمك هني...ولما يقول يوافق على طلبك بدق لك..
لم يفته الطبيب عندما شدّ يوسف قبضته بغيض...
لحظات وهما يتبادلان النظرات..
يوسف بنظرات نارية..!
الطبيب بنظرات بريئة و بآآآردة..!
اخرج يوسف بطاقته ورماها على الطاولة...وبعدها خرج..
ابتسم الطبيب بانتصار..
هذه المقابلة افادته كثيرا....كثيرا..!!!
لم يبقى له الا ان يتأكد من ...........الفتاة فارس..!!
استدعى اقرب الممرضات له....
قال بحزم : صفية...ابيج تسوين للمريض فارس بعض الفحوصات....وو.....ابيها تكون سريه...!!!!
//
فجـــــــــــــر..
،
فتحت عيوني ..
جفت الممرضات كلهن عندي ومبتسمات..
يلست وانا مستغربة...شو الساالفة..
بس فـ نفس الوقت...ارتحت شوي...
ع الاقل مب ريااييل..
ممرضه 1 : صباااه نووور هبيبي...!!
ممرضه 2 : صبااااه وررد وو فل...
ممرضة 3 تقترب مني وفايدها صينية اكل : يلاا سطوور...لازم ياااكل فتووووور الهييين..!!
ممرضة 4 : مشان...يلعب كووورة جييين..جيين....!!
طالعتهم باستغراب...
استخفن..!
اقتربن مني اكثر..اللي تأكلني...واللي تمسح ع شعري..واللي تدق سوالف وياي..!
اسميني تدلعت اخر دللع..!
اكلت بشرااهه لاني من زماااااااان ما اكلت..!
بعد ما خلصت..
تمّن وياي يسوولف ويا بعض بلغتهن لما جافني ما عطيتهم ويه...
اقتربت مني وحده لما مسكت قميصي....تفاجات ودزيتها بعييد...
طالعتها بخووف...شو تباا هذي بعد..
طالعتني وهي تتحرطم : واللهي نفر مجنوون..!
جفت كم زر فـ قميصي مفتوح..
بطلت عيني..وبسرعه بندته..
مسكينة ظلمتها..!
طنشتني وكملت سوالفها..
,
تذكرت فـ الشباب.؟ ويينهم..!؟
بس ارتحت انهم ما ردّوا لي..
والدكتور ما صرت اجوفه..
يتني قشعريرة لما جفت يوسف...
ما يدري اني في المستشفى..؟
ما يخااف يعرفون حقيقتي..
لازم اشرد مني هني...!
بروح مكان مافيه حد...
بطلع من هالمكاان قبل ما يوسف يرد..!
,
انتبهت للمرضات وحده وحده تظهر..؟
لين ما بقت ولا وحده...
بعّدت اللحاف بلحقهن...لازم وحده تقعد وياااااي...
بس تفاجأت بالدكتور فـ ويهي..!!!!!!!!
شديت ع اللحاف بقووة....وانا اطاالعه بخووووف..
اكييد هذا من طرف يوووسف...
قال بنبرة دافية : لا تخااافين...انا ما بأذيييج..!! بس اسمعيني...
هزيت راسي بلااااا..
بس لحظة...!!
ركزت بعيني عليه برعــــــب...!!
يعرف اني بنية..!!!!
هذا وانا ماخليت اي حد يلمسني او يقرب مني....!!
كييف عرف..!؟
يوووووسف......هييه يووووووووسف قااله...
مسكت المخده وحضنت ويهي فيها...
وانا انتفض...
قال بدون ما يقترب مني : قلتلج لا تخاافين...و محد يعرف غيري انج بنية...اسمعيني وركزي معاي..الشباب اللي هم ربعج..ودوج لدكتور قبلي...وتفاجأو انه من طرف يوسف...بعدها..نقلوج هني..واختاروني بنفسهم....اشرف عليج....ولما قابلت يوسف...منعته يجوفج..! بس هو اصرّ ياخذج ويوديج عند دكتور خااص..
