كاتب الموضوع :
رونق الضحى
المنتدى :
الارشيف
الجزء التاااسع //
ابوناصر : انا يابووك مو قصدي كذاااا بس انا اقصد ياسر طاالبها ولا ابي ارده
عزام وهو يصارخ : انت مجنوووووون انتي تدري وش رااما ؟؟ راما هاذي دلووعة البيت هاذي طفلتنا هااذي حتى المسؤوليه ماتدلها وش لووون تقوول طالبها مع نفسه ياااخي عنده رفيف وريفان مالقى غير رااما !!
نوال بخوف وتمسك عزام : شوي شوي وانا امك هد اعصابك لا تتعب نفسك !
ناصر وهو سمع حوارهم كله وبصرااخ: اقووول ترضى يعني ماتستر على اختك !!
عزام وهو يبلع ريقه ورجع يصارخ ويبي يهجم على ناصر : لييييه ان شاء وش فيها اختي ؟؟ أحسن البنات وماتلقى عليها العيبه !!
نوال وهي تمسكه وتبكي : بس يايمه بسس لا تتعب زياااده فيك اللي يكفيييك واسمع انت وولدك بنت للزواج ماااافيييييه
ابو ناصر : اسمعي يا اختي بنتك هاذي مالها الا الزواج والا القبرررر تفهموون ولا لا انت دارين وش بنتكم مسوووية ؟؟ بنتكم صووورها بالنت !!
.................................................. ...........................
جنى : اقوول جموول
جميله من غير نفس : هااااه وش تبين ؟؟
جنى : ما تحسين ردة فعل خلوووود قووويه لما قال خالي بيتزوج راما !!؟؟
جميله بحماس : من جججججججد بس اصلا انا كنت حاسه ان خويليد عينه في راما بس و الله ماعندنا بثارة بزرااان خليه على جنب
جنى بحزن : ياقلبي على راما .. تخخيلي بس تتزوج بزززززر حتى الملعقه تعورها لما تشيلها
جميله : قسسسم معك حق حتى شكلها مااااايساعد بس خالي الظاهر يبي يستر عليها وبسسسس
جنى وهي تغطي نفسها باللحاف : و الله شيييي يقهههههر الله ياااااااااااااااااااااخذ من كااان السبب جعله مااايتوفق
جميله وهي ترفع يدها : امييييييييييييييييييييين
.................................................. ...............................
الظهر الساعه 2 //
الجده : وش فيكم اليووم مارحتوو مدارسكم ؟؟
البنات يطالعون بعض وبدون رد
الجده : تراني اكلمكم !!!
رفيف : ياجده راما تعبانه وقلنا نجلس معها
الجده : ياربي بنتي وش فيها ؟؟
ريفان : مافيها شي بس هي نايمه الحين وبتقووم كانها الفررس لا تخافين
راحت الجده لغرفة البنات فتحت الباب ولقت الغرفه ظلمه وبارده طفت المكيف شغلت الليت راحت صوب سرير راما
الجده وهي تفتح اللحاف وشافت وجه راما المنفخ من البكي وشااااحب
الجده بخووف : ياويلي عليك يابنيتي وش فيتس ؟؟
راما وهي بالكااااد تقدر تفتح عيونها وبصوت مبحوووح: آآهممممممم مافيني شي
وقامت وتعدلت وجلست
الجده وهي تحط يدها على كتف راما : انتي فيتس شي تكلمي وانا امك !!
راما وهي ترمي نفسها بحضن جدتها وصارت تبكي بحرقه : آآآآآآه ياجدتي تعبااانه تعبااانه حيييييييل
الجده: بسسسم الله عليك من التعب يا جعله في العدووو وش فيتس اوديك للمستشفى ؟؟
راما وهي تبعد عن حضن جدتها وتمسح دموعها : لا مايحتاج ياجده كاس ليمون يكفي
قامت الجده وراحت المطبخ تصلح لراما ليمون ودخلت على راما رفيف
رفيف وهي تجلس بجنب راما
رفيف: قومي وانا اختك تعوذي من ابليس وصلي الصلوات اللي فاتك وادعي على من ظلمك اللي صار صاار
راما وهو يتجدد حزنها وصارت تبكي زياده ورفيف تهديها وتبكي : ياراما مالك الا الدعاء "امن يجيب المضطر اذا دعاه ويكشف الضر " قوومي وانا اختك ربي معنا
راما :ونعم بالله "قامت راما من سريرها وغسلت وجهها وسوت مثل ماقالت اختها "
.................................................. .........................
