الـــبـــارت \ الــــســـادس




.
.
.




اليوم الثاني
الاحد \ 27-6-1999
الساعه 6:30 am




موزه ورهف اول ثنتين قامو ولبسو على طول واتصلو حق البنات و تجهزو كلهم ونزلو مع بعض لان كانو كلهم في نفس الدور وجنب بعض غرفهم وكانت بالترتيب التالي لولوة وشوق وبعدهم رهف وموزه وبعدهم مريووم وعليا وهند وبعدهم شيخه ومريم وريم وبعدهم وضحى وجواهر
نزلو كلهم ودخلو قاعة الفطور وسالهم الريال عن ارقام غرفهم واول ماقالو له اشر لهم على طالوله كبيره في اخر القاعه على عددهم و كان عليها صحون مسكره الي يجيبون فيها الفطور استغربو البنات وسالو الرجال شنو هاي قال هذي مفاجاة وعلى طول موزه تذكرت كلام ابوها وراحت على طول على الطاوله وراحو معاها البنات اقعدو وفتحو الاطباق مع بعض وتفاجاو بالاضرف الي موجود فيها وكل وحده اسمها موجود عليه بدلو اماكن وكل وحده افتحت الضرف قامو يناقزوون ويصرخون وهم مستانسين ويخططون لهالرحله الي جات من ابو موزه قبل لا هم يقترحونها وكانو يبون ان منيره تكون معاهم وكانت الرحله اليوم الثاني مب هذا اليوم فستانسو اكثر لان منيره قالت لهم انها راح تجي اليوم لانها ماتبي تقعد مع اهلها اكثر من ثلاث ايام لانها اشتاقت لهم
راحو البنات يستقبلونها في المطار بس الي صعقهم وجود هالشخص الي معاها
تفاجئو ان اخو منيره الكبير علي معاها جاي وماكانو متوقعين هالشي لانهم مقررين ان يستهبلون بس مدام اخوها معاها شكلهم ماراح يقدرون راحو البنات لها ركض اول ماجافوها وتمو يسلمون عليها ويبوسونها مب كئنهم شايفينها من ثلاث ايام

منيرة تبعد شوي عنهم وتهف على وجها : حسبيالله عليكم خنقتونييييي
شوق : جب جب زين منا نسلم عليج
منيرة : سلمو محد ماسكم بس انتو تسلمون بدفاشه
لولو : خلينا الرقه لج
وتوهم بيبدون هوشه على ولا شي
مريم : بس بس ولا كلمه ولا وحده تقول شي ولا تتنفس
ريم تكمل كلامها : اي لو سمحتو مانبي فضايح
منيره تصرخ علشان تقهرهم : لا والله حلفي عاد انتي وياها
مريوووم عيوزت الشله او بالاصح امهم بهدوء وحده : بس عاد بلا سخافه انتو جاين تستانسون مب تتهاوشون على اي شي مايعجبكم
اسكتو اشوي بس بعد منيره ما خلت الكلمه في خاطرها
منيره تتافف :اف انزين ماما عوده
مريووم : ماما عوده في عينج
وتمو يتهاوشون ونسو العين الي قاعده تراقبهم من اول ماسلمو على منيرة وهم مسفهين لها ولا على بالهم ومن قهره صرخ عليهم لانه فضحوه قدام الناس جنهم يهال وهم يتهاوشون
علي معصب ويصرخ : بس خلاص ولا وحده تتكلم مع الثانيه ويلا بلا
سخافت يهال

البنات تخرعو وتمو يطالعونه ويطالعون بعض ومنيره عصبت على اخوها الي على كيفه يصرخ على ربعها وهو اول ماجا شكلهم شلون متخرعين وكل وحده صار وجها بريء من كثرت الخوف لانهم مايعرفونه وواحد غريب ويصرخ عليهم وقدام الناس تفشلو كان ماس ضحكته بس لما تكلمت جواهر وهي متخرعه تسال منيره بصوت واطي بس مسموع له لان كان قريب منهم

جواهر متخرعه : يمه بسم الله الرحمان الرحيم منووور من هاي ترا صروعني
منيرة : ها هاي علوي اخوي فضحنا الله يخسه
علي اول ماسمع هالشي ماقدر غير انه ينفجر من الضحك على كلام هالبنوته الي تبين صغيره وماتناسب تكون في هالسن
علي ميت من الضحك : هههههههه والله شكلكم تحفه

