انا فعلا اسفه على التاخير... بس عندي ثلاث ورشات عمل للمدرسه
و فوقه امتحان و طبعا غير المناسبات العائليه
اتمنى ما تكون زعلانين -
-
-
البارت الثالث عشر :
نواف بجنون ضرب باب البيت و الجرس في نفس الوقت كان يتنفس بصعوبه و يحاول يكبت الغضب و الهيجان اللي كان فيها ضرب و ضرب شيء سبب ازعاج كبير للجيران خصوصا ان البيت ما كانت كبير و له حديقه تعزله عن البيت الثانيه مثل بيت نواف كانت فيلا متوسطه الحجم تقريبا بس تظل حلوه...
فجأه و بتهور فتح جسار الباب و انصدم من منظر نواف: نواأأأأأأأأأأأأأف شفيك؟؟؟
نواف اللي كان لابس ثوبه عادي و كم ازرار مفتوح من فوق وشعره عادي ولا مرتبه دفع جسار و دخل البيت بجنون: وينهاااااااااااااا
جسار اشر له يخفض صوته: اششششششش انت شفيك؟؟ انهبلت من اللي وينها؟؟؟ تكلم
نواف عطاه نظره غاضبه بعد ما حاول يهدي من عمره قال: ايمااان طبعاا..
جسار هز راسه بالنفي : ايمان مو هني..
نواف قرب منه و بصوت عالي: خير ايش قلت.. كيف يعني ماهي هنا؟؟؟؟
جسار عقد يده قدام صدره : والله ما ادري عنك المفروض انت اللي تعرف هي وين الحين...
نواف: طلعت و قالا بجيكم ...
جسار بتافف: ايمان صحيح جتنا قبل جم ساعه اخذت محمد معاها و رجعت لعندك ..
نواف توسعت عيونه على الاخر و عصب من كلامه تذكر لايمان ايش قالت له بالضبط..
----------------------
ايمـان: من عاشر القوم صار منهم مثل ما لك جواسيس في كل مكان.. لي انا جواسيسي اللي قالوا لي وحده مثل القمر جت لعندك مع ادوارد... بمعنى انك ما صبرت ليله وحده من غير حرمه...
------------------------
معقوله تكون رجعت له و هو بغباءه طرش على وحده من حريمه... من غير تفكير نواف بعد جسار عن طريقه و رجع بالطريق للقصــر بسرعه كبيره مشى لجناحها و دخل مثل ما توقع كانت نايمه على سريرها و بحضنها نايم الطفل اللي ما يتجاوز عمره السنتين .. محمد..
نواف مثل عادته حس بالغيره من محمد اللي كانت ايمان مبتسمه وهي تضمه لصدرها خلال نومها و في نفس الوقت محاوطته بيدها الثنتين خايفه عليه يتحرك او يتاذيه شيء ... كان يتمنى يكون مكانه ... المفروض يكوون مكانه...
نواف قرب من عند ايمان و بكل رقه و حنان سحب خصله من شعرها و شمها: متى صارت ريحه شعرك كذا يا ايمان..
رجع نواف الخصله و حرك يده من اسفل جسمه الى وجهها: متى صار جسمك فاتن كذا.؟
يد نواف اللي وصله لوجه ايمان لمست بخفه خدها الى شفايفها: متى صارت بشرتك ناعمه و شفايفك بهذا الاغراء.............. محد يقدر يقاومها..
نواف قرب وجهه من ايمان و بعد ما صار الفاصل بينهم كم سنتيمتر ايمان تحركت بنومها و دفنت وجهها في الوساده...
نواف بعد عنها باحباط و قال: حتى وانتي نايمه رافضتني......... ليش ياا ايمان... ليش ما تسامحين مثل الباقي.....من علمك هذي القسوه........... للاسف..... انا من علمك اياها..
نواف باس يد ايمان برقه و رجعها حول محمد و طلع وهو يقول في نفسه : هل ممكن يجي يوم و تهتمين فيني مثله؟؟
من جهه ثانيه ايمان كانت غارقه في احلامها كان نواف فعلا صادق لما قال ان نومها ما يهزه شيء و لا يهمها هي وين تنام... لكن للاسف ماكان نوم هنيء مثل عادته..
ايمان كانت تحلم انها تسير في طريق طويل وحيده مثل عادتها حزينه... انتهى فيها الطريق لحديقه فيها اطفال كان كل طفل فيهم مع امه و ابوه او طفل صغير محاط بمجموعه من اخوانه يهتمون فيه و يحبونه و يخافون عليه احد يأذيه..
كانت تراقبهم بعيونها وهي تسمع تهامسهم: انسانه جميله .. ناجحه في شغلها.. ثريه.. محبوبه من اغلب رجال الاعمال اللي كلهم يتمنون ظفرها... لكن هل هي تحب احد؟ هل في شخص يحبها لذاتها؟ هل هي نفسها تحب نفسها؟؟ ليش انحرمت من انها تكون مثل اي طفل من هذي الاطفال... كانت طول عمرها تحت حمايه محمد يخاف عليها متوقع انه بيصير فيها شيء في يوم من الايام كان عارف ان اخوانه و ابوه ما راح يظلون بعيد على طول وراح يجي يوم و يتسببون في دمارها.. لكن الدمار اللي كانوا ناوينه اخذ مجرى اكبر من اللي كان من المفروض ياخده وهي الحين في حرب مدمره بينهم كل جهه منه تحاول تعطي ضربه قاضيه للثاني..
ايمان تحركت من مكانها و بدت تمشي وهي تسمع ضحكات الاطفال.. وفجأه بدا صوت الرصاص.. ايمان التفتت و شافتهم كل واحد منهم معه مسدسه ويصوبونه في اتجاها كل فرد فيهم على وجهه ابتسامه متشوقها انها تشوفها مرميه جثه هامده على الارض..
ايمان بخوف ركضت ركضت و ركضت بصعوبه وفجأه اختفت جزمته و صارت تحس بالم في رجولها العاريه اخذت ترض لحد ما صارت بعيده عنهم حست براحه قصيره خصوصا انها بدت تحس بحراره كبيره اسفل رجولها.. ايمان حركت عيونها لتحت و شافت النيران اللي كانت تحتها وهي فوق على ممر مكسر حاولت تركض بس الممر تكسر و طاحت منه للنيران على طول صرخت و صرخت وكانت بتحترق لو ان يدين مسكتها بقوه و سحبتها على طول لبر الامان.. ايمان ما كانت حاسه بشيء رمت نفسها في حضن منقذها و سمحت لنفسها تدفن نفسها في صدره..
نواف وهو يمسح على راسها: اسم الله عليك...
ايمان فتحت عيونها لما ما عادت تحس بالحراره و اكتشفت انه كان حلم وهي في سريرها بدل النيران اللي كانت حولها انزين ليش تحس بجسم من حولها حركت عيونها بتوتر وشافت انه كانت جالسه بجسمها الكامل في حضن نواف اللي كانت مسند ظهره على تاج السرير وهي جالسه على رجوله ويدينه كلها حولها بقوه ماسكها، من غير تفكير حاولت تبعد عنه
نواف فهم و بعد حتى ما يزيد توترها و تسبب مشكله بس ما رفع يده من على خصرها: كنت تصيحين و ترفسين في نومك خفت عليك و فجأه مسكتي يدي فقلت احضنك ممكن تهدين..
ايمان غمضت عيونها لفتره و بعدها فتحتها من جديد بعد ما لقت شيء تضيع فيه السالفه: وين محمد؟؟
نواف فهم انها ما تبي تتكلم عن الكابوس فرد: صحى من ساعه عطيته ميرنا تفطره..
ايمان حركت عيونها للساعه: كم الساعه؟ اووووووووووف كل هذا نمته..
نواف بابتسامه: نوم العوافي..
ايمان بقوه دفعته عنها: وين يجيني النوم وانت جنبي... وانا اقول احلامي ليش تحولت لكوابيس..
نواف: اولا انا ما نمت جنبك... الطول الليل على الكنبه كنت جالس و بعد ما طلعت محمد جلست جنبك على السرير لما صرتي تصرخين..
ايمان قامت من السرير و توجهة للحمام وهي تقول بقرف: مره ثانيه لا تقرب سواء احلم بكابوس ولا بفارس احلامي..
نوافمسك يدها بقوه و بسرعه: ايمان..
ايمان حاولت تسحب يدها منه و بقوه: شنو تبي؟؟
نواف بنظره استفزازيه: حقوقي!!!!!!!!!!!1
ايمان ابتسمت له بسخريه: خذ راحتك...... انا سبق و منعتك عن شيء.....
نواف مات قهر من كلامها و نظرتها القمه في الثقه وكانها تكلم جدار ماهو انسان: لا تنظرين لي بتحدي يااااااااااا ايمان..
ايمان بغرور وهي تسحب يدها : انا ما اتحداك.. انا اعلن انتصاري........
ايمان طلعت من عنده و دخلت الحمام تتروش......
فتحت الدش و بدت افكارها تدور في بالها وهي تدخل في الماي البارد : سنين وهذا الكابوس مو راضي يتركني في حالي و الحين و من بين كل هالايام رجع لي يوم انه نايم عندي.............