العنود بحضن امها : يممه طلقني الحقيير آآآآه
ام يزن وهي دموعها على خدها : الله ينتقم منه ماايستاهلك الحقير جات منه ولامنك يا بنيتي بيعوضك ربي أخيييير منه
والعنود زاد بكاها
ابو يزن وهو يدخل البيت بابتسامته : السلام عليييكم
اختفت ابتسامته لما شاف العنود وساره حالهم كذا
ابو يزن وهو يقرب لهم بخوف : وش فيكم وش اللي صاير؟؟
ساره : ط..طلقها الحقير حسبي الله عليه
ابو يزن وهو يجلس ويحط راسه بين يديه: يا الله الخيرة يا الله الخييره
سارة "ام يزن": طيب ليه يتزوجها وهو بيسوي بها كذااا بنتنا مطلقه وهي بعز شبابها الله لايوفقه
العنود وهي تضم امها اكثر ويزيد بكاها : لاتدعين عليه يممه لا تدعيييين
يزن وهو يدخل البيت وبيده كتب التدريس: لاحول ولاقوة الاب الله وش فيكم من اللي مااات ؟ظ
ابو يزن بحزن : مافي احد مات اختك اللي تطلقت
يزن وهي يرمي الكتب بالارض : تطلقت ّ!!! الحقييير ليه طلقك ؟؟
العنود وهي بتمووت من البكااء: مدرري مدرررري !!
يزن: انا قايل لكم من زمااااان انه مايستااهل العنود ماصدقتووني ... صدق انه رخممه ولاهو برجال اللي يطلق بنت الناس وهو ماقعد معها شهررر ... لاتضيقين صدرك وانا اختك بيعوضك ربي باحسن منه
العنود وهي تقووم وتصاارخ : مااااااعاد ابي اتززوج ولاعاد ابيييه ولا ابي غيييره خلااااص خلااااااااااااااص اتركووني بحااالي " وصعدت غرفتها
ابو يزن : روحي وراها اخاف تسوي بنفسها شي !
راحت ساره وراء بنتها لكن العنود ماعطتها فرصه وسكرت باب الغرفه على نفسها
ساره : يابنيتي يالعنود تعوذي من ابلييس وافتحي الباب
العنود تصارخ : مااااابي احد اتركووووني ابي اجلس لحااالي
ساره : لاحول ولاقوة الا بالله .. تأكدي يالعنود ان الخير فيما اختاره الله لا تعذبين نفسك
العنود وهي تلم نفسها وتبكي : ليه يتركني ليييه ؟؟!!!!
مسكت جوالها وارسلت له "اكرررررهك يا فاااروق تصدق كنت ابي من زمااان تطلقني بس الحمدلله طلعت منك على كثر ماحبيتك على كثر ما اكرهك واحتقرك الحين صدق انت مو رجال "
جلس يقرا الرساله الف مرة وقرا الاسم مليووون يبي يستوعب صدق هالكلام طالع من العنود !!
بس استااهل انا اللي خليتها توصل لهالمواصيل ارسل لها " ابششرك البارحه كفنت حبك وصليت وطويت صفحة عشرتك فالمقابر " تردد في ارسالها بس لازم ينسيها حبه وتنساه وتعيش حياتها
زاااد بكاها لما قرات كلامه وصارت مثل المجنونه بس قالت لازم تردها له ارسلت لها "
تدري وش اللي .. يجرَح القلب / لـ سنين ؟
اللحظة اللـي .. ][ إنتهى ! ][ الحبَّ / فيهآ
وتدري وش اللـي .. مآنسيته إلـى الحين !
][ طعنة يدينك ][ .. حسبـي الله / عليهآ !!
:
:
رميتني .. وحدي .. [ بـ آخر دروبك ] !
وأنآ جعلتك .. وحدك / بـ درب الأحبآب
::
[ كذَّبت فيك إحسآس ] .. وأخفي عيوبك
وأكبر عيوبك .. بـ الهوى كنت .. نصَّآب
::
طنَّشت .. كل النآس .. مهمآ .. حكوآ بك
وكذَّبت نآس ٍ.. كـآنوآ أكثر .. من أقرآب
::
وصدَّقت قلبـي فيك .. [ وإثره كذوبك ] !
وأصبحت وحدي .. مآلـي اليوم أصحآب
::
من زود .. غدرك .. بلَّل أطرآف / ثوبك
ومن زود ظلمك .. تجرَح بـ دون أسبآب
::
دآيم / أحآول .. أبتعد عن .. [ دروبك ] !
وش لي بـ درب ٍ.. آخره جرْح .. مآ طآب
::
أمشي .. وألآقي نفسي .. أمشي لـ صوبك
وأبكي .. على حب ٍ.. نهآيته .. وش جآب
::
حنَّآ إنتهينآ .. جآت لحظة .. [ غروبك ] !
وحب ٍجمعنآ .. مآت من .. نظرة إعجآب
::
عيبي .. أحبك .. وإنت أكبر .. [ عيوبك ]
[ كلمة .. أحبَّك ] .. قلتهآ وإنت .. كذَّآب !
