وش هو اغلى من الوفاء في زمن برد وجفاء\بقلمي - الصفحة 7

29-03-12, 03:59 PM

المشاركة رقم: 31

المعلومات
الكاتب:	جورية الدوحه
اللقب:

البيانات
التسجيل:	Aug 2011
العضوية:	228076
المشاركات:	50
الجنس	أنثى
معدل التقييم:
نقاط التقييم:	19

االدولة

مدونتي

الإتصالات
الحالة:
وسائل الإتصال:

كاتب الموضوع : جورية الدوحه المنتدى : ارشيف خاص بالقصص غير المكتمله

السلام عليكم ورحمة الله وبركاته

مساكم الله بالخير
عساكم بخير حبايبي

اليوم البارت مليء بالأحداث المهمة
و انشالله ينول إعجابكم بعد الانقطاع الطويل إلي كنت فيه
وانشالله محد يكون ماخذ بخاطره مني
ويقدر ظروفي .. أنا كنت أبي ادخل واخلي المشرفة تغلق الرواية لحد ما أكمل البارت بس ما كان عندي وقت إني أسوي هالشي .. لاني صج كنت مضغوطة في الدراسة والمشاريع والكوزات والواجبات محد بيحس فيني إلا إلي جرب هالشي .. أتمنى أنكم تسامحوني وتعذروني على التقصير

\
/
\
/

لا اله إلا الله محمد رسول الله

\
/
\
/

لا اله إلا أنت سبحانك إني كنت من الظالمين

\
/
\
/

الــــــبــــــارت الــــــخــــامــــــس عــــــشــــــر

\
/
\
/

تاريخ 24-3-2000
إلي يوافق يوم الجمعة كان غير

في هاليوم بتطلع نتيجة لامتحان إلي كانوا كلهم خايفين منه .. وكانوا كلهم ماخذين هالماده لأنها اجباريه .. راحوا كلهم الجامعة .. وجافو نتايجهم إلي كانت تبشر خير .. والحمد الله ما كان في رسوب كلهم ناجحين .. بعضهم بامتياز وبعضهم جيد جدا .. فقرروا البنات في هاليوم إنهم يحتفلون بعلاماتهم وانه مخلصو هذي المادة .. لبسوا كلهم وتعدلوا .. وعلى الساعة 10:00 فليل ركبوا كل مجموعه في سيارة بعضهم مع رهف وبعضهم مع جواهر وبعضهم مع عليا .. وصلوا المطعم .. وكانت طاولتهم جاهز .. قعدوا .. وملوا المطعم بضيتهم وسوالفهم الحلوة إلي تجذب الناس لهم .. طلبوا العشى .. وقالو بيكملون سهرتهم .. لين وقت متأخر

كانت رهف في هاليوم حدها تعبانه .. وتحس أنها مصدعه .. كان دايما يجيها صداع نصفي إذا ضغطت على نفسها .. في هاليوم كانت مصدعه بس ماتحس إن الألم مثل كل مره .. تحسه أقوه من دايمن لأنها ضغطت على نفسها أكثر حق هالامتحان

رهف بتعب : بنات أنا ماراح اقدر اسهر معاكم
بس البنات كلهم قالو لها لاء .. وقعدي معانا .. وما يصير تروحين في هاليوم الحلو إلي محتفلين فيه .. قررت أنها تقعد عشان خاطرهم .. خذت لها بندول اكسترا .. وتحس شوي فاد معاها .. بس بعد بساعة حست أنها لازم ترجع البيت .. تخاف تتعب زيادة وبعدين ما راح تقدر تسوق .. قالت حق البنات أنها بتروح وهم ما عارضو لان حسو أنها تعبانه

طلعت رهف من المطعم .. ركبت سيارتها .. وهي تحس أنها أحسن شوي .. لأنها بترجع وبترتاح وصلت قريب الاشاره وكانت للحين خضره ولما طلعت .. ماتدري شلون ومن وين طلعت لها هالسياره الكبيرة .. حاولت تتحاشاها بس ماقدرت ودعمتها شاحنه من وره خلتها تضرب في جدار المدرسة .. أول ما جافت هالشي تمت تتشهد .. لما ضربت السيارة .. تجمعوا الناس بسيارتهم والي كانوا يمشون .. على سيارتها والكل كان يصارخ .. والي يحاولون يتصلون بالإسعاف .. حاولت تسمع شوي من كلام الناس .. لان تحس نفسها قاعدة تغيب عن الوعي .. أخر شي سمعته صوت الإسعاف وهم يقولون إن إلي في هالسياره .. مستحيل يطلع عايش وبعدها نطقت الشهادة وغيبت عن الوعي

\
/
\
/

... : الو هلا حبيبتي بغيتي شي .. أحنا شوي ونجي

.. :Madame Savez-vous qui est l'auteur de ce mobile
" سيدتي هل تعلمين من هي صاحبة هذا الجوال "

... : Oui, je sais .. Pourquoi ce qui est arrivé
" نعم اعرفها .. لماذا ما الذي حصل "

.. : Je suis désolée madame .. Son et j'ai eu ce téléphone a un accident et nous avons livré à l'hôpital
أنا أسف سيدتي .. ولاكن صاحبة هذا الجوال حصل لها حادث ونقلناها إلى المستشفى

... : Si on laisse ce qui est le nom de l'hôpital, qui l'a cité
" لو سمحت ما هو اسم المستشفى الذي نقلت له "

هاذي كانت محادثة شوق مع المستشفى إلي نقلت لها رهف بعد الحادث إلي صار لها
شوق وصلت المعلومة للبنات بطريقه سريعة خلتهم يخافون زياد لان من كثر التوتر والصدمة ما عرفت شتقول
\
/
\
/

تاريخ 25-3-2000

الساعة 3:00 am
في المستشفى

طلعوا المسعفين رهف بصعوبة من السيارة لان كان الحادث قوي والسيارة انعدمت .. وصلوا المستشفى في وقت قياسي ودخلوها على طول غرفة العمليات .. وصلوا بعد نص ساعة البنات وعلى طول سئلوا عنها وقالو لهم أنها في غرفة العمليات تجمهروا البنات قدام الغرفة وتموا ينطرون احد من الدكاترة أو الممرضين والممرضات يطلعون يطمنونهم عن وضع رفيجتهم

مرت
أول ساعة
ثاني ساعة
ثالث ساعة

صارت الساعة 6:00 الصبح وللحين محد طلع للبنات وطمنهم .. توتروا زيادة وخافوا أن صار لها شي وان المستشفى ما يبون يقولون لهم .. بس بعد نص ساعة طلع الدكتور وكانت ملامح وجهه ما تبشر بخير .. نطو البنات كلهم في وجهه .. وتموا يسألونه عن رهف وشلون حالتها .. كان الدكتور عربي من اصل جزائري ويتكلم لغة عربيه

الدكتور : أنا أسف .. ولاكن يجب أن أخبركم عن شيء .. ولاكن حالة صديقتكم خطره وتحتاج إلى نقل دم .. لأنها فقدت الكثير منه في الحادث

موزه : اوك دكتور أحنا كلنا ممكن نتبرع لها .. بس دلنا وين مكان التبرع وبنسوي الفحص وبنتبرع

الدكتور : وأيضا هي لديها بعض الكسور والرضوض .. ولاكن هناك شيء يجب أن تعرفوه .. أن من بعد الحادث الخطير الذي تعرضت له الآنسة رهف .. وبعد أن ننقل لها الدم لا نعرف ماذا سوف يحدث لها .. ادعوا أن الله ينجيها .. ولا تحصل لها مضاعفات

وبعدها دلهم على مكان تبرع الدم .. وتركهم ورجع لغرفة العمليات .. انهاروا البنات بعد الكلام إلي قاله الدكتور لكن حاولوا إنهم يتماسكون عشان رفيجتهم .. راحوا يفحصون البنات كلهم .. وموزه وشوق وريم وجواهر طلعت نتايجهم زينه وتبرعوا بكمية الدم إلي تحتاجها رهف .. بعدها حطوهم في غرفه عشان يريحون .. وبعد ساعتين طلعوا رهف من غرفة العمليات لين غرفة الإفاقة .. رجعو البنات ألشقه يبدلون ملابسهم ويرتاحون عشان يروحون حق رهف بعد ما يطلعونها من الإفاقة .. مرت الساعات على البنات بطيئة نامو لهم كم ساعة يريحون فيها عشان يروحون بعدها حق رهف

