ليه أعور راسي وإحساسك جماد ، للكاتبة : صرورح الشوق ..

في مكان بعيد عن الاسلام والمسلمين .. بعيد عن الاهل والاحباب .. بعيد عن العادات والتقاليد .. بعيد عن المملكة .. في بلاد الغرب .. بريطانيـــــا .. وتحديدا ..لندن ..

كان جالس على سريره بكل هدوء وهو مسند راسه على مخدته العالية والي ما ينام اذا ما كانت تحت رآسه .. وهو ماسك كتابه ويقلب الاوراق بهدوء ويزعم انه يذاكر .. ولكن تفكيره كان بعيد كل البعد عن المذاكره .. كان باله مشغول .. كان تعبان من كل شي .. من الدراسة .. من الجو البارد الي موقادر يتحمله رغم جماله وجمال الطبيعة .. من الفراق الي ما حسب له حساب .. تذكر امه الحنونة الي كانت تفضله عن خواته بما انه الوحيد والكبير .. وتذكر ابوه سنده بالحياة وهو يدعي له دائما :يوفقك ربي وين ما كنت .. تذكر اخواته ويوم كان يفرح بغيرتهم منه بسبب امه .. تذكر ندى وجمالها البريء والجذاب .. والخطاب الي كانوا يجونها من هي صغيرة وكانت تعصب .. (ابتسم لهالذكرى) جت على باله ملاك الدلوعة الصغيرة .. والي كانت قريبة منه كثير .. وما تخبي عنه شي .. (تنهد بتعب وهو يغمض عيونه ..حتى يسمح لذكرياته الحلوة التسلل لعقله والاستمتاع فيها ولو للحظات ) فتح عيونه وهو يسمع صوت باب الشقة يتسكر وشاف ماجد وهو داخل وحامل اكياس كثيرة ويرميها عالارض .. وينط بسرعة وبقوة عالسرير بجنبه ويتلحف معاه بالغطآ.. صرخ : انتة ووجهك .. ايش شايف حالك ريشة ؟ .. بهدوء بهدووء .. يا اخي كم مرة اقولك تترك عنك حركات المراهقين ذي ..
ماجد بصوت عالي : يرحم والديك يا وليد .. أجل موعد المحاضرة لساعتين .. غير موعدها ولو مرة فحياتك .. يا اخي اذا ما تبيني انط بهالشكل قوم سير للسوق بمكاني ... وذوق البرد الي ذقته (وهو يتلحف ويغطي رآسه وصوت اسنانه وهي تصتك مع بعض ازعج وليد وسبب تشابك فحاجبه ) : اشش بس لا تسوي كذا ..
ماجد من تحت الغطآ : قوم جهز الغدا .. واتركني اغفى شوي انا بردان ..
ضرب وليد راسه بيدينه وفرك عيونه وهو يذكر ان اليوم دوره فتجهيز الغدا..
ابعد الغطآ عن رآسه وهو يتكلم : لا تقول نسيت .. كله بسببك عامل فيها محآفظ وما تبي نأجر خدآمة ..
تجاهله وقام بيروح يجهز الاكل .. قاطعه صوت الجوآل وهو عآرف هالرنة لمن بتكون .. سحب جوآله ورفعه بابتسامه وهو ماشي ناحية الصالة : هلاا ندى.
ندى وهي تصرخ كالعادة : فديتك وليدووه اشتقت لك مووت وربي .. وينك فيه ؟ ليه ما تتصل ؟ يعني عيآل الحرام علموك البخل ؟
ابتسم وهو يرد: شوي شوي .. فقعتي اذوني .. ابيهم ترا مو مستغني عنهم واحتاجهم بالدراسة .. والا ما تبيني ارجع ؟
ندى بسرعة وهي تتكلم بهدوء : لا والي يسلمك خلآص .. ابيك ترد بسرعة ما خلصت هالطب للحين ..
وليد: انتي عارفة انا اللحين ماجستير .. وبالسنة الثانية ان شاء الله انجح وارجع وارفع رآسك .. عشآن يزيدون خطابك .. (ابتسم وهو يسمعها تتأفف )
ندى بضيقة : اسكت الله يخليك انا متصلة اوسع صدري لا تعكرلي مزاجي .. توها امي طالعة من الغرفة وهي تسب فيني ..
وليد باستغراب : وليه امي متضايقة كذا ؟ هذي ماهي اول مرة ترفضين شخص انتي .
ندى وهي تتافف : انت عارفها تقولي عدي الي رفضتيهم .. وثاني شي اليوم العريس انسان غير ..
وليد باستغراب : منهو ؟
ندى وهي تتنهد : مازن ولد خالتي سعاد .. رد من البحرين بس عشان يغثني ويخطبني وامي ما صدقت خبر .. تبيني اوافق ..
وليد بهدوء : بس يا ندى امي معاها حق .. بغض النظر عن مازن وغيره .. يعني لمتى بتظلين كذا ترفضين كل انسان يجيك .. انتي ليه متخوفة من هالفكرة ؟
ندى : انا مو متخوفة يا وليد .. لكن انا ما ابي بس .. احس اني مو مستعدة .. ومو حابة اي واحد فيهم ..بس
وليد وهو يقاطعها : ندى .. انتي كبيرة ولازم تكونين عارفة مصلحتك .. وماله داعي انا او امي نذكرك ايش انتي وكم عمرك ..
ندى باندفاع : يا وليد انا حآسة انكم ما تبوني .. وكثير حابين فكرة زواجي وخروجي من البيت ..
وليد بعصبية شوي : ايش هالكلام يا ندى ؟ من الي ما يباك ؟ طيب عادي لا تتزوجين . لكن ما تفكرين بكلام الناس عننا . ايش بيقولون وهم يشوفون الخطاطيب يدخلون ويطلعون من البيت .. ما فكرتي بهالطريقة شوي .. لا تفكرين بنفسك بس .. فكري بسمعتنا وسمعة ابوي .. (سكت شوي ينطرها تتكلم وعرف انها ما عندها كلام تقوله ومصرة على رأيها )
ابتسم وهو يحاول يراضيها : فديتك ندى وربي مشتاق اشوفك واشوف ملوكة وامي وابوي ..
ندى والعبرة خانقتها وواضح بصوتها انها بتبكي: وانا كمان والله .. تصدق اني ببكي لو ظليت اكلمك ارجع بسرعة طيب ؟ .. اخليك اللحين .
وليد : طيب حبيبتي سلمي لي عالاهل كلهم .. ودائما فكري زين قبل اي شي .. ومازن رجآل والنعم فيه انا عايش معاه وعآرفه كان يدرس معي فالثانوية .. طيب حبيبتي ؟
ندى بضيقة : طيب .. سلم ع ماجد
وليد : اوكي .. فمان الله
سكر التلفون ومشى بيرجع الغرفة وابتسم وهو يشوف ماجد متلحف باللحاف ومغطي جسمه كله ويتراجف من الداخل .. حن عليه ومشى وغطاه بغطا ثاني .. وطلع للمطبخ عشان يجهز الغدا ..