::
ذنبي ؟ .. أحبك .. ذنب .. [ كفَّر ذنوبك ]
مآهو بـ كيفي .. [ والهوى ] صدق غلآب
:
:
تدري .. وش أقسى .. من أشوفك .. مخآدع
وأقسى .. من إهمآلك .. ][ وحبَّ التخآذل ][
لآ صآر .. ][ مآ بيني .. وبينك ][ .. توآدع
تحقَّقت .. أحـلآم .. ][ كـل / العوآذل ][ !
///
من قراها هو صااار يبكي "طيب انا طلقتها ليييييه الحين ندمت؟؟ العنود ادري انك تحبيني فووووق ماتصور بس مو بيدي غصب اللي صااار غصصب "
دخل خويه ياسر عليه الشقه
ياسر : السلام عليكم
فاروق من غير نفس : وعليكم السلام
ياسر : وش فيك ؟؟ عيوونك حمراء !!
فاروق وهو ينزل راسه : ياليتني ماطلقتها يا ياسر ياليت اقدر ارجع اللي رااااح
ياسر وهو يربت على كتف فاروق: انت صحيح استعجلت بس وش نسوي وانا اخوك العمليه ما نجحت بالعكس تشوهت اكثررر الحرق اللي فيك عمييق والمشكله انه بداية صدرك الى ركبك وانت متشوووه حتى لو ماطلقتها ماراح تلمسها لانك خاايف على صورتك بعينها
فاروق : طيب هي الحين كرهتني وصارت تظن اني خااين لاجل كذا تركتها وانا كل اللي فيه اكبررر من اللي هي تحس به الحييين
ياسر بحزن: طيب مو هذا اللي انت تبيه تبيها تنسااك وتكرهك وتعيييش حياتها هذا هو جاااك ماتمنيييت
فاروق : بس انا خسرررت اشيااء كثيره بطلاقي منها فووق خسارتي لها ... خسرت امي وابوي وخواتي خسرررت اشياء ماكنت متوقع ابدد اني اخسرها ..
ياسر : كل شيء راح يتصلح بس انت اهدى وقم صل لك ركعتين تهدي اعصاابك وتدعي ربك
قام فاروق وصلى ركعتين و استلقى على سريره
ررن جواله رفعه وشاف المتصل سلطان " يا الله مووو وقتك ابدااا ياسلطااان اووف " ترك الجوال سايلنت ونام من التعب
.................................................. ..........................
سلطان : اقووول يمه مالنا الا اروح انا وانتي ونخطب رسمي !
ام سلطان : توكلنا على الله .. عاد انت ولدي الوحيد اللي طلعت به بهالدنيا ماارد لك طلب ولا اخوك راكان الله يهديه من سافر مع زوجته يكمل الماجستير وهو مايدري عنّا
سلطان : الله يهديه يممه .. عليك بالدعاء له ولا هو مامنه فاايده
ام سلطان : الله يهديه ي ررب ويحفظه ..... خلاص اجل وانا امك بكره ان شاء الله نروح نخطب
سلطان وهو يبتسم : على بركة الله
.................................................. .......................
عزام وهو ماهو قادر يتوازن ومسكته امه وجلسته على الكرسي
معتز وهو يمشي بالكرسي المتحرك صوبهم بعد ماسمع كلامهم وصار يصارخ وعبرته تسبقه : انتووو وش تقووولووون خواتي اشرررف من الشرررف شلووون تتكلمووت عنهم كذاااا وخااصه اختي راااما مستحيل تسووي غلط اكيييد مظلموومه
ابوناصر وهو يقرب صوب معتز وينزل لمستواه : اللي صار صااار وانا ابووك والناس ماتررحم وزين من ياسر يبي يستر عليها ويلجم السنة الناس عليكم !
معتز وهو صار يبكي : وش اللي حنا فيييييييييه يمممه نلاقيها من عمر اخوووي ولا من اللي حنّا فيه ولا من ... راما آآآه
عزام : خلاص زوجوها ياسر ولاعاد نبي نشوووف رقعة وجهها
ناصر وهو عززز عليه حال عمته اللي من سمعت هالكلام مانطقت ولاحرررف وظلت سااااكته
ابوناصر : وانتي يا ختي ماعندك شي تقولينه ؟؟
نوال مانطقت ولاااحررف
.................................................. .............................
بعد مررور اسبوع اليوم ملكة ريما على سلطان .
