[قصة مكتملة] همس الموت ‘ Whisper of Death ، للكاتبة : لمسة براءة .. - الصفحة 4

15-09-11, 08:35 AM

المشاركة رقم: 16

المعلومات
الكاتب:	♫ معزوفة حنين ♫
اللقب:	عضو فخري ♪ مُخْمَلٍيةُ آلعَطّآءْ ♦

البيانات
التسجيل:	Mar 2010
العضوية:	157123
المشاركات:	30,194
الجنس	أنثى
معدل التقييم:
نقاط التقييم:	13523

االدولة

مدونتي

الإتصالات
الحالة:
وسائل الإتصال:

كاتب الموضوع : ♫ معزوفة حنين ♫ المنتدى : القصص المكتمله

~ | الهمســـــــة الثــــامنة |~

\\

فجــــر

،

فــ هالشهر اللــي طاف تعرفت اكثر ع الشباااب..

كلهم طييبيين ويونسوون..كانوا ينسوني همــــي ..

اذا كنت زعلانة وشفتهم...اضحك..

احسهم اهـــلي اللي فقدتهم..

كلهم متعااونين ويحبون بعضهم البعض..!

,

في هالشهر تدربنا واااااايد..كان التدرييب مكثف علينا..

والشباب تحسن لعبهم..

امس ابرااهيم ياا عندنا..وقال ان عندنا بعد يومين مبااراة ودّية ....!

جفتو كيف..؟

ماا قال لنا من قبل عسب نستعد..فاجأنا كالعاادة..

الشبااب عصبوا..وتموو يتحرطمون..لكن ما باليد حيلة..

زين انه قالنا..عادي اتوقع منه في نفس يوم المباراة يقولنا..!

والصدمة الثانية للشباب..

انه فريق النسر..وهالفرييق ماعرفه..لكن ع قولتهم..انه فريق قـــوي..ولا يستهاان فيه..

هههه حسييتهم كانوا بينجلطوا من الخبر المفجع قولتهم..!

لكن قبل ما يروح ابراهيم ..وعدهم بحفلة ما شافوها فـ حياتهم اذا فازوا..!

,

الحينة عندنا بريك..مسكت غرشة الماي بطلتها وشربت منها..

مسحت جبيني بالفوطة اجففه من قطرات العرق..

سمعت فهد وعمر يتناقشون عن المباراة..

عمر بحالمية : فهوود تخيل لو نفووز..؟! ههههه احس ما يلييييق..اصلن بتصير صدمة للجميييع..!

فهد: ههههه هيه والله..بس مسود الويه المدير يالس يغرينا بالحفلة اللي بيسويها اذا فزنا..! هه عاارف ان نحن ما بنفووز .. يغاايضنا..

قربت منهم وانا مبتسمة..

عمر : ياخي ماتدري شكثر اكرهه..

فهد : هه يعني اانا اللي احبه..؟! لا هوو ولا هذاك الزفت الكابتن..

قلت وانا مبتسمة: فهد..انت تبا تفووز..تبا الحفلة..؟!

فهد يتنهد: والله يااليييت..احس ونااسة..كل الفرق اللي تفوز يسوون لهم حفلة..ويستاانسون فيها..اما نحن نطاالع فيهم شراات الاغبياا المسااكين..

ضحكت: ههههههههههه..حلييلكم والله..

فهد طالعني بنص عين : يعني انت مب ويانا..؟! ولا متبري مناا..!؟

كتمت ضحكتي : لااا افاا منوو قاال..؟ بس صدق تبوون تفووزون..؟! تبوون الحفلة..؟ تبوون كل اللي يستهين فيكم ينقهروون..؟!

جفت باقي الشباب تجمعوا حوولنا..

قال عمر : اكيييييد نبااا....بس كييييف نحن مااا نقدر..! انت ما تعرف نادي النسر..!

طالعت في الكل اتريا ردهم..

كلهم يبووون..لكن مصاابين بالاحباااااااط..!

قلت بحمااس: مافي شي اسمه مانقدر..انتوو ما تدربتوااا هالشهر..؟! انتوو ما تعبتوو.؟ تبوون الكابتن يزييد التدريباات عليكم اذا خسرتوا..؟!

: لاااا..بــــس....

قاطعتهم بتحـــدي: عيل..يااااا النسر...ياا الصقــر..وبنشوف منو يهزم الثااني..!!

شفتهم تحمســــوا..ورجعت ثقتهم فــ نفسهم..

وكلهم ركضوا للملعب يدربون ..حتى قبل ما ينتهي البريك....!!!

\\

شهـــرزآد

،

قلبـــــي وقف..اللي اشوفه صدق..؟! سليــــمان..؟! بسم الله الرحمن الرحيم..غمضت عيوني برعب..ياارب يكون حلم..يااارب..

لكن سمعت صوته الكريــه ينطق باسمي..

شفته يتجدم صوبي..مسكني من ذراعي بقووة..شفت امي..وخواني يطالعون برعب ..

همست بضعف له : هدني..مب وقته..يوم نظهر سووي اللي تبااه..

لمحت ابتسامة سخريه مرسومة ع ويهه..لكن ترك ايدي..وهذي اول مرة يسمع فيها كلامي...!!

ودعت امي بنظرة..وابتسامة الم.. جفت دمعتها تنزل ع خدها...صديت بسرعه مابي اشوفها..

ظهرنا انا وسليمان..

دزنــــي داخل السيارة بقوة....ارتجفت..

الله يستر..مااادري شو بيستوي....مادري منوو اللي قاله..؟! لايكون الدريول..؟

اخااف يكون عرف عن شغلي...؟! اسميني اليوم بنذبح انا واهلي..

قال بصوت المرعب للدريول: تحــــــــرك...!!

بعد ما ظهرنا من قريتي...

قالي بنبرة كلها استهزاء : عندج موعد مهم اليوم هااه..؟! هه..كنت شاااك فيج اصلا...وطرشت حد وراج يشوف وين انتي سايرة.."رص ع ضروسه وبنبرة تحذيرية " انتبـــــــــهي تستغفليني مرة ثانية...فااهمة...!!!!

انكمشت ع روحي..ارتحت شوي..من كلامه واضح انه بس اليوم تتبعني..

الحمدالله..

جفته يربت ع كتف الدريول...اللي من اول ما ركبنا وهو خااايف..مسكييين كآآسر خاطري...ورطته معاااي..

قاله : سووق ..سوق..حســـابك عندي عسير..!

,

وصلنا..

اول مادخلت الفيلا...مشيت بسرعه بسير جناحي..لكن حسيته مسك ايدي بقوة..وفرني صووبه..

تسارعت انفاسي بخوف..حاولت ما ابينه..

قالي: انتي ليـــش راسج يآآبس..؟! ليش ما تفهمييين..؟! تبيني اذبح امج واخوانج بعد..؟

ارتعشت من الفكرة..!

قلت بقوة مزيفة : وبعديــــن..؟! ذبحتــهم وبعدين..؟ تذبحني انا..؟! انزين اختصر الطريق...هذي انا جدامك..؟!

رفع حاجبه : يعني عادي عندج اقتلهم...؟!

طالعته بتحدي : في الاخيير كلنا خسرانين..بس انت بتكون خسارتك اكبر..!

فاجأني بضحكته : ذكـــية..! بـــس..منوو قالج اني بذبحج..؟! عادي اقدر استفييد منج باشياء وايد..!

كشرت....لكن فجاتني ملامحه اللي تحولت لوحش مخيف..

لف ذراعي ع ورا..

غمضت عيوني بألم...

اطلقت صرخه خافته : آآآه..

قال : شهــــرزاد ..لا تحطــــين راسج براســـــي...لا تحسبيني بتغاضى عن تصرفاتج...!

شد ذراعي بقوة..صرخت بالم...حسيت ذراعي بتنجلع..عقب تركني..

ركضت صوب جناحي..ارتميت ع السرير واطلقت العنـــان لدموعي..

,

بعد ما طلعت كل اللي فـ خاطري..حمدت ربي..صحيح ان اللي صار خرب كل شي..بس ع الاقل استمتعت بشوفه اهلــــي..وسليمان توقعته يسوي شي اكبر من جذي..الله يستر بعدني مب مطمنـــه..

\\

بعد مرور يومـــين

\\

فجـــــر..

\\

اليوم هو موعد المباراة المنتظر ..!

رسمنا الخطة اللي بنمشي عليها....

وكلنا دربنا عدل..مع اني احس في شوية توتر بين الشباب..

بعد نص ساعه بتبدا المباراة..

الكراسي بدت تمتلي بالجماهير........لا يغركم...مب جمهوورنا خخخخخ..

جمهوور الفريق الثاني...مشاءالله والله لهم شعبية كبييييرة...!

صديت ع الكراسي اللي المفروض تكون لجمهورنا..

هههههه غمضت عييني مابي اشووووف..والله تووحفه فريقنا..

تخيلوو انه سييد واحد الجمهوور..ههه..!!!!

فهد ومايد يسوون تمارين التسخين ويا بعض..

سمعت مايد يقول: شف شف...مالت بس....فرق بين جمهوورنا وجمهوورهم..هذيلاك مسوين عـــــرس ..يطبلون ويغنوون...انت شوف هذيلا بس..تقول يايين عزااا..! كل واحد متربع وحاط ايده ع خده وماد بوزه شبرين..

فهد : هه ويااااليت جمهووور ....الله يخلييك كل هذيلا اهلنا...وبالغصب خليناهم يقعدون هنيي..ولا خاطرهم اصلن يشجعون الفريق الثااني..

انا من سمعته..نقعت ضحـــــــك...

طالعووني بنظرة..خلتني اكتم ضحكتي..

تكلم خليفة اللي كان يسمع : مااا عليكم..بعده وقت ع حضور الجمهوور..ع بداية المباراة بيزيدووون..

طالع جاسم فــ عمر : هذا اونه يشجعنــــا..؟!

عمر يبتسم : والله حسييت..كل مباراة نفس الكلام...

جفت خليفة يعقد ذراعه جدام صدره..

قال : وليش ان شاءالله ما تشدون حيلكم وتفووزون ..وترفعون راس جمهوركم..؟!

حميد هز راسه بملل: صح صح كلامك...

علي ابتسم ع كلام حمد: يلا شبااب بسرعه سخنو..وشدوا حيلكم في المباراة..

سالم بتشجيع : هيه..خلينا نفاجئهم..مب مهم الفوز...اهم شي نحن نشد حيلنا ونسوي اللي مطلوب منا نسويه..

ناصر يؤشر : شوفوهم..وصلوااااا...

,

بعد مرور بعض الوقت..

كلنا بدلنا ملابس التدريب..و تجهزنا...ظهرنا جدام الجمهور ونحن صافين طاابور..

عقب ظهر الفريق الثاني..

ووسائل الاعلام تصوور..وتصوور..بدييت احب اني اكون لاعبية كرة قدم..

حسيت عمري مشهوورة ..خخخ...

عقب وقفنا في النص متراصين.... وبداا النشيد الوطني..

انشدنا بحمااس..

عقب النشييد..تصافحنا ويا الفريق الثاني...

,

وقفت و مجابلي كابتن فريق النسر وبينا الحكم..

كان يطالعني بغرووور...انقهرت من نظراته..حسيته متصغرني..او ان نحن مب قد مستواهم..

تذكرت كلام الشباب عنه...خقااق..وكريه..

خيّرنا الحكم عن اختيار اي جهة من القطعه المعدنية..

اختار كابتن النسر..وانا الجهة الثانية..

رمـّى الحكم القطعه المعدنية فووق...عقب مسكها بايده...

وكانت ع جهتي..

يعني فريقنا اللي بيبدا في اللعب..

,

وقفت في النص وعدالي سالم..وجدامنا الكوورة..

اول ما صفّر الحكم بداا اللعب...

ونفس الخطة...كل واحد كان في موقعه المحدد...

ركضت ومعااي الكوورة....جفت لاعب من الفريق الثاني ..يتجدم صووبي...

مررت الكوورة بسرعه لساالم....اللي كان يركض وحاول يعدي اللاعب اللي جداامه..

عقبها شاتها لحميد...لكن حميد ما لحق ياخذها...لان لاعب الفرق الثاني سبقه..

وراح يركض للتجاه المعاكس لنا..

مررها للاعب من فريقه....واللاعب يمررها لثاني..

الشي اللي يميزهم سرعتهم...!

شفت علي...خذ الكوورة عن اللاعب...

عقب مررها لخليفة الل كان قريب من عمر..وشاتها له..

ركض عمر..وهو يعدي اللاعبيين...

عقب خذها سالم منه..

انا كنت تقريبن قريبة من المرمى...

