[قصة مكتملة] همس الموت ‘ Whisper of Death ، للكاتبة : لمسة براءة .. - الصفحة 5

15-09-11, 08:46 AM

المشاركة رقم: 21

المعلومات
الكاتب:	♫ معزوفة حنين ♫
اللقب:	عضو فخري ♪ مُخْمَلٍيةُ آلعَطّآءْ ♦

البيانات
التسجيل:	Mar 2010
العضوية:	157123
المشاركات:	30,194
الجنس	أنثى
معدل التقييم:
نقاط التقييم:	13523

االدولة

مدونتي

الإتصالات
الحالة:
وسائل الإتصال:

كاتب الموضوع : ♫ معزوفة حنين ♫ المنتدى : القصص المكتمله

~| الهمســـة الثالثة عشـــرة |~

\\

علــــــي

،

رحت بيت سليمــــان اللي عرفت عنه قبل من شهرزاد..
وقفت سيارتي بعييد شوي...واراقب البيت من براا...شفت تاكسي جدام البوابة واقف..
مادري اذا شهرزاد يت ويااه او لا..؟

،

مرت عشر دقاايق..وانا انتظر وانتظر..
شفت الحارس ياشر لتاكسي يتحرك..
تحرك التاكسي..
تحركت ورااه..
بعد مابعّدنا عن البيت..اشرت للتاكسي..ووقف ع جنب..
نزلت وسالته عن اللي كان ينتظره جدام البيت..؟

وتفآآآآآآجئت....ان شهرزاد طاحت ف ايد سليمان..!

ركبت سياارتي مقهوووور..
ضربت السكّآآن بقووة..الحينة شوو اسوي..؟!
لييييش يا شهـــرزاد..ليــــــــش..؟!
انا ماحذرتج من قبل..؟
ليش ما قكرتي انه ممكن يكون فخ..!
اففففف..

،

رديت للبيت..بس بركنت سيارتي بعييد..تلثمت ..ونزلت
رحت لورا البيت..مخطط اني اتسلل لداخل..
مهماا كاان لازم انقذ شهــرزد..
رفعت كندورتي وربطتها ع خصري..

،

بس..لحظة,,!!
توقفت..
وفكرت..!؟
اكييد الحراسة مشددة هني..!
ويمكن حاط بعد كاميرات مراقبة..!

,,,,,,,!!!!

دق قلبـــي بقووة..
فـ لحظة قهر..كنت بروح فيها بغبآآئي..

كيف بتسلل بدون تخطيط..وبدون ما آخذ احتياطاتي..؟!
تذكرت المراقبة اللي كانت عليّ من تعرفت على فجر..!
التفت بسرعه حولي..اتاكد اذا حد يراقبني ولا لا..!
رديت بسرعه لسيارتي وانا الهث..!
وحركت السياارة..
وبديت ابتعد..
طالعت البيت من المنظرة..

: شهرزاد....برد لج.....برد لج...!

،

رحت بيتي ع طول..ما مريت ع فجر..مع انه ياني منها اكثر من اتصاال لكن مارديت عليها..!
الوقت متاخر الحينة..وباجر بقولها عن اللي صار..

\\

هنآك..عند القابعات في الزنزانة المظلمة..!

،

مريم بلعت ريقها بخوف : تتوقعين ليش مختطفينا.؟
ريم بخوف اكبر : والله مادري..يـ..يـ يمكن يبون يذبحونا..أ..أأ و يسوون فينا شي..
مريم بصوت مرتجف : يمم..ـكن يقطعونا..وياخذون اعضاءنا..نفس اللي نسمع عنهم..
ريم بهمس : ياربي يخووف..شو اسوي..ماريد اموت هالموته الشنيعة..
مريم تهدي عمرها : ماعليه ماعليه..ان شاءالله اكون شهيدة..
ريم برعب : بس اكيد يعوور..يوم يقصّونـ ..
مريم قاطعتها : خلااااص الله يخليج لا توصفين..خليني قبل ما اموت بشوف كل شي..
ريم تضحك بخوف : هههههههه..خايفة اخرب عليج الفلم اللي بيصير..

ضحكت الاخرى لعلها تذهب عنها الرعب الذي يجتاحُها..!
ثم عاد المكان ليغطيه الصمت...و الاثنتين ترتجفان من الخوف في وسط الظلام..!!

،

واخيرن كسر الصمت وقع اقدآم قادمة..!

مريم تتصنع القوة : تشهّـــدي..!
تشهّدتا بهمس..

وانفتح باب الزنزانة ..
ليدخل اثنان باجسام ضخمة..ويأخذوهما ..!

،

جالس امام مكتبه يهزّ قدمه بتوتر..ورفيقه الاخر جالس امامه..ينظر الى ساعته كل حين..

الى ان فتح الباب..و ادخلوا الفتاتين..!
وقف بسرعه..بعد ان امر الحارسين بالخروج..
توجه اليهما..
نزع البآط عن عينيهما..

،

ليتفآآآآآآآآآآجىء هو ورفيقه..!

محمد ينظر الى منصور بصدمة : توآآآئم.....!!!!!!
منصور ينظر اليهما بصدمة..!

ومن لم يقل عنهما صدمة..
مريـــــم وريم....!!!

نظرت مريم الى ريم بدهشة..والاخرى بتعجب..!!
فكل منهما ترى نفسها امامها...!!
كيف..؟
ولمااذا..؟
وهل هذا حلم..؟

كل هذه التساؤلات تتناقلها نظراتهما..!

،

تقدم منصور اليهما..
امسك بوجه ريم..وحركه بيده..
ثم اعاد الحركة مع مريم..

منصور بحيرة شديدة : تتوقع منوو منهم..!!!

محمد جلس على كرسيه وامسك براسه..فقد تورط بواحده..!
اخذ يفكر فيما سيفعل ..
رفع راسه يفحصهما بنظراته..
وو
نهض بسرعه..

محمد ابتسم بنصر : تذكرت اسم البنت..!!!

توجه اليهما..
ابتسم بخبث وقال : منوو فيكم ريم.....؟

نظرتا الى بعضهما البعض..وريم ينبض من عينيها الخوف..!

محمد بصوت اعلى : منووو ريــــــم....؟!
تكلمت مريم بشجاعة : منو ريم..؟ محد فينا ريم..

تكتّف ونظر اليهما باستهزاء..
ولكن سرعان ما بدل ملامح الاستهزاء الى ملامح مرعبة..!!

محمد بهدوء يسبق العاصفة : منو...فيكم.....ريم...؟
مريم بشجاعة عكس الذي بداخلها : محد فينا ريم.....صح ميمي...؟

ريم التي تفاجات من موقف مريم..!! لكنها لم توضح هذا لمحمد..
ريم : صح ميمي..!!

وابتسمتا لمحمد..!!!

محمد وقد بدا على وجهه السخط : منوو ميمي بعد..؟
مريم وريم بصوت واحد : أنــــــا..

احمّر وجه من الغضب..
امسك بعنق مريم بقوة..

تكلم وهو يشدّ على اسنانه : اقوول منو فيكم ريييم...!!

قاطعه صوت اصدر من جهازه اللاسلكي..

" الى جمــــيع اعضآء المنظمة..سيتم عقد اجتماع سري بين الاعضاء في مقر الرئيس بعد ساعه...نكرر.. "

رفع منصور جهازه اللاسلكي : عُِلـــــم..
ثم وقف: يلا بنروح قبل ما نتاخر..

ابعد محمد مريم عنه بقوة..وهو يرمقها هي وريم بنظرات استحقار..
توجه لمكتبه وضغط زر ليستدعي الحرسان..
و اخذ معطفه الاسود ونظارته السوداء..
ثم وجه كلامه لمنصور...
محمد : من زمــــــآن ما اجتمعنــــا في مقر الرئيس...!
منصور : هيه..يمكن في مهمة كبيــرة..! " وجه نظره الى الفتاتين " بس اهم شي مايدري عنهن..تدري انت...كل الاخبار توصله..
محمد : هيه .." بقهر " والله تورطت فيهن..!

أمر الحارسان بإعادتهما الى الزنزانة..
وخرج هو ومنصور متوجهان الى مقر المنظمة.!

\\

فجــــر

،

حرقت تلفون علي من كثر مادق له بس ما يرد عليّ..!
طالعت في الساعه..
الوقت متاخر...!!!!
وشهرزاد محد.!
ممم علي قال بيسير عند شهرزا.؟ يمكن عقب وصلها عند اخوانها..!؟
تعبت وانا اتريااهم..
باجر بدق لـ علي وبشوف شو السالفه..
رحت لغرفتي و فريت عمري ع السرير...و...رقدت..

،

الصبــــآآح

،

بطلت عيوني بكسل..رااسي يعورني..امس رقدت متأخر...!
التفت اطالع الساعه اللي ع الكمدينو....نقزت من فوق السرير..
..لاااااااااااا....تاخرت...!!!

كيييف يااااربي..ما سمعت المنبه..شكلي بندته وانا رااقدة..!
رحت أخذ لي شاور سرييع..
ولبست بدلة النادي..
مالحقت امشط شعري اللي بدا يلاامس اكتاافي...اصلن ما عندي وقت حتى اجففه من الماي..!
وبسرعه لبست جوتيي وربطته اي كلام..!

وو
ظهرت وانا اركض..كنت بطيييح ع الدري بسبب خيوط الجوتي..!
يلست وربطته عدل..وقفت مرة ثانية وظهرت براا البييت..
لاامسني الهواا الباااااااارد...
ارتجفت..بتجمـــــــــد..
تونا فـ بداية الشتآء..

،

وصلت النادي..رحت مكان التدريب..
شفت الشباب يتدربون..نصهم يدربهم كابتن ستيفن..ونصهم كابتن يوسف..

بلعت ريجي يوم شفت نظرات كابتن يوسف عليّ..!
فريت شنطتي ع واحد من الكراسي..
اقترب مني..
رفعت راسي له : آآسف كابتن ع التاخير..!

اكتفى انه يعطيني من نظره من نظراته اللي ترعبني..

كابتن يوسف بهمس : هالمرة بعديها ..بس اذا ما فزتوا في المباراة اللي باجر..تعرفين عاد شو اللي بيصير..! بضاعف اللي بسويه فيج..

نزلت عيني بخوف..
ومن ابتعد..
رحت اركض حول الملعب..ابدا تمارين التسخين...

،

،

شفت الشباب وقفوا التمارين..لان كابتن ستيفن ويوسف يتناقشون..
اما انا فكملت تماريني..

علي وسالم وفهد شفتهم يايين صوبي..

فهــد : هلااا..هلااا بالمتاخر..شكلها راحت عليك نومه..

ابتسمت له..
سالم مسك خصلات شعري : حتى شعره ما لحّق يجففه.." ضربني بخفه ع راسي " يالغبي الجوو باارد بتمرض..حد يتسبح الصبح في الشتااء..! برررد..!

قلت وطلع صوتي مبحوح لان بلاعيمي تعورني : أنآآ ههههه......احب اتسبح الصبح..عسب احس بنشآآط..!
سالم وهو يطالع فـ علي : شفففت..هذا هو شكله بيمرض..صووته راايح..!

قلت وانا اكمل تماريني : علي امس حرقت التلفون عليك ..ليش ما ترد..؟
عــلي : كان ع السايلنت..وو كانت عندي شغله..

رفعت عيني اطالع فيه...
عرفت من عيونه ان فيه شي...!
بستفسر منه عقب..

ابتعدوا عني بعد ما سمعوا صفارة الكابتن..

وانا بعد ما خلصت تماريني..
رحت اتدرب معاهم..

،

الحيــنة وقت البريـــــك..

كلنـــا قعدنا ع حشيش الملعب نرتااح بعد التدريب..
وانا طول التدريب وانا اعطس..شكلي بزجّـــم..! الا قولوا زجمّت وخلصت..!