ريما تحاكي نفسها " يا الله هو انا اختياري صح ولا خطا !! بس انا استخرت وارتحت .. اوووف وينك يا فاروق بس حتى مكالماتي ماترد عليهاا آآآخ "
دخلت لمار عليها : هلا هلا بعرووووستنا كللللوووووووش
ريما وهي بتبكي : اقوووول اسكتي بس تراني بهووون الحين
لمار : اقووول اهجججدي وش تهونييين يا عمتي !! الحين انا مخططه على غرفتك اخليها غرفة العااااب لي اذا طفشت وانتي تقولين بهوون !! كان اعلق راسك بالمروحه
ريما وهي تضربها بكتفها : الحين البنات اذا جاء خواتهم بيتزوجون يبكون ويسوون مناحه وانتي ماصدقتي تبين تمحيني من الوجود
لمار وهي تغيرت تعابير وجهها وضمت اختها وصارت تبكي : من قاال اني ابيك تبعدين عني اصلا حتى لو تزوجتي و الله لازعجك كل يووم بجي لك مو على كيفك
ريما وهي تبكي : ... اصلا خلاص مابي اتزوج ابي اجلس معك
لمار وهي تبعد عنها وتمسح دموعها : انتي مجنووونه خلاص بعد شوي بيجي العريس وانتي تقولين هوونت كان ادخل بدالك
ريما وهي تضحك : الله لايحرمني منك .. ي دووووبا
نزلو تحت وجلسوو بالصاله
رن جرس البيت طلع حمد : انا راح افتح الباب اكييييد هم وصلو فتح الباب ووصل لباب الحديقه وفتحه : فاروووق !
فاروق وهو مبين عليه التعب وصاير نحيييف وصوته مبحووح : يبه .. الله يخليك اليوم ملكة اغلى انسانه عندي لاتحرمني اشاركها فرحتها بس اليوووم
حمد وهو يصد مع الجهه الثانيه مايبي يطالعه
فاروق وهو يمسك ابوه من يده ويبوسها ويبكي : الله يخللييييك يبه بس اليووووم وبروووح عنكم
حمد وهو يسحب ولده فاروق ويضمه وعيونه تجمعت بالدموع : فيه ابوو يستغني عن ولده وخاصه بهاللحظات .. الله لايحرمني مننك ابدد ولا من خواتك انا سويت كل هذا ابيك تحس باللي سويته وتحس بالمسؤوليه مو معناته اني كرهتك او ابي اهنيك انا ابيك اخييير الرجاجيل كلهم
فاروق وهو يمسح دموع عيونه الذبلانه : ابشرر يبه
دخل حمد وفاروق والابتسامه مرسومه على وجيههم
هيله لما شافت فاروق صاارت دموع الفرح على جهها راح صوبها فاروق باس راسها ويديها ورجولها وصار يتسامح منها
هيله : قلب الام عمره مايحمل على عيالها لو يصير الل يصير
فاروق : الله لايحرمين منك يمه
راح صوب ريما اللي من شافته وهي حاطه يدها على فمها وتبكي ضمها له وصارت تبكي بصووت مسموع
فاروق وهو يهديها : هاذي دموع فرح ولا حزن !! اليوم ملكتك المفروض ماتسوين بنفسك كذا ؟؟
ريما من بين دموعها : دموع فرح لاني شفتك الحين لاني مابي تمر هاللحظه من عمري بدون وجودك ودموع حزن على الايام اللي راحت وانا كنت محتاجتك ولا لقيتك معاي
لمار وهي تبعد ريما عن فاروق : خلااص عااد يام الافلام الهنديه دووري عااد
فاروق وهو يضم لماار : آآخ منك يادوووبه ماتتركين حركااااتك و الله اشتقت لك واشتقت لمقاالبك واشتقت لخبااااالك الله لا يحرمني منكم
لمار وهي تبعد عنه : ولامنك ياالغالي .. يله عاد رووح خذ لك شووور بيجي بعد شوي عريس الغفله وبيشووفك كذا وبيهووون ههههههههه
فاروق : هههههههه كل شي ولا هذا تقعد ريما على قلوبنا عانس
لمار : من جججججد ههههههههه
ريما وهي تلحقهم : هييين اوريكم يالمعفنيييييين
هيله : الله لايحرمني منهم . آآه احس اني مااراح اعيش كثير ودي اشووفهم كلهم بعيالهم واشيلهم يايدي قبل لا اموت
حمد وهو يجلس جنبها ويحط راسها على صدره : بسم الله عليك ياهيله بعد عمر طوووويل ان شاء الله بتشوووفين عيالهم وعيااال عيالهم انت بس قولي اميين
هيله بابتسامه: امييين
.................................................. .............................
انتشر خبر طلاق فاروق بالعائله
مازن : لاحول ولاقوة الا باالله .. وش صااير بعائلتنا نطلع من مصيبه ندخل في مصيبه الحين فاروق ماجلس مع العنود شهر وطلقها !!شي يضيق الخاطر
جنا: من جد بس احس فاروق من تزوج العنود وهو ماا ارتاااااح
جميله : و الله هالناس يقولون كلاااااام على كيفهم انتي الحين وش يدريك انه من تزوج وهو كذأأ؟؟!!