\
/
\
/

تاريخ 25-3-2000
اليوم : السبت
الساعه 2:00 الظهر

البنات لبسوا وجهزوا وراحوا حق رهف المستشفى .. دخلوا عند الرسبشن وسألوا عنها

موزه : لو سمحتي هل من الممكن أن تدلينا لغرفة الآنسة رهف أنها أتت بالأمس إلى المستشفى بسبب حادث سيارة حادث سيارة

عاملة الرسبشن : لحظه سيدتي
..
انا اسفه سيدتي لقد ادخلوها إلى العناية المركزة

موزه بصدمة : ماذا .. هل أنتي متأكدة

الرسبشن : نعم سيدتي متأكدة

خافوا البنات وركضوا على الاصنصير وركبوا عندها بسرعة .. جافو الدكتور والممرضات عند باب الغرف متجمعين ووجيهم ما تبشر بخير .. راحوا لهم البنات

موزه : دكتور شصار حق رهف ليش دخلتوها العناية

الدكتور : انا آسف ولاكن حصلت لها مضاعفات ودخلت في غيبوبة

موزه ودمعه حزينة على خدها : اوك مشكور دكتور

وبعدها اتجهو البنات لغرفتها وجافوها من ورا القزاز وانهارو من منظرها كان وجها شاحب وكانها مودعه الحياه

\
/
\
/

>> يتبع <<

29-03-12, 04:19 PM

المشاركة رقم: 32

المعلومات
الكاتب:	جورية الدوحه
اللقب:

البيانات
التسجيل:	Aug 2011
العضوية:	228076
المشاركات:	50
الجنس	أنثى
معدل التقييم:
نقاط التقييم:	19

االدولة

مدونتي

الإتصالات
الحالة:
وسائل الإتصال:

كاتب الموضوع : جورية الدوحه المنتدى : ارشيف خاص بالقصص غير المكتمله

\
/
\
/

1-4-2000
يوم السبت

انـا الغـلـطانـة و أستاهـل ** انا الغـلـطانة حـبـيـتـك
انـا اللي جبته ع نفسي ** أحب واحد علي يقسى
انـا غـلـطـانـة مــن الأول ** غـلـطـت ولازم أتـحـمــل
نـسـيـت إن الـزهـر يـذبـل ** بـعد مـا جـفـته يتمايـل

بعد ما دخلت رهف الغيبوبة كانوا البنات يقعدون عندها بالدور وكل يوم وحده تكون عندها وإذا ما قدروا يقعدون عندها يقد احمد أحيانا عندها .. وبعد أسبوع .. في هاليوم كان محمد جاي فرنسا ويبي يكلم موزة .. كانت حدها مستانسه إن جاي يواسيها بس لما راحة المطعم انصدمت صدمة حياتها

(خلونا نشوف شصار مع الست موزه وسي محمد)

موزه وهي عند باب المطعم وتتكلم بالتلفون : هلا محمد أنت وين قاعد

محمد : انا في الطاولة إلي قبل الأخيرة من جهة الدريشه

موزه وهي متجه صوبه : اوك اوك خلاص شفتك .. باي

قعدت موزه على الكرسي المقابل لمحمد .. وكان التعب مبين عليها .. وعلى ابتسامتها الذابلة .. بس الغريب إن محمد ما سألها شفيج .. ولا عبرها من اول ما قعدة .. نادى النادل وطلب منه يجيب لهم قهوة

محمد بجديه : موز انا ما جيت هنا عشان استانس واطلع معاج .. انا جاي ابيج في موضوع مهم .. ولازم إني اقولج ياه الحين

موزه ابتسمت : اعرف الموضوع

محمد بصدمة : اشلون تعرفين .. ومن قالج

موزه : اعرف انك جاي تقولي انك تبي تعجل بالخطبة .. سار بنت عمتي سمعة امك وهي تكلم امي وتقولها ان محمد مستعجل على الخطبة

محمد بعصبيه (خلت موزه تستغرب) : نعم .. من قال .. هاذي سارة مخرفة وتالف كلام من عندها .. هي فاهمه الموضوع غلط انا ما قلت حق امي جي

موزه بصدمة : نعم .. شقصدك

محمد : موزه ابيج تسمعيني عدل .. وما ابيج تنفعلين ولا تعصبين .. وبعد ما اخلص كلامي تقدرين تقولين إلي عندج

موزه وعلامة استفهام كبيره فوق راسها : اوكي

محمد : موزه انا أسف بس انا خطبت وحده اعرفها من فتره معاي في الجامعة وعرسنا بيكون قريب .. ولا تسأليني ليش .. الظروف جات جي .. وأنا اول ما قلت لها إني بجي فرنسا عشان اكلمج .. طلبت مني انها تجي وتكلمج وتتعرف عليج بعد .. ما رضت انج تزعلين مني ومن الكلام إلي بقوله لج .. وقررت انها تجي وتتفاهم معاج بروحها

شعور موزه في هالحظه ماينوصف حست بسكين مصديه انغرزة بوسط صدرا من اول كلمه قالها وكل ما كان يضيف على كلامه شي كانت تجيها غرزه سكين ثانيه ومع انتهاء كلامه حست بكل هالسكاكين تنشال من صدره بكل عنف وقسوة .. كل إلي سوت انها خذت كوب القهوة الحاره شديدة الدخان جديدة الوصول وشربتها كاملة بدفعه وحده تحاول انها تنسى أو تصحي نفسها من الكلام إلي نقال لها .. بعد دقايق حست بحرق كبيره .. ولاكن محمد ولا كأنه شاف شي كأنه غشاء ثقيل انحط على عينه .. كمل كلامه وكمل سيل صدماته .. بصدمة ألجمة موزه

محمد وهو يأشر من بعيد على حد .. وسيده شديدة البياض ذات طول متوسط ممتلئة الجسم لديها كثير من النمش في أنحاء مختلفة من وجهها وجسدها الذي يظهر بشكل كبير .. تقف إلى جانبهم : هاذي يسرا جايه تتعرف عليج وتتفاهم معاج ... موزه سلمي عليها

هنا موزه حست ان القهوة شديدة الحروره بدأت تتبخر من إذنيها من شدة القهر والعصبية أخذة كأس الماء البارد وحاولت ان تطفأ ذلك اللهيب الذي يشتعل في جوفها .. ولكن ما من فائدة .. وبعدها نضرت إليه نضره قهر .. والتفت برأسها إلى تلك المرأة التي تبان ملامحها انها ليست بخليجي بسبب لبسها وملامحها .. وبعدها وقفت موزة أمامهم .. كالجبل الذي لم تهزه الرياح القوية

موزه بضحكة استخفاف : تخليت عن حبنا وعن كل شي بينا من طفولتنا مع بعض .. عشان وحده خايسه مثل هاذي .. بس ما أقول غير .. جعل ربي ما يهنيكم .. وجعل حوبتي وقهري ما تتعداكم .. بتم طول عمري ادعي عليك على إلي سويته فيني

نضرة إليهم قبل ان تذهب وبصقت في وجه محمد وبعدها في وجه تلك المرأة الغريبة وتركتهم ومشت .. وعند وصولها لباب المطعم نزلة من عينها دمعة حارقه مقهورة مسحتها بكل قوه وخرجت .. وهي عازمة ان لا تهتم بما حدث .. ولكن يجب عليها ان تنتقم منهم

\
/
\
/

يوم الثلاثاء
تاريخ:
4-4-2000

مثل السهم
صابة فؤادي
نضرتك
ما فارقت
فكري وعيوني
ضحكتك

ومع انتهاء قصة حب شهدتها أعوام .. ولدت قصة حب ستشهدها لأعوام الآتية

بعد ذلك الحدث بيومين كانت منيرة تستعد للخروج من الشقة .. نادتا مريم لتأخذ لها فنجال من القهوة .. وضعة القهوة في كوب حافظ الحرارة ونزلت بسرعة كي تلحق بالقطار لكي لا تتأخر عن محاضرتها .. وهي تركض نحو المحطة وتحاول ان تقفل كوب القهوة اصطدمت بشي قوي جعل من توازنها ان يختل .. وقعت على الأرض من شدة الضربة .. ووقعة كتبها .. وعندما رفعة رأسها لترا بماذا اصطدمت فلقيت شاب طويل القامة عريض المنكبين (خقاااقي الوجه) *عذرا على المقاطعة بس الولد خقه* ولاكن هناك أمر ما .. فقهوتها اندلقت عليه بالكامل وكان يغرق بالقهوة الساخنة .. ولاكن انتبهت بعد ان (فصفصته وقزته قز ) انه ليس إلا فيصل الذي يقنط في الشقة المجاورة .. فضحكة على شكله لتغيض .. ولكن هو الآخر ضحك معها

