المنتدى :
الشعر والشعراء
بحة شوق ..!
تفاصيل ليلي .. ليل خاوي قمر ونجوم ..
.................... تقاسيم واغاني عبادي .. تسريني !
جريح .. وشجي الصوت .. ناطر .. وكلي لوم
.................... بسمعك بحة شوق .. مبطي وهي فيني
نسيتي هذاك الليل .. يا ليل صح النوم ..
.................... عيوني غفت .. و أطراف شعرك تصحيني !
ضحكت و ضحكتي .. جعل هالضحكتين تدوم
.................... عطيتك هذاك الليل .. وانتي عطيتيني ..
عطيتك غلا .. ود .. و تفاني .. وعزوة قوم
.................... وعطيتي ! لا والله ما عطيتي .. خذيتيني ..
بعيده ديارك يا قمر .. و الحفر محروم
.................... أشوف الحفر .. مظلم شوارعه تشكيني !
هنا أول لقى .. يوم إن عايش بدون هموم
.................... وهنا آخر لقى ! دمّر طموحي على سنيني ..
عيوني من الفرقا .. غدت يا غلاي غيوم !
.................... تسيّلت .. مير السيل .. موّت بساتيني .. !
و قلبك يا عيب الشوم .. عايش بدون سلوم ..
.................... زبنت بمضيفه .. مير عيّا يقهويني .. !
غديت بطريقي كنّي التايه .. المنجوم ..
.................... ولابي دروبي .. غير دربك توديني
تعالي .. حلالي .. و اقطفي خافقي يشموم
.................... و لاجل ما اشوف انسان غيرك .. خذي عيني !
رحلت ! وبقى لي دمع فرقا .. و شق هدوم ..
.................... تعبت انتظر مشتاق لك .. لا تخليني ..
جلست اجمع حطامي من البارحه .. لليوم
.................... و عزيت بحة شوق .. ماتت و هي فيني .. !
|
24-07-11, 08:30 PM
جديد مواضيع قسم الشعر والشعراء
العرض العادي