تكلم سالم : تدرون...متحمّــس حق مباراة باجــر..
ناصر : حتى انا اول مرة اتحمس حق مباراة..
ابتسمت : ان شاءالله نفووز " عطســـت "........ الحمدالله..
فهد وشكله طفران مني : وللمرة المليون يرحمك الله..
ضحك عمر : ياخي خلاص اذا تعبت خذ بريك..باخذ مكانك..

ضحكت بخفه على خبالهم...ومسكت راااسي اللي بينفجر من الصدآآع..

رفعت راسي لما شفت كابتن يوسف ياي..وقعد ع الكرسي اللي جدامنا..

كابتن يوسف وموجه نظره لنا : هااه..مستعدين حق مباراة باجر..؟
: مستعــــــــــــدين..
كابتن يوسف : تأكدوا..لازم تفوزون مهما كان...لا تضيعون تعبكم ع الفااضي...ووووو طبعا..اذا مافزتوا..حطوا فـ بالكم ان التمرينات بتتكــثف عليكم..
عمر بطنازة : بروحها مكثفة..ومطلعه روحنا..
جاسم : هيه والله..مو ناقصين زيادة..

تمّووا الشباب يتناقشون ويا الكابتن... اما انا ما كنت وياهم..سندت راسي ع ركبتي..
اباا ارقد .. نعسآآنة..وبرداانة..ومصدعــة..والحينة مزجمة..ومب متفيجة حق التدريب..!!
غمضت عيووني بتعب..

بـــس..

رفعت راسي بسرعه من سمعت اسمي..

كابتن يوسف : فآآآآآرس انت ويانا.....؟!
قلت بصوت مبحوح : نعـــم كـ ــآبتن.....؟ "و عطست "
قال عمر بسرعه : يرحمك الله..

يتني ضحكه عليه..

فهد ضربه ع راسه : غبـــي انت..؟ اسمحلي انت مب كفوو تاخذ مكااني..انت سمعته يقول الحمدالله..؟
وتمّـوا ع هالحال يتناقرون..

طالعت فـ كابتن يوسف اللي يطالعني بنظرات تفحصية ..
وقال : شكلك زجّمــــت..؟
قلت : لاعادي..بس ع الخفييف...

بس هو وقف...

قال : فاارس..تعال معاي..

يآآربــي...الحينة هذا شو يباا مني...؟
يخوفنــــي هالانســـآن...

وقفت وبسرعه رحت ورااه..
دخل مكتبه..ودخلت بعده..

تميت واقفة عند الباب ومنزله راسي..
اما هو كان يتعبث فـ رفوف مكتبه.. موجودة في الزاوية..
سمعته يهمس : ويينها..؟ وين حطيتها..؟

رفعت راسي اطالعه..
شفته يحك راسه يفكر..
عقب طالع فيني : سمعي..انتي الحينة ردي البيت...بآآجر ابيج تيين بكامل قوتج..

طالعته مستغربة..!
شو اللي صار في الدنيا..؟
ها يوسف اللي يتكلم.؟
من متى نزلت عليه الطيبة..!

طالع فيني بنظرة قوية : لا تظنين اني مستانس لانج بتروحين....انا مظطر عسب مباراة باجر..

هزيت راسي وظهرت...
مديت بووزي..اونه طيب..ماالت عليه..ادري ان هاليوم بيطلعه من عيوني..
افف...كريييه ..!
رحت اخذ شنطتي...وقلت للشباب اني برد..وطبعن ما سلمت من تعليقاتهم..
وقلت لـ علي يدق علي عقب التدريب..
،
رديت البيت..
فريت الشنطة بعييد عني..
وو على طوول حطيت راسي ع المخدة و رقــــــــــــــدت..

\\

عند بدر البـــدور

،

فتح باب الخزانة..
وكما توقّع..وجدها نائمة فيه..!!
حملها بين ذراعيه...فاستيقظت مفزوعه..
ضمّها اليه ليهدأها..
وما ان رأته..حتى ابتسمت..
كان يريد ان يضعها في سريرها...لكن عندما رآها استيقظت..قرر ان يتناول معها العشــآء..!
بعد ان أعلمته الخدامة انها لم تاكل..!

توجه الى طاولة الطعام..واجلسها بجانبه..
وبعدها جاءت الخادمات لوضع الاطعمة على الطاولة..
كان يراقبها وهي تاكل بشراهه وبهمجية واضحه..!
الطريق امامها طويل..لكي تتعلم تصرفات الانسان العادي..!

خطرت في باله فكرة...كان من منذ فترة مخطط لها وينتظر الفرصة المناسبة لتنفيذها..
اخذ هاتفه..بحث في الاسماء...ثم نقر على زر الاتصال..

..... : آآآلووو...دكتور وليد..؟ بخصوص البنت اللي كلمتك عنها..ابيك الحينة تيي البيت وتبدا معها العلاج....

،

بعد ربع ساعه..

دخل دكتور وليد بعد ان دلّه الخادم الى جناح خاص..
،

بعد قليل..دخل وهو ممسك بيد بدر البدور التي تمشي بتعرج بجانبه..
وما ان رات الدكتور حتى اختبات خلفه..
ابتسم ليطمأنها..
وجه نظراته الى الدكتور وليد.. : هالجناح المخصص لعلاجها..ونفس ما اتفقنا اتم هنــي لين ما تنتهي فترة علاجها...
وانا مايبتك الا بسبب سمعتك كافضل طبيب نفسي..واتمنى تقدر تعالجها وما يخيب ظني....!
ابتسم الدكتور وليد بثقة : اعتمد عليّ..!

،

بعدها ان اتفق معه على كل شي خرج تاركاً بدور خلفه تصرخ وتستنجد به..!

\\

علــــي

،

الليــــل ..

الساعه 7:30

،

نقزت من السور لداخل...النــادي..!!
التفت يمين ويسار اتاكد اذا حد شافني..؟

لو تشوفون شكلي تقولون صدق حرآمي..
لابس بدلة النادي وقفازات..ومتلثم..!!

بتسالون ليش تسللت للنادي.؟؟

لاني ابي معلومات عن ابراهيم..واللي ممكن عقب اوصل لسليمان..وعقبها اقدر اساعد شهرزاد وفجر بنفس الوقت..!

،

بعد ما خلصنا التدريبات..
كنت اراقب النادي.. بعد ما تاكد ان الكل ظهر منه..تسللت..
امس طول الليل وانا اخطط للتسلل..ولازم انجح وما يضيع تعبــي..

،

مشيت لورا مبنى النادي..للباب الخلفي..
اقتربت بهدوء..

التفت يمين ويسار..اتاكد اذا فيه حد..!
مسكت مقبض الباب...حاولت افتحه....بس طلع مبند..!

طلعت حديدة صغيرة عسب افتح الباب..
التفت...شفت دريشة مفتوحة شويه..

تنهدت براحه..سهلت عليّ المهمة..!
فتحتها بهدوء..ونقزت لداخل..

طلعت المصباح اليدوي...وتوجهت لمكتب ابراهيم..
طلعت الحديدة الصغيرة..وتعبثت في الباب لين انفتــــح..!

دخلت ... رحت اتعبث فـ اوراقه يمكن احصل شي مفيد..
لفت انتباهي اوراق بروحهم..

والكلام فيهم مشفّر..!
حاولت اقــرا...ما فهمت شي..؟!

تعبثت مرة ثانية في الاوراق يمكن احصل شي يساعد في فكّ الشفرات..!
بـــــــــس فجأة...

سمعت صوت برآآ...

وو

تصنمـــــــــــــت فـ مكآآنـــــــي..!

\\

~| نهــــاية الهمسة الثالثة عشـــــر|~

15-09-11, 08:47 AM

المشاركة رقم: 22

المعلومات
الكاتب:	♫ معزوفة حنين ♫
اللقب:	عضو فخري ♪ مُخْمَلٍيةُ آلعَطّآءْ ♦

البيانات
التسجيل:	Mar 2010
العضوية:	157123
المشاركات:	30,194
الجنس	أنثى
معدل التقييم:
نقاط التقييم:	13523

االدولة

مدونتي

الإتصالات
الحالة:
وسائل الإتصال:

كاتب الموضوع : ♫ معزوفة حنين ♫ المنتدى : القصص المكتمله

~| الهمســــة الرابـــعة عشــــــر |~

\\

علـــي

،

فـ هاللحظة..قلبــي طاح فـ بطني..تصنمت ف مكاني...تجمدت اطرافي..!

ابــي احرك ريولي..بس ما تتحرك..!

وصوت الخطوات..تقترب ..وتقترب..

بس فجأة وقفت الخطوات..

هنــي استغليت الفرصة..هالثواني ممكن تنقذ حيآتي..!

التفت صوب الدريشة...وبسرعه بطلتها بخفة وبدون صوت..وظهرت منها..

وعقب بندتها بهدوء..

وقبل ما اتحرك..شفت ليت الغرفة يتبطل..

وقفت عدال الدريشة..وطالعت داخل..بشوف منو هذا..؟

توقعته المدير إبــراهيم... بس طلع الكابتن يوسف...!

شوي سوي هنــي ف هالوقت.؟

طآلع الباب المفتوح بنظرات استغراب وبنفس الوقت شكّ..؟

شفته يدور بنظراته ع الغرفة يتفحصها..

تعلقت عينه ع شي في الارض..حاولت اشوفه ..ماقدرت..

اقترب من الشي اللي يطالعه....دقّ قلبــي بقووة..يمكن شي طاح مني..

نزل واخذه.....وطلعت ورقة..!

خفـــت..انا كنت ادّور بين الاوراق بحرص..ورديت كل ورقة مكانها..هاي من وين يت.؟

طالعت في الاوراق اللي بايدي..هاالاوراق المشفرة اللي ما قدرت افهم منهم شي..

مادري ليش خذيتهم...بس احساسي يقول ان هالاوراق مهمة..!

لايكون طاحت وحدة من هالاوراق مني.؟

رديت اطالعه..شفته يرمس في التلفون..

حاولت اسمع شو يقول....

شكله يكلم المدير إبـــراهيم..!

كآبتن يوسف : انت متأكد انك قفلت الباب.؟.....اها " حك ذقنه بايده " مممم...عيل في جد اقتحم هالغرفة..!...هيه...الباب مفتووح..وغيره..لقيت ورقة طايحة..

وو " شفته يقّرب من الدريشة ..بعدت بسرعه وانخشيت ورا الشجرة القريبة ..بطّل الدريشة " و الدريشة مفتوحة بعد....هيه اقولك متاكد ....الورقة..؟! مممم الورقة جزء من خطة الفريق........................ ممم..اتوقع حد من الفرق الثانية تسلل يبون يعرفون خطتنا..!

" ابتسم باستهزاء " نآآس تافهه............هيه لازم نحذر..الاوراق السرية وخاصة اللي عن المنظمة ما نحطها هنــي....تطمن انا اوراقي فـ أماان..

شفته يبند الدريشة..وبعده يكلم...عقبها بند تلفونه..شفته راح صوب المكتبة الصغيرة اللي في الزاوية..

بطلها..وقعد يدّور بين الرفوف..

عقب شفته خذ شي....حاولت اشوف شو هو...لمحته...شكله شريط دواء..؟!

ماهتميت...

على طول ظهرت من النادي نفس ما دخلت.....وبسرعه...رحت صوب سيارتي..

التفت يمين ويسار..اتاكد اذا كنت مراقب او لا..!

وركبت سيارتي..و بسرعه توجهت لبيتنا..

،

وصلت بيتنا....نزلت..دخلت داخل..كنت ابي اسير على طول غرفتي..ابا اهدي اعصابي المشدوودة لين الحينة..

بس ف طريقي شفت عمتي وحنان اللي تطالع تلفزيون..

سلمت عليهم..

شفتهم يطالعوني بنظرات استغراب...

شكلي نوعن ما ..مبهدل..غير ملامح ويهي اللي يبين اني سويت شي..

طنشت نظراتهم...وبسرعه طلعت فوق...وع غرفتي..

عقيت الاوراق ع الطاولة.....فريييت عمري ع السرير..