ܓܨ•••
✖ •

نفث الدخان من فمه .. ورجع يستنشق دخان السكاير .. ويستمتع بمنظر الدخان الي يتطآير بالهوآ .. رفع عيونه وهو يشوف طيف سيف جاي باتجاهه .. ويجلس بجنبه وهو يخلي يديه على كتفه : ها يابو الشباب .. كيفك ؟
طفى سيجارته وهو يفرك عيونه : مو بخير .. انت كيفك ؟
سيف : شي طبيعي تكون مو بخير وانت تشرب هالسم هذا وما عدا الخمر .. انا الحمد لله مو بمثلك يا فهد .. انا تمام ..
فهد وهو يضيق عيونه : بليز سيف لا تزعجني بهالكلام وانا رايق .. وبعدين غريبة جآي بنفسك للاستراحة ذي .. وانت بالعادة تكرهها ..
سيف وهو يمرر اصابعه بين خصلات شعره الطويل : انت عآرف انا ما احب هالاماكن .. لكن وش الحيلة بغيتك وتأكدت ما بلقاك الا هين ..(سكت شوي بعدها قام وقف ) : وربي ضاق نفسي بهالدخان .. قوم بس قوم امش بنروح البحر انا متضايق شوي ..
فهد وهو يوقف : لا تقولي خالك مرة ثانية ؟
سيف وهو يمشي قدآم فهد: مرة ثانية وثالثة كمان .. ياخي مو بتاركني هالانسان ..
ركب سيارته وهو ينطر فهد يركب بجنبه .. مشوا للبحر ووقفوا قدام الكورنيش .. والصمت كان سيد الموقف ..كانوا الناس قليلين.. لان الوقت كان ظهر .. نزل من سيارته .. ونزل معاه فهد .. ومشوا مع بعض حتى وقفوا قدام الموية ..
فهد : ايش المشكلة اليوم ؟ بعد الفلوس ؟
سيف وهو يناظر البحر : وفي شي غيرها ؟ ما ادري ليه الناس تحبها وهي وسخ .. يا اخي المشكله ما هي بس بالفلوس .. خله يجي ويطلبها مني وانا ما ابخل عليه .. لكن الطريقة الي يجيني فيها والاوقات تخليني احرم اعطيه ريال واحد ..
فهد بعصبية : هالانسان يبغيله شدة اذن .. اشوف عينه طالعة هاليومين .. تبيني اتصرف ؟ وربي ارميه ورى الشمس ..
سيف بهدوء : لا يا فهد. لا تدخل حالك بهالمشاكل .. انا ما ابيك تتأذى .. وثانيا هالانسان خالي ومهما كان هو الي رباني .. وما اقدر اسويله شي .. تعرف انه يذكرني بالوالدة الله يرحمها ..
فهد وهو يقاطعه بعصبية : يعني بتسكت عن اخطاءه الي ما تنغفر عشانه خالك ؟ وعشان يذكرك بالوالدة ؟
سيف بحدة : ايه .. ( تنهد بقوة وهو ينزل للارض وياخذ حجرة صغيرة ويرميها بكل قوته فالبحر ) انا لازم اصبر .. وما انتقم .. (ناظر فهد بقوة وبمغزى ) لان في غيري كثير منى عينهم ينتقمون منه ..
فهد بسؤال غير متوقع : سيف .. خالك له عيآل ؟
لف سيف باستغراب : وليه تسأل ؟
فهد وهو يناظر البحر ويهز كتوفه بعدم اهتمام : بس . كذا جآ على بآلي .( وهو يناظره ) جاوبني ..
سيف وهو يتطمن ان فهد ما شك : ايه له عيآل.. ثلاث بنات ..
فهد : ايش ينادوه ؟ ابو منو ؟
سيف : الناس كلها تناديه ابو احمد .. عشان ولده الي مات الله يرحمه قبل سنتين بحادث .. كآن رجال والنعم فيه .
فهد وهو يتقدم عالبحر : العصر عندك شي ؟ والا فاضي ؟
سيف : لا فاضي . ليه ناوي تروح مكان ؟
فهد : انا بخاطري اروح البر . ايش رآيك ؟ امانه لا ترفض ..
سيف : بس بكرا عندنا اجتماع.. ذياب طالبنا ..
فهد وهو يتأفف : افف منه . . خلاص بكرا بعد الظهر نروح .. طيب ؟
سيف : خلاص تم .. يالله نروح انا تعبت ابي انام ..
مشوا مع بعض وركبوا السيارة وتوجهوا للبيت..