رفعت راسي بخووف....يوسف ياا هني..!!
كمّل : انا رفضت بقوة...لكن هو اصرّ على رأيه.....! فاقترحت عليه انج انتي تختارين...يا تمّين هني..ويوسف مستحيل يقرب منج...او تروحين وياه....؟
مستحيييل اروووووح ويااااه...
لو شو ما يسوي....
قال : اوو.....يخلي دكتور غيري يشرف عليج..
هزيت رااسي برفض قااطع..
لحظة وهذا..؟!!!
لا مابي ولا حدد...
ابا اظهر من هني..
الدكتور : يعني ترفضين الاقتراح اللي قاله يوسف..
هزيت راسي بهيه بسرعه..
ابتسم الدكتور يطمني : عيل بقوله اني بشرف عليج..
طالعته بخوف وهزيت راسي بلاااا...
قال : لييش..!؟
بس مابي ولا حدددد..
اقترب مني...شديت ع المخده اكثر..
بس حطّ الطاولة اللي عدالي ورقة وقلم...
وردّ مكانه بعيد عني...
خذيت الورقة والقلم بتردد وانا عيني بعدها تراقبه..
كتبت : ابي اطلع من هني...
رديت الورقة فوق الطاولة..
خذ الورقة...
ردّ : بتروحين وين.؟ عند منووو....!
صديت عنه...اهم شي اطلع من هني...
التفت له بسرعه لما جفته يسحب كرسي..ويقعد قريب مني نوعا ما..
قال يهديني : جوفي انا مب متعاامل مع هذي اللي اسمه يوسف..فلا تخافين مني...
شديت ع اللحاف..
قال بكلام صدمني : اعرف اللي صار بينج وبين يوسف فـ المستودع...!
حطيت ايدي ع حلجي من الصدمة....
كـ...كيف...!! كيف عرف..!!!
قال بثقة : تبين تظهرين من هني..بس صدقيني يوسف بيكون وراج....اما اذا تميتي هني...بتكونين فـ امااان...وما بسمح لأي ريآآل يدخل هني..من دون موافقتج طبعن..
مسكت راسي برعــب...وانا اتذكر يوسف..وو لمساااته وكل شي..
بس هذا كيف عرف اللي صاااااااار..
منوو هذاا...!!
اقترب مني ..
هزيت راسي بقووة ابيه يبتعد عني...
بس بسرعه حضن ايدي بكفوفه...
جفت ايدي ترتجف بقووة بين كفوفه...
طالعته بخوف وانا خااطري دموعي تنزل وتخفف من هالرعب اللي بداخلي...!
شدّ على ايدي وقال بنبرة دافية : لاا تخاافين مني...
ترددت هالكلمة فـ اذني ...لا تخاافين....لا تخاافين...لا تخاافين...!!
وبعد هالكلمة...أأ....
سحبت ايدي منه بقووة...لكنه مسكها ...
هو يقوولي لا تخافين..
بس انا..
خفت..
خفـــــت...
خفــــــــــت....!!!!!!
دفنت راسي بين ركبي..ابا احمي نفسي منه...
ارجووك...بعّد عني...
لا تقررررب مني....لا تلمسسني....
قال بحنان : انا اسمعج...افهم شو تقولين.....ما بقرّب منج....انا احاول اسآآعدج...! مستحيل اسبب لج اي أذى..حتى يوسف...بحميييج منه...!
مادري ليش كلامه دخل قلبي بسرعه..
حسيته صآآآدق فـ كلامه..
لو انه من المنظمة ..كنت الحين بين ايد يوسف...
الحين هو عدالي....بس ما سوالي شي...
قال بيساعدني...
يعني بيحميني من اي حد...
بدت رجفتي توقف...!!
ترك ايدي..
وحضنت نفسي..
مسح ع ظهري بهدوء...
خفت..؟ ارتجفت...؟ قلبي طاح بطني..؟ ارتعبت.؟
لا..!
ليش.؟ مآآدري...! صدقت كلامه.؟! وثقت فيه..!
