كاتب الموضوع :
بياض الصبح
المنتدى :
القصص المكتمله
تـــــــــــابع
..
الساعه 11:15 الليل بالصاله...
كنت منسدحه على مشاعل راسي على رجلها اما جسمي على الكنبه كانت تلعب بشعري..امووت و احد يلعب بشعري..
:متى بس تجي سارة..
مشاعل:نورة ليش ما تقصين شعرك؟
:عاجبني..
مشاعل:اييه حلو..بس قصي اطرافه..
منار:انا اقولها..
:الي يشوف شعري يقول الى رجلي..بعدين ترا طول شعري زيك يا منار بس انتي عشان شعرك كريلي صاير اقصر..
مشاعل:ترا شعرك زيت مررة..
:اييه عاادي خذي راحتك..بتحمم..
فوزيه:ما بعد جت ريما؟
:خمس دقايق وتجي..
منار:بنات ما جعتوا؟
:الا انا ميته جووع..
مشاعل:لا انا ماابي..
منار:نورة من وين تبين؟
:اي شي..
منار:امممممممممم..ابغى بيتزا..
:لا لا..ماابي بيتزا...
منار:الا انا ابي بيتزا..
:لا مو على كيفك
..
منار:يا سلام على كيفك انتي..
:احسسن انا ماابي.. اطلبي انتي..
منار:احسن...
بوقتها دخلت ريما..
مشاعل:ريما تأخرتي..كيف الحفله؟
ريما: حلوة..
:الحين وش المناسبه للحفله؟؟ههههههههههههههههههههههه والله انكم تضحكون..
ريما:ما يضحك..
منار:اييه صح ليش؟الحين مو وقت حفلات..
فوزيه:وعجبتها الهديه؟
ريما:انا هديتي احلى وحده..
:يا عيني على الوثوق..
فوزيه:وانبسطتي؟
ريما:اييه..,عمتو ابي اسوي حفله..
فوزيه:انشالله..
ريما:الخميس الي بعدوو
:بعد حددت الشيخه..
بوقتها رن جوال مشاعل..وكان خالــد..
مشاعل:نورة بعدي عني..
شلت راسي بسرعه او هي الي شالت راسي...باين عليها انها فرحاانه ماالومها...
قامت مشاعل وطلعت من الصاله وردت..
مشاعل:الوو..
خالد:هلا..شخبارك؟
مشاعل:الحمدالله..
خالد:الساعه 11:30 وانتي من الظهر في بيت اهلك..ما عندك نيه تجين؟
مشاعل سكتت شوي:لا..بنام عندهم اليوم..
خالد:وانتي طبعا ما عندك نيه تتصلين وتقولين لي..يعني لو مااتصلت ماراح تتصلين ..
مشاعل:توني كنت بكلمك..
خالد:اييه واضح..وبعدين مرة ثانيه تقولين لي من قبل مو اخر من يعلم انا..
مشاعل سكتت..وخنقتها العبرة بس مسكت نفسها..
خالد:باي..
مشاعل تنرفزت وبدت تغلي من جوا..وشوي وتصيح
رجعت لصاله وشكلها كان مو طبيعي..
فوزيه:مين؟
مشاعل:خالد..
انا ومنار ناظرنا بعض..
مشاعل جلست وكانت ساكته..مانطقت ولا بكلمه..
الساعه وحده واحنا للحين بالصاله على حالتنا...كانت الجلسه ممله شوي...
ومشاعل للحين جالسه هي ما قالت لنا انها بتنام بس انا فهمت لنو لوخالد مكلمها يقولها وينك بتطلع على طول كالعاده ماتصدق يكملها على طول تطلعبس الحين طولت يعني بتنام...
فوزيه:مشاعل متى بترجعين بيتك؟؟
مشاعل:بنام هنا..
ناظرت منار وحركت شفايفي يعني كنت اتكمل بالهمس:ما قلتلك انهم متهاوشين..وانها بتنام
منار هزت رقبتها..
فوزيه:وبكرة بعد بتنامين..عاد بكرة اهم..سلطان بيجي..
مشاعل ابتسمت من غير نفس..احس بينها وبين نفسها وانا مالي ومال سلطان..
منار تكلمني:ياحبيلها عمتي..تحسينها مرة مبسوطه وتبي كل الناس تنبسط..
:هههههههههههههههههه..انا بعد مبسوطه..
فوزيه:يلا انا بروح انام..ابوكم شكله مطول ماراح يجي الحين..وانا الصراحه دخت..يلا تصبحون على خير..
كلهم:وانتي من اهله..
ريما كانت منسدحه على الكنبه وتحاول انها ماتنام..هالبنت ماتحب شي اسمه نوم لازم ماتفوت ولا شي بالبيت...
فوزيه:ريما يلا حبيبتي تعالي معاي نامي..
ريما وهي ترفع نفسها وتفتح عيونها اكثر:لا لا ما فيني نوم..
:عيونك منفخه وحمرة وشعرك منتفش وما فيك نوم..
منار:وش دخل الشعر..
:انا ينتفش شعري اذا جاني النوم..
منار:اجل انا شعري وش يصير..
فوزيه:متأكده يا ريما؟؟
ريما:اييه متأكده..خلاص عمتو انتي روحي نامي..
فوزيه:بكيفك..
طلعت فوزيه لغرفتها..
:مشتهيه اتفرج على فلم..
Dvd
منار:اييييه صح انا اليوم اخذت من دلال ـ
:وشو؟
منار:مدري وش اسمه بس تقول مرة حلو..
:طيب روحي جيبيه..
منار:ريما روحي جيبي الفلم تلقينه بشنطتي..
ريما:لا مالي خلق..
:اجل ما في جلسه معنا..
ريما:اذا جبته اجلس؟
:اييه..
ريما:طيب..
مشاعل:تصبحون على خير..
:اجلسي تفرجي معنا..
مشاعل:لاماأبي..
راحت مشاعل..
:مرة ضايق صدرها..من ذا الحمار زوجها..يا ربي لاتبلاني بواحد مثله..
منار:ماادري ليش يحب ينكد عليها كلم عليها دقيقه بس ورجعت البنت مو طبيعيه..
:ومشاعل ما تحكي..مرة تقهر..لازم تطلع الي بقلبها شوي..
ريما:جبت الفلم..
:شطووووورة..يلا عاد الحين روحي نامي..
ريما والعبرة خانقتها:لا لا لا لا انتي قلتي لي بجلس اشوفه معكم..
:ههههههههههههههههههههههههههه
منار:نورة حرام عليك..
ريما:حمارة نورة مااحبك دايما تكذبين علي..
منار:لا بتجلسين تشوفينه ما عليك..
:امزح عليك..بس بشوف وش تسوين..
تفرجنا على الفلم وانا الصراحه نص الفلم كنت نايمه فيه بس اهم شي اشوف النهايه....
يوم الجمعه...اليوم كان غير في بيتنا..وغير لعمتي..غرفة سلطان صارت جاهزة وكامله..ما تركت فيها شي الا وسويته...اناوعمتي طبعا
عطرتها وبخرتها..وكنت بحط وردة بعد على السرير....قلت لكم اني مرة متحمسه..
على الساعه 8:30 نزلت عمتي وكانت لابسه ومتصلحه ومعها عبايتها...
دخلت الصاله وكانت فيها مشاعل ومنار وعمتي حصه جت عشان سلطان..
فوزيه:وين عبدالاله؟
مشاعل تناظر منار وترجع تشوف عمتي:راح..
فوزيه وعلامات التعجب على وجهها:راح؟
مشاعل:اييه يقول ما يحتاج تجي عمتكم...هو بيروح ياخذ سلطان ويجي على طول..خلى السواق يروح عشان يجيب اغراضه..
عمتي عصبت وتنرفزت كان ودها تروح تستقبل ولدها....يحق لها تعصب كم مررةهو يجي...
جلست عمتي بدون ما تقول ولاكلمه وتعبيرات وجهها كافيه انها تبين غيظها..
منار:سلطان ما يبي يتعبك..بعدين عمتي ما تفرق يعني كلها ربع ساعه بس..
فوزيه ما ردت..
مشاعل تكلم منار بصوت واطي:اسكتي بس..
منار:وين نورة؟؟
مشاعل:بغرفتها..
><><><><><
لو تشوفون وش جالسه اسوي بغرفتي...لو كنت بروح زواج ما سويت هالحوسه..ماادري ليش بس كنت ابي اطلع عنده بشكل حلوو...ترا انا مومن البنات الي كذا تفكيرهم بس ماادري ليش؟؟
منار وهي تفتح الباب:نوري وش تسوين؟؟
سكرت السشوار:جالسه ارقص..وش شايفتني اسوي؟؟
منار:وليش انشالله السشوار؟؟
:بس كيفي..
منار:انتي شعرك ناعم وحلو بدون سشوار..
:كيفي..
منار:اكششششخ وش ذا اللبس؟؟متى شريتيه؟؟
:وشو جينز وبلوزة..عادي..
منار:مرررة حلو الجينز..
:ادري..والا كان ما شريته..
منار:يا عيني يا عيني..
فتحت السشوار وكملت..ومنار جلست على السرير وتناظرني..
خلصت من شعري..
:حلوو؟؟
منار:اييه حلوو..
مسكت الكريم وحطيت بوجهي وحطيت ميك آب خفيف..كحل ومسكرة وبلشر وكونسيلر وقلوس خفيف..بسس هذا الي حطيته...
منار وهي عاقده حواجبها:نورة وش ذا التصلح؟
:هوو عاادي..
منار:لا تحطين مكياج..
:الحين هذا مكياج..؟
منار:بسسس..
:مالك دخل فيني...
منار:كل هذا عشان سلطان...
:اييه الولد من زمان ما شافنا..بعدين لازم اطلع مرتبه عنده..
منار:ماله داعي تطلعين كذا عنده..تحجبي احسن لك..
:ماابي..بعدين بقعد اتحجب منه كل يوم..وشو بيقعد عندنا يا ماما..
منار:الحمدالله والشكر..