بعد ما خذها سالم الكورة....مررها لفهد....اللي مررها لي...

عاد هني انا اغتنمت الفرصة وركضت باسرع ما عندي للمرمى..!

سمعت صوت الجمهووور يزداااد...والتشجيع والاصواات تعــلى....وانا ازيد من سرعتي...

شووت الكوووورة باقوى ما عندي صوب المرمى..................لكن في العاارضة....!!!!!!!!

طالعت منصدمة....كنت بدخل قووووووول.....مسحت ويهي اهدي عمري من القهر..

و اصوااات المشجعيين المحبطة توصلني...

\\

في مكان آآخر...بالتحديد...أمــام شاشة التلفاز..

حيث الاخوة المتحلقين امام الشاشة..و ويتابعون المباراة بحماس..

صقر: هههههاااااااي مصخرة...

شهاب : هيه والله.....

عادل: والله وتطورا...صاروا يعدون منطقة الجزاء...!

شهد المستلقية على الاريكة: ههههههههههههههه...

اقبلت وهي متحمسة...نظرت الى اخوتها....وضعت يدها حول خصرها..

مريم : لييييييييييش ما قلتوولي ان المباارااة بدت.....؟؟!

لمار وهي تاكل الفشار : تعاااالي والله فااااتج....شووفي فريق الصقر..هههه ما اتابع الا مبارياتهم عسب اضحك ع لعبهم..والله يونسوون..

شهد: لاااا تعالي شوفي اللاعب اليدييييد....مشاءالله علييه..يـــنن..

تقدمت مريم واخذت الفشار من يد لمار بسرعه....ثم ارتمت على الاريكة المجاورة..

في التلفاز...المعلق: فارس محمد...الـ...

لاعب يديد انضم لنادي الصقر..يقال ان مستقبل الفريق بيكون ع ايد هاللاعب..!!

شوو رايك استاذ رائد بهالكلام..؟!

الاستاذ رائد : والله ...انا اول مرة اشوفه يلعب...بس بصراحه مستواه جيد جدا..والدلييل انه كان بيدخل هدف في الدقائق الاولى لولا انه ما حالفه الحظ...؟!

ومستوى لعيبة الصقر بشكل عاام اشوفه تحسن واايد عن قبل..؟!

( اعادت الكاميرا..ركلة فارس...ومن ثم وجهت العدسة نحوه.. )

بينما مريم كانت تضحك مع لمار....انمحت ابتسامتها بالتدريج..وهي ترى الشخص الظاهر على التلفاز..

دققت كثيرا....لعل ذاكرتها تسعفها ...

فجاة..اكتست ملامحها الحزن..لذكرى رفيقتها المرحومة..!!!

همست : الله يرحمـــج يا فجر...!!!!!

نظرت اليها لمار باستغراب: فجــر..؟!

نظرت اليها بحزن : واايد يشبه فجر....ذكرني فيها..

اعادت لمار نظرها الى الشاشة..ثم قالت : هيييه واناا اقوول منوو يشبه..!

\\

\\

فجر....

جفت لاعب النسر خذ الكوورة من ناصر...ويركض صوب مرمانا..

المرة الاولى خليفة شات الكوورة بعيد عن المرمى..لكن الحينة لا خليفة ولا حمييد قريبين من المرمى....ومادري اذا جاسم بيقدر يصدها اولا...

اللاعب مررها لكابتن الفرييقين...كانوا يشتتون جااسم...

وفجاة....ما سمعت الا هتااااااااف المشجعيين.." قوووووووووووووووووووووول"

هــــــــــدف....!

,

ردينا نكمل اللعب...

لازم نسجل هدف التعاااادل..!

شفت اللاعبيين شاديين حييلهم..ويحاولون يسجلووون اهدااف...

لكن...............!

هدف اخر اخترق مرماانا..؟!!!!!!!

هنــــي..حسيت الفريق بداا ينطفىء حماااسه..

واللي انقذنا.....صفّآآرة الحكم...!

,

قعدنا نستريح..ونجدد نشاطنا..

وكابتن يوسف..غير الخطة..وقاعد يفهمنا..

وصوب الكراسي...شفت ابرااهيم..وهذااك اللي يوم قص شعري ابرااهيم هو اول من شافني..؟! مممم شو كان اسمه.... اظن سلطان..؟!

وبعد في واحد عداله بس اول مرة اشوفه....كانوا يطاالعوني بنظراات خرعتتني..!!

,

بدا الشوط الثاني...

والشبااب في قمة نشاطهم وحمااسهم...

ومقررين ياا ييبون التعاادل..ياا يفوزوون..!

.

لعبنـــا...وهالمرة بقوووة.....بس هالمرة حسيت الفريق الثاني مستخف فيينا..

يعني سجلوو هدفين ما نقدر نفوز عليهم...!

بس نحن بنرااويهم منهم الصقووور..

عشـــنا..خخخخ..

,

مشينا بالخطة بالظبط....

انا حطوني قريب من المرمى....

شفت سالم يمرر الكوورة لفهــد..ومن فهد لعمر....اللي عطى الكور لعــلي..

هني..بتبدا خطتي انا وعلي..وهي تشتيت اللاعبين..

في منطقة الجزااء...انا ع صوب اليمين وهوو اليسار...

اللاعبين كلهم تجمعوا حول علي عسب ياخذون الكوورة...

اوهمهم انه بشوووتها...لكن فجاة شاتها باتجااهي..

وانا بدووري...ركلتها باقوى ما عندي..

وو

قووووووووووووووووووووووول...

,

وناااااااسه..كلهم ركضوا صووووبي...وحييوني..والجمهوور التعيس..استاانس اخيرا..! هههههه...

اما الشباب..اللي يلعب فـ شعري ويخربه..واللي يضرب كف بـ كف...واللي يكفخني آآخ..ويكسر عظاامي..>> من الفرحه..خخ مسامحتهم..

اما فريق النسر..حسيت من نظراتهم بياكلونها....احسن..اننننننااا...

,

ردينا للعب..

كم من محاولة منهم يدخلون هدف..لكن نحن سوينا حراسة مشددة ع المرمى

و نحن واايد ضاعت منا فرص..

باقي ع انتهار المباراة عشر دقاايق..

حسيت ان فريقهم..يركزون علي اناا..

فاضطرينا نستخدم الخطة الاحتياطية..

,

بسرعه غيرنا الخطة..

وعند مرماهم... الكوورة ويانا...

انا وعلي وسالم وخليفة..متوزعين حول منطقة الجزااء...

كل واحد كان يمرر الكورة للثاني...اليين ما حسيت طفرا صدق مناا..

وبدووا يعصبون ونحن راايقين رغم تعبنا..

لكن كنا نظحك...

خليناهم مصخرة..

الكابتن سار صوب سالم اللي كانت وياه الكوورة..

كان يبا ياخذها..

مررها لعلي..

ركضوا اللاعبي صوب علي الواقف..

خخخخ مررها لي..

طالعوا فيني بقهر...

سويت حركة انه ما يخصني..

مررتها لخليفة...اللي فاجاهم..وركض صوب المرمى..

وووو...قووووووووووووول...

" صفّــــــــــر الحكم "

كلنـــــــــا ركضنا صوب خلييفة...وناقزنا من الونااسة....

بالرغم انه تعااادل...

الا ان كلهم استانسوا..حتى ابراهيم ويوسف وستيفن شفتهم مبتسميين..

اداء الشبااب كاان واايد متحسن...

اما فريق النسر..

مافي داعي اقولكم عن اشكاالهم ...

سرنا كلنا صوبهم...مديت ايدي للكابتن بود..

قلت بمزح : مبرووك علينا التعاادل..

جفته يطالعني باحتقار وما مد ايده: ما تنلامون..مب شايفين خير..مستاانسين ع التعادل اللي يشوفكم يقول فزتوا...." صد عني ومشى " آآخر زمن....فريق الصقر يدخلون اهدااف عليينا...!!!!!!!!!!

،

بعد اللقاءات التلفزيونة وياا الشبااب...طبعن انا مارضييت..بصراحه استحي..وماعرف شوا قول يعني...بعدني مب متعوودة..

تلقينا التهااني من جمهوورنا السعيد ههههه اللي كان تعييس...!

وبعد ما كل الجماهير ووسائل الاعلام رااحت..

قعدنا في غرفة التبديل..

تمينا..نسولف عن المبااراة..

ع قولت الشباب..احلى وامتع مباراة لعبوها فـ حياتهم...!

ونحن نسوولف...سمعنا حشره برااااا...

واغااني وساالفه..!

كلهم ظهروا بسرعه براا ..وانا لحقتهم..

سمعتهم يصارخوون بونااسة واللي يصّفر واللي يصفق..

تجدمت اشوف شو السالفه..

جفت منصة صغيرة..بنص الملعب...

وفي نصها..

مغنيــــــــــة...تغني وترقص..!!

,

قرب صوبنا ابراهيم ووياه هذاك الشخص الغريب..وكابتن يوسف وستيفن..

ابراهيم مبتسم :هاااا شوو راايكم بالمفاجاة...مع انكم ما فزتوا...لكن لعبكم الكل مدح فيه...! غير انكم كنتوا شادين حيلكم الفترة المااضية..

فهد مصدوم : هـ..هــ هذي الفنآآنة شهــرزااد....شهرزااد....!!!!!

عمر اللي مصدوم نفسه : كيف..؟! كيف قدرت تييبها..؟!

ناصر : والله انك مب هيّـــــن...!!

ضحك ابراهيم بضحكته اللي اشمأز منها : انا كل شي اقدر اسويه..

ماااالت بس....خاطري بس ادووس ببطنه..

قدم لنا الريال اللي وياه..

ابراهيم: هذا سليمان...مدير اعمال الفنانة شهــرزاد..

,

تعرفوا الشباب عليه وتكلموا وياه...وعن هذي شهرزاد..!

,

عقبها كلهم توجهوا حول المنصة مستانسين...

قربت منهم مع اني متضايقة..من ابراهيم ومن هذا سليمان اللي وياه..

مادري هو يعرف اني بنت..؟!

اتوقع هيه..من نظراته اللي تتفحصني..!

,

طالعت في المغنية اللي ترقص..

تاملتها..لابسة فستان طويل لونه احمر..ظهرها عاري...وفيه فتحه توصل لفوق الركبة..مظهره ريولها النحيلة منه..

بصراحه اشمأز من هالاشكاال..

طالعت في الشباب كيف مندمجين ويطالعونها....!!

ويرددون وراا صوتها العذب..اغانيها اللي شكلهم حافظينها صم...!

وصوت تشجيعاتهم لها..

طالعت ويهها اللي مغطيه هالكومه من الالوان....

طالعت فـ عينها...تأملتها..احس فيها بريق حزن..

ابتسامتها مب طالعه من قلبها..؟!

حركاتها متصنعه..!

شفت الشباب...احس محد انتبه لها..او يمكن متعودين عليها..؟!

نظرت لها بحزن...مادري يمكن معاناتها نفس معاناتي..

مع اني احتقرها...!

احتقرها..؟!!!!!!!!!!

هه والله انج تضحكين يا فجر..؟!!!

تحتقرينها..؟! ليش انتي شوو..؟! ما شفتي عمرج قبل.؟!

..

ردييت التفت لها..ابتسمت بحزن ع حالي..

شفتها تطالعني ومركز عينها علي...ردت لي نفس الابتساامة..!!!!!!!!!!

عقب صرفت نظرها عني..

~ | نهــاية الهمسة الثـــــامنة |~

15-09-11, 08:36 AM

المشاركة رقم: 17

المعلومات
الكاتب:	♫ معزوفة حنين ♫
اللقب:	عضو فخري ♪ مُخْمَلٍيةُ آلعَطّآءْ ♦

البيانات
التسجيل:	Mar 2010
العضوية:	157123
المشاركات:	30,194
الجنس	أنثى
معدل التقييم:
نقاط التقييم:	13523

االدولة

مدونتي

الإتصالات
الحالة:
وسائل الإتصال:

كاتب الموضوع : ♫ معزوفة حنين ♫ المنتدى : القصص المكتمله

~| الهمســـــة التــــــــاسعه |~

شهــــرزاد..~

ما تدروون كيف مقهوووورة من سليماان...من رديت من عند اهلي..وهو معذبني نفسيــا...خاايفة ع اهلي واااايد..ادري انه يتريااا غلطة وحده مني...! وبينفذ تهديده اللي كل يوم يسمعه لي...

واللي قاهرني زيادة هالحفلة الغبية..!!

اللي يقوول فاازوا...شادين حيلهم ويبون حفلة..؟!! ماالت بس..

,

لمحت لاعب منهم.. بس حسييته مب متحمس شراتهم...

كنتي اغني..وكل شوي اطاالعه..