✖ وقفة :-
سيف : صديق فهد الروح بالروح .. صديق العيلة كلها .. محترم وشخصيته روعة .. عمره 25 س .. يشتغل بشركة ذيآب .. امه توفت يوم ولدته .. وابوه من حزنه عليها تبعها بالوفاة .. وتركوه لحاله يقاسي عيشته مع خاله الي رباه .. والي كان قاسي معاه .. ويوم كبر رماه فالشارع وتعرف على فهد واشتغل معاه .. ودائما عنده مشاكل مع خاله الي يقامر ويخسر فلوس ويجي يطلب منه ..

ܓܨ•••
✖ •

كآنوا ماشيين مع بعض فمول الفيصلية .. بعد جهد جهيد حتى يطلعون مع بعض ..
ضحكت بصوت عآلي وكآنت ضحكتهآ ملفتة للانظآر خصوصا وان ضحكتهآ عآلية بدون مكبر ..
قآطعتهآ ريمآس وهي تدفهآ بكوعهآ : انتي ووجهك وينك فيه .. وطي صوتك يالبقرآ تبغين يحبسونآ زي الكلاب فالبيت ؟ .
ردت ولازآلت الابتسآمة على وجههآ : انتي لا تقولين اشياء تضحكني عشآن ما اضحك ..
ريمآس بعصبية : لا والله ؟. وش شايفتني مهرج والا مهرج ؟ .. امشي بس والله لو يدري ذيآب اننآ طآلعين لحآلنآ من دون زيآد لا يذبحنآ بدون سكين .. (سكتت وهي تنآظر الفستآن الوردي الي معلق عالواجهة لأحد المحلآت ) سآرة شوفي هالفستان ؟ يجنن صح ؟
سآرة وهي تنآظره بذهول: وآآو ريموس ابيه .. ( وهي تترك ريمآس وتمشي دآخلة للمحل ) أنآ دآخله اشتريه ..
ريمآس وهي تلحقهآ : لحظة مين الي شآفته اول ؟ أنآ .. يالله منآك انآ الي بشتريه وانتي تلآيطي وشوفي لك شي ثاني ..
سارة بعصبية : عيدي حبيبتي ما سمعت وش ذي من الي شافه اول .. أنا دخلت للمحل قبلك .. وقبلك قلت بشتريه .. يالله منآك ..
دخلوا مع بعض وهم يدفون بعض وكآن شكلهم ملفت ومضحك.. وبالاخير شرته ريمآس وسآرة تنآزلت وخذت فستآن ثاني ازرق .. طلعوا من المحل متوجهين للكوفي يشربون شي بعد التعب من الدوران بالمول لسآعآت متوآصلة..
سآرة وهي تشرب موكآ : صحيح ريمآس كيفهآ فجر ؟ والله اني متشوقة اشوفهآ .. أحس اني متحمسة لشوفتهآ أكثر من جدي .
ريمآس وهي تشرب من قهوتهآ : تمام الحمد لله .. شوفي سآلي وريمة بجنونهم .. بتشوفينهآ .. لانهآ مجنونة زيهم واكثر بعد ..
سآرة : بس غريبة .. ليه للحين معكم فالبيت .. يعني ليه ما رآحت القصر مع خآلي عمر ..
ريمآس وهي تحرك اطراف اصآبعها على حآفة الكآسة : انتي عارفة السوسة سلوى زوجة ابوها وهي الواضح ما تطيقهآ .. ومن رجعوا من فرنسا وهي عند ريمة .. فديتها احس انها ارتاحت معانا .. وانتي عارفة عمي وكيف يتعامل معها وسلووه كمان فشي اكيد ما تبي تروح عندهم .. بس يمكن سمعت اليوم عمي عمر بيجي يآخذهآ ..
سارة : فديتها كسرت خاطري .. ان شاء الله يوم الجمعة بحفلة المزرعة اشوفهآ ..
(رفعت رآسهآ وهي تنآظر بعيد على جهة المطآعم ) ريموس عزميني ..
ريمآس بعصبية : يالنآكرة والموكآ الي توك زطيتيه من الي عزمك عليه ..؟
سآرة وهي تضحك: حشآ ما تسوى علينآ .. كنت بس بجرب كرمك الحآتمي .. مآلت على وجهك ..
ريمآس وهي توقف وتآخذ بوكهآ وجوآلهآ : قومي بس يا ام حاتم امشي بنرجع .. اتصلي عالسوآق .. انآ اليوم مذبوحة مذبوحة .. اذا مو على يد تركي .. على يد ذيآب ..
ومشوآ مع بعض للبوآبة ولآقوآ السوآق ناطرهم ..وركبوا متوجهين لبيوتهم..