مااااادري...مآآدري...
.
رفع ايده عن ظهري...
حسيت فيه يوقف...وشكله بيروح...
رفعت رااسي بسسرعه اطالعه بخوف...
بيرووح....!!
بس هو قال بيحميني من يوووسف...
ليش يرووح...!!
قال بابتسامة هادية : تبيني اقعد..؟
سرحت افكر...!
اقوله يروح ولا لا.؟
هيه يرووح...
لاااااااا....يمكن يوسف ايي هني..
هزيت راسي بسرعه بـ هيه..
ابتسم موافق...ويلس قريب منّي...
تنهدت بارتياح..
جفته يفتح الملف ويقرا اللي فيه...
,
انسدحت ع السرير...وانا احس بنوع من الامان...
،
بعد 3 أيآم
،
تميت ع حالتي...الدكتور ما يسمح لاي حد يدخل عندي ...
واغلب الوقت يكون متواجد ويااي..
صح ما يتكلم وياي..وهاللي يريحني...
بس وجوده يحسسني بالامان..
واذا كان مب موجود...
الممرضات يكونوا وياي..
,
بعد ما أكلت الغدا اللي يابته لي الممرضة..
دخلت الحمام بغسل ويهي ابي انتعش شوي..
تأملت ويهي..
صااير ضعيف..وشآآحب..
لمست شعري اللي موصّل لكتوفي..
ابتسمت بخفه...ع الاقل احسن عن قبل..!
دخلت راسي تحت المااي..
,
عقبها رفعته وانا اهز راسي...
آآآه....احس بنشاط خفيف..
سحبت الفوطة مسحت ويهي..
ظهرت من الحمام وحطيتها ع راسي بجفف شعري...
لمحت الدكتور واقف...
ابتسمت ...
بسس..لما رفعت راسي له
طاحت من ايدي الفوطة..وتصنمت مكاني لما جفت يوسف متكتف ومستند ع الطوفة..وعليه معطف الدكاترة الابيض..!!
قلبي بدا يدق بقووة.....وريوولي ترتجف وما اقدر اوقف ..!!
اقترب منّي..
وعلى كل خطوة...اقول الحين بيغمى عليّ...الحييين...
عيوني تعلقت بعيونه البااردة..
..: وقّف...!!!
وقف والتفت ورااا..
دكتور مرواااان...!
اول ما طاحت عيني عليه...ركضت وانخشيت ورااه..
تعلقت فيه بقوة...
قال بحزم : اظن اني قلتلك ممنوع تزوره او تدخل..!!
سمعت نبرته الباردة تقول : واظن اني عطيتك خبر وقلتلك باخذه...
قاطعه دكتور مروان : واتفقنا انه هو اللي يقرر..!
دفنت راسي بظهر الدكتور...
قال الدكتور : وو.............جوابه واضح..!
ما قال يوسف شي....
تحرك بيظهر...ولما مشى عدالي وقف...
حسيت بنظراته تحرقني..
دفنت راسي اكثر واكثر..
ودقآآت قلبي مب راضية تووقف..
.
ظهر...وانا بعدني دافنة ويهي..
.
لما هديت شوي...
بعّدت عن الدكتور...
وانا احاول اخفف من رجفتي..
حط ّ الدكتور ايده ع راسي وقال بحنان : جفتي..! ما خليته يسوي فيج شي..
نزلت راسي وانا احس باطمئنان...
قال بابتسامة حلوة : روحي جففي شعرج قبل لا تمرضين..
هزيت راسي باوكي..
وظهر بعد ما قال للمرضات يبقون وياي وحذرهم يتركوني بدون لا يكون موجود..
تنهدت براحه...
يوسف ما بيقدر ايي هني مرة ثانية..!!
،
العصــر
،
دخل الدكتور عليّ وشكله طفران.!!!!
قال : في مفتش ..كل يوم وهو مبركن فـ مكتبي الا ويحقق ويااج...وكل ما حاولت فيه يأجل..ما رضى.......تبين اخليه يدخل...؟
بسرعه رفضت بدون تفكير..