ملامحه بــريئة...نظرته لها معآآني..

جفته سرح وهو يطاالعني...مادري ليش حسيت نظراته مشفقة لحــالي..؟!

ابتســم لي بحـــزن..رديت له نفس الابتساامة بالم اكثر..

..

عقبها ابتعد عن المكان..

لحقته بنظراتي لين اختفى...

,

خلصت من الاغنية...قعدت استريح ع الكرسي القريب..

و المتخلفين هذيلا..سارو ياكلون..مسوين بوفيه صغير..ههه لو فازوا شو بيسوون؟

,

جفت كم من واحد ياي صووبي..

فهد: آآآآآآآآآه بعدني مب مصدق اني اللي جدامي شهرزاد..!!!

طالعته باحتقاااار..

انصــــدم.....!

عمر: شهــرزااد...خل نغني ونرقص وياا بعض..تراا انا عندليب الفريق...

قبل ما اعطيه هذيك النظرة..

دزه واحد ثاني دبدووب..

جـاسم وبايده صحن ياكل منه : لااااا..اول تصوري معااااااي..وعطيني توقيعج..

حميد : لا صدق...غني وياا عموور..والله صووته عذاااااااب...!!

فهد يصفّر باعجاب : هيه...سوو نفس ذيك الليلة اللي غنيتي ويا المطرب سعيد ورقصتي معااه..!

عضيت ع شفايفي بقهر..

بطلت حلجي بطيح فيهم مسودين الويه...لكن سمعت صوت سليمان..

وطالعني بنظرة خلتني اكتم نفسي ..

سليمان: ههههههه..منوو يباا يعيد هذيك الليلة..؟!

جاسم : عمووور..الله يخليك استاذ سليمان..قول لها تغني وياااااه..

سليمان : شهرزاد ما ترفض اي طلب لجمهورها..وهي اكيد موافقة..ولا...؟!

آآآخ يالقهــــــر..!

هزيت راسي موافقة...

و هالسبلان ناقزوا من الفرحه..!

نزلوو الاغبيااا..وبقيت انا وهالعموور..نتفق ع الاغنية اللي بنغنيها..!

قال بحاالمية: لاااا..ابي شرات الغنية اللي غنيتيها ويا المطرب سعيد..!

وانتي تكونين ساندريلا وانا الامير..ونرقص ويا بعض...

طالعت بـ سليمان اللي قاعد ع وحده من الطاولات وكان يطالعني..

رديت عليه وانا احافظ ع ابتسامتي وبنفس الوقت ارص ع ضروسي : طبعن لااا..وععع الله يلوع جبدك..ما تشوف عمرك متسبح من العرق..وتباا ترقص ويااي..؟!!!!!!

لالالا...بنغني غنية "......" وكل واحد برووحه وماله داعي الرقص..

جفته يطالع عمره...عقب مسح عرق جبينه باحراااااج..

قال باحراج : أأ..اووووكي..ع رااحتج....!

قلت : حافظ الكلمات..؟!

قال : مممم لا مب كلها..

قلت: اوكي..بعطيك كلمات مقطعك..

\\

فجر..~

،

دخلت دااخل..وانا رااسي مصدع من الاغااني..

رحت غرفة التبديل..

شفت علي هناك منسدح ع كرسي طوييل..

من شافني قعد..

قلت مستغربة : انت ما ظهرت براا..؟!

علي: لا ظهرت ..بس ما عيبني الجووو ..ورديت هني..

هزيت راسي بتفهم..

يلست ع الكرسي اللي عدال الطوفه وسندت عمري عليه..

قعدت افكر..

ابي اسال هالبنت منوو ابراهيم وربعه..؟! يمكن تعرف شي عنهم..؟!

او يمكن في سر ورااهم..؟!

بس كييف اسالها..؟! ويمكن هي وحده منهم...؟!

افففففف..

.يااااربي..بمووت لو ماعرفت..

احيانا..افكر اروح ابلغ عليهم الشرطة..بس...مادري اخااف..

لان احيانا اجوف حد يراقبني..؟!!!

فماقدر اخذ حريتي..

غير ان ابراهيم هددني لو رحت للشرطة..!

بس لااازم اكلمها...!

بس كيــــــــــف..؟!

تنهدت..؟

جفت علي رافع حواجبه : شوو سبب هالتنهيدة..؟!

هزيت راسي بمعنى مافي شي..

علي: شو اللي مافي شي..؟

لمحت كابتن يوسف دخل ..واقف عند الباب..ويطالعنا..سويت روحي ما شفته..

قلت : لا بس رااسي يعورني..

هز علي راسه بتفهم..وشكله لمح الكابتن بس ماالتفت له..

قال: انزين رد البييت ...ارتااح..

قلت : بعد شوي برد..

،

التفت لكابتن يوسف اطاالعه برود..رد لي نفس النظرات...

قــــهرني ..خااطري اكفخه..خقاااااااااق..

،

بعد مروور الوقت...حسيت الاجواء براا هدت..

وقفت..

ظهرت من حجرة التبدييل..وسرت براا صوبهم..

شكله خلص حفلهم ..!

الشبااب يالسين ياكلوون ويسوولفون..

وابراهيم و ربيعه سليمان وكابتن ستيفن وياا بعض يتكلمون..

..

التفت ادوور البنت المغنية..؟!

شفتها قااعدة بعييد عنهم و تشرب عصير..

ترددت اروح عندها..؟!!

رديت اطاالع فيهم..محد منتبه..

,

مشيت ببطىء صووبها..

وقفت جدامها..

قلت بهمس : ممكن اقعد...؟!

شفتها تطاالع فيني..عقب هزت راسها بـ " هيه "..

يلست قريب منها..

علقت نظرااتي في الارض..

ماعندي كلام اقولها..

اما هي حسيتها كل شوي تطالعني..

،

بعد مدة..تشجعت وتكلمت..

قلت: أأأ..مم...ابي اقوولج شي...بس....بس..ابيج توعديني اول انج ما تقولينه لحد..

قالت وهي مبتسمة : لا تخاااف..قول..اوعدك ماقول لحد...

ياااربي ..اقوول ولا مااقووول..؟!

والله اني خااايفه لو يدري ابراااهيم...

قالت تشجعني: قوووول..انا وعدتك..

طالعتها وانا مرتبكة: مم ابي اسالج سؤال..يعني قولي فضوول..

سليمـــان..اللي وياا ابــرا....اقصد ويا المدير..منوو هذا..؟! أأأ..مم..

مادري شوو اقوولها بالظبط..؟!

سكت..هي ما تعرف شوو ابي بالظبط..ابي اعرف ابرااهيم ويا هذا سليمان..منوو هم..؟ لاني احس ابرااهيم وكل اللي يعرفهم..ورااهم غمووض..وابي اعرف ولو شوي عنهم..

طالعتني تتريااني اكمل..شافتني مرتبكة..وماقدر اكمل..

رفعت راسها فوق ..تنفست بعمق..عقب زفرت بضيق...

تكلمت بصوت هادىء : خذني من وسط اهلي..انتزعني من حضن امي...

.خذ مني روح ابويه....وو برضاي بعد..

ارواح امي واخواني بايده..متى ما يبا يذبحهم بيذبحهم..!!

بعد من خذني..حولني من بنت من اسرة محافظة،..الى فااسقة..مغنية..راقصة..!!

وو..غصبن عني بعد..

حرمني من شوفة امي..مثل ما حرمني من شوفة ابوي..!

مادري شو بالظبط تبيني اوصف لك عنه بالظبط..

لكن هوو.. وباختصاار.. " وحش في هيئة انســــان "

وحش في هيئة انســــان

وحش في هيئة انســــان

وحش في هيئة انســــان

هذي الجملة اللي ترددت في رااسي..!

معقـــولة..اللي يالسة اسمعه...؟! بعدني مب مستوعبة اللي قاعدة تقوله..؟!

الحينة هذي..شهــرزااد..اشهر مغنية...وراها سالفة...وبعد مب اي سالفه..

ما توقعت انها تقولي كل هذا..!

توقعت تقول ماعرف..هو مدير اعمالي وبس..او تكون مخدوعه فيه..؟

،

التفتت لي..ومسحت دموعها باطراف اصابعها..

كملت ...

قالت لي كل شي..كل شــــــي..

طالعتها بخوف من اللي اسمعه..

حسيت حالتها اسوأ بمئآآآآت المرات من حــآلتي..

نقلت نظري صوب ما ابراهيم وسليمان قاعدين..

يتلي قشعريرة..

مادري شوو مصيري بيكون..

مثل ما توقعت ابرااهيم مب هيّن ابدن...ابراهيم وسليمان و يوسف كلهم مجرمين..

همست : مجـــرمين..!

شهرزاد : ليش تبا تعرف عن سليمان..؟! وشو سالفة ابراهيم مديركم..؟

طالعتها بحزن : لان نحن الثنتين طحنا في ايد نــاس ما ترحم...!

طالعتني باستغراب : " الثنتيـــن "....؟؟!!

غمضت عيوني ...

وسردت لها قصتي..

: انا فجر..عمري 18 سنة...بنية.." شفت نظراتها المستنكرة " فقدت اهلي من 8 شهور..كيف وليش..؟ مادري..اللي اذكره..انه صار لنا حادث واحترقت السيارة..

بس انا قذفتني السيارة بعيد قبل ما تحترق..

اخر شي سمعته صرخت امي بــ " فجـــــــــر " واللي عرفت عقب انها احترقت مع ابوي في السيارة.." سكت..ابلع غصتي "..

اللي انقذني..وبنفس الوقت موتني..هو نفسه ابراهيم.......( وكملت لها قصتي )..

طالعتني مصدومة..في البداية ما صدقتني..

لكن شوي شوي..بدت تصدق كل اللي قلته..

،

حطت ايدها فوق ايدي...تواسيني..

حطيت ايدي الثاني بعد فوق ايدها... نواسي بعض..!

\\

علــــي..~

،

وقفت..وخذيت شنطتي..برد البيت..

ظهرت براا غرفة التبديل..بسال فارس اذا يباني اوصله البيت او لا..لان ما عنده سيارة..

تفاجأت بالكابتن يوسف..متسند ع الطوفه ويرمس في التلفون..

من شافني بند...وقرب صوبي..

عدل نظارته اللي ع عينه...وطالعني..

قال: بترد البيت....؟!

قلت: هييه..

قال: ليش ما ييت تحتفل ويا الشباب..؟

قلت بملل : مالي خلق..

رفع حواجبه ...جفته كان بيكمل سوالفه وياي..بس صديت عنه..وسرت ادور فاارس..

جفته قاعد ويا المغنية ....!!!!!!

شوو يسوي..؟!

لا وحاط ايده ع ايدها..؟

سرت صوبهم قبل ماحد ينتبه..

من جافني وقف وياا صوبي..

قلت بهمس : انتبهــي لتصرفااااتج..تراا انتي بنظرهم ولد..!

هزت راسها وكانها توها تتذكر..!

طالعتها..

منزلة عيونها...حسيت جسمها فيه رجفه..

طالعت فــ " شهرزاد" اللي من شافتني اطالعها نزلت عيونها..

؟؟؟؟؟؟

فييه شي..؟!

جفت الكابتن يوسف يقرب صوبنا..

اففففففف...هذا شفييييييه...؟!

قال وهم مبتسم على غير العادة : اشووف كونتوا صدااقة ....فارس و شهرزاد..!

فاجأتني شهرزاد يوم ابتسمت..توها كانت مبوزه..!!

فارس ابتسم ببرود لـ كابتن يوسف..واشر عليه وهو يكلم شهرزاد : هذا مدرب الفريق ...كابتن يوسف..

شهرزاد مبتسمة : تشرفنا..!

لحظة صمت..

قطعتها : فاارس بتيي وياي اوصلك..؟!

قال : هيييه..يزااك الله خيير..والله جسمي متكســـــر..! مافيني امشي لين البيت..

بسير ابدل وبيي..

،

دقاايق..ورد فاارس..

ظهرنا من النادي وركبنا السيارة...

,

قلت : فجــر..؟!

انتفضت...قالت بهمس : لااا تقول فجر...الله يخلييك..!

طالعت فيها ..مسكينة والله..خاايفة اغلط جدام حد واقولها فجر..!

شفتها ترتجفت..!!!!!

مسكتها من كتفها اهزها..

علي: شوو فيج....؟!!!!!

طالعت فيني بخوف : خـــآآآآآيفه..خــآآيفه وااااااااااايد..

قلت مستغرب : خاايفة من شوووو...؟!

قالت : من....من كل حد..من ابراهيم..ويوسف ..وستيفن...وحتى سليمان هذاا..

