كاتب الموضوع :
Roh Rohe...
المنتدى :
القصص المكتمله
"احمد"
فتح علبة الزجاير العاشرة
طلع زجارة وظل يدخن فيها
متعب : ارحم نفسك خلاص
احمد : شدخلك فيني
متعب : الله يهديك بس انت ماكنت تدخن شنوو إلا خلك تدخن
احمد : قلت لك انت لا تدخل بخصوصياتي
نواف : احمد الله يهديك متعب يبي مصلحتك انت عارف كم علبة فتحتها وانت صدق انا اول مرة اشوفك تدخن
احمد : مالكم دخل
وقف
حس بضيقة
فتح شوي من قميصه الأسود
طلع برا الحديقة
حاس انه تعبان وراسه يألمه
قعد يمشي بصعوبه
رفع جواله ودق على نور
نور : الووو
أحمد يتنفس بصعوبة : نور طلعين برا القسم
سكر الجوال
مايدري ليه كلمها بس يحس انها اقرب وحده له من العائلة كلها
طلعت نور بسرعة تحس بالخوف من نبرة صوته
عدلت حجابها وشافته واقف
نور : احمد شفيك
أحمد بدون مقدمات او شي
ضمها
: تعبااان يا نور تعبان
نور تجمدت مكانها احمد شنوو يسوي
تحس ان قلبها يدق بسرعة
بعدت عنه
نور : احمد شنوو يألمك
احمد ظل ساكت كل ماجا له راسه يالمه يحس بشي اول مره يجيه
يحس انه فقد توازنه وطاح ماعاد يحس بشي
نور هنا ماعرفت تتصرف وهي تشوفه طايح
نزلت لمستواه : احمد اصحى الله يخليك احمد
وقفت وتغطت
دقت على عبد العزيز يجي
عبد العزيز : نور شنوو صاير
نوربخوف : مدري مدري طاح و انا
عبد العزيز : شنووووو !!!!!!!!!!
نور : عبد العزيز الله يخليك بسرعة تعال
سكرت من الجوال حاولت تقعده بس ما قعد
سمعت صوت عبد العزيز يناديها
عبد العزيز :نور شصاير
نور : مدري
عبد العزيز بعدها نادى على نواف ومتعب
ساعدوه واخذوه على المستشفى
بعد عنها
ظلت تطالعه لين ما اختفى من نظرها
أحمد شصار لك بالفترة الأخيرة شنوو إلا غيرك شنوو
ماحست إلا بدمعة تنزل على خدها
مسحتها بسرعة انا ما ابكي عشان احمد هذا
أي ما ابكي
ما ابكي
لاني اكرها ومافي أي شي بقلبي له وانـ
ماقدرت تكمل لأنها انفجرت ببكاء طويل
جات لها ريمه وحاوت تخفف عنها
.................................................. .........
بيت أبو خالد
على صوت ضحكتهم
هناء : ههههه لو اعرف ان ابو أحمد راح يصير من اغنياء السعودية ما تطلقت منه
شذى : هههههه وانتي خليتي رجال ومارحتي له كلهم يعرفونك
هناء رفعت المرايه وظلت تطالع بوجها الشاب بسبب عمليات التجميل
هناء : آآه شصار على السحر
شذى : أي كلمت ام محمد على الموضوع وقالت انها راح تسويه بس مو هاذي المشكلة
هناء : شنوو المشكلة راح نسوي له سحر انه ينجن علينا كلنا ويحبنا وفلوسه تصير كلها لنا
شذى : انا مفهمة بنتي انه راح يتزوجها والسحر حتى يحبها
هناء : لا لا ما ابي احمد يتزوجها
شذى : وليه
هناء : مدري بس ما ابيه لها هذا شخصيته بالمرة ضعيفة
شذى : هههه هذاك اول الحين تغير شفتين كيف جا وهددنا
هناء : هههه بس اقول غرام تدري بالموضوع إلا بالي بالك
شذى وقفت بسرعة وبخوف : لا يا هناء لا تقولي لها على إلا كنت اسويه من قبل ما ابي اطيح من عيون عيالي
هناء : طيب نكلم ابو احمد ونشوف شنوو القصة اشوفه طول هالسنوات ماتزوج لهدرجة يحبني
شذى ابتسمت بسخرية : مااتوقع على إلا سويتيه مستحيل يحبك
وبعد لحظات دخل خالد
خالد : اوه خالتي عندنا اليوم
هناء : وكل يوم
خالد تأفف من داخله كيف راح يجيب البنات إلا مواعدهم هو وعزام
خالد : طيب عن اذنكم
هناء : اذنك معاك
شذى تطالع ولدها : الله معاك يا ولدي
خالد ابتسم لهم وبعد عنهم
يحس بحياة مملة وفراغ
ماعنده شي يسويه بحياته
غير
الشرب والبنات والسفر وبس هذا إلا يسويه امه ماتدري عنه
ومدلعته هو ويا اخته وواثقة فيهم
توجه لغرفة غرام
دق الباب ودخل
لقى غرام تحت المراية تحط لها ماكياج
خالد : وااااو شنووو هالحلا كلا
غرام ابتسمت : ههههههه اكيد انا حلوووة
خالد : طيب يا حلوة بتطلعين اليوم
غرام : أي
خالد ابتسم بخبث : حلووو
غرام : ليه تسأل
خالد : لا ولاشي اتطمن على اختي الحلووة
(( خالد فيه شبه من احمد ولد خالته فيه بعض التفكير من احمد لكن ماخذ منه بصفاته اشياء كثيرة
يلعب على البنات وبس ياخذ منهم اعز شي ويميهم ))
................................................
بيت ابو عادل
نزل عبد الله من الدرج وهو لابس ثوبه وشماغه
لقى ياسمين في حظنها عادل وتمسح على شعره
عادل : ياسمين وينه زوجك
ياسمين : حبيبي انت ماعليك نام الحين
عادل : ابي اروح بيت امي
ياسمين : لا تخاف امك راح تجي لك بعد ساعة
عبد الله : مساء الخير
ياسمين بعدت عادل من حظنها (( عادل عمره 4 سنين )) ووقفت : هلا عبد الله مساء النور
عبد الله : ياسمين راح اروح اليوم الصين عندي شغل هناك ومدري يمكن بعد ثلاثة ايام وارجع
ياسمين : تروح وترجع بالسلامة
قرب منها عبد الله وباس خدها ابتسم لها وطلع
ياسمين : الله يهديك يا عبد الله
.................................................. ..........
في البر
بمجلس البنات
ندى : نور
نور : هلا
ندى : فيكِ شي حبيبتي
نور : لا
شروق : إذا على أحمد متعب قال لي انه بخير
نور : لا مافيني شي
ريمه : يوووه يا ندى ماتعرفي العاشقين إذا ابتعدوا عن بعض يمكن الحين بعد مايرجع يجي لها وينسى حتى يسلم علينا
البنات : هههههههههههه
نور : مافي شي يضحك
غرور : زعلتين
ندى ابتسمت ولقت جوالها يدق
ندى : الوو
نواف : هلا حبيبتي
ندى ابتسمت : هلا
نواف : افااا مافي حبيبي
ندى طالعت البنات إلا يطالعوها
ندى : هاا لا بس انا مشغولة نواف الحين
نواف : طيب بس قولين لنور احمد راح يوصل هنا بعد شوي
ندى : صدق !!
نواف : لا اكذب اكي
صدق وبعدين ليه مبسوطة كذا انتي مشتاقة لي ولا له
ندى : نواف شنووو هالغيرة إلا نزلت عليك وبعدين انا فرحانة لأختي
نواف : ههه طيب بس كنت امزح مع السلامة
ندى : الله يسلمك
سكرت ندى وهي مبتسمة
ريمه : احلا تصريفة ما تبي تقول له كلام حلوو قدامنا
شهد : ههههه خلاص ريمه راح ندور لك انتي من بعد نور
ندى : يوووه
غرور : هههههه
شهد : انتي لا تضحكين جاينك الدور
ريمه : راح نسوي لكم مقالب بترتيب
نور : لا لا لا انا ابعدوني
شهد : انتي اولهم يا حلوة مع ملك الرومانسية
نور : هي اشوفك تغازلين زوجي
ريمه : اووووو الأخت تغار
ندى : نور احمد شوي وراح يجي هنا
نور تخبي توترها وفرحها : طيب لو جا شنوو اسوي
البنات طالعوا بعض
ريمه : قومي تأنقي
شهد : اقول هاذي ماتسوي شي ايش رايك ياريمه بافستان إلا بالي بالك
ريمه : حلوو عليها
شهد مسكت يد نور : يا الله تعالي معانا
نور : وين
ريمه : وانتي شعليكِ تعالي وبس
مشت نور معاهم وهي مو فاهمة ولا شي
ندى : هههه الله يسعدها
غرور : ان شاء الله
ندى : طيب غرور عن اذنك راح طلع لنواف
غرور : اذنك معاك
غرور نزلت راسها
نزلت منها دمعة مسحتها بسرعة لكن ماقدرت ونزلت بعدها دمعة ورا دمعة
حست انها راح تنفجر
زياد دخلت قلبي كل ماحاولت اطلعك ما اقدر ليه مو حابني
ليه عن جد ندمت والله ندمانة والله
كانت تبكي بوسط الخيمة إلا مافيها إلا هي وبس البنات كلهم طلعوا
تحجبت ولبست عباتها الراس
وطلعت برا
ظلت تتمشى لقت هبه قاعدة بروحها
توجهت لها
غرور بهمس : هبه
هبه : هلا غرور
غرور : انتي هنا
هبه : أي جيت مع اخواني
غرور : اهااااا
هبه : غرور في حد يناديكِ
غرور : انا
هبه : أي
هبه تغطت
غرور التفتت لورا لقت زياد
غرور شهقت : زياد !!!!!!!!
اتجهت له وقلبها يدق تحس بتوتر
زياد : هلا غرور
غرور : هلا فيك
زياد : ايش رايك نتمشى
غرور طالعت فيه : ايش قلت
زياد : حبيبتي اقول لك ايش رايك نتمشى
غرور : حبيبتي
سكتت شوي وتذكرت ايام الخطوبة إلا كان زياد يدلعها ومايرضى عليها بشي
تجمعت دموعها
زياد : خلاص غرور انسي إلا صار مثل ما انا احاول انسى
غرور بكت وبكت بدون توقف
زياد ابتسم لها : راح نطوي صفحات الألم يا غرور وراح نكون ونفتح صفحة خاصة بغرور وزياد
رفعت راسها وابتسمت من وسط دموعها
.................................................. .................
في غرفة نور
شهد : واااااااااو الفستان يهبل عليكِ
ريمه : إلا يجنن انتي طالعي الماكياج وشعرك صدقيني هذا احمد راح يرجع مره ثانية المستشفى لما يشوفك
شهد : اكيد راح يدوخ من جمالك
نور : هي انتي وياها مستحيل البس قدام احمد هالبس
شهد : ليه شفيه
نور تطالع نفسها بالمراية : قصييررررر
شهد : لا مو كثير حد الركبة
ريمه : وبعدين منوو هو خطيبك يا حلووة
نور : مدري ماتعودت البس كذا ما ابي
شهد : هي هي لا تقولي بتفسخينه
نور : اكيد
ريمه سحبت يد نور : اقول بلا غباء
طلعوا معها
نور : هي انا لعبة تمشوني على كيفكم
طلعوا
ولبست نور عباتها مع ريمه وشهد وراحوا غرفة احمد
.................................................. ...................
بيت أبو خالد
كان خالد عنده سهرة مع صاحبه عزام
ومبسوطين
لأن البيت مافيه حد
هناء وشذى راحوا لبنان وغرام طالعة
خالد : متى تجي خويتك
عزام : مدري عنها طيب خالد ليه مانروح المزرعة ونفلها
خالد : مثل ما تقول
عزام : وراح اخليك تشوف خويتي الجديدة تجنننننننننن
خالد : طيب طيب نشوف منوو احلا خويتي ولا خويتك
طلعوا من البيت وتوجهوا للمزرعة
في الطريق رفع عزام جواله ودق على غرام اخت خالد إلا قالت له ان اسمها سارة وهو قال لها ان اسمه جسار
جسار ( عزام ) : هلا وغلا با احلا صوت بالدنيا
سارة ( غرام ) : هلا والله ها وينك
جسار ( عزام ) بالطريق انتي الحين بمجمع ..... مثل ما اتفقنا اوكي
سكر وهو مبتسم بخبث
نزل من سيارة خالد
وخالد بعد راح لخويته يمر عليها
وعزام راح لغرام
.................................................. ........
في غرفة احمد
ريمه تتكمل من خلف الغطا : الحمد الله على سلامتك
شهد : الحمد الله على سلامتك ياولد عمي
أحمد : الله يسلمكم
ريمه تقرص نور وتهمس لها : يا الله يا الخبلة قولين له شي
نور بخجل تتكمل من خلف الغطا ( لأن متعب ونواف موجودين ) وبهمس وبصوت ما ينسمع: الحمد الله على سلامتك احمد
أحمد عطاها ظهره : ممكن تتركوني ابي ارتاح
نور انصدمت من رده
ريمه وشهد انصدموا من رده
نور ماقدرت وطلعت
ريمه وشهد طلعوا وراها
شهد : نور يا نور
نور فتحت الغطا : نعم
ريمه : نور انتي تبكين
نور : لا لا ما ابكي
ريمه : لا تزعلين حبيبتي يمكن ما سمعك او ضنك مش موجودة
شهد : أي صح معاها حق
نور : لا لا عادي ليه مكبرين الموضوع
طلع عبد العزيز ونواف ومتعب : احم احم
تغطوا البنات
شهد : كيفك نواف كيفك متعب
نواف ومتعب : الحمد الله
شهد : هلا عبد العزيز كيفك
عبد العزيز نزل راسه : هلا اختي انا الحمد الله
ابتسمت ريمه وهي تشوف عبد العزيز يا ربي هالرجال مؤدب وخلوق
نواف : ريمه ماتعرفي تسلمي على ولد عمك
ريمه صار وجها احمر : ها هلا عبد العزيز كيفك عساك بخير يا الغالي
نواف طالعها
هاذي شقاعدة تقول
شهد تهمس لها : غالي مرة وحدة
نور ابتسمت
عبد العزيز انحرج من اصحابه : هلا والله
مشى عنهم
متعب : ا نور احمد يبيكِ
ريمه وشهد ابتسموا
بعد متعب ونواف عنهم البنات خلعوا عباتهم
شهد خلعت لنور عباتها
نور : ليييه !!!!!!!
ريمه : كل هالأناقة وما تبينه يشوفك
شهد دفعت نور لداخل
نور حست ان وجها احمر
دخلت على احمد
وهي مش مستوعبة كيف ادخل عليه وانا بهالبس
أحمد رفع راسه من شافها
نور قعدت بعيد شوي : الحمد الله على سلامتك
أحمد طالعها من فوق لتحت : انتي بشنوو تفكرين
نور توترت : شنوو تقصد أحمد قام من السرير وقرب منها
نور زادت دقات قلبها
كل ماجا له يتقرب لها اكثر
أحمد قعد بجنبها
قرب منها وهمس لها في اذنها
أحمد : نور انا أكـــرهك
.................................................. .........
في المزرعة
دخل عزام مع غرام وهو منجن عليها
عزام : دخلي هنا دقايق وانا جاي يا عمري
غرام ابتسمت
ظلت تطالع : ههه غبي يظن اني راح احبه انا ماسكن قلبي حد غيرك يا احمد ولا راح يسكن قلبي غيره
(( خالد ))
عدل نفسه وعدل اكمام يده
دخل على غرام وابتسم بخبث
غرام سمعت صوت من خلفها
التفتت له
غرام حطت يدها وشهقت : خالد !!!!!
(( خالد ))
عدل نفسه وعدل اكمام يده
دخل على غرام وابتسم بخبث
غرام سمعت صوت من خلفها
التفتت له
غرام حطت يدها وشهقت : خالد !!!!!
.....................................
أحمد : نور انا أكـــرهك
نوررفعت راسها وطالعته بأستحقار وسخرية : يعني انا إلا ميته في هواك وع انا لو شنوو تسوي لي مستحيل احبك
أحمد : ههه وطيب ليه لابسة كذا
نور : كذا بس مزاج ابي اغير لبسي وانت شدخلك لا تضن اني لابسته لك من حلاتك يعني البس لك كذا وبعدين انا مالبسته إلا لشي حلوو وهو اني راح اشوف انسان احبه مرررة
أحمد مسك يدها وضغط عليها : لا تكلميني بهاذي الطريقة
نور : آآه تألمني
أحمد ظغط بقوة اكبر : سمعين يا بنت العم انا تزوجتك حتى اذلك فهاذي الحركات الغبية بعديها شوي
نور : انت الغبي إلا بحركاتك الغبية يا (( سكتت شوي )) وقالت تبي تقهره (( يا مريض ))
أحمد حس انه مو طايقها وكلمة ثانية راح يقتلها وخصوصا قالت له كلمة يكرها
أحمد : مافي حد متخلف ومريض غيرك يا الخاينة
اخذها وقطها بقوة على الارض : روحين لحبيبك روحين يا خاينة
نور طالعته ووقفت وطلعت برا الغرفة
طلعت بسرعة
وقلبها يدق ليه يا قلبي م حبيت غيره ليه ما حبيت إلا انسان
شنووو اقول بس
متى يجي اليوم إلا يطلقني فيه وارتاح منه
المها قلبها من هاذي الكلمة (( يطلقني ))
ماراح ابين له حبي مستحيل
~ نعــم للحـــب لكـن بكرامـــه خســى حـــب يسقينــــي مذلــه ،، ارد القلـب لـو طاغـي هيامـه واعـز النفـس عـن درب المذلـــه ~
.................................................. ...............
بيت ابو خالد
دخلت البيت وهي تصارخ وتبكي : يمممممممممه
كانت اسرع منه وحاولت تصعد لغرفتها
خالد يلحقها : يا حقيرة يا واطيه
غرام سرعت وقفلت باب غرفتها
خالد : يا جبااانة يا حقيرة يا خاينة
سمع صوت باب الصالة ينفتح
دخلت هناء وشذى وهم يضحكون
لكن سرعان ماسكتوا وهم يسمعون صوت خالد وصراخة
شذى : خالد شبلاك
خالد : ان ما طلعت الحقيرة هاذي من الغرفة راح اكسر الباب
شذى : اسكت ولا كلمة هاذي اختك يلي ما تستحي
خالد : اختي انا ما عندي خوات
هناء : خالد شنوو تقول
شذى دقت الباب على غرام : يمه طلعين لا تخافي انا معك ما يقدر يسوي شي
خالد : كذا كذا يا غرام مع صاحبي مع صاحبي
هناء : ليه شنوو سوت
خالد بعد عنهم وهو مو طايق حاله
ما تخيل يشوف اخته ما تخيل هالشي
سمع صوت جواله
(( سارة )) يتصل بك
قفل الجوال وقعد يسب بالبنت
بنات حقيرات مش متربيات
.............
شذى : يمه خلاص راح طلعين
طلعت غرام وهي مرتبكة وحضنت امها وظلت تبكي
هناء : شنوو سويتين حتى يصارخ كذا
غرام تبكي : مدري ماسويت شي
شذى : اكيد مسويه شي ولا خالد ما يعصب بدون سبب
غرام بخوف : لقاني مع صاحبه
شذى شهقت وحطت يدها على فمها
هناء : أي شنوو فيها
غرام طالعت خالتها المنفتحة وابتسمت
شذى : شنووو شنو فيها غرام انتي من اليوم مالك طلعة
غرام : يمه !!!!!
هناء : لا تصيرين متخلفة ليه ما تطلع
شذى : انا في الماضي سويت كوارث وندمت وبدات مع ولدك إلا ماله ذنب والحين كل ماجا لي ادفع الثمن ما ابي اولادي يكونون مثلي
غرام طالعت امها مو فاهمة شي
هناء : هههههه الحين تبتين هههه ما اصدق
شذى : هناء بعدين عن حياتي انتي إلا دمرتين كل شي
هناء : انا !!!!! لا والله انا عطيتك ولدي وامنتك عليه وسافرت لكن انتي سويتين فيه الحرام وعلمتيه اشياء كبيرة عليه وخليتينه يشوف بعيونه بعد وتقولين لي انا إلا دمرتك
شذى : طلعين براااااااا
هناء : ههههه طيب يا شذى تطرديني
بعدت عن ختها ورفعت التلفون وكلمت خويها الجديد وقالت له انها جايه تنام معاه
...........................................
في البر
طلع نواف مع ندى يتمشون صعدوا السيارة
نواف : اشتقت لك
ندى : بهالسرعة
نواف : لا مو بس لك لولدك
ندى : عارفة انت تستناه بس اولده راح تنساني
نواف : افااااا
ندى : هههه طيب انا ابي انام
نواف : لا والله وتتركيني
ندى : نواف عن جد تعبانة وابي انام
نواف : طيب
طلعوا من سيارة نواف راح نواف قسم الرجال وندى رحت قسم البنات
................
(( نور ))
ظلت قاعدة ما تبي تنام لأنها تخاف من البر
تذكرت ان بكرا راح يرجعون
وقفت التفتت لريمه وشهد إلا معها لقتهم نايمات
تنهدت وطلعت من الخيمة
ظلت تتمشى حست بالبرد خاصتا انها لابسة بنطلون جنزوتيشرت احمر
رفعت شعرها من الهوى
تذكرت كلام احمد
آه احمد انسان غريب للحين مو قادرة افهم ولاشي ولا شي
طيب وينها امه
امه !!!!!!
انا منووو امه مدري
بعدت عن قسم البنات شوي
كانت تمشي لكن وقفت لما سمعت صوت
التفتت ولقت
عبد العزيز
نور : عبد العزيز !!!
عبد العزيز : انتي شنووو تسوين
نور : ولا شي بس مو عارفة انام
عبد العزيز : مو عارفة تنامين تجين قسم الرجال
نور : شنووو !!! هذا قسم الرجال
عبد العزيز مسك يدها وبعدوا شوي عن القسمين
عبد العزيز : انا مو جايني النوم
نور : اهااا عبد العزيز
عبد العزيز : نعم
نور : أحمد بعده يضايقك بالشغل
عبد العزيز : لا تغير صار يعاملني بأسلوب حلوو
نور تطمنت حست ان تضحيتها ما ضاعت
عبد العزيز :نور ما تفكري تنامين
نور : انا كلي نوم ابي انام بس اخاف من الحشرات وال
عبد العزيز يقاطعها : هههه تخافين طلعتين جبانة بعد
نور : شنوو اسوي انا ما احب البر
عبد العزيز : طيب نامين بسيارة
نور : ياليت
عبد العزيز ك طيب راح اقرب لك سيارتي
نور : اوكي انتظرك
بعد عبد العزيز عن نور ظلت تراقبه لين ما اختفى عنها
تنهدت مدري شنوو مخبيت لي الايام
خايفة من اليوم إلا بتزوج احمد مدري ليه احسه احيانا طيب واحييانا مافي بقلبه ذرة طيبة
ارتجفت من الهوا
ولقت سيارة عبد العزيز
وقف جنبها
صعدت السيارة وسكرت الباب ونامت
.................................................. ...........
بيت عبد الله
((ياسمين ))
تقلبت في السرير مو قادرة تنام
تحس ان حياتها كئيبة ومملة
حتى انها ما تدري متى راح يرجع عبد الله وحتى إذا رجع
ماتشوفه كثير
غمضت عيونها وبدا النوم يجيها
لكن قطعها صوت الجوال
رفعته من دون ماتشوف الرقم
ياسمين كلها نوم : الووو
......: هلا والله ازعجتك
ياسمين قامت من فراشها : انت منووو
......: انا واحد حاب يتعرف عليكِ
ياسمين قفلت بوجه
غبي
تركت جوالها ورجعت تنام
..................................................
في اليوم الثاني
الصباح الساعة = 9
قعدوا البنات يتجهزون لأنهم بيطلعون عن البر
شهد : وينها نور
اريام : صدق وينها
ندى تدخل ملابسها : مدري عنها اكيد نايمة
شهد : لا مش نايمة مو موجودة معانا
أم نواف : ندى روحي دورين على اختك لا تكون ضاعت ولا صار لها شي
ندى وقفت وطلعت برا تدور عنها
وينك يا نور ؟؟
كلمت نواف يجي معها
(( في جهة ثانية ))
بقسم الرجال
أحمد : عبد العزيز ابي اوراق إلا كلمتك عنهم
عبد العزيز : طيب هما الحين بالسيارة
أحمد : بسيارتك
عبد العزيز : أي
أحمد: طيب راح اشتغل فيهم بسيارتك خذ مفتاح سيارتي واطلع فيها مع اهلك
عبد العزيز : طيب (( مد له المفتاح )) خذ
اخذه احمد واتجه لسيارة عبد العزيز
عبد العزيز مشى لجهة البنات
عبد العزيز : احم احم
تغطوا البنات
عبد العزيز : اريام خلصتين
اريام : أي
عبد العزيز : يا الله حتى نمشي وينها نور
اريام : مدري ندى تدور عليها مش لاقيتها
عبد العزيز : وين راحت
.......................
شهد قعدت : تعبت مالقيتها
ريمه تتنفس بسرعة : وانا بعد
شهد وقفت : يا الله نروح للقسم يمكن لقوها
ريمه : يا الله
شهد تغطت ودخلت خيمتها
ريمه تحجبت لقت اريام
ريمه : اف ياربي ما لقيتها اختك هاذي وين طست
عبد العزيز نزل راسه بسرعة : ا اريام انتظرك
(( ومشى ))
ريمه صار وجها احمر :ا ا
اريام بتسمت لها : عن اذنك
بعدت عنها
ريمه ابتسمت ياربي عن جد هالانسان ذوووق
خجلت انا شفيني عليه
راحت لخيمتها جهزت الشنطة وصعدت مع نواف وندى وامها في السيارة
.................................................. .........
(( أحمد ))
توجه لسيارة عبد العزيز
فتح الباب ودخل سكر السيارة وشغلها
بدا يكتب ويوقع بالاوراق
ابتسم بخبث
طيب يا نور راح تندمين على الكلام إلا قلتيه لي
وقع الورقة
وظل يسوق ما يدري ليه جت بباله غرام
صدق انا كيف نسيتها
راح استغلها حتى انتقم منها ومن امها
سمع صوت حركة ورا وقف السيارة على جنب
التفت لقى نور نايمة وهي مبتسمة
ظل يطالعها
ويتأمل فيها
طلع من السيارة وصعد معها ورا
ليه يا نور كذا ليه
ضنيت انك بريئة وماعندك هالسوالف
قررت اطلقك حتى ما ائذيكِ واتعبك معي
لكن غيرت راي لما لقيت هذا الكلام منك
ماراح اطلقك وبعذبك وراح تشوفين
وساعتها روحين مع الحبيب
نور تقلبت ونامت برجله
تسارعت دقات قلبه وهو يشوفها نايمة عليه بعدها بسرعة عنه
أحمد : هي انتي
نور قعدت وشهقت : احمد شنووو قاعد تسوي !!!
أحمد : مسويه فيها خايفة طيب انتي إلا شنوو تسوين هنا
نور بأرتباك : انا من امس نايمة هنا
أحمد صعد قدام وحرك السيارة : ماتفكري تلبسين عباية حنا الحين بالشارع
نور خجلت ولقت عبات اريام الراس القديمة بالسيارة
لبستها بسرعة وشكرت الله لأنها موجودة
نور : احمد
أحمد : نعم
نور : وين راح توديني
أحمد : وين بعد بيتك اكيد
نورنست نفسها : احمد تذكر اول مرة شفتك فيها
أحمد سكت
شنوو ذكرها بهالشي : نور وصلتين البيت
نور : طيب لا تجاوب انا مو محتاجة اجابتك
أحمد : ادري بس انزلي يا لله
نور نزلت
واحمد بعد نزل لقى عبد العزيز ينتظره
عطاه مفتاح سيارته
ومشى
................................................
بيت خالد
قعد خالد من نومه مفزوع
دخل الحمام (( الله يعزكم )) غسل وجه ولبس ثوب و
طلع من غرفته
نزل للصالة لقى غرام تتصفح في المجلة
حاول يتماسك اعصابه وطلع بسرعة من البيت
كان يتمنى انه يذبحها يقتلها
كيف امي ساكته عنها
صعد سيارته ولقى مكالمات كثير بجواله من البنات إلا مخاويهم ويستغلهم
مالفى نفسه إلا يتوجه عند محل
وقف السيارة وطلع
دخل المحل
خالد : ابي اغير رقمي
.................................................. .....
بيت عبد الله
دخل عبد الله البيت وهو مرهق وتعبان من رحلته
صعد فوق بغرفته
مالقى ياسمين
ترك الشنط على الارض والقى بجسمه على السرير
سمع صوت جوال ياسمين
لقى رقم غريب
رفعه
....... : الوو حبي ليه ماتردين ها اسمعي زوجك مسافر ليه ما نطلع
عبد الله بعصبية : احترم نفسك يا حيوان
........ : سكر الخط
عبد الله قام بعصبية : ياسمين يــــا ياسمين
ياسمين طلعت من الحمام (( الله يكرمكم )) بعد ما اخذت شاور
ابتسمت : عبد الله رجعت
عبد الله طالعها بأستحقار: ما ضنيت راح تخونيني بيوم من الأيام
ياسمين : انا
عبد الله يقاطعها : طلعين برا
ياسمين نصدمت : عبد الله شنوو قصدك
عبد الله : قصدي انك طالق
.................................................. ........
بيت أبو عبد العزيز
نور : اريام ليه ما نطلع
اريام : وين نروح
نور : مدري أي مكان
اريام : مدري ما افكر
نور : طيب راح اكلم صاحباتي لأني عن جد احس بالطفش
عبد العزيز دخل عليهم : السلام عليكم
نور واريام : وعليكم السلام
عبد العزيز ابتسم : مافيه غذا اليوم
نور : اكيد فيه
قامت هي واريام
عبد العزيز : اريام ابيكِ بموضوع
نور ابتسمت وطلعت عنهم
اريام : هلا اخوي
عبد العزيز ابتسم : اريام بدون أي مقدمات واي شي انتي انخطبتي
بيت أبو عبد العزيز
نور : اريام ليه ما نطلع
اريام : وين نروح
نور : مدري أي مكان
اريام : مدري ما افكر
نور : طيب راح اكلم صاحباتي لأني عن جد احس بالطفش
عبد العزيز دخل عليهم : السلام عليكم
نور واريام : وعليكم السلام
عبد العزيز ابتسم : مافيه غذا اليوم
نور : اكيد فيه
قامت هي واريام
عبد العزيز : اريام ابيكِ بموضوع
نور ابتسمت وطلعت عنهم
اريام : هلا اخوي
عبد العزيز ابتسم : اريام بدون أي مقدمات واي شي انتي انخطبتي
اريام بدون ماتسوي أي شي وبدون حركة : شنو شنو قلت
عبد العزيز نزل راسه : انخطبتي
اريام ابتسمت ودموعها بدت تتجمع بعيونها وبصوت مرتجف : عبد العزيز انت تمزح معي صح
عبد العزيز نزل راسه بألم
ليه كذا حظ خواته ليه
صدق بشرها انها انخطبت بس ما قال لها منوو إلا خطبها
لقاها تبكي مو قادر يقول لها
عبد العزيز : ما تبي تعرفين منوو إلا خطبك
اريام : منووو
عبد العزيز : أبو سارة
اريام : شنووو !!!!!!
عبد العزيز : براحتك وانتي ادرى بمصلحتك وانا ماراح اجبرك على شي انتي ما تبيه
اريام نزلت راسها
الأنسان إلا من صغرها تخاف منه يبيها
تتذكر دلع بنته سارة الأمارة والناهية
ابتسمت على حظها سنين وهي صابر يمكن في يوم يجي الأمل
لكن ماكان صبرها مع انسان
سكتت لييه شنوو اتوقع واحد متقارب من عمري ولا واحد اصغر مني
وقفت وبعدت عن اخوها ودخلت غرفتها
نور كانت تسوي الغذاء بلبس البيت كانت لابسة بجامة نوم ولامة شعرها كله
التفتت ولقت اريام داخلة غرفتها
حست ان صاير شي بس ماتكلمت
اخذت الأكل لصالة ونادت على اخوها يتغذا
نور : اريام ماراح تتغذا معنا
عبد العزيز : ما اضن
نور :عبد العزيز شنوو صاير
عبد العزيز وقف : نور تغذي انا طالع
نور رفعت راسه وطالعته
عبد العزيز نزل راسه وطلع من البيت
دخل سيارته
حركها ومشى
طل يمشي بالسيارة مو عارف وين يروح يشيل همه ولا هم خواته
ندى تطمن عليها
لكن نور
نزل راسه وهو عارف انه ظلمها من زواجها لأحمد
يحس انه ماسوى ولا شي لخواته ولا شي
اريام
من شبابها ومن دخولها لثانويه
كان كل يوم يخطبها واحد
لكن كان يرفضهم مايبي اخته تتزوج
مايبيها
تتزوج
وتتركه مع نور وندى لصغار
وماكان يبي يتزوج
والحين بعد شنوو بعد ماعنست اخته
يبيها تتزوج من انسان قاسي وكبير بالسن
تنهد حس انه مخنوق ماعنده حد يشكي له
غلط
أي غلط والحين قاعد يدفع لغلطه
.................................................. ..
بيت ابو ناصر
كانت شهد وابو ناصر وناصر ومها
ناصر : تعال حبيبي تعال ياربي اموت على ضحكتك
مها : ههههههه
أبو ناصر : كبرتوني وخليتوني جد
ناصر : افا يا يبا ما تبي تكون جد لخلودي حبيبي
شهد : اف ولدك كل شي فيه حلوو بس اسم خالد (( تذكرت خالد اخو غرام )) واااااع ما احب هذا الاسم
مها : حرام عليكِ الاسم حلوو
ناصر : اقول هذا ولدنا وحنا حرين فيه
شهد : طيب طيب اكلتوني بقشوري شنوو هذا
أبو ناصر : وانتي ما تعقلين
شهد : هههه يبه انـ
قطع صوتها صوت الباب يدق
وقفت شهد وراحت تفتح الباب
فتحته ولقت ياسمين ضمت شهد بسرعة وظلت تبكي
شهد : ياسمين !!!!!
ياسمين : تبكي
أبو ناصر : ياسمين يا بنتي شفيك
مها : ياسمين
ياسمين وهي تشهق وتبكي : طلقني يا يبه طلقني
شهد ضمت ختها وحزنت لها بعد بس ماتدري ليه ارتاحت من عبد الله زوج ختها
أبو ناصر : الله لا يبارك فيه
مها : شهد صعديها لغرفتها
شهد مسكت ي ختها ومشت معها وهي تمسح على شعرها
ناصر : الخسيس توقعت منه تارك زوجته ولا يدري عنها وبعد مايرجع يطلقها
مها : استغفر الله بس
.................................................. ..
بيت أبو راشد
أم راشد : فرح يا فرح
فرح : هلا خالتي
أم راشد : وينه راشد
فرح : طلع
أم راشد : وين راح
فرح : يا خالتي ماقال لي بس قال انه راح يطلع لأن عنده شغل ضروري
أم راشد : طيب
فرح : ليه تبين شي يا خالتي
أم راشد : لا
فرح: براحتك
بعدت فرح عنها
وجلست أم راشد
قطع تفكيرها
صوت محمد
محمد : السلام عليكم
أم راشد : هلا وغلابولدي وعليكم السلام
محمد ابتسم لها وقعد معها
أم راشد : ما تبي تسألني عن الموضوع
محمد : أي موضوع
أم راشد : نسيت
محمد : والله مو ذاكر يا يمه
أم راشد : موضوع زواجك
محمد تنهد
أم راشد : شبلاك تغير وجهك من قلت لك بالموضوع
محمد : ولا شي
أم راشد ة: لقيت لك بنت حلوة وصغيرة اسمها مريم هالبنت عيني عليها باردة حلووووة بشكل مو طبيعي وعمرها 18
محمد مو عاجبه كلام امه : طيب طيب
أم راشد : شنووو إلا طيب يعني اخطبها لك
محمد : يمه الله يهديكِ كيف تخطبينها لي البنت صغيرة
أم راشد : يعني من كبرك انت إلا يشوفك يعطيك 20
محمد : يمه بلاه هالكلام انا اصلاً موضوع الزواج مو ببالي
وقف وصعد غرفته
فتح الباب واستلقى على سريره
سمع صوت جواله
رفعه من دون مايشوف الرقم
محمد : الوو
عبد العزيز : السلام عليكم
محمد : وعليكم السلام منوو معاي
عبد العزيز : هلا محمد معاك عبد العزيز
محمد ابتسم : هلا والله كيفك عبد العزيز
عبد العزيز : انا بخير
محمد : الحمد الله
عبد العزيز : محمد انت فاضي الحين
محمد : أي
عبد العزيز : طيب انا عازمك برا البيت
محمد : براحتك بس وين
عبد العزيز : بـ .............
محمد : طيب نص ساعة وانا عندك
عبد العزيز : تسلم والله
محمد : الله يسلمك
سكر من عنده الجوال
وابتسم وقام حتى يروح لعبد العزيز
.................................................. ............
بيت زياد
كانت غرور تشاهد وتغير بالقنوات الفضائية لقت زياد نازل من الدرج
غرور : حبيبي
زياد : هلا
غرور : طالع
زياد : أي عندي شغل تبين شي حبيبتي
غرور : لا سلامتك
زياد : طيب اهتمين بنفسك
غرور : وانت بعد اهتم بنفسك
زياد : مع السلامة
غرور : الله يسلمك
طلع زياد
وهي قعدت بالصالة
تحس ان الحياة صارت احلا وبدت لها حياة جديدة
تحس بالأمان والراحة النفسية ماكانت تحس فيه من قبل
ابتسمت واستلقت على الكنب ونامت
.................................................. ...........
بيت ابو نواف
نواف : ندى يا الله قومين امي تنتظرنا تحت
ندى : طيب
نواف: ندى يا الله قومين صايرة تموتين على النوم
ندى : اف نواف تسهرني وتبيني اقوم بدري
نواف بعد عنها الغطا : يا الله قومي بلا كسل
ندى : طيب
قامت وهي تحس بالكسل ودوخة راس
توجهت للحمام (( الله يعزكم )) غسلت وصلت ونزلت مع نواف
.............
في غرفة ريمه
ظلت قاعدة بغرفتها وسرحانه
بالأنسان إلا دخل حياتها بدون ماتحس صار يهمها بكل شي
تفكيرها دوم فيه
ماتدري ليه تحس انها تستحي تقول لحد انها تحبه
عبد العزيز
هالأسم يغيرني فوق تحت
قطع سرحانها
صوت جوالها
ريمه : اف منوو الفاضي إلا متصل
رفعته وهي متمللة : الووو
ريان : ريمه
ريمه عرفت صوته : انت !!!!!! شنو تبي مني
ريان : ريمه انا قلت لك انا احبك صدقيني احبك
ريمه : اووه انت الكلام معاك ما منه فايدة
ريان : ريمه اعطيني فرصة
ريمه سكرت بوجها
اوف ياربي
ماكأنه كان يبي يضيعني
.......................................
(( ريان ))
يحس بالعذاب
بالألم
كيف دخلت قلبه وحبها
كيف
ماتمر دقيقة إلا يتذكرها فيه
يتذكر ملامح وجها البريئة
كلامها
خوفها منه يوم اخذها لشقته
قعد يصارخ بشقته
ريمهههههههه احبببببببببببببببببببببببببببببببببببببببك
احبك لا تخليني
يحس انه وحيد وغريب
ماعنده حد أحمد وتركه
ولي ناوي عليه
ريان
انسان متوسط
امه وابوه افترقوا من صغره
اثنينهم
يهتمون بحياتهم
ونسو ان عندهم ولد
اهملوه
تعرف على اصحاب السوء
وللأسف صار منهم
.................................................. .........
بيت أبو عبد العزيز
(( نور ))
ما تغذت لأن لقت اخوانها كلهم قاموا من الغذا
دخلت غرفتها
تحس بالحر
خاصتا ان التكيف
عطلان
طالعت نفسها بالمراية
تحس انها هاملة نفسها بالمرة
شنوو هالبس يا نور عن جد ماعندي ذووق
طلعت من غرفتها
توجهت لغرفة اريام
دقت الباب ودخلت
لقت غرفتها ظلما ومافيها انوار
عرفت انها نايمة
وطلعت
ظلت تدور بالبيت
نظفت كل شي
تحس بالملل
وتحس انها بروحها بالبيت واريام نايمه
سمعت صوت الجرس
انبسطت ان حد جا
بس خافت بنفس الوقت
طلعت برا تفتح الباب
نور : منوو
أحمد : احمد
نورخافت : شنوو تبي
أحمد : مافي تفضل
نور : اف تفضل
دخل احمد
دخلته نور للمجلس
نور واقفة تحت الباب
: عبد العزيز مش هنا
أحمد : طيب انا مو جاي لعبد العزيز جاي اشوف خطيبتي
نور : احمد اخلص شنوو تبي
أحمد وقف : لا بس جاي ابي احدد معك موعد الزواج
نور : هااااااااااااااااااا
أحمد : ليييه منصدمة تضنين اننا راح نضل كذا
نور : لا بس
أحمد تقرب منها
وبين طوله بالنسبة لها : شنوو إلا بس
نور بعدت عنه لأن وجوده يوترها : انا ما ابي اتزوج الحين
أحمد بكذب وتمثيل : بس انا ما اقدر على فراقك ساعة وحدة
نور تجمدت : احمد شنووو تقصد
أحمد مسك يدها : ابيك تكونين معي
نور بتوتر وخوف : احمد شايف اخوي مو هنا بسكت لك حنا بعدنا مخطوبين
أحمد من داخه منقرف : طيب معي لك هدية
نور : لا تتعب حالك ما ابي شي منك
أحمد ضاغط على نفسه : طيب يا حلوة براحتك وتراني زعلت منك
بعد عنها وطلع من المجلس متجه للباب
نور : هذا من صدقه يتكلم بجد ولا شنووو
لحقته قبل لا يطلع نور : احمد
احمد التفت لها : تبين شي
نور : لا بس انا مو فاهمتك
أحمد : تصدقين ان حتى انا مو فاهم نفسي
نور : شنوو تقصد
أحمد : إذا جا عبد العزيز سلميلي عليه
طلع من البيت
يحس انه ما يبي يتزوج يكره البنات وكلامهم إلا يمرض
دخل سيارته
وع كيف سويت كذا
عن جد تقرف هالنور
مدري كيف لمست يدها
الحين راح تصدق وبالنهاية هي إلا بتطلب مني اننا نقرب موعد الزواج وبعدها بتشوفين يا نور كلامك كيف برد عليه
.................................................. ..........
بيت سعود
دخل سعود للبيت
لقى مرام تنتظره وهي مبتسمة
ابتسم لها
مرام : كيف الشغل معاك اليوم
سعود : حلووو
مرام : اهاا طيب
سعود : طيب يارنيم الحب ايش رايك نطلع
مرام : رنيم الحب انت
سعود ارتبك : لا بس عرفت انك مسجلة بالمنتدى انا بعد سجلت فيه
مرام : صدق شنوو اسمك
سعود ارتبك : هههه ما جاوبتيم بنطلع ولا لأ
مرام ابتسمت : دقايق واكون جاهزة
سعود ابتسم لها : طيب انا راح انتظرك برا
مرام ابتسمت له وصعدت غرفتها تلبس
فتحت الدولاب شنووو البس
مدت يدها تبي تطلع ثوبها
حست بدوخه
قعدت على السرير
تنفست بصعوبه
وبعدها بفترة حست بأرتياح وراحت تلبس
.................................................. ....
بيت خالد
شذى : ياربي وينه ما يرفع الجوال
غرام : احسن عساه يكون مات
شذى : لا تتكلمين على اخوكِ كذا
غرام : اوووه من حلاته يعني
شذى : شنوو منتي خايفة اخوكِ صار له ثلاثة ايام مادخل البيت
غرام : يمكن مسافر
شذى : قلبي يقول لي شي ثاني انا مو مطمنه
غرام دق جوالها
خافت من الرقم ورفعت
عزام : الووو
غرام : نعم
عزام بخجل من إلا سواه بأخت صاحبة : انتي غرام
غرام : أي
عزام : امك وينها
غرام : شنوو تبي بأمي
عزام : وينهاااا
غرام : لحظة
مدت غرام لأمها الجوال
شذى مافهمت بس اخذت الجوال
شذى : الووو
عزام : هلا خالتي
شذى : منووو معاي
عزام : انا صاحب خالد
شذى : خالد فيه شي
عزام : لا بس انا اسأل عنه لأني مالقيته وجواله مايرفعه
شذى : يا قلبي على ولدي
.................................................. ......
في المسجد
(( خالد ))
رفع المصحف وظل يرتل
اول مرة يدري انه صوت حلوو بالتلاوة
ظل يرتل ويقرا
استغفر ربه سكر القرآن
وظل ندمان
كيف ماكان يصلي امه عمرها ماقالت له كيف يصلي حتى
نزلت دموعه
صلى ركعتين
وطلع من المسجد وهو مطمأن
صعد سيارته
ولقى بالصدفة بالطريق البنت إلا كان يكلمها
سارة : خالد حبيبي
خالد بعد سيارته
ماعاد يحب يشوف هالأشكال إلا تبيع نفسها
سارة عصبت شنوو صار له اكيد شاف وحدة غيري
.................................................. ...................
بيت أبو خالد
هبه
ظلت تذاكر لأيام الأمتحانات لأنها قربت
تبي تجد وتنجح
هاذي الأيام قاضية وقتها بالمذاكرة
حست بالنعاس
استلقت على سريرها
غمضت عيونها
ومن التعب نامت بدون ما تحس
ومع نومها
ظل جوالها يدق
ويدق
ويدق
لكنها ماكانت تحس فيه لأنها من التعب ناااامت نوم عميق
.................................................. ...............
بيت عبد العزيز
دخل محمد البيت مع عبد العزيز
دخلوا و ظلوا يتكلموا
ويشكو الحال لبعض
بالفترة الأخيرة صاروا اصحاب ومايفارقون بعض كثير
...........................
(( اريام ))
قعدت من نومها
إلا ماتهنت فيه
طول وقتها تفكر
بالزواج
وبالنهاية قررت انها توافق
تبي تشيل همها من عبد العزيز
ظلت تفكر كيف راح تعيش مع هذا الانسان
طلعت من غرفتها
حتى تقول لعبد العزيز موافقتها
سمعت صوت معها
تراجعت
ورجعت غرفتها
.................................................. ..
بيت أبو أحمد
أبو أحمد بصراخ : قلت لك ماعندي لك شي
أحمد
ظل يسمع صراخ ابوه
على انسانة طول عمره يكرها
من يشوف امه وابوه كذا
يكره نور اكثر
وخايف بعد من اليوم إلا بيشوفها مع غيره
أبو أحمد سكر الجوال : الله ياخذ اليوم إلا عرفتك فيه
أحمد ظل ساكت يراقب ابوه
أبو أحمد : أحمد الله يهديك متى رح تقرروا موعد الزواج
أحمد : بعد 3 اسابيع
أبو أحمد : ونور هي إلا قالت
أحمد : أي
أبو أحمد :انت تزورها
أحمد : احيانا بس مو كثير
أبو أحمد ارتاح : طيب انتظر اليوم إلا تجيب لي الولد يا احمد
أحمد ظل ساكت وبقلبه
ما اضن تشوف حفيدك طول عمرك
.................................................. ............
بيت عبد العزيز
ظلت نور بغرفتها من طلع احمد
وآخر مكالمة بينها وبينه
يقول لها ان يبي الزواج بعد الامتحانات بعد ثلاثة اسابيع
ياربي شنوو إلا مخبا لي
شنووو احمد ناوي يسوي فيني
سمعت صوت عبد العزيز يناديها
وبنفس الوقت دق جوالها
رفعته
أحمد : السلام عليكم
نور بتعب : وعليكم السلام
أحمد : نور صوتك فيه شي
نور : لا لا
أحمد : طيب انا كلمت ابوي وخلاص مثل ما قلت لك بعد ثلاثة اسابيع
نور: طيب
أحمد : شنووو إلا طيب
نور تحس بألم شديد براسها : مدري
أحمد حس بشي
كان راح يتكلم لها
لكن لقى ان جوالها تقفل
وقف بسرعة
حس بالخوف يحس ان صار لها شي
طلع من البيت بسرعة
أبو أحمد : احمد وين
أحمد مارد عليه وطلع
.................................................. ....
(( عبد العزيز ))
عبد العزيز : نور وينك يا نور
اريام
اتجهت لغرفت نور فتحت الباب ولقتها
على السرير والجوال تحت
اريام : عبد العزيز نور
عبد العزيز دخل ولقى اخته طايحة
اريام : خذها للمستشفى
عبد العزيز : هاتين عباتها
اريام لبست نور عباتها
طلع عبد العزيز برا يشغل السيارة
(( عبد العزيز ))
عبد العزيز : نور وينك يا نور
اريام
اتجهت لغرفت نور فتحت الباب ولقتها
على السرير والجوال تحت
اريام : عبد العزيز نور
عبد العزيز دخل ولقى اخته طايحة
اريام : خذها للمستشفى
عبد العزيز : هاتين عباتها
اريام لبست نور عباتها
طلع عبد العزيز برا يشغل السيارة
اريام لبست عباتها ولبست نور عباتها
حاولت تمسكها
خافت على اختها وبصعوبة طلعت من البيت
لقت عبد العزيز
يعدل السيارة
اريام بخوف على ختها : شنوو صاير
عبد العزيز : السيارة عطلانة
اريام : خذ تاكسي سوي أي شي
عبد العزيز تنهد حس بخوف على اخته حاول يعدل السيارة
لقى ضوء سيارة متجه له
وقفت السيارة
وطلع أحمد
وجه نظره لعبد العزيز
وبعدها لأريام إلا ماسكة نور
أحمد : شنوو تسون خذونها على المستشفى
عبد العزيز ظل يطالع بأريام
أحمد حمل نوروظل حاملها حتى وصل السيارة وركبها
اريام : انتظرني
صعدت معاه السيارة
تحس بخوف على اختها
احمد تحرك
مايدري ليه سوى كذا
حس انه فيه شي
.............................................
بيت ابو خالد
الساعة 2 ليلا
جلست هبه من نومها
قامت من السرير
دخلت الحمام (( الله يعزكم )) غسلت وجهها
مو بعارفة تنام
دوم الكوابيس تجيها
صورت سالم ماتفارقها
ظلم امها وابوها واهلها كلهم لها
هاني وتهديداته لها
مو بقادرة تتحمله
طلعت من الحمام
توجهت لسريرها
القت نفسها
فيه
تحس بتعب
لييه مقدر اناام
ابي ارتاح لو يوم بحياتي
سمعت صوت رسالة
قامت من السرير بسرعة
اخذت جوالها ويدها ترتجف
فتحتها
لقت
(( ماتردين على مكالماتي منوو تضنين نفسك أو تضنين اني نسيتك يا همس ))
ارتجفت
وصرخت صراخ قوي لاااااااااااااا
طاح الجوال من يدها
الماضي يرجع
لها
يرجع
كل شي
انفتح الباب ودخل خالد وعلاء
وهم يكلمونها : هبه شفيكِ
هبه : لا لا (( ظلت تبكي )) اكرههه اكرهاااااااااااااااا
دخل ابو خالد
وهي يشوف بنته بهالحال
ماعرف شنوو صار لها
ولا راح يعرف ان بنته
ساكته
وبداخلها
نيران
ساكته
ومخبيه سر
لمدة 12 سنة
وهي مخبيته
من عمرها 6 سنوات
للحين
محد يدري عنه
غيرها هي وسالم
لكن سالم إلا كان يدافع عنها
يحميها منه ماااات
مااااااااات
أبو خالد : هبه تكلمي قوليلي شبلاكِ
هبه مسحت دموعها : بعد عني ما ابي اشوفكم اتركوني بحالي
أبو خالد نزل راسه
وطلع من غرفتها
توجه لأم خالد إلا سمعت صوت صراخ بنتها
أم خالد : شنووو فيها
أبو خالد : افكر اخليها منع اخوي وحنا نبعد عنها شوي
ام خالد ابتسمت : راح نسافر
أبو خالد : أي لأن عندي شغل ضروري
.................................................. ...........
بيت أبو ناصر
(( في غرفة شهد ))
ظلت على النت ساعات طويلة ومتواصلة
ابتسمت حطت لها شعر
وظلت تسمعه
بعدها بشوي
حست بالجوع طلعت للمطبخ تاكل لها شي
فتحت الثلاجة اخذت عصير مانجا وتوست صعدت بيهم غرفتها مرت على غرفة ياسمين سمعت صوت انين
حست ان اختها تبكي !!! أي تبكي إلا سواه عبد الله مو قليل
كيف يشك فيها كيف
دخلت غرفتها جلست على الكرسي وظلت على النت وهي تاكل
فتحت الماسنجر
لقت اضافة جديدة اضافتها
ولقت انها شابكة
شهد : السلام عليكم
..... : وعليكم السلام
شهد سكتت شوي وبعدها كتبت
منووو انتي
....... : انا سارة
شهد : منووو سارة
........ : وحدة انتي ما تعرفيها لقت ايميلك بموقع ..... وحبيت اتعرف عليكِ
شهد
ماعجبها انها تصاحب وحدة ماتعرفها
شهد : طيب انتي من وين
سارة : من السعودية ومعاكِ بالمنطقة بعد
شهد : هلا والله
سارة : هلا فيكِ
شهد : كم عمرك
سارة : 19
شهد : انا 18
سارة : اهاااا يعني تدرسين
شهد : أي وهاذي آخر سنة لي
سارة : انا بأول ثنوي
شهد : شنووو
سارة : أي للأسف اني عايدة السنة مرتين
شهد : الله يعوضك هالمرة
سارة : ان شاء الله
شهد
وقفت عن الكتابة
وشربت لها عصير
وبعدها
لقت سارة كاتبة لها
انا ارتحت لك
شهد ابتسمت
عن جد هالبنت غريبة ارتاحت لي بهالسرعة
شهد : شكر
سارة : شنووواسمك
شهد
اقول لها اسمي الحقيقي او لا
شهد : اسمي شهد
سارة : طيب شهد في مرة حبيتين
شهد : لأ
سارة : ولا انا بس شفت واحد يهبل إلا يجنن وبديت اميل له واطلع معاه بعد
شهد : تطلعين معه !!!!!!!
سارة : ليه انتي عندك مشكلة
ظلوا يتكلموا ويتحادثوا
لحد ماجات الساعة 2 ونص
طلعت شهد وراحت تنام
.................................................. ......
في المستشفى
ظل احمد واقف برا
صار لأريام من دخلت لنور نص ساعة
الدكتور : انت زوجها
أحمد : أي
الدكتور : اهاا طيب زوجتك ما تهتم بأكلها اصلا ومعها سوء تغذية إذا استمرت كذا راح تصير لها مضاعفات وهي معها فقر الدم
أحمد نزل راسه : طيب متى راح تطلعونها
الدكتور : ان شاء الله نطلعها بكرا العصر
أحمد : اهااا
الدكتور بعد عنه
أحمد ظل واقف يرؤوح ويجي
ليه انا هنا
ليه واقف شنوو رح اسوي حتى
طلع من المستشفى وراح يشتري لنور أكل
(( في غرفة نور ))
اريام : ليييه يا نور كذا اكلين
نور : خلاص لا تخافين علي
اريام ابتسمت : تصدقين لما لقيتك كذا انشليت مدري خفت اتقرب ناديت عبد العزيز بسرعة
نور : ههه لا تخافين طيب عزوز وينه
اريام : مدري بس تطمن عليكِ وراح يصلح السيارة
نور : ليييه مو هو إلا جابني
اريام : لأ
نور : ليه منوو
اريام : احمد
نور ظلت ساكته
احمد جا البيت
كيف عرف
اريام : تصدقين انا نسيته برا
نور : هاااا
اريام وقفت : كيف نسيت
تغطت وطلعت برا الغرفة
مالقته دخلت لنور وسكرت الباب
اريام : منتي بجوعانة
نور : إلا ميته جوع
اريام : نور طالعين الغرفة اكبر من صالتنا
نور : ولييه احمد هاذا ماخذنه لهذا المستشفى حتى يحرج اخوي
اريام : لا تظلمينه يمكن يبي راحتك
نور ظلت تطالع الغرفة تحس انها حلووة ومريحة اكثلا من غرفتها
لقت قائمة للأكل جنبها
ظلت تطالع
شهقت : شنووو هالأسعار
اريام تقربت وطالعت معها : عن جد غالي
نور نزلت راسها : عمرنا ما اكلنا مثل كذا
اريام : نور لا تحزنين ان شاء الله يجي اليوم إلا ناكل فيه وحتى لو ماجا فالحمد الله على كل شي
نور : الحمد الله
ظلوا صامتين
نور تفكر
احمد اخذها على المستشفى
يخاف علي !!
صار وجها احمر وابتسمت
وبعدها
بعدت هالأفكار عنها
هذا مافيه درة من الأحساس
اريام
تفكر بأبو سارة إلا يوم من الأيام راح يصير زوجها
وكيف راح تتحمل بنته سارة
انقطع
صمتهم
سعوا صوت دق الباب
اريام ونور تغطوا
وقفت اريام تشوف منوو إلا عند الباب
مشت وفتحت الباب
أحمد : ممكن ادخل
اريام فتحت الباب : هلا تفضل
احمد مد لأريام اكياس : تفضلين
اريام اخذتهم : شنوو هذا
نور طالعته : ليه متعب نفسك
أحمد : لا ما فيها تعب
اريام : ماراح تدخل
احمد دخل وقعد بعد شوي عنهم
اريام حست بالأحراج
اريام : انا طالعة الحمام (( الله يكرمكم ))
نور طالعت اريام
ماكانت تبيها تطلع
ماتبي تظل مع احمد
تخاف وكأنه انسان ماتعرفه
اريام طلعت من الغرفة وسكرت الباب
أحمد رفع راسه وظل يطالعها
نور نزلت راسها
انا لو اطالعه تفضحني عيوني
إلا اظل اطالع فيه
احس بجمال زوجي
لكن من الخارج اما من الداخل انسان مريض
بس يجرح فيني وبس
أحمد : كلمت الدكتور قال انك راح تطلعين بكرا العصر
نور وهي منزلة راسها وبهمس : اها طيب
احمد وقف وقرب منها
جلس في اقر كرسي تحتها
نور توترت : اريام تأخرت
أحمد : عادي يمكن برا تسوي شي او تشتري
نور : احمد
احمد طالعها بنظرات غريبة : نعم
نور : لييه اختذني على المستشفى
أحمد : خفت
نور رفعت راسها : هااااااا
أحمد : لا يروح بالك بعيد
أحمد : خفت ان يصير لك شي او تموتين وانا بعدي ما ذليتك ورجعت لك حركاتك
نور نزلت راسها
تحس ان بودها تبكي
لييه يسوي لها كذا لييه يقول لها كذا
أحمد وقف
: على فكرة اخذت لك اكل ما ابيك تضلين كذا وبعدها يقولون زوجة احمد كلها امراض ووجها يلوع الكبد
نور : وجهي يلوع الكبد
أحمد طالعها بقرف : انا طالع
طلع من الغرفة
نور : غبيييييي
بعدت الاكياس عنها : مستحيل آكل شي مستحييل
|
21-07-12, 03:04 AM
جديد مواضيع قسم القصص المكتمله
العرض العادي