مازن : اقووول اسكتووو بس ازعجتووونا هو طلقها وخلصنا مابيدنا شي سكروو الموضووع .. المشكله الحين راما وخالي ياسر احسهم ووووين حنا فيه يتزوجون !!
جنا : اقووول عاد هالموضوع بذاته مصيبه فككنا الله يخليك شي يعوور الراس .. تصبحون بس على خير وراي امتحان بكره .
.................................................. .........................
بعد مرور 4 شهور على الاحداث
ابتدات اجازة الطلاب والكل فرحان ومستاانس
ريفان نجحت بنسبة 98% ودخلت قسم حاسب الي مثل رفيف
جميله نجحت بس نسبتها سييييئة وماقبلووها اي جامعه ودخلت معهد
لمار : نجحت نسبتها 97% ودخلت قسم تمريض
مازن تجاوز السنه التحضيريه بشق الانفس ههههههه وتخصص بالطب قسم الجراحه
جنا تخرجت معلمة انجليزي مع مرتبة الشرف
خالد رسب بأول ثانوي وعاد السنه وطبعا هالشي ترك ابوناصر يغير معاملته معه
راما فصلت من المدرسه بعد اللي صار لها
طلعت العنود من العده وكانت منتظرة فاروق يرجعها طووول الثلاث شهور ولكن فاروق ماافكر مطلقاااا
يزن تزوج دلال من اسبوع وحياتهم حلوة لكن دلال راح تقلب حياته فوووق تحت كيف ؟؟ راح تعرفوون
طارق .. تزوج نهى لكن حياتهم نكد في نكد
ريما تملكت على سلطان و زواجها بعد يومين
عزام ومعتز طلعو من المستشفى والحمدلله تشافوا لكن معتز اعرج وتأخر سنه بسبب اللي صار له وعاد سنه اولى ادارة اعمال ضايقه هالشي اول ما عرف لكن تأكد ان الخيره فيما اختاره الله
عزام رجع لشغله في الهندسه المعماريه
راما راافضه تتزوج ياسر والى الان بمشاااكل
عمر تاب بالسجن ومر على سجنه سنه فقط وبقي 14 سنه وحط له جفتر وكتب بأوله اوراق سجين وصار كل يووم يكتب ايش صاار ومين من المشااايخ حضر لهم وانطبااعه
وماقدرت نوال وعيالها يوفروون له محامي لان ميزانيتهم ماتسمح والكل رااافض يساعده بسبب تصرفاته وبقولهم :اتركيه يتأدب
.................................................. .......................
اليوم الخميس الساعه 10 الصباح
يزن وهو يصحى على المنبه : آآآآخ نمت كثيير
التفت على دلال لقاها نايمه قرب منها وباس خدها فتحت عيونها بكسل
يزن بروقان : صباح الورد يا احلى صبااح بعالمي كله
دلال بدلع : صباحك آنا
يزن وهو يمسك يدها : احب ثقتك بنفسك لكن ترى الثقه الزايده تدمر " وهو يغمز له "
دلال بمياعه : هههههههه وش تقصد ؟؟
يزن وهو يسحبها له ويبتسم بخبث : انا الحين راح اعلمك وش اقصد
ووووو
.................................................. .................
راما وهي تمسك يد امها :يماااه الله يخليك سامحيييني يماااه و الله اصير خدااامه بس تكفين مااابي اتزوووج مااااااااابي آآآآآهئ
نوال وهي تسحب يدها عن راما : بعد عني انا ماعندي بنات غير رفيف وريفان غيرهم مااعندي وزواجك من يااسر راح يتم يعني رااح يتم
عزام وهو يدخل ويشدها من شعرها: انت وطيتي راسنا بالارض وبعد تتكلمين صدق بنات اخر ززمن بس كنا غلطانين بدلعنا الزاايد لك
لمار وهي بتمووت بين يديه
رفيف وهي تبعده عنها: الله يخليك اترركهاا و الله مظلووووومه مدري من هالشخص الحقير اللي سواا بها كذا تكفى اتركها لاتموووت بين يدك
ريفان وهي تبكي وصار مثل الجنونه : الله يخليك اتركها جدتي تكفييين تكلمي شووووفي وش يسوووي فيها
الجده مكتفيه بالدمووع على خدها وماتقدر تتكلم ولا وش تقووول
معتز وهو يدخل : اتركها يا عزاام كل هذا مايفيد .. احنا خلااااص راحت سمعتنا مدري نلاقيها من اخوها ولا منها بس ماقووول غيييير تستاهلين ماجاك يا راما
وطلع وتركهم ........ ترك عزام راما المصدوومه من كلام معتز كل الناس توقعتهم يصدقوون فيها الا معتزززز
راما صارت مثل المجنوووونه شوووي تضحك بهستيريه وشووي تبكي وصار تضر ببنفسها ورفيف وريفان يمسكوونها
راما : هههههههههههههه شفتووو وش يقووول معتز استاااهل معه حق اصلا انا حقيييرع هههههههههههههههههه "وفجأه صارت تبكي وتصارخ وتضرب رااسها " ياليتني مت قبل كل هذااا ياليتني متتتت آآىىهئ
مسكتها رفيف وريفان ودخلوها الغرفه وصارت رفيف تقرأ عليها قرآن وتهديها الين نامت
نوال اللي منهاااااااااااااااااااارة كليااا من جواتها لكن من براا مبينه حالها قووويه ولا كأنها مهتمه
الجده : يابنيتي يا نوال ليه تسوين بنفسك وببنتك كذا اللي صار صاار وش له تعذبين بنيتك وهي صغيره ماتفهم
عزام يصاارخ: تستاااهل و الله لو كان بيدي لأذبحهااا بس مابي ازيد الطين بلّه خلهااا تتزوج هالياسر اللي من وين طلع عشاان يأدبها ويوريها نجوووم الليل بعزز الظهر
اصل...........
