كاتب الموضوع :
جورية الدوحه
المنتدى :
ارشيف خاص بالقصص غير المكتمله
.. يتبع ..
سوري ما اقدر انزل الصور .. انشالله اول ما يصير مسموح لي بنزلهم
.
.
.
تكملت الجزء
.
.
.
طلعوا البنات من الشقة ونزلوا تحت ينطرون السيارة ألي راح تنقلهم إلى حفلة رفيجتهم ألي كانت في بيتها وكانت الحفلة كبيره وتضم الكثير من الجاليات العربية و الأجنبية والخليجية وهم ينطرون جافو شلة شباب جاين عند البناية وكانوا يبينون خليجين من ملامحهم ابتعدوا البنات عن الباب بس إلي ما توقعوه ان الشباب جو عندهم بدال ما يدخلون البناية لا والي أخس أن بعضهم طلعوا يعرفونهم منهم عبدالله إلي تعرفوا علية في الديسكو و انصدمو لما جا بجرائه يسلم على رهف إلي كانت خايفه انه يعرفه واللي خلها تخاف اكثر ان احمد الي يصير لها معاهم الي بانت الصدمه على وجها اول ما جا عبدالله يسلم عليها
عبدالله : هلا والله اخبارج رهف (ومد يده يسلم )
رهف متوتره : اهلين , تمام الحمدالله (ومدت يدها بتوتر اكثر من نظرات الشباب لها )
عبدالله : الا وينج يالقاطعه عقب ذاك اليوم في الديسكو ما جفناج
رهف شوي وتصيح من الفشيله : ها أي أي على طول بعد الحفلة جينا هني
عبدالله : اها انتو ليش جاين هني , يعني شعندكم
رهف : جاين ندرس وتونا سنة أولى جامعه في الكورس الاول
عبدالله بفرحه : قولي والله ههه اتصدقين احنا بعد بس احنا سنة ثانيه يعني سابقينكم
رهف : اها (لفت جافت السيارة الي بتوديهم الحفله وصلت ) اوك يلا باي انا لازم اروح
عبدالله : وين وين بتروحين تونا جايفينج
رهف توهقت : ها بنروح حفلة رفيجتنا
عبدالله : الله وناسه حفله عادي انجي معاكم (لف على ربعه وغمز لهم )
رهف ما عرفت شتقول له : مادري يمكن صاحبة الحفلة ما ترضى وجي خل أسالها بالأول
راحت رهف عند البنات ألي كانوا مولعين من هالعبدالله السخيف ومن لقافتة اتفقت معاهم رهف ان يكلمون صاحبة الحفله ويقولون لها ان تقول لا لان اصلا الحفله بس بنات فهم كانو يبون ان الشباب يتفشلون اتصلو البنات وكلمت وضحى البنت بالاسباني الي كانو البنات يعرفونها ودارسينها دورة في الصيف الي طاف المهم قالت صاحبة الحفله الي اصلها عربي من مصر للشباب ان مايصير يجون الحفله لانها للبنات واصلا هي ما تقدر تدخلهم لانها ما تعرفهم هني صج تفشلوا الشباب واحترقت وجيهم المهم صكروا البنات من رفيجتهم وركبوا السيارة وكانت الساعه 7:00 الي كانت شايله الكل لانها المرسدس الطويله وكانت مخفي كامل تمو البنات يضحكون على اشكال الشباب وهم متفشلين من الي صار لهم وبعدها طبعا حطو الفلاش الي فيه اغانيهم وتمو يرقصون في السيارة وهم متحمسين وبعد نص ساعة وصلو البنات المكان الي فيه الحفله وانصدمو من القصر الي دخلو فيه توقعوا من شكل البنت ان يكون بيتهم كبير وفخم بس قصر هاي الي ما توقعوا بعدها وصلو لين الجسر الي يوصلهم للباب الرئيسي وصلت السياره وكانت الساعه 7:30 وفتحو الحرس البيبان للسيااره نزلو البنات واستقامو بوقفتهم كان منضرهم وااايد حلو وراقي لانهم من عوايل راقيه وغنيه ولها مكانه في قطر مشو البنات للباب بكل غرور واستقامه في مشيتهم كانهم عارضات ازياء معن بعضهم كان فيهم شوية متن بس بعد ما همهم هالشي ادخلو القصر وكانو العاملات في وجهم افصخو جاكيتاتهم وراحو عند المنضره الكبيره وعدلو اشكالهم وتاكدو ان كل شي فيهم مرتب دخلوا لحفله وكانت روعه كانها عرس ستيج واضائات مختلفه الالوان والطاولات مسويتها على الوان القوس قزح كل طاوله بلون وكان في دي جي والصصصوت حده عالي اقعدو البنات في الطاوله المخصصه لهم