جفت ملامحه بسرعه تغيرت لطمئنينه : بكون وياااج...
ترددت...بس لما جفت ابتسامته تشجعني...
هزيت راسي مضطرة..وبنفس الوقت يمكن اقدر اقولهم عن علي..!!!!
,
فتحت الدكتور الباب....و جفت المفتش دخل و الضابط وراه...
قال وهو يظهر هويته بتاكيد لي : انت فآرس محمد..الــ....
طالعت هوية المفتش....عقب هزيت راسي بهييه..
دخلوا...وقعدوا ع الكراسي قريب مني...
والدكتور مروان عدالي...
المفتش : اول شي سلامات و اسمحلنا بناخذ من وقتك...." وبملل "بس لازم هالشكليات كلها عسب تكون سبب الوفاة واضحة..ادري مالها داعي هالاسئلة...بس افضّل تجاوب..
طالعته باستنكآآآر...شكليآآت..؟
ماله دااعي...؟!!
يت عيني ع الضابط..
نظرات استهزاء يطالعني فيها..!!
المفتش ظهّر من جيبه دفتر وقلم وبدا يحقق وياي : أأ....على حسب علمي حاليا ما تقدر تتكلم..؟ خفت بعد ما تسمع لاني لما جفتك في النادي تركض زقرتك بس ما رديت علي..
طنشته...وانا احس بغييض من دااخلي ع برووده وعدم مسؤوليته..
وحسيت بخووف لاني شكيت انهم من المنظمة...واللي زاد شكوكي نظرات الضابط...
المفتش يكمّل : مب مشكلة.." مدّ لي ورقة وقلم " اذا كان عندك جواب غير نعم ولا..تقدر تكتبه.....يلا نبدا....نفس ما نعرف انه توفى بسبب الحريق اللي افتعل بسبب البنزين اللي كان مسكوب ع الارض..وو بعد التشريح الجنائي للضحية نفسها وجد آثار بنزين عليه بعد...
طالعته باهتمااام...
المفتش : اححم.....في احتمالين....الاحتمال الاول : موت الضحية كانت مقصودة..بسكب البنزين عليه واحراقه مع المستودع......والاحتمال الثاني : بعد التحقيق عرفت انه كان يعاني من كسر في ساقه اليمنى...وعند دخوله للمستودع وقع على البنزين المسكب...والدليل عكازه الذي كان بجانبه...وموته بسبب اختناقه من الدخان وما كان عنده فرصه للهرب...فاحترق..!
الاحتمال الاول ماله اي دليل....فـ سجلنا في الملف الاحتمال الثاني..
الا اذا عندك اي اضافات ممكن اضيفها...بما انك كنت عنده فـ وسط النيران..
صرخت بدآخلي: مستحيييييل...مامات من الحريق..انا جفته بعيني وهو مقتوول..!!
سكت وانا اتنفس بغيض..
حط الدكتور ايده ع كتفي....
مررت نظراتي بينهم.....ومترددة اقول او لا..
شو اللي يضمن لي انهم مب من المنظمة؟
تشجعت شوي و
مسكت القلم وكتبت فـ الورقة : في شي غريب فـ نتائج التشريح..؟
مسك الورقة وقراها..
فكّر شوي عقب قال : لا...غير آثار البنزين ماشي.." قال باهتمام " بس اذا عندك شي قووله..يمكن الاطباء مالاحظوا لان الجثة كانت متفحمة..
شديت قبضتي بغيض...وهزيت راسي بلاا..
ماعندي اي شي اقووله..
وبدااخلي الم من حركات هالمنظمة الخبيثة..!
،
سالني كم سؤال عاادي...عقبها وقف وهو يأشّر للضابط : خلاااص...هذا اخر واحد نحقق ويااه...وملف القضية يغلق..!!
يغلق..!!
بكل بسآآطة..؟!
كمّل : اما عن المشتبه به...فـ بنزيل عنه الاشتباه لعدم وجود اي ادله...
تصنمت مكآآني..