واخيـــــــرن تنهدت برآآآحه....حطيت ايدي ع قلبـــي....هههه بعده يدق بقوة..

لا تغّــركم الشجاعة اللي قبل شوي...ترا من دآآخلي كنت ميت من الرعب..وخاصة وانا فـ السيارة..كنت اتخيل كابتن يوسف يلحقـــني..!

قعدت بحمآآس..

بس بعــــد...كآآن أكشِنْ من الخآآطر..احم..كنت بين الحيآآة والموت...ههه..وايد قاص ع عمري..

طالعت فـ الاوراق اللي يبتها..

تحولت نظراتي لجدّ.....الا الاكشن الحينة بيبدا...!!

نقزت من السرير..و خذيت الاوراق.....طالعت في الورقة اللي حصلتها معاهم..واللي ممكن تساعدني في فكّ الشفرة...

ابتسمــت بنصر..

وو...بديت شغلي احاول افكّ الشفرآآت..!

\\

فجــــر..

،

بطلت عيوني ع صوت الباب يتبند....

شكله احد دخل...او كان موجود وظهر......منو هذا.؟

المكآآن مظلّم...مســــــرع ما مرّ الوقت..! تَونآ كنا فـ الظهر..؟!

شكْلـــي وآآيد رقدت..!!

تحسست يبهتـــي...حآآآرة....يتنــــي حمّــــى....>.<..

ظغطت ع رآآســي..احااول اخفف ألَــــمْ الصُـــدآع..

بــــسْ ....

كَأنّـــي ألمــح طِيـــف حد جدآآمي..؟

اشتغَل اللّيت....غمّضـــت عينــي من الضّــوء..

بطّلتهــــآ تدريجيَاً..

تفآجأت بكآبتن يوسف...!! اصلن من يومه وهو يفآجأني..مادري من وين يطلع..

بلعت ريجــي بصعوبة...

مادري الحينة..هذا شو يبا منّـــي.؟

بروحــي تعبآآآآنة...واحس بضعف شديــــد فـ جسمـــي...وآخر واحد اتمنى اشوفه الحينة..هو..!

طآآلعنـــي بنظرآته الغريبة..

تدرون شو خاطري اسوي الحينة..؟ خآآطري اصيح...مادري ...بس ابي اصييح واصييح واصييح لين اظهر كل اللي فـ خآآآطري..

وكل ما اشوفه..اييني هالشعور..

علــي دوم يقولي..لا تبينين له انج ضعيفة..انتي تقدرين توقفين فـ ويهه..

بس انا احاول ابين اني ما اخاف منه..!!

الحينة ليش ياي هو.؟ يبآ يضربنــي ويعذبنــي اكيــــد..!

بس هو قآلي ارد البيت..!

ما تسوى عليّ هالتمارين اللي طوفتها..

اففف..

طآلعته وانا احاول اخفي نظرة الانكسار ....

عيوني كانت تحرقني وتدمع من التعب والحمّـــى والزجآآم..

قلت بصوت تعبآآن : أدري انّـك يآي تعآآقبني ....عسب التآخيــر..وو ع التدريبآت اللي ما كملتها....و بس " كنت بقوله انت اللي قلتلي ارد يعني ما يخصني شفته رفع حواجبه ويطالعني ... كملت بقهر ليش ابرر له " خلآآآص تفضّــل اضْربـــني..كفّخنـــي.....اذْبَحْنــــي....وفكّنــ ــــــــي منك...

شفته يميّــل شفآيفه باستهزاء.....اقترب من الطاوْلة القريبة منّـــي..

وحطّ عليها...دوآآ..؟!!

دوآآآآآ..؟!!!

قال بهدوء : هالحبوب تآكلينهآ الحينة....

قلت باستغراب : حبوب شو.؟

قال : هاي بتسآعدج عسب تقدرين تلعبين فـ مبآراة بآآجر..

تمّ يتكلم ع الدوآ.........وانا...ع راسي >> ؟؟؟؟!

لآآآ.....هذا كابتن يوسف..؟ لالا مستحيـــل...ابدن مب طبيعيـــي...!

يعني مب يآآي يضْربنـــــي..؟

شو الطيبة اللي نزلت عليه اليوم...؟!

شفته يتحرك بيظهر....وقف عند باب الغرفة....

حط ايده فـ جيب بنطلونه...

وبدون ما يطالعني قال : ع فكرة انا اذا قلت شي مستحيـــل أرد فـ كلامي..!

وظهر..

قعدت افكّــر بكلامه...؟ شوو يقصد.؟

اذا قال شي مستحيل يرد فـ كلامه..؟ هه صدقته..اكبر نذل على وجه الكرة الارضية هو..

..

لايكون عسب يوم قالي ارد البيت وسآمحني ع التدريبات اللي فآتتني..والحينة بينت له انه جذآب وانه ياي عسب يضربني..؟ وما صدقته..

..

اما هذا يوسف انسآآن غـــريييب.!

طنشت أفكـــآري..وقمت بكســــل شديــــــــد....صليت الصلوات اللي فآتتني..وسويت لي ساندويجة..مع انه مالي نفس آكل اي شي...بس عسب آكل الدوا عقب..

بعد ما خلصت نص الساندويجة..سرت غرفتي...وطالعت في الحبوب اللي عطآآني..كبسولاات شكلها غريب....بس بلعتهــــا..

ورديت أرقـــــــــــــد..

\\

شهــــرزآد

،

حَيــآآتــــي تَحولَـــــتْ لِجحيـــم لا يُطآآق...!! في أقل من يومين.!

صِرت شرآت الدمية يحّركهــــآ سليمآن...

واللّـــي كل ما حسّ اني برفض له طلب هدّدني بإخوآنـــي..!

أحيـــآننْ أفكّــر أقوله اقتلهم..اذبحهم..عآآدي عندي...!

تَــرآك ذبحت اللّـــي أغلى عنهم...وعقبها اقتلنـــي....مآآيهمنــي أي شي..!

آآه...بــسْ قَلْبــــي مآ يطآوعنــي اقوله..

أخوآآنـــي يهّـآآل..مآ يستآآهلون اللّــي يصير لهم..

ومستحيل اتحمّل لو يصيدهم شي من هالحقيــر..

هُــم أمــآنة فـ رقبتــي الحينة..

،

الحينة يالسة اسجّــل أُلبـــوم يديـــد.....لا ومع منو..مع سعيدوه الكــريه..

مآ صدّقــت انّــي فآقت ويهه هذيج الفترة..والحينة ردّ...

صآآرت فترة شغلي ليــــل ونهـــآر..أخلّص من هالحفلة..اروح الاستديو اسجّل..وعقب ما اخلص نروح حفلة ثآآنية..

طبعن كلّــه من سليمآن اللي يبآ ينتقم منــي..ويعّوض الايآم اللّــي فآتت..

غيـــر الحرآآآسة المشددة اللي مسويها عليّ..!!

حآولت مرة اسير شغلــي في الاوقآف..بس ابي اقولهم اني ماقدر اشتغل عندهم..

مآقدرت...بس بحآول مرة ثانية..

،

انتهــينا من تسجيل الاغنيــة..واتفّقــوا نكمّــل بآجر..

قعدت بتعب..

شويّــه وشفت سعيد ياي صوبي وبايده غرشتين ماي..مدلي وحدة منهم..

كنت برفضها لكن نظرآت سليمان كانت لي بالمرصآد..

خذتها منه بعد ما شكرته ببرود..

عقبها قعد ع الكرســي اللي عدآلي..

فتَح موآآضيع وآآيد يحاول يسولف معآآي...

وانا مآسكة اعصآآبي منه..

وارد عليه بإجآبآت مختصرة...وابتسآمة مجآملة ما تفآرقني..

،

وبعد هاليوم الشآآآآآق..اخيرن رديت البيت..

عقييت عمري ع السريـــر بتعب...

ســـرحت....يت فـ بآلي فجـــر.....شو صآآر معها.؟

وهي الحينة بخير او لا.؟ ولا يوسف وابراهيم بعدهم يبهدلونها.؟

وعلــــي....! اخبآآره....." ابتسمت بألم " اكيــــد الحينة معصب مني..!

"تنهدت" بس لو صار هالموقف وياه...اكيد بيعذرني..

اشتقت لهم والله..

ابــي اوصل لهم بس ما اقدر.....آآخ بس لو ما نسيت تلفوني..

ابا اطمن عليهم..

طول هاليومين وانا قلبــي بيوقف من الخوف..

خآيفة لو ان علــي تهّور ووصل هنــي.!

وهو يعرف هالمكآن...انا بغبائي..مرة دليته عليه..

بس صدق لو تهّــور...بيكون في خبر كآن..!!

لانهم لو مسّكوه..بيمحونه من الوجود..!

واكيد بعد فجر بتتأذى لو يت معآه..!

ابــي احذّرهم...بس كيف..؟

" تنهدت بعمق "

بس شي فـ دآخلي يقول انهم بيكونون بخيــر..

علــي ذكي ويعرف كيف يتصّـــرف..!

\\

فجــــر..

،

نشيت من وقت..وأحــس بنَشــــآطْ مب طَبيعــي...!!

صليت الفجر..

سرت المطبخ التحضيري..بسويلي ريوق دســـم..!

شهّيتــي مفْتوحة ع اللآخر..!!

ههه ولا كأنّـــي أمس طآيحة شرآت الميتة من التعب...!!

ظهرت علبة الاندومي...بطلتها وصبيت فوقها مآآي حآآر..

يمممي..شفتوو ريوقي الدسم كيف..؟

خذت الاندومي وتوجهت لغرفتي..

شيكت ع تلفوني...

جفت مكآلمآت لم يرد عليها...ومسج..

المكآلمات كلها من علي....!؟

" ضربت يبهتي بخفة " اوو نسييت...امس قلتله يدق عليّ..

بطّلت المسج...اللي كاتب فيه ليش ما ارد عليه..

حطيت تلفوني ع صوب..وانا مخططة عقب ارمسه..الحينة اكيد رآقد..

و أكلت ريوقــي..

،

السآعة 7 آلصبّح..

تجّهــزت وخلّصــت..

وظهرت رآيحة للنّـــادي..

وصلت النـــآدي تقريبن اول وحدة قبل الشبـــآب..!

قعدت ع الحشيــش..

اليـــوم متحمــــسة حق المبآراة..! ان شاءالله بس نفــــوز..!

ومب فـ هالمباراة بس..فـ كل المبآريآت...وناخذ الدوري بعد..

،

سمعْت بخطوآت ع الحشيش..

التفت ورآآ..

شفت كآبتن يوسف..

ما تفاجآت..لاني متوقعه انه يكون موجود من وقت...

طآلعته...خوفي منه احسه بدآ يتلاشى بالتدريج..

يمكن بسبب معآملته لي هاليومين.؟

وآقف وحآط ايده بجيب بنطلونه ويطالعني بنظرآته الغريبة وع شفايفه شبح ابتسامه....هالوقفة والنظرة تقهـــرني..!!

يحسسّنــي انّي ولا شي....

اخييرن نطق الحجرْ : هآآ اجوفج في قمة النشـــآطْ..؟ ويآآية من وقت...!

مارديت عليه اكتفيت اني اطالعه..

طالعنــي باستهزاء بعد ما تكتّف: لا وبعد قآآعدة...؟ استانستي ع بالج كل يوم بعفييج عن التدريبات..؟ يلا تفضّلــي...قومي عوضّــي عن اللي أمس..عندج لين السآعه " طالع فـ ساعته " 8:50 عقب لين ما يحضرون اللاعبين كلهم الساعه 9 بنبدا التمارين كالعآدة..

وقفت..بروح ابدا تمآآريني ..جفته بعده يطآلعني...عقبها عطآني ظهره بيروح..

بسْ وقّفته....

قلت بتردد : كَـ..كَــآبتن....!؟

الْتفت يطآلعني...