نوال وهي تقووم وتصااارخ وتبكي: بسسس بسسسس خلااااص ياعزام خلاااااااص
وصارت تشهق ماعاد تقدر تتنفس وعيونها صارت على فوووق وطاحت من طولها
.................................................. ...............................
طارق : يا نهى ياااانهى يا قلبي انتي عوووورتي راااسي بهالكلام و الله حفظته حفظظظظته خلاااص سكري هالموضوع
نهى : طيب ليه ماتبي تجيب عيااال مني انا ابي اصير ام مثل كل النااااااس ححرام عليك يا طااارق ححرام
طارق : اووووووف منك بعد ياخي انا رجال مابي اتحمل مسؤوليه من الحين تفهمين ولا لا ؟؟!!
نهى قامت وهي تتأفف وصعدت غرفتها وجلست تفكر كييييف تقنعه !!؟؟
وخطرت على بالها فكره
راحت فتحت دولابها ولبست شورت جنز لفووق ركبها ولبست تيشيرت قطني سواريه احمر وراحت صوب المرايه وحطت قلوووس وكحل وتعطرت ونزلت تحت عنده وجلست على الصوفا ولا كأنها تطالعها وجسلت تاكل علك وتقلب بقنوات التلفزيون
وطارق ولا فكررر يطالعها يقلب بالجريده بس لما وصلته ريحة عطرها داااخ بس ماحب يبين لها وجلس يتنحنح ويكمل قراءة بالجريده بس ماعاد ركزز رفع عيونه وانصدم لماشاف منظرها كذا دااخ من جججد وهي حاااسه بس ولا كانه موجود هو عرف مغزاها بس قال هي اللي خلها تجي ترضيه مو هو يتنزل لها
هي حست انه مافي امل منه ساعه كامله وهي على هالحال ولا حسس فيها
راح صوبه ارتبك لما جلست جنبه وصارت الجريده تروح يمين ويسار
نهى ببراءه: هههههههههههههههه اقووول اترك عنك بس هالجريدة " واخذتها منه وحطتها على الطاوله حاول يشغل نفسه بأي شي مايبي يطالعها "
نهى وهي تلف وجهه صوبها : ماتبي تطالعني !لهالدرجه مستخسر فيني حتى النظرة !
طارق بارتباك: مو مسأله كذا بسس ............
نهى : بس ايش ؟؟!!!!
طارق : ولاشي ولااشي " وقام يبي يرووح بس وقفت قدامه نهى وعلقت يديها برقبته "
نهى برقه : آحبك
طارق وهو ذاااايب وضمها له : الله لايحرمني منك
نهى وهي تنزل دموعها : حتى احبك ماتبي تقولها !
طارق وهو يبعدها عنه وبعصبيه : انتي ليه الامور التافهه هي اللي تهمك وبسسس
نهى وهي تبكي : هي وقفت على امور تااافهه !! يعني حتى العيال صااارت امووور تافهه !! اذا كلمة احبك عندك صاارت امر تافه عندك فهي عندي اهم شي انت اصلا واااحد اناااني انا الغلطاانه اللي من الاول تزوجتك
"وراحت وصعدت لغرفتها .. طارق وهو يجلس على الصوفا و يتنهد :آآآآآه الى متى وحنا كذاااا ؟؟ اووووف انا سبب هالعذاااب كللله اللي اعيشه "وصار يكلم نفسه :ليه ما أحب نهى !! هي حلالي وام عيالي وزوجتي !! ليه اعيش نفسي بعذاب واعيش بنت الناس بعد بعذاب " قرر طارق ينسى سالفة ريفان وحس انها سالفة سخييييفه تعكر حياته مع نهى
فتح طارق صفحه جديده مع نفسه وصعد لنهى
فتح الغرفه بشويش وقرب لنهى اللي لامه عمرها على السرير وتبكي بحرقه
طارق وهو يجلس بطرف السرير : نهى آنا آآسف ادري اني اعذبك معاااي بس صدقيني من اليوووم وراايح كلي لك واوعدك راح نبدأ من جديد
نهى وهي تقووم وتجلس وتمسح دموعها : طارق تتكلم جد !! يعني موافق نجيب عيااال ؟؟!!