لولو : واي بنات فيني رقصصه بس اغانيه ما اتشجع وايد
شوق : شي طبيعي لانها اجنبيه
جواهر : لولو الا وين فلاشج حبي
لولو : موجود يالغاليه
جواهر : اقول عطيني اياه وانا بتفاهم معاهم
لولو : افا عليج عيوني لج – طلعت الفلاش من جيبها والي كان مليان ااني خليجيه وعربيه –
جواهر : يلا بنات سي يو انا ارايحه اعدل الحفله شوي
البنات انفجروا ضحك على الي قالته
وضحى : وي جوجو اليوم اختربت كله من هالمجانين الثنتين
لولو وشوق : خيير من قصدج
وضحى : هههه لا محد محد استهبل
شوق : اتحسب بعد
..............................
عند ريم ومنيرة وهند
على نفس الطاوله بس في زاوية ثانية
كانت الساعه 7:50
ريم : بنات ما لاحظتوا شي
منيرة : نلاحظ شنو يعني
ريم : مادري يعني البنت شكلها في الجامعه ما يوحي انها من هالطبقه
هند : أي والله يعني لبسها مب دايما ماركات ولا شناطها ولا جواتيها
منيرة : هند اشفيج يعني اذا كانت من هالطبقه لازم دايما تلبس ماركات
هند : صراحه بالنسبه لي أي والله
منيرة : من صصجج هاي تفكيرج
هند : أي هاي تفكيري ليش مب عاجبج المهم حتى انها وايد متواضعه يعني الي نفسها يكونون مغرورين وجي
ريم : استفر الله اشدخل هنود يعني كل من كان غني يكون متكبر على الناس هذا انا اعرف ناس مب بدرجتها بس اغنياء ويتكبرون على الناس وعلى ربعهم احياناً
هند تنرفزت منها : اشقصدج يعني اخت ريم
منيرة : مب قصدها شي والي على راسه بطحه يتحسس عليها
هند : منيرة احترمي نفسج شجايفتني يعني انا مغروره
ريم : صراحه كلن يعرف قدر نفسه
هند بعصبيه وهي تقوم عنهم : انا المجنونه الي قاعده معاكم – وراحت عنهم للطاوله الثانيه الي كانو فيها بنات خليجيات وقعدت معاهم وتمت تسولف –
منيرة : اشفيها ذي احد داس لها على طرف
ريم : يعني ما تعرفينها من جينا هني وهي صصايره تتنرفز على كل شي
منيرة : أي والله وصايره حساسه بزياده
.................................................. .........
عند رهف وموزه
الساعه 8:10
في قاعة الحفلة
في نفس القاعه بس مب على الطاوله نفسها كانو قاعدين على طاوله لشخصين بعيده شوي
رهف : مواز شصار على سالفتج
موزه : والله يا رهوف ما صار شي
رهف : أنزين هو ليحين يتصل
موزة تطلع جوالها من الشنطه : جوفي كم مس كول كل يوم جي
رهف جافت المسكولات الي تتعدا الميتين واستغربت مدام انه مسوي هال شي ليش يتمسك في موزة اعرفت على طول ان في مشكله في الموضوع لأنها تعرف محمد وايد وتعزه كاخو وصديق
رهف : مواز كل يوم على نفس الحال
موزة : أي والله كل يوم جي
رهف : اوك خلاص مواز صكي رقمج بس اسبوع وانا بجوف لج حل
موزه : رهوف قولي والله بتجوفين لي حل
رهف بجديه ماتنطبق دايما على شخصيتها : انا في مره قلت لج شي وخلفت كلامي
موزة : الصج لا والله ولا مره سويتيها
رهف : عيل لازم تصدقيني هالمره مثل كل مره
.................................................. .....................