قلت بارِتبآك وحاطه ايدي ورا راسي احكّه بخجل : احم....أأ..مشْكور على أمس.......وو..ع الدوآآ..

ماردّ عليّ...بس نزّل نظرآآته لتحت...وعدّل نظآرته بطرف اصابعه ومشى عنّــي..

ابتسمت..اول مرة اكون جريئة جي..!

يلا ما عليّ منه..

ببدا فـ تمآآريني احسن..

//

مــــريم..

إحم..فرده يديدة تقتحم القصة..

بطآقتي الشخصية..

انا مريم..عمري 18 سنة....وقريبن بصير من طآلبات الجآمعة..

عندي اختين وحده اسمها شهد عمرها 15 ولمار 14...و وعندي اخوي الكبير صقر 21 سنة وشهاب 11 سنة..

خلونآ من بطآقتي الشخصية...وبقولكم عن الوضع اللي عآيشته..

،

من تركنآ هاللي ما يتسمّـــى وربيعه...ونحن لين الحينة محبوسين..

الصدمة اللي ألجمْتنـــي..ان اللي رابطين معآها..يُعتقد انها توأمي...الا أكييد..!

هآي طبق الاصل منـــي..بس كيــف..؟ كيف هاي ممكن تكون توأمــي...؟!

انا ادري انه يخلق من الشبه أربيعن...بس هذي مب شبه....هذي هي نفسها أنــآ..!!

قآلتــي ريم عن سالفة هالاثنين...

مسكيينة...غلطت ع ناس..المفروض ما تقرب حتى صوبهم..

انا انصدمت...من بعد ما ظهرت من الحمام...حسيت بحد يمسكنّــي عقب ما لقيت عمري..الا مقيدة مع ريم..!

اهلـــي مادري شو صآر معاهم...

اكيد الحينة يدورون عليّ....مايدرون ان ممكن نهآيتي تكون قرّبت..!

نحن الثنتين طحنآ فإيد نآس خطــيرة...!

هذيلا ناس مب عآديين...وراهم شي..!

طالعت فـ ريم اللي سرحآنه..

ابتسمت بسعآآدة اللي تييني كل ما طآلعتها..

قلت : تخيّـلي لو انا وانتي صدق توأم...؟َ! " غمضت عيني بحآلمية " يالله صدق بيكون ونآسة..

ضحكت بخفة وقالت : ليش لين الحينة مب مصدقة ان نحن خوآت...؟

التفت لها متحمسة : انزين....فهميني كيف نحن خوآت ومب ويا بعض.؟ اذا صدق نحن خوآت ....هو واحد من الاثنين...يا ان اهلي هم اهلج...او اهلج هم اهلي...وو نفس ما قلتيلي قبل..تاريخ ميلادي نفس تاريخ ميلادج..! يختي السالفة فيها إنّ...

قالت وهي تفكر : ممم ماحيد امي قالتلي ان عندي توأم..

قلت : ولا انا..؟!

سكتنا شوي..

قالت ريم باحبآط : حسآفة بنموت قبل ما نستمتع بإخوتنا المتأخرة..!

قلت باحبآط مماثل : هيه والله..

قالت ريم : تدرين مريوم....

قلت : همممم...

ريم : من زمآآآآن وانا خآآطري انخطف.." ضحكت بخفه " ادري انج بتقولين شو هالمينونة...بس صدق...كنت دوم اتخيل واحلم واتمنى انّ حد يخطفني..!

احسّه آآكشن..وشي مثير فـ حيآتي..!

عقب ما نخطف ايي وينقذني فآرس احلامي..

كنت اطالعها وانا مبققة عيوني..

وفجاة ضحكت بصووت عآآلي..

طالعتني مستغربة...

قلت : سبحآآن الله..عاد قلنا توأم في الشكل..بس مو بعد في افكآآر..!

تخيلي ان كل اللي قلتيه نفس اللي دوم افكر فيه..! " ضحكت بيأس " بس اكيد تفآجأتي بهالانخطاف..

رآحت تخيلاتنا سدىَ..! كنت اقول لو انخطفت ما بخآف...بالعكس بستانس..! بس الحينة..هه مييته من الخوف....خاصة يوم حسيت ان نحن طحنا فايد نآس ما ترحم..

ريم طالعتني بعصبية خفيفة : انتي كل ما فتحت موضوع ابا انسى اللي عايشته..تردين وتذكريني..

وو قطعنا صوت الخطوآت اللي تقترب من زنزآنتنا..!

قلت وانا ابلع ريجي وطالع الباب بترقّب : ريم....اختي..توأمي..حبيبتي....! بصراحه كانت اسعد سآعات حيآتي يوم قعدت وياج وعرفت انج..اختي...وسآمحيني..وو اذا لا سمح الله ونجوتي من الموت....روحي عند اهلــي وخليهم يسآمحوني...وو

قطع وصيتـــي دخول حآرسين..!

همست لي ريم : مريوم...لا تبينين لهم انج خآيفة..!

\\

علـــي..

،

بطلت عيوني....وطالعت في الساعه 8:28...

نشيت...وسرت اتسبح واتجهز حق النآدي..

امس كنت سهرآآن...احاول افكّ الشفرة....

طالعت فـ الاوراق اللي عالطاولة.....وآيد معقدة وصعبة...

بس قدرت افكّ كم كلمة..!!

لبست جوتيي....

الحينة قبل ما اظهر لازم اخش الاوراق..مابيها تطيح في ايد حد...

تأمّلت الغرفة ...وين وين ممكن احط الاوراق...؟

طآحت عيني ع المكّيف المركزي...؟!

ويت فـ بالي فكرة جهنمية...

يبت كرسي..

وحطيته تحت المكّيف...

وقفت فوقه..

مديتا يدي للمكّيف وبطلت الغطآآ شويه..ودخلت الاوراق دآخل..ورديت بندت الغطاء عدل..

نزلت من الكرسي...وطالعت في المكيف....ابتسمت بنصر...

،

ظهرت من بييتنا وانا مرتآح نسبيّن..!

ركبت سيارتي وتوجهت للنآدي..

//

15-09-11, 08:48 AM

المشاركة رقم: 23

المعلومات
الكاتب:	♫ معزوفة حنين ♫
اللقب:	عضو فخري ♪ مُخْمَلٍيةُ آلعَطّآءْ ♦

البيانات
التسجيل:	Mar 2010
العضوية:	157123
المشاركات:	30,194
الجنس	أنثى
معدل التقييم:
نقاط التقييم:	13523

االدولة

مدونتي

الإتصالات
الحالة:
وسائل الإتصال:

كاتب الموضوع : ♫ معزوفة حنين ♫ المنتدى : القصص المكتمله

// الجزء الثاني من الهمسة الرابعة عشر//

\\

فجــــــــر

،

بدا الشباب يوصلون..

وقّفتْ اريّـح شوي..

شفت علي من بعيـــد...زقرْته بصوت عآآلي..

يآآ صوبي ...وجفته يطآلعني مستغرب..!؟

قلتله وانا ابتسّم: صبآآآآح الخيـــر..

رد عليّ:صبآآح النوور....اجوفك يآآي من وقت..

قلت بنشآط : هيه...ييت الساعه 7 كنت اتمّرن..

رفع حواجبه: اللي يسّمعك ما يقول هاا اللي كان بيطيح علينا امس من التعب..حتى توقعت ما تحضر اليوم..

قال ناصر اللي مرّ من عدالنا وسمعنا : هيه والله....بلْ عليه....ياي شرات الحصّآن..ع فكرة بديت اخاف منك..

طالعته بطرف عيني : صلّ ع النبّــي ويا ويهك....

ضحك وابتعد عنّـــا..

ضَحكْت بِِخفّة : تصدق حتى انا مستْغربة شو هالنّشاطْ اللي يا فجْاة..! شكْل مفعول الدوّا اللّي عطآني كابتن يوسف سَــريعْ...!

طالعني علي بنظرة مستغربة : عطآآك دوّآ...؟!

قلت مبْتسمة: استغْربت صحْ..؟ حتّى انا تفاجات امس يوم يابْلــي ...ههه حتّـى انّى شكّيت انّه نفسه يوسِف..!...بسْ تِدري هو مهما كان قآسي..لكن اكيد في داخله شي طيب..!

تفآجات من مسكني علي من ذراعي..وشدني صوبه..

وقال بهمس :شو الدّوا اللّي عطآج....!!؟

قلت بارتباك من مسكته : مم مادري..ليش..؟

قال : ما تعرفين اسمه..؟

قلت وانا بعدني مرتبكة : لا..اول مرة اشوفه..

قال : انزين..باقي عندج منه.؟

قلت : لا..بس عطاني كبسولة وحدة..

ترك ذراعي و وقف بعيد عني يفكر..

شفيه..؟

رحت صوبه وع راسي علامة استفهام..

قلت : علي شفييك..؟!

طالعني ثواني....عقب ضرب راسي بخفة..

همس: انتي غبيّــــة...؟ انتي اي حد يعْطيج شي تاخذينه..حتى بدون ما تعرفين شو هو..؟

قلتْ: انــزينْ..بس هو سوّا خير فيني....ما تشوفني فـ قمة النشّآط...؟

تنهّــد..وهز راسه بيأس..

صحْ...تذّكرت شي....!

قلت: علي الا ما قلتلي وينها شهرزاد...؟

تم يطالعني.....عقب قال: عند اخوانها...

قلت بفرح: صدقْ...!! الحمـــــــدالله..اخيرن التقتْ بإخوانها..!! ليش ما قلتلي من قبل..!

قال: ما كانت عندي فرصة اقولج..

قلت بحماس: انزين قولي شو صارْ بالظبط..وو كيف كان اللّقـــآء...؟! ابا التفاصيل كلها...!

قاطعنا خليفة اللّي يا صوبنا..

قال علي: عقب بقولك كل شي..

شفته يسولف هو وخليفة..

تنهد بفرح...الحمدالله...تستاهل شهرزاد..

ابتسمت بألم..

اخيرن قدرت تعيش حياتها الطبيعية..

الله يوفقْهــــا..

و

هه..عقبآلي..!!

\\

ريــــم..

،

بعرفكم ع السريع عن نفسي..لان الوضع مايسمح اطوّل..

انا ريم..نسخة ثانية من مريم..عمري 18..

عندي اخت وحدة اسمها عايشة عمرها 16...واخو واحد اسمه سعد وعمره 5 سنوات..

الموهم

،

الحينة قلبي طاايح فـ بطني...

والحارسين اللي اشكالهم تخرررع ميوّدينا..

وشكلهم مودينا للموت..!

طالعت فـ مريم..اللي تحاول تبين القوة وتخفي الخوف..

احس بالذنب ياكلني لاني ورطتها معاي..

كنت ناوية اعترف لهم ...لكن مريم منعتني بقوة..حتى قبل ما تعرف اني مخططه اقولهم...!

قالت دام ان نحن دخلنا هالمكان...مستحيل نطلع منه احياء...حتى ولو عرفوا اي وحده فينا المقصودة..

كلاامها صح..هذيلا ناس مب هينة ابدن..!

،

ظهرنا من مكان النزانات القذرة..

وقفنا جدام باب..

تبطّل الباب...وو...تفاجأنــا بمكان رآآآقـــي جدا جدا جدا...وفخــم...

طالعت ف مريم اللي طالعتني مستغربة بعد..

اللي يجوف المكان اللي كنا فيه..مايقول ان فيه نفس هالمكان..!

عكســــــه بالقوو..

مشينا ونحن نتامل الثريا..والكراسي..واللّوَح اللي ع الطوفة..والتُحَف الموجودة ف كل بقعه..والخدم اللي كلهم فـ لبآس واحد..و كل شي منظّم ومرتب...

المكَـــانْ في قمّــة الرَوِعه..!

توقفنا جدام باب بني وعليه زخرفة بالذهبي..

تدرون اني نسيت الخوف..!

بطّل الحارس اللي معانا الباب..

دخلونا..وظهرو..

تجولت بنظري ع المكان..

جنـــآح كبيـــر..!