:مثل اخووي..,اطلعي ابي البس..
منار:طيب..
طلعت منار من الغرفه ونزلت تحت وبعدها بعشر دقايق نزلت..
وانا بالدرج انزل
كلهم صاروا يناظروني...
مشاعل:النورررري..اش اش اش ايه داه كلوه؟
حمر وجهي وابتسمت..انا على طول استحي اذا احد مدحني حتى لوكنت عارفه انه يجامل..
حصه:وش هالزين؟؟
اول مادخلت الصاله رحت عند عمتي حصه اسلم عليها...:الحين بس اليوم الي زين شكلي؟؟
حصه:لا والله كل يوم..بس عااد قلت ابفرحك شوي..
:يا حبيلك بس يا عمتي..(يعني اذا مدحتيني بفرح...قلت لكم عمتي طيبه)
فوزيه:وين ريما؟
حصه:واقفه عن الباب تنتظرهم..
فوزيه:يا حلوهاا بنتي..
:ترا من العصر وهي واقفه..,واقفه وش تسوي علمي علمكم..مدري يمكن سلطان بيجي بصاروخ ويوصل العصر...
مشاعل:حرام عليييك..
منار:اسكتي بس انتي اخر وحده تتكلم....كل هالتصلح والتكشخ لييش؟؟؟
كلهم:ههههههههههههههههههههههههههههههههههههههههههههه هه...
حمر وجهي وتمنيت لو الارض تنشق وتبلعني ولا أنحط بموقف كذا قدام عماتي..
يعني بيني وبينكم منار صادقه وكل واحد يبين فرحته بطريقته الخاصه يعني ريما من العصر وهي واقفه عند الباب تنتظر وانا تصلحت والمفروض اني مااتصلح كل هالتصلح...يعني انا بطلع عند رجال ما يحرملي والمفروض اني اطلع بحجاب..
مشاعل وهي تضحك وبصوت واطي:منار حراام عليك نورة حمر وجهها..ما يصير كذا تتريقين عليها..
منار:وانا صادقه...نورة متصلحه ومتكشخه عشان مين يعني؟؟
مشاعل:بس حتى..
عمتي حصه وهي تغمز لي :اجل كل هالتصلح عشان سلطان...
ويرجعون يضحكون..
عصبت منهم مرة :ما في شي يضحك..
حصه:امزح معك يا نوير..زعلتي ترا انا الي بقلبي على لساني..
ما رديت وقمت من مكاني وطلعت من الصاله...ورحت المطبخ..
فوزيه:زعلتو بنتي..عيب يا منار تقولين كذا احرجتيها قدامنا..
مشاعل قامت وراي..قلتلكم مشاعل مرررة طيبه وماتحب احد يزعل..
مشاعل وهي تدخل المطبخ وقربت لي:هو..هو..هو نوير...
لفيت وجهي من الجهة الثانيه:مالك دخل..
مشاعل:نورة لو انك جلستي وطنشتي احسسن..
:تفشلت..كلو من منار ذا الحمارة...يعني الي صار ما يفشل..
مشاعل:لا عاادي..بعدين انتي دايما تقلبين الشي لصالحك بمزح..كان قلبتيها لمزح..
:ارتفع ظغطي..ولاتجي عمتي تستخف دمها
..
مشاعل:نورة عيـــــــب هاذي عمتك وانتبهي لكلامك..لاترمين الحكي بدون تفكير..
:رفعت ظغطي..
مشاعل:خلاص نورة روقي...وامسحي كحلك لانه ساح شووي..
:طيب..
بوقتها دخلت ريما وهي تركض:عمتو عمتو...جا سلطان وبابا..
عمتي قامت من مكانها وصارت تمشي بسرعه باتجاه الباب..
مشاعل:يلا نورة امسحي كحلك...وحطي شوي قلوس..
ضحكت:طيب..
عمتي حصه بالصاله تزغرت..(عمتي فاهمه غلط ..مو بكل وقت الواحد يزغرت بس يمكن هالشي عندها يستحق ان تزغرت)
دخلنا انا ومشاعل الصاله..
:عرس وانا ماادري..(انا على طول ارد مااقدر اخلي شي بقلبي
..)
منار:هههههههههههههههههههه..بس يا بنت عيب..
مشاعل:اعرفك ما تسكتين تردينها لو مين ما كان..
رحنا كلنا لمدخل البيت عشان نستقبل سلطان...
اما عمتي فوزيه ماانتظرتنا راحت وطلعت لهم بالحوش...
:وينهم طولوا كل ذا سلام؟
منار:اييه طبعا ولدها كم لها ماشافته..
:ودي اشوف شلون يسلمون على بعض..
مشاعل:روحي..
:لا منب رايحه ارز وجهي..الحين هم يجون..
منار:جو جو جو...
:مشالله طوييييل...شوفي الفرق بينه وبين عمتي وابوي..
دخلوا جو البيت..وعمتي ما سكه يد ولدها..وكان الفرق بالطول باين...
(سلطان كان طويل وكتوفه عريضه شوي.. كانت بشرته حنطيه لا ابيض ولا اسمر وله عوارض خفيفه ديرتي.. وشعره طويل شوي)
حصه:هلا هلا بولد اختي الي ما عمري شفته..(عمتي مرات تجيب كلام ماادري من وين)
:ههههههههههههههههههه وش ذا السلام والترحيب...قسم بالله انها تضحك..
مشاعل:نورة..بس..
سلطان:هلا.خالتي..كيفيكِ؟
حصه:الحمدالله بخير...الحمدالله على السلامه تو ما نورت الرياض...
سلطان ابتسم...(حسيته ماعرف وش يرد..)
عمتي وهي تأشر على مشاعل:هاذي مشاعل..
سلطان:هلا مشاعل..اتذكرك...
مشاعل:الحمدالله على السلامه...شخبارك؟؟
سلطان:الحمدالله..انتي شخباركِ؟
مشاعل ابتسمت:الحمدالله...
فوزيه:وهاذي منار..
منار:هلا بسلطان..شلونك انشالله بخير؟
سلطان:الحمدالله...انتي كيف حالك؟
منار:بخير..
فوزيه:وعااد هاذي حبيبة قلبي..(عمتي باذن سلطان هاذي زوجتك)..كانت تقصدني مستوعبين الاحراج الي انا فيه...احس انوجهي صار
صغير..
(هاذي زوجتي..حلووة)
this my wife..pretty.. سلطان وهو يضحك وبصيغة عجب:
تنحت فيه وحمر وجهي...لا لا لا اليوم موطبيعي يا ليت اقدر اركض واروح غرفتي وماعاد اطلع والا احسن انو سلطان يرجع لديرته ولا يصير الي قاعد يصير لي...بعدين ملاخظين ان ابوي في..بس ماسمع..ماهي حلوة في حقي لو سمع...الله يسترمن الي جاي..
سلطان:كيفكِ؟
سكتت ماقدرت ارد بس لازم ارد واصير عادي يعني ليش انحرج وهو ماهمه:تمام...
كل تخطياطتي راحت كنت ابي اساله انت كيفك شخبارك ابي اقوله الحمدالله على السلامه بس ماقدرت...
فوزيه:وعااد هاذي ريما سلمت عليك قبل شوي..
reema my baby..
سلطان وهي يحط يده على راس ريما:
no I'm not your baby..
ريما:
ok..emmmm my sweet..good?
سلطان وهو يضحك:
yes
ريما وهي تبتسم:..
عمتي كانت ماسكه يد سلطان.. وكانها خايفه انه باي لحظه بيروح ويتركها...
رحنا كلنا لصاله وتوزعنا...ماكنت احاول اني اناظر كنت العب بيدي..وبينا حكي خفيف انا ومنار...
سلطان كان ماد يده على كتف امه وضامها له..كان شكلهم حلو تخيلت لو اني ارسمهم بتكون حلوة الرسمه...
بدون تفكير وقفت من مكاني..ماكنت ادري وين بروح..بس طلعت من الصاله ورحت المطبخ شربت كأس ماي وجلست على الكرسي...كنت اتذكر الي صار لي...والله فشيله...احس صار بيني وبينه حاجز...مااقدر الحين احط عيني بعينه..لا لا لازم ارجع للصاله واكون بشخصيتي الطبيعيه انا مااحب اكون عند الناس بشخصيه اصطنعها...فكرت وقررت ورجعت الصاله امشي بوثوق ولاكاني انا الي تو...جلست والوضع طبيعي..تعرفون اتوقع انه ما ناظرني ولا عبرني اصلا يعني ولاكأن في وحده هنا ...
عبدالاله:النوري صبي لي قهوة...
استغربت من كلام ابوي..اصب له قهوة ماقد طلب مني هالطلب...مستحيل اوقف واصب قهوة انا مااعرف اصب ولا اشربها اصلا..
بصوت واطي:منار قومي انتي...
منار:لا يا ماما ابوي قالك انتي...
وقفت ورحت اخذت فنجال ابوي وحاطيته على الصنيه وفتحت دلة القهوة وصبيت وسكرتها واخذت الفنجال وعطيته ابوي...
حصه:هههههههههههههههه كذا الواحد يصب القهوة..(ماتقدر تجلس ماتعلق..بعدين كأنها اول مرة تشوفني اسوي كذا يعني انا هاذي طريقتي..بس عمتي تحب تحرج)
لفيت عليها وابتسمت...
عبدالاله:علميها شلون تصب...
فوزيه:الي ما يشرب ما يعرف يصب..
ما رديت عليهم ماعجبني الموضوع...حتى سلطان ماعجبه وما تهمه هالامور...واتوقع هوبعد ما يعرف يصب...
بعد مده قصيرة رحنا كلنا لطاولة الاكل..ابوي على راس الطاولة وجنبه عمتي وجنبها سلطان بعدين ريما...ومن الطرف الثاني عمتي حصه بعدين انا وبعدي مشاعل ومنار...ملاحظين اني انا قدام سلطان وجهي بوجه...
