كاتب الموضوع :
جورية الدوحه
المنتدى :
ارشيف خاص بالقصص غير المكتمله
يـــــــــــــــــــــــــــتــــــــــــــــــــب ــــــــــــــــــــــــــــع
ابو ناصر : والله يبنيتي بنفتقدج وايد
وضحى وهي تبتسم علشان تطمن ابوها : وانا بعد يبا بس شاسوي لازم اروح ادرس
ام ناصر : صح كلامج يبنيتي الدراسه اهم شي
ابو ناصر : اي وانا ابوج اهتمي بدراستج وصلاتج هاي اهم شي في هالحياه
وضحى : انشالله
ام ناصر : اي ياحبيبتي الشهاده هي سلاحج في الحياه
فهد : وضوح يالشينه بتوحشيني ياتوامتي العزيزه
وضحى وشوي وتصي : وانت اكثر والله فهود
فهد : حطي بالج على عمرج
وضحى : انشالله ولاتنسى تزورني
فهد : من عيوني هاي اذا مب كل اسبوع عندج
وضحى : هههه اتحدى
فهد : اوك بتجوفين
نبذه بسيطه عن عائلة وضحى
بيتهم كبير مشالله وعندها اربع اخوان غيرها
ابو ناصر : مبارك وعمره (63)
ام ناصر : منيره وعمرها (50)
ناصر :عمره (29) يشتغل وماتزوج
نجلاء :عمرها (27) تشتغل ومتزوجه
نوره :عمرها (24) تدرس في جامعة قطر
فهد :عمره (18) توئم وضحى ويدرس في جامعة تكسس في قطر
وضحى : توئمت فهد عمرها (18) بتروح فرنسا تدرس
ام ناصر : : حبيبتي وضحى من بيوديج
وضحى : رهوف والبنات بيمرون علي
ابو ناصر : انزين يبنيتي انشالله مانسيتي اي شي
وضحى : لا يبا كل الاغراض ودوها المطار مساعه
وبعدها تمو يسولفون وماوعو اله احد يطق الباب
ابو ناصر : مايندرا من عند الباب
فد : انا بروح اجوف
وراح فهد يفتح الباب
فهد : السلام عليكم حيالله من جانا
تركي : وعليكم السلام , يحيك ويبقيك , شخبارك عساك بخير
فهد : الحمدالله و اسئل عنك
تركي : الحمدالله ,عندكم احد غريب
فهد وهو توه يتذكر انه مخلي الولد واقف عند الباب : لا تفضل والسموحه اني خليتك على الباب
تركي : لا عادي و يلا خل ندخ
ودخلو داخل وسلم على ابو ناصر وام ناصر وبعدها جا دور وضحى قرب عندها ومد يده
تركي وهو ماد يده : السلام عليج اخبارج
وضحى وهي مستحيه : وعليكم السلام الحمدالله بخير وانت
تركي وهو شاق الحلج : دوم انشالله , تمام والله
وضحى : يدوم عزك
تركي وهو يقعد جنبها : الا اقول شهالزين كله
وضح وهي تتلون : احم من ذوقك
تركي وهو يرفع صوته : الا اقول ياخالتي شالسالفه اجوف الدريول مودي شناط في السياره
ام ناصر : اي يوليدي هاذي وضحى بتروح فرنسا تدرس
تركي وهو يسوي نفسه مايدري : صج ياخلتي والله محد قالي
وله وضحى تضربه بكوعها على خصر وتكلمه بصوط واطي : سخيف ماجني امس قلت لك
تركي :ادري بس استهبل
ام ناصر : صج بس وضحى تقول انها امس قالت حق شيخه وكلمتك شيخه وقالت لك
تركي وهو يضرب جبهته : اووووو نسيت والله صح صح قالت لي بس مانتبهت
وبعد دقايق من الحديث المتواصل عن الحال والاحوال ومن هي الاساله اسمعو هرن عند الباب على طول وضحى عرفت انه البنات جو فراحت ولبست عبايتها وحطت شيلتها باهمال ولما وصلت قريب الباب
ام ناصر : وين بتروحين وضحى
وضحى وهي مستعجله : اما البنات جو يلا باي بروح (وراحت حبت راس امها وابوها وسلمت على اخوها ونست تركي ولما فتحت الباب
تركي : وضحى صبري
وضحى : اوك
تركي وهو واقف عندها : لا ماتروحين
وضحى وهي فاتحه عيونها على الاخر : لــــــــــيــــــــش
تركي : لاني انا قلت انج ماتروحي وانا الي بوديج فيها شي ياخالتي
ام ناصر : ههههه لا مافيها شي يوليدي
فهد : ههههههه صبيت قلب اختي المسكينه جوف ويها شصار فيه
تركي : هههههههه ماكنت اقصد بس خلاص انا بوديج
وضحى وهي ليحين مب مستوعبه : يعني شلون خلاص ما اسافر
تركي : هههههههه لا بتروحين انا بوديج
وضحى وهي تعدل عمرها وتوها تستوعب : اها ههههههههههههههههه (وتنفجر من الضحك على الحركه الي سوها تركي فيها )
تركي : يلا يامره امشي
وضحى : شنو من المره
تركي : ههه انتي مب مرتي يعني خلاص مره
وضحى مستحيه : ههه اها توني استوعب
وبعدها طلعت وقالت حق البنات انه تركي بيوصله وقعدو يزفونها لانها اخرتهم على الفاضي
\
/
\
/
علي : مريم ترا انا كل ويك اند بكون عندج اوك
مريم : اي اوك احسن علشان اطلع معاك كل ويك اند
ام علي : اي والله احسن لج اخوج يمر عليج كل اسبوع
مريم : اوك
علي : الا اقول رفيجاتج حلوات
مريم : اي كل وحده احلى من الثانيه
علي : عيل مب بس كل اسبوع عندكم بيصير كل يومين
مريم : احلف عاد اجوفك تقرب صوبنا بس
علي : هههه اوب عصبت اختي الحلوه
مريم : اي اي تمصلح لين ما تقول بس بعد ما بتقرب صوب ربعي
علي : ههههه اوك اوامر ثانيه
نبذه بسيطه عن عائلة مريم
بيتهم كبير وعندها اخوين صبيان غيرها
مريم :-
ابو علي : جبر وعمره (47)
ام علي : لمياء وعمرها (44)
علي : عمره (23) يدرس في لندن
مريم : عمرها (18) بتروح فرنسا تدرس
محمد : عمره (16) في اول ثنوي
مريم : ههه لا مشكور
علي : هههههه صدقت عمرها الاخت
مريم : يحقلي
ام علي : زين يمه يلا قومي روحي المطار بتطير طيارتج
مريم : اي انشالله بس من بيوديني
ام علي : السواق او اخوج
علي : لا يمه شنو السواق انا بوديها
ام علي ك اي والله زين يلا قومو روحو
علي : انشالله
مريم وهي تحب امها على راسها : يلا يما مع السلامه اجوفج على خير
ام علي : ماوصيج على عمرج يبنيتي
مريم وهي تصكر عباتها : انشالله لا توصيني مدام امنا مريوووم معانا لا تخافين عليها
ام علي : مشالله عليها مرييوم فطينه وامينه على نفسها وعلى غيرها يلا بحفظ الله
مريم : مع السلامه
وبعدها طلعت مع اخوها وراحو المطار ماكان بعيد ولا قريب يعني فالنص تقريبا اوصلت ونزلت وبعدها كلمت البنات وراحت لهم
\
/
\
/
في بيت كبير ومملوء من الاخوان والاخوة وابناء العم وابناتهم كانت شيخه وحده منهم لاكن كان كل شي في هالحفله على شرف توديعاها
شيخه : مشكورين وماقصرتو
العنود : اشدعوه عاد مب جنه انتي اختنا
نبذه بسيطه عن بيت شيخه
بيتهم كبي وعندها اربع اخوان غيرها
ابو عبدالله : سعود وعمره (48)
ام عبدالله : عائشه وعمرها (46)
عبدالله : عمره (23) ويدرس في لندن
حمد : عمره (21) ويدرس في لندن
العنود :عمرها (20) تدرس في جامعة قطر
شيخه : عمرها (18) بتروح فرنسا تدرس
فاطمه : عمرها (13) اول اعدادي
شيخه : اي بس انا لازم اطلع الحين
ام عبدالله : لا وين بتروحين لازم تتغدين
شيخه : بس جي بتطير عني الطياره
ام عبدالله : انزين على كيفج خل اخوج يوصلج
قعدت شيخه تسولف مع اختها وبنات عمها وعماتها الي كانو كلهم جاين يسلمون عليها وبعدها بدقايق سلمت على الكل وركبت مع اخوها وراحت المطار وتصلت على البنات والتقت فيهم هناك
\
/
\
/
في بيت مملوء من الاخوه الصغار منهم والكبار
عمر : والله وبتسافرين يا هنود
سميه : اي والله مستانسه الاخت
هند وهي شاقه الحلج : اكيد يا قلبي بروح باغيييييييييي
عمر : هههههه عدال ليطيح حنجج وانتي تقولنها
هند : هههههههه شاسوي مستاااانسه حدهييي
ام عمر : عساها دوم انشالله
ابو عمر : هند يبا
هند : سم يبا
نبذه بسيطه عن عائلة هند
بيتهم كبير وعندها ست اخوان غيرها
ابو عمر : عادل وعمره (51)
ام عمر : دينا وعمرها (49)
عمر : عمره (22) يدرس في كلية الطيران
سميه : عمرها (20) تدرس في جامعة قطر
هند : عمرها (18) بتروح فرنسا تدرس
عائشه : عمرها (16) في اول ثنوي
عبدالله : عمره (5) في الروضه
ابو عمر : سم الله عدوج بقولج هالشي وحطيه في بالج عدل عاملي الناس يبنيتي كما تحبيهم ان يعاملوك
هند : انشالله يبا
ام عمر : الا اقول هنود ليش ليحين ما رحتي
سميه : اي والله ترا الساعه وحده ونص
هند وهي تضرب جبهتها : ابييييي تاخرت ياويلي من البنات
وقامت اتصلت فيهم قالو لها انهم اوصلو قبل دقايق على طول صكرت منهم ولبست ملا بسها ونزلت من الدري ولبست عباتها ولما وصلت عند الباب
عمر : وين بتروحين يالخبله
هند : ههه بروح المطار يلا قوم ودني
عمر : ههههههه اوك دقيقه البس ووديج
هند : لاتتاخر
عمر وهو يركب الدري بسرعه ويطل عليها من فوق : هههه اوك دقيقه
لبس عمر وتكشخ بيروح المطار وبيجوف بنات نزل بسرعه وركبو السياره وطلعو من البيت طبعن بيتهم مب وايد بعيد لاكن لازم يمرون الكورنيش وكان شوي زحمه وبعد كم دقيقه اوصلو المطار وكانت تقريبا اخر وحده من الي وصلو هناك
\
/
\
/
ام شوق : ها شوق اجوفج معزمه
شوق : نعم اكيييييد معزمه
ام شوق : حلفي عاد
شوق : هههه والله
ناصر (خال شوق ) : اي اكيد مستانسه بتروحين هناك وعلى كيف كيفج محد بيدري عني
شوق : هههههه عاد خالي انت اتعرفني زين مب مال هالسوالف
ناصر (خال شوق) : هههه ايادري بس لج ببيسكو
شوق وهي تسوي نفسها مستحيه وتدز جتف خالها بالخفيف : هههه خالي صايدني يلا عاد
خل اعطيكم نبذه بسيطه عن شوق
بيتهم صغير يضمها هي وخواتها الثنتين وامها
ابو شوق : فهد متوفي (الله يرحمه )
ام شوف : رفيعه عمرها (49)
شوق : عمرها (18) بتروح فرنسا تدرس
نوف + عائشه : عمرهم (15) في ثلاث اعدادي
ناصر (خال شوق) : يشتغل وعمره (27) ويحب شوق وايد كان اخوها العود
ناصر (خال شوق) : ههههه شنسوي فيج من تجوفينه في التلفزيون وتقعدين تتسدحين علينا
ام شوق : اي والله وانت الصاج
نوف : اي وكله تسولف عنه
عائشه : اي وحاطه صوره في غرفتها
شوق : جب جب انتي وياها وايد عطيتكم ويه ما بقا الا اليهال وبعدين قبل كنت حاطتهم على التسريحه والحين في شنطتي طبعا
ناصر (خال شوق) : اي اكيد شي طبيعي عيل بتخل صورته عندنا اكيد بتاخذها
شوق : عاد عاد عاد بلا مصاخه وايد استلمتوني
ناصر (خال شوق ) : ههه شنسوي نبي نطفر فيج قبل لا تسافرين
شوق : لا والله الشره علي اني قاعده معاكم بروح اقول حق فهود يوصلني
ناصر (خال شوق ) : على كيفج هو يلا عاد ما عندنا بنات تروح مع عيال عمها
شوق : اقول ليكثر الا فهود
ناصر (خال شوق) كاتم ضحكته : انا قلت لا يلا اجوف جدامي لبسي عباتج وعلى السياره
شوق : ياخي قول من البدايه انك بتوديني (وتدزه على جتفه كانه واحد من الشباب)
ناصر (خال شوق ) في هالحضه وبعد هالحركه ما قدر يكتم ضحكته اكثر على بنت اخته الي يحسها عربجيه على قولت السعوديين المهم ما علينا لبست وراحت السياره ووبعد نص ساعه وصلو المطار وكانت هي اخر وحده من الواصلين اركضت على طول تدور على البنات لانه ما بقى على الطياره الا دقايق اركبو البنات كلهم كانو حاجزين البزنس كان 14 كرسي وهم 13 كان كرسي فاضي ومن حضهم انه محد قعد فيه طبعا البنات خذو راحتهم على الااااااخر كل وحده تسدحت بالطريقه الي تحبه والي تقرا روايه وتصيح والثانيه تضحك والثالثه تقرا بصمت والرابعه وهي تسمع اغاني والخامسه تطالع الفلم اكشن والسادسه فلم رومنسي والسابعه فلم كوميدي والثامنه فلم درامي والتاسعه تقرا روايه غير عن الاربعه الي يقرون مع بعض والعاشره حاطه الايبود في اذنها وتطالع منضر الغيوم والحدعش حاطه الاب توب على حضنها وتكتب يومياتها والثنعش حاطه على مسلسل وقاعده تتابعه والثلطعش هاي الي حالتها خاصه كانت حزينه وتفكر في امها الي ما رضت عليها بعد ساعتين من هالحال الي كانو قاعدين عليه البنات تمللو وكانو يبون يسون اكشن شوي واتفقو انه يونسون عليا بما انها متممله قامو يقصون من المجلات الي محطوطه في السلال الي قدامهم ويسون طيارات وبع شوي قامو يحذفونها على بعض ويضحكون بهستيريه ويستهبلون وعليا قامت تطالعهم وتضحك على هبال ربعها وبعدها خذو المواسد الصغيره وقامو يحذفونها على بعض والي تسب والي تضحك وما كانو حاسين بالي قاعد يراقبهم وهو حابس ضحكته وبعد دقايق من الي يسونه قامو يسلمون على بعض ويستهبلون ويحبون خشوم بعض ويضحون والولد اول ما جاف هالشي تم يضحك على اشكالهم الي تموت ضحك والبنات تفاجئو من الي قاعد يضحك ويقولهم والله انكم توووحفه يستهبل عليهم بعدها البنات كل وحده اقعدت وحترمت عمرها وعدلو المكان الي خربوه وبعد الي سوه حطو روسهم وتلحفو ونامو وما قامو الا قبل ما يوصلون بساعه وكل وحده فصخت عباتها وشيلتها وعدلت فستانها الي يوصل لين فوق ركبتها بشوي ولبست كعبها العالي الي يزيد من انوثتها وعدلو شعورهم كانو جايبين الفير الي بالبطاريه وقامو يسون شعرهم وكل وحده تحط ميك اب حق الثانيه بس كان خفيف مب وايد وبعدها اعلن الطيار انه مابقه اله دقايق على الهبوط في مطار باريس العاصمه البسو البنات احزمتهم وبعد دقايق اوصلت الطياره ونزلو البنات وكان في واحد من السفاره استقبلهم وسوو الجوازات وبعدها اسطفو البنات جب بعض وقامو يتمشون نفس المشيه ونفس الفستان ونفس الشناط ونفس الكعب ونفس ستايل الشعر والميك اب الشي الوحيد الي يفرقهم الوان بشرتهم وملامحهم وطولهم الي ما خلف وايد عن بعض اطلعو البنات وم يلبسون نضاراتهم ونضرات السواح والناس تلاحق هالبنات الي دخلو بهيبتهم وكشختهم وكانو الشي الرايسي لمنضور الناس بعدها اول ما طلعو من الباب تفاجئو بالسياره اللوموزين الطويله الهمر الي تنطرهم اركبو بكل شموخ واول ما دخلو قامو يضحكون ويستهبلون وبعد دقايق اوصلو لفندقهم الي في الشانز انزلو بكل شموخ وحده ورا الثانيه والناس تطالعهم على اشكالهم المتشابها وبعدها مريووم وعليا سوو جك ان على الغرف الي ماخذينها وقالو بيروحون يتغدون وبعدها بيروحون برج ايفل علشان ياخذون صوره جماعيه لهم كلهم ولما كانو في المطعم تفاجئو بتلفون مريووم يرن برقم قطر
مريووم : الو
ام سلطان : الو السلام عليكم
مريووم والصدمه مبينه على وجها : وعليكم السلام (وكانها توها تستوعب ) هلا هلا خالتي شخبارج
ام سلطان : بخير الحمدالله , انتي شخبارج واخبار السفره والحمدالله على السلامه
مريووم : انا بخير والسفره بعد بس عليا حدها زعلانه ومكتئبه ومن اول ما جات المطار وهي تصيح
ام سلطان تمسح دموعها : اها عطيني ياها بكلمها
عليا وهي تاخذ التلفون ومب مستوعبه شي من الي قاعد يستوي : الو السلام عليكم
ام سلطان ما قدرت تستحمل تسمع صوت بنتها مبحوح وكئيب مب مثل دايمن , تمت تصيح لين انبح صوتها وقالت : ا..ل...و ع....ل...ي..ا
نهاية البارت
|
17-08-11, 10:21 PM
جديد مواضيع قسم ارشيف خاص بالقصص غير المكتمله
العرض العادي