منيرة بإحراج بعد ما ضحكت : انا أسفه فيصل ما كنت اقصد .. بس كنت مستعجلة .. أخاف تروح علي المحاضرة .. وما انتبهت عليك

فيصل : لا عادي مب مشكله .. بدال القهوة نجيب عشر .. بس أنتي شلونج .. عسى بس ما تعورتي

(ومد يده بلطف وابتسامه*خقاقيه*) جعلت منيرة (تفهي في مكانها) لم تحب ان تحرجه منيرة وأمسكت بيده ليساعدها

منيرة (وهي تستقيم في وقفتها) : لا انا بخير الحمد الله .. أنت شلونك من بعد الكوفي إلي انكت عليك .. جد جد سوري أخاف احترقت لأنه وايد حار

فيصل وهو يحس بالحرقة في صدره مكان ما أنكتت القهوة ولاكن يكابر أما منيرة : لا عادي والله مب حاس في القهوة .. أنتي بس لا تتأخرين على محاضرتج .. تبيني اوصلج

منيرة بإحراج من لطف الولد وكرمه (الذي لاحظته في هذا اللقاء المفاجئ) : لا أصلا وايد تأخرت مستحيل تدخلني الدكتورة .. مشكور ما أبي أتعبك معاي .. انا برجع الشقة .. وأسفه مره ثانيه

فيصل بابتسامه انيقه لا تلبق لمنضره الذي تبهدل بعد القهوة : لا العفو هذا واجبنا .. ولا تتاسفين هذا مب غلطج .. يمكن القدر حب يجمعنا مع بعض من بعد مشاحناتنا القاسيه

منيره فهت : ها .. اقول فيصل انا لازم ارجع الشقه

وخلته ورجعة بسرعه على الشقه .. وهي تحس بش في داخلها بدا يصير من بعد هالقاء .. بس ما راح تخليه يكبر لين .. ما تتاكد من هذا الشعور

\
/
\
/

اليوم : الجمعه
التاريخ : 7-4-2000
الساعه -10:30

" اليوم الجيد يُعرف من نهاره "

هو بصوت ناعس : الووه

هي : الو حبي

هي : صباح النور حبيبتي

هو : صباح الورد حياتي .. شكلك للحين نايم

هو : ليش الساعه كم الحين

هي : الساعه الحين 10:30 وانت للحين مو قايم ما بتلحق على صلاة الجمعه

هو : لاااا لتقولينها وضوح حبيبتي ليش توج تقعديني

وضحى : نسيت والله حبيبي تركي ..كنت مشغوله بموضوع

تركي : عادي حبيبتي .. شنو الموضوع الي شاغل بالج وملهيج عني

وضحى : وفي شي يقدر يشغلني عنك .. غيرنا وغير مستقبلنا

تركي بتفهي : ها .. شقلتي .. ما فهمت

وضحى بضحكه : ههههه .. اشفيك فهيت .. انت مو كله تحن علي على موضوع زواجنا .. انا امس قعدة افكر مع نفسي .. وقررة ان يكون العرس في بداية شهر سته .. اشرايك؟

تركي الصدمه خلته يستخف : حلفيييييييي .. يعني اخيرا بنصير ازواج (عن حئ و حئيئا ) على قولة اللبناني .. يعني بنكون مع بعض طول الوقت .. بتكونين ملكين انا لوحدي .. ابي استخفيت من الوناسه .. مب عارف شسوي
(وقام يلولش ويصرخ ويناقز على السرير )

وضحى من الوناسه دمعة عينها

تركي : حبيبتي .. اقول صكري بس صكري خلني اروح ابلغ ام تركي وافرحا

وضحى : خلاص اوك يلا بحفظ الله حبي

\
/
\
/

تاريخ : 10-2-2000
يوم الاثنين
الساعه : الخامسة مساءً

بينما كانت جواهر جالسه بالقرب من سرير رهف .. وتمسك بيدها الشمال يد رهف وباليمين القران
(في فترة مرض وغيبوبة رهف .. تقربوا البنات من الله .. وبدوا يعرفون الصح من الغلط .. وعرفوا اشياء كثيره كانو خافلين عنا وبدو يصلحون من حالهم .. صار لبسهم متستر ومحتشم ولكن للحين ما اقتنعو بالحجاب .. مع انه يجب ان يكون من اول الامور التي يقتنعون فيها .. ولكن لله في خلقه حكم )

حست جوار بان يد رهف تضغط عليها .. بس قالت مستحيل .. وحده مخلده من ثلاث اسابيع تقريبا .. بتقوم الحين .. كملت قراية .. بس رجعة حسة بالضغط على يده .. هنا صج حسة انها مب قادره تستوعب .. ولكن الي خلا تندهش صوت متحشرج .. يطلع من هالانسانه الي صار لها اسابيع ماسمعة صوتها .. قامت تصرخ وتحمد ربها ونادت الممرضات .. وجو كلهم وطلعة هي تنطر برع .. وعلى طول اتصلت على ربعهم .. وكلهم جو عشان يجوفونها

فتحت عينها على النور من بعد ثلاث اسابيع .. كان الامل مفقويد فيهم .. ولاكن محد يقنط من رحمة ربه .. اول ما فتحت عينها رهف شافت اعز ربعها حولها ما قدرت انها تعبر غير بدموع صامته .. وبعد تقريبا كم يوم طلعوها .. بس كانت على الكرسي لان ما تقدر تمشي تاثير الجبس والنوم لثلاث اسابيع .. قالو لها لازم علاج طبيعي لفتره وبعدين .. راح تقدر ترجع تمشي

\
/
\
/

بعد خمس ايام طلعو رهف .. وكانو البنات متجمعين في الصاله حولها .. ويحاولون يسلونها .. لان للحين نفسيتها تعبانه من بعد الحادث

شوق : ليييش الصياح

موزه : احنا قلنا مافي صياح بعد اليوم .. انتي خلاص بخير الحين

رهف : والله من فرحتي اني للحين عايشه

جواهر : سبحان الله .. من يصدق ان بعد 3 اسابيع وبعد ما بدى يتسلل لقلبنا الاحباط تقومين لنا .. صج رحمة ربي وسيعه

رهف : أي والله .. الحمدالله الحمدالله .. اهلي درو عن الي صار

موزه : لا ما قلنا لهم .. خفنا ان يكبرون السالفه .. قلنا اذا ما قمتي قبل الشهر بنكلمهم .. بس الحمدالله انتي الحين بخير وصحه وسلامه

لولو : تدرين رهوف ان احمد قال حق امه تخطبج من امج .. لما كنتي في الغيبوبه

رهف : والله صج

منيرة : أي وامج اتصل قبل اسبوع تبي تعرف رايج بس قلنا لها انج نايمه .. كنا نحاول نلهيها طول هالفتره

شوق : يلا عاد الحين .. نبيج تكلمين امج .. وتقولين لها انج موافقه .. عشان نفرح فيكم

رهف : بس شلون بنخطب وانا بهالحاله

جواهر : ليش اشفيها حالتج .. بس يبيلج اسبوعين علاج طبيعي وتردين مثل قبل واحسن

رهف : انشالله

\
/
\
/

10-6-2000
يوم السبت

بعد مرور شهرين تقريبا وعلى شهر سته كانو البنات راجعين يشوفون اهلهم في اجازة الصيف قبل لا يبتدي دوامهم الصيفي لانهم خذو صيفي عشان يخلصون دراسه بسرعه وما ياخذون سنين وااجد

رهف : كلمة امها .. وقالت لها انا كانت مريضه شوي .. ومن جي ما قدرة تكلمها .. فاتحتها امها بموضوع احمد .. وبعد يومين قالة لها انها موافقه .. راحو في الويك اند الدوحه وسو الملجه .. وبعدها رجعو فرنسا

موزه : كانت كل يوم تحاول تنسى الجرح الي سببه لها اغلى الناس وقالت حق ربعها الي انقهرو اكثر واكثر على حالها وقرر وان ما يخلونه يتهنا

علياء و مريووم و لولوه : قرروا نهم يسحبون ملفاتهم من الجامعه لان بعد الكورسين الي خذوهم والسنه الي قضوها في الغربه ما قدرو يستحملون يعيشون بدون اهلهم وبرع بلادهم .. سحبو ملفاتهم .. ورجعو مع الباقي في نهاية شهر خمسه لما بدة اجازتهم

شيخه : بعد ما رسبت في مادتين من المقرر .. إلي كان صعب عليها من البدايه .. بس كانت تحاول عشان تتم مع ربعها .. قررت هي الثانية ترجع الدوحة .. وتدرس لها شي سهل في جامعة قطر