عيوني مانزلتها منه..والله غصبا عني...كل مااحاول انزلها ارجع وارفعها ماكان ملاحظ وماكان يناظر...صحنه كان فاضي حط له اشياء خفيفه..وجهه كان تعبان يمكن من السفر...وماكان مبسوط حسيت هالشي بعيونه..عيونه كان فيها حزن ونادر ما يبتسم...
سلطان وهو يمد لي الكأس:نورا..
(نطق اسمي بطريقه...غير نطقنا كان مخفف حرف الراء وبالنهايه حط لي الف.عجبني اسمي على لسانه اول مرة احس ان اسمي حلو)
مارديت عليه ابتسمت اخذت الكأس...وانا اصب له حسيت انه يناظرني اويناظر الكأس بالاحرى...مديت له الكأس..
سلطان:ثاااانكس...
طبعا ما رديت ابتسمت بوجهه..انا بجد اليوم موطبيعيه اليوم مو انا..كلو منهم...
خلصنا عشا وعمتي حصه اخيرا رجعت لبيتها وكنت بقولها لا عاد تجينا مرة ثانيه...لا تلوموني...
وحنا جالسين رن جوال مشاعل...قامت من الصاله كلها وخطواتها كانت سريعه...طبعا خالد الي متصل
مشاعل:الوو..
خالد:هلا والله...كيفك؟
مشاعل:كويسه...
خالد:عاجبتك الجلسه عند اهلك..
مشاعل:اليوم سلطان جا..
خالد:الحمدالله على سلامته..
مشاعل:الله يسلمك..
خالد:طيب يلا ارجعي البيت..
مشاعل:انشالله...
خالد:امرك والا تجين مع السواق؟
مشاعل طبعا انبسطت :لا مرني..(هي موكانت زعلانه منه!!!قلت لكم انها طيبه)
خالد:اوكي خمس دقايق واكون عندك...(خالد اصلا كان واقف عند باب بيتنا وهو عارف انو لو قالها امرك بتقول اييه..,والله مو سهل هالخالد)
دخلت مشاعل الصاله والضحكه من هنا الى هنا...
مشاعل:خالد يسلم عليكم...,سلطان يقول انشالله بجي اسلم عليك...(تألف من عقلها بس عشان تبي تبين لنا انه طيب ومهتم)
thanx
سلطان:
سلمت علينا وطلعت ودقيقه ومشاعل راكبه السيارة...
(عمتي طبعا وقفت معاه)
ok..good night allسلطان وقف:
كلنا:وانت من اهله..
عبدالاله:ارتااح ونم زين..
God willing
سلطان:
راحو هو وعمتي للغرفه...
عمتي وهي تفتح باب الجناح:وهذاا جناحك..غرفة ومكتب..
thank you very much
سلطان:
فوزيه:والله ولا شي..انا لو ابي كان سويت لك قصر....
عمتي سكتت شوي:سلطاان انا مااعرف انجليزي وتراك بالسعوديه مو بامريكا...يعني تكلم بلهجتك
سلطان باس راس امه...
فوزيه:وترا هذا ذوق نورة..
سلطان:حلوو والله...(هذا الي قدر يطلع فيه)
فوزيه:يا حبيلها هالبنت..
سلطان:اييه...
بعد سكوت شوي..
سلطان:يمه أبي انام على حضنك مشتاااقلك...
عمتي على طول دمعت عينها:وانا بعد مشتاقتلك..انت لو تطلب عيوني اقدمها لك..
ابتسم سلطان..:اوكي انا بلبس بجامتي وبغسل...
فوزيه:وانا بنتظرك بالمكتب واذا خلصت اجيك..(عمتي كانت فرحاانه وماالومها على الي تسويه)
ربع ساعه وخلص سلطان وفتح باب غرفته ودخلت عمتي...سكرت عمتي الانوار وجلست على السرير وحط سلطان راسه على امه وعمتي كانت تلعب بشعره...
سلطان:يمه..
فوزيه:عيووووني...
سلطان سكت وماتكلم..
فوزيه:انا بحلم والا بعلم...والله اني مو مصدقه..
سلطان:حبيبتي يمه...
عمتي بدت تتكلم وسلطان ساكت...يمكن ربع ساعه وسلطان ناااااام وراح في سابع نومه...بعدته عمتي عنها وحطت راسه على المخدة وغطته باللحاف وباسته..وطلعت..
انا ومنار قاعدين ننتظر عمتي...اما ابوي وريما راحوا ينامون...
واخيـــــــــرا جتنا..
منار:عمتوو وينك..
فوزيه:انومه بعد قلبي..
انا ومنار سكتنا..
فوزيه:يقول ابيك تنوميني مشتاقلك...
انا دمعت عيني ماادري ليش ..مشتاقه لامي ابي اضمها ابي انام على حضنها...ماكنت ابي اصيح بس غصبا عني..وحسيت ان سلطان وعمتي محرومين من بعض وكل واحد اكثر من الثاني مشتاق..
اما منار سكتت...
عمتي جت وضمتني..:نوري تصيحين..
مارديت..
فوزيه:بس يا حبيبتي...
رفعت راسي ومسحت دموعي وابتسمت..:عمتي عجبت سلطان الغرفه؟؟
فوزيه:يقوول تجنن ..(تحب تبالغ عمتي)
نورة:كوييس..
منار:يا بختك يانوري عجبته الغرفة..
ما ضحكت على سخافة منار..ولا حتى ابتسمت..
فوزيه:يلا بكرة وراكم جامعات..تصبحون على خير..
كلنا:وانتي من اهله..
طلعنا انا ومنار ورحنا غرفتي...
منار:ههههههههههههههههههههههههه..
التفت عليها:وش الي يضحك؟
منار:ليش صحتي؟؟
:ماادري والله بس كسروا خاطري..يعني تخيلي امك فيه ومحرومه منها...
منار:امممممم..
:الله يخليهم لبعض..
منار:وش رااااااااااايك فيه؟؟
ابتسمت لها:مشالله مشالله مشالله توفي بحقه...
منار:يعني الي ما هذا هذا...
تنحت فيها:اييش؟؟
منار:ههههههههي يعني الي ما يعجبه احد احس يعجبه سلطان...
:ههههههههههههههههه...الله ياخذ بليسك...
منار:احسسه حليل مررة...
:لا تحكمين الحين لساا..
منار:بس باين من عيونه..يعني انا توقعته يرووع...
:لا ابددددا...شكله من النووع الهادي الي يحب الهدوء....
منار:اييه صحح..
:والله يا منار ما رفع عينه علينا...
منار:وش تبين بعد يقعد يناظر..بعدين يا ماما ياما شاف وشاف..
:شووفي والله في رجال لو وش شافوا ووين عاشوا عيونهم طويله او من الطبيعي ان الواحد يناظر..بس هذا لا ابددا..
منار:يمكن...
كملنا سواليف وتعليقات...وبعدين طردت منار ونمت...بكرة وراي قومه من 8 ولازم اروح الجامعه....
><
><
><
><
><
نروح لسارة ولفهد شوي الي بعد ثلاث ايام راجعين وماقالوا لاحد..هذا طلب سارة طبعا تبي تسوي مفأجاة لنا...
بالاوتيل..
سارةجالسه على السرير وفهد بالحمام ياخذ له شاور...عشر دقايق وطلع فهد من الحمام..
سارة:ماكلموني خواتي..يا سخفهم..
فهد وهو يمشط شعره:وليش يكلمونك؟
سارة:عشان سلطان...
فهد:بكرة يكلمونك..
سارة:انشالله...
فهد وهو ينسدح على السرير وسارة على طرف السرير جالسه:تعباااااان...وميت تعب.
سارة:نااام..
فهد:قولي بسم الله عليك..قولي بعد قلبي..مو نااام..
سارة:هههههههههه,انا لاني ابي مصلحتك قلت لك نام..
فهد:سكري الانوار طيب..
سارة:من عيوني..
فهد باس سارة:تصبحين على خير..
سارة:وانت من اهله...
><><><><><><><
اليوم السبت...الساعه 12:30 خلصت كان عندي محاضرة وحده وعملي واحد بعد..اما الي بعد 12 تكنسلت....كلمتني هاله بنت خالتي ورحت لها...
وصلت للمكان الي هي فيه...وكان معها بنات..سلمت عليهم...وحنا واقفين..
هاله:نوري ترا برجع معاك البيت...
ناظرتها وكشرت:ليش؟؟
هاله ابتسمت:بس كذاا...
:ماقلتي للسواقك يجي؟؟
هاله:لا ماقلت له..
ليش ما قلتي؟؟
هاله:يعني ماتبيني؟؟لا قوليها بوجهي..
البنات ضحكوا..
(بيني وبينكم انا استحيت وحسيت اني مصختها...بس من جد هي وش تبي ترجع معاي)
ضحكت ارقع السالفه:استهبل عليك...يلا امشي نطلع..
هاله:ومنار؟؟
:منار الساعه 3 تطلع..اليوم السبت..
هاله:اوكي..
سلمنا على البنات وطلعنا...
بالسيارة..
:طاهر روح بيت خالتي نوال..
هاله:نورة برجع معااك..
:يااختي عندنا ولد عمتي سلطان عيب تجين..
هاله:ادرري انا ابي اجي عشاان اشوفه..
:هاله برجعك بيتكم والا بنزلك مرة ثانيه للجامعه....
هاله:نوري بلا غباء وش فيها لو اجي؟
:ماقلت شي بس مو تجين غدا يعني تعالي مرة بالليل..
هاله:اخاف يكون طالع والا شي..
عطيتها نظرة بعيوني ولفيت..(حسيت اني غبيه ماادري ليش سويت كذا...بس بعد هي تصبر مو على طول تجي تنط وشو هو كائن غريب!)
هاله:ههههههههههههههههههه...اجل صاادقه مشاعل..
ضحكت وماعلقت..
هاله وهي تضربني بيدها:نورة والله مااجي بيتكم بس ليش لهدرجه ماتبين اجي؟
انا باندفاع:لانو ماله داعي بذا الوقت تجين...
هاله:ههههههههههههه طيب..بصدق..يا رب انشالله يرجع الحين لامريكا..