مااقدر اسوي شي..
انا انسآآآآآآآآنة بدون فااايده..
هذا هو اغلق الملف..ومحد بيعرف الحقيقة..!
جفته توجه للباب وظهر بعد ما شكرني..
يلست وانا اشدّ شعري..
علي..!!
قووولي شووا سوي.؟!!!
فهمني....شو الطريق اللي لازم ارووح له...!!
كيف اوقفهم عند حدهم...؟!!
تساندت ع السرير ورفعت راسي فووق...
يآآرب سآعدني..احس اني بتخببل..!
غطيت ويهي بايدي...
سمعت صوت الدكتور مروان : فيج شي..!!
بعّدت ايدي اجوفه....ملامح القلق كانت ع ويهه..
صديت عنه...
وانسدحت وتلحفت....
مابي اكلم او اجووف اي حد...!!!!
حسيت فيه بيظهر..
سمعت صوت الباب ينفتح...
بس تفأجات لما سمعت صوت اشخاص اعرفهم...!!
يلست بسرعه اجوفهم..
كششرت فـ ويههم..واشرت بايدي يعني " طلعوا برااا "
سالم تفاجىء : افااا...فروووص جي تسوي فيني..! مالت علي هذا واوني بخلي زيارتي مفاجأة...قلت اكيد بتستاانس..
خليفة يضحك : مالت عليك انت وزياراتك...ونصاايحك..تعاال تعاال...الريّال مب متفيج لك ولسخافتك..خلينا نرد...
قال ناصر وهو متلوم : فضييحه شبااب...خلونا نرد..شكله صدق ما يبانا..
سيف وهو يتنهد : شكله كارهنا..وما يبانا نكون ربع بعد اليوم..
سالم بحزن : ما هقيتها منك فروص...! بعد ما كنّا ربع الروووح بالرووح...جي تطردنا عيني عينك..!
عضيت شفايفي....نزلت ايدي...
جفت سالم شااااق حلجه...واللي ورااه بعد..!
عقدت حواجبي....تمثيل..!!!!
جفت سالم يضحك هو والشباب عليّ...
طنشتهم وشديت ع لحافي..
اقترب مني الدكتور..ويلس عدالي...
بس..
قرّب منّي خليفة ووياه شنطتي مالت النادي...
مسكت ايد الدكتور بسرعه...
قرّب من خليفة...وخذها منه....وخذ فوني بعد
خليفة بابتسامة : يبت لك ملابسك..وتلفونك..اكيد تحتاجهم..
نزلت راسي...اباه يبتعد عني...
وأمرهم يقعدون بعيد..!!
لكنهم...!
تربعوا جدآآمي....وو دقوها سواااالف...وانا مقهوورة منهم..
لما اجوفهم..احن لايام قبل..
بس لما اذكر ان في خاين بينهم احس بالغيض..
،
الساعه 10 بالليل وهذيلا مب راضيين يروحون..!
قالوا شوو...بيرقدون هني..!!
ودكتور مروان...يروح ويرد...وبعدهم موجودين..!
وكم مرة طردهم...بس هم مب راضيين ع قولتهم بيباتون وياي..
و راسي عورني من سوالفهم..
سالم وهو ياكل شبس : انا اقووووووولكم من الحين...السريرر محجووووووز..!!
خليفة واونه يخزه بنظره " يسوي روحه امه " : عييب...عييب حبيبي...نحن فـ بيت الناس..وفـ بيت الناس محد يتشرط...زين ماما...؟
سالم بعناد : ادري انك تبي السرييير...بس تحلم..!! صح فروووص.؟ انا وانت حقنا السرير..وهم خلهم يخيسون ع الارض..
انتفضت من فكرته...! ويا ببالي يوسف...
يتلي قشعريرة...
طالعت الدكتور بسرعه بخوف...
بس طمني بعيونه..
جفت خليفة وسالم يطالعوني باستغراب...اما سيف ومنصور مشغولين بالسوالف..
كشّرت بويه سالم..