مريم : الي تزوجة فهد تأقلمة مع حياتا معاه .. وطبعن هو بعد نسى الي كان يبيها وحاول انه يعدل علاقة مع مريم .. وراحو اثنينهم يكملون دراستهم في اسراليا .. لان في اشياء في تخصصه تحتاج للدراسه في استراليا

هند وريم وشوق وجواهر ومنيرة ووضحى : حالتهم مستقره

\
/
\
/

لا اله إلا الله محمد رسول الله

\
/
\
/

لا اله الا انت سبحانك اني كنت من الضالمين

\
/
\
/

انـــــتـــــهـــــى
الــــــبــــــارت الــــــخــــامــــــس عــــــشــــــر

\
/
\
/

(هاذي التوقعات .. لاشياء راح تصير في البارت الجاي)

توقعاتكم :

منو الي بيصير لها الشي القوي الي راح يصير وبغير مجرى حياتها للابد ؟
شنو بيصير في وحده بتنخطب .. وبتنصدم من الي خطبها .. بتقهر وبتحرق قلوب ؟
(منك المال ومنها العيال) لمن نقالة هاذي الجمله ؟
انتي طلعتي اخته .. انصدمت بصراحه .. من قال هالجمله ولمن نقالة ؟
(دوام الحال من المحال) شنو الي راح يصير وبيحقق الجمله ؟
(اعترفي انتي تحبيني) من الي قال هالجمله ولمن ؟
(تتزوجيني) لمن قيلت ومن قائل هذه العباره ؟

حسستكم اني في برنامج فوازي .. في رمضان .. الساعه العاشره مساءً وكما انوه ان (الكلام اعله خطر جدا ;P) >>>> وكمان حزر فزر وحتربح معنا قهاز Ipad <<<<<<<

انتقادكم ومدحكم وتوقعاتكم هي مصدر الهامي فارجو منكم ان لا تحرموني منها .. سأكون جاهز باستقبال .. أي شيء تكتبون راح اتقبله برحابة صدر

08-04-12, 09:54 PM

المشاركة رقم: 33

المعلومات
الكاتب:	جورية الدوحه
اللقب:

البيانات
التسجيل:	Aug 2011
العضوية:	228076
المشاركات:	50
الجنس	أنثى
معدل التقييم:
نقاط التقييم:	19

االدولة

مدونتي

الإتصالات
الحالة:
وسائل الإتصال:

كاتب الموضوع : جورية الدوحه المنتدى : ارشيف خاص بالقصص غير المكتمله

السلام عليكم ورحمة الله وبركاته

مساكم الله بالخير
عساكم بخير حبايبي

اليوم البارت مليء بالأحداث المهمة
و انشالله ينول إعجابكم .. والأحداث الي بتقرونها بتغير مجرى الرواية واااجد .. اقروا البارت بتمعن لان هذي الأحداث تتعلق بالأجزاء الجايه وهي بداية لكل حدث كبير .. وفي هالبارت بيكون في ست اسئله كنت حاطتها كتوقعات .. والاحداث الي بتصير في ذا البارت راح تجاوبكم عن هذي الاسئله .. بس اليوم راح نجاوب على نص الاساله والاساله الباقي بجاوبكم عيها بعد اسبوعين
الان اليوم بديت امتحانات وما بخلص لين 19-4-2012

اليوم بنجاوب على نص الاسأله وبعضها ما بنكملها ..وبعض الاساله بنجاوبها في البارت الجاي

1- منو الي بيصير لها الشي القوي الي لما يصير بيغير مجرى حياتها للابد ؟
2- ( انتي طلعتي اخته .. انصدمت بصراحه ).. من قال هالجمله ولمن نقالت ؟
3- (دوام الحال من المحال)شنو الي راح يصير وبيحقق الجمله؟

\
/
\
/

لا اله إلا الله محمد رسول الله

\
/
\
/

لا اله إلا أنت سبحانك إني كنت من الظالمين

\
/
\
/

الــــــبــــــارت الــــــســــادس عــــــشــــــر

\
/
\
/

10-6-2000
يوم السبت

بعد مرور شهرين تقريبا وعلى شهر سته كانو البنات راجعين يشوفون اهلهم في اجازة الصيف قبل لا يبتدي دوامهم الصيفي لانهم خذو صيفي عشان يخلصون دراسه بسرعه وما ياخذون سنين وااجد

رهف : كلمة امها .. وقالت لها انا كانت مريضه شوي .. ومن جي ما قدرة تكلمها .. فاتحتها امها بموضوع احمد .. وبعد يومين قالة لها انها موافقه .. راحو في الويك اند الدوحه وسو الملجه .. وبعدها رجعو فرنسا

موزه : كانت كل يوم تحاول تنسى الجرح الي سببه لها اغلى الناس وقالت حق ربعها الي انقهرو اكثر واكثر على حالها وقرر وان ما يخلونه يتهنا

علياء و مريووم و لولوه : قرروا نهم يسحبون ملفاتهم من الجامعه لان بعد الكورسين الي خذوهم والسنه الي قضوها في الغربه ما قدرو يستحملون يعيشون بدون اهلهم وبرع بلادهم .. سحبو ملفاتهم .. ورجعو مع الباقي في نهاية شهر خمسه لما بدة اجازتهم

شيخه : بعد ما رسبت في مادتين من المقرر .. إلي كان صعب عليها من البدايه .. بس كانت تحاول عشان تتم مع ربعها .. قررت هي الثانية ترجع الدوحة .. وتدرس لها شي سهل في جامعة قطر

مريم : الي تزوجة فهد تأقلمة مع حياتا معاه .. وطبعن هو بعد نسى الي كان يبيها وحاول انه يعدل علاقة مع مريم .. وراحو اثنينهم يكملون دراستهم في اسراليا .. لان في اشياء في تخصصه تحتاج للدراسه في استراليا

هند وريم وشوق وجواهر ومنيرة ووضحى : حالتهم مستقره

\
/
\
/

يوم الخميس
الموافق 15-6-2000

هذا اليوم .. يوم مميز بالنسبه للبنات .. وخاصه حق وضحى .. هذ اليوم الي راح تتحقق فيه امنية حياتها .. امنيتها العذبه الي عاشت معاها من طفولتها .. وحبها الطاهر الي كان مرافقها في كل مراحل حياتي
طفولتها .. مراهقتها .. صباها
والحين وفي هذا اليوم بالذات راح تتحقق هذي الامنية كامله .. وبتتزوج من حب حياتها .. اليوم يوم مب عادي اليوم يوم بيجتمع فيه حب سنين مضت وسنين راح تجي انشالله

وضحى في جناحها في احد ارقى فنادق الدوحه كانت تتجهز خلصة المكياج ولبسة الفستان وباقي لها بعض التعديلات على شعرها وتكون جاهزه

وضحى بتوتر وتكلم مصففة الشعر : ياربيييييي انت اكييد ما تفهميني .. اقولج ارفعي كل الخصل وسوي لي شانيون .. تروحين تفتحين الي ورى افففففف منج

موزه : وضحى حبيبتي هدي اعصابج حصل خير

رهف : يا قلبي لا تعصبين ريلاكس .. كل شي تبينه بنسوية لج .. انتي قولي لنا شنو تبين بالضبط واحنا بنفهم المرة و بتسوي لج ياه بس انتي لا توترين نفسج

وضحى بعصبية : هاذي اصلا ما تفهم شي من الصبح اقولها ابي شعري كامل مرفوع .. قامت ونزلت الي ورى

مصففة الشعر عصبت من كلام وضحى وعاندتهم وقالت انها ما تبي تكمل شغل وتبي فلوسها بتروح .. تموا موزه ورهف يتفاهمون معاها .. ويحاولون يفهمونها ان وضحى متوتره و مب قصدها ان تسبها .. بعد شوي هدت المرة وبدت تشتغل في شعر وضحى .. وصار شكلها بيرفكت
صارت كاملة .. والكاملة وجه الله سبحانه
وقفة وضحى بعد ما خلصة من شعرها قدام المنضره وتمت تطالع نفسها .. وتتحلطم وتقول ان واجد اشياء غلط طبعا البنات ما عطوها وجه .. وقالو لها ان كل شي حلو .. بعدها جات امها وبدت تسمي عليها ورقتها عن العين والحسد

\
/
\
/

تحت في القاعه الكل مربوش .. ربع وضحى وخواتها .. واهلها .. وكل وحده تمشي وتسلم على المعازيم .. والي يستقبلونهم عند الباب والي تشرف على الي يشتغلون وتعطيهم اوامر في تقديم الخفايف والمشروبات

صدق الي قال (العرس حق اثنين .. والربش حق الفين)