:الحمدالله والشكر..
هاله:يارب ترجعين وماتشوفينه...
:احسسن مو اكبر همي..
هاله:اووص بس..
:زعلتي؟
هاله:ازعل من النوري...لامازعلت بس لاعمرك تعيدنها..
ضحكت:انشالله...وانتي بعد لاعمرك تعيدنها
اخذتنا السواليف ودقايق ووصلنا بيت خالتي نزلت هاله ورحت انا البيت..واخيرا وصلت..نزلت بسرعه من السيارة ودخلت البيت...
:السلام عليكم..عمتووو وينك؟؟
مااحد رد...
رحت الصاله الثانيه بعد مافي احد...
رحت لجناح سلطان لقيت الباب مسكر..طبعا ماحاولت افتحه..رجعت ورحت فوق ودخلت غرفة عمتي ولقيتها تصلي..جلست على الكنبه وبعد ماخلصت...
:اخيررا لقيتك...
عمتي:هلا هلا...
:شخبارك؟
عمتي:الحمدالله..انتي شخبارك وكيف الجامعه؟
:الحمدالله كويسه...,وين سلطان؟
عمتي:نايم...
:اهاا ماقام؟؟
عمتي:الا قايم من 7...ورجع قبل شوي ابد يمكن ماله الا ربع ساعه...تعرفين نومه متلخبط..
(انقهرت كلو من هاله لو اني ماوصلتها كان وصلت قبل لايناام...يالله على الحظ...بس معليش الايام جايه)
:اهااا....,اوكي انا بروح انام..يلا تصبحين على خير..
فوزيه:ماتبين تتغدين؟
:لا مااشتهي..
فوزيه:براحتك..
طلعت غرفتي وبدلت ملابسي وصليت ورميت نفسي على السرير ونمت..ورحت في سابع نومه....
ماحسيت في نفسي الا ويرن جوالي وكانت صديقتي مرام...جيت برد قفلت..قمت من السرير ورحت فتحت النور وشفت الساعه كانت سبعه المغرب....مستوعبين اني نمت كل هالوقت ومااحد صحاني...دخلت الحمام بسرعه وغسلت وتوضيت صليت العصر والمغرب..وبدلت ملابسي ونزلت...دخلت الصاله وكان في عمتي ومنار وريما...
:اهللين..
منار:صححححح النوم...
فوزيه:وش هالنوم؟
:ليش ماقومتوني؟
منار:قومتك وماقمتي...
:راحت على صلاة العصر..توي اصليها مع المغرب..
فوزيه:انا والله انشغلت مع سلطان...
ابتسمت:وينه؟
منار ضحكت..
فوزيه:راح ماله الا خمس دقايق توه طالع..مره ولد عمه وراح يسلم على عمانه..(ربي استجاب دعوة هاله وما شفته..)
انا ضاق صدري..:طيب متى بيجي؟
فوزيه:اكيد بيطول وبيتعشى هناك..
سكتت وجلست على الكنبه واخذت الريموت وبديت اغير من قناة لقناة..
الجو كان ممل ساكتين ومااحد منا يتكلم ومشاعل ما جتنا اليوم...
رحت لغرفة رسمي وقعدت اخربط شوي..جبت لوحه وقعدت اشخبط عليها ..كل الالوان جربتها فيها...ماقدرت ارسم مااكان لي خلق..
على الساعه 11 رجعت الصاله وابوي كان في..جلسنا تقريبا الى الساعه 12 وبعدين كلنا طلعنا فوق...ماقدرت اجلس بحالي...
منار راحت ونامت وابوي بعد..وعمتي دخلت غرفتها بس اكيد انها ماراح تنام..لازم تشوف سلطان قبل لا ينام...
غسلت ولبست بجامتي وكلمت على هاله..
من 12 الى 2وانا اكلمها...ماحسيت ان احد جا...بعد ما قفلت منها طلعت من غرفتي ورحت غرفة عمتي ولقيتها نايمه..معناته رجع سلطان بس انا ما حسيت فيه..
نزلت تحت بس كنت ابي اكل شي جوعانه...مو عشان سلطان..لانه اكيد نايم وماراح يطلع من غرفته...
دخلت المطبخ وفتحت الثلاجه طلعت الحليب وكان فيه كيك شوكلت عشقي الشوكلت...
صبيت لي كاس حليب وقطعت لي كيكه..جلست بالمطبخ اكل...
كنت منزله رراسي ومتنحه بالكيكه وكانت العب بالشوكه...رفعت راسي بعد ما سمعت صوت...
جت عيني بعينه... سلطان الي جا..حمر وجهي انا كنت لابسه بجامتي...وهو بعد كان لابس شورت وتي شيرت..
سلطان:هااي...
:هلاا..
؟
glass قام يفتح الدولايب يبي كأس...لف علي:وين القى
وقفت من مكاني ورحت فتحت الدولاب الي فيه الكاسات وطلعت كاس..ومديت يدي له..مد هو يده واخذ الكاس..
سلطان:ثانكس..
طلع من المطبخ قبل حتى لا ينتظر ردي..
رجعت وجلست وباخذ صحني..ماكنت مركزة وانا امد يدي عشان اخذاه طخيته وطاح الصحن على الارض...
انكسر الصحن وطلع صوت قوي..ارتبكت..وقفت وتنحت بالي انا سويته...
سلطان طبعا سمع الصوت ورجع المطبخ على طول..
what happened
سلطان:؟
مارديت عليه..جلست على ركبتي عشان اشيل قطع القزاز...
قرب سلطان وجلس هو الثاني وبدا يشيل معاي..
ماكنت احاول اناظره...مابينا الا مسافه قصيرة..كان قريب مني..
رفعت راسي له:سلطان شكرا مايحتاج انا اشيله..
سلطان:لا عادي اساعدك,بس انتبهي ليدك لاتجرحينها...
خلصنا..
وقفنا وصرت تقريبا جنبه...كان اطول مني بكثير...بس كان شكلنا حلو..يعني مناسبين لبعض..(مو حنا لا اقصد طولي وطوله)
سلطان:تدرسين بالجامعه؟؟
ابتسمت:اييه..
سلطان:كم لك؟؟
:اول سنه..
سلطان:وش تدرسين؟
:فنيه..
سلطان ابتسم:تعرفين ترسمين؟
ابتسمت بوثوق:طبعا اعرف والا ليش دخلت؟
سلطان:حلوو..
ابتسمت له...
سلطان:بكرة ماعندك جامعه؟
:الا عندي..
سلطان:مو متأخر الوقت الحين وانتي مانمتي؟
ابتسمت:الا متأخر بس ما فيني نوم..
سلطان:اهااا..
كان بخاطري اساله اذا هومرتاح والا لا..وطبعا انا الي في بالي اسويه..
:سلطان كيف الوضع عجبك؟
رفع حاجبه وابتسم نص ابتسامه(كان حلو شكله):يعني...ليش؟
:لا بس كنت ابي اعرف...
سلطان:على فكرة الغرفة والمكتب مرة حلوين..
حمر وجهي وابتسمت:شكرا...
ناظرني نظرة غريبه مااقدر اوصفها...
:كيف عيال عمك؟؟(انا ملقوفه..)
سلطان:كويسين...
ابتسمت بوجهه:اوكي انا بروح انام تصبح على خير..
سلطان:وانتي بخير...
مشيت انا وتركته...وانا عند الباب بطلع..
سلطان:نورا...
لفيت عليه:نعم..
سلطان:القى عندك حبوب عشان ابغى انام..
ضحكت من جوا...(اكتشفت شي انه ما يعرف يحكي...حكيه ملخبط شوي)
:اييه...بروح اجيب لك..
سلطان:ثانكس..
رحت فوق وقعدت ادور طولت شوي..واخيرا لقيتها ونزلت بسرعه مالقيته لا بالمطبخ ولا بالصاله...رحت جناحه ووقفت عند الباب وناديت عليه...فتح باب الغرفه ومشى خطوات قصيرة وصار قدامي..عطيته الحبوب...
سلطان:ثااانكس نورا..
ابتسمت له:العفو...
طلعت من جناحه ورحت غرفتي..وطبعا مانمت على طول...ماادري بس حسيت كأني بفلم كأن الي قاعد يصير لي حلم...كنت مبسوطه..
><
><
><
><
><
الساعه 7 المغرب جالسين كلنا بالصاله...انا وعمتي ومنار وريما وطبعا سلطان...الحين صار واحد منا..
ريما وسلطان كانوا يلعبون مع بعض..وانا معاي مجله اتفرج عليها..وكانت بينا سواليف انا وعمتي ومنار...
بوقتها رن تليفون البيت...انا الي كنت جالسه جنب التيلفون ورديت..
:الو..
ام فيصل:السلام عليكم..
:وعليكم السلام..
ام فيصل:ممكن اكلم ام سلطان؟
:انشالله..دقيقه بس..
hold__
حطيت التيلفون على....
:عمتي وحدة تبيك..
فوزيه وهي توجه الكلام لسطان:كل عماتك كلموا..من بقى ماكلم؟
سلطان ابتسم...:تبين اكلم انا؟
فوزيه:عطيني السماعه نوري..
مديت لها السماعه..وردت..
فوزيه:الوو..
ام فيصل:السلام عليكم..
فوزيه:وعليكم السلام..
ام فيصل:كيف الحال؟
فوزيه:بخير الحمدالله...,مين معي؟
ام فيصل:معاك ام فيصل ال............
فوزيه:ياهلا والله..شخباركم وكيف الاهل؟
ام فيصل: بخير الله يسلمك.
ام فيصل:بغيتك في موضوع خاص..
فوزيه:تفضلي يااختي...(طبعا عمتي على الطاير فهمتها..يبون يخطبون)
(انا ومنار سكتنا وكنا قاعدين نسمع وش تقول عمتي..اما سلطان مااهتم وكمل لعب مع ريما)
ام فيصل:ولدي على وجه زواج وندور له هالفترة وعاد شفنا منار بنت اخوك وعجبتنا وقلت اكلم اشوف..