قلت مستنكر : شوو الساالفه...؟! وليش خاايفة منهم....؟!

انفجرت تصييييح...وتصييييح..وتصيييييح...!!!

وقفت ع جنب..بعد ما تاكدت ان مافي حد كان يراقبنا..

خليتها تصيح ع راحتها..يمكن ترتاح..او يروح الخوف اللي فيها..

،

بعد مدة هدت....

وو

قالتلي كل شي...!

عرفت سبب خوفها..

انا خفت عليها بعد...لان ابراهيم وشلته..ناس مب عاديين ابدن..

مجرميــــن..!

قلتلها بشتكي عليهم..ترجتني..وترجتني..وترجتني ماقول لحد..!

اخر شي رضخت لها..

في النهاية هي ما تثق الا فيني..!

بس ...هل بقدر اشوف انسان يتعذب واسكت...؟!

ماادري..!

انا بروحي مادري شو اسوي...؟!

،

وصلتها بيتها..

وعقب رديت بيتنا..

\\

~| نهــــاية الهمســــة التــاسعة |~

15-09-11, 08:37 AM

المشاركة رقم: 18

المعلومات
الكاتب:	♫ معزوفة حنين ♫
اللقب:	عضو فخري ♪ مُخْمَلٍيةُ آلعَطّآءْ ♦

البيانات
التسجيل:	Mar 2010
العضوية:	157123
المشاركات:	30,194
الجنس	أنثى
معدل التقييم:
نقاط التقييم:	13523

االدولة

مدونتي

الإتصالات
الحالة:
وسائل الإتصال:

كاتب الموضوع : ♫ معزوفة حنين ♫ المنتدى : القصص المكتمله

~| الهمســـــة العــــآشرة |~

،

بعد يومين

،

شهــــــرزاد ..~

\\

مادري شوو اقوول..
واااايد تاثر من اللي صار لفجر..حمدت ربي مليون مرة..
ع الاقل انا عندي اهل..
هي ما عندها..؟!
وبعدين اللي ما يتسمى هذا ابراهيم واااايد عذبها ونكد عليها عيشتها...!
صدق اللي يشوف مصايب غيره تهون عليه مصيبته..
حبيبتي ..
الله يكون فـ عونها..
،

هاليومين واايد تمردت ع سليمان..حقدت عليه وعلى ربعه المجرمين..
كل ما يقولي سوي شي.اعاانده..
شوو يعني لين متى بتم ع هالحال..
حتى شغلي..طلبت منهم يعطوني اجازة لين ما تحسن اوضاعي..
وحلييلهم واافقوا ...!!

,

الحينة يالسة افكر...كيف اقدر اروح للشرطة واشتكي...؟!
بس بالاول..لازم اهلي يكونون فـ اماان..!!
بس وين ايييبهم..؟!
,
سمعت تلفوني يرن..!
شليته..شفت رقم فجــــر..! ابتسمت..
من يومين وانا ارمسها في الفون..عطيتها رقمي يوم قالتلي كل شي عنها..!
،
رديت : آآلوووو..
ردت علي بصوتها الرجولي : آآلووو..مرحبااا شهرزااد..
شهرزاد : مرحبتييين فجوور...شحاااالج...؟!
فجر : يسرج الحااال...وانتي..؟!
شهرزاد : مديم حاالج..والله تمااام..
فجر: اشووفج هالاياام فااضية ما ورااج شغل..؟ ولا مرة دقيت ومارديتي علي..!
شهرزاد : واللي يسلمج مسويه اضراب على سليمان..قلتله ما بسوي ولا شي..!
فجر " منصدمة" : من صدقج..؟!!! لا تستهبلييين شهرزااد يمكن يسوي فييج شي..
شهرزاد بالم : خليي يسوي اللي يبااا....لين متى بتم ع هالحاال..؟!
فجر :........
شهرزاد بعزم : انا مخططه اروووح الشرطة واشتكي عليه...
شهقت فجر وقالت بصوت مرتجف : لااااا الله يخلييج شهرزاد لا تتهورييين..!!!! بتموتين قبل ما توصلين للشرطة,. بعدين فكري فـ اهلج..! وشو ممكن يستوي فيهم..!
شهرزاد : لا تخافين..اهلي اول شي بحطهم فـ مكان آآمن..عقب بنفذ مخططاتي..
فجر: .........
شهرزاد : وكذي ما يقدر يسوي شي سليمان..اما اذا يبا يذبحني انا..ف حلال عليه..
فجر بصوت مخنوق : شهرزاد.......مابي اخسرج انتي بعد..! والله حبييتج..واعتبرج اختي اللي ما يابتها امي...، الله يخليييج..ارجووج..تحملي..تحملي..اكيد في يوم بنتحرر منهم..!
شهرزاد بصوت حنون : فجوور حبيبتي...اي يوم اللي تتريينه ايي..؟! انتي ما تبين تعيشين حيااتج شرات الناس..؟! ما تبين تردين بنية ..؟! ماتبين تردين تدرسين ....؟! وتشوفين ربعج..وكل اللي تحبينهم..؟
فجر بالم : اصلا منوو اللي بقى لي...؟!

،

سكت ما رديت عليها..

،
شهرزاد : يلا الحينة ببند..تامريني بشي..؟!
فجر برجاء : الله يخليييييييج فكري........!
شهرزاد: ان شاءالله.....مع السلامة..
فجر : فمان الله..

،

بندت وانا افكر فييها...
منوو يصدق انها بنية...؟
احس بشعوور غرييييب يوم ارمسها في الفون..صوتها رجوولي..بس طريقة كلامها توحي انها بنية..
صدق مجرم اللي سوا فيها كذي..
,
سمعت صووووت حششرة براا..؟!!!!
ظهرت برا بسرعه..
سرت صووب الدري..
طاالعت تحت ابي اجووف شو الساالفه..

,

انصدمت من اللي شفته..؟!
سليماااان وهوو في قمة غضبه..!
وجدامه حرمة مرتمية ع الارض وحاط ريوله فوقها......!

صااااارخ وهوو يدووس بريووله عليها : خليييييها اتيي تجووفج الحقـ*****..يمكن تتادب..!

انتفضت يوم سمعت اسمي..

سليمان بصراخ : شهــــــــــــــرزاد......!

رفع راسه وجافني واقفة في اول الدري..

ابتسم باستهزاء : تعااااالي يا عمري..تعااالي جوفي اللي جنيتي بايدج ع نفسج..!

،
بدااا قلبي يدق بقوووة..
نزلت حبه ..حبه..ع الدري..وانا اطاالع الحرمة اللي طايحه ومنزله رااسها..
بلعت ريجي..
غمضت عيني واحاول ابعد تخيلاتي..!
ياااارب مب هي..ياااااااااارب..

وقفت قريب منهم..
امثل القوة جدام سليمان..

قال : هه....انا برااويج كيف بكسر راااسج هذا..!

مسك الحرمة من رقبتها..
ووقفها بقوة..!
،

تدروووون بشو احس الحينة..؟!؟
اجوووووف الحينة مشهد ابوووي يتكرر جداااااااااامي...!!!!!
بـــــــــس..
على امي..!!!!!!!

،

تاملتها...!
لسااني انربط....!
مادري شووا سوي..!!

\\

و هاهو السيناريو يتكرر امام انظار شهرزاد...

،

تلك المرأة الضعيفة..تنظر الى ابنتها بتقاسيم وجهها المؤلمة..
وذلك عديم الرحمة ممسك رقبتها بقوة..يمنعها حتى من معانقة ابنتها..!
اسرعت ابنتها لترتمي في حضنها...تشبثت فيها بكل ما تملك من قوة..
تحاول منع ما سيحدث بعدها..!
لا تريد ان تفقدها ايضا..!
نظرت امها الى عينيها بأسى..
كانت تريد ان ترفض...ان تتوسل الى ذلك المتوحش..
لكن..
تكلمت لغة العيون..
منعتها والدتها..
لانها....على صواب..

والدتها مستسلمة..
وهي تنتظر بصيص من الامل لكي تنقذها..
ليس لديها الا خيارين احلاهما مرّ...!

كاادت ان تركع عند قدميه..ليترك امها..
توسلت اليه بــ ان يحررها..
و تموت هي...!
نعم..يقتلها..يمزقها..يفعل بها ما يشاء..
الا امها..!

لكنه...ابتسم بابتسامته المرعبة..
و
،
حاول بكل وحشية انتزاعها من احضاان ولدتها..
تمسكت ..وبذلت كل مالديها لكي تبقى في احضانها..!
لا تريد ان تنحرم من استنشاق عبيرها..للابد..
،

صـــــــــــرخت..

ركضـــــــــت..

حاولت ان تتعلق فيها..لكنه ابعدها بكل قسوة...!

رأتها وهي تبتعــــد..
و تبتعـــــد..
و تبتعــــــد..

ولم يبقى سوى طيفهـــــــــا..

صـــــرخت بكل ألـــــــــم....وبعدها اطلقت لدموعها العنــــــــان..!!

\\

فجــــــر ..~

،

ياالسين نتمرن..
و
طوووول الوقت وانا سرحآآآآآآآنة ...
وخاااايفة فـ نفس الوقت..
مااادري شوو اللي بتسويه شهرزااد..
اللي عرفته عنها فـ هالايام اللي طاافت..ان راااااسها يااابس..
واللي فراسها بتسويييه...!

,

يااااربـــــــي..
ابي اعرف هي راحت ولا لا...؟! شوو سوت بالظبط.؟

وقفت من التمرين...
سرت صووب الكراسي..هناك حطيت مبايلي...

,

الكابتن يوسف : فآآآآآآآآرس...!!

التفت بسرعه له..

قال باستغراب: وييين سااير..؟! التمرين ما خلص...؟!

ضحكوا الشبــــاب..
حكييت راسي باحرااااج..

قلت بارتباك : كنت ابي غرشة المااي..

طالعني و ما تكلم..

ردييت اتمرن وياهم..

،

عقب التمرين..
مسحت ويهي بالفووطة اجفف قطرات العرق..

حسيت بحد وقف ورااي..
التفت اجووف منوو..
طلع علي...
واقف متكتف ويطالعني...
طنشته..
فتحته غرشة الماي وشربت منها..
قعدت ارتاح شوي..
وهوو بعده واقف..
رفعت راسي له..

قال: شووو فيك...؟!

طالعته بدون ما اتكلم..
ماادري كيف يعرف ...دووم اذا فيني شي يعرف على طوول.؟!

قال : عرفت..لان اللي فـ قلبك..مطبوع فـ ويهك..!

جفتوو..؟!
يقدر يقراا اللي فـ داخلي..!

قلت : شي مب مهم..
قال باصرار : لا شي مهم..وبتقولينه..
قلت ابي افتك من حنته : عقـــــب بقوولك..
,
شليت مبايلي ورحت بعيد شوي..
دقييت عليها..
انتظرت..
وانتظرت..
ماردت...؟
دقيت مرة ومرتين وثلاث......ولا ردت..؟!
بدييت احاااتي..اكييد صاار شي..؟

تمييت ادوور في المكاان...
شووا سوي..شو اسوي..؟!!

سمعت صفارة الكاابتن..
افف مب وقته ابدن....

،

ردييت للتمرين..وانا نص التمرين اسويه ونصه اتم وااقفه وسرحاانه..!
عقب ما خلصنا..
بسرعه بدلت..وشليت شنطتي وظهرت...
وانا فـ طريقي للبيت..دقييت حق شهرزااد..وبعد ماردت..

جفت سيارة علي وقفت عدالي..
فتح الدريشة وقال : اوصلك..؟!
هزيت راسي بـ لا ..
قلت : مشكوور ما تقصر..

طالعني ...عقب قال : ما بتقووولين..؟!
قلت بضيقة : عقب ما اخلص تمريناتي ويا الكابتن ..تعالي وبنروح مكان وبقولك..

هز راسه موافق ...اشر لي بـ " مع السلامة " وتحرك..

،
اللــيل..
،

مشييت وانا مترنحه..
الله يااخذه ويفكني منه ياااااارب...
ما خلى جزء من جسمي الا وكسره من الضرب..!
كريــــــــــــــــــه..حقــــير..يبااا أي سبب بس عسب يكفخني..

"
: اليوم انتي تعرفين شو سويتي..
انتي بنفسج تبين تنضربين وتتعاقبين....
انا اللي علي لازم اسويه..ابراهيم قالي اذا ما تمرنت عدل..أدبــها..!
( وبدا السوط يرسم اشكال على جسمي )

"

يااربــــي..صدق تعباانة من الخااطر مادري متى بوصل البييت..
ابي انخمــــــــــد وارتــــاح..!