كانو شوق ومنيرة يلفون حول الطاولات ويسلمون ويوجبون الناس لكن وهم مارين .. وعلى وحده من الطاولات كان في مجموع من النسوان قاعدين يتكلمون

الاولى : اتصدقين ياختي يقولون لج ان العروس كانت مسافره مع المعرس قبل العرس
الثانيه : أي والله انا بعد سمعت هالشي .. لا ويقولون بعد انهم كانو طول الوقت مع بعض .. والله عيب ما خبرنا ان العروس تسافر مع رجلها بروحهم قبل العرس
الاولى : أي والله .. لكن شنقول بعد خلاص الناس صار ماعندهم حيا .. صدق الي قال (الي اختشوا ماتوا)
الثالثه : لا وازيدكم بعد .. كانت ساكنه معا في نفس البيت .. والله العالم شصار وياهم

هنا شوق ما قدرة تستحمل الي قاعدين يقولونه عن رفيجتها .. عصبت ولفت عليهم وتمت تطالعهم

شوق بعصبيه : حلفي انتي وياها .. ما تستحون على وجهكم .. كل وحده تكذب كذبه اكبر من الي قبلها وصدقها وتنشرها .. ماتستحون كل وحده ام عيال شكبرها وتكذب مب عيب ليكم

منيره مسكت شوق من يدها وضغطت عليها عشان ما تصرخ قدام الناس .. وكلمتها بصوت واطي : شوق خلاص خليهم يولون .. اهما الي بياخذون الذنب مب انتي

شوق معصبه ومب قادرة تمسك نفسها : لا مب مخليتهم .. ما تشوفين كل وحده شقاعده تقول وتالف من مخها ويطلعون على البنت سمعه خايسه .. اولا هي ما كانت مسافره مع رجلها .. كانت مسافره تدرس مع ربعها .. وثانيا الكذبه الي اكبر واكبر .. انها ما سكنت معاه كانت ساكنه مع ربعها في شقه وهو شقته مع ربعه .. شهالكذب الي عليكم .. انتوا ما تخافون ربكم .. تطلعون على البنت هالكلام الخايس

بعد ما طلعت شوق كل الكلام الي بداخلها ,. طالعة النسوان بنضرة احتقار على كذبهم ومشت .. والحريم كل وحده وجها صار احمر ومتفشله .. ما تدري وين تخش عمرها بعد الكلام الي قالته لهم شوق

\
/
\
/

نرجع فوق عن وضحى الي كانت بكامل اناقتها .. كانت جاهزه انها تنزل .. حطو لها المضله عشان تنزل من جناحها لين القاعه وصلت قدام باب القاع ..
داخل القاعه تطفة انوار القاعه كلها وصار نور الشموع الي منتشرة في كل القاعه هو الي منور المكان .. وبدت موسيقى هادية تنسمع في كل ارجاء القاعه
انفتح باب القاعة الكبير وطلعت وضحى بكامل زينتها تسلط عليها ضوء ابيض عطاها رونق زيادة وبدت تمشي بهدوء على ابيات الشعر الي كتب لها ياه (تركي)
وبعدها وقفة قبل ما تركب على المسرح وبدت اغنية على اسمها بموسيقى هادية وكانوا ربعها من وراها يمشون وكل وحدة دمعتها في عينها .. ما يبون يصيحون عشان ما تصيح وضحى معاهم .. ركبت على المسرح .. وكملة لين عند كرسيها ولفت .. وبعدها خلصت الاغنية وبدو الناس يكتون عليها فلوس ويسلمون

\
/
\
/

نروح شوي لعرس الرجال .. كان العرس فخم ومفعم بالحيويه .. كانت الخيمة ضخمة وراقية جدا .. كان تركي يتوسط الخيمة .. وجنبة ابو واخو الي اصغر من بسنه .. يسلمون على المعازيم .. وبرع الدنيا مولعه .. طق طيران وعرضات محلة العرس وامعطته شكل احلى واحلى .. بعد ما خلص من السلامات .. طلع تركي برع عند العرضات وبدا يرزف بسيفه وبعدها خذا البندقية وقام يرزف فيها ويتفنن ويسوي حركات وربعه واهله من حول كل واحد يرزف ويطلع مواهمبه

\
/
\
/

وعند البنات نفس الشي .. ولاكن الحماس هنا اكثر .. والرقص هنا عند البنات احلى واحلى .. وفن اكثر .. بدت الطقاقه بالاغنية وكانة اهداء من البنات حق وضحى وركبولهم على المسرح وقامو يرقصون ى.. وكل وحده طلع فنها ومهارتها في الرقص .. ووضحى تشوفهم وفيها الصيخه .. وودها تقوم ترقص معاها .. بس تتذكر انا العروس وهالشي عيب .. فتتحسر على نفسها انها ما تقدر تقوم وتتونس مع ربعها

\
/
\
\

نرجع عند الرجال في الخيمة

تركي يكلم فهد اخو وضحى الي قاعد جنبه : اقول فهد يبا .. ما جنا طولنا .. متى بنروح يعني

فهد ماسك ضحكته .. لان تركي كل شوي يقوله متى بنروح متى بنروح ويحن على راسه : اووووف .. تركي مللتني خلاص عاد .. انطر شوي

تركي : اوووووف منك .. يخي خلاص ما عاد فيني صبر .. ابي اروح .. ليش محد حاس فيني .. ترى بدعي عليك ان الله يسوي فيك نفسي

فهد هنا ما قدر يمسك نفسه كان شكل تركي يكسر الخاطر .. مسوي نفسه حزين ويتحلطم عليهم : هههههه .. لا تقعد تدعي .. انا مالي خص

تركي : ياااااارب ياااارب الله يبليك .. ويكون اخو مرتك لعين وما يخليك تروح لها لين الساعه وحده

فهد وهو يضحك : هههههه .. خلاص خلاص لا تقعد تدعي .. كسرت خاطري الحين بقولهم ان بنروح عند الحريم الفندق .. بس اسحب دعوتك

فهد : خلاص ولا يهمك .. سحبنا الدعوة .. انا اصلا دايما اقول ان فهد احسن واحد في الكون بس محد يصدقني .. بعد جبدي انشالله الله يرزقك باخو مرتك يدخلك عندهم من الساعه 10 اول ما تدخل مرتك العرس

فهد :هههههه خلاص رضيت عليك .. يلا جهز نفسك بنروح الحين

\
/
\
/

عرس الحريم
الساعه 11:30

القاعه مليانه بالألوان الجميله والحيوية .. كل بنت نقت اللون الي يعجيها وسوته فستان .. عشان تكون احلى وحده في العرس .. واختارت احسن وحده تحط مكياج واحسن مصففة شعر عشان تطلعها باحسن شكل .. كان المسرح مليان بنات .. والكل يرقص ومستان .. وكانو ربع وضحى يرقصون قريب من كرسيه .. فجء توقف الطق .. وأعلنت الطقاقه ان المعرس بيدخل القاعه .. البنات توزعو بسرع هائله للطاولات .. وصارت كل وحده تدور عبايتها وشيتها تتغطى فيها عشان الرجال الي بيدشون .. صار المسرح فاضي .. وبدت الطقاقه تغني باعلى صوتها

يا معيريس عين الله تراكـ
القمر والنجوم تمشي وراكـ
ويتغنى القمر .. والنجوم ترد عليه
يا معيريس عين الله تراكـ
القمر والنجوم تمشي وراكـ
تحلى أيام العمر
تحلى .. تحلى.. تحلى
و اتغني للعروس
والعروس ترد عليكـ
يا معيريس عين الله تراكـ
القمر والنجوم تمشي وراكـ

كان تركي مبتسم احلى ابتسامه .. يمشي وعلى يمينه ابوه .. وعلى يساره ابو وضحى .. و اخوانها و اخوانه الشباب يمشون وراهم .. كان تركي بس وده يوصل ويصور مع الرجاجيل الي معاه ويطلعون هم .. ويشلون عن وضحى المضله .. ويشوف وجها الحبيب .. وصل هو والي معاه لين الكرسي وقف واصطفوا كلهم جنبه خذوا لهم بعض الصور بعدها طلعوا اخوانه .. وشالوا عن وضحى المضله .. وصورت مع ابوها و اخوانها و امها وتركي .. وطلعوا الرجال ..