فوزيه:والنعم والله نتشرف..
(منار وقف دمها..وجهها صار الوان..كانت تكره احد يتقدم لها...وشايله فكرة الزواج من بالها ..طبعا الا من فيصل..)
انا كنت اكلم منار:يمكن مو لك؟
منار:عمتي تناظرني انا ماناظرتك انتي...
نرجع لعمتي وام فيصل...
ام فيصل:يعني انتم موافقين على مبدا الزواج؟
فوزيه:اييه ماعندنا مانع...(عمتي تتكلم عن رايها بس مو عن راي منار ولا عن راي ابوي)
ام فيصل:لو ما عندكم مانع نجي نتعرف...حصل نصيب والا ماحصل..
فوزيه:الله يحيكم باي وقت..
ام فيصل:متى يناسبكم؟
فوزيه:الاثنين دور بكرة يناسبكم؟
ام فيصل:على خير انشالله...وهذا رقمي عشان لو حبيتوا تاجلون والا شي..
فوزيه:دقيقه ياقلبي...
عمتي:نورة اكتبي الرقم...
:طيب..
كتبت الرقم...
ام فيصل:يلا مع السلامه...
فوزيه:مع السلامه...
قفلت عمتي من هنا نطينا انا ومنار على عمتي...سلطان التفت اخيرا ووجه نظره لنا..
:لمين؟
فوزيه:لمنوري...
منار:لا لا لا لا...انا قايله لكم زواج الحين ماابي...وشي ثاني ليش تقعدين تتحددين..انا قلت لك لاتقولين شي الا اذا سالتيني..
فوزيه:نسال ونشوف..وش يضرك انتي...الحيم وافقنا حنا!
:ولد مين؟
فوزيه:اسمه فيصل ال...............
انا ومنار بصوت واحد:احللللفي..
عمتي ناظرتنا باستغراب:هو هو هو اكذب انا...
مااقدر اوصف لكم شعور منار والا شكلها...احسها كانت تبي تطير من الفرحه....ماهي مصدقه...وكان باين على شكلها حتى سلطان كان يناظرها...
رن جوال سلطان وقام من الصاله..
منار وقفت:عمتي لا تكلمينهم وتقولين شي...انا الصراحه اسم الولد عجبني...وانتي قولي لابوي..طيب؟
عمتي استغربت والافكار بدت تلعب براسها..عمتي ماهي غبيه وتعرف حركات البنات...
التفت وومالقيت الاغبار منار...شكلها ركبت صاروخ وطارت فوق عشان تكلم فيصل....
فوزيه:اخبرها ماتبي تتزوج..وش الي فرق الحين؟
:ماادري اسأليها...
عمتي ناظرتني نظرة غريبه وسكتت...
رجعت ومسكت المجله..وكنت بحاول قد مااقدر اني اصير طبيعيه...جلست شوي بعدين رحت غرفتي اكلم هاله...
هاله:هلا هلا والله بالطش والرش...
:هاله حزري بسرعه وش صار؟
هاله:وجعع نوير وش صار؟
:فيصل خطب منار...
هاله:احلففففففي..ياحمارة...ياحبيلهم...
:شفتي شلون..
هاله:ماالت علي.....(هاله قصتها كوم ثاااني....بقولك عنها بس بعدين شووي)
:مناار مررة مبسووطه..
هاله:ليش ماكانت تدري قبل؟
:لا شكله سواها مفأجاة لها..
هاله:ياحليله...الله يتمم على خير انشالله...
وجلسناا نسولف وطولنا مررة...
><><><><><><
دخلت منار غرفتها وسكرت الباب بالمفتاح...مسكت جوالها وكلمت على فيصل..
من اول رنه رد فيصل..
منار:ياحمااااااااار ليش ما قلت لي؟؟
فيصل:هههههههههههههههههههههه..الله حمار بكبرها...حرام علييك..
منار :فيصل احبك...احبك ..أحبك..احبك..أحبك..
فيصل:وانا اموت فيك...اموت فيك.. اموت فيك...
منار:ليش ما قلت لي؟
فيصل:حلوة المفأجاة اول والا لا؟؟
منار:احلى مفأجاة...فيصل ماني مصدقه...
فيصل:اهم شي منوري مبسوطه...
منار:ابي اطير من الفرح...فيصل اخيرا..
فيصل:يمكن شهر ونعلن خطبتنا...بنصير على كل لسان..منار انخطبت لفيصل ال...و فيصل خطب بنت ال....
منار:ههههههههههههههههههههه...انشالله..
فيصل:انشالله...ادعي ربك يامنار يتمم لنا..
منار:انشالله...
كملوا منار وفيصل سواليف عن زواجهم وعن خطبتهم وعن بيتهم وعن عيالهم....
><><><><><><
نرجع لصاله والي جالسين فيها...عمتي راحت..المطبخ والا غرفتها...ماعلينا..وانا وريما جالسين..
رجع سلطان الصاله..وماكان طبيعي انقلب فوق تحت..وطبعا ان استنتجت انه المكالمه هي الي سوت فيه كذا.
سلطان وهو يجلس:وين امي؟
:ماادري يمكن راحت غرفتها...
ريما:سلطان تكمل لي القصه؟
سلطان:بكرة اكملها لك..
ريما وهي تهز راسها:اوكي..
طلعت ريما من الصاله وراحت غرفة الفيديو...
انا اتفرج على المجله الي ماادري وش فيها اصلا..كنت اقلب الصفحات وانا ماادري وش اشوف..كنت كل شوي ارفع عيني واشوف الوضع...
اما هو كان يتفرج على التلفزيون وكان رافع رجله وحاطها على الثانيه وحاني كتفه شوي..ويهز برجله...
كان متوتر مرة...
حبيت اقطع سكوتنا شوي...
:وش فيك؟
سلطان ناظرني :أنا؟
:في احد غيرك؟
سلطان ابتسم:مافيني شي..
:شكلك مو مرتاح؟
mind your own business
رفع سلطان حواجبه:
انا تنحت ووجهي حمر وعصبت وارتفع ظغطي...وتمنيت لو اقدر اقوم واسطره...انا عارفه اني ملقوفه بس ما يرد علي بذي الطريقه...
طلع من الصاله وراح غرفته..وانا بعد قمت ورحت غرفة رسمي... عمتي دخلت علي شوي ومنار جت تقولي وش قالها فيصل...
بالصاله عمتي وسلطان...منار بغرفتها وريما نامت وابوي مابعد جا...
سلطان:وين نورة؟
فوزيه:بغرفة رسمها...
سلطان:وينها؟
فوزيه:تحت بالقبو...
سلطان:بالبيسمنت؟
فوزيه:اييه..اييه..
سلطان:ابي انزلها عادي؟
فوزيه:اييه عادي..وش تبي فيها؟
سلطان:بسألها عن شي..
فوزيه:طيب..
نزل سلطان تحت ووقف عند الباب الي كان مسكر طق الباب..
انا كنت منسدحه على كنبه وكانت الكنبه صغيرة ورجلي طالعه..( كانت بالغرفه عشان اذا تعبت من الرسم اجلس فيها)...وكنت حاطه سماعات الاي بود على اذني..ومااسمع زين الاصوات الي بره...
طق المرة الاولى مارديت...
مرة ثانيه..وسمعت الصوت..
انا بصووت عالي:مييييييييين؟؟
سلطان:انا سلطان..
ماسمعت الاسم ولاحتى ميزت اذا كان الصوت..صوت منار والا احد ثاني..
دخل سلطان..وانا كنت ملقيته ظهري..بس حسيت ان الي عند الباب دخل..
بصوت عالي :شووفي يا منار اذا بتتكلمين عن فيصل اطلعي انا مالي خلق...
سلطان قرب وصار بوجهي:انا سلطان مو منار...وشيلي الاي بود..عشاان تسمعين كويس...
ليش انا كذا يصير لي معاه..ربي مسلطه علي...
عدلت جلستي بسرعه وشلت السماعات من اذني ورفعت راسي عشان اقدر اشوفه زين..
:نعم...
i'm sorry noura:
سلطان
ناظرته ومارديت...
سلطان:انا كنت معصب وردي كان وقح شووي..
:انا الي اسفه اني تدخلت..
سلطان:اهم شي ماتزعلين...
:لا..
سلطان:اوكي..اخليك..وانتبهي مرة ثانيه لاتقولين شي يمكن يحطك في مشاكل الا وانتي متأكده ان الي تبينه هو الي دخل..
طلع على طول قبل لا ارد..
ايش يبي هذا الانسان المتعجرف...احسه شايف نفسه مسوي هو الي فاهم واننا كلنا اغبياء..
طلعت من الغرفه ورحت فوق عند منار...
فتحت الباب بدون مااستأذن...وكانت تكلم...
:منااااااار ميين؟
منار:فيصل...
:اهااا...
طلعت من الغرفه وكنت مرة منرفزة ومعصبه رحت غرفتي ورميت نفسي على السرير وبديت اصيح...مشاعل متزوجه ومنشغله بزوجها وسارة بعد ومنار عايشه احلى قصه حب وقريب بتنخطب له...وأنــــــا لا احد مهتم فيني ولا انا مهتمه بأحد...مخدتي تملت دموع جلست ساعه.. وانا اصيح قمت وغسلت وجهي وتوضيت وصليت ركعتين...وحسيت نفسي أحسن..
><><><><><><
مشاعل وخالد جالسين بالصاله...كانوا ساكتين وبوقتها رن جوال مشاعل..
مسكت مشاعل جوالها وشافت المتصل وكانت صديقتها غادة...
على طول ردت مشاعل..
مشاعل:هلاااا والله وغلا..
غادة:هلا بك...
مشاعل:ويين النااس..صدق انك قاطعه..من بعد زواج سارة ما شفناك..
غادة:والله بنتي كانت تعبانه الفترة الي فاتت وانشغلت فيها مررة...,بعدين انتي بعد وينك؟
مشاعل:حبيبتي ماتشوف شر,..شخبارك بعد؟؟
غادة:بخيير...شخبار سارة وخواتك؟
مشاعل:الحمدالله بخير..,كيف امك سلميلي عليهااا مررة...