لحظة...!!!
علـــــــــــــــــــــي...نسييت سااالفته..!
ماابيه يجووفني وانا فـ هالحااااله..
يكفي انه جافني مرة..!

،

وصلت البيت..
طلعت الدري بالموووت ..
فتحت الباااااب..
دخلت وبندته من وراي..
مشيت خطوتين وطحــــت...
خلاااص انهد حيلـــــي..! احس ان غرفتي بعـــــــيدة..مع انها بس تبعد خطوتين..!
انجلبت ع ظهري..
وغمضت عيوني..
شكلي برقد هنـــــي..!
,
تذكرت شـــــي...؟! كاني شفت الليتااات مبطله...!!!!!!!
فتحت عيوني بسرعه..
خفــــــــت ..!
جفت ويه علي جدااامي..

قلت بتعب : بسم الله..علي...؟! شو ياااابك هني...؟!

مارد علي..
بس ساعدني اوقف..ووصلني لين السرير..
انسدحت..بس لفت انتباهي شخص ثاالث في الغرفة..؟!
طالعت..جفت وحده لابسة عبااااة وشيلة...؟!
دققت فــ ملامحها..!

شهــــــــــــــــــــــــــرزاد...؟!!!!!!!!

كنت بقوم..ابي اروح لها..
لكن هي بسرعه يت عندي..ومسكتني تمنعني..
مست ايدها بقوووة..

قلت بصوت تعباان ومنفعل : شهــرزااد..انتي..انتي بخيير..؟! وشووو صاار..؟! ولييش انتي هني.؟

تاملت ملامحها ....كانت تصييييييح..؟!
عيوونها منتفخه ..وخشمها احمر..!
طااح قلبي ...اكيييد صاار شي..؟!!!!

بس هي ما ردت علـــي..
تمت تتفحصني منصدمة..!

\\

علــــــــــي..

،

عرفت كل شي من شهـــرزاد..واللي صاار لها..
,
شفت وحده واقفة عند بوابة النادي..
متغطية كااامل ولا ظاهر منها شي..وكانت تسال الحارس عن فارس..!
شفته يعطيها عنوان بيته..
وركبت التاكسي..ولحقتها..
,
عقب اكتشفت انها شهرزاد..
كانت منهاااااااارة..! طلعتها شقة فجر..
وقااالتلي كل شي...!
الله يصبرها ياارب..
،
بس تفاجات من شكل فجـــــر...!
انا توقعت خلاص...ما بيضربها هالحقير..
والله كل وحده حالتها اخس عن الثانية..!
,
رحت المطبخ التحضيري اللي موجود..فتحت الثلاجة..بسوي لها اكل خفيف..
,
بعد ما جهزت اكلها..سرت الغرفة..
شفت فجر يالسة,و شهرزاد حاضنة راسها وتصيح ....
والله حاالتهم صعبــــة..

تقدمت..
حطيته الاكل فوق الطاول القريبة..
بعدت فجر من شهرزاد..

قالت بتعب : ماااباااا علي..والله صدق ما لي نفس.
سويت لها طااف : وين الدواا..؟ اللي هذيك المرة عطاج الطبيب..؟

اشرت لي ع الكمدينو..فتحته..وظهرت المرهم والدوا والضمادات..
خذته مني شهرزاد..

طالعت ف ايدها ورقبتها وريولها...
كلها خطوووط واشكااال ....تشوهت المسكينة...!
ومن كثر الضرب..بعض الجروح تنزف..!!

خليت شهرزاد تداوي جراحها..
,

قعدت في الصاله الصغيرة..
الحينة انا اسير اشتكي علييهم..؟
ولا شووا سوي بالظبط..؟ اتم وااقف و اطاالع فيهم..؟

،

شفت شهرزاد يت وقعدت عداااالي..

قالت : رقدت مسكيينة من التعب..! حبيبتي والله ما تستاهل اللي يصيرلها..! " دمعت عيونها" الله يااااااااخذهم يااارب..الله ياخذ حقنا منهم..
عدلت قعدتي وقلت بجدية : الحينة شو بتسوين....؟
قالت: اليوم ببات هني.., وباجر بسير دوامي..وعقبها بدور لي مكاان اعيش فيه..
قلت بتفكير: لكن سليمان على طول بيحصلج.! افضل اتمين هنيي..محد بيشك انج هني..
ويوم بتظهرين من البيت..بيحسبون انج من اصحااب البيت اللي تحت..!
قالت بتردد: بس...بس اخااف اورط فجر ويااي..هي برووحها مب نااقصة..!
قلت: لا ماا علييج..انتي خلييج هني مؤقت..لين ما افكر شوو اقدر اسوي..
قالت بسرعه : علي..ارجوووك لا تتدخل في مشاكلنا..انت مالك ذنب..! اذا دخلت اول شي بيسوونه بيؤذوون اهلك..
قلت بانفعال: حتى انتووبعد مالكم ذنب..!؟ واهلي......." سكت "
عقب كملت..
: الله بيحفظهم ان شاءالله..
وقفت بسرعه : قلتلك لاااا تتدخل ارجوووووووووك..انتي ماااا تعرفهم..!!!!
قلت : لااا اعرفهم...." سكت شوي " خلاص انزين لااا تخافين ما بحط راسي براسهم..

طالعتني بنظرات شك...؟ عقب تنهدت براحه..ويلست..
وقفت..ترخصت برد البيت..
ظهرت من البيت بس من الباب الخلفي..عسب محد يشك..
ورديت البييت وانا افكر في شوو اللي اقدر اسوييه عشانهم..

\\

بعد يومين..

\\

بدر البـــدور..~

وهاا قد وصل طعــــامي اللذيذ..! ومن الشخص المجهول ذو الخطوات المختلفة عن الخطوات اللي اعتدت عليها..
اكلت بشهية وبسرعه قبل ان تاتي المخلوقات الصغيرة وتلتهمها قبلي..
,
بعد ان انتهيت ....استلقيت على الارض لاناام..
,
سمعت صوت خطوات تقترب..و...صحن يدخل ...
هوو بقايا الطعاام الذي كنت اكله في الماضي..!
اصبح الان طعام المخلوقات الصغيرة التي تعيش معي..
بعدما ابتعدت هذه الخطوات..
سمعت خطوات اخرى قادمة..
دققت السمع..
انه الشخص المجهوول..!
جلست بسرعه..
هو ليس موعده الان ليأتي..؟!
,
سمعت احدا يتعبث في الباب..؟!
ابتعدت الى اخر زااويه..
ارتعدت اوصاالي..
..

و انفتــــــــــــــــح الباب المؤصد اخيرن..!!!!
تسللت خيوووط النووووور بقوة الى الداخل..
اغمضت عيني بسرعه من شدتها..!

سمعته يتكلم لكن لم افهم ما يقول..؟
بصوت خافت: انتيي ويين..؟! بدووور..بدوووور....؟!

سمعت خطواته تقترب..وتبتعد..وهو يتكلم..وانا ارتجف..واتمنى ان لا يجدني..!
,
لكن فجاة توقفت خطواته....ثم اخذت تقترب مني شيئا فشيئا..
احسست بـ انفااسه قريبه مني..
ومن ثم..
احتضني بقوووووة..ليهـــدأ من روعي..
يتكلم..ويتكلم..ويتكلم..وانا لم افهم ما يقووول...!.!!!
: يلااا بسرعه بظهرج من هنــــي...! لاا تخــــاافين ما بسوي لج شي..بحمييج انااا..

احسست بشيء يلتف حول عيني...

: بغطي عينج عشان الشمس...!

ثم..شعرت بنفسي ارتفع عن الارض..حملني...ولم ادري الى اين.....!!!!

~ | نهــــاية الهمســـة العــــاشرة |~

15-09-11, 08:38 AM

المشاركة رقم: 19

المعلومات
الكاتب:	♫ معزوفة حنين ♫
اللقب:	عضو فخري ♪ مُخْمَلٍيةُ آلعَطّآءْ ♦

البيانات
التسجيل:	Mar 2010
العضوية:	157123
المشاركات:	30,194
الجنس	أنثى
معدل التقييم:
نقاط التقييم:	13523

االدولة

مدونتي

الإتصالات
الحالة:
وسائل الإتصال:

كاتب الموضوع : ♫ معزوفة حنين ♫ المنتدى : القصص المكتمله

~| الهمســــة الحـــــــادي عشـــرة |~

\\

بدر البدور

،

بقيت انتفض بين يديه..احسسته يضمني اليه بشدة..

همس: لا تخاافين..انتي فـ اماان..

ارتعبت عندما همس لي بكلامات لم افهمها..

تمنيت لو اني بقيت هناااك في ركني المظلم..او ان أمووت...!!

،

شعرت بنفسي انزل على الارض...ومن ثم سمعت خطواته تبتعد..

تحسست المكان بيدي.زحفت ..وانزويت في ركن من اركانه..

،

: حيااااك دكتوور تفضل..

سمعت بخطوات تقترب من المكان..احدها خطوات ذلك الشخص..اما الاخرى لم اتعرف عليها..

انكمشت على نفسي..

: بدوووور...؟ بدوور ويينج..؟!

الدكتور: يمكن شردت ..؟

: لااا ماظن..هي واايد تخااف..( اشار بسرعه الى مكان بدور ) هذي هي..

,

حمل بدر البدور بين يديه..ووضعها على السرير..

اقترب الدكتور وبيده حقيبته التي تحمل اغراضه الطبية..

الدكتور : كم تووقع عمرها الحينة...؟

...: مممم اظن 13 سنة..!

الدكتور: الحينة بشل الربطة من عيونها...لازم نخليها تشوف الضوء تدريجيا..المدة اللي انحبست فيها في الظلام مب قصيرة..واحتمال يكون عندها قصر نظر..

نظر الى الطبيب باهتمام..وهو ينزع الرباط ع عينيها..

ما ان ازاله عنها...اغمضت عينيها بشدة..و من ثم بدات بفتحها تدريجيا...

اقترب منها الطبيب ليفحص عيناها..

ولكنها فاجاته بصرااخها الشديد..

نطقت بعبرات غير مفهوومة..

وانكمشت على نفسها بقوة وهي تصرخ وتصرخ وتصرخ لعلها تمنعه من الاقتراب..!

اقترب الاخر ليهدىء من روعها..لكنها ايضا رفضته..

حاول الطبيب مرات ومرات محاول الاقتراب منها..لكنها رفضته وبقوة..

نظر الى الطبيب باستغراب..يريد منه تفسيرا..

الطبيب وهو يعدل من وضعية نظارته: شكل عندها اضطرابات نفسية وخوف ورهبة من الناس..ووو....احتماال..تكون فقدت قدرتها على النطق..لكن تعرف لازم بعد اسوي لها فحوصات في المستشفى عشان نتاكد..

هز راسه متفهما..ونظر اليها باسف...

شعرها الطويل والاشعث..

ملابسها الممزقة والرثة..

اظافرها الطويلـــة..

عينها الزائغه من الخوف..

الطبيب : يبالها اهتماام..ولازم اتييبها عندي افحصها..

...: ان شاءالله بوصي من يهتم فيها...وبييبها عندك في اقرب فرصة ..

حمل الطبيب حقيبته وخرج..

\\

فجــر..

،

كــــــــــــرهت كل شي في الدنيااااااا..!

من عقب ما قالتلي شهرزاد عن اللي سووه في امها..كرهتهم اكثر واكثر واكثر..!

يالله احس كل ماذكر يوم كانت تقولي شهرزاد عن اللي صار..احس اتييني غصــه..!

ما اتمنى ابدن اكوون فـ موقفها....

انا انضرب..اتكفخ..يذبحووني..يحولوني من بنية لولد...كله بالنسبة لي يهوووون ولا انهم يسوون شي فـ اهلي..!

،

مستحييل اصلن اكوون في قوة شهرزااد..

هي قدرت تتمرد..اناا..مااقدر..مااقدر..اخااااااف.. كم مرة حاولت اتمرد على ابراهيم ويوسف..ومصيري كان الجلد...!

,

شهرزاد نفس ما قالت بتسكن عندي مؤقت..ردت لشغلها...وانا هاليومين بعد اتمرن في النادي..وفريقنا كله يحاول يشد حيله لان ورانا دوري..

علي..يوميا يمر عليينا في شقتي ..يطمن على اخباارنا..

بصرااحه انساان مافي مثله..منوو بيدخل في مشاكل غيره ويحاول يحلها..؟

لو غيره..كان فضحنا..ولا ..ولا كانه يعرفنا..

صدق..صديق وفي..!

،

الحينة خلصت من تمارين النادي..

برد البيت عقب بروح الصالة قبل ما اتاخر ع الكابتن يوسف ..

،

الساعه 10 ونص بالليل..