البنات انقهرو وتمو يتساسرون وفجأه لف عليهم يبي يجوف ردت فعلهم على ضحكه ما حصل ولا وحده فيهم بس جاف غبرتهم
البنات طبعن يوم جافو يضحك انقهرو وقررو يخلون يكمل ضحك وهم يروحون عنه الفندق طبعن قامو يركضون البنات علشان مايلحق عليهم بس بعد وصل لهم وكانو توهم راكبين وكانتو حده منهم فاتحه الباب جان يروح لها وتوه بيركب ولا عليه من احد جان مايوعا الا وهو طايح على الرصيف

كانت هند تدخل رجلها في السياره وماوعت الا بواحد واقف على راسها ويبي يدخل وبدون وعي وهي منقهره منه ترفسه وتصكر الباب بقوه وهو يطيح على ضهره على الرصيف تمو البنات يضحكون عليه وشغلو السياره وراحو عنه الفندق وخلو هو والشناط بروحه






\
/
\
/






عند البنات
عند باب الفندق
الساعه 7:40 ص
الاحد \ 27-6-1999


نزلو البنات وركبو غرفهم خذو لهم شور ولبسو ملابسهم وتعدلو حق الطلعه كانو متفقين انهم راح يروحون برج ايفل لان امس كان وايد زحمه اتصلو في بعض وكانت منيره ليحين تتسبح فاضطرو يتاخرو راحو غرفتها كانت ماخذه غرفه لها وحق اخوها الي راح يقعد معاها بس لين بكرا وبعدها بيروح بالقطار لندن عن ربعه قعدو ينطرونها وتمو يمللونها ويطقون الباب عليها بس هي مسفه بس عقب ماجافتهم بدو يعصبون قامت تنشف شعرها بسرعه ولبست وحطت لها شي بسيط على وجها ولان شعرها ناعم مايحتاج استشوار فلته وخلته على حريته يتحرك مع حركتها وعفويتها طلعت لهم وهي مروق انقهرو منها لانها ماخرتهم وطالعه تتبسم بعد






\
/
\
/






في المطار
عند باب المطار
الساعه 7:30


يوم تركو البنات عند باب المطار ينطر تم يسبهم ويلعن فيهم ويتمنا انه ماجا مع اخته وذلو بنات يهالو على قولته معن مايكبرهم الا بسنتين بس هيئته وبنيته وشخصيته القويه والعصبيه بس فيها مزح وااايد ماتدل على عمره ويبين ان في نص العشرينات او اخرهم وهو توه عمره بس عشرين سنه
بس بعد ما استوعب الي صارله تم يضحك على خبال البنات الي يعدهم مثل خواته الصغار وماخذا من موقفهم غير الضحك والوناسه والخبال
راح ياخذ الشناط الي نسوها داخل ورجع طلع وطلب تكسي وجاه التكسي واتصل في اخته وسالها عن الفندق
راح هناك وكانت الساعه 8:00 نزل من التكسي ونزل الاغراض وخذاله كرت وطلع غرفته وتسبح وبدل ملابسه و قال بيريح ساعتين وبعدها بيطلع يتمشى شوي مع واحد من ربعه موجود في فرنسا وبيروح معا بكره لندن لان كان مع اهله من ايام فقال حقعلي ان راح يروح معا بكره






\
/
\
/






الــــبـــنـــات
عند برج ايفل
الساعه 8:30


دخلو البنات داخل علشان يركبون فوق ورهف وموزه وريم وجواهر كل وحده ماسكه كيمرتها وتصور اي شي قدامها هالاربعه طول وقتهم يصورون يحبوون التصوير المهم دخلو وكان زحمه وايد بس بعد اخف من امس المغرب تمو يدخلون ويحاولون يدعسون عمرهم لان مستحيل يقدرون يدخلون بسهوله مع هالحشود الكبيره اقدرو يدخلون وركبو فوق وتمو يطالعون باريس الخلابه من فوق وهم مستمتعين وبعضهم من بعيد ماقربو وايد وكان المنضر حده روعه صورو كل وحده بروحه وبعدين كلهم مع بعض وتمو يستهبلون في الصور بعدها نزلو البنات وكانت الساعه 9:15 بط بعدها رجعو الفندق يريحون بدلو ونامو ثلاث ساعات قامو على الساعه 12:30 قامو يتجهزون البسو وتعدلو وكل وحده اتصلت في الثانيه وطلعو من الفندق راحو مقهى الكارديدور طلبو لهم كيك وكوفي وكلو وطلعو من الكوفي راحو يتسوقون على متداد شارع الشانزليزيه شوي
وعلى الساعه 5:30
كانو البنات في محل virgin