بس روعه..يجنـــــن ..كل شي متناسق الوان الطوفه مع الاثاث..والارضية..

نقزت من الخوف لما سمعت صوته..

التفت..شفته هو وربيعه قاعدين ع الغنفات..

طالعتهم بحقد..

مسكت ايد مريم..اللي رصّــت ع ايدي..

طالعناهم بتحدي..

محمد بنبرة ساخرة : هلااا هلااا..

منصور بنفس النبرة : توّ ما نور المكـــان..

محمد يأشر ع الغنفات اللي عدالهم : حيّـــآآكم..

لَصقـــت فـ مريم..

ردد كلامه..يبانا نقعد..

ونحن ساكتين ونطالعهم ببرود ِظَاهِــري..!

وهو ردد للمرة الثالثة..

ردت عليه مريم بصوت ثابت : قولوا شو تبون منّــأ..؟

طالعوا فـ بعض وابتسمو بسخرية..

انقــرت منهم..

شفت هاللي ما يتسمّــى يريّــح فـ قعدته...وكانه يستفزنا...!

محمد: شو نبــا منكم..؟ هه..ولاشي..بس جي اباكم انتو..

قلت بقهر : ليش تبانا..جي الدنيا فوضة..؟!

قال مطنشني : تعالي انتي وياها وقعدوا هني....تراكم بعدكم ما عرفتوا نحن منوو..فـ سمعو كلامي بدون عناد..

رفعت حاجبي اقهره....

شو بيسوي يعني.؟ نهايتنا الموت الموت...يعني ما فرقت معانا..

أشّــر ع ربيعه : منصــور...!

وقف هاللّــي يتسمى منصور...

و تجدّم صوبنا...

وقف جدامي...ما رفعت راسي اطالعه..

بطّــل الحبل اللي مربطيني فيه مع مريم..

وبقّــت ايدي اللّـي مقيّــدة..وايدها..

يودنــي من ذراعي يمشّــيني وياه....ثقّلت خطوآتي...لكنه اقوى عنّــي..

قعّدنـــي ع الغنفة..وقعد عدّآلــــي..

منصور: محمـــد " أشّـــر ع مريم ..عقب طالع فيني " انا عيبتنـــي هاي...

ضحك ها محمّــــد..ووقف رايح صوب مريم...!!

\\

هناك عند اجواء المباراة التي في ذروة حمــآسها..!

الكابتن يوسف جالس على كراسي المدربين...متكتف بيديه ويتناقش مع إبــراهيم...

إبــراهيم : بس انت كيف تعطيها الحبوب قبل ماعطيك الاذن..

كابتن يوسف بثقة : انت اظن سلمتها لي...ووعدتك اساعدك فـ تأهيلها..

قاطعه إبراهيم باستياء واضح : انت تعرف شو عطيتها بالظبط..؟ منشّط..!! وتعرف ان الفريق كان اسوأ فريق ع مستوى الاندية كلها...والحينة اذا شافوا انه صار قوي واحسن من قبل..ما بيشكّون.؟ واذا اجروا فحوصات وعرفو انها تستخدم منشّط....سمعت النادي بتدمر..!

كآبتن يوسف: كل هالكلام اعرفه..ودارسه عدل..المنشّط اللي عطيتها ما بيطوّل مفعوله.. باقي ساعه ونص بالكثير ويروح..لاني عطيتها امس..

تنهد ابرهيم : يوسف انا واثق فيك...بس مابي تعبــي يروح ونحن بعدنا في البداية..

كابتن يوسف بابتسامة مشجعه : اعتمد عليّ..

،

نعود للمباراة...

الملعب مزدحم بالجمآهير المشجعه..خاصة وانها اول مباراة في هذا الدوري..

و وسآئل الاعلام منشرة لتبُث هذا اللّعب للمئآت القابعون خلف الشاشات ويتآبعون بحمّــآس..

و الفريقين يلعبون في نشآط وقوة..!

،

انتهــى الشوط الاول بلا أي هدف لكلا الفريقين..

\\

علـــــــــي

،

الحينة بريك....

رحت خذت فودة ومسحت ويهي فيها....

بطّلت غرشة الماي وشربت منها...

عقب تجمعنا عند كابتن يوسف وستيفن..نسمع نصايحهم..والخطة..

،

صفّر الحكم...وبدا الشوط الثآنـــي...

وردينا نلعب..ولكن هالمرة بقوة...

الفريق الثاني...ما كان ضعيف وايد...

هالشّوط ظهرنا كل طاقتنا...

وو

اخيرن سجّـــل خليفة هدف...

اللّــي صدق طيّرنا من الوناسة..

\\

ابعد السّتآر عن النافذة ليَــرى الضجيج الذي يعجّ في الشارع...

رأى سيآرات الشُرطة والإسعآف واقفة امام المنزل المُجآور لمنزله..

والشآرع يعجُّ بالنّاس المتجمهرة خلف حاجز شريطي وضعته الشرطة..

سمع طرق على الباب....

دخل خادمه بعدما اذن له بالدخول..

وأعلمهُ بــ............جَريمـــة قَتْل في المنزل المجآور...!

وبعد ان خرج خادمهُ...أسدَل السِّتآر..

وتوجّه الى جنآحِها الذي منذُ ان تركها فيه لم يراها...!

طرق الباب...وخرج طبيبها..

اخبرهُ عن حالتها...وانها في تقدم بطىء..

لم يشأ ان يَرَها الآن..

فقط...أعلم الطبيب ان يُعجّل في علاجها..

وبعدها خرج من المنزل..

\\

فجــــر..

،

صفّر الحكم ...نهآآآية المبآآراة....والنتيجة 2 – 0 لصآلحنا..!!

القول الاول سجله خليفة والثاني أناا..

ركضّنـــا في الملعب بفرحة....

صدق الفوز شي حلوو..!

حسيت ع نهاية المباراة طآآقتي خلّصت...!

بس قآآومت..

يلست ع الحشيش بتعب وانا اطالعهم يركضون ويضحكون ويحضنون بعض...

مافيني حيل خلاااص..

ابي الســرير وبس..!

،

وقفت...وياا الشباب صوبي..

اللي كفخني ع راسي مستانس واللي يشدّ شعري..

ويتكلمون بحمآس عن المباراة..

وانا اضحك عليهم..

يت الكاميرات تصّورنا..

ويسوّون لقآئات ويانا..

ما كنت متفيجة اسوي اي لقاء..

لكن مجبورة خاصة واني لاعب يديد..وممكن اكون نقطة تحوّل الفريق للاحسن..

اجريت كم لقاء والباقي اعتذرت..

،

خذيت شنطتي..ودّعت الشباب..

و وقّفت تآكسي وتوجهت للبيت...

،

تفآجأت بالناس المتجمعة جدام الفلة اللي ساكنة فيها..!

لا وسيارات شرطة..واسعااف..

بسم الله شو صاير..؟!

نزلت بسرعه من التاكسي بعد ما دفعت له..

تخطيت الناس بصعوبة..

ووقفني شرطي يمنعني من الدخول..

الشرطي: ممنوع لو سمحت..

قلتله: بس انا ساكن هني..!

الشرطي : انت من اهل هالبيت..؟

قلت: لا ..مستأجر....قولي شو صاير هني...؟

رد : جريمة قتل..!

بطّلت عيوني ع وسعهن...

جـــريـــــــــمة....!

\\

~| نهآية الهمســــــة الرابعـــــــة عشر|~

15-09-11, 08:54 AM

المشاركة رقم: 24

المعلومات
الكاتب:	♫ معزوفة حنين ♫
اللقب:	عضو فخري ♪ مُخْمَلٍيةُ آلعَطّآءْ ♦

البيانات
التسجيل:	Mar 2010
العضوية:	157123
المشاركات:	30,194
الجنس	أنثى
معدل التقييم:
نقاط التقييم:	13523

االدولة

مدونتي

الإتصالات
الحالة:
وسائل الإتصال:

كاتب الموضوع : ♫ معزوفة حنين ♫ المنتدى : القصص المكتمله

~| الهمســـة الخامسة عشــــــــر |~

\\

فجــــر

،

وقفت متصنمة اطالع في الجثة المرتمية جدامي...!
ياللــــه...!
بلعت ريجي بخوف وانا اتامّلها..!
طايحة قريب الطوفة..عيونها جاحظة..شعرها منثور عدالها..و ع الارض دمّ ظاهر من حلجها..!
عقدت حواجبي..
انزين وين جريمة القتل.؟؟
لاحظت شي مكتوب ع الطوفة..
شهققت..!
مكتوب بالدمّ " Worthy of death "
يممّه...
عسب جي عرفوا انها جريمة قتل..
حسيت بقشعريرة ..منظر مخيف..! اول مرة اشوف حد ميت جدامي..!
حتى اهلي ما جفت جثتهم ولا شي..!

التفت للشرطي اللي يرمسني..: عرفتها..؟
قلت : هيه..هي ام اليهال وراعية هالبيت..
الشرطي : ما تعرف حد من اهلها نقدر نتواصل معاه.؟
قلت: ريلها...بس اظنّي الحينة مسآفر..

جفت الشرطي يتحرطَم..
لحظة..اظن عندي رقم ريلها...لاني كل شهر اسلمه الايجار..

قلت : تذكرت...عندي رقم ريلها..ويت بعطيك..

ظهرت الرقم وعطيته..
رديت طالعت في الجثة..مسكينة..!
طالعت في الشرطي : متى ناويين تشلّون جثتها..؟

مابي اليهّال يجوفون امهم وهي ميتة....الا صح..وينهم..؟

قال وهو يتنهد : لين ما ناخذ صور ونشوف شو ملابسات الجريمة...واحتمال حتى ما تكون جريمة..!!

هاه..؟

طالعته مستنكر : كيف احتمال ما تكون جريمة..؟ توكم تقولون جريمة.؟
قال وهو يطالع في النوتة : الضحية : سحر سالم......الـ... العمر : 31 سنة..حالتها الاجتماعية متزوجة..لديها خمسة ابناء....وقت الوفاة : تقريبا التاسعة مساءً..كيفية الوفاة : غير معروف...اداة الجريمة : غير معروفة.." رفع عيونه لي " ع حسب كلام عيالها انه في شخص دخل بيتهم وامهم كانت تصرخ..عقب ماتت..وقالوا انهم ما جافوا المجرم..بس ما نقدر نثبت هالشي بكلامهم بس..

جفته تركني وراح عند شرطي ثانــي..
تذكرت اليهّآل..شهقت...جافوا امهم وهي ميتة...!!! واحتمال بعد جافوها وهي تنقتل...!
ظهرت بسرعه ادّور عليهم..
سَالت عنهم..قالوا انهم عند الجيران..
سرت..دقيت الباب..
ظهرلي ولد..
وعقبها دخّلـــني..
جفتهم..
وليتنـــي ما جفتهم..
يصيحون بهستريا وبرعب وخوف...!!
ركضت صوبهم..وحضنتهم بقوووة..
حبــــآآيبي..من جافوني زاد صيآحهم..وتعلّقوا فيني..
حاولت اهديهم..بس شكله شي مستحيل..
يصآرخون : الوحش ذبح مآما...ماما قتلها الوحش..!!

بعد نص سآعة من الصرآخ..وانا اهديهم واطمنهم..بدت اصواتهم تخفّ..وصاروا يصيحون بصوت واطي..

رشود والدموع فـ عينه : فاارس..أأأ...أأنـــا جفت " شهق ونزلت دموعه " الوحش..هو...نفسه اللي فوق في السطح.." صاح بصوت عآلي" شررد..وياا وذبح مآمااا..

عقدت حوآجبـــي...
طالعت فـ خالد اباه يأكدلي كلام اخوه ..: صدق خالد...جفتوا الوحش..؟
خالد ودموعه تنزل : هيه..جفنآآه لابس كلّه اسود..وو مادري شو سوّا فـ ماما.." مسح دموعه " مآمآ كانت خايفة وتصيح بس هو يقولها تستاهلين..!