،

خلصت من تدريبااتي ويا الكابتن يوسف..

رديت البيت..

وفي المدخل التقيت بشهرزاد اللي توها يااية..

دخلنا داخل ويا بعض..

كانت تسولف عن شغلها..وعن اللي سوته اليوم..

مع هذا كانت حزيينة..من الخااطر..!

كل شوي تسرح..وتم سااكته..

،

قالت بشرود : ابي اسير اشووف اخواني..شصار فيهم.؟! شوو سوو بعد ما راحت امي عنهم.؟ منوو عندهم.؟ منوو يهتم فيهم.؟!!!!

تدرون..نسييت سالفة اخواانها..؟!!! صح شصاار لهم..؟

قلتلها مستغربة : ليش ما سرتي عندهم..؟!!

قالت بانكسار : علي منعني..قال اكيد سليمان مشدد المراقبة على بيتنا.!

قلت بتاييد: هييه اكيييييد..!

,

كل وحده سرحت ...فــ عالمها...ما ندري شو بيكون مصيرنا في النهاية..!

،

سمعنــــا صوت حشرة بـــرا...

شهرزاد مستغربة: انا من ييت هنــي وانا اسمع هالحشرة براا.؟

قلت: هيه..هذيلاا اليهـــال.."ابتسمت" حلييلهم..كل يوم تقريبن يطلعون فوق السطح يلعبون..

شهرزاد باستنكار :يلعبون في السطح.؟!! وبالليل.؟ مب خطير عليهم وهم بروحهم.؟

قلت: حتى انا استغربت..وفكرت اكلم اهلهم..بس مرة ضحكت عليهم..يحسبون في فوق السطح وحش..واونهم بيخوفوونه..

شفت شهرزاد تبتسم بحزن...اكييد تذكرت خوانها..!

وقفت : بسير اردهم عند اهلهم..

هزت راسها توافقني..

ظهرت..صعدت لفوق السطح..كانت فيه غرفة او مستودع قدييم..

شفت اليهاال يضربوون البااب ويصاارخوون..!

بصراح انا بنفسي خفت..الاضاءة واايد خاافته..استغربت كيف ما يخاافون.؟؟؟

رحت صووبهم...حاولت اسكتهم...

وبعد ما هدوو..تجمعووا حولي..

قالولي اسمهم : خالد..حموود..رشود..نورة..

قلت : شوو تسوون انتوو هنــي بروحكم...؟؟ ما تخاافون.؟

خالد : نخوف الوحش..

قلت بهدوء: حبيبي..هني ماشي وحش..اصلن مافي وحووش ابدن..

صرخ رشود : مااماا تقول هني في وحشه..روحو خوفوها عشان تتادب..!

كنت بضحك ع برائتهم..

بس ابتسمت : لا حبيبي..مافيه..

نورة: انا ثمعت ثووته..يحــوف..! ( انا سمعت صوته..يخوف )

طالعتها..كانت لاصقة فــ اخوها..

حمود: هيه والله..حتى انا سمعته..!

حطيت ايدي ع خدي : وشو قاال.؟

خالد بانفعال: طلع صوت نفس صوت الوحش..!

هـنـــي..ماقدرت امسك نفسي..ضحكت علييهم...وعلى خياالهم الوااسع

شفتهم عاقدين حواجبهم..ليش اني ما صدقتهم..

سحبني رشود من ايدي..

وقفت جدام الباب..

رشود: انتي دقي الباب بقووة..وهي بتصاارخ..

طالعت في الباب..اللي لونه رااح وعليه خدووش...هههه من كثر ما يضربونه..!

حسيت شكلي بيكون غبي لو ضربت الباب..بس شو اسوي..لازم عسب يقتنعون..

حاولت افتح الباب..بس كان مقفل..

شفت تحت في الباب فتحة على شكل مربع..

نزلت تحت على مستواها..حاولت افتحها ماقدرة..عليها قفل..!

خــالد: هالفتحه مقفلة..المفتاح عند خدامتنا..

طالعته مستغربة: وليش هالفتحه.؟

حمود: عشان الخدامة تفتحه وتعطي الوحشه اكل..

زااادت حيرتي..؟!!!

شو الساالفه.؟ وليش الخدامة تحط اكل هني.؟ ولا كل هالكلام اليهال ظهروه بروحهم.؟

اعتدلت فـ وقفتي..

قلتلهم: يلا يا شطوورين..الحينة بننزل تحت..ما بصير تتطلعون بروحكم مرة ثانية..

خالد: بس امي تقول عادي رووحو..

حطيت ايدي ع خالد: خالد انت شاطر وكبير..لا تخلي اخوانك يطلعون..يمكن حد يطيح من السطح..او يصير له شي..يعني هالمكان مب حق الصغار نفسكم..

لا تلعبون هني..العبوا تحت......يلا الحينة تعاالو وياي بنزلكم تحت..

استغربت من اللي يقولونه عن امهم..؟ معقولة تكون بهالاهمــال.؟

مسكت يد نورة..ونزلت وياهم تحت..

خالد : فاارس..انت لاعب كوورة صح..؟

ابتسمت : هييه..

خالد : انا احب الكورة..ويوم اصير كبير بستوي لاعب شراتك بعد..

حمود: وانا بعد..

رشود : وانا بعد ابا اكون الكابتن..

ابتسمت: ان شاءالله..كلكم تصيرون اقوى لاعبين..

وصلنا تحت.....بس فجاة شفت خدامتهم ظهرت جدامي ووياها صينية فيها اكل..وشكلها كانت بتطلع فوق..ارتبكت..

طالعت في الاكل..كان بس البقايا..احترت..!

رشود صاح بانفعال: شفتي..فيي وحش..الحين جوليا بتعطيه اكل..

ارتبكت خدامتهم اللي اسمها جوليا..

سالتها: وين مدام.؟

قالت: د..دد..داخل...مدام..موجود داخل..الحينة ينادي..

ردت بسرعه لداخل..

شويه وظهرت لي وحده....لابسة جينز رااص..وبدي..وترمس في المبايل..وتطالع اظافرها الطويلة المصبوغه بالاحمر..وشعرها الاشقر ع كتوفها..

ام خالد: هييه...لاااا..حلـــفي..؟!! " ضحكت بمياعه "..حبييبتي والله..اوكي حياتي عقب برمسج..الحينة مشغولة شوي..يلا بــاي..

جفتها تبند مبايل..و طالعتني اخييرن..جفتها رافعه حواجبها..

قلت : احــم...ام خالد..؟

قالت برقة زايدة : سميرة..اسمي سميرة..لا تزقرني ام خالد..بسم الله علي..احس رووحي كبيرة بهالاسم وانا بعدني شباب..

انصدمت..ما توقعت انها امهم..قلت يمكن اختهم..؟ عمتهم..خالتهم..اي حد يقربلهم..

بالله هاا شكل ام..؟

قاطعت تفكيري : آآآآآمر...؟

قلت بسرعه : لا بس شفت عيالج كل يوم يطلعون للسطح بروحهم..وحبيت انبهج عليهم..لانه مب زين يصعدون بروحهم وبالليل بعد..!

قالت بدلع: لايكون يزعجونك كل يوم..بس ما تبا تقوول..

قلت ابرر: لاااا..بس..همــ

قاطعتني..وطالعتني بنظرة صارمة خفت منها..

قالت: ما بخصك فـ عيالي..انت بس ساكن هني..مو يعني تدخل في كل شي..فااااهم..

بــــــل..!!

مادري شوو سويت..

طالعتها منصدمة..

قالت : احم..ع العمــوم..حبيتـــ

قاطعتني بعد وهي تاشر بايدها اني اسير..

قالت: بـــس...بـــس..اجلب ويهك وريحنا من فلسفتك..

استنكرت تصرفها..بصراحه.........وقحة..!

صديت..وصعدت الدري..وقفت جدام الباب قبل ما ادخل..افكر في اللي يصير من حولي وانا مب حاسه..شوو يعني تصرف اليهال..؟ خدامتهم.؟ وامهم..؟ والمستودع اللي فوق.؟يمكن فيه حيوانات..؟لالا ماظن..لان مافيه دريشة او شي يدخل الشمس..

،

سمعت صوت خطوات ع الدري..

ما عرفت شو اسوي..!

فتحت الباب ودخلت بسرعه..

خليته شوي مفتوح..

شفت الخدامة نفسها ووياها الصينية..

شهرزاد من وراي: فجر شوو فييج.؟

حطيت صبعي ع شفايفي : اششششش..

رديت اشوف الخدامة اللي طلعت فووق..

قلت لشهرزاد: تريي هني..الحينة بيي..

ظهرت..و صعدت فوق ورا الخدامه..من دون ما تحس..

شفتها راحت صوب مكان معين قريب من المستودع اما انخشيت في مكان مظلم عسب ما تشوفني..

شفتها شلت شي..واضح انه مفاتيح لاني سمعت اصواتها..

بطلت القفل اللي في فتحة الباب المربعه..

عقب يابت الصينية ودخلت الاكل..

وردت قفلت..وردت المفتاح مكانه..

مشت بتنزل..لكن انا ظهرت فـ ويهها..

كانت بتصرخ بس حطيت ايدي ع فمها اسكتها..

قلت بهمس: لا تخاافين..لا تخاافين..ما بسوي شي.

طالعتني برعب..

سحبتها من ايدها..وديتها مكان معزول ع السطح..

قلتلها: الاكل هذا لمنووو..؟

كانت ترتجف..وخاايفة..

قلت: جووليا..ما بسوي لج شي..قوولي هالاكل حق منو.؟ لا تخافين ما بقول لحد..

تلفتت يمين ويسار..

عقب قالت بصوت مرتجف..

جوليــا: هازا مال وهش..

قلت وانا ارص ع ضروسي محاولة اني اخوفها: قلتـــلج قوووولي..هذا مال منوو..لا تقصين علي...

بلعت ريجها وقالت: انا بيقول..بس الله يخلييك..مافي يقول لمداام..بعدين مدام بيودي انا بلاد..

قلت بهدوء اطمنها: اوكي..انا ما بقوول.انتي قولي الحينة...

قالت: انا اشتغل من سنة ونص في هازا بيت..مدام كل يوم يقول ودي هازا اكل..فوق..

كدامة " خدامة" قبل يشتغل هني..قالت فوق هني في صغير..هازا صغير خمسة سنة موجود,,

كل يوم كدامة يعطي هو اكل..مدام يقول اللي مافي يقول حق حد..مسكينة هازا صغير..

انا طوول الوقت مصدوومة من اللي اسمعه..معقوولة..؟ صدق اللي اسمعه.؟

مع انه كل شي يثبت لي..

الاكل..

الصوت اللي سمعوه اليهال..؟

هالبييت غرييييب..!

قلت: خلاص رووحي..ولا تقولين لحد انج قلتيلي فااهمة..!

هزت راسها بسرعه..وعقب راحت تركض تحت..

نزلت عقبها..

شافتني شهرزاد...وسالتني شو السبب اللي خلاني اظهر بسرعه..

ما قلتلها..بس قلتلها عن اليهال..وعن امهم الغريبة؟

\\

\\

في اليوم التالي،،

،

شهــرزآد..

،

بعـــد ما خلص دوامـــي..رحت قســم ثانــي..قسم التبرعات والاعمال التطوعية..

من فترة لفترة اروح هني واتبرع..باسم " فاعلة خير "

,

شهرزاد : السلام عليكم..

الموظف ابتسم: وعليكم السلام.. اختي فاعلة خير..

طلعت المبلغ اللي بتبرع فيه

شهرزاد : هالمبلغ ***** كله بتبرع فيه..

عدالي ريّال واقف..من قلت المبلغ اللي بتبرع فيه طالعني..

الموظف باعجاب: والله مب غريبة عليج..ان شاءالله يكون فـ ميزان حسناتج..

،

خلصت الاجراءات بسرعه...

وظهرت من المكان..

,,

نظر الرجل الى الموظف..: هذي دووم تتبرع هني..؟

الموظف مبتسم : هيــه..مشاءالله عليها..

...: ومنوو تكوون..؟

الموظف : والله مادري..بس دوم تسجل التبرعات بفاعلة خير..

..: ودووم تتبرع بنفس هالمبلغ..؟

الموظف : ما تتبرع الا بمبالغ كبير...الله يبارك لها فـ حلالها..

,,

ردييت لبيت فجر بعد ما خذيت لنا غدا..بس ما كانت موجوودة..ما لحقت عليها...اكييد راحت الصاله..

مالي نفس آآكل...حطيت الاكل في المطبخ..

وسرت غرفة فجر اللي صارت غرفتي المؤقته بعد..

عقيت عبااتي...و ارتمييت فوق السرير ارتآآآآآح..