ܓܨ•••
✖ •
[ ارتبكت .. عثرت .. صاح الكل اسم اللــــــــــه ..]

طلعت من الحمآم وهي تنشف شعرها بالفوطة وتدندن :
أنـآ ضــآيق .. وبآلي ضآيق
وجوي ضآيق .. ضيقن كآيد ..
دخلت غرفة التبديل وناظرت الكبت بحيرة : امممم وش البس .؟
استقر رأيها على بنطلون برمودا ابيض وبلوزة بربع كم صفرا وفيها دبدوب كبير وردي .. ولبست لها شوز نعوم وردي بشرايط صفرا .. مشت بخفة للمراية .. وصارت تستشور شعرها . . ورفعته عآلي بكلبسه صفرا على شكل ذيل الفرس .. كحلت عيونها .. وحطت لها غلوس وردي فاتح .. ورمت بوسه للمراية وابتسمت وهي تاخذ جوآلها وتنزل .. وكالعادة لازم تستعرض قدام اهلها .. كعادة غبية اعتادت تسويها ..
وصلت لنهاية الدرج المطل عالصالة واستغربت عدم وجود احد .. بالعادة امها وابوها بذا الوقت يكونون جالسين يتقهوون هينا.. كانت بتفاجأهم بالجمال الي نازل عليها .. رجعت بتصعد الدرج عشان تروح غرفة سارة .. ولكنها تراجعت ومشت بناحية المجلس وهي ناوية على خالد يطلعها اليوم .. مشت وهي ناوية تخرع خآلد .. فتحت الباب وهي تغمض عيونها وتدور بنفسها وتصرخ بصوت عآلي : خلووووود قوم وشوف جمآلي الخارق الحارق .. (فتحت عيونها بعد ما طاحت عالارض لانها حست بدوخة) ومسكت رآسها : آآآآخ .. يعور ..حرآم عليك خلود وربي مر علي اسبوعين على التوازي وانا جالسة فالبيت ومحد يطلعنــ ( سكتت وانقطع صوتها وهي تثبت عيونها ع الانسان الي جالس بزاوية المجلس .. والاحلى انها جلست تدقق فيه تبي تعرف منو .. مثل المجنونة تمت جالسة وتطالع فيه بصدمة وهي تشوف تركي جالس ومنزل رآسه وهي تطالع وولا على بالها .. سمعت صوت خطوات من وراها .. التفتت بسرعة وقامت فتحت الباب عشان تطلع من المجلس قبل لا يجي خآلد ويشوفها .. لكن وللاسف صارت بوجه خآلد الي كان نازل من الدرج ويسكر ازاير ثوبه : سآلي .. وين كنتي ؟ ( وبشك ) دخلتي المجلس ؟
تلعثمت وما عرفت بايش ترد وهي عآرفة خآلد دائما يحذرها من طيشها ولو درى بيذبحها : هاا .. ايـ . لا لا ما كنت .. انا كنت .كنت العب اا كنت اشربـ.كنت فالمطبخ ..
خآلد وهو يطالعها بشك لان وجهها احمر دليل على انها شايفة عفريت:اللحين ما فهمت كنتي تلعبين والا تشربين والا فالمطبخ ؟
ناظرته نظرة استعطاف وهي تغطي عيونها وبصوت واطي : كنت فالمجلس ..
سألها بعصبية وهو يأشر على لبسها : دخلتي بذا اللبس ؟
كانت بتقوله : لا دخلت بالعباة . وغيرت ملابسي قدام باب المجلس .. يعني صحيح سؤال سخيف .. بلعت ريقها وهي خايفة لا يسمعها وش تقول .. ومو عآرفة من الاصل ايش تقوله عصرت عيونها عشان بس تنزل دمعه ولكن الحظ المقرود سبب جفاف بعيونها نزلت رآسها وهي تقول بصوت وآطي : ايه .. (رفعت رآسها ) وربي خآلد ما كان قصدي .. شفت ما في احد هنا قلت اكيد انهم بالمجلس .
خآلد وهو يجرها من شعرها بخفيف : ومن متى وانتو تجلسون بالمجلس .. يعني انتي ما تعرفين ان المجلس للرجال بس ؟ امشي لغرفتك ولا اشوف رقعة وجهك مرة ثانية .. وخففي من الجنون شوي ..
ما صدقت خبر تركته واعطت رجولها كل الطاقة . وبسرعة البرق وصلت لغرفتها ودخلت وسكرت الباب وقفلتها بعد وهي تتنفس الصعدآء بعد الركض الي ركضته .. وتضحك على جنونها .. ونطت بسرعة عالجوآل تتصل على ريماس عشان تحرها وتقوللها زوجك شافني .. وهي تضحك بصوت عآلي ..