وضحى : بنات خلاص يلا يعنا
جواهر : اي والله نبي نتغدى
ريم : زين شرايكم الي خلصو يروحون المطعم ويطلبون لين مايخلصون الباقي
وضحى : اوك انا خلصت
جواهر : انا بعد بروح معاج
شوق : انا بعد مالي سالفه
لولو : وانا مابي شي من هني
شيخه : انا بروح الحمام وبعدين بجيكم في احد يبي يجي معاي
مريم : اوك انا بروح معاج
ريم : زين خلاص انتو روحو واحنا بنجي بعدكم
راحو الاربعه المطعم وطلبو الغدى لين مايوصل بيكونون البنات جاين وشيخه ومريم راحو الحمام





\
/
\
/





في محل فيرجن
الساعه 5:40
عند رهف وموزه


رهف : موزو شفيج اليوم قالبه ويهج
موزه بضيقه : وانتي شعليج
رهف عصبت من موزه وتضايقت لان اول مره تكلمه بهالطريقه : حلفي عاد زين مني اسالج
موزه : مب قصدي رهوف بس انا متضايقه ( وفجأه قامت تصيح)
رهف انصدمت وخافت على رفيجتها لانها تدري انها ماتصيح على شي بسيط : موزو حبيبتي شفيج ليش تصيحين –ولمتها وتمت تهديها-
موزه تصيح بدون صوت وحاطه يدها على وجها وحابسه شهقاتها : رهوف تخيلي اليوم الصبح اتصلت على حمود وردت علي وحده (ودخلت في نوبت صياح )
خذتها رهف وطلعو من المحل قعدو على الكراسي الي برع





\
/
\
/





في فيرجن
في نفس هالوقت
عند هند وريم


هند : ريمو جفتي اخو منور فضيع
ريم : اي مشالله حلو
هند : والله شكلي بخطط عليه
ريم : لا والله استحي على ويهج
هند : يووو انتي شي فهمج
ريم : لا يقلبي فاهم قصدج عدل
هند : انزين واذا يعني شفيها
ريم : فيها ان عيب تسوين هالشي في اخو رفيجتج
هند : وانا شبسويله باكله يعني
ريم : لا يحبيبتي بتقصين علي وبتجرحينه المسكين وهو ماسوا لج شي
هند : اوووهو مللتيني ماعلي منج
ريم بعصبيه : هند اشفيج انتي شنو ماعلي منج من متى انتي تسوين جي في الناس
هند عصبت عليها : كيفي وبسوي كل شي ابي زين
ريم : والله بكيفج بس جي بتسببين مشاكل مع رفيجتج
هند : ورفيجتي شدخلها في السالفه
ريم : عن الستهبال فيها ان هي اتصير اخته
هند : انزين خلاص صكري السالفه لان منور جايه عندنا
ريم : هه ضحكتيني وانتي مهتمه فيها
هند : انزين خلاص سكتي
ريم : اوك
منيره : هاي يابنوتات
ريم + هند : هايات
منيره : شقاعدين تسون ماخلصتو
ريم : امبلا يلا خل نروح
هند : اي خلصنا بس باخذ هاي الكفر
منيره : اوك حبو
هند حز في خاطرها هالكلمه بس ماحطتها في بالها ونزلت راسها وماحطت عيها في عين منيره : اوك انا بروح ادفع وانتو اتنضروني برع
منيره + ريم : اوك






\
/
\
/






عند رهف وموزه
على الكرسي
بعد نص ساعه
الساعه \6:10


بعد ماهدت موزه كانو البنات يتصلون فيهم علشان يجون قالو لهم ينطرون خمس دقايق وهم بيجونهم