جفته يغمّض عينه ويفتحها ببراءة..!
نقع خليفة ضحك : كآآآآآآآآآآآآآك.....ككككك....قفطوووووووه....لا..لآ..سلّووم.. ويهك طآآح..
ضحك سالم بخفه وهو يحك خشمه اونه منحرج: عادي..عادي...كنت امزح اصلا..!
.
وقفت بسير الحماام ابا اقعد ويا نفسي...احس مب طااااايقتهم..!!
وانا سايرة مسكني خليفة من ايدي..: على ويييين..!! اقعد بنسوووولف..
ارتجفت بقوة من مسكته...سحبت ايدي بسرعه منه..
طالعته بخووف حاولت اخفيه.. بغضب..
وبسرعه دخلت الحمام وسكرت عليّ...
وقفت ورا الباب سمعتهم يتهامسون..
سيف : شباب..لازم نقووله..
ناصر بتأييد: هو الحين مب واثق فينا..ما تجوف الخوف بعيونه..! اكيد هو عرف كل شي..من قبلنا..
سالم بتفكير : هممم...بس تعرفون نحن مب متأكييد...وما نعرف منوو..!
،
غسلت ويهي...عقبها جففته..
يلست ع حافة البانيو...اهدي نفسي..وارتب افكااري..
شو اسوي وياهم..؟
وشو اللي يعرفونه.؟ ويبون يقولونه لي..؟
وقفت وظهرت من الحماام..
تفاجات بالمكان هاادي...ومافيه اي حد..؟!
تنهدت بارتياح....اكيد طردهم الدكتور مروان...
يلست ع السرير وانا بعدني افكر بكلامهم...
كيف عرفوا اني مب واثقة فيهم..؟
,
مرت ربع ساع هو انا افكّر....
شويه واسمع همس عند الباب..
وبعدها جفت هالاربعه جدامي...!!!
وكل واحد حاط كمامات وغطا الممرضين حق الراس..ولابسين احضر...
طالعتهم بصدمة...!!
.
ثواني الا وكلهم طايحين ع الارض يضحكون..
مادري اخاف او اضحك على اشكالهم..؟
ابتسمت على جنب..
ناصر وهو يتنهد من بعد ما ضحك : وربــي حبتآآآآآآآآآآآآن..!! مسكين الدكتوور...لعوزناه لين طلعت رووحه..
خليفة بحماس : فاااااتكم دخلت قسم الولادة..!!
كلهم شهقوا...الا سيف اللي مشترك وياه..
ابتسمت بخفه..لاني ادري انه يمزح وياهم...هالمستشفى نفسي..ومافيه هالقسم..!
خليفة ضحك ورفع علبة النيدو : وهذي الغنييمة..
سيف رفع الكورن فليكس : وهذا عشانا الليلة...ههههه سرقته من غرفة الممرضات..
سالم لمّا جااف النيدو..راح عند خليفة و حاط اصبع فـ حلجه ببراءة..وايده الثانية يسحب فيها قميص خليفة : مآآمآآ..مآآمآآ خلّوفه.....ابي...ابي حليييب نييدوووو...
خليفة مسك ضحكته وكمّل وياه : لاا حبيبي..انت عمرك 5 سنوات....اما هذا النيدو حق اللي عمارهم شهر شهرين...
هنـي جفتهم كلهم تسدحوا يضحكون على خبال بعض..
من خبالهم نسيت خووفي منهم..
وتأملتهم وانا اسمع سوالفهم..
سالم مبوّز : عيل شاقول انا !!...انت وياه رحتو قسم الولادة....وانا ضعت ف قسم العيايز...وزين ما يتني جلطة بسبب طلباتهم اللي ما تخلصه..عنبوهم اخر شي عصبت...
وقلتهم يلااا رقآآآآآآآد ولا اسمع نَفس واحد....ههههه وطبعن وانا رافع عصا المخمة...وبندت كل الليتات..حتى ليتات القسم...! وشردت بعد ماسببت لهم الخوف و بلا غنيمة للاسف...