ܓܨ•••
✖ •


باحد الاحياء الراقية .. الرياض ..
بغرفتها الصغيرة والي كانت مظلمة من شدة اللون الاحمر الي مغطي معظم جدران الغرفة والي يمتلك بصمة واضحة عن مدى الرومانسية الي تمتلكها هالبنت .. مو باين منها شي وهي متلحفة بغطاها ونايمة بسلام .. لكن صوت الجوآل وهو يرن اكثر من مرة ازعجها وخلى شياطينها تقوم .. قامت من نومتها وسحبته بكل قوة وصرخت بصوت كله نوم : نعم .. خير .. في انسان عاقل يتصل بهالوقت ؟
انصدمت من الصوت الي تكلم بصراخ اكبر : ناظري الساعة .. وشوفي اي انسان عاقل ينام بهالوقت ؟
لا اراديا ناظرت الساعة الي بجنب السرير وشافتها الوحدة الظهر نطقت بهدوء وهي تحاول تستوعب : عبير .. ( بعد ما استوعبت رجعت تكلمت بعصبية وصراخ) وانتي ليه تصارخين ؟ انا صاحية من النوم .. انتي وش فيك ...؟
عبير وهي تضحك : اتصل عالمجنونة ندى .. وما ترد وينها في ؟
ردت بعصبية : انتي ووجهك وليه متصلة علي .. روحي انلطعي واتصليلها لين ما ترد وانا وش لي خص فيكم ..
عبير بابتسامة : فديتك ملوكة .. وربي حاسة بشعور المواطن السعودي يوم يصحوه من نومته العزيزة .. وازيدك من الشعر بيت ومجربتها بعد .. لكن بآلي شغلني عالمجنونة ندى .. امانة في حد خاطبها ؟ لانها يوم تنخطب تعتكف بالغرفة وتموت لمدة يوم عالاكثر وبعدها تعيش وترجع للحالة الطبيعية ..
ملاك وهي تهدي نفسها : ايه .. خطبوها اليوم .. خطبها مازن ولد خالتي .. يا اختي ما عندهم احساس هالخطباء وهم يخطبون اختي .. وانا تاركيني اعاني من العنوسة .. والمشكلة ان ندى السخيفة برفضها للزواج بتسببلي شحة فالخطاب .. لانها الكبيرة وما تزوجت .. كيف الصغيرة بتتزوج ...
عبير وهي تضحك : ههههههه فديتك ملوكة .. ايش رايك اخطبلك اخوي ؟
ملاك وهي تصحصح : فديتك من يومك وانتي كريمة .. لكن ما توقعت الكرم الحاتمي بيوصل لهالدرجة فيك .. وبعدين يالسخيفة انا قلبي ما ملكه غير انسان واحد فديته ..
عبير وهي تضحك : هااااااااا ملوكة منووه سعيد الحظ ؟ تحبين من ورانا ؟
ملاك وهي تضرب راسها بالكوميدينة البجنب السرير وهي تحاول تغطي فضيحة قلبها الكبيرة : أنا احب ؟ من وين يا حظي ؟ انا ما احب احد غير سمير سواقنا فديت خشته .. وبعدين مروان خليه لك ما ابيه .. والا وش رآيك تخطبين له ندى عشان ترميك من البلكونة ..
عبير وهي تضحك : وربي فكرة حلوة .. بتصللها واقترحها عليها .. يالله سلام ..
ملاك : سلام ( رمت الجوال لابعد مكان ورجعت نامت )

✖ وقفة :-
عبير : صديقة ندى الروح بالروح ومعاها بالجامعة ولها علاقة قوية بهالعايلة .. عمرها 20 س .. مقاطعة الزواج مثل ندى .. لكن الاختلاف ان الخطاب قليلين .. مو بمثل ندى .. شكلها كيوت ونعوم كثير .. قصيرة شوي .. وبشرتها بيضآ وشعرهآ طويل لنص ظهرهآ ولونه اسود .. وهي أخت مروآن صآحب ذيآب .