تستآهليين..؟!!!!
صح..!
الشخص الموجود فوق السطح..! نسيت اجوف شو سالفته...!!!
ياللّه كيف نسيــــــت...!؟
لازم اقول للشرطي..

ظهرت من البيت بعد ما وصيتهم عليهم...برد عقب بشلهم..
رحت عند الشرطي اللي يحرس البيت ويمنع حد من الدخول..
قلتله اني عندي شي مهم اقوله لهم..
،
وصلّنــي عند المفتش المسؤول..
قلتله كل شي..
انه في شخص يعيش فوق ع كلام بشكآرتهم اللي اعترفت لي قبل..
وان اليهال يقولون انه نفس الشخص اللي محبوس فوق هو اللي قتل امهم..!
أمـر انهم يستجوبون البشكارة بخصوص هالامر...
واللي عرفته ان البشكارة هي اول المشتبهين بهم..وهي الحينة تستجوَب ع الجريمة..
،
دليت المفتش والضابط ع المكان اللي في السطح..
الغريب ان الباب مبنّد..! عيل كيف ظهر..؟ ما اعتقد انه هو القاتل لان ع حسب كلام البشكارة انه صغير..!
ظهرت المفتاح اللي جفت البشكارة تخشه هناك..

دخلت المفتاح في الفتحة..وجفت الضابط يظهر المسدس..ويطالع في الباب اللي ينفتح بحذر..
بطلت الباب شويه..عقب دزيته بريولي وتبطل كامل..
فآجأتنا ريحة كرييهه..
حطيت ايدي ع خشمي عسب ما اشمّها..

ظهّر الضابط و المفتش مصباحهم اليدوي..
مرّروا الضوء ع المكان..
يتلي رعشة من هالمكان..
مخيـــــــف..ومقزز بدرجة فظيعة..!!
فـ كل مكان خيوط عنآكب..و اصوات حشرات مزعجة..
ونشوف حركة كائنات صغيرة تشرد من الضوء..اظن فيران..!!
تجدّم المفتش لدآخل..
بس من تجدم سمعنا صوت زجاج يتكسّر عن ريوله..
بسرعه سلّط الضوء عليه..
جفنا صينية أكل..وقلاص مكسور ..الظاهر المفتش طيّحه وهو يمشي..
نزل المفتش والضابط لمستوى الصينية...
اللي بقى منها فتآآآآت اكل..شكل الفيران التهمت الاكل كله..
مرة ثانية مررّوا الضوء ع المكان ..تجّولوا..بس محد في الغرفة..!
والغرفة مافيها اي فتحة او حتى دريشة ممكن حد يظهر منها..
،
طالع المفتش والضابط فـ بعض فـ شكّ...!
ليش البشكآرة تييب الاكل..؟
وفي اشياء تدل ان في حد كان عايش هني..!!
،

تركت المفتش والضابط بعد ما قرروا يحققوا في اللي جافوه..
رحت بيت الجيران..
واستاذنت آخذ اليهّال عندي ...لين ما حد من اهلهم ايي وياخذهم..
وخاصة ان اليهال مب متعودين ع الجيران..!

،

بالموت وقفّوا عن الصياح..بعد ما خلصت طاقتهم..
و عقبها ما رضوا الا يرقدون وياي ع السرير..
ومادري كيف سدّنـــأ..!

\\

مــريم

،

شدني هاللي اسمه محمد وقعدني عداله..
طالعته بتقزز..
جفته يتأمّلني...
نعم...خيــــر...؟!

قلتله باحتقار : خير يالاخو..اول مرة تجوف انسانة.؟
ضحك وقال : والله اسعد حظ فـ حياتنا..بنات ع الجاهز بدون ما نتعب عمرنا..
منصور اللي ابتسم : هيه والله..

تدرون..بقصّ عليكم لو بقولكم اني مب خايفة..
اتمنى انّي اموت ولا اتم هني عند هالحثآلة..

قلت بكره : حقير انت وياه..

ضحك مرة ثانية..ولا كأنّــي غلطت عليه...!

قلت باستفزاز : لو فيك خير فكّني..وبراويك شغلك..!

طالعوا فـ بعض...عقب نقعوا ضحك...!!
شفييهم هذيلا..؟
يبون يتصفعون والله..

قلت بعصبية خلااص نقعت فيوزاتي : خلنّي بس اشيل هاللي مربطني..وبراويك منو أنا..
ابتسم باستخفاف : يلا يالمفعوصة..راوينا منو انتي..

فكّ الحبل من ايدي...
فركت المكان بالم...

بس تفاجأت لما مسكني من ذقنــي..وقرب ويهه مني..

قال بهدوء : يلا..وريني شو بتسوين...؟

انصدمــــــت...من وقآحته ومن جرأته...
بعدت ايده بكل قوووة..
وهو رد وراا..
وقفت..
وو
سطرته بطرآآآآآآآآآآآآق قووووووي...!
وقح..وقح..وقح..
بعد ما دوى صوت الطراق في المكان..
كانت صوت انفاسي العصبية اللي تنسمع في الغرفة..
جفته متصنّم فـ مكآآنه..
ويطآلعني وعيونه مفتحوحه ع وسعهن..

تنفست الصعدآء : عسب مرة ثانية تلزم حدودكـــ يال................

شهقت من سحبني من شيلتي...وجردني منها....!!
عقبها مسكني من شعري بقوووووووووة...
سمعت صوت ريم اللي صرخت برعب..

محمد بغضب : انتي يالح****..يال****....تمدين ايدج علي....!!! انتي ما تعرفين اناا منوو..!! " شدّ قبضته ع شعري " والله بتندمين..لا ادفعج ثمن ع الطراق..

كنت اتألم بقوووة...لكن كرآمتي ما سمحت لي أبيّن له...كنت اطآلعه بتحدي..
وهو يزيد ويزيد..
عقني عند ريوله..
جفت خصلات شعري فـ ايده....يعلها القصّ..

كان يتنفس بعصبية ..
التفت لربيعه : منصوور..خذ هذي اللي عندك..اما هذي انا برآويها ال*****
" نطق بقهر " ثآآآني مرة انكفخ......ثآآآآنــــــي مرة..!!!!
طالعني...ورفسنــي ف بطني..
طلعت آهه صغيرة مني...ومسكت بطني بألم شديـــــــد..

ريم بخوف : مـ " بسرعه رفعت راسي لها انبّهها " آآ ميمــــــي...!!

جفت ها منصور..يسحبها ودخلها وحده من الغرف..
بلعت ريجي..
فـ هاللحظة..تمنيت شي وآآحد..
لو اكون قوية..واقدر ادافع عنها وعني..

تفاجات بالحقير يشدّ شعري ووقفني..
اففف..هاا ما يحس..يعوووور...
وشعري خلاااص ما بقاا منه شي..

جفته يجرني شرات الخروف..
ظهرنا من الجنآح..
مشينا في الممّرات..وصلنا باب ثاني..
بس شكل الباب غير..حديدي..وصلب..وفيه فتحه عليها قضبان..
مادري هذا سجن..؟
ظهّر المفتآح..وبطّل الباب..
دخلناا..
بس تفآجأت بالغرفة الكبيــــــــــرة..
لونها أبيض × ابيض..
نصها فآآضية...الا من سريير ابيض كبير في نص الغرفة..
وكرآسي..وطاولة صغيرة زجآجية..

عقْنــي بقوة ع الارض..

وقال بنبرة حقد : تجوفين هالغرفة..؟ بيضآء صح..؟ بخليها تستوي حمرآآآ من دمّج..وبخليج تعبينها من دموعج..

رفع ريوله بيرفسني ..بسرعه حميت بطنّــي..
انقهــرت منه..
وانقهرت من نفسي...خليت ريم بروحها..مادري شو ممكن الحقير يسوي فيها..
غمضت عيني..احاول انظّم انفاسي..
هدّي يا مريم..هدّي..
لا تخآفين...انتي ما تخآفين من هالاشكآل...
خليج طبيعية..

فتحت عيوني ..ومادري شو هالشجاعه اللي يتني..
رفعت رآسي..
ورديت شعري الطويل ع وراا..
وو..
وقفت بشموخ فـ ويهه..
جفته رفع حواجبه باستخفاف..

قلت ببرود : دآم اللي جدّآمي مب ريّآل..ما عندي مشكلة اني اوقف فـ ويهه..واكفخه بعد..
عقد حوآجبه بعصبية..: ريآل وغصبن عنج..يالح****..

جفته مدّ ايده بيمسكني من ويهي..
بس بسرعه ضربت ايده ابعدها..ورديت ع وراا..
وو..
من جفت ردت فعله...
اكيد يا مريم هذي نهآآيتج...!!!!!

صرخ بجنون : انتــــــــــــــــــي....!!!!!! بتموتـيـــــــــــن...

جفته يقترب منّـــي..عيونه جاحظة..وحمرآآآ..ورآص ع ضروسه..
كل خطوه يمشي..ارد انا خطوتين..
يمممّه..والله اني خآآيفة..
لا مريم ..لا تبينين انج خآآيفة..
بلعت ريجي..
اختفت نظرته التحدي اللي فـ عيوني..
لكن ملامح ويهي جآمدة..
جفته يزيد من خطوآته..
رديت بسرعه..وانا بس اطالع ريوله اللي تتحرك..
بس..
تعثرت بخشبة السرير...وطحت عليه..
شهقت بخفه..
جفته يبتسم بخبث..
بدت اوصآلي ترتجف...
تصنمت وماقدرت اتحرك او حتى اشرد عنه او ادافع عن نفسي..
كنت اطالعه بجمود..عكس الانفعالات والخوف اللي دآخلي...
حسيت ان نهآآيتي اوشكت ع البداية..
غمضت عيني بصمت..
وكأنّــــي استسلم....!

\\

الصبح...10:00
\\

شهــرزآد

،

تونـــي ظهرت من الاستديو..
كنت اسجل ألبــــوم..

اليوم بقوم بخطوة متهورة نوعا ما..
ابي اروح مكان شغلي..
خلااص بتركه..
ولازم اقولهم..
،
اليوم لبست تنورة طوليله وقميص..وخذيت شيلة وحطيتها فـ الشنطة..
طبعن كل هذا عسب اروح..وعسب ما يشكّ سليمان..!

قلت للدريول يروح المكان اللي دليته عليه..
في البداية رفض وبقوة..
وسوالي طآف..
لكن الفلوس دوم تسوي المستحيل..!
وصلت المكان..
لبست شيلتي..
ونزلت..
دخلت..وطول الوقت منزلة رآسي..مابي حد يتعرف علي..
لين وصلت مكتب المديرة..
دقيت الباب..
وعقب شوي أذنت لي..

دخلت..وكنت واقفة عند الباب ومنزلة رآسي..مستحيـــة..مادري شوا قولها..
اكيد بتنصدم مني..وبتكرهني..

رفعت راسي..جفتها تطالعني مبتسمة..

المديرة : حيآج اختــي تفضّلــي..اي خدمة ممكن اساعدج فيها.؟
قلت بتردد :أأأأ...مم..انا يايه..عسب اقولج اني خلااص ما بشتغل هني..
عقدت حواجبها مستغربة : تشتغلين هني..؟ ليش انتي منو.؟
نزلت رآسي باحراج : انا شهرزآد..
شفت الصدمة بعيونها..لكن بسرعه اخفتها..
قلت : أأ..السموحه منج..ما قدرت ايي اقولج اني ما بداوم..ظروفي ما سمحت..
قآطعتني وهي تتامل فيني : انا جفتج قبل..! مممممم..مادري في التلفزيون..او الاعلانات اللي معلقة في الشوارع...؟
انا: ..........
قالت بهدوء : انتي من الممثلين او الفنانين....؟!
قلت بألم :....هيه..أأ..ادري انج منصدمة مني..لكن اعرفي انه مب ايدي.والله مب بايدي...ولا تساليني ليش..انا ابي اشتغل شغلة شريفة...بس ماقدر..ماااااقدر..