عند مريووم وعليا ومريم وشيخه
الساعه 8:30
على طاولتهم
قاعدين هال أربعة يحشون في الشباب الي كانو عند البناية وكل وحده تبدي رايها في الشباب وبعدها قامو يحشون في لبس البنات الي في الحفلة في تسريحاتهم وفي كل كبيرة وصغيرة وبعد ما يقولون شي يستغفرون
مريووم : الا بقولج جفتي الي لابسه فوشي
عليا : أي اشفيها
مريووم : اتصدقن جفت فستانها في دبي وكان عاجبني بس طلع تقليد مب الماركه الاصليه
شيخه : وييي حلفي اتصدقين كنت شاكه في البدايه
مريم : أي والله حتى انا بس قلت يمكن انا غلطانه وله شي
مريووم : لا حبيبتي صدقي وتراه رخيص
شيخه : حلفي تدرين هاي سعره الاصلي 30 الف ريال
مريووم : وي ضحكتيني تدرين بكم الي لابسته التقليد
عليا : وييي بكم
مريم : لا تصدميني يختي انا ماخذه نفسه بس اللون الاصفر
مريووم : وين سعره بخمسمية ريال
مريم : لا تقولينها شكلي بقطه عقب ما عرفت هالشي
شيخه : أي والله تخيلي يتحسبونج ماخذه تقليد
عليا : لا ويقولون لج بعد انه البنت فقيره يعني مب من مستوانه ولا من المدل كلاس طلعة من مستوى الفقاره
مريووم : وييي توني ادري انزين كملي
عليا : لا ويقولون لج بعد ان البنت الي معاها هاي ام الازرق هي الي تصرف عليها
شيخه : أي سمعت ان تصرف عيها وعلى اهلها بعد
>>>>> المهم ما علينا منهم خلهم يكملون حش وراهم بنات وايد
.....................................
عند هند والشله الي قاعده معاهم
الساعه 8:30
على الطاوله
تعرفت عليهم هند واندمجت معاهم بسرعه لان اغلبهم او كلهم تقريبا عندهم نفس التفكير السطحي تفكيرهم كان يتضمن كل شي سطحي والمضهر العام للشخص من ملابسه وشكله واي ماركه لابسه كان كلامهم من اول ما تعرفت عليهم عن البس والسفرات والطلعات كانت مستانسه ومندمجه مع الجو الي حولها
هند : أي صح انا بعد الصيف الي طاف رحت امريكا
مها : أي حتى انا
عائشه : هند وين رحتي هناك
هند بغرور : رحت وايد ولايات
مها مب عاجبتها هند بس المصالح تمشيها : اها مشالله عليج
هاجر : غناتي هند انتي شو جنسيتج
هند : انا قطريه وانتي على ما اضن ايماراتيه صح
هاجر : هي بوي انا اماراتيه تشرفنا
هند : مي تو
وتمت تسولف معاهم ونست ان لها ربع واندمجت مع الناس الي حست نفسها في هالوقت نفسهم وحاولت تنسى كل شي وهي قاعده معاهم كانو ثتين قطريات (مها و عائشه) ووحده اماراتيه (هاجر ) ووحده سعوديه (ريماس ) ووحده كويتيه (هنادي) وكانو يسولفون معاها بطلاقه وهم منبهرين بشخصيتها وباناقتها بس كارهين غغرورها ونضرتها لهم معن هم عندهم غرور بس مب دايما يعني لما يكونون مع بعض يشلون صفت الغرور ويسولفون بحريه بس بوجودها رجع لهم احساس الغرور
.................................................. .....
عند البنات بعد ماتجمعو كلهم
الساعه 9:00
قالو للديجيه تحط لهم اغنيه الجسمي سته الصبح >>> سوري بس ما اتذكر الاغاني الي في 2006 فعشان جي بحط الي على بالي
بدت الغنيه وقامو البنات وجابت لهم صاحبة الحفله شيل فيها خراخيش وربطوها وبدو يرقصون بعضهم مبتدئين وبعضهم محترفين كانت هند ومنيره وجوجو ووضحى وعلياء رقصهم فضيع والباقي عادي ومريوم وشوق كانو مايعرفون بس يقلدون الباقي كانو مندمجين حدهم في الاغغنيه ويغنون ويسون حركات بعد ما خلصت الغنيه رجعوا على الطاوله وقاموا يسولفون وتعرفو على واايد بنات من الموجودين وبعدها على الساعه 11:00 قاموا يتعشون وبعد ما خلصوا رقصو كم رقصه وحطوا خليجي وقعدوا يرقصون لين الساعه 1:00 بعدها استئذنو وطلعوا مع السواق ورجعوا الشقه وهم نازلين كانت وضحى تمشي وهي دايخه تبي تام وما نتبهت للعتب هالي قدامها وتحنقلت وطاحت على يدها اليسار ارفعت راسها توها تتنتبه انها طاحت
وضحى : اييييي يعور
مريوم تركض لها : اسم الله عليج تعورتي حبيبتي
وضحى : مريوم شصار
عليا : بس بس تحنقلتي
شيخه : زين اشفيج استانستي على الطيحه قومي
جواهر : أي والله قومي وضوح توصخت ملابسج وحالتج لله (مدت يدها بتقومها )
وضحى حاولت ترفع نفسها بس ما قدرت جافت يدها كانت منجرحه جرح كبير وماتقدر تحركها خافت انها انكسرت قامت تصيح من العوار خافو البنات عليها وعلى طول شالوها واتصلو على رهف عشان تنزل لانها كانت فوق وماجافت الي صار نزلو البنات وساقت فيهم رهف وصلو اقرب مستشفى دخلوها الطواري وسوو لها اشعه وطلع كسر جبسو يدها وداوو جرحها وقالو لها لازم تنام في المستشفى يومين عشان يتطمنون عليها اكثر رجعو البنات الشقه بدلو ملابسهم وخذو حق وضحى ملابس وكانت الساعه 5:00 الفجر وصلو عندها بدلو لها وبعدها نامت على طول طلعو البنات وراحوا لشقه ينامون وقالو ان الصبح بيرجعون لها قامت الصبح وما لقت احد من البنات كانت تبي تنزل من السرير تروح الحمام بس كان جسمها متكسر ومنرض بعد الطيحه ضغطت الزر حق الممرضه وطلبت منها توديها الحمام غسلت وبدلت من الثياب الي جايبينها البنات وهي طالعه من الحمام لقت باقت ورد من ربعها ولقت وردة جوري وهديه على السرير توها بتفتحها ولا ينفتح الباب ويدخل شخص منه وقبل لا تلف عرفته من ريحت عطره الي يما عشقتها لفت وهي مبتسمه ووجها يبين عليه التعب ومصفر بس ما خرب على جمالها طالعته كان لابس كاجول وكانه مستعجل حتى شعره مب ماشطه استانست وااايد لان عرفت ان خايف عليها ومستعجل وجايها
.
.
.
نهاية البارت الثامن
.
.
.
لا اله الا الله محمد رسول الله
.
.
.
ابي توقعاتكم
1- شنو راح يصير في موضوع موزه ومحمد ؟
2- هند وربعها الجداد شنو راح يصصير معاهم ؟
3- وضحى وكسر يدها بيصير تغيري في حياتها ؟
4- منيرة والولد الغريب الي طلع فجئه في حياته شبيصير معاهم ؟
|
20-08-11, 04:18 AM
جديد مواضيع قسم ارشيف خاص بالقصص غير المكتمله
العرض العادي