ܓܨ•••
✖ •
كان يمشي بطريقه بسيارته البي ام دبليوو وهو يعلي صوت المسجل :
علمــونا هواهــم .. ومن هوينا اتركونــا .. ما عرفنا شبلاهم .. وليش هم يعجبونا ..
تنهد بضيق مو عارف اسبابه .. اسند راسه عالكرسي لورا وهو يناظر الاشارة بامل انها تتحول خضرا .. مثل حياته الي يتمنى تتغير ويتغير مسارها الممل ..
لفت انتباهه جواله الي كان يطلع ضو علامة على انه عالسايلنت .. سحبه وهو يشوفه يطفي .. سحب الشاحن وركبه عالجوال وهو يدق ارقامها الي حافظها عن ظهر قلب والي كان متأكد انها هي المتصلة .. بعد ثواني سمع صوتها البريئ الي ينسيه همه .. بما انها اول وآخر اهتماماته بهالدنيا .. وكل امانيه ينسيها الي صار لها والي خلاها وحيدة وما تأمن احد .. وولا تثق بغيره : أمجد وينك فيه ؟ تعبت وانا اتصلك ..
رد عليها بهدوءه المعتاد : اسف حبيبتي .. كان جوالي صامت .. فيك شي ؟
ردت بدلع اعتادت تظهره بس قدام هالانسان : جيعااانة .. وخاطري آكل عند بيتزا هت .. بليزززز مجود وربي ضايق خلقي ..
امجد بابتسامة باين فيها التعب : حبيبي ريناد وربي تعبان .. وثانيا امي اللحين تنطرنا عالعشا .. وحرام نتركها ونطلع ..
ريناد بزعل : امجد .. خبرت امي وقالتلي ع راحتك .. بلييز مجود .. وبعدين معاها ابوي وتركي و..
قاطعها امجد : تقصدين فهد ؟ انتي عارفة انه ما يلفي بالبيت .. وولا كأنه فرد بهالعائلة .. ترضينها بس امي وابوي وتركي عالعشا ..
ريناد باندفاع : خلاااص امجد ما ابي .. انسدت نفسي .. يالله باي (سكرت الجوآل بدون ما تسمع رده )
حركتها عصبته .. رغم عصبيته النادرة .. يكره هالحركة .. وما يطيق انسان يتجاهل وجوده .. لكن برقته واحساسه المرهف ما هان عليه تكون جيعانة وتبي تطلع وما يخرجها .. وهي بعمرها ما كانت بهالحماس وودها بطلعة من يوم ما صار الي صار مع احمد الزفت .. دق عليها وهي ما ترد .. ارسل لها رسالة يقول فيها تلبس وتنطره بالحديقة .. ومشى باتجاه البيت .. وهو يسرع عشان الساعة كانت 9 .. حتى ياخذها ويرجعون على وقت .. وقف بالبارك الخلفي للفلة وهو يدق لها هرن .. شافها تطلع وهي مبوزة .. ابتسم وهو يشوفها تصعد بدون ما تسلم : انا كم مرة اقولك ما ابي اشوفك متضايقة .. وكم مرة اقولك ما احب حد يسكر الجوال بوجهي .. وما احب احد يشوفني وما يسلم ويتجاهل وجودي وما ..
قاطعته وهي تضحك : قول ما احب الدنيا كلها وخلاص .. (تكلمت بهدوء مغلف بألم يتخلله بعض الامل من هالانسان ) مجود انا اسفة بس من لي غيرك اتدلل عليه ؟
ابتسم لها ابتسامته الي تطمن قلبها الصغير : وانا من عندي غيرك يسوي الي ما احبه .. وارضى .. ؟ وحرك السيارة متوجه لبيتزا هت على امر اخته الوحيدة .. وهو يشوف ابتسامتها .. الي فارقت وجهها لفترة كادت تكون طويلة ...

ܓܨ•••
✖ •
✖ [ ~ يتبع ~]