واطلقت العنان لدمووعي..

يقولون احيانن الدموع تخفف الهم..

،

\\

المســـآء

،

فجــــر..

،

تونــي خلصت من تمااريني..

بسرعه ظهرت من الصاله ركض صوب البيت....

اليوم بظهـــر وياا الشباب...عازميني ع العشاا..

تاخرت عليهم..!

,

وصلت البيت...

شفت شهرزاد قلتلها اني ما بتاخر..

وبسرعه خذت شاور سريع ولبست بدلة وظهرت..

دقيت لـ علــي اقوله اني خلصت..

وخمس دقايق وكان واقف جدامي..

ركبت ..

فجــر: تاخــرت وااايد..

علي ابتسم : لا عاادي..اليوم فهد بيعزمنا لازم ما تفوت هالفرصة...

ابتسمت..اليوم كلهم متوعدين لفهد..هههه بيخسرونه..ما يسوى عليه يوم عزمهم..

,

نحن مشتركين في دوري كاس البلاد..

واليوم كانت اول مباراة لنا..والفريق اللي لعبنا وياه كان ضعييف..وقدرنا نفوز عليه..طبعن مب لانه ضعيف بس..فريقنا بعد واايد تطورت مهاراته..بفضل التدريب المكثف الاياااام الماضية..

وبمناسبة فوزنا..

قرر فهد انه يعزمنا..

وطبعن الشباب هم من اختاروا المطعم...

,

والحينة رايحين المــول اللي فيه الشباب متجمعين..

\\

فـــي مركز التسوق..

تحديدا عند المواقف..

,

نزلت من السيارة مع عائلتها..

الام بامر : يلااا ريـــم..انتبهـــي لاخووج عدل..ياويلج اذا ضاع..

ريم بتذمر : مااابا..ليش ما تقولين لعويش.؟

عائشة تنظر الى نافذة السيارة وتعدل من هيئتها..: بس..بس..اللي تقولج امي سمعيه ونفذيه وانتي ساكته..

امسكت بيد اخيها وقد كشرت بوجهها علامة لضيقها..

الاب: يلا تحركوا..انا وامكم بنتسوق بروحنا..اما انتوا اذا خلصتوا دقوا علينا..

عائشة : ان شاءالله بااباتيه..

ذهب الاب مع زوجته لوحدهما...وبقيت عائشة وريم واخيهما الصغير..

عائشة : سمعي ريموو..انا ابي اتسوق واتمشى ع راحتي..انتي انتبهي لسعّوودي..يلااا سي يوو..

نظرت الى اختها بغيض..

تكلمت بغضب : ريييم..ريييم..ريييييم..كله ريـــــــــــم..! لازم اهتم فـ سعّودي..ولازم اللي اسوي للي هم يبونه..ولازم ما اتحرطم.....وكل هذا...لييش.؟ لانه ( ريــم انتي الكبييرة )

وهالخسفة عويش راحت تتمشى وتاخذ راحتها ..لانه محد يقولها شي..اففف..والله سخاافه..

انتفضت عندما سمعت صوت من خلفها..

....: حليــــــــــــــــــلج والله..!!! سمعتها منصور شو قال...؟

....: ههههههه عورت قلبــي ياخي..

نظرت لهم باحتقآآر..

.....: اووه محمد شووف كيف تطالعك...!

دنا منها الاخر..ليصبح قريب وبشدة منها..

....: لااا افاا ليش هالنظرات...ما سوينا شي..؟

ارتبكت من قربه الشديد..وماكان عليها الى ان تشد قبضتها على حقيبتها وتضربه بها بكل قوتها..

امسكت بيد اخيها و اسرعت الى داخل مركز التسوق واختفت بين الناس..

اما هو..فقد بقي متصنما في مكانه...وكانه لم يستوعب ما قد حدث له منذ لحظات..!

منصور منصدم هو الاخر : ضربتك..!!!!!!!

نظر اليه بعينين مفتوحتين..

محمد: تخيّــــل..!!

منصور: والله قويـــــــة...!!

محمد : مستحيــل أعديها لها..!

امسك بهاتفه المحمول..ظغط على ازراره بسرعه..

محمد: آآلوو...ارسلي مجموعة رقم 76 الحـــينة...!

منصور يخرج سيجارة ويشعلها : الله يعيــــنها..!

محمد: الحينة بنفترق..اذا لمحتها..اعطي اشارة للمجموعة..!

هز رآسه موافقا....

وافترقـــآ..

\\

علـــي..

،

وصلنا المول اللي بنجتمع فيه..

نزلنا انا وفجــــر..

ودخلنا لدآآخل..

,

رحنا للمطعم اللي اتفقنا عليه...شفنا خليفة و جاسم بس اللي هناك..

علي: ويين بااقي الشبااب..؟

خليفة: راحوا يتحوطون..بعد ربع ساعد بيكون الاكل جاهز وبيجتمعون..

علي: خلاص عيل..حتى نحن بنتحوط..عقب بنيي..

جاسم : بس رجاااءن ما نباا تاخيير..لاني يوعاان مووووت..

فجر: ههههه وانت من متى مب يوعآآن..

علي: هههه وانت شوو حارنك..خلييه يآآكل..لين ما يستوي ع حجم المرمى..وما يقدر حد يسجل اي قوول..

شفت جاسم يطالعنا بنظرة بدون ما يرد...ههههه شكله من صدق يوعاان..

,

مشيت انا وفجــر...و شفنا الشباب يمشون ويا بعض..

انضمينا لهم..

وطوول الوقت..

ســـوالف وضحك وطنــآآزة ...طالعت فـ فجر..اللي تضحك على فهد اللي حالف ما يدفع حق اكثر من وجبة للشخص الواحد..

ابتسمت..غيرت جوو ويانا..

,

كنت اسولف ويا سالم..

بس التفت بسرعه لصوت اشياء تطيح..

كانت اغراض..

رفعت راسي..شفت فجر ماسكة ايد البنت اللي كانت بتطيح ويا اغراضها..شكلها اصدمت فـ فجر..

مريم : آآ آآآآسفة..ما نتبهت..

فجــر: لااا عاادي...

شفت فجر نزلت تجمع الاغراض اللي طاحت..

وقفت وعطتها البنيــة...اللي كانت منزلة راسها من الاحرااج..

رفعت راسها مريم : مشكووور ما قصــ ( قطعت كلمتها وتمت تطاالع فـ فجر )

شفت فجر اللي تطـــالعها وشكلها مصدوومة بعد..

سمعت البنية تهمس ومحد سمع الا انا وفجر..

مريم : فجــــــــــــــر.....؟؟!

عقب شفتها تهز راسها كانها تنفض الافكار..

قالت بسرعه : مم مشكور..والسموحه...

ومشت عنـــا بسرعه..!!

\\

~| نهـــــــاية الهمســة الحادي عشرة |~

15-09-11, 08:40 AM

المشاركة رقم: 20

المعلومات
الكاتب:	♫ معزوفة حنين ♫
اللقب:	عضو فخري ♪ مُخْمَلٍيةُ آلعَطّآءْ ♦

البيانات
التسجيل:	Mar 2010
العضوية:	157123
المشاركات:	30,194
الجنس	أنثى
معدل التقييم:
نقاط التقييم:	13523

االدولة

مدونتي

الإتصالات
الحالة:
وسائل الإتصال:

كاتب الموضوع : ♫ معزوفة حنين ♫ المنتدى : القصص المكتمله

~| الهمســـة الثانيـــة عشــــــرة |~

\\

ابتعدت مريم عن فجر بسرعه..واتجهت الى حيث اخواتها جالسات..

،

لمار وهي تنظر الى مريم بارتياب : شو فيج مريوم.؟ ويهج متغير..؟!!

مريم تهمس : نفســـها...نفس العيون والنظرة..!! مستحيل اكون غلطانه..بس..بس..

نفضت راسها بقوة لعل الافكار والتساؤلات التي حاصرتها تبتعد..

شهد ولمار ينظرون الى اختهم باستغراب...

شهد : مريوم.....؟؟! فيج شي..؟

مريم انتبهت لها : لالا...مافي شي..يلا الحينة وين بتسيرون..؟

لمار: انا بموووت من اليووع..بنسير صوب المطاعم ناكل..

مريم : خلاص اوك...انتو سيرو...انا بسير الحمام..عقب بييكم..

شهد: اوكي..ولا تتاخرين..اخاف لمار تاكلني من اليوع..

ابتسمت لهن ابتسامة مزيفة..وابتعدت الى حيث دورة المياة..

نثرت على وجهها قطرات الماء الباردة لتريح أعصابها..

بعدها جففت وجهها..ومن ثم اخذت نفس عمييق..

ذكرى توأم روحها فجر تحزنها حقا..لا تدري هل باتت ترى طيفها في كل مكان...ام هذه حقيقة..تلك النظرة...لا يملكها سوى فجر..تلك النظرة المميزة ببريق البراءة الذي يشع من عينيها الواسعتين العسليتين..!

لكنها حضرت عزائها..وهل يعقل ان تتحول فجر الى ...الى ...رجل..؟!!

تنهدت بعمق..فـ افكارها توصلها الى خيالات غير معقولة..!

اخذت حقيبتها...وخرجت..

وما ان مشت بضع خطــوات...حتى أحسّت بقطعه قطنية تداعب انفها...ثم....اغمضت عينيها باستسلام......!

\\

فجــــــــر

،

مو مصـــــــدقة...! اللي قبل شوي شفتها..هذي مريــــم....مريم ربيعتي....توأم روحي..!!!

عرفتنـــــي....! انا متاكدة انها عرفتنــــي..نطقت باسمـــي..! سمعتها تقول فجــر...!!!!!

(دمعت عيني)..عرفتني بالرغم ان شكلي متغيــــر...!

اشتقت لها.!

صديت وراا..لازم اروح لها..يمكن مرة ثانية ماقدر اشوفها..!

مشيت خطوتين..ماحسيت بحد يمسك ايدي بقوة ويشد عليها...

عرفت انه علي...ما رفعت راسي له...لانه لو رفعته دموعي بطيح ع خدي..

وقفت ما تحركت..ما كنت اسمع غير تعليقات الشباب..!

فهد يصفر : لااا ماقدر انا...فروووس ما كنت ادري ان عندك هالسوالف...!

ناصر يضحك : اوو عجييب الموقف ياخي..لا وشفت البنت كيف تطاالع فرووس..!

عمر : فرووص عطينا شوي من الوسامة اللي عندك..!

ما كنت اقدر حتى ارد عليهم بابتسامة..!

شفايفي بدت تتحرك مستعدة للبكااء..

اباا ابتعد...ابي مكاااان اختلي فيه مع نفسي..!

فجأة تكلم علي ..

علي بمزح: انتووا بس خلاص سكتوا..بس تبون تخربوون الرياال..! على بالكم نفسكم هوو..!؟

حمد يطالع عمر بنظرة بعد ما شمر اكمامه : سمعت عموور..؟ شرايك..؟ هذي فيها قباااايل ولااا....!

علي: لاااا اخ حمد..السموحه منك..ترا ابدا ما غلطنا...كله ولا اتشمر اكمامك..

ضحكوا الشباب..

تحرك علي وهو بعده ماسك ايدي...وتحركت معاه..

علي: يلااا اشوفكم ع العشاا..

عمر: ويين راايح الحينة بنسير نتعشى....

حمد: تراا بناكل..ما يخصنا فيكم..

علي ابتسم : بالعاااافية عليكم..

ابتعدنا عنهم...كنت اتحرك وياه بدون اي اعتراض ...

وقفنا فـ مكان معزول وشبه فااضي..

ترك ايدي..

علــي بهدوء : كنتي ناوية تروحين وراها...؟!!

مارديت عليه..بس نزلت راسي زيادة

علـــي بحزم : انتي لازم تفكرين قبل اي تصرف تسوينه...! الحينة شوفي كيف خليتي الشباب مستغربين واذا زادت تصرفاتج هذي بيشكّون..! تخيلي لو حد هني يراقب..؟ شو تتوقعين يستوي..؟ ما فكرتي انه ممكن يؤذوون البنية..؟!

رفعت راسي بسرعه....

تحركت شفايفي مستعدة للصياح..

صديت عنه مابيه يشوف دموعي تنزل..

كان جسمي هو اللي يهتز من الصياح..

قلت بصوت متقطع : بس انا اشتقت لها...من شفتها...مادري...ماقدر اشوفها ولا اكلمها..!! هذي ربيعتـــي...توأم روحــي...!

سمعته يتنهد...

حسيت بايده ع كتفـــي..

علي : اذا تحبينها...ابعدي عنها..ولا تبينين لها انج عرفتيها..صدقيني هي ازمة وتعدي..مردج تردين بنت عادية...