وتمت وضحى مع تركي .. لف تركي عليها وابتسم ابتسامه تحمل الكثير من المعاني والكثير من الاحاسيس المرهف .. وضحى حست بهالنظرات تخرجها لعالم ثاني .. تموا يطالعون بعض لفترة طويلة وكل واحد يعبر عن شعوره بنظرات عينه .. وبعدها لفوا على المعازيم .. كان تركي يومها يسولف بكل طلاقه ووضحى ترد عليه باختصار ووجها منقلب لونه احمر

بعد ساعتين .. على 12:30 تركي قال حق امه انهم يبون يطلعون .. وقف تركي ومد يده حق وضحى .. وساعدها في الوقفه .. طلعوا على اغنية ختامية .. غطوا وضحى وركبوا جناحهم في الفندق
كانو البنات مجهزين كل شي .. فراش السرير من ارقى المحلات .. والغرفه مبخر وريحتها واصله لاخر الممر .. مجهزين اغراض وضحى كامله .. لانها بتقعد يومين وبعدها بتسافر .. شهر العسل

دخلت اخت تركي مها اول وحده .. ودخلوا تركي ووضحى وراها .. ودخلت بعدهم المصور .. خذت لهم بعض الصور .. الي طلعت من اروع الصور .. والي بتبقى في الذاكرة .. بعد ما طلع المصوره .. مها ساعدت وضحى في الفستان ولبست لها قميص نوم طويل بييج ودانتيل راقي .. طلعت مها من الجناح وتمت وضحى في الغغرفه مستحيه تطلع .. تركي خاف على وضحى لانها تاخرت .. دخل الغرفه .. لقاها قاعده على السرير كانها ملاك .. وشعرها البني الحريري منسدل بنعومه على ضهرها .. راح وقعد جنبها .. وبدا يتغزل فيها ويسلوف معاها

>>>> ووووو خلاص بعد عيب عليكم كلام كبار

\
/
\
/

في بيت صغير وشعبي
على الساعه
11:30 الظهر
يوم الجمعه
التاريخ
16-6-2000

كانت توها ماخذه شور وطالعه من الحمام .. لما سمعت صوت طق على الباب .. لبست ثيابها بسرعه وفتحت الباب .. لقته واقف قدامها بكامل اناقته .. كانه رايح عرس .. طالعته بنضره .. وتمت ساكته

ريم في داخلا تقول ( ياخي هو جي حلو كل يوم ولا شالسالفه .. ليش احسه طالع وسيييييم واجد اليوم وجنتل .. لا لا استحي على وجهج يا بنت اصلا من شاف طباعه ما قال هذا وجهه .. يا بنت الحلال يمكن الولد طيب انتي اصلا طول هالمده الي عايشه معاه ما عطيتي مجال يعرفج على نفسه ...

قطع حبل افكارها وتساؤلاتها صوته ونضرته المتسائله

هو بتسال : وش فيش تاخيلين (تشوفيني) كذا .. لا تكونين معجب بس

ريم طالعته باحتقار (صج اني بقرا قاعده اتمقل في الرجال وهو قدامي) : لا طبعا صج مصدق عمرك .. المهم شتبي .. ليش طاق علي الباب

هو : يحق لي اصدق نفسي كامل والكامل وجه الله .. المهم هذا مهوب موضوعنا .. انا بروح الحين المسجد وبعد صلاة الجمعه بجي اخذش .. كزني جاهزه .. لان بنروح بيت اهلي

ريم : استغفرا الله .. ومن قال لك اني ابي اروح مكان معاك

هو : مهوب كيفش .. ابي ارجع من الصلاه الاقيش جاهزه .. (وقرب من وجها وبتهديد)
ولا والله ما بيحصل لش خير

ريم من الخوف رجعت على ورا بسرعه خافت يسوي لها شي
هو شافها بنظره وتركها ومشا

\
/
\
/

...... يتبع ......

08-04-12, 10:15 PM

المشاركة رقم: 34

المعلومات
الكاتب:	جورية الدوحه
اللقب:

البيانات
التسجيل:	Aug 2011
العضوية:	228076
المشاركات:	50
الجنس	أنثى
معدل التقييم:
نقاط التقييم:	19

االدولة

مدونتي

الإتصالات
الحالة:
وسائل الإتصال:

كاتب الموضوع : جورية الدوحه المنتدى : ارشيف خاص بالقصص غير المكتمله

\
/
\
/

" ليتني مالتقيتك بيووومـ "

في واحد من البيوت الراقيه
وفي احد الغرف
الساعه : 11:30 الظهر

كان في وحده منسدحه على السرير وتتكلم في التلفون بهدوء بس فجأه بدت تصرخ وعصبة

رهف بعصبيه : احمد انت قاعد تكلم من

احمد : يا ربي مللتيني بكون اكلم من غيرج

رهف : لا والله .. تتحسبني بزر عندك تضحك علي .. انا سمعتك تقول لا بكلمج بعد شوي حبي

احمد : اوهوووو مللتيني عاد .. خلاص تبين ترتاحين .. أي كنت اكلم وحده ثانيه .. ارتحتي .. يلا شعندج الحين

رهف بعدم تصديق : هاااااا احمد من صجك ولا تضحك معاي .. لا لا اكيد تضحك تبي تشوف غلاك صح

احمد : لاء مب قاعد اضحك معاج .. وهذا الصج .. انا خلاص مليت منج .. انت واجد تغارين .. وانا صار لي فتره قاعد اجاملج .. بس خلاص تعبت منج .. انا بقولها لج بصريح العباره .. انا احب وحده غيرج .. ارتحتي الحين

رهف من كثر الصدمه ما عرفت شترد عليه .. تمت تشهق .. وغابت عن الوعي

\
/
\
/

في بيت كبير وفخم
في احد اجنحة هالبيت
الساعه : 12:30

كانت شوق قاعده قدام المنضره وتنشف شعرها على السرع لانا تبي تخلص قبل ما يرجع نايف من الصلاة لانه قايل لها انه بيروح الحسا اليوم .. وهي قررت انها تروح بيت ابوها لين ما يرجه فليل من السعوديه
خلصت من شعرها .. لبست لها جلابية فخمه وحطت لها مكياج خفيف .. ونزلت تحت عند ام رجلها

ام نايف بترحيب : يا هلا ومسهلا .. القمر اليوم متأخر .. وينج يمه من مساعه انطرج

شوق بحيا وهي تحب راس ام رجلّها : هلا يما .. والله كنت اتسبح واتجهز .. لاني بروح بيت امي وبتغدى اليوم في بيت جدي

ام نايف : ليش يما ما تبين تتغدين ويانا اليوم مسوين لج الاكل الي تحبين مسوين لج معكرونه

شوق : فديتج يما كان ودي والله .. بس نايف بيروح الحساء اليوم .. فقلت اروح اشوف امي وجدتي ما شفتها من جينا من السفر .. اشراج تجين معاي يما

ام نايف : لا يمه فديتج مره ثانيه انشالله .. لاني بروح العصر بيت امي بيجونها حريم .. الا يما شوق ما تعرفين ليش نايف بيرروح الحسا

شوق : يما يقول يبي ياخذ اشياء للسياره .. ما تعرفين نايف .. أي شي جديد ينزل للسيارات لازم ياخذه

ام نايف : وييي للحين على سوالفه .. انا قلت بيعرس وبيعقل .. لكن هذا هو نايف نفسه

ما خلصت الام كلمتها الا ونايف داخل عليهم .. والابتسامه شاقه الحلج

نايف : انا اقول ليش اذني من الصبح توون .. طلعت امي وزوجتي العزيزه يحشون فيني .. يلا اعترفوا شقلتوا عني

ام نايف : ههههه واي يا عيارتك .. ما نحش فيك .. بس شوق قالت لي انك بتروح الحسا .. ولما سألتها ليش قالت انك تبي اغراض للسيارة

نايف : أي عبالي بعد تحشون فيني .. الا اقول حبيبتي وين الجاي والقهوى اليوم

ام نايف تتحسب ولدها يكلمها : والله يما ما ادري عن هالخدم .. الحين بشوفهم ليش ما جابوها

نايف : ههههههه اقول يما بعد جبدي .. من كلمج

ام نايف تطالعه باستغراب : يالي ماتستحي مب انت قلت حبيبتي يعني تكلمني

نايف : وييي يما هذا اكول انتي حبيبتي .. الحين الشوق بس هي الحب والحياه والجمال الودلال بعد جبدي

شوق وجها ولع واتحس ان الهوى الي في الصاله كله خلص .. تمت تطالع نايف عشان يسكت بس هو مب سائل .. مكمل تغزل فيها .. شكله نسى ان امه موجوده

ام نايف تسوي نفسها معصبه وهي تضحك : يلي ما تستحي .. الحين خلاص طاح سوقي .. وبعدي عيب تتغزل في مرتك قدامي عندكم غرفه غازلها بنفسك