انصدمت يوم شفت شآب طويل وسيم جاي ناحيتنا .. و العصبية كانت تشع من عيونه الحادة الي بجد خفت منها .. انمحت الابتسامة الي زرعها الي بدون اسم على وجهي .. شفته يتقدم ويتجاهلني وهو يكلم بدون اسم .. صراحة قهرتني حركته .. لكن طبلة اذاني ركزت بصوت الي جالس يتكلم وانما يغني بصوته العذب .. بصراحة هم الاثنين صوتهم عذب ماعرفت اركز صوت بدون اسم لان اصواتهم تشابهت بغضبهم .. تقربت شوي ودققت بوجهه وهو معصب كان خيال استغربت عصبيته وهو توه مكلمني ويا حلاته وحلاة هدوءه .. توجهت عيوني على الي مع بدون اسم وعرفت انه ذيآب وكرهت وجوده الي سبب الغضب لبدون اسم .. تضايقت لاني مو قادرة اسمع وش يقولون .. كانهم يتكلمون بالاشارة .. يا هالذياب الي يفرض احترامه عالكل .. ومهابته تقتل الجميع .. انا كمان خفت منه .. بس عاد يموت ولا يشوفني بخوفي .. انا بعادتي قوية وما احب ابين ضعفي .. حتى قدام ابوي الي اواجهه دون خوف مع ان الناس كلها تخاف منه وتهابه .. اكيد البعض بيفكر لانه يحبني وانا بنته وغير بالنسبة له .. لكني اجزم انه يفضل شركاته وامواله وزوجته السوسه وعياله علي وعلى طوايفي .. وتجاهله لي يقهرني ودائما يخليني ابكي .. خصوصا اني ما اعرف اي سبب لتعامله الجاف.. بس يحلم يشوف دموعي ودائما اوقف بوجهه بكل شي ما احسه خير لي .. هالحقد هو الي زرعه بقلبي .. فجأة انتقلت افكاري من الحقد الوجيم الي اكنه لابوي وزوجته بالرغم من انه والدي .. الى المحبة الطاهرة لامي الله يرحمها .. ذكراها الوحيدة الي تضعف قلبي وتخليني عاجزة قدام التعبير لها عن شوقي ومحبتي الي تفيض كل ما شفت ابوي وزوجته بالرغم من اني ما بعمري شفتها . الا فصورة محتفظة فيها وما بانت ملامحها بوضوح.. كل الي اعرفه انها مااتت وانا صغيرة .. كل لحظة اشوف فيها بابا مع زوجته وماما بقبرها ونسيانه لها .. احس الطعنات تذبحني ذبح وتقتل بقايا ذرات المحبة الي اخفيها عن ابوي .. والي ولدت معي بالفطرة .. انا عشان هالشي ماني قادرة اعيش معاهم بعد ما تعذبت وانا اشوفهم سوآآ كل يوم ففرنسا .. الحمد لله انا رجعنا .. ومانيب طالعة من بيت عمي حتى لو انه طردني .. بلزق لزقة جونسن اهم شي اكون فمكان ارتاح فيه وما انطعن كل يوم بشوفة ابوي يخون امي .. لكن لو ذياب ما موجود بهالبيت كان افضل .. تذكرت ذيآب ورجعت لواقعي الي صنعته بعيد عن ما بداخلي من الم فظيع .. لقيت ذياب قريب مني وهو يصرخ .. : وجع ما تسمعين ؟
صراحة انصدمت من صرخته رديت بقوة وانا عيني بعينه : اسمعك لا تصرخ ..
شفت عيونه الي تخوفني وهي تنقط شرار وهو يصرخ بصوت اعلى : اياك ترادديني يا فجر والا وربي بدفنك بارضك ..
خفت بداخلي لكن وجهت انظاري بتجاهل له لبدون اسم بس ما شفته .. تضايقت من وجوده معي ..
رفعت راسي شفته يناظرني بقوة : وش جابك هنا ؟
ما عرفت شقول .. اذا قلتله عن ريمة اكيد بيعصب : اا .. كنا نلعب انا وريمة .. وركضت . وجيت اتخبى.. و ما لقيت غير هالشقة ..
رد وهو يتفحصها من فوق للتحت : وانتي ما تدرين هالمكان ممنوع حد يوصله .
رديت بلا مبالاة : انت عارف انا ما ادل الفلة ..
رد عليها وهو يمشي قدامها : واذا ما تدلين ليه تتليقفين وتطلعين من الاصل ..
مشيت وراه بعصبية : لو سمحت لا تغلط ..
وقفت بصدمة من حركته وهو يلف لي بكل عصبية ويأشر باصبعه السبابه على فمي .. صراحة بغيت اعضه : ان تكلمتي بهالطريقة مرة ثانية وربي لاقص لك هاللسان .. واضح انك ما تربيتي ..
تكلمت بقوة واندفاع : لا تجيب طاري اهلي على لسانك ؟
لف لي مرة ثانية بعد ما مشى وكان مقرر يقصر الشر .. سحبني من عضدي بكل قوة وانا احاول افلت يدي من قبضته المحكمة : شيل ايدك
مسك يديني الاثنين بيد وحدة : لا تخليني اخليك هنآ( وهو يأشر على راسه ) والا والله ما بتطلعين منه .. معآآآي ( وهو يركز على هالكلمة ) لا تسوين حركات السخافة والطفولة الي تدعينها .. سآمعة .
ناظرني بنظراته الحادة ومشى قدامي وهو متجاهلني تماما .. وقفت بمكاني وما تحركت بعد ما مشى .. عناد فيه الحقير .. ولكن يوم لف مرة ثانية تقدمت بسرعة عشان يشوفني قريبة : ولا عآد اشوفك جاية صوب الجهة الخلفية للفلة .. ومرة ثانية ( وهو يناظرني باحتقار ) ما ابي اشوفك من غير حجاب ..