غادة:انشالله...,مشاعل عندي لك خبر..
مشاعل:حامل؟
غادة:لا..,خبر ما يخصني..يعني عن وحده من البنات..
مشاعل:سمر والا لميس؟؟
خالد لف على مشاعل على طول وركز انتباهه عليها...طبعا لميس الي يحبها خالد...وهي صاحبة مشاعل..
غادة:لا لميس..انخطبت..
مشاعل:صددددددددددددق...يا حبيلها...والله اني دايما ادعليها...ولد مين؟؟
خالد هنا وقف دمه ومانزل عيونه من مشاعل...وبدت الافكار تلعب براسه...
مشاعل:الله يوفقها انشالله...
غادة:امييين..وعقبال سمر انشالله..
مشاعل:انشالله..
غاده:اوكي ميشوو..اخلييك وانا عارفه اني اتصلت بوقت متأخر...
مشاعل:لا حبيبتي انتي تتصلين بأي وقت...نشوفك انشالله على خير..
غادة:انشالله..يلا مع السلامه..
مشاعل:مع السلامه..
اول ماقفلت مشاعل..
خالد:مين؟
مشاعل:غاادة صديقتي..
خالد:وش تبي؟
مشاعل:تسلم..وتقولي على وحده من البنات انخطبت..
خالد وهو ياخذ نفسه:مين؟
بوقتها دقيت انا على مشاعل..اعرف اوقت صح؟
مشاعل على طول ردت...
:ميشوو وحشتيني مررررة لك يومين ما جيتي؟
مشاعل:جلست اليوم مع خالد...وامس رحت مع خالتي ازور وحده وراح الوقت...
:ميشووو مررة ضايق صدري...
مشاعل:بسم الله عليك وش فيك؟
:ماادري..بس كذا...
مشاعل:أحد زعلك؟
:لا...
مشاعل:نوري ضيقتي صدري...
:عندك خالد؟؟
مشاعل:اييه..
:طيب..اخليك وسلميلي عليه...وبكرة تعااالي ترا بجي عندك اذا ما جيتي...
مشاعل:انشالله حبيبتي..انتبهي لنفسك..
:بااي..
قفلت مني مشاعل...
مشاعل:خالد وش تبي تتعشى؟
خالد:ولا شي..,وش كنا نقول قبل شوي؟
مشاعل:ولا شي...
خالد:ايييه صديقتك انخطبت؟
مشاعل:اييه..
خالد:ميين؟؟
مشاعل:لميس...
خالد هنا صفر وجهه والدنيا قامت تدور فيه..بلع ريقه:لميس؟؟
مشاعل:اييه لميس...الله يوفقها والله البنت مررة طيبه..(والله انتي الي طيبه)
خالد لا شعوريا وقف من مكانه وطلع من الصاله...راح الحمام غسل وجهه بماي بارد..يبي يتأكد اذا هو بحلم والا بعلم...
أخذ نفس طووووويل...مستحيل لميس انخطبت...لا لا يارب انه كذب...لا ليش مسحيل انا الي خنتها وتزوجت..مو هي..انا الي بعتها مو هي..انا الي هدمت حبنا مو هي...انا وانا وانا وانا...آآآآه...لازم انسى...شلون انسى..لميس حب عمري لميس اول حب واخر حب....
انا لازم اطلع من البيت..مشاعل اذا شافتني بذا الحاله بتشك وبتستغرب...
بدل خالد ملابسه وطلع من الغرفه وهو يمر بالصاله..
مشاعل بستغراب:على وين؟
خالد وماهو عارف وش يقول:احمد كلمني.. سيارته صار له حادث.. وبشوف..
مشاعل:اييش؟؟
خالد وهو يمسح على راسه:صار له حادث...
مشاعل بخوف:متى؟
خالد:تو كلمني..خلاص لا تكثرين اسئله..
مشاعل:لااله الا الله...طمني عليه.
طلع خالد من البيت وترك مشاعل المسكينه الي صدقت كذبته...
><><><><><><><
يوم الاثنين...الساعه 6 المغرب...توي اصحى من النوم...بدلت ملابسي ونزلت لصاله ..كلهم كانوا قاعدين..
:السلام عليكم..
كلهم:وعليكم السلام...
ابوي يكملني:شخبارك نوري..؟
:الحمدالله بخير..انت شخبارك؟
ابوي:الحمدالله طيب..,تعالي اجلسي جنبي من زمان ما جلست معاك..
رحت وجلست جنبه كان يسألني عن الجامعه وعن رسمي وعن اشياء كثيرة...
منار كانت جالسه جنب عمتي الي كانت جالسه بينها وبين سلطان...
منار بصوت واطي:عمتي قلتي لابوي عن الي تقدم لي؟
عمتي:لا ماقلت له نسيت..
منار:تنسين شي مثل كذا؟
عمتي:ماجلست معاه...اليوم انشالله اقوله..
ابوي يكلم عمتي:فوزيه كلمتي كل خواتي وعزيمتهم يوم الاربعاء.؟
فوزيه:اييه..عااد انت عليك اخواني..
عبدالاله:اييه قلت لهم...
:في عزيمه في بيتنا؟
فوزيه:ايييه عشان سلطان..يشوفونه خواله وخالاته وعيالهم...
:اهاا...
..بعد ساعه تقريبا جت مشاعل..
رحت لها وكانت تفصخ عبايتها..
:ميشووو وحشتيني..
مشاعل:هلا والله...
:كيفك؟
مشاعل:كوويسه...
:وجهك تعبان..
مشاعل:امس مانمت الا متأخر...
:ليش؟
مشاعل:احمد صديق خالد صار له حادث..ومارجع الا الفجر..
:ياساتر...بالمستشفى؟
مشاعل:لا لا مادخل..
ناظرته واستغربت..:اهاا
مشاعل:مين في؟
:كلهم..
دخلنا الصاله انا ومشاعل...
><><><><
ا
لساعه 9 الليل...بالمطار سارة وفهد توهم واصلين الرياض...
كان باستقبالهم وليد اخو فهد وبدر ولد اخوه...
جالسين ينتظرونهم يجون...
وليد:تأخرو..
بدر:لا الرحله لها ربع ساعه واصله..اصبر..شوي..
وليد:اكلمه؟
بدر:اصبر شوي..تلقها ياخذ شناطه الحين..
عشر دقايق..وطلعوا سارة وفهد..
وليد:جو جو...
بدر يلتفت:وين؟
وليد:قداام وجهك..
بدر:اييه والله..
من الجهة الثانيه سارة تكلم فهد:ماقلت انهم بيجون يستقبلونا...
فهد ابتسم...ومارد على سارة..
قربوا وليد وبدر لفهد...
فهد وهو يفتح يده لوليد:هلاااااااااااااااا والله...
وليد:الحمدالله على السلامه تو مانورت الرياض...شخبارك؟
فهد:حبيبي والله منورة باهلهاا...الحمدالله انت شخبارك؟
وليد:الحمدالله بخير..
بدر:هلا والله وغلا..
فهد:هللا بك..شخبارك؟
بدر:الحمدالله بخير...
سلموا على سارة وراحوا السيارة..
بدر ووليد طبعا قدام وفهد وسارة ورا..
سارة بصوت واطي:فهد بيت اهلي..
فهد:نروح بيتنا اول..
سارة:لا..
فهد:ايش لا؟
سارة:بيت اهلي..
فهد:نروح البيت وتلبسين وتتحممين وتروحين بيتكم..
سارة:لا فهد بلييز مررة مشتااقه لاهلي...
فهد:وش تفرق معك؟
سارة:تفررق..
فهد:الي تبينه...
فهديكلم بدر لانه هو الي كان يسوق..:بدر بيت اهل سارة الله لا يهينك..
بدر:تاامر امر...
سارة:شكرا فهد..
فهد مارد عليهاا..
سارة سكتت وحست انه زعل(هذولا الرجال اذا ما نفذتي لهم طلب زعلوا)
فهد وبدر ووليد كانوا يسولفون ويضحكون وسارة ساكته...
وصلوا بيتنا...
سارة ماتكلمت ولا كلمه مع فهد..فتحت باب السيارة...
وهي تنزل:يلا مع السلامه...
وقفت سارة شوي تناظر فهد وبعيونها استفهام اذا بينزل والا لا..فهد ما تجاوب معها..
سكرت سارة الباب ولفت..ووقفت عند باب البيت...
بدر:انزل معها..يااخي..
فهد حس بتأنيب الضمير وفتح باب السيارة ونزل..
فهد:سوسو..
لفت سارة وببرود:نعم..
قرب لها فهد:سلميلي عليهم وبوسي لي ريما...
سارة:لاعمرك تزعل...
فهد:ههههههههههههههه...من عيوني..يلا حبيبتي ادخلي..وانتبهي لنفسك...
سارة:انشالله..يلا مع السلامه..
فهد:مع السلامه..
رنت سارة الجرس وجت الخدامه فتحت لها..ودخلت جوا البيت...
وهي قريبه من الصاله وقبل لانشوفها:السلااااام عليكم...
انا نطيت من مكاني:سااارة ساارة جت...والله هذا صوتها..
كلنا ركضنا لها انا وخواتي وعمتي..طبعا الا سلطان..
سارة لما شافتنا:وحشتووووووووووني مرررررة...
انا لما شفتها صررخت غصبا عني ورحت ضميتها على طوووووول...
كانت تصيح حبيبتي..
سلمنا عليها كلنا...ورجعنا لصاله..
اول ماشافت سلطان بكل براءة وغباء:سلطاااااان..
سلطان ابتسم ووقف:هلا والله سارة...
سارة وعلامات الانبهار على وجهها:كيفك؟
سلطان:كويس,انتي كيفك؟
سارة:الحمدالله..
سلطان:الحمدالله على السلامه..
سارة:الله يسلمك...,مررررررة تغيررررت..
سلطان وهو يضحك:احلى والا اشين!