نايف فقع من الضحك على امه : ههههههه ... انتي بعد الحب .. بس يما شوق غير .. لا تعصبين يما حبيبتي .. بس شكلج يما تغارين الله يهداج .. خلاص ولا يهمج بقول حق ابوي يغازلج عاد كلش ولا زعلج يالغالي

ام نايف استحت من كلام ولدها : اقول استح على ويهك .. ويلا قوم قوم ود مرتك المسكينه بيت امها .. جوف وجها شلون صار
(ومسكت كتفه ودزته)

تم نايف يضحك على امه .. وبعدها سلم عليها .. وخذة شوق شنطتها وعباتها .. وطلعو من البيت متوجهين لبيت ام شوق

\
/
\
/

" ليه الدنيا ماترحم,’,’,’وليش الناس غداره "

نرجع حق رهف .. الي توها بس استفاقت من اغمائها .. وحست بطعم الكلام الي قاله لها احمد .. حست بالقهر والغدر .. والحقاره .. حست انها لو تشوفه قدامها الحين بتاكله باسنانه .. وتمت تسأل نفسها عن سبب الي سوا لها احمد .. وبدت تتذكر كل شي صار لها من بداية علاقتهم .. وتذكرت ان دايما يتهاوشون وكانت من فتره تشك انه يحب حد ثاني .. بس تمت ساكته .. وتوها بس استوعبت ليش هو كان يعاملها اخر فتره بهالطريقه .. وانقهرت اكثر واكثر انها ماكانت مستوعبه وحست نفسها واااجد غبيه
قررت انها تنتقم منه باي طريقه .. فكرة انها تشوف من حبيبته وتقولها عن علاقتهم بس تذكرت ان هالشي صع واجد .. تمت تفكر وتفكر .. وبعد أي اتصلت حق اقرب شخص لها .. حق رفيجة طفولتها .. اتصلت حق موزه .. لان هي الوحيده الي تعرف كل شي صاير لها .. من نبرة صوتها .. اتعرف اذا هي متضايقه ولا مرتاحه .. زعلانه ولا فرحانه

رن التلفون ما كمل ثلاث رنات .. الا وصوت موزه يرحب فيها

موزه : هلا هلا .. اخبارج حبيبتي

هنا رهف ما قدرت تتكلم على طول تمت تصيح .. موزه خافت عليها وتمت تسالها شفيج بس رهف ما ردت عليها .. كانت تبي اطلع كل القهر الي بداخلها في الصياح .. وموزه خلتها على راحتها بعد ما هدت وسكتت

رهف بصوت مبحوح من بعد الصياح : انا اسفه .. لان خرعتج

موزه : لا عادي حبيبتي .. يلا قولي لي اشفيج من مزعلج .. اكيد الغبي احمدو

رهف : اكيد في احد غيره منكد علي عيشتي .. بس هالمره مب بس زعل .. هالمره بننفصل للابد خلاص .. تخيلي الحقير شقالي
وسردت رهف حق موزه تفاصيل مكالمتها مع احمد

موزه وصوتها مليان قهر : الحقير الخسيس النذل .. طلع نفس الي عندي .. الله ياخذهم اثنينهم .. ما عليج منه حبيبتي .. خلي يولي ولا تهتمين .. الحين كلمي .. وطلبي منه انه ينفصل عنج وخل يطرش لج ورقت طلاق

رهف : اكيد هذا الشي بيصير .. الحين بكلمه الحقير مع اني ما ابي اسمع صوته .. بس لازم اقوله اني ابي الطلاق

موزه : عين العقل .. الحمدالله انكم ما بعد تزوجتو عشان ما تبتلشين زياده .. بعد ما تكلمين قولي لي شصار بالضبط

رهف : انشالله حبيبتي .. يلا مع السلام

اتصلت رهف بأحمد وطلبت منه انه يطلقها .. اول شي قال لها لاء وانهم اهل والسالفه ممكن تكبر .. بس هي سكته وقالت له اذا ما تبي تنفضح واقول كل شي قلته لي .. طلقتي بشرف احسن .. سكت ووافق على الي قالته .. وقال لها ان بكره بتوصلها ورقت الطلاق .. اول ما خلص كلام صكت التلفون بوجهه .. وهاذي اول مره تسويها في من تعرفت عليه .. بعدها كلمت موزه وقالت لها كل شي .. وقالت لها موزه ان لازم تمهد الموضوع حق اهلها .. فبعد ما صكرت رهف من موزه نزلت تحت عند امها .. عشان تقول لها عن سالفة الانفصال

تحت في صالة بيت رهف
امها وجدتها قاعدين يتقهون

رهف : يما حبيبتي ابي اقولج شي
ام رهف بقلق : اشفيج يما تحجي
رهف : يما انا واحمد بننفصل
ام رهف شهقت : لييييش يا يمه .. اشفيكم عسى ما شر
رهف : تبين اقولج الصج .. ولا اكذب عليج واقول لج ان بس خلاف بسيط
ام رهف : لا اكيد ابي الصج يايمه
رهف : الصج ان بنتج غغبيه .. وكانت كل هالمده الي طافة ما تحس بتصرفاته وانه ما يبيها .. يما احمد قالي اليوم في التلفون انا ما ابيج .. انا صرت احب وحده غيرج (ودخلت رهف في نوبة صياح )

ام رهف عورها قلبها على بنتها .. تمت تهديها .. وقالت لها احسن الي ما يبيج لا تبينه .. وان بيجيها الي احسن منه .. كانت جده رهف مستمعه صامته .. لكن في داخلها تخطط لاشياء لازم تصير .. ولازم تحل هالشي

\
/
\
/

نرجع عند ريم الي تجهزت وتعدلت وكشخت .. لبست عباتها وقعدت تنتضر زوجها في الصاله .. بعد دقايق دخل (هو) ناضرها .. وطلب منها ان تتغطى وتلحقه .. ركبت معا في السياره وكان الهدوء مخيم على السياره .. وصلوا الفريج الي فيه بيت ابوه .. وبعد دقايق كانو قدام فلا كبيرة .. وفخمه من الخراج لها حديقه كبيره .. استغربت ريم .. وتمت تطالعه

هو : وش فيش تخايليني كذا وش عندش
ريم : انت الي اشفيك وين مدخلنا بيت الناس

هو بنضرة استهزاء : اقول بلا كثرة هرج وانزلي .. هذا بيت ابوي .. يعني وين بكون اموديش بيت ناس غرب وبقول لش انزلي

ريم بعدم استيعاب : نعم ما فهمت .. هذا بيت ابوك .. وانت ساكن في ذيك الخرابه

هو : وانتي وش عليش .. انزلي وبلا كثرت حكي

نزلة ريم وكانت حدها مقهوره .. وقررت انها تقول حق اهل رجلها عن البيت الي هي ساكنه في اكيد بيحسون فيها .. وعلى الاقل بيسكنونها معاهم .. وصلو عند المدخل الي يدخل الفله .. لف (هو) عليها ومسك يدها .. ريم انتفضت وطالعته بنضره

هو : ما ابي اسمع حسش .. الي في البيت يحسبون اني ماخذش حشان احبش وعشان سواد عيونش .. ما دروا ان هاذي وصية ابوي

طالعته ريم باحتقار وسكتت .. بس في داخلها تتوعد له

\
/
\
/

في السيارة .. نايف ملل شوق .. كل شوي يتغزل فيها ويحرجها .. وهي اتحاول اتسكته بس مب قادره

شوق : ياربيييييي نايف خلاص عاد
نايف : ههههههه .. يا بعد قلب نايف امري شتبي
شوق : لو تغليني .. لا تقعد تتغزل ذبحتني من الحيا
نايف : اذا انا ما اغليج من يغليج .. خلاص ما بغازلج .. الا حبيبتي .. بتنامين اليوم بيت امج ولا بترجعين البيت
شوق : لا حبي .. برجع البيت مب متعوده انام في مكان وأنت مب موجود فيه
نايف : بس انا يمكن اتأخر يا قلبي
شوق : مب مشكله .. لين خلصت من اغراضك مر علي ونرجع البيت سوى
نايف : خلاص حبيتي منن عيوني .. اول ما اوصل بيتكم بدق لج واطلعي .. بحاول اني ما اتاخر

خلص كلمته .. ودخل من باب بيت شوق .. وصف في الباركنق
شوق : خلاص انشالله حبيبي .. تحمل بعمرك ولما توصل الحدود كلمني .. يلا مع سلام حبيبي
وفتحت باب السياره عشان تنزل .. بس يد نايف كانت اسرع .. مسكها ولفها له