همست بضعف: بس متـــى...متى...؟!!

علي: ان شاءالله قريب..انتي ادعي ربج....يلا سيري غسلي ويهج..مافينا حد يشوفج ونتوهق..

هزيت راسي ورحت بسرعه اغسل ويهي..

حمدت ربي انه محد شافني...

ظهرت ..رحت صوب علي..اللي اقترح نروح نتعشى ف مطعم ثاني..!

\\

في نفس المـــركز..

،

منصور وهو يتكلم في الهاتف : لقييتووها...؟!! ......هيه..........برااافوو عليكم..يلا ودوها المقـــر ونحن عقب بنلحقكم..

اغلق الخط...ومن ثم اعاد الاتصال برقم آخر..

منصــور : آآلووو محمد....حصلنا البنية ..والحينة بيودونها المقر..

محمد ضحك بانتصار : هيه...شفتها وقلتلهم يمسكونها..والله لا اراويها الوييييل..!

منصور باستغراب : شفتها.؟ انزين..يلا عيل نلتقي في المقـــــر..

\\

شهـــرزاد..

،

تميت بروحي بعد ما قالتلي فجر انها بتطلع ويا شباب النادي...

كل تفكيري الحينة فـ اخواني اللي مادري عنهم اي شي..!

فكرت الحينة اسير لهم..؟

لكن علي حذرني...؟!

ابي اسير حتى ولو اشوف بيتنا من بعيد..!

يااا ربــي...كم بتحمل..كل تفكيري فيهم..؟!

تذكرت تلفوني....؟!! بطلته ..بطرش حق علي مسج اقوله اني بسير..

جفت كمّ الرسائل وعدد المكالمات لم يرد عليها...!

نص المكالمات من سليمان وبعض الارقام الغريبة..

,

بطلت اول مسج...

( شهـرزاد....لو تبين اخوانج تعالي عندي....واعطيني كل الفلوس اللي عندج...وعقب بتكونين حــــــرة..*ملاحظة :عندج مهلة 3 ايام..اذا ما ييتي ...بقتل اخوانج كلهم)

كنت اقرا المس جوانا حابسة انفاسي...والله انه اكبر حقيــــــــر...!

قريت تاريخ الرساله..

شهقت بقوة...........اليوم اخر يوووم...!!!!!

وقفت بسرعه...

دقاايق تجهزت وظهرت براا..

وقفت تاكسي..وقلتله يديني اقرب صراف آلـــي..!

وكلمــة

حـــــــــــــرة

حـــــــــــــــرة

حـــــــــــــــــرة

تتردد فـ أذووني..!

\\

علــــــــي..

كنت اسولف ويا فجر اللي تغيرت نفسيتها شوي للاحسن..

قطع علينا رنة تلفونـــي...!

رديت..: آلــــو..مرحبــــا..هيه..." خفضت صوتي " حصلتو معلومات عنهم...؟!!!!!! وينهم الحينة..؟! ........متأكد..؟! ...شو العنوان..؟ " ظهرت قلم ورقة وكتبت " مشكوور بوعسكور ما انسااها لك والله..يزاك الله خير..

بندت وانا مستااانس..

شفت فجر اللي تطالعني باستغراب..

علي: يلاااا بسرعه بنـــرد...عني خبر بتستاانسون عليه..

فجر: شوو هو.؟

قلت مستعيل : عقب عقب..يلا بسرعه بنرد..

،

ركبنــــا السيارة..

فجــر: يلا قوول شو الساالفه....؟

قلتلها وانا مستانس : حصلنا اخوان شهرزااد...!!

جفتها نقزت متفاجأة ومستاانسة..

فجر: ويــــن.؟ وكيــــف؟ ومتــــى..؟

علي : خالتهم هنـــي في مدينتنا..جيرانهم يزاهم الله خير من شافوا سليمان ياخذ امهم...خذوا خوان شهرزاد و وصلوهم لخالتهم..!

فجر بحمااس: بســـــرعه الله يخلييك ...بنفاجىء شهرزااد...اكيييد بتستاانس..!

دست ع البترول ازيد السرعه..

،

وصلنا ونزلت فجر تركض لداخل..

لحقتها..

دخلت داخل وانا ترييت برااا..

شوي وردت لي...

فجــر باستغراب : شهرزاد مب هنــي..!

عقدت حواجبي : ليش وينها..؟ هي قالتلج بتروح مكان...؟

هزت راسها بــ "لا ".: ادخل ...بنترياها..

دخلت..شفتها سارت غرفتها...قعدت ع الغنفة اللي في الصالة..

طاحت عيني ع تلفون طايح ع الارض..!

هذا مب تلفون فجر..؟

انحنييت ..وخذيته..

و اول ماطالعت فيه...يت عيني على الرسالة المفتوحه..

وو

وقفت بقــــــوة ....معقوووولة قدر سليمان يخدعها بسهوولة...؟! ممكن تكون راحت له..؟!!!!

مستحيـــــــل..لازم الحق عليها قبل ما ترد مرة ثانية له..

قلت بصوت عالي : فجـــــر...انا عرفت وين شهــرزاد...بسير اييبها ..انتي تمي هنـــي..

وركضت بسرعه لبرا قبل ما اسمع ردها..

\\

دخل الــى الغرفة بعد ان تركها فيها منذ بضع ساعات...

عانى معها اليوم معاناة شديدة في المشفى..تصرفاتها عدوانية وشرسه...رفضت جميع انواع الفحوصات..لم يستطيعوا اجراءها الى بعد ان حضر عدت ممرضين لاخضاعها..

تخــاف من كل شي..اجهزة المشفى..الاشياء الموجودة امامها..الناس...وحتى الاطفال..ما ان تراهم او تسمع اصوات..حتى تضع كيفيها على اذنها وتبدا بالصراخ..!!!

،

وكما قال له الطبيب عن حالتها...: لديها قصور في النظر , صعوبة في المشي.,فقر الـــــدم..، مشاكل في العظام...وتحتاج الى علاج نفسي..!

،

اضاء الغرفة...بحث عنها بعينيه...

تنهد...فليس هناك مكان تجلس فيه الا.....خزانة الملابس..!

ما زالت تحب العيش في الظلام..!!

فتح خزانة الملابس....وجدها متكورة على نفسها...

نظرت اليه بعدوانية وخوف..

حملها بين ذراعيه..

اما هي ...فاخذت تضربه وتصرخ بشدة..

جلس على السرير....ثم احتضنــــــها....قاومت ...كان جسدها يترتجف بشدة...لكنه احتضنها بقــــوة..ليشعرها بالامان..

مرت دقائق ..

هدات حركتها..واستلسمت له..

،

نظر الى شعرها الاشعث...والى ملابسها الرثة..

حاولن الخادمات ان يبدلن ملابسها..و حتى يسرحن شعرها..لكنها منعتهن بقوة وشراسه..!

لكن يجب اجبارها بالقوة..

مسح على شعرها...ثم وضعها على السرير وخرج..

أمر الخادمات بان ياخذن لها حماما..وبالقوة ..

،

جلس يشاهد التلفاز..

كان يسمع صراخها الحاد...آآلمت قلبه..طفلة صغيرة تفتقد الامــان..ومن الذي حرمها منه..؟

والدها....!!

والذي يفترض ان يكون هو الامان نفسه..!

تعذبت كثير فــي حياتها بلا ذنب..!

،

رآها تخرج من الغرفة وهي تلهث..ظهرها المنحني بشكل واضح وايضا ساقيها..هما السبب في صعوبة مشيها..

ما ان رأته..حتى صرخت بكلمات غير مفهومة لتستنجد به..

تقدمت له وهي تجر خطواتها..

لم ينتهوا من تسريح شعرها المبلول..

لان الخادمة خرجت من الغرفة لتمسك بها..

لكنها اقترب منه..ثم تشبثت به بقــــوة..

ابتســـم لها...ثم حملها وأجلســـها فوقه..

يبدو ان خوفها منه بدأ يتلاشى..

دسـّت رأسها فـي حضنه عندما تقدمت الخادمة لتأخذها..

لكنه أمــر الخادمة بان تذهب..فهو من سيسّرح لها شعرها..

وضعها امامه..واخذ يسّرح شعرها...وهو يغنــي لها بعذوبة...

//

شهـــرزاد..

،

سحبت كل الفلوس اللي عندي..والحينة بروح اسلمها له..

,

وقفت جدام القصــر..

قلبـــي بدا يدق....مادري هل هو شوق لشوفة اخواني..؟

او خوف..!

أمرت الحارس يفتح لي الباب..

دخلت لين داخل..

مادري ليش يت فكرة التراجع فـ راسي..؟!

بس مستحيل اترااجع واخلي اخـــواني...!

,

مشيت لين الصــالة..

: هــلاا..هــلاا....كنت ادري انج بتيـيين لي بريولج..!

يتلي قشعريرة..

التفت وراي..شفت ابتسامته الحقيرة..

قلتله وانا اطالعه باحتقار : وين اخــواني...؟!

مارد علــيّ...بس ضحك ضحكته الاشمئزازية..

طالعته وهو يتقدم ويقعد عل الكرسي..ويحط ريل ع ريل..

شفته يطالعني من فوق لتحت ..

سليمان : مشاءالله...الاخت تطوعــــت..!

ظهرت الفلوس كلها ...وفريتهم جدامه ع الطاولة...

بس ما كان يطالعهم..

كان يطالعني انا...خفت من نظراته...بس ما بينت له..

قال بهدوء مخيف : انتــي الحينة صدقتي بهالكم فلس..بخليج تضيعين من ايدي...؟!!!!

هنـــي...قلبــي دق بقــــــوة.....!

لانــي حسيت .........

كمّــل : هالفلوس اللي يبتيهم لي...ما تسوى شي عندي...! " رفع ريوله وحطها فوق كومة الفلوس اللي فوق الطاولة " غبيــــة...توقعتج اذكـــى من كذي...!

حســـيت اني صدق طحت فـ ( فـــــخ )....!

قلت احاول امثل القوة : الحينة اخواني ويـــــــــن.....؟!!!

قال باستهزاء : اخــوانج...؟! موجودين...في الحفظ والصون....بس تعرفين يعني...لازم يكملون مسيرة امهم وابوهم...ولااا....؟!

طالعتــــه بصدمة....مستحيــــل....لايكون بيعيد المأســـــاة...!!!!!

بس هو قالــي........

قلت له بغصة : انت نقضت وعدك....!! انت قلت اذا يبت لك الفلوس اللي عندي..بترد لي اخواني..وبتتركني..!

قال بعدم مبالاة : وانتي غبية صدقتــــي..!

حطيت ايدي ع حلجي من الصدمة....

ليــش ما فكرت....؟!

ليتنـــــي سمعت كلام علــــي....!

طحت ع الارض وانا متحطمة...

ما في امل خلاااااص...!

شكــلي مستحيل اعيش حـــرة...!

,

شفته وقف....وتقدم صوبي..

نزلت راسي بانكسار..

لكنه مسك شعري..

نزل لمستواي....طالعنــي بنظرة ارتعبت منها....!!!!!!

همس بشدة مرعبة : والله لا تذوقيـــــــين الويل من سليمـــــان..........!

\\

دفعهـــما بقوة الى الداخل..وهما مقيديتين ببعضهما..وعيناهما مغلقتين بقطعه قماش...

اغلق الزنزانة عليهما ورحل..

،

مريم بخوف : شو الســـــاالفه....؟!!! ليش مقيّديـــني..؟

ريم بخوف اكبـــر : مادري....! شكلهم خطفــــونا......!

،

اخذ المزهرية وضربها بقوة في الحائط...!

محمد بغضب : كيـــف ثنتين..؟ فهمـــــوني....!!!! هي وحده بس...انتوا من وين يبتوا الثانية..

منصور يحاول تهدأته : محمد هدي شوي...انا شفتهم يشلّون البنت نفسها...

محمد وهو يكاد يفقد اعصابه : وهذي اللي يقهر..انا بعد شفتهم يشلّون البنية نفسها....! وو........

قطع حديثه..

ونظر كل منهما للاخر بارتياااب....!

محمد : كيف انت شفتها...؟ وانا شفتها...؟!!! نحن افترقنـــــا...وكل واحد كان يدوّر ف صــوب....!!

منصور : انتي وين شفتها..؟

محمد : جدام الحمام اللي صوب المطاعم...!

منصـــور : شووووو...؟ انا شفتها جدام محل ****....!!!!

نظر كل منهمــــا لاخر بصدمــــة....

ثم نهضــا مسرعين نحو..........الزنزانة...!

\\

~| نهــــــــاية الهمســـة الثانية عشرة |~