سارة:لا والله كلك مللح..(ساارة على طول مانت عليه..هذا طبعها على طوول تمون وتسولف)
سلطان:هههههههههههههههههههههه(ضحك من قلبه)من ذوقك..
رحت سحبت سارة وجلستها جنبي:وحشتيني يا دبه..
سارة:بعد قلبي والله وانتي اكثر..
مشاعل:لييش ما قلتي لنا يا خايسه؟
سارة:مفأجاة...
عمتي:أحلى مفأجاه..
سارة:لا مفأجاة سلطان احلى...
سلطان ضحك..
عمتي:والله كلكم...
ريما كانت جالسه على حضن سارة...
منار:كيف فهد؟
سارة:طيب..راح بيت اهله..
:مين استقبلكم؟
سارة:بدر ووليد..
(منار ابتسمت لما سمعت اسم بدر..طبعاهذا صديق فيصل)
سارة:وين ابوي..مع الخبصه نسيت..
:الحيين بيجي..راح عند عمي..
سارة:اشتقت له مررة...
:يلا يلا حكينا وش سويتوا؟
كان في شخص قاعد يراقبني...اكييد عرفتوا مين..اتوقع اول مرة يشوفوني زين...كل مااقول شي او اسوي حركه كان يبتسم...
سارة:كل شي طااير من راسي الحيين..نخلي السواليف بعدين..
الساعه 12 الليل وحنا للحين على قعدتنا سلطان دخل غرفته ومشاعل رجعت بيتها وابوي جا..
سارة:يلا انا بروح...
منار:لا لا نامي عندنا اليوم..
سارة:يذبحني فهد..لا خليها يوم ثااني..
:الله لنـــا..
سارة ضحكت....:عقبالكم انشالله...
:منار كلها كم شهر وتتزوج..
منار عطتني نظرة..
سارة:في احد؟
:اييه..بعدين اقولك..
سارة:طيب منار موافقه..بالعاده ترفض..
:لا لا موافقه..
منار:نوير ترا قسم بالله كف..
سارة:لا لا ابي اعررف..
:بعديين اقولك..
سارة:لا لا تعالي الحين قولي لي..
سحبت سارة يدي وقمنا من الصاله..
ابوي:على وين؟
سارة:بتوريني رسمه لها قبل مااروح..
ابوي:سارة انا اوصلك..
سارة:لا يبه ما يحتاج..
ابوي:لا يحتاج..
:انا بروح معك يبه..
ابوي:طيب..
ريما:وانا؟
:انتي بتنامين...
طلعنا انا وسارة من الصاله وبعدنا شووي..
سارة:يلا ميين؟
:اسمه فيصل ال.....
سارة كشرت:ماراح يوافق ابوي..
انا باستغراب:لييش؟
سارة:في خلافات بينا مااتوقع يوافق..بعدين اتوقع هذا صديق بدر ولد اخو فهد...فهد دايما يقولي عنه..
انا بغباء:الا الا صديقه..
سارة:وش عرفك؟
:هاا لا اتووقع بس..
سارة ماصدقتني:اهاا...طيب يلا امشي...
طلعنا كلنا انا وسارة وابوي..وبالسيارة اتصلت سارة على فهد تقوله انها قربت عشان ينزلها..تستحي تدخل البيت بلحالها..(سارة عليها افكار غبيه)
دخلت سارة لبيتهم وكان فهد ينتظرها بالحوش..
اول ما شافته ابتسمت..:هلاا والله..
فهد كان قاعد بكرسي وقف لها:هلا بالي لفاني يا هلا به...
سارة ضحكت:كيفك؟
فهد:تماام..انتي كيفك..وكيف اهلك؟
سارة:طيبين...
فهد يناظر سارة:تصدقين اشتقت لك..
سارة:وانا بعد..
فهد:نصاابه..
سارة:نصاابه نصابه...لا تصدق..
فهد:والله اشتقتي لي؟
سارة:اييه..
فهد مسك يدها: يلا امشي ندخل اهلي ينتظرونك...
دخلوا جوا البيت...
طبعا سارة اول شي سلمت على ام فهد...الي استقبالها كان حار لسارة...
مضاوي وهي تسلم على سارة:توو مانور بيتنا ونورت الرياض كلها...
سارة:منورة باهلها..شخبارك؟
مضاوي:بخيرر..
سارة وهي تسلم على شيخه:شخبارك شيخه؟
شيخه:الحمدالله بخير...الحمدالله على السلامه..
سارة:الله يسلمك...
ام فهد:يلا عااد فهد خذ سارة وروحوا ناموا وريحوا وبكرة انشالله نجلس مع بعض...
فهد:انشالله..
سارة:تصبحون على خير...
كلهم:وانتي من اهل الخير...
طلعوا فهد وسارة من الصاله وراحوا فوق...كان لهم جناح كامل فيه غرفتين وصاله وصغيرة...
سارة اول مرة تشوف المكان الي بتسكن فيه,,طبعا بايام الملكه ماكانت تقدر تجي بيت اهل زوجها وتشوف المكان الي بتسكن فيه..
فهد:ها كيف عجبك؟
سارة:يجنن...
فهد:اهم شي..
رمت سارة نفسها على السرير..
فهد:شكلك ميته تعب..
سارة:مرررة..مرررة
فهد:وانا بعد...الحيين ننام ونعين من الله خير...
سارة رفعت نفسها وفصخت عبايتها وعلقتها..
فهد:بكرة اوريك غرفتي..
سارة:انشالله...
><><><><><
خالد اليوم طبعا نفسيته تعبانه مررة...وماشافته مشاعل اليوم...ولما رجعت مشاعل البيت..كان خالد بالغرفه ومنسدح..
سملت عليه عاادي وراحت بدلت ملابسها وجلست بالصاله...تقريبا نصف ساعه ودخلت الغرفه وخالد على حالته..كان فاتح نور خفيف ومنسدح....
مشاعل وهي تجلس على السرير:خالد وش فيك؟
خالد:ولا شي..
مشاعل:شكله ضايق صدرك؟
خالد:لا..بس تعبان شووي..
مشاعل:خالد انت دايما تعبان ليش ما تروح دكتور؟
خالد بكل وقاحه:انا الي فيني تعب نفسي مو جسدي..
مشاعل سكتت وكلمته كانت تدور في بالها وش يقصد بتعب نفسي..
مشاعل بعد سكوت...:خالد..
خالد:نعم..
مشاعل:انا افكر اترك حبوب منع الحمل...
خالد سمع كلامها من هنا وقام من مكانه:صااحيه انتي صااحيه؟؟
مشاعل خافت وماردت..
خالد:شايفتنا مستقرين بحياتنا؟
مشاعل:اييه مستقرين..
خالد يضحك باستهزاء..
مشاعل:تتوقع لو اني مااحبك بكمل معك...مافي وحده بتقدر تتحمل تعيش كذا..
خالد:شووفي مشاعل فكرة تتركين الحبوب شيليها من بالك نهايئا...انسي انسي...
مشاعل:يعني بنقعد كذاا بدون عيال...صار لنا سنتين متزوجين...
خالد:انا بناام بتسكتين والا...
مشاعل تقاطعه:لا لا اسككت..عااد انت تستانها من الله عشان تروح بيت اهلك تنام..
خالد انسدح مرة ثانيه وعطاها ظهره:طفي النور..
مشاعل اخذت مخدتها وراحت جابت لها فراش ونامت بالصاله...(هذا الي تقدر تسويه...)
الله يصبره اختي على مابلاها..
><><><><><
الساعه 9 الصباح صحيت من النوم...اليوم الثلاثاء وماعندي جامعه..واحب اصحى بدري اخلص شغلي الي هو رسمي واحب اروق..يعني حلو الصباح..
بدلت ملابسي ونزلت...دخلت المطبخ...
:فااطمه ابي هوت شوكليت..انا بالصاله..
فاطمه:انشالله يا ست نورة...ماتبغي حاجه تاكليها؟
:لا شكراا..
طلعت من المطبخ ورحت الصاله فتحت التلفزيون...بديت اقلب من قناة لقناة وطبعا كالعاده التلفزيون ما فيه شي.اخر شي حطيت على سبيس تون وقعدت اتفرج على توم آند جيري...امووت واتفررج عليهم..الصراحه الشي الوحيد الي بالتلفزيون يوسع الصدر وماينمل منه...
بعد ربع ساعه نزل ابوي وافطر وجلست معاه بعدين راح شغله..ورجعت انا لصاله..وتقريبا الساعه 10 طلع سلطان من جناحه وجا الصاله..
good morning
سلطان:
:صبااح النور..
سلطان:كيف نوري؟
ناظرته وانا مستغربه يمون الشيخ:كويسه..
سلطان:توم أند جيري مررة وحده..
ضحكت:احبه..
me to
سلطان:
مارديت عليه..شكله اليوم كان رايق مررة..
سلطان:ليش مارحتي الجامعه.
:اليوم عند اوف..
سلطان:حلو..
ناظرته ومارديت..
سلطان:نورا..
لفيت عليه:هلاا.
سلطان:ابي اسمع اغاني عربيه...
:ماقد سمعت؟
سلطان:بحياتي..
:تسمع طبعا اجنبي؟
سلطان:يب..
:وش تبي تسمع.؟
سلطان:امممممم..محمد عبده يقولون هذا احسسن مغني..
:اييه..(انا تحمست معاه وحسيت انها بدايه يمكن تخليني اتعرف عليه)
سلطان:عندك كاسيت له؟
:بروح اجيب لاب توبي واسمعك كل الي تبي..
سلطان:اووكي..,اكلتي فطور..
ابتسمت على كريقه كلامه:لا..
سلطان:اوكي بخليها تحط لنا فطور..
:اوكي...
انا انبسطت ورحت اركض لغرفتي وجبت اللاب توب ونزلت بسرعه لصاله..
جلست بالكنبه وفتحت اللاب توب...وقااعده ادور اغاني حلووة..
جا سلطان بكل وثوق وجلس جنبي..ومابيني وبينه شي..يعني لو اتحرك اصبخ فيه...
انا استحيت وارتبكت..وهو عاادي يحس انه تصرفه طبيعي..
بعدت شوي..
سلطان حس:يضايقك؟
:لا عااادي..(ماعرفت وش ارد عليه)
وقف سلطان ورجع مكانه..:خذي راحتك...
استحيت من الي صار..بس لازم يعرف حدوده..يعني لو احد جا وشافنا جالسين جنب بعض وبالقرب هذا وش بيقول!
شغلت له اغنية محمد عبده اختلفنا...
كان ساكت ويسمع...وانا اندمجت شوي وكنت اغني معاه..
بنص الاغنيه..
سلطان:كلمات كثيرة ما فهمتها..
:اييه عاادي انا بعد فيه اشياء ماافهمها..
رجعنا وسكتنا..وانا اغني..
سلطان كان يناظرني ومانزل عينه وانا ماكنت احاول اناظره..طبعا سكت وماصرت اغني..
سلطان:ليش؟
:اييش الي ليش؟
سلطان:ليش سكتي؟
ابتسمت بوجهه..
سلطان:صووتك حلوو..(طبعا كان يجامل لا تصدقون ان صوتي حلو...)
انا خلاص ذبت...يمكن تقولون اني ابالغ بس من جد ماادري وش هالشعور الي كان يجيني)
سلطان:صووتك احلى من صوته...
انا هنا انفجرت ضحك:لا شدعوة..
سلطان:والله..سكريه وانتي غني..
تنحت فيه وحبيت اغير الموضوع:وش تبي بعد اسمعك؟
سلطان:غيرره..احس يبيلي وقت على مااندمج على محمد عبده...
ابتسمت:اووكي..
فتحت له اغاني كثيرة....بعضها عجبته وبعضها لا...وأكثر اغاني عجبته اغاني كاظم الساهر...
سلطان:عطيني الموقع الي تدخلينه..عشان كل ما طفشت ادخل وادور..
:طيب..
جت بعد شوي عمتي وجلست معنا..بعدين انا رحت غرفة رسمي عندي مشروع لازم اخلصه بكرة بروح اسلمه...
><><><><><
دخلت منار البيت الساعه 1:30 سلمت بسرعه وطلعت لغرفتها عشان تكمل مكالمتها مع فيصل..
الي كانت حاطته لفيصل..
hold منار شالت
منار:تأخرت عليك؟
فيصل:لا خذي راحتك..
منار:راجع البيت؟
فيصل:لا انا مو بالسيارة بمكتبي..
منار:اهااا..
فيصل:منار..
منار:هلا..
فيصل:عمتك قالت لابوك؟
منار:لا لسااا..
فيصل:متى بتقوله؟
منار:مالقت وقت..بس انشالله اليوم...
فيصل:ضااايق صدري..
منار:باين من صوتك..
فيصل:ماادري خايف يامنار...
منار:انشالله ربي بيوفقنا..
فيصل:حلمت حلم ماراح عن بالي عجزت انسااه...
منار:خير انشالله...,اذا شين لاتقوله..
فيصل:مانويت اقول...
منار سكتت وفيصل بعد سكت كان كل واحد يفكر بمصيرهم...
فيصل بصوت كان فيه حزن:منور..
منار:هلاا..
فيصل:وين رحتي؟
منار:افكرر..
فيصل:الله يسهل انشالله والي ربك كاتبه بيصير...
منار:انشالله..
فيصل يبي يوهم نفسه ويوهم منار بعد:انا عندي احساس ان ابوك بيوافق..
منار انبسطت:والله؟
فيصل:اييه..
بوقتها طق بدر الباب..دخل..
بدر:هلااا والله...
فيصل:هلاا..
فيصل:منوري انا اذا طلعت من الدوام اكلمك..بدر عندي..
منار:اوكي..يلا بااي...
فيصل كان يلعب بالقلم ويناظره وماكان مع بدر ابداا..
بدر:وش فيك؟
فيصل:خاايف..
بدر:انهم يرفضون؟
فيصل:ايه...
بدر:الي ربك كاتبه بيصير...
فيصل أخذ نفس طويل...
بدر:عشر دقايق ويبدا الاجتماع....
فيصل:اييه والله نسيت...
بدر:يلا..
فيصل اخذ شماغه ولبسه بسرعه...وحط عطر..
وطلعوا من مكتب فيصل...
><><><
قفلت منار منه ونزلت تحت وجت عندي بغرفة الرسم...
منار وهي تفتح الباب:السلاااام..
:وعليكم السلام..
منار:كيفك؟
:الحمدالله..,وشفيك..؟
سألتها انا من هنا.. انفجرت صياح...قربت لها ومسكت كتفها..
:منار..وش فيه؟
ماردت علي..
:متهاوشين انتي وفيصل؟
منار هزت رقبتهابنفي..
انا بصوت عالي:ابوي رفض؟
منار:لااا..
:اجل؟
منار:خاايفه...
:من؟
منار:ابوي يرفض والا..ماادري اخااف يصير شي..
:لا انشالله...
منار:فيصل تو كلمني كان ضايق صدره وخايف وقال انه شايف حلم وشكله الحلم مو كويس...وانا الصراحه خفت..
:لا تفائلوا بالخير انتي ويااه...هااذي الافكار لازم تجي في بالكم بس انشالله ربي يسهل عليكم...
منار:عمتي ماادري متى بتقول لابوي..
:ماعليك انا اليوم اقولها...(كسروا خاطري منار وفيصل يعني حسيت انهم يحبون بعض مررة مع اني ماأؤمن بالحب بذا الوقت..)
منار:ياحبيلك يانورة...
ابتسمت لها...(انا بعد قلبي مو مطمئن ماادري ليش..الله يستر)
منار ابتسمت:تتوقعين بنتزوج انا وفيصل؟
انا سكت شووي احساسي كان يقول لا بس بنفس الوقت كنت احس انه فيه امل:اييه مو اتوقع الا متأكده انشالله...(مدري ليش كذا قلت لها المفروض اني احط في بالها انه يمكن ينرفض)
منار:روحي قولي لعمتي الحين الله يخليك..
:ابدل ملابسي واروح لها...
منار:لا لا اخاف ابوي يجي..روحي الحين..نورة الله يخليك..
:طيب..
طلعنا انا ومنار هي راحت غرفتها وانا رحت الصاله عند عمتي وسلطان...
عمتي اول ما شافتني:انا كم مرة قلت لك لا تدخلين الصاله بذا الملابس...(كنت لابسه تي شيرت مررة وسيع وطويل وبرمودا..)
ابتسمت بوجهها...:مالي خلق اروح ابدل...
عمتي:كانك بزر يانورة...
رحت جلست جنبها وكنت اتميلح عليها شووي...
:عمتي قلتي لابوي عن هذااك الي تقدم لمنار...
عمتي:لاماقلت له..
:طيب قوليله..
عمتي:ابقوله انشالله..
:عشاان تردين على الحرمه قبل لايجون...
عمتي:اييه اييه الحين ابقوله...اذا جاا
رن جوال سلطان وقام على طول ولما بعد من الصاله رد..كنت جالسه الاحظه...
بوقتها دخل ابوي..
:عمتي لا تنسين...
سلمت على ابوي وطلعت غرفتي....
فوزيه:شخبارك وشلون الشغل؟
عبدالاله:الحمدالله بخير..
فوزيه:اخليهم يحطون الغدا؟
عبدالاله:اييه الله لا يهينك..
فوزيه:بغيتك بموضوع..
عبدالاله:خير انشالله..
فوزيه:كل خير..اذا خلصنا من الغدا..
عبدالاله:انشالله..
نزلنا كلنا تغدينا وبعد الغدا راحت عمتي غرفة ابوي عشان تقوله على موضوع منار...
ابوي وهو يسكر باب الغرفه..:خير انشالله..
فوزيه:في واحد متقدم لمنار..
ابوي عادي مااهتم:ولد مين؟
عمتي:اسمه فيصل الـ...........
ابوي كشر شوي:بععد..انا الصراحه مااحب هالعيله..وش اسم ابوه؟
عمتي:طلال...
ابوي كشر زياده:مااحب هالرجال من هالعيله خاااصه..ومتى كلمتك الام؟
عمتي:قبل يومين..قالت نبي نجي نتعرف حصل نصيب والا ماحصل..
ابوي سكت ومارد..
فوزيه:اخليهم يجون؟
ابوي:خليهم...
عمتي:على خير...
ابوي:اييه فوزيه ابيك تروحين انتي وسلطان مكه ياخذ عمره ويشوف الحرم...
فوزيه:اييه والله على بالي..
ابوي:متى تبون احجز لكم؟
فوزيه: الاثنين زين؟
ابوي:انشالله...
عمتي طلعت من الغرفه وخلت ابوي ينام..وراحت عند سلطان بغرفته...
عمتي وهي تطق الباب:سلطان ادخل؟
سلطان قام وفتح لها الباب..
عمتي:تو خالك يقول لازم سلطان يروح مكه...تاخذ عمرة وتشوف الحرم..
سلطان:اووكي..انا بعد ابي وبخاطري من زمان..
عمتي:الاثنين زين؟
سلطان:اييه زين..
طلعت عمتي وجت عندنا بالصاله انا ومنار...
عمتي وهي تجلس:الاثنين انشالله بنروح مكه انا وسلطان...
:مشالله كوييس...
منار ناظرتني وبصوت واطي:مو الاثنين بيجون اهل فيصل...اساليها..
:عمتي..
عمتي:نعم...
:مو الاثنين مواعده الناس؟
عمتي:ايييه والله..اجل ابكلمهم واقولهم الاحد..
انا المح لها:لا أول اسألي ابوي يمكن مايوافق مبديئا..
عمتي:قلت له....ماعجبه مررة..بس قال خليهم يجون...
منار وقفت:انا بروح انام...
طبعا منار انبسطت وراحت تكلم فيصل تبشره....
نهاية الجـــزء
|
13-09-11, 04:15 AM
جديد مواضيع قسم القصص المكتمله
العرض العادي