طارق يغمز لها بخبث : لهدرجه متحمسه !!
نهى ووجها حممممر : طاااارق !
طارق وهو يضحك : عيووونه
نهى تبتسم : الله لا يحرمني منك
طارق يضمها : ولا منك
.................................................. .............................
ريما وهي معصبه : اووووف لماااار شفتي هالفستاااان طلع وسييييع مره
لمار : اقووول و الله مو لهدرجه اصلا هذا تلبسينه بالبيت مولازم تضيقيه
ريما وهي مفوووله : وووع كأنه مو لي شووووفي احس اني ادوور فيه
لمار : ههههههههههههه لهدرجججه تبين تضوقينه طيب افسخيه وعطيه امي تضيّقه
ريما وهي تجلس: اوووف موكله عشان الفستان اصلا احس ان نفسيتي ززززفت
لمار : تعووذي من ابلييس انتي اصلا خايقه عشاان زواجك بعد يوومين "وهي ترفع حواجبها وتبتسم "
ريما باستهزااء : هههه يعني الحين جبتي شي جديدد
لمار : اقوووول طيري بسس لاشوووتك الحين
هيله وهي تدخل : السلاااااام عليكم
:وعليكم السلاام
هيله : ريما تعالي يمه شووي ابيك
لمار : يمممه انا ماينفع اجججي
هيله بحززم : لا طبعا
لمار : اووووف الواحد مايتثقف
هيله ماقدرت تمسك نفسها وصارت تضحك : ايه ماينفع تتثقفين يمديييك
ريما بدلت ملابسها وراحت مع امها وجلست امها تنصحها وكذا يعني هع
.................................................. ..........................
اليوم الجمعه الساعه 8 بالليل
العنود : يممه انا جهززت
ساره : اي زززين يله روحي استقبلي اخوووك يزن وزوجته
العنود: ان شااااء الله
وصل يزن ودلال عشان يودعووونهم ويمشوون للمطار على مكه بعدين ماليزيا
دخلو البيت وسلمو على سارة والعنود
يزن بابتسامه : اخبااركم وش مسوووين من دووني ؟؟ههههه
العنود : والله مانسووووى بدوونك شمعة البييييت الله لا يحرمنا منك ابداااا
دلال وهي تلتفت على يزن وبغرور: هاذي اختك المطلقه !
يزن انصدم من كلمتها وبعصبيه: اتوقع العنوووود عندها اسم يا دلاااال
العنود وهي تستجمع قوتها : الله يهديك ياخووي هي قالت شي كذب .. "وتلتفت عليها " ايه انا المطلقه جعلك ماتذوقين اللي اذووقه وانا اختك ويسعدك مع يززن لانه ونعم الرجل
دلال وهي معصبه : وش تقصدييييين ؟؟
ساره تبي تلطف الجوو : ان شاء الله اذا رجعتو يا يزن بتعيشون معنا ؟؟
يزن : اكيييييد هذا شي مفرووغ منه !
دلال: نعم نعممم من قاااال ؟؟
يزن بعصبيه : انا قلت عندك ماانع
العنود وهي تقووم وتصعد غرفتها لانها حااسه انها ماعاد هي قاادرة تتحمل اكثر من كذا !
دلال وهي تقووم من مكانها : اظن تأخرنا على موعد الطائره !
يزن وهو يقوم ويسلم على امه : يله مع السلامه يمه واذا ججاء ابوي من دوامه بالمستشفى سلمي لي عليه
وطلعت من غير لا تسلم على امه ولاقاه ابوه
ابو يزن بعد ماسلم عليهم : وين بتروحون تووونا انتم تقولون موعد الطائرة 12 بالليل وحنا تونا 8 ونص
ودلال وهي واقفه وتتأفف لاحظ ابو يزن لكن مااعطاها اهتمام
يزن بارتباك : عندنا شوية اشغال بنسويها قبل لانروح المطار
ابو يزن : درب السلامه وانا ابوك طمنونا اذا وصلتو ان شاء الله
يزن : ان شاء الله يبه
طلع يزن ودلال وركبو السيااره
يزن وهو يشغل السياره بعصبيه : ممكن افهم ايش اللي عملتيه عند اهلي ؟!!
دلال بطوالة لسان : وش سويت يعني ؟!!!