نآصر بحمآس : حليلك...عيل فااتكم..!!قردنت لي كم ممرضة...وخليتهم يفحطون فيني في المستشفى بالكرسي المتحرك....
كلهم صفروا مرة وحده بحمااااااااااس...
ناصر نفخ صدره : كان الشي جميييييييييييل..!!!!
سالم ضربه ع راسه : شفف بن الذين...ولا يعزمنا..!!!
ناصر يعايره : خلك ويا عيايزك احسن..!!
،
بعدها انتبهوا لي..
وقربوا مني وهو متربعين ع الارض..
بس كلهم تمّو ساكتين..وملامح الجدية عليهم..
ترييت حد منهم يتكلم..
مرت كم دقيقه وهم ع هالحالة..
مسسرعه ما يتغير مودهم..!
سالم : احم...آآ....فآآآرس..بصراحه نبي نفتح وياك موضوع...بس أأمم..بس قبل نبي منك وعد..
طاالعته بتفحص..عقب
هزيت راسي يعني كمّل..؟
خليفة بجدية : نحن ندري انك شاكّ فينا...ومب واثق فـ ولا واحد فينا...فـ نبي منك اول شي تثق في اللي بنقوله...ويكون بينا وما يظهر هالكلام لاي حد..
نزلت راسي...
اثق فيهم..؟!!
هذي فكرة مستحييلة بالنسبة لي...لاني ما بوثق فاي حد فـ هالعالم.!
رفعت راسي اطالع واحد واحد فيهم..
انا ادري شو يبون يقولون..
هزيت راسي موافقة امشي وياهم..ابا اشوف شو اخرتها وياهم..
ابتسموا بارتياح...
ناصر : بنقولك شو اللي نعرفه...واكيد انت بعدك مب واثق فينا بس تمشي ويانا....لكن بنثبت لك ان نحن ما كنا وياهم..
رفعت حواجبي بتعجب..!! قرا افكااري..!!
سيف : اكيد انك عرفت انه في بينا من يتعاطون منشطات ...!
هزيت راسي بهيه..
كمّل : واكيد كانت لك صدمة شراتنا.....نحن ما نعرف منو هم بالظبط..! بس شاكين فـ كم شخص..
طالعت فيهم افكر...ما يعرفونهم..؟ عيل كيف عرفوا انهم يتعاطون...؟ وشو اللي يثبت انهم مب وياهم..
ظهرت فوني...وكتبت لهم هالاسئلة...
قراها خليفة....
طالعني بثقة : لا تقولي انك ما لاحظت بعض اللاعبين في مبارياتنا الاخيرة..؟ كيف تغير مستواهم بشكل ملحوظ..؟
تفاجأت..!
كيف فاتتني هالنقطة..!!!
صح..انا كنت ملاحظة....بس قلت يمكن من التدريبات..
عضيت ع شفايفي وانا اتذكرهم...
مستحيل فـ يوم كنت اشك فيهم....!!!
سالم : غير هذا كم مرة لاحظنا تصرفات غريبة على بعض اللاعبين..وو بعض آثار هالمنشطات..
كتبت بسرعه....عمر..؟ عمر منهم....؟!!!!!
خليفة بحزن : هيه...وهو اول واحد شكينا فيه...لانه فـي نهاية المباراة النهائية كان تعبان..وواضح انه مرهق بشكل فجائي بعد ما كان يلعب بنشاااط غير طبيعي..!
نزلت راسي باسف..
كمّل خليفة : علي كان يعرف..بس ما قال لحد...واذكر...لما كنت فـ وقت الاستراحه رايح لغرفة التبديل بجوف الشباب وينهم...صادفت علي ظاهر منها...عرفت من ويهه ومن كلامه انه في شي جافه داخل..لانه منعني بطريقة غير مباشرة ادخل..وو حسيته كان يبا يقولي شي..بس سكت..
والحين لما تذكرت هالموقف...زادت شكوكي اكثر..