رهف : مواز حياتي قولي السالفه بشويش لاني مافهمت شي وانتي تصيحين
موزه وصوتها ليحين في بحه من الصياح : رهوف اقولج اليوم اتصلت على حمود الصبح تخيلي ردت علي وحده وقالت لي (وسكتت وبدى صوتها يضعف وفيه غصه وكانت بتصيح )
رهف : موزه حبيبتي ياقلبي لاتصيحين كملي شقالت لج
موزه : رهوووف اقولج وحده ردت علي
رهف : اوك شقالت لج هاي المهم
موزه شوي وتصيح : سالتها انتي من قالت لي انتي الي من قلت لها وانتي شعليج قالت لي علي انج متصله على زوجي (ورجعت اتصيح )
رهف وهي منقهره من محمد ومنصدمه منه واااايد : موزو خلاص لاتصيحين خل يولي لين ردينا الفند بنتفاهم
موزه تكتم شهقتها وتمسح دموعها : الله يهداج يارهوف شلون اخلي يولي
رهف بحده وحزم : موزه انا شقلت لج خلاص لين رجعنا بنتفاهم عاجبج شكلنا جي والناس تطالعنا
موزه : اوك خلاص
رهف :ههههه الله يفشلج الكحل ساح وشكلج يخرع صار
موزه : ههههههههه امبي طاح برستيجي
رهف : هههه مب جنج قبل شوي تصيحين وحالتج لله والحين تضحكين
موزه : ههههههه شاسوي زين
رهف : ههههههههه لتسوين شي تعالي خسلي ويهج وخل نروح ناكل لاني ميته يوع و انسي لين مانروح الفندق
موزه : هههه اوك انا بعد يوعانه





\
/
\
/





في فيرجن
عند مريم وعليا
الساعه \ 6:00


مريم : علوي يلا خلصينا
عليا : انزين قولي لي اخذ الاي باد ولا لا
مريم متملله : اووووف اخذي وفكينا
عليا : زين زين
دفعت عليا وراحو عند البنات المطعم ينطرون موزه ورهف





\
/
\
/





في المطعم
عند البنات
الساعه \ 6:30


طلبو البنات المقبلات وبدو ياكلون لين ماتجي طلباتهم الرئيسيه وصلو رهف وموزه وكانت اثار الدموع ليحين على وجه

وضحى : موزا شفيج
موزه : ها مافيني شي ليش
جواهر : ويهج متنفخ
رهف تضيع السالفه : ههههه حلوه حلوه
ريم : لا جد شفي ويهج
رهف : هههه اقولكم رحنا سوينا بوتكس
مريوووم : ههههههه اما
وضحى : ههههههه عن السخافه
موزه : هههه من صجي (وتغمز لهم )
البنات اضحكو على خباله بس احترمو رغبتها في السكوت وانا ماتبي تقول لهم عن الي صاير لها
تغدو البنات وحاسبو وكانت الساعه 8:00
راحو وقعدو في الكوفي وتمو يهذرون لين الساعه 11:30 قامو لانهم تاخرو وباجر بيقومون من وهل راحو الفندق وبدلو ونامو




\
/
\
/




اليوم الثاني
الاثنين \ 28-6-1999
الساعه 6:30 am


توهم قايمين البنات اجهزو ولبسو كاجول لانهم بيروحون ديزني لاند
كانو لابسين برمودا جينز تحت الركبه بشوي وبدي شوي طويل وقالو لما يوحون ديزني بياخذون تيشيرت ديزني الي يكون عليه الشخصيات وبيلبسونه خذو لهم سياره وراحو وكان الطريق بينهم وبين ديزني نص ساعه خذو لهم تكت حق الدخول وكل وحده فيها اسمها دخلو وعلى طول راحو الستور الي يبيع التيشيرتات والاغراض خذدو لهم تيشيرت عليه كل شخصيات ديزني ومكتوب في النص 2010 وخذو باجات وحطو فيها التكت وخذو شناط على الضهر وحطو فيها اغراضهم لان بيكون اسهل عليهم وكانو لابسين جواتي رياضه ولامين شعورهم على شكل ذنب الخيل وطلعو من المحل وقامو يركضون ويناقزون كانهم يهال وياخذون لهم ايس كريم وحلويات ويلعبون في الالعاب مالت اليهال وبعدين راحو عند الالعاب الي مالت الكبار راحو عند الرولر كوستر الي على شكل النفق ودخلو وكانو هم 13 وكان في 3 اشخاص قاعدين اثنين جنب بعض وواحد بروحه لان كان عدد الكراسي الي في القطار 16 كرسي اركبو البنات وتوهقت وضحى انها بتقعد جنب واحد