جفتها وقفت ودارت حول مكتبها ويت صوبي..
نزلت راسي..
حطت ايدها ع كتفي..
طالعتها والدموعة تارسة عيني
قالت بابتسامة حنونة : اهم شي النية...انتي اذا نيتج طيبة وصادقة...صدقيني ربي بيوفقج..وبيساعدج...انتي ادعي ربج ييسر لج امورج..وصدقيني بتتيسّر..

مسحت دموعي وابتسمت لها : ان شاءالله..مشكووورة..مشكوورة....ما تقصرين والله..
المديرة : العفوو حبيبتي...وو مكانج هنــي بيتم فاضي لين ما اتيين..

ماعرفت شو اقول جدام طيبتها..
حضنتها بقووة..وبكيت بصمت..
،
بعدت عنها..و ودعتنّــي بدعوآتها الصآدقة..!
ظهرت من عندها ..بعد ما مسحت دموعي..

يا فـ بالي امر في المكان اللي دوم ازوره بعد ما اخلّص دوآمي..
دخلت القسم الخاص بالاعمال الخيرية والتبرعات..
سلمت بهدوء ع المسؤول..
حسيته ما عرفنــي.. الحمدالله..
قلتله اني ابي اتبرع..
تبرعت بعد ما كملت الاجراءات الروتينية..
شكرته..
وظهرت ..
ركبت السيارة..
ورحت اتجهز حق وحدة من حفلات اليوم اللي ما تخلص..

،

بعدما خرجت من المؤسسة..كانت هناك عينان تراقبانها منذ ان طلبت ان تتبرع بمبلغ مالي..
عرفها على الفور منذ ان سمع صوتها..
بدا عليه الاستغراب من تغيرها المفاجىء..
ولكي يرضي فضوله..
تبعها من دون ان تعلم..

\\

\\

علـــــي..

،

امس رقدت شوي..وعقب نشيت نص الليل افكّ الشفرة..
تحمست..احس اني بكتشف شي..
مع اني نعسآآآآآآآآآن..وعيوني كل شوي تتسكر..بس لازم اكمل ع الاقل هالشفرة..عقب بكمّل الباقي..الحمدالله ان اليوم اجازة..
اللي لقيته الحينة...هالرموز...شو تعني..؟

احسها تعني شي خطير بس مادري شو هو...؟
يآآآربـــي شو ممكن يكون...؟
كتبت الرموز فـ ورقة صغيرة..
وتاملتها بصمت..
في رموز عرفتها..بس الارقام والحروف..ترمز لشو..؟
سمعت صوت حنان تزقرني للريوق..
خذت الورقة..
ونزلت تحت أتريق..
،
سلّوم طول الوقت تسولف عند راسي وانا ولا ع بالي...
مشغول في الرموز اللي جدامي..
عمتي تاكل بصمت..و احيانا تشترك حنان فـ سوالفها..

تفاجات لما سحبت حنوون الورقة من ايدي..

حنان باستهزاء : سرحآآن فـ شوو...؟ لا تقول انك تفكر فـ هالورقة..لاني ما بصدقك..

كنت بعصب عليها..
لكن من جفت الورقة فـ ايدها..
بطلت عيوني ع وسعهن..
فهمت قصد سلّوم..
سحبتها بسرعه من ايدها..
ومن قريت الرموز..على طول فهمتها..!
بسرعة وقفت..
وتفاجات عمتي وحنان..
بس ما سويت لهم سالفه..
سرت غرفتي..و رديت الاوراق مكانهم السّري..
بدّلت...وظهرت بسرعه من البيت..
وانا ادعي انه ما يكون اللّي فـ بالي صح.. وان شاءالله اقدر اسوي شي قبل ما يصير شي!!!!!

\\

ريـــم

،

من دخلني الغرفة وانا خلاآآآص احس اني انتهيت..
وفينــي غصة ع مريوم ..
اكيد بيذبحها ..
ليش يا مريم تهورتي..ليش..؟
طالعت فـ الحقير ربيعه..
جفته يطالعني بهدوء..
انزين..؟
وبعدين..!

منصور : شوا سمج يا حلوة..

شفف هذا..بروحي مضايجة..وهاا متفيج..

قلت بضيج : جـــب..

حسيت من نظرآته انه انصدم..
بس طنشته..
تنهدت..

جفته سند ذقنه ع ايده وطالعني بابتسامة طيبة...؟!
احسه غيير عن ربيعه..
هاا هادي وهذاك عافانا الله عصبـــي..

قال : ليش هالتنهيدة....! زعلانة..؟

طالعته باستهزاء..
هذا غبي ولا غبي ولا يستغبى ع مخي..؟

قلت باستهزاء واضح : ابدن..ليش حد قال اني زعلانة.؟ انا شوي وبطير من الوناسة..
ضحك بخفة : الله يديم هالوناسة..
طالعته بحقد : ضحكة بلا ضرووس..
قال : أفآآآآآ..ليش كل هالكره..لو سويت لج شي بقول معذورة..بس ما كفختج شرات ما سواا محمد فـ اختج..

آآآخ..يالحقير انت وياه..ابدن ما سويتو شي..
جفته وقف وقرّب صوبي..
بلعت ريجي بخوف..
حاولت ما ابين الخوف فـ ويهي..لكن جسمي كله يرتجف بقووووة..
نزل لمستواي..
مسك ايدي...وحرر ايدي من الحبل..

قال بضحكة : يلا كفخيني شرات ما سوت اختج..

ها ها ها..ينكت..؟
صديت عنه..اباه يبتعد عني..
بس ما تحرك..
طالعته بنظرة قوية : خيــر..؟ بعّد عني..
ابتسم ووقف..
تقهرني ابتسامته..احس اني بصيح منها..
جفت راح صوب الثلاجة..بطلّها وظهر منها غرشة
وصبّ في قلاصين..
يا صوبي ومدّ لي واحد..
طنشته.!

قال : ترا جفتيني ما حطيت لا مخدر ولا شي..

كنت بعترض..لكن تفاجات لما مسك ايدي وحط القلاص فيه..
وو
من شمّيت ريحة المشروب...حطيت ايدي ع فمّي بسرعه..
وو عقيت القلاص ع الارض..
جفت باب شكله الحمّام..بسرعه ركضت صوبه..وو رجعت..
،
ظهرت من الحمام وانا امسح حلجي بكلينكس..
كنت اتنفس بتعب..
لاآآآآعت جبدي..
الله يااخذه شكلي عطاني خمر...!!!

جفته يطالعني بحواجب معقودة..
طالعت في القلاص ماله..
شربه كآآمل..
وععع..
،
بعد هالربع الساعه اللي كان يسولف ويسولف فيها وانا يا اطنشه..يا ارد عليه بعصبية...
حسيت لسانه بدا يثقل..
وبدا يخربط في الكلام..
بدا الخوف يتسرب لداخلي..
طالعت في الباب ورديت اطالعه..
الحينة هو سكرآن..يعني مب حاس في الدنيا..
ابتسمت بارتباك..اكيد اقدر اشرد..!!
وقفت بهدوء..
جفته سرحآن..
تحركت شوي شوي صوب الباب..
وهو ع نفس وضعيته ومب حاس فيني..
تنهدت برآحة..
مسكت مقبض الباب بفتحة..
بــــــس..
حسيت بظل..
وو
ايد تمسكني من كتفي ..
صدني صوبه بقوة..
شهقت..ولصقت في الباب..

قال باستهزاء : ع بالج سكرت..؟ انا ماشربت وايد عسب ما حس اللي حولي..
" قرب مني زيآدة " هاه يا حلوة.خآآيفة..؟ حرآم عليج انا ماخوف..

جفته مد ايده بيلمس ويهي...
حبست انفآآآسي...
وو
كآن المنقذ الوحيد..
تلفونه اللاسلكي " اجتمآع عآجل الى اعضآء المنظمة في المقر الفرعي في ****...اكرر...."

\\

~| نهآية الهمســـة الخمسة عشر |~

15-09-11, 08:55 AM

المشاركة رقم: 25

المعلومات
الكاتب:	♫ معزوفة حنين ♫
اللقب:	عضو فخري ♪ مُخْمَلٍيةُ آلعَطّآءْ ♦

البيانات
التسجيل:	Mar 2010
العضوية:	157123
المشاركات:	30,194
الجنس	أنثى
معدل التقييم:
نقاط التقييم:	13523

االدولة

مدونتي

الإتصالات
الحالة:
وسائل الإتصال:

كاتب الموضوع : ♫ معزوفة حنين ♫ المنتدى : القصص المكتمله

~| الهمسة الســـــادسة عشر |~

\\

مريم

\\

كنت ادعي وادعي فـ دآخلــي ان ربي ينقذني من هالموقف..

كنت اتنفس بسرعه..

حآسه..حآسه فيه قريب مني..و اسمع انفاسه ..

حسيت فيه ما تحرك..

ياربي ما ريد ابطل عيني..ادري انه قريب..

وو

" اجتمآع عآجل الى اعضآء المنظمة في المقر الفرعي في ****...اكرر...."

سمعنا هالصوت من تلفونه اللاسلكي..

فتحت عيوني بسرعه..

وجفته يطالع فيني وملامحه لاانت..وباين عليه سرحان..!

شفييييه هذا..؟

استغليت الفرصة ونقزت..وشردت بعيييد فـ اخر الغرفة...

جفته انتبه علي..

كشّـــر..ورفع تلفونه اللاسلكي وقال " عُلــــم.."

رفع عيونه لي..وقال باستهزاء : هه وين بتشردين عني..وراج ...وراااااج..انا..!

توجه للباب..بطّله..وقال : عندي شغل الحينة...حساابج وياي بيكون عقب...!

طلع وبند الباب..

تنهـــــــــدت برآآآآآآحه..

وقعدت ع الارض بقوووة..

خلااص انهد حيلي..احس طاقتي كلها رااحت..

ريــــم..!

ريـــم ويينج..وشو صااااار ويااج..

يااارب ياااارب احميها منهم..

وقفت بسرعه ورحت صوب الباب..

افففففف..

الحقير قفله بالمفتاااح..

ياللــــــه..شو اسوي..

مافي هنـــي ولا دريشة..

جفت في باب فـ طرف الغرفة..توقعت انه حمام..

سرت بطلته وطلع توقعي صح..

طالعت فـ دريشة الحمام..

وآآيد صغيرة..ما تنفع..!

،

تميت ادور في الغرفة بتوتر..

لين و اخيــــــرن تبطّل البآب..

شهقت بفرررررحــــــه من جفت ريــــم..!!

دخلت وتبند الباب وراها..

وهي من جآفتنــي صرخت بفرحه..

حضنّــــا بعض..وو صحنــــــا..

مسكت ويهها بايدي وانا اصييييح..

قلت : ريم..حبيبتي..صار فيج شي..؟!! تأذيييتي.؟ سووا فييييج شي...قووووولي..!!

جفتها تشهق وتهز راسها بلااا..

قال بصوت باكي : بس خفت..خفت وآآآآآآآآآآآآيد..

ودفنت راسها فـ صدري..

حمدت ربي انهم ما سوولها شي..

رفعت راسها بسرعه وطالعتني : وانتي ..سووا فيج شي..؟!

ابتسمت لها وقلت: لا.. الحمدالله..

مسحت دموعي..وسحبت ريم لين السرير وقعدنا ..

وو

كل وحدة فينا قالت شو صار معها..

\\

علــــي..

،

كنت اسوق سيااارتي بجنوووون..لين وصلت الشارع المقصود..

كنت ادعي ان اللي فـ بالي مو صح..

فجـــر..فجــر..فجــر....اسمها يتردد فـ راسي..

يآآآآآآآرب ما يصير لها شي..!

طالعت في الورقة....6D يعني 6 ديسمبر..

يااارب ماكون تاخرت..6 ديسمبر اللي هو امس..!

والساعه 9 بالليل..!

الرمز الثاني هو عبارة عن رمز الانثى..!