نايف : اشدعوه بتروحين بدون ما تسلمين علي .. يلا اشوف عطيني بوسه عشان تصيرين شاطره
(ولف وعطاها خده عشان تبوسه)

شوق ماتت من الحيا : نعم انت من صجك لو احد شافنا الحين

نايف : مجد يهمني .. زوجتي حلالي .. اسوي الي ابيه معاها يلا عااااد شوق بس بوسه

شوق باسته بسرعه على خده وبطلت الباب وركضت داخل البيت .. نايف ابتسم ابتسامه كبيره .. مد يده وصكر الباب .. وتذكر ركضت شوق وقعد يضحك .. بتضل طول عمرها طفله .. وهذا الي خلاه يحبها ويعشقها .. طلع بسيراته من بيتهم .. متجه للحدود

\
/
\
/

نرجع عند ريم ورجلّها

فتح (هو) الباب ودخل .. وسلم بصوت عالي .. كانت ريم لين الحين متغطيه .. ومنزل راسها .. رفعت ريم راسها على ترحيب ام رجلّها

ام (هو) : هلا هلا بولدي حبيبي وش لونك يايمه .. وينك لك وحش يا بعد قلبي

هو سلم على امه وحب راسها .. وبعدا ريم شالت الغطا من على وجها .. وسلمت على ام رجلها

ام (هو) : هلا حبيبتي ريم وش لونش .. اربش طيبه

ريم بحيا : الحمدالله طيبه .. اني شلونج خالتي

ام (هو) : انا الحمدالله بالف صحه وعافيه .. تعالو تفضضلو للمجلس .. الحين بيجون البنات يسلمون عليش

دخلت ام (هو) وبعدها ريم و(هو) .. قعدوا شوي وسولفت امه مع ريم .. وخذوا اخبار بعض .. وفجأه سمعت ريم صوت بنتين يرحبون باخوهم .. لما لفت عليهم انصدمت .. وشهقت

ريم بذهول : هاااااا انتي طلعتي اخته

البنت الاولى بذهول : يا ويل حالي .. انت عجل مرت اخوي وانا ما ادري الا الحين

ام (هو) : يما عاشه اتعرفين ريم

عاشه : أي يما هذي ريم رفيجتي من الثنوي .. ولما سافرت انقطعت عنها

ولفت عاشه على ريم وسلمو بعض وتمو ضامين بعض لفتره .. وبعدها سلمت ريم على اخته الثانيه مها الي بعد كانت تعرفها اكثر من مره شافتها مع عاشه .. بعدها عاشه خذت ريم .. وراحوا في صاله ثانيه مصكره .. وكل وحده تاخذ اخبار الثانيه .. ريم كانت تحاول تقول حق عاشه عن وضعها الي هي في .. بس كل ما جات تبي تقول تتردد

عاشه : ريم حبيبتي تبين تقولين شي

ريم : عاشه ابي اقولج شي بس متردده وخايفه

عاشه : لا عادي حبيبتي قول .. بيكون هالكلام بيني وبينج بس

ريم بحزن : عاشه تدرين انا اشلون عايشه مع اخوج انا ....

ما كملة جملتها الا هو داخل من باب الصاله .. طالعها بنظره .. وابتسم حق اخته .. بس عاشه ما طافت عليها هالنظره .. وحست ان في شي كبير كانت ريم تبي تقوله .. واخوها قطع عليها .. قال لهم هو .. ان يقومون يتغدون .. وبعدين يكملون سوالف .. طلعوا البنتين وراحو مكان الاكل .. وبدو ياكلون بصمت وكل وحده تطالع الثانيه بنظره .. وكل وحده فهمت شنو الي في قلب الثانيه .. بس مع الوقت راح تقدر ريم تتكلم في هالشي

\
/
\
\

الـــــــوداع
آخر حروف ’ن’ في خفوقي شلتها
يا تموت بوسط قلبي
يا اموت ان قلتها

في بيت متوسط الحجم
على الساعه 10:30 في الليل

كانت شوق قاعده مع امها .. وشوي ولا دق تلفونها .. وكان نايف الي متصل .. استأذنت من امها ودخلت الغرفه عشان تكلمه بارحتها

شوق : الو هلا حبيبي .. ها وصلت الدوحه

نايف : لا ياقلبي وين .. توني على الطريق الي من الحساء لين الخبر

بعدين فجأه سكت .. وبعدها سمعت صوت الباب يتصكر

شوق : حبيبي في شي

نايف : لا مافي شي .. انزين ما قلتي لي .. شسويتي اليوم من دوني

شوق : تبي الصج .. اليوم كنت منفسه على الكل .. والكل يسألني ليش وما ارد .. عقب امي قالت لهم .. انك مسافر .. تمو كلهم مستلميني ..لاني متضايقه عشان سافرت

نايف بحب : يا روحي انتي .. خلج منهم هذيلن عذال .. حسودين .. حتى انا يومي كان خايس بدونج .. هاذي اول واخر مره اسافر مكان بدونج

شوق : أي حبيبي تكفى مرا ثانيه اذا بتروح لو الحسا بعد بجي معاك .. تدري نايف .. انت صرت كل شي في دنيتي .. صرت ما اتنفس بدونك .. صرت عايشه في هالدنيا لهدف .. عاشن وعشان حبك .. انت بالنسبه لي .. الزوج .. والاب .. والاخو .. وكل شي بحياتي .. مره ثانيه لا تتركني وتسافر

نايف : يا ويل حالي .. هالحب والكلام كله من وين طلع .. انتي متاكده انج شوق .. يا فرحتي .. عيل كل مره بسافر عشان اسمع هالكلام الحلو الي يسرسح على القلب .. توني ادري اني مهم لهل درجه في حياتج

شوق : نااايف .. اكيد مهم .. واكثر بزياده عن الكلام الي قلته بعد .. انت صرت روحي الي احيا بهاو انفاسي الي اتنفسها .. اصلا بعدك هالحياه ما تسوى شي

نايف طاير من الفرحه ..هو يعرف شكثر شوق تحبه وتعزه .. بس ما يدري ان حبها وصل لهالدرجه : يااااااااالبه .. يا بعد جبدي .. اقول انا طيران جايج .. مب قادر اصبر على الكلام الحلو

شوق بخوف : لا عاد نايف .. تكفى لا تسرع .. اذا اتحبني .. امش باشويش واوعدك اول ما توصل .. بسمعك كلام احلى واحلى .. بس تكفى لا تسرع اوك حبيبي

نايف : خلاص ولا يهمج يا روحي .. يلا يا قلبي امع السلامه
(الوداع)

شوق : باي حبيبي

بعد ما صكرت منه شوق .. كان مب منتبه للخط .. يطالع الجوال ويتذكر كلام شوق . ووو ما حس على عمره .. الا بليتات الشاحنه تقترب منه حاول انه يتحاشاه .. بس ما قدر .. وفجأه حس انه .. طاااااار برع السياره .. شصار .. سيارات واجد .. شرطه اسعاف .. وهو مرمي على الرصيف والدم من حوله وغغيب

/
\
/

لا اله إلا الله محمد رسول الله

\
/
\
/

لا اله الا انت سبحانك اني كنت من الضالمين

\
/
\
/

انـــــتـــــهـــــى
الــــــبــــــارت الــــــخــــامــــــس عــــــشــــــر

\
/
\
/

(هاذي التوقعات .. لاشياء راح تصير في البارت الجاي وبعضا تكمله لشي صار اليوم )

توقعاتكم :

شوق .. شنو الشي الي بيصدمها وبيغير مجرا حياتها للابد ؟
نايف .. شنو الي صارله .. حادث ..مات .. غيبوبه .. عايشه ؟
رهف .. شنو الي بيصير لها بعد الي سواه فيها احمد ؟
ريم .. شنو كانت تبي تقول حق عاشه , بس دخوله (هو) خرب عليها ؟
من الي بتتزوج وبتقهر شخص .. لكنه بيرد لها هالقهر ؟
من الي بتنصدم بخطبة شخص لها .. ويتتزوجه وبنقهر ناس ؟
(منك المال ومنها العيال) لمن نقالة هاذي الجمله ؟
(اعترفي انتي تحبيني) من الي قال هالجمله ولمن ؟ وبعدها قال (توافقين انج تتزوجيني) ؟

19-07-12, 02:04 AM

المشاركة رقم: 35

المعلومات
الكاتب:	عذرا ياقلب
اللقب:	عضو مميز

البيانات
التسجيل:	Apr 2010
العضوية:	159313
المشاركات:	6,045
الجنس	أنثى
معدل التقييم:
نقاط التقييم:	7887