سالم وهو ايده تحته ذقنه ويفكرر بعمق : تدري لو انك دخلت يكون احسن..! كنا عرفنا ع الاقل منو اللي كان داخلها...! " عقب قال بتوتر " بقولك نحن فـ منو شاكين..واكيد ما بتصدق..
هزيت راسي باهتمام ابيه يكمّل..
سالم بلع ريجه وقال وحسيته يقولها بالم : بتكلم انا عن مباراتنا الاخيرة...
أأأ...اول شي قولي منو اللي لاحظت عليهم النشاط بزيادة في الشوط الثاني...؟
مممم منووو...؟
كلهم كان لعبهم حلو...
بسس...لحظة...!
عمر كان انشط في الشوط الثاني اكثر عن الاول......ووو حـ حميد بعد...
وو جآآسم...وو فـهد....لالالالا فهد لااا...من زمان ولعبه متحسن..!!
نفضت فكرة انه ممكن يكون وياهم..!!
أشّرت لسالم يكمّل من دون ما اجاوب عليه
سالم : اللي لاحظنا عليهم....عمر..وو..حميد,,,وو جاسم.....وو فهد..
طالعته بصدمه...وهزيت راسي بلا..
وكتبت له...فهد لااااا...
صد عني وقال بالم : وانا اقولك...فهد اللي متأكدين منه...!! من بعد عمر..
طالعته باستنكار..
سيف بحزن : سالم لاحظ على ذراعه آثار ابر...
مسكت راسي..
مادري ليش انصصدمت منه وبقوووة..!
فهد..! الطيب...الحبوووب....!
اول واحد التقيت فيه فـ النادي..
حبييت شخصيته واااايد..
غير انه كان واايد ويانا انا وعلي..
بس ما لاحظنا عليه شي..
عضيت ع شفايفي بقووة...
بسبب يوووووووسف الحقير..
بسببه..!!!
طالعتهم .....جفت الالم فـ ويوههم..!
من اعز ربيعهم..!!
ناصر : تذكر...لما كنا فـ وقت الاستراحه....كلنا كنا ويا بعض...انا وسلوم وخلوف وعلي وسيف...وانت كنت موجود ع الكراسي..بعيد عنّا...
خليفة : اما البقية ما نعرف وين كانوا...الا اثنين....عمر...وو.....فهد....جفتهم يظهرون من غرفة التبديل..وعقبها رديت قبل لا يجوفوني...! ولما بدا الشوط الثاني..كنت مركّز عليهم...وتأكدت ا ن وراهم شي..!
غمضت عيني..
لييش...!! حرآآم والله..
يووووسف الحقييير قصّ عليهم...
وورطهم..!
نآصر : نحن بس نعرف عن هالاربعه..اما عن مايد والبقية...ماندري هم وياهم او لا..!
سالم وهو يمسح ع ويهه : الاهم من هذا كله...ما نبا حد يكتشفهم...لازم نحل المشكلة بطريقتنا..لاااااااازم نسااعدهم....مهما سووا...يبقون ربعنا..!!
هزّوا راسهم موافقين...
سيف : بس عمر..! لييش اختفى..؟ وليش حرق المستودع...!!
سالم : عمر اكييد بيرجع..!! المستودع " بتفكير " اتوقع كان فيه منشطات...وحس ان في حد اكتشفهم...فـ حرق المستودع.." وبحزن " اللي محيرني...علي ليش كان هناك...؟!!!
وعمر..؟ قاصد يحرق علي ويا المستودع..؟ ولا وجود علي كان صدفه..؟ الاكيد ان علي اللي كشفهم..!! بس...بس عمر مستحيييل يقتل علي... مستحيييل..
رديت راسي ع ورا وانا اتنفس بسسرعه..
ذكرى الحريق و.....موت علي..تسبب لي الجنوووون...!!!
عمر..؟ يوسف..؟
من منهم..؟
من منهم اللي قتل عـــــــلي...؟
//
~| نهاية الهمسة السادسة وعشرون |~
،
|
15-09-11, 10:41 AM
جديد مواضيع قسم القصص المكتمله
العرض العادي