قاطعته بعد ما حسيت باهانة .. هذي حياتي وما احب احد يتدخل فيها واذا ابوي ما تكلم ما بلبسه : مالك اي دخل ابوي ..
قاطعني وهو يتكلم بعصبية اكبر وبصوت اعلى و بنبرة حادة : وان سمعت لك صوت والي خلقك اقص لك هاللسان وارميه لاقرب كلب .. (وبصرخة افزعتني ) فاهمة ؟
فتحت عيوني على وسعها بنظرة ذهول وانا ارمش من عصبية المجنون الي قدامي .. لكن هين يبيني اقول فاهمة على جثتي ما سمعها بحياته .. كانت عيونه مركزة على عيونها الي كانت خالية من اي غيوم تهدد بسقوط امطار اعتادت تسقط من عيون بني جنسها بهكذا مواقف ..
مشى قدامي بخطوات سريعة وثابتة .. وانا امشي وراه بسرعة لان المكان صار ظلام .. وعبرنا على الجسر الصغير الي يفصل بين جهة الفلة الامامية والجهة الخلفية .. شفته يوقف قدام مجلس الرجال .. وهو نآوي يدخل .. اجبرته يوقف وانا اتكلم باستغراب واضح فيه الخوف : ليه جايبني هنا ؟
ناظرني بملامح جامدة ما توحي بشي : عمي ينطرك داخل ..
ناظرته بملامح بائسة اكتساها الضيق وقضى عالحيوية الي كانت قبل لحظات : بابا ؟ جاي ياخذني ؟
ذياب وهو يناظر جواله الي يدق : ادخلي واسأليه .. ابركها من ساعة لا رحتي ..
رفع جواله وهو يعطيهآ ظهره : ايه مروآن .. طيب انا جآي اللحين ..
سكر ولف لهآ وهو يناظرها للحين واقفة وعينها مركزة على عيونه : ما سمعتي ؟ (وبعصبية ) ادخلي خلصيني ..
طلت براسها ع المجلس وشافت ابوها الي كان معطيها ظهره و يكلم عمها .. رجعت ناظرت ذياب وهي تتكلم باستعطاف: بليز ذياب واللي يسلمك ما ابي اروح معاه قوله يخليني ..
ذياب وهو يسحب البكت من جيبة وينتقي سيجارته بكل هدوء ويفتحها وثواني ودخانها ساد بالاجواء .: أنا ما اتدخل ...
ناظرته بعصبية وانا اتخيله نسخة ابوي الثانية .. حبيت اقوله هالشي .. وما خليته بنفسي كنت بدخل لكني رجعت : تدري .. انت زي بابا بالضبط بكل صفاته السلبية .. الي اكرهها وما اطيقها..
. تركته ودخلت وانا متجاهلة البركان الي خلفته من بعد تسكيرة باب المجلس : السلام عليكم
تقدمت وباست راس ابوها : كيفك بابا ؟
ابوها بملامحه الجدية : تمام .. يالله جيبي اغراضك ونادي امك عشان نروح عندي شغل ..
ناظرته بقوة وهي متنرفزة من هالكلام.. تكلمت بحدة : يبة .. قلتلك سلوى ما هي بأمي ..
ناظرها ببروده المعتاد : لا تعلين صوتك . . قص بلسانك ..
رجعت تكلمت بهدوء عكس البركان الي كان ثاير قبل دقايق : انا اسفة .. وبعد اذنك ما ابي اروح انا بتم عند ريمة ..
رد عليها برسمية : لاآ .. يالله استعجلي ..
عقدت حاجبها بطفولة وهي تمشي ياربي والله ما ابي اروح انا اكرههم بجد اكرههم .. فجأة انتبهت على عمها الي كان يقرا الجريدة .ويشرب قهوته .. اختلست النظر لابوها شافت ذياب يكلمه عن امور الشغل .. استغلت الفرصة ونطت وجلست جنب عمها : عمي طلبتك ؟
ناظرها وهو يبتسم .. يحب هالبنت بجنونها وكان متلهف على شوفتها من سنين : آمري وانا عمك..
تكلمت وهي تبوس راسه : فديتك عمي .. خليني اتم عندكم .. انا ضايقتك بشي ؟ اذا ضايقتك قولي عشان اروح ..
ابو ذياب وهو يقاطعها : لا حبيبتي بالعكس عسل على قلوبنا ..
رجعت تستنجد وهي تمسك يدينه : عمي بليز وربي ما ارتاح هناك ..
قاطعها باستغراب : فجر وانا ابوك .. لا يكون سلوى مضايقتك بشي .. او قالتلك شي ؟
ردت باندفاع : لا عمو بس انا ما ارتاح ..
رد وهو يشرب قهوته : يا بنيتي ما بيدي حيلة هذا ابوك ويبيك معاه وسلوى بعد بحسبة امك ..
ناظرته بضيق ورجعت لطبعها وهي تقوم: سلوى ما هي بأمي .. خلاص عمي انا بروح مع السلامة .
ناداها وهو يبتسم : تعالي مانك بهينة بغلاتك تكسبين الناس .. روحي جهزي اغراضك انا بقوله اذا وافق .. حياك .. ما وافق روحي ويوم الجمعة بالحفلة الي مسويها لعيونك بخليك عندي طيب ؟
ابتسمت ابتسامتها الكبيرة والي بينت صف اسنانها البيضا وارسلت له بوسا بالهوآ وركضت بعد ما شافت ان ابوها انتبه انها للحين بالمجلس ..

ܓܨ•••
✖ •

مخرج •••
[ ~ الـ ح ــب شيء مقدس .. لذلك لا تقتربــ منه أبداً ~ ]

~ صــورني بالــ كآميرآ .. وركّــز على جروحــي ~