وضحى : يالسخيفات انا وين اقعد
رهف : ههههههه في المكان الي واقفه فيه
وضحى متوهقه : لا والله شلون اقعد جنب واحد ما اعرفه
موزه : هههه عادي شفيها ترا انتي في كرسي وهو في كرس ومابياكلج احنا وراج
وضحى وويها مستوي احمر ومنحرجه : والله تركي لو درا بيذبحني
هني رهف وموزه ماقدرو يستحملون وتمو يضحكون عليها وعلى الموقف
وضحى عصبت : والله انكم سخيفات وبقعد والي فيها فيها وبتجوفون لما تخلص اللعبه بتنضربون
موزه : ههههه هاي اذا كان فيج حيل
رهف : اي واذا كنتي موجوده هههههههههه
وضحى : ترا مب صاحين شفيكم انتو تتضحكون
موزه ورهف : مافينا شي هههههههه


قعدت وضحى وهي معصبه على البنات ومتفشله من الولد الي جنبها ويبين عليه خليجي بس هي مانتبهت على شكله وايد اقعدت وصكرت عليها وبدت اللعبه كانت العبه اول شي تدخلون في نفق ويكون ضلام تتقلبون وتصارخون لين ماتقولون بس البنات ماتو من الصراخ ووضحى تصارخ وبعدين تنحرج من الي جنبها الي قاعد يضحك ولا عليه من احد وبعد ماتطلعون من النفق تجوفون قدامكم ان السكه الي تمشون عليها في نهايتها مقطوعه البنات كانو بيصيحون من الخرعه قامو يصارخون ووضحى شوي وتصيح وهي متخرعه وتدعي على البنات وتسبهم تركي ماقدر يستحمل اكثر ويجوف وضحى متخرعه

تركي : وضحى حبيبتي خلاص شفيج
وضحى تخرعت وكان عسبالها انا تتخيل تركي يكون موجود معاها قامت تصارخ اكثر
تركي : ههههه وضحى شفيج ترا عادي كلها لعبه
وضحى الحين تاكد اتها ستخفت من اللعبه وتمت تصارخ وتنادي البنات ورهف وموزه ماتو من الضحك تمو يضحكون عليها
وضحى : واااااااااااي يمااااااااا رهوف وموزو حسبيالله عليكم يالكلاب (وبعد شوي حست باحد يمسك يدها ويكلمها لفت عليه وعرفت انه تركي كانت بتصيح بس اسكتت من الاحراج )
تركي : ههههههههه وضحى شفيج انا هني (مد يدا ومسك يد وضحى علشان تعرف ان هو الي جنبها )
وضحى : ههههههههههههههههههههههههه (انفجرت من الضحك على نفسها )
تركي : ههههههههه وي استخفت مرتي كله منكم لو قايلين لها مب احسن
وضحى : هههه من الي يقولي

(وقفت اللعبه ونزلو البنات وشردو على طول علشان وضحى ماتجوفهم وتتوهق وتقعد مع تركي لان متفقين على هالشي)

تركي : روهف وموزو انا اتصلت فيهم اليوم الصبح وقلت لهم اني وصلت من امس وكنت ابي اسوي لج مفاجأه وقلت لهم وهم قالو انكم جاين ديزني وقالو لما نركب هالعبه يوهقونج ويخلونج تقعدين جنبي
وضحى : ههههههه وانا اقول ليش يوم اكلمهم يضحكون ويوم جبت طاريك انفجرو ضحك والله بيجوفون شبيصير فيهم
تركي : ههههههههههه شنسوي فيج معانده تقعدين بعدين عادي اذا قعدتي جنب واحد مدام انتي في اللعبه ومضطره عادي محد بيقولج شي
وضحى : والله عادي منصجك
تركي : ه اي عادي شدعوه ترا انا مب معقد
وضحى : المهم يلا باي انا بروح عند ربعي
تركي : مسك يدها قبل لاتروح : ههههه ربعج ميين ياقلبي اليوم بس بنكون انا وانتي مع بعض
وضحى انحرجت : ههه اوك
راحو هالاثنين يلعبون مع بعض تغدو وكملو لعب وتمو يتمشون وقعدو شوي في الكوفي



.. يتبع ..

يــــــــــــــــــتـــــــــــــــــبــــــــــــ ــــع







\
/
\
/







في ديزني لاند
في المطعم
عند البنات
الساعه 9:00 pm


طبعا البنات عقب ما راحو من عند تركي ووضحى راحو يتغدون لان كانت الساعه 2:00 العصر وبعدها كملو لعب وعلى المغرب قعدو في الكوفي شوي وبعدها كملو لعب وتمشو وجافو عروض وبعدها راحو يتعشون


لولو : اوف متنا من اليوع
شوق : اوف وين الاكل
شيخه : بس انتو الثنتين ماتشبعون
لولو : كيفنا
شيخه : لا والله جوفو نفسكم شوي وتنبطون
شوق : على الاقل احسن منج مب بنموت من الضعف
مريم : ايهييييييي علينا
شوق : اشفيج انتي الثانيه بعد
مريم : فيني ان انتو ماصخات وكلا تتهاوشون
لولو : حدج عاد لاتسبين سمعتي
مريوووم : بس خلاص عورتو راسنا
عليا : عورتو راسنا ابروحنا تعبانين وانتو تزعجون الواحد
رهف : ابروحنا تعبانين وانتو تزعجون الواحد والله مللتونا
موزه : والله مللتونا اسكتو اشوي
ريم : اسكتو اشوي والله فشلتونا
منيره :والله فشلتونا قدام الناس
جواهر : مب بس فشلتونا قدام الناس الا طاح برستيجنا
هند : طاح برستيجنا بقو بعد
لولو معصبه : بس بس لوعتو جبودنا
شوق معصبه : وطفرتونا مايسوا علينا
لولو ليحين معصبه : لا وبعد كل وحده تاخذ اخر كم كلمه من الي قبلها وتقولها
شوق بعد معصبه : تستهبلون تحلون كلمات متقاطعه


البنات ماقدرو يجوفونهم معصبين وهم اصلا يستهبلون عليهم وقاصدين الحركه انفجرو من الضحك عليهم تمو البنات يضحكون ويستهبلون مع بعض بعدها جا اكلهم كلو وخلصو وقالو بيتمشون شوي في المحلات الي في ديزني وبيتصلون في وضحى الي من الصبح ماجافوها وكانت الساعه 10:00 pm


مريوووم معصبه : رهوف وموزو اشلون ماقلتو لنا ان تركي بيجي
رهف توهقت : ها اصلا احنا مادرينا الا الصبح
موزه وهي الثانيه متوهقه : والله بس الصبح عرفنا وقال لنا مانقول حق احد
مريوووم : حلفو عاد هاي حركه تسونها
موزه : ليش احنا شسوينا
مريووم : لا والله وتسون نفسكم بريئات
رهف : ها لا يعني بس ماكان قصدنا
مريووم : انزين يلا اتصلو وجوفو البنت وين علشان نرجع الفندق ترا الطريق بعيد واحنا بنات بروحنا في هالليل
رهف : اوك خلاص بتصل فيها الحين


اتصلت رهف في وضحى وقالت لها تجي علشان يروحون وجات هي وتركي عندهم علشان يروحوت بس تركي رفض اهم يرجعون بروحهم فلليل وقال ان هو بيوصلهم بس هم قالو ان عادي وهم بيروحون بسيارتهم بس هو قال لهم ان بيمشي وراهم لين الفندق اطلعو من قريت ديزني بالاصح وكان وراهم تركي وصلو الفندق وكان ليحين الشانز مليان عرب راح عنهم تركي لانه تعبان من السفره وهم راحو يبدلون ويتسبحون لان الجو كان حار شوي اليوم ولاعت جبدهم من نفسهم من كثر اللعب المهم تسبحو ولبسو جينزات وبديات كاشخه وتعدلو ونزلو وكانت الساعه
11:00 pmيقعدون في احد المقاهي مثلهم مثل الناس الي في هالشارع شغلتهم الوحيده قعدتهم في المقاهي التي تعد الشي الاساسي في هذا الشارع المزدحم بالسياح من كافت الدول في العالم واكثرهم الخليجيون يجلسون في المقاهي بهدف الفرجه والنضر للماشين والتحدث عنهم وبعض السياح ينزلون من غرفهم وهم في غاية الزينه والتبرج للاستعراض في هذه المقاهي وخاصتا البنات
( يعني كان في وحده قبل ثلاث سنين تقريبا تنزل في وقت محدد حتى الشباب الي في المقهى يعرفون وقتها تنزل بنقاب بس واسعه فتحته وتكون حاطه ميك اب ثقيل وعبايه قصيره لين تحت الركبه وتحتها فستان ينراح فيه عرس ويكون طويل ولابسه كعب وريحتها تفوح من كثر العطر الي حاطته شغلتها بس تمشي قدام المقاهي وتستعرض)
الموهييييم ماعلينا منها نرجع لمحور الحديث قعدو البنات في هالمقهى وسوالف وضحك لين ماصطلو كانت الساعه 1:00 pm طلعو من الكوفي وراحو الفندق على طول بدلو ونامو لانهم كانو تعابه بعد يوم طويل مر عليهم بحلوه وبمره







\
/
\
/







بعد ثلاث ايام
يوم الخميس
1-7-2010



مرت ثلاث ايام على ابطال روايتنا كانو مستانسي فيها طلعات وتمشي ووناسه وابطالنا مرو بضروف وبعضهم يحاول يجتاحها وبعضهم الذكريات تذبحهم والشوق لاهلهم وبدو يحسون بشوية غربه

موزه : حاولت تنسى سالفة محمد والي صار معاها وكان دايما يتصل عليها طول الوقت وهي ماترد عليه
رهف : تحاول تهدي موزه وتحاول تعرف السالفه من محمد بس هو مب راضي وكل ماقالت لها يضيع السالفه
وضحى : عايشه جوها ومستانسه مع تركي وتحاول انا تخف من خجلها الي بحضور تركي يكون نازل عليها وااايد
تركي : مستاانس ومحد قده وهو مع وضحى ويحاول يلاقي له شقه علشان يسكن فيها لان مابقى غير ايام وتبتدي الجامعه
منيره : مشتاقه حق امها وااااايد لان علاقتها فيها وايد قويه تعدها امها واختها وكل شي
علي : راح لندن وهو مكيف على الي صار له مع هند ثاني يوم من وصوله والي هو ان عطته رقمها بكل جرائه وهو مستانس ومكيف ان وحده مثل هند تكلمه وماعطته وجه
هند : مستاسه في صيدتها الجديده الي هو علي الي عطته رقمها وصارو يكلمون بعض كل يوم بس تحاول تتحاشى منيره طول الوقت لانها احيانن تحس بالذنب ان يصير اخو رفيجتها
ريم : مشتاقه حق اهلها وتحس بفراغ عاطفي وتحاول تشغل نفسها بس ذكرا مبارك الي تجتاحها كل ماقعدت بروحها تتعذب منها وتحاول تتناساها بوجود البنات حولها
لولوة وشوق ومريووم وعليا ومريم وجواهر وشيخه : لاهين في وناستهم واستهبالهم ومافي بالهم شي يشغلهم بس يحاتون الشقه الي بياخذونها







\
/
\
/







يوم الخميس
1-7-2010
الساعه \ 7:30
في غرفة موزه ورهف


موزه تتكلم مع ابوها في التلفون ورهف قاعده تلبس الانهم كانو بيطلعون وكانو يبون يدورون شقه تكون قريبه من الجامعه وتكون في مكان حلو وفيه عرب وناس ومحلات علشان مايتعذبون في المواصلات

موزه : هلا يبا شكنت تبي مني
ابو موزه : حبيبتي كنت ابي اقولج اني لقيت لكم شقه
موزه مستانسه : قول والله وناااسه
ابو موزه يضحك : هههه ياهل عندج المهم الشقه في حي قريب من الشانز يعني شارعين بينكم وبينه والحي في وايد عرب وخليجين وقريب بعد من الجامعه
موزه : ههههه محشوم يبا , اي والله زين انه قريبه من كل شي لان كنا خايفين مانلاقي شقه قريبه من الجامعه الحمدالله
ابو موزه : انزين يبا هذي هي المفاجئه الثانيه الي قلتلج عليها المهم انا الحين بسافر برجع الدوحه
موزه : صج يبا حسافه ابي اسلم عليك
ابو موزه : لا يابوج وين تسلمين انا وصلت المطار سلامج وصلا يلا حبيبتي مع السلامه
موزه متضايقه : باي

تضايقت موزه ان ابوها سافر حست انم مابقالها احد في هالبلاد ولانها متضايقه من موضوع محمد قامت تصيح جات لها رهف وتمت تهديها وبعدا اتصلو في البنات وقالو لهم ان بيروحون يجوفون الشقه الي ابو موزه خذها لهم
راحو البنات الحي الي فيه شقتهم وراحو صوب العماره كانت بس ثلاث ادورا وكانت شققها واسعه الدور الي هم فيه الثالث وكن فيه ثلاث شقق وحده مسكونه وشقتين فاضين الي هم ماجرينهم كل شقه فيها ست غرف و صاله عوده وصاله صغيره واربع حمامات ومطبخ وكانت وايد مريحه وواسعه والوانها مريحه وحتى الاثاث حلو ارتاحو وايد البنات وقالو ان فليل راح يجون يقعدون فيها ويرتبون اغراضهم رجعو الفندق وحطو اغراضهم ي الشناط وحطوها في السياره وكانت الساعه 2:30 راحو يتغدون مع انهم مب متعودين يتغدون من وهل بس لانهم مافطرو اليوم وبعدها راحو الشقه وحطو اغراضهم وكانت ترتيب الشقتين بهالشكل

الشقه الاولى :
1- رهف
2- موزه
3- جواهر
4- وضحى
5- لولوة
6- شوق
7- ريم

الشقه الثانيه :
1- هند
2- منيره
3- شيخه
4- مريم
5-مريووم
6- علياء

كانو الي في الشقه الاولى كل وحده في غرفه بس شو قالت بتفرش الصاله الصغيره على اساس انها غرفه وبتقعد فيها لانها تحب تجوف التلفزيون قبل لاتنام
اما الشقه الثانيه كانت على عدد البنات الغرف والصاله الصغيره قررو يسونها غرفت سينما







\
/
\
/







في الجمعيه
الساعه 4:00 المغرب
عند البنات

توزعو البنات على اقسام كل ثنتين جيبون شي من الاشياء حق الشقتين بس علشان يخلصون بسرعه ومايتاخرون
رهف وموزه (العصاير والحليب والاجبان والالبان والبهارات والمكسرات)
جواهر ووضحى (الاكلات المعلبه والزيتون والبتزا المعلبه والاطعمه الي تكون مفرزنه في علب )
لولو وشوق (الاجباس والحلويات والكوافي والبسكوت والمشروبات الغازيه )
هند وريم ومنيره (الدجاج والحوم والاسماك والستيكات بانواعها )
شيخه ومريم (الفواكه والخضار والبهارات والمكسرات)
مريوووم وعلياء عجايز القروب (اهتمو في الاواني والصحون والاغراض الي ينطبخ فيها )

خلصو البنات من الجمعيه على الساعه 5:00 بعدها راحو محل للفرش علشان ياخذون لهم كفرات وفرش للاسره لان في الشقه مافي هلاشياء بس موجوده الاشياء الاساسيه الاثاثا الي ابو موزه اتفق مع ابهات البنات وشرو حق بناتهم وهو الي تكفل في كل شي المهم بعدها راحو محل الستاير خذو ستاير راقيه بس عادي مب وايد فخمه لانها داخل الغرفه وكل وحده خذت على اللون الي تحبه علشان غرفتها وبعدها راحو ياخذون غرفه حق شوق علشان هي الوحيده الي ماعندها وبعدها راحو الشقه وجابو الاثاث حق الغرف العمال وركبو قعدو البنات ينضفون المكان ويرتبونه على كيفهم وبعدها سوو لهم معكرونه على العشى وقعدو ياكلون وبعدها تسبحو ونامو لانهم كانو تعبانين من الشغل الي سوو اليوم






\
/
\
/






يوم الجمعه
2-7-1999
الساعه 1:30 الضهر





قامو البنات وهم مصطلين بالياله يتسحبون من الاسره البسو واجهزو اليوم بيكملون دواره حق تعديل الشقه تفطرو وطلعو راحو محلات الي تكون فيها الاكسوسريز مالت البيت والغرف وخذو اشياء وايد حق الشقتين وحق غرفهم وبعدها راحو يتغدون وكانت الساعه 4:00 خلصو غدى على الساعه 6:00 لان كان المطعم زحمه شوي وبعدها رجعو شقتهم وقعدو يرتبون الاغراض والاشياء الي شروها وبخرو الشقق وحسو انهم في الدوحه من البخور كل وحده امها حاطه لها بخور في شنطتها وبعدها طلعو ياخذون مساند حق الارض وسجاد وافلام علشان غرفة السينما الي بسونها ورجعو الشقه وكانت الساعه 9:30 عدلو غرفة السينما وصارت روعه كل وحده عندها مخده كبيره على اللون الي تحبه وفراش وسجاده من تحتهم بيضه وبعدها شوو غشى وكلو ونامو







نهاية البارت السادس


.
.
.



لا الـــه الا الـــلـــه


.
.
.



توقعاتكم

1- موزه بتعرف السالفه وبتعرف من الي كلمتها من عند محمد وبتتقبل الوضع ؟
2- تركي بيتم على حاله هو ووضحى ؟
3- البنات بيتمون كلهم في هالشقتين ؟
4- بيصير شي معاهم في الشقه وبيتغير حالهم ؟
5- متى بيبتدون البنات دراستهم ؟