و الرمز الاخير اكيد شي يشير للقتل..!

مشيت بالشارع ببطىء..

لين وقفت....وو جدام البيت المقصود..

بيت فجر اللي فـ الزاوية..!

ضربت السكّآن بعصبية..

رفعت تلفوني ...وظغطت ع الارقام بتوتر..

وو

رنـــة..رنتيـــــن..كأنهم سنـــين...

يلا يا فجر ردي...

افففف..

ما تردد..

رديت مرة ثانية ادق..

.

.

بعد ما ردت..

قلبـــي بدا يدق بقوو..

نزلت من السيارة بسرعه..وع طول توجهت لفوق..

وقفت جدام الباب..

مسكت المقبض مافيني صبر اكييد صار لها شي..

حاولت ابطّل الباب..بس مبند..!

تميت ادق البااب بقوو..

قلت بصوت عآلي : فجـــر...فجــــــر بطلي الباااااب....فجر ردي علي..

ما هتميت اني ازقرها باسمها الحقيقي وبصوت عالي بعد..

اهم شي ما يصير فيها شي...

.

.

انفتح الباب فجأة..

وظهرت فجـــر..

جفتها..شعرها معفوووس..وتفرك عيونها من النعاس..

وتطالعني وهي طفرانه : افففف علــــي...صووتك عآآآآآلي..بتزعج اليهّال...." تمططت" صدق حشرة..ما خليتني ارقد..وبعدين فضحتني لا تزقرني باسمي..

انا بعدني استوعب انها موجودة..!

ما صار فيها شيي......!!!

تنهدت برآآآآآآآآآحة...

الحمـــــــــدالله..الحمـــــــــــــدالله..

شقيت حلجي من الابتسامة..

طالعتني باستغراب : شفيك شقيت الحلج..؟ " طالعت ساعتها " مو كأنه واايد بدري...واليوم اجازة..! ليش يااي هالوقت..!

قلت : سآآلفة طويلة..بقولج اياها..

قالت وهي تفتح لي الباب : حتى انا عندي لك سالفة طويلة..

دخلت وقعدت ع الغنفة اللي في الصاله..

وهي سارت حجرتها..

كيف جــي..؟

ظهرت الورقة..معقولة اكون غلطان..؟

بس كل شي يدل ع هالبيت..افف..

مممم بس يمكن فشلوا في المهمة..؟!

او غيروا رايهم..؟

،

جفتها ظهرت من الغرفة وسارت المطبخ التحضيري..بطلت الثلاجة..وظهرت حليب..

وصبته فـ قلاصين..

ويت صوبي..

حطت جدام قلاص الحليب..

ويلست جدام وهي تشرب حليبها..

.

.

قالت بهدوء : اشرب حليبك عقب قولي السالفة..

قلت بابتسامة : ماحب الحليب.

قالت بتكشيرة : اشربه..وان ماشربته بشوتك برا..والسالفة الخطيرة ما بقولك اياها...

ول..!

شربت ربعه ..مب خايف منها..بس عسب ما اردها وهي يابته لي..

قالت : يلا قوولي الساالفة..

تنهدت..وقلتلها كــــــــل شي..!

.

.

بعد ما خلصت..طالعتني مصدوومة..

جفتها تعض ع شفايفها بقهر وخوف..

مسحت ع ويهها بتوتر..

قالت بصوت مرتجف : الجريمة امس استوت.......!!!!!!!!!!!

\\

شهـرزاد..

،

كنت بعدني في السيارة متوجهه لوحدة من الحفلات اللي لازم أديها اليوم..

سمعت الدريول يالس يتحرطم..

شفيه هذا..؟

جفته كل شوي يلتفت وراا..

شسااالفة..؟

التفت ورا..جفت سيارة ورانا..

والدريول كل ما لف مكان..السيارة تلحقنا...!!!!

بسم الله منوو هذا..؟!

سمعت الدريول يدق ع حد وجنّه يقولهم السالفة..

.

.

بدت السيارة تدخل اماكن..والسيارة اللي ورانا بعدها تلحقنا..

لين رحنا الشارع العام..

رديت التفت ورا اراقب السيارة..

غريبة ليش لحقتنا..؟

معقولة تكون من طرف سليمان..؟

لا ماظن..الدريول على طول بيعرف..

.

.

فجأة وانا عيــني ع السيآآرة...يت سيارة ثانية مسســـــرعه...ولفّت صوب السيارة اللي تلاحقنا..

حاولت السيارة تتجاوزها..بس دعمت السيآآآآآراات الثاانية وتجلبت اكثر عن مرة واخر شي ضربت فـ عامود اللّيت لين طاح العآمووود...!!!!!!!!!!!!!

هنــــي انا كنت حآآآآآآآآبسة انفااسي لين طاح العامود ع السيارة وهشّمها وشهقت بصووت عالي..!!!!!

يممّــــــــه..!!!

جفت السيارة اللي كانت السبب..اختفت بلمح البصر..!!!

انقبض قلبي بخووف..وانا اشوف الحادث اللي صار جدام بثواني...!

حاولت اجووف اذا حد ظهر من السيارة او لا..ياارب ما يصير له شي..

بس الحااادث وآآآآآآيد قوووووووي..

حسيت بسيارتنا تسرع مبتعدة عن المكان..

قلت بسرعه : كومار..لا تسرع خفف شوي..ابي اجوف شو بيصير..

كومار بتوتر : لا لا..خلي يولي..مو لازم..بعدين انتا في يتأخر..

رديت التفت لورا..ابتعدنا..ما قدرت اجوف شي..

لحظة...!!!

بسرعه صديت صوب كومار..

هالسيارة كانت تلحقنا..ووو عقبها كومار كان يكلم حد ووو صار الحادث..

لااااايكووون..........

قلت وانا قلبي يدق بسرعه : كوووماااار..انت كلمت سليمان عن السياااارة صح...! سليمان هو السبب في الحااادث.....صح ولا لا...رد علي..

قال وهو يمسح العرق عن جبينه : أأ..أنا ما يعرف.." لف السيارة بعصبية " كلااس..سيارة بروهه يسوي حادث..ليش انتا واجد يسأل...افف..!

رديت سندت ظهري ببطىء..

تأكدت شكوكي..

رفعت ايدي.جفتها ترتجف...

غمضت عيوني..

موقف مخيييف..

في لحظة صار حادث..وعادي الحينة يكون ميت..

اصلن اشكّ انه نجا منه...!!

بس منوو هالشخص..؟

وليش لحق سيارتنا..؟

.

.

وصلنا وانا مالي خاطر فـ شي..قلبي بعده يعورني ع الحادث..مع اني ما عرف الشخص اذا طيب او شرير..

بس مادري ..حسيت بأمل يوم جفته يلحقنا..

يمكن عرف عن سليمان و قومه..؟!

ولحق ورانا يبا يعرف اكثر......او ........يبا ينقذني..؟

افففف..شو هالافكار السخيفة..الحينة شو بيعرفه فيني..؟

بس..بس مافي تفسير الا هذا..انه عرف شي عنا..ولا كان سليمان واتباعه ما تعرضوله..!

.

.

قطعت افكاري من سمعت الكوفيرة تزقرني..تبا تعدلني حق الحفلة..

سرت عندها وانا للحين الافكار تدور فـ راسي..

\\

موقع الحادث..

،

وصلت سيارات الاسعآف والشرطة..وفريق الانقاذ..

وبدت محآولتهم محاولاتهم في انقآذ الروح الموجودة تحت برآثن الحديد المتكوِّم فوقها..!

الكل يعتقد انه من المستحيل ان يخرج جسدا من كومة الحديد تلك بروحِهِ..! بل متيقنين من خروجه جسد بلا روح.!

تمتم البعض له بالرحمة..ولاهله الصبر..

ف قد يخرج وهو مقطّع لاشلآء..

.

.

وبعد محآولات..ومحآولات لاستخرآجه..

خرج اخيــــرن..!!

وكانت صدمتهم..أن قلبه لازال ينبض..!

ولكن حالته حرجة جداً..!!

وبالطائرة المروحية نقلوه لاقرب مستشفى...ووو الى العنآية الفآئقة..!

\\

فجـــــر

،

كلآم علــــي صدمني..وو خوفنــــي...!!

بس وآآآيد تآخر...تأخر....يمكن كنّآ نقدر نسوي شي..

يآآآربي..ابدن ما توقعتهم يقتلونها..انزين ليييش..؟ وكيف..؟

ماظن ان لها علاقة فيهم..

والله شي يخّووووووف...

وآآيد قريبيين هم..

.

انتبهت لعلي اللي يهزني من كتوفي يصحيني من افكآري..

علي عاقد حواجبه : أي جريييمة..تكلمي...!!!!

قلت بحزن : كل اللي قلته صح..صآحبة هالبيت هي اللي مآآتت..!!!!!!!

طآلعني متفاجىء ..وقال : مـ..مآآآتت...!

هزيت راسي : وآآيد تأخرت.." تنهدت" يمكن كنّا نقدر نسوي شي..

رد قعد ع الغنفة وهو مصدووم...!

جفته يمسك رآسه بقهر..

عقبها التفت لي وقال : قوليلي شو صآر....؟!

.

.

قلتله ككــــل شي..

استغرب شرآتي....ليش قتلوها هي..؟ شو ممكن تكون سوت..؟ انا ما جفت ان لها علاقة بابراهيم..او حتى يوسف..

قطع علينا صوت يآهل يصيح..

رحت بسرعه الغرفة..

جفت نوف الصغيرة تصييح ..شليتها بسرعه وحضنتها وحاولت اهديها..

عورت قلبي وهي تزقر امها..

بستها ع خدها..حاولت اضحكها..

ماشي فايدة..بعدها تصيح..

ظهرت عند علي..

تعجب يوم جافها..

ما قلتله اني حطيتهم عندي..

قلت اجاوب ع نظرآته : يبتهم امس عندي لين ما اهلهم اييون يشلونهم.. " كملت بحزن " هم الشاهد الوحيد على مقتل امهم..

حرآآم والله..جافوا امهم تموت جدامهم..صدمة كبيرة لهم..!!!

هزّ رآسه بأسى..

طالعت فـ نوف اللي بعدها تصيح بس بصوت خفيف..وتطالع فـ علي..

قلت بحنان : نووف حبيبتي تبين حليب..؟

طآلعتني ببراءة وحطت صبعها فـ حلجها..

ما ردت علي..بس صيآح شبه وقّف..

بستها بقووة ع خدها..

قلت : بييب لج حلييب حلووووو وآآيد وآآيد..

جفتها ابتسمت..

ضحكت عليها..

ومسكتها عدل..وفرييتها في الهواااا..

جفتها استانست وبدت تضحك...لاعبتها شوي..

عقب عطيتها علي..

وسرت اييب لها حليب واسويلها ساندوجية..

\\

ريــــــــم

،

باللّيل..

،

فتحت عيوني....وانا احاول استوعب انا وين..

التفت ..جفت مريم رآقدة عدالي..

تذكرت اللي صآر..

يآآآربي سآعدنا وانقذنا منهم..

.

.

تذكرت اهلي..

يا ترا هم متخبلين علي..؟ شو يسوون الحينة..؟

خاطري اكلمهم..ع الاقل اطمنهم علي.

بس..بس اكيد بزيد من مخاوفهم..

وشو فايدة اني اكلمهم واعطيهم امل اني ارد ويمكن مآآ ارد لهم..

،

طآلعت فـ مريم كنت بقعدها من رقآدها بس غيرت رايي...خليها ترتآح شوي من اللي هي عايشته الحينة..

بــس نشّت بسرعه يوم سمعنا حد يبطّل الباب..

.

.

ودخلن حوالي خمسة..اشكالهم من الجنسيات الاسوية..وكلهم نفس اللبس وتقريبن الشكل بعد..

ما لحقنا نستوعب شو يبون..الا و حسينا بقطعة ع خشمنا...وووو........

\\

يبتع فيمآ بعد..