-
-
-
الوقت الحالي:
طلع جسار مع اخوه فواز بعد ما اقنعوا مشاري اللي كان رافض فكره زواج ريم من يعقوب و تركوا احمد لحاله يفكر و يقلب الفكره اكثر من مره في راسه بعد فتره من الوقت طلع و راح لغرفه زوجته..
ابو مشاري دخل وشافها جالسه تتفرج على التلفيزيون و عندها سديم تسولف: السلام..
ام مشاري: وعليكم السلام..
سديم بعد ما شافت ملامح ابوها الجاده ابتسمت بغباء احمد رفع حاجبه و قال: بما انك عارفه اللي بقوله ممكن تتركينا لحالنا لو سمحتي ياااا حلوه؟؟
سديم نقزت من مكانها و ذربت له تحيه: حاضر سيدي!!!1
طلعت سديم بسرعه من الغرفه و تركت ابوها مع امها اللي ما كانت فاهمه شيء من اللي يصير: ايش في؟؟
ابو مشاري طلع نفس و قال: ما سالتيني من الرجال اللي كانوا عندي ؟
ام مشاري بابتسامه: ماني معتاده اسالك عن ضيوفك ياا بو مشاري انت حر باللي تعزمهم؟
بو مشاري: اللي عندي كانوا خطاطيب لريم..
ام مشاري توسعت عيونها و ابتسمت: من جد تتكلم .....من هم؟؟
ابو مشاري بابتسامه : صديق عمري و وكيل لاعمالنا بو يعقوب الـ.... جاء يخطبها لولده...
ام مشاري كانت بتطير من الفرح : الحمد لله يااا ربي .. فعلا صبرنا و نلنا.. الاصل و المركز و الاخلاق كلها فيهم .. الابو و الام روعه و ينحطون على الراس و الولد دكتور مشهور..
بومشاري بعد ما سمع اخر كلامها مد يده حتى يقاطعها : بو يعقوب ما خطبها لولده بسام..
ام مشاري هزت راسها كاستفتسار: اجل لمن؟ الباقي صغار...
بو مشاري بلع ريقه و كمل: لولده الكبير..
ام مشاري توسعت عيونها على الاخر: يعقووب!!!!!!!!111
بومشاري: اي ..
ام مشاري حست بقهر و حزن بنفس الوقت: ليش!!! ليش ريم حظها كذااااا..
بومشاري: احسن من تقدم لها ياا الغاليه..
ام مشاري بحزن: ليش .... بس ريم ما عليها قاصر حلوه و مؤدبه و اخلاقها عاليه...
بومشاري: و الولد بعد ما ينعاب ياا ام مشاري...
ام مشاري بالم: مطلق...
بومشاري: خير من الف واحد ما سبق له الزواج....
ام مشاري بحزن: و تتوقع ريم بترضى؟
بومشاري تنهد و بعدها قال بهدوء: اللي بتقوله هو اللي بيصير ان وافقت اتصلت بالرجال و بلغتهم وان رفضت هما اتصلت و بلغتهم الرفض..
ام مشاري وهي تنزل راسها: اللهم لا سهل الا ما جعلته سهلا..
بومشاري طلع من الغرفه بهدوء و توجه لغرفه بنته ريم دخل وشافها تقرا قرآن ابتسم من منظرها وقال: السلام عليكم...
ريم حست بشيء من التوتر و سكرت المصحف و التفتت له و عيونها في الارض: وعليــــــ......ـــكم الســـ...ـــلام...هلا ابوي..
بومشاري وهو يبتسم لها: افهم من توترك هذا انك عارفه الموضوع اللي انا جاي حتى اتكلم فيه..
ريم بلعت ريقها و بكذب اخفت تفكيرها: اي موضوع...؟؟
بومشاري بابتسامه: الناس اللي خطبوك...
ريم نزلت راسها: ............
بومشاري: ريم يااا بنتي .... الزواج قسمه و نصيب و كل انسان ما راح ياخذ في هذي الدنيا الا اللي كتبه له ربه..
ريم: بابا..
بومشاري قاطعها: خليني اكمل.. ريم انا ادري بالكلام اللي تقوله لك ديما بنت عمك و امها و الاهانات اللي تاكلينها منهم و الالقاااااااب اللي يوووصفوونك فيها( قصدهم كلمه عانس)... بس لصبرك و تحملك ربي جازاك بخير الرجال كلهم...
ريم بخجل: بابا انت تعرفه عدل؟
بومشاري ابتسم لها: شكلك موافقه عموما انا اعرفه عدل لا تخافين و عاجبني كثير بس القرار الاول و الاخير لك يا ريم اضافه ..
ريم بخجل: الراااااي رايـ..ـك يااا بابا
بومشاري: لا يا روح بابا... انتي اللي الراي لك.. صلي استخاره و بعدها عطيني رايك...
ريم نزلت رايها بهدوء: ان شاء الله.......
بومشاري: خذي راحتك يا حياتي... والقرار اللي بتاخذينه هو اللي بيمشي مع اني فعلا اتمنى ان يعقوب يكون من نصيبك..
ريم وكانها سمعت شيء غريب بسرعه التفتت لابوها: يـــ....ـعقووب؟
بومشاري بابتسامه: هذا اسم خطيبك الكريم..
ريم حست بقرصه في صدرها و ريقها ينشف : صدق..
بومشاري بسرعه انتبه و بعدها رد: ايش فيك ياا ريم..
ريم ابتسمت بصعوبه: مافيني شيء....
بومشاري: اذا حاسه بشيء ولا مانتي مرتاحه قوولي ..
ريم: لا مااافي شيء باابا..
بومشاري: تدرين ان جسار ولد عمك واخوه فواز يمدحون في الرجال كثــير اصلا يعقوب مصر عليك والسبب علاقته بجسار... و بصراحه ان كان مثل جسار بيكون ماشاء الله عليه ..
ريم حست بشيء نور شعور ممتع مر في صدرها و انسحب بسرعه كبيره بمجرد ما عرفت سبب وجود فواز عندهم...
بومشاري غم رغبته ان يكون شعوره في غير محله سال من جديد: ريم فيك شيء؟؟ قووولي الحين ...
ريم تظاهرت انها خجلانه و نزلت راسها: مافنيني شيء يا ابوي.. افكر بس..
بومشاري تنهد و لعب بشعرها على الخفيف: الله يوفقك يا بنتي و يفتح لك ابواب رزقه في كل مكان..
بومشاري ختم حواره مع بنته بدعائه لها و طلع بعدها على طول.. ريم حست بشيء من الالم بعد ما طلع ابوها مشت لعند وسادتها و حضتها بقوه كانت تتمنى تفرغ المشاعر الغير مرغوبه فيها وهي تصرخ من داخل: ايش اللي كنتي تتوقعينه شافك امس انعجب فيك طول الليل و جاء يخطبك اليوم.... صدق اني طفله غبيه ...ماا افهم شيء...
-
-
-
اسامه حط اصبعه على صوره عامر: عامر عنده اخت صغيره ...............هند..
منصور ابتسم بخبث ووجه نظره لولده سعود: ايش رايك يا ولدي؟؟
سعود ما كان فاهم شيء من كلام منصور واسامه فسال: راي بايش؟؟
اسامه: الخطه بسيطه نخطب هند لك.. وبكذا تقدر تدخل وسط ارض المعركه و تلم لنا الاخبار و النتائج..
سعود من غير نفس: نعم!!!وليش انا ان شاء الله... هذا مستحيل انا لايمكن اقبل اتزوج وحده مثل هند قرف..
اسامه تافف و حرك نظره لفارس ولده: وانت ايش رايك؟
فارس طلع نفس خفيف وسط ابتسامه ثقه: اعتقد انكم كلكم واثقين اني انسب لهذي المهمه من سعود..
اسامه: مهاراتك اللي ورثتها عني بتنفعك كثـير في هذا الشيء...
سعود من غير نفس: هههه قصدك مهاراته العاليه في ايقاع البنات في غرامه..
فارس وهو يرفع حاجبه : غيران لاني وقعت فاطمه اللي عجزت انت فيها...
سعود عصب: وليش اغار مالت عليك وعليها!!!!!!!!!!1
فارس: هههه اصلا انت تعطيها وجها لهذا السبب ما تحبك.. انا بحركتي هذي ماهو بس بنكسب التقرب من عامر.. بزيد من غيره فاطمه و بخليها تنجن على الارض اللي امشيء عليها و ما تردني لما اخطبها..
سعود : والله فاطمه اخت نواف... و ما يصير شيء الا اللي براسها و خوفي والله بحركتك هذي بتدمر ماهو بس خطتنا الا كل خططك عليها ...
فارس: ننتظر و نشوف...
منصور : المهم متى نبدي بالخطه؟؟؟
اسامه: اولا لازم نرجع العلاقات شوي مع عامر بما انا محنا قراب كثير منه بكثر نواف و جاسم..
منصور: اوكي.. وبعدها نخطب هند...
-
-
-
بعد يومين مع ابطالنا الاعزاء في جزيره كوزمو..
جنب الشرف الضخمه المطله على حفله الشواء حول البحيره المائيه كانت ايمان جالسه على طاولة الاكل تاكل بشراها و جنون وهي تشوف نواف وسط مجموعه من رجال الاعمال و محوطه بنت شقرا فستانها مطلع اكثر من اللي ساتره يده و ضامتها لصدرها و بنت ثانيه مشت لعنده و حال فستانها ما كان احسن من سابقتها قربت منه و باست خده وبدت تضحك و تتكلم معه بكل حريه...
ايمان انقهرت و اخذت قضمه كبيره ثانيه من الاكل اللي كان متنوع و كثير على طاولتها وهي تقول في نفسها: ما ادري هو ليش جايبني معه... استمتع بوقتي ولا اشوفه يستمتع هو وسط هوسه بالحريم...
جوري قربت من عندها وعلى وجهها ابتسامه عريضه: جالسه لحالك؟
ايمان كانت تكره جوري ما كان عاجبها اي تصرف من تصرفاتها تدخل نفسها في امور مالها دخل فيها و فوق كل هذا تتانق و تلبس لبس عجيب و ماهو باين عليها الكبر في العمر: اي... بس مثل ما تشوووفين مشغوله..
جوري حركت عيونها على الاكل وبضحك: واضح و الدليل اكل لثلاث اشخاص انتهى...
ايمان اخذت قضمه ثانيه و اكلتها: عندج مانع..
جوري ضحكت عليها : ممكن اشاركك..
ايمان وهو مالها خلق لها: لا...
جوري تجاهلت ردها و جلست على الطاوله قدامها: اسلوبك غريب عجيب... تعجبيني ...
ايمان من غير نفس وهي تاكل الحلا اللي طلبته مع الاكل مره وحده: اسلوبك مليق و سخيف .... ما تعجبيني...
جوري بسرعه ضحكت على كلامها: فعلااا تعجبيني... عليك كلام ما عمري سمعت مثله...
ايمان: الله يعينك على حالك.. شكلك جالسه لحالك طول الوقت..
جوري: تقريبا!! وانتي..
ايمان وقفت اكل و التفتت لها: شنو تبين مني؟؟
جوري: احسك متضايقه من نواف لانه جالسه مع البنات الجميلاااااااااااااااااااااااااااااااات بره وانتي هنا لحالك..
ايمان مدت بوزها و كملت تاكل جوري سحبت الصحن من قدامها :هيييييييييييييييي!!! شتبين؟؟
جوري اخذت الصحن و عطته النادل: وحده في عمرك المفروض جسمها ما يكون كذا!
ايمان انقهرت و اخذت الحلا و حطته في حضنها حتى ما تسحبه جوري: كيفي!!! ثانيا اناا ماني متينه!!
جوري رمشت بعينها بغرور: مسكينه امك !! ارأف لحالها مخليتك على راحتك لحد ما صرتي مثل الفيله...
ايمان نزلت عيونها في الصحن: انا ما عندي ام.... امي ماتت قبل لا اعرفها ...
جوري حست بنوع من تانيب الضمير من نظره ايمان : سوري ما كان قصدي..
ايمان: لا تهتمين امي متوفيه من زمان و انا اتأقلمت على عدم وجود ام في حياتي...
جوري: هذا فسر طريقه لبسك و اسلوبك!!!
ايمات بتافف: رجعنا للموضوع اللي ماله داعي...
جوري ابتسمت و قامت تسحبها معها: تعالي!!!
ايمان قامت مع انها ما كان عاجبها: شنوو تبينن!!!!
جوري: بنروح الحفله!!!
ايمان : ما ابي ارروح اتركيني
جوري استمرت تسحب ايمان معها وهي مستمتعه : بما ان اللبس هو اللي مانعك من حضور الحفله راح اعطيك شيء يناسبك ويكون حلو بنفس الوقت..
ايمان سحبت يدها منها بس ما قدرت: ماااا ابي اتركيني مستحيل تجبريني على شيء ما ابيه..
جوري ابتسمت لها بخبث: كلمه مستحيل ... غير موجوده في قاموسي..
ايمان بتعجب: هاااااااااااااااا
- بعد ساعه –
ايمان كانت تاامل الفستان اللي اختارته لها جوري من بين فساتين كثيره من المعرض المقدم من صاحب شركه ازياء عالميه لكل الموجودين في الحفله ..
الفستان كان بسيط ترابي مايل على البني بدرجه مرتفع لاسفل العنق بشريطه بنيه .. الكم واسح لحد الكوع و تجي شريطه بنيه على الخصر و يصير بعدها واسع لنص الساق..
ايمان التفتت بعصبيه: موووووو حلووو
جوري ضحكت عليها و هي تشوفها ترمي الفستان على السرير : بالعكس احسه مناسب و مخفي عيوب جسمك ..
ايمان: كان المفروووض اتركه لوحده ثانيه عيوبها اكثر..
جوري و هي تتمشى في غرفه ايمان: للاسف محد في الحفله يناسبه الفستان غيرك لان اغلب سيدات الاعمال مهتمين بشكلهم و اجسامهم .. و اعتقد شفتي عينه منهم حول نواف..
ايمان بوزت و تااففت على طول: مافي داعي لهذا الكلام..
جوري مشت لعند التسريحه الخاصه بايمان: كل اللي محتاجته هو حلق كبير حتى نزين فيه منظر شعرك القصير.. و اسوار حتى تصيري انثى.. عندك و لا تبين من اعطيك من تصميمي قطع..
جوري اشرت على عقد من اللولو مرصع بالماسات كان شكله روعه حتى لوحده ما تهتم في المجوهرات مثل ايمان..
ايمان هزت راسها بالنفي: مافي داعي لقطعك الغاليه كثير .. ياا صاحبه شركه المجوهرات عندي اكسسوارات احبها كثير في صندوق على التسريحه..
جوري مشت بضحك للتسريحه وبدت تتفرج على اكسسوارات ايمان: اكسسوراات .!! ههه اغراض اطفال و ناس فقراء... راح يضحك الكل عليك ان لبستيهم في حفله مثل هذي..
ايمان: لو سمحتي لا تتكلمين جذي عنهم.. لان كل قطعه منهم لها معنى مهم لي..
جوري: هههه حلو............ ايش هذا ..
جوري سحبت عقد كان لمعته كبيره و حلوه من بين الاكسسوارت البسيطه كانت نظره استغراب على وجه جوري: هذا هديه من اعز صديقه لي... حلو صح..
جوري كانت ما تزال تحت تاثير صدمه رجعت نظرها من جديد للعقد.. اللي مصنوع بدقه من مجموعه احجار كريمه محوطه بسلك ذهبي مرصع بالالماس و مكتوب عليه اسم (Magi
و بسرعه مرت في بالها ذكرى من كم شهر و كانت واثقه منه ..
-
من اشهر من عليها التصميم هذا من بين التصاميم اللي كانت تتفرج عليها و توافق على صنعها ولا لا....
جوري بابتسامه لكبير المصميمن عندها: تصميم جميل ! طلب من هو؟
المصمم الايطالي : انه طلب خاص من السيد نواف سيدتي...
جوري رفعت حاجبها: نواف؟؟ و اسم ماغي؟؟ لا اذكر شخص في عائلته بهذا الاسم..
المصمم: ربما واحده من صديقاته الكثيرات ..
جوري ضحكت : نواف لا يهدي هذا النوع من الاشياء الثمينه الا لفرد واحد من عائلته اخته المدلله و لا توجد صديقه واحد تستحق في نظره شيء بمثل هذا السعر..
المصمم صفر: واوو يبدو ان االسيد نواف وقع اخيرا في الحب..
جوري بابتسامه متشوقه: انتظر اشوف نتائج هذا الوقووع و اضحك عليه...
-
جوري حركت عيونها لايمان اللي كانت مستغربه تاملها للعقد: هذا العقد من اعز صديق لك..
ايمان توسعت عيونها على كلمه جوري: شنو هذااا الكلام... قلت لج اعز صديقه.. وثانيا مو لاني كل شيء عندي عادي تظنين اني هذا النوع من البنات اللي تصادق شباب..
جوري ضحكت عليها: انا ما كان قصدي على شباب غرب.. شباب عائلتكم .. نواف مثلا..
ايمان: اولا نواف ولد اختي صحيح.. لكنه ماهو قريب مني كصديق.. انا صديقي واحد ثاني من عيال اخواني..
جوري: بس نواف يحبك كثير..
ايمان : مع اني ماني عارفه سبب هذا الكلام.. بقولك نواف انا ما عرفته الا من شهر تقريبا لاني كنت عايشه مع اخوي في الكويت طول عمري...
جوري عطت ايمان نظره غريبه: مستحيل!!!
ايمان حركت عيونها بضحك: ههه مو جانج قلتي ان كلمه مستحيل ماهي موجوده عندج؟
جوري: قصدي هو ان كلامك غير منطقي... العقد طلب نواف تصميمه من ثلاث اشهر تقريبا...
ايمان التفتت لجوري بصدمه: انت شنو اللي تتكلمين عنه.... قلت لج العقد هديه من صديقتي في المدرسه.. مع ان شكله حلوو حييييييييل ما هو الا قطعه اكسسوار بسيطه .. لان صديقتي ماهي بمثل ثراءكم و جاهكم ...
جوري ابتسمت بسخريه و قربت منها و قلبت العقد : وهذا ايش؟؟
ايمان استغربت من وجود نقش وكانه توقيع J&J : شنو هذا؟؟
جوري: ختم و شعار شركتي... و موجود على كل القطع اللي تصمم فيها و هو دليل عدم زيف هذي القطعه..
ايمان رفعت عيونها بصدمه و هي تشوف الختم نفسه على كل القطع اللي لابستها جوري: هذا مستحيل...
جوري: مثل ما قلت لك يا ايمان، هذا العقد من تصميم نواف في شركتي و اذا تبين تتاكدين راح اوريك التصميم الاصلي له بعد ما نرجع المملكه و القطع الثمينه المستخدمه فيه خصوصا انه كان من اغلى القطع اللي صممناها هذي السنه ... و سعره يفوق تصورك..
ايمان توسعت عيونها كثير وهي تسمع كلام الجوري اللي سبب لها صدمه وتذكرت اللي صار بالضبط وشلون وصل لها العقد..
من شهر و اكثر –
ايمان: بنفس الوقت واحد ، اثنين ، ثلاث............
ايمان و نوف بنفس الوقت : Happy birthday>>>
ايمان و نوف اللي كان عيد ميلادهم في نفس الوقت قالوا لبعض و بدوا يضحكون...
نوف: وين ناويه نقضيه هذي السنه؟؟
ايمان: امشي خل نروح المدينه الترفيه نغير جو و ناكل في مطعم.
نوف: اخواني ما راح يرضوني...
ايمان : عطني رقمهم و انا اكلمهم...
نوف عصبت و خشت موبايلها عنها : نووووووووووو وييي
ايمان مدت لسانها لها و بدوا يضحكون بفرح، ايمان كانت تتمنى ان الشهر يمر بسرعه و تقابل عيالتها و في نفس الوقت كانت تتمنى الوقت يظل حتى ما تفترق عن نوف... كانوا مثل عادتهم يحتلفون في مع بعض في مكان معين ... بس ما تدري ايمان ليش تمنت ان هذا العيد ميلاد يكون غير اللي قبله...
ايمان بسرعه فزت من مكانها و على الخزانه و طلعت منها علبه مغلفه و مزينه : تفضلي ياا حبيبتي..
نوف توسعت عيونها على الاخر: شنو هذا ايمان... عمرك ما نسيتي..؟؟
ايمان ابتسمت على الاخر: في احد ينسى عيد ميلاده
نوف: يعني من حظي اني معك...في نفس اليوم..
ايمان: اصلا اكثر شيء قربنا من بعض هو ان عيد ميلادنا بنفس الوقت..
نوف رفعت حاجبها: بس مو قلنا السنه اللي فاتت اخر سنه نحتفل فيها بما ان حرام؟
ايمان: عااااادي!!! كلها علبه عطر...
نوف ابتسمت و صارت تفتش في شنطتها : لحظه خل اعطيج هديتج..
ايمان ابتسمت بغباء: الحمد لله ظنيتك نسيتيها...
نوف كانت منحرجه من ايمان لانها ما اشترت لها و هي اللي عمرها ما نست شيء .. و كل سنه تشتري لها ايمان اشياء غاليه و حلوه وهي ما تعطيها الا شيء بسيط لانها كانت توفر من مصروفها و بالكاد يكفي شيء لها.. كانت تمثل انها تدور وبعدهاا تقول نست لما لمحت العلبه اللي كانت فيها هديه نواف ( كوكي) كانت كل ما شافتها تحس بالذنب وانها خدعت ايمان و استغلتها ...اصلا هي ما طلعتها من شنطتها من اللي صار ..
بابتسامه طلعتها: تفضل امووون ان شاء الله تعجبج..
ايمان بسرعه سحبتها و فتحتها و بعدها شهقت: وووووووواااااااااااااوووو نوووف تهبل!!!!!! من وين شريتيها؟؟؟؟؟؟
نوف بابتسامه: ان شاء الله عجبج؟؟
ايمان: انتي اكيد تمزحين هذي قمه كانها قطعه مجوهراااااااات حقيقه !!! من وين شرررييتها؟؟
نوف ابتسمت حتى تخفي توترها: علشان تروحين وتشوفين جم سعرها .. ماني قايله..
ايمان بابتسمت لها: احلى مافيج انج تعرفيني عدل..
نوف ابتسمت لها ابتسامه ناقصه ايمان لاحظتها بس ظنت سببها ان نوف تكلفت على ما اشترتها و ضغطت على عمرها هذا الشيء اللي ما خلاها تكلم في سؤالها؟؟
-
-
ايمان توسعت عيونها و حست بشيء يعصر قلبها من كلام جوري ... ايمان ما كانت فاهمه شلون وصل الموضوع جذي .. نوف شنو عرفها نواف؟.؟ شلون وصل العقد اللي صممه نواف ليد نوف مستحيل؟ كيف..
وبعدها على طول مر في بال ايمان لقاءها بنواف في المطعم لما كانوا بيقابلون كوكي... و بعدها كلام نواف ووصفه لماغي و اسلوبه معها وكانهم يعرفون بعض و بعدها تاكده من انها ماهي ماغي
ايمان بسرعه استنتنجت في قلبها: نواف هو كوكي قابل نوف وعطتها هديه ماغي.. على انها ماغي و نوف اخفتها عني...بس ليش...
جوري عقدت حواجبها: ايمان ايش فيك...
ايمان زفرت: سووري بس مضطره اتركج لاني بكلم نواف..
جوري باتسغراب: ليش مانتي لابسه الفستان..
ايمان عطتها ظهرها: مافي داعي...
ايمان مشت بسرعه بره الغرفه و تركت جوري اللي ظلت تقول لنفسها: شكلي كشفت شيء المفروض ما ينكشف..
ايمان بجنون مشت وسط الحضور اللي كانوا يراقبونها بعيون كلها استغراب و صارت تتلفت تدور على نواف.. من غير تعب طويل لما شافت تجمع بنات عرفت ان هناك: نوااف
نواف و اللي كانت تشربه وحده من البنات الاجنبيات شيء في كاس ما كانت ايمان عارفه شنو هو بالضبط: خير؟؟ في شيء؟؟
ايمان عقدت حواجبها اكثر: بكلمك..
نواف بابتسامه ساخره: بعيدن انا مشغوول..
ايمان: الحين يعني الحين...
نواف تافف: اوووووف يااامن شرا له من حلاله عله...
ايمان باستهزاء: حده مااا يصلح عليك هذا النوع من الكلام..
نواف عصب من كلامها بس قرر يمشي وراها لحد ما وصلوا مكان هادي: خير وش الكلام المهم اللي تبين تتكلمين فيه ياا خاله ايمان..
ايمان مدت االعقد بوجه نواف: هذااا!!!
نواف استغرب: كيف وصل لك؟
ايمان: يعني تعترف انك اللي مصممه...؟؟
نواف هز راسه ببرود: صحيح انا صممته و اهديته لماغي...
ايمان عصبت : يعني لقاءنا في المطعم اول مره ما كان صدفه.. كنت جاي حتى تقابل ماغي... انت كوكي..
نواف تنهد:يظهر ان نوف ما اخفت عنك حقيقه هويتها لكنها اخفت عنك هويه كوكي الحقيقيه و اعتقد هذا ماه من شيم الاصدقاء..بس اللي ماني فاهمه هو كيف وصل العقد لك..
ايمان بقهر: لاني انااااااا ماغي يااا سيد نوااف... يااا كذااااااااب يااا معقد..!!!!
ايمان عطته ظهرها و مشت بس نواف مسكها: من سمح لك تناديني بهذي الالقاب؟
ايمان سحبت يدها منه بقوه: خدعتني !! و كنت تتكلم معي بالساعات و توصف لي حياه غير حقيقه وانا كنت اهمل شغلي و اتكلم معاك.. و اقولك اشياء ما تنقال لشخص غريب.. وانت كنت مستغل ثروتك و تمكنك من التكنولوجيا و كلمتني بصوت بنت بس حتى تكسبني ... شنو كان هدفك ياا نوااف شنوو... تتقرب مني و تثبت ان ماكو بنت في الدنيا ما تقدر توقع في غرامك؟؟؟ حتى سيده الحب حبتك........
نواف انقهر من كلمتها : اسمعيني زين انا...
ايمان قاطعته و بعصبيه: اسمعني زين... انا ما تسميت سيده الحب من فراغ.. انا تسميت جذي لاني اعطي الحب .. لكن انا لايمكن احب احد ابدا... ولا تتصور انك كنت تقدر تخليني احبك... فلا تتحسف اني طلعت خالتك
نواف ضحك عليها : تطمني انا بس ندمان اني تصورتك ملكه جمال
ايمان عطت نواف ظهرها و طلعت على غرفتها و سكرت الباب من وراها .. نواف تافف بس ما اهتم كثير... كان شاك انها ماغي.. بس ما صار الموضوع بالنسبه له الحين بالاهيمه اللي كانت في باله
ايمان قررت تحبس نفسها في غرفتها و لا تشوف نواف الا يوم رجعتهم للسعوديه..-