هذه قصيدة للأمير خالد الفيصل اسمها قسوة
فكملت عليها ابيات من عندي بنفس الموضوع ونفس الوزن والقافية انشاء الله تعجبكم
ليه اذا حبيتك اكثر زدت قسوة
وان دريت بحاجتي لك زدت جفوة
وان عطيتك من حياتي ما تريده
ما كفاك وتحسب ان الحب نزوة
والله اني يا احب الناس احبك
والله ان الروح لو ترضيك فدوة
والله اني تارك غيرك وجيتك
مزعل الزعلان والعتبان عنوة
كل دقة قلب فيني لك قصيدة
تكفي الدنيا مع الاحباب غنوة
كل هاجس ما يجيب الا خيالك
سلوتي في العمر في صحوة وغفوة
اجمع احساسي واشواقي وجيلك
والبس ثياب الهوى والعشق كسوة
وانتقي لك من سوالفي حسنها
والقصايد من غزلها كل حلوة
وانثر العبرات والضحكات عندك
تاخذ الي تلتقي لك فيه سلوة
واذكر الله كل ما شاهدت حسنك
اشهد انك فوق عرش الزين ذروة
ابياتي
وليه كل مارحت عندك تروح مني
وكل ما تجرح في قلبي تقول هفوة
وليه اذا شرقت لك غربت عني
وان قلت لك هذا صفا تقول مروة
يوم اشوفك ترقص الدنيا بعيني
ويوم تبعد تشتعل في القلب جذوة
ان حكيت ما اقول الا كلامك
وان شكيت احبس دموعى ما اقوى
وان بكيت لوحدتي صرت تضحك
لو يسعدك دمعي تفدى الف بكوة
وان صادفت عيني لعينك باسمة
صرت اتمايل بين سكرة ونشوة
انت اغلى من عيوني ومن حياتي
وما الاقي من عذابك يوم صفوة
كل عاذل صار يرأف لحالي وانت
قلبك صخر لآ والله قلبك اقوى
لامني في حبك وعشقك كل صاحب
ومن هواك صرت بين الناس حكوة
وغض الطرف عن جهلك وعاند
قلبي المتعب وقوله انت اهوى
حبك في قلبي يا شقاي حب دايم
وارتجي منك باسم الحب رجوة
اذكر اني في حياتك كنت عاشق
وارتضيلك في السعادة كل رضوة
27-07-11, 11:49 PM
قسوة × قسوة
جديد مواضيع قسم الشعر والشعراء
العرض العادي