يزن وهو مفوووووول : ابددااا بريييييييئه ماسويتي شي
دلال وهي تمثل انها تبكي : ححرام عليك يعني تصارخ علي بهالطريقه وحنا ماكملنا الا اسبووع وش بتسوي بعد شهر انت مايكفي فشلتني قدااام اهلك بعد تصارخ علي
يزن وهو يتنهد ويستغفر : استغفر الله بسس...... ياحبيبتي ياقلبي لا تبكين ماتستاااهل السالفه بس انا اقصد عاملي اهلي باحترام اذا جرحتيهم يعني انك تجرحيني بعد انا ..... فهتي ايش اقصد ؟!!
دلال وهي تمسح دموع التماسيح : اوكي حيااتي اوعدك راح اسوي كل اللي تبيه بس لا تعلي صوتك علي كذا مااتحمل
يزن : فديييتك تامرييين امرر كم عندي من دلال !!
اكفتفت دلال بابتسامه خبث تخبيها غطاتها" والله انسيكم شي اسمه يزن هييييييين ياسويره انتي وبنتتك "
.................................................. ..........................
العنود وهي تبكي بغرفتها "حتى زوجتك يايزن ماتوفقنا فيها يااا الله احس يزن طلع خاتم باصبعها بسس من اسبوووع هاذي وش بتسوي فيه بعد شهر !! اذا حتى الرساله مافكر يرسلها يعتذر نيابه عنها يطيب خاااطري الله يساامحك ياخوووي "
قطع حبل تفكيرها دخول امها
ساره وهي تجلس على طرف السرير وعبرتها بحلقها : شفتي مرت اخووك هاذي وهي ماتمت اسبوعها وكذااا وش بتسوي بعدييين !!الله يخلف عليك ياوليدي آخ ياقلبي
العنود : بسم الله على قلبك يمه ... وش نسوووي حرمته وتزوجها مالنا الا الصبر ونشووف النهاايه معاها
وجلست ساره والعنود يندبوون حظهم على دلال اللي مبين ان ماوراها خيييييييير
.................................................. .............................
فاروق وهو جالس مع ياسر يتمشوون بالممشى
ياسر : من قدددك بكره زواجك اختك
فاروق بنص ابتسامه : كبرنا كثيييير ..... من توقع اني راح اتزوج واتطلق وريما راح تتزوج سلطان .... دنياااا صغيره !
ياسر : وانت من تطلقت ما نويت تتزوج ؟؟
فاروق بسخريه : هه من جدك انت يعني انا مطلق العنود عشان اتزوج !!عبييييط انت !!
ياسر بجديه : ياخي تزووج اجنبيه و الله بترضى بعيبك و ماراح احد يدري اذا سكتها بكم الف !! ياخي الى متى وانت كذا يعني مو نااوي تعيّل !!
فاروق باستغراب: اتزوج اجنبيه !!
.................................................. ...............................
خالد يكلم احمد بغرفته بالجوال: تخيييييل يا احمد بيتزوجهااا خاالي و انا كنت نااااوي ابي ادمرها انقلبت علي السالفه اووووف
فتح ياسر الغرفه
خالد : يله يله مع السلامه احمد
سكرها منه جلس ياسر على قباله على الكرسي
ياسر وهو يتنهد : هذا اللي نشر لك الصور ؟؟!!
خالد بربكه : وش تقووول انت ؟؟ هااه بعدين وش الصور اللي تتكلم عنها ؟؟
ياسر وهو يقرب منه ويسحبه مع اذنه : مو اناا اللي تكذب علي ياخويلد انا ساااامع كل كلامك علشان كذاا بستر على بنت عمتك بس و الله هالمررره مشيتها لك بس قسسسم بالله ان قربت صوووبها لاذبحك
وترك اذنه وصار يفركها خالد : اوووووف طيب طيب فهمناااا
ياسر وهو يبي يفتح الباب: هالمره ربي ستر عليك لكن تأكككد حبل الكذب قصير وكما تدين تدااان واعظم شي يُعاقب عليه العبد الظلم
وطلع وترك خاالد يفكر بكلام خاله اللي صار صدى بدااخله
.................................................. ..................
ياسر : يابوناصر وش صار على موضوعي
ابوناصر : لقيت لك شغل يناسبك مو انت حربيه !! خلاص لقيت لك وظيفه
ياسر بفرح : الله يبشرررررك بالخيرررر يا علي و الله فررحتني الله يرزقك الجنه
ابوناصر وهو يبتسم : الله يووفقك وانا اخوووك ... وزواجك من بنت اختي مو نااوي تحدده ؟؟
ياسر وهي تختفي ابتسامته وعقد النونه : و الله ماااا ادري ... انا اقوول بكره المغرب قبل نروح الزواج املك عليها و آخذها
.................................................. ..................
انتهى البارت
|
21-09-11, 09:31 PM
جديد مواضيع قسم الارشيف
العرض العادي
