كاتب الموضوع :
اسطورة !
المنتدى :
القصص المكتمله
السلام عليكم شلووونكم ياا بنات ان شاء الله بخيـر
ان من جد اسفه على التأخير كان عندي برامج و فعاليات ف يالمدرسه كثير
و غير هذا مناسبات عائليه يعني بالموت كنت افضى انااام و ارتاح كل يوم اخذ الابتوب معي الدوام علشان اكتب يطلع لي شغل
و علشان اراضيكم حطيت لكم بااارت طويل كله اكشناتاااات علشان ما تزعلون علي ^_^
اخليكم معه ان شاء الله يعجبكم -
-
-
هالعيون اشلون اميلها .. سحر ذوبني بغزلها
بوسه من عندك حبيبي .. تسوى عندي الدنيا كلها
ياضوى عيوني وحياتي .. قلب اقدم لك هديه
اطلب اش ما ردت مني .. قول وادلل عليّ
انت مني وانا منك .. مستحيل ابتعد عنك
ابتسم يا بعد عمري .. ضحكتك ماكو مثلها
ذاب قلبي بالمحبه .. لا تظن عنك اتوب
طيّرت عقلي بغرامك .. ياما ذوبت القلوب
انت حبي نبض قلبي .. بس تعال شويه قربي
يا اعز انسان عندي .. وأغلى من هالناس كلها
-
-
-
البارت السابع :
ايمان بسرعه لبست نظاراتها اللي طاحت منها لما قفزت و بصدمه و عيون متوسعه شهقت و قالت : انت؟؟؟
نواف رفع حاجبه باستغراب: انا؟؟
عواطف كانت تمشي بسرعه و من وراها مرافقتها شايله روب السباحه انصدمت لما شافت نواف: نــ...نــوااااف؟؟
ايمان استغربت تصرف عواطف و حركت عيونها لنواف اللي كان متجاهل عواطف: انتي من؟
ايمان صعدت من الحوض و غطتها المرافقه بسرعه بالروب، عواطف جاوبت بسرعه : خالتي ايمان ,, خاله هذا اخوي نواف
نواف توسعت عيونه و هو يتامل البنت اللي تقول عواطف انها خالته ايمان باستغراب وهو يقول في نفسه: هذي!! ماهي ماغي؟ اللي قابلتها ايش اللي صار؟
ايمان حركت عيونها باتجاهه باستغراب من نظراته وهي تقول في نفسها : يظهر انه ما تذكرني...
عواطف :انا قلت لها لا تسبح بس هي عنيده..
نواف رفع حاجبه و ابتسم بعد كلمتها وهو مازال يفكر: عنيده؟ هههه حلوه هذي... يظهر اني انتظر انجاز عظيم لخطه عبقريه... بس من اللي مخططها هذا هو السؤال .؟؟؟
مشى لعندها بابتسامه و رحب فيها: يا هلا وغلا بخالتي ايمان .. نورتي القصر و اهله ... واتمنى تسامحيني على الاسلوب اللي كلمتك فيه من شوي ما كنت عارف انها انتي..خصوصا اني توني راجع من السفر
ايمان ابتسمت له: عادي حصل خير..و الحمد لله على السلامه
نواف بالابتسامه الساحره منه: الله يسلمك يا عسل..... بس انا متاكد اني شايفك من قبل بس فين ومتى ماني ذاكر؟
ايمان ببرود : في الكويت من شهرين تقريبا في مطعم بدر البدور...
نواف تغيرت ملامحه لابتسامه ساخره و انفجر ضحك: هههههههههههههه
ايمان رفعت حاجبها من القهر: واضح من ضحكك انك ذكرت حوارنا..
نواف بابتسامه وهو متذكر كل حرف منه: المتسرعه!!
ايمان : النسونجي...
نواف انفجر ضحك من جديد بشكل اقوى هذي المره: هههههههههههههه يعجبني اصرارك و تمسكك بافكارك و حتى ان كانت خاطئه..
ايمان: هذا لاني ما اقول الا الصج.
نواف ابتسم و مشى لعندها و حط يده على راسها: وحتى هذي الثقه الكبيره بالنفس تعجبني بس من الممكن انها تسبب عدم تفاهم بينا ..لكن في النهايه.... تعجبني.. خالتي ايمان..
ايمان تراجعت بعد ما حست بشيء غريب من لمسته لها.. نواف عطى عواطف نظره و بعدها مشى لداخل القصـر..
عواطف بلعت ريقها و بكل هدوء تمتلكه سحبت ايمان معها حتى تبدل ملابسها...
-
-
ايمان بدلت ملابسها و لبست جينز اسود عليه قميص رمادي فيه مخطط باسود و حزام سيلفر.. بعد ما نشفت شعرها ربطته كالعاده و جلست على لابتوبها .. تكتب مقاله في المنتدى..
الرئيسه : ماغي..
الحب من النظره الاولى ... هل فعلا هو الحب الصادق كما يقول (الزعيم شكسبير )...
دعوني اقول لكم انه لا ...
الحب من النظره الاولى يسمى الصادق لان المشاعر تكون فيه حقيقه لكن هذا الحب لن و لم يكتب له النجاح.. عندما تعجب الفتاه بشخص تراه لاول مره ماهي نسبه تتويج هذا الاعجاب بالزواج انها 0% و السبب هو انها عندما اعجبت به سيكون اما بسبب الشكل، التصرفات ، الصوت و احيانا الشخصيه و الاخلاق.. ولكنها بما انه لاول نظره فهي لا تمتلك خلفيه عن هذا الشخص الذي احبته فقد يكون قلبه متعلق بغيرها و هذا ما سوف يجعله يرفض حبها .. و قد يكون متزوجا و في هذه الحاله لن تتزوجه الا اذا دمرت بيته و قد يكون ذا ماضي لا يقبله احد افراد عائلتها و قد يكون لا يحل ان يكون زوجا لها ...
كثـيرااات هن اللواتي وقعن في حب من لا يستطعن الزواج منه .. و هذا ما نتج عنه اما انحراف عن الطريق السليم و الوقوع في الرذيله و اما تكون شعور في داخلهم انهن لن يحبن غيره و هذا لن يدعهن ينجحن في الزواج من غير هذا الشخص..
ان الحب الذي يأتي بعد الزواج هو الوحيد الذي يتم له الاستمرار و الذي سيأتي فقط من حبك الخالص له و رغبتك في نجاحه ..
و سوف نتناقش في بالموضوع القادم : زوجي حبيبي الوحيد...
مع حب و تحيات سيده الحب.. ماغي..
-
-
سكرت ايمان لابتوبها و نزلت علشان تفطر كانت بتموت من الجوع... ما عجبها ابدا انها حتى و ان قامت مبكر ممنوع تاكل قبل موعد الاكل..تنهدت وهي تنزل الدرج وتقول في نفسها: ضروري اغير هذي القاعده بس ههه بعدين ان شاء الله...
لما نزلت تقاطع السلالم تفاجأت بنواف اللي ابتسم اول ما شافها: هااي..
ايمان ابتسمت له: هااااياااات ...
نواف نزل معها وهو يقول في نفسها: الله يقرفها .. ايش هاللبس.. حتى اقرف سواق عندنا ما يلبس كذا..
ايمان وهو تقول في نفسها: لما اعتبرت نفسي انثى و اعجبت بذكر.. طلع ولد اختي.. عيونه تذبج. .. بشكل.. واضح انه اكبر من جسار.. بس معقوله مو متزوج؟
ايمان كملت طريقها لما وقفها نواف: لفين رايحه؟
ايمان التفتت له و قالت: للمطبخ!
نواف بابتسامه ساحره: غرفه الاكل من هنا...
ايمان باندهاش: عندكم غرفه اكل...!!
نواف : اكيد..
ايمان : واااااااااااااو مثل الافلام...احنا كنا ناكل بالمطبخ..
نواف بنبره ساخره: على الارض؟
ايمان قهرها ايش شايفها: لا طبعا على طاوله اكل.. بس ترى مافيها شيء القعده على الارض... تونس...احنا نقعد على الارض لما نطلع البر...
نواف ابتسم حاول يضغطها و يقهرها بس ما نفع معها كل شيء عندها رد له: لازم نجرب حتى نتاكد..
ايمان: ما عندي مانع...
نواف بضحك و هو يطلع موبايله يتكلم فيه : حددي الموعد و انا جاهز..
ايمان مدت يدت يدها له بحركه اوكي وهس تسبقه لداخل غرفه الاكل : اوكي
دخلت ايمان غرفه الاكل وشافت الكل موجودين و معهم واحد بعد.. ساره بسرعه ابتسمت لها : هذا زوجي جاسم بو نواف .. يا ايمان...
بو نواف بابتسامه: هلا وغلا ببنتي ايمان ... حياك الله في ديرتك و بيتك..
ايمان بابتسامه: الله يحيك يا بو نواف...تسلم..
مشت ايمان لاول كرسي فاضي و جلست عليه ... فاطمه عطتها نظره بس ما فهمت منها شيء نواف دخل بعدها و سلم: السلام..
فاطمه بسرعه نقزت من مكانها و ركضت لعنده: نواااافي حبيبي... وحشتني!!!
ايمان رفعت حاجبها من تصرف فاطمه الجريئ و تذكرت شلون قابل نواف عواطف و الفرق بين الاختين...
نواف بعد عن فاطمه و مشى لعند ساره و باس راسها و بعدها باس راس ابوه و مشى لعندها : جااالسه في مكاني؟؟
ايمان رفعت حاجبها: مكان فاضي و عجبني قلت اجلس فيه..
نواف ابتسم و جلس جنبها : اوكي براحتك..
فاطمه بغرور: خاله.. في هذا البيت عندنا قوانين و نظم كثـيره لازم تلتزمين فيها .. حتى ما تتعبي و ما تنحرجين..
ايمان ببرود و من غير لا ترد عليها اخذت طبقها و احطت لها من الطبق الرئيسي و بدت تاكل..
فاطمه عصبت: انا قاعده اكلمك..
ايمان : وانا ما ابي اسمعج بصراحه .. جوعانه كثــير..
فاطمه ضغطت على اسنانها من القهر: بس يا حلوه في سيرفيس هو اللي يحط لك اكل في طبقك مو انتي..
ايمان: ما عليه انا طويله و اوصل لكل الاطباق مافي داعي يساعدني..
فاطمه: قصدك اني قصيره؟؟؟
ساره: فاطمه !!!!!!!!!!! ايمان خالتك نسيتي و لا اذكرك؟ و ثانيا هي ما قالت شيء حتى تتكلمي معها بهذا الاسلوب...
فاطمه بعد كلمة امها تذكرت ايمان ايش سوت في ديما و كيف وصلتها لمرحله الانفجار و قررت تسكت و تحفظ ماي وجهها...
بو نواف بهدوء سال ولده: شلون كان المشروع يا نواف...
نواف بهدوء و هو يكمل اكله: ماشي .. افتتحنا المول الجديد و رفعت كل اسهمنا في شركات التجميل بنسبه 10% اضافه الى اني القيت نظره على تعديلات مزرعه فرنسا بصراحه التصميم كثير مختلف عن شكلها لما كان الكونت رافيل يملكها ..
فاطمه: اكيد بتصير غير مو انا اللي اقترحت نجددها..
نواف: وانا ما قبلت الا لانك طلبتي هذا الشيء... عموما هي بتكون جاهزه بعد اسبوع و الطياره تحت امرك سافري متى ما تبين...
ايمان توسعت عيونها و شرقت: طيااااااااااره؟؟؟
فاطمه بغرور: اي اكيد احنا نسافر بطياره ولا تبينا نسافر مثل الناس العاديين.. ثانيا حتى اللي اقل من مستوانا عندهم طيااارات خاصه ...
ايمان وهي تحرك وجهها لنواف: تكونون لحالكم فيها؟
نواف بهدوء: طبعا..
ايمان عقدت حواجبها: اكيد ملل.. اصلا السفر على الدرجه السيااحيه تونس ... تشوف ناس غير و تتعرف عليهم .. خصوصا لما تكون الرحله طويله ...
عواطف حتى تغير الموضوع اللي تبي توصله فاطمه لغرور: يظهر انك سافرتي كثير خالتي...
ايمان هزت راسها بالايجاب: بابا الله يحفظه و يخليه لي ما ترك علي اي قاصر.. سافرت كل مكان تمنيته و فكرت فيه... و اي شيء اطلبه كان يوصلني باسرع وقت..
فاطمه: مثل نوافي حبيبي قلب فاطمه اي شيء ابيه يوصله لي ... طلبته ولا ما طلبته .. بسرعه يوصل...
ايمان بابتسامه لها و من ثم لنواف: الله يخليه لكم... ولا يحرمكم من بعض ابد..
فاطمه تغيرت ملامحها الى استغراب توقعت ان ايمان ترد عليها بكلمه قاسيه لانها كانت تتفاخر بس ردها صدمها، نواف ابتسم و رد عليها: و لا يحرمك من كل غالي يا خالتي... و من الحين و قدام الكل بوصيك... اي شيء يخطر في بالك لا تترددين في طلبه مني و لا تنحرجين انتي خالتي حتى وان كنت اكبر منك..
ايمان ابتسمت و بفضول سالت: كم عمرك؟
نواف بهدوء: 17
ايمان : كذااااااااااااااااب..
نواف ضحك عليها : 32 ارتحتي؟؟
ايمان ضحكت معه و هو شيء قهر فاطمه كثير و خلاها تاكل بشراهه ، ساره ابتسمت لان ايمان انسجمت معه بهدوء كانت خايفه انه ما يتقبلها و هي تعيش بانحراج منه لانه ما هو ولد اختها لكنها كانت معه مثل اخت عاديه ، ابو نواف كان شعوره مثل زوجته .. عواطف كانت مقهوره سنين وهي تحاول تقول حوار طبيعي مع نواف ما كانت تقدر و السبب طبيعه كل واحد منه غير... بس ايمان بعشر دقايق كانت تتكلم معه مثل اصدقاء من مر..
-
-
-
في فيلا اسامه:
كان اسامه جالس يقرا له كم ملف بهدوء مع ولده فارس لما دخل عليه الغرفه ولده فيصل: تاخرت!!
فيصل بهدوء: كان لازم اسلم على الوالده اول يا ابوي..
فيصل كان يعطي اخوه الكبير فارس نظره و اللي كان سببه انه ما يمر على امه ابدا لما يطلع للدوام و نادرا ما يتكلم معها مع امه مع انهم في البيت نفسه..
اسامه: ماعلينا... ابيكم تفتحون اذانكم و عقولكم عدل معي...
فارس: خير يا ابوي .. واضح ان الموضوع مهم..
اسامه: التقرير اللي وصلنا عن بديله عمتكم ما كان واضح كثير و ما شمل شخصيتها بالكامل و الدليل هو تصرفها مع البنات حتى الغرب عنها مثل بنت عمكم ديما...
فيصل وهو يرمش بعيونه: بنت عمي ديما؟؟ ايش فيها..
اسامه: بنت عمكم ديما المدلله و بنت ام سعود اطول لسان في الدنيا كلها انهانت و انذلت بكل قوه البارح على يده ايمان المزيفه و ما في احد يقدر يوقفها .. ووصلت هي وامها مرحله متاخره من الانهيار .. و كادت تكشف خطتنا..
فيصل : خطتكم في التقرب منها ما راح تنجح طول ما انها طالعه من نيه سيئه..
اسامه : انت اسكت احسن لك.. انا مستحيل اسمح للثروه اللي طول عمري احلم فيها تروح لبنت غريبه لا اطل و من دمنا تاخذها ...
فيصل: انا ما قلت شيء غلط، ولا رفضت اشارككم في الخط هذي.. فما في اي داعي لتذكيري..
فارس بهدوء معتاد منه: ابوي الغالي ممكن اعرف سبب هذا الاجتماع..
اسامه: ديما انسانه مغروره و سريعه الانفعال و اتوقع ان تكرر اللي صار بينها و بين ديما كثير ممكن تتغير نظره نواف لها و يطلقها.. خصوصا ان البنت ماهي محرم له ان انكشفت شخصيتها الحقيقه..و ممكن ان...
فارس قاطعه: ههههههه نواف ينظر لوحده مثلها.. باابا انت اكيد تمزح.. جسار كان احلى منها بنظري..
اسامه: وهنا يجي دورنا... احنا نسهل الموضوع هذا..
فيصل توسعت عيونه: انت تبي ديما تتطلق؟؟
اسامه: اكيــد..
فارس: انا راح افهمك يا فيصل... الوالد يسعى انه يستخدم ايمان المزيفه حتى نواف يطلق ديما و يتقرب من البنت اللي اسمها ايمان المزيفه و هذا الشيء راح يبعد عائله عمي منصور عن الرئاسه و بما ان سعود مرفوض من بنات عمتي ساره ما راح يكون عندهم اي فرصه للرجوع للمكانه اللي كانوا فيها في الوقت اللي انا املك هذي الفرصه..
فيصل : اي فرصه؟؟
فارس: فاطمه؟؟ تحبني؟؟
فيصل توسعت عيونه: ايش؟؟ فاطمه .. بس فاطمه انسانه مغروره و بارده مستحيل تحب احد..
فارس: انسان كان يحب ديما مستحيل يحس بمشاعر الحب شلون تكون.؟؟
فيصل عصب من ذكر فارس لموضوع نساه او بالاحرى يحاول ينساه: ما في داعي لهذا الكلام و ثانيا انت ايش اللي تقصده من كلامك؟؟
فارس: انت حبيت ديما و ظنيت انها بتكون لك رغم انه كان وضااااااااح كثير عليها انها دايخه في حب نواف و تموت فيه... و هذا الشيء دليل واضح على عدم احساسك بالحب و اكبر مبرر على عدم معرفتك باعجاب فاطمه فيني..
فيصل حرك وجهه لبعيد..: يعني ناوي تستخدم حب هذا الانسانه المسكينه حتى ترتفع مكانتك في العايله...
فارس: بالضبط...لكن اولا لازم نزيح ديما من طريقنا لانها ان تزوجت نواف حتى وان تزوجت اخته المفضله بتكون عائلتها له اقرب منا...
اسامه بهدوء: و هنا يجي دوركم .. ابي القرد اللي اسمه ايمان المزيفه يتغير .. ابيها تشع انوثه و جمال... لازم تشيل ديما من طريقنا و من حياه نواف....
فارس بابتسامه: مهمه سهله اتركها لي
اسامه : اصلا ما في احد في العايله كلها يقدر على هذي المهمه غيرك.. لانه محد يملك برودك .. واسلوبك الراقي اللي يسحر اي بنت.. اضافه الى حبك االشديد للموظه و الاشياء الحلوه...
فارس: اوكي...
فيصل : بس ما تعتقد انك كذا نخون اتفاقنا مع عمي منصور؟؟
اسامه: في سبيل حصولي على حقي اللي يحاول منصور يشاركني فيه مستعد اخون حتى نفسي...
فارس: وانا موافق على كل امر منك في هذا السبيل..
اسامه بابتسامه كلها: راح نقلب خطتهم عليهم... و نستغل ايمان المزيفه بدل ما تستغلنا؟؟
-
-
-
ايمان كانت جالسه على لابتوبها ترد على الرسايل اللي كانت موجوده في بريدها لما دخلت اختها الغرفه عليها: ممكن ادخل؟؟
ايمان بابتسامه: دخلتي و انتهى الموضوع..
ساره بابتسامه: ما توقعت هذا الشيء يضايقك؟
ايمان طلعت من الصفحه اللي كانت فيها حتى ما تقراها اختها و ابتسمت لها: لا ابدا .. بس حبيت اصير يعني عندي خصوصيه بس انتي حره باللي تبينه ههههه....
ساره: هذا نادي العشاق صح؟
ايمان: تدخلينه؟؟
ساره: عواطف تحب تقرا لي بعض المقالات اللي فيه.... المنتدى مشهور .. و اكيد شهرته بتوصلنا... بس انتي عضوه؟؟
ايمان بضحك: انا الرئيسه ماغي..
ساره ضحكت معها بهدوء: لااا صدقتك..
ايمان باستغراب: و ليش ما اكون الرئيسه برايج؟
ساره: ههههه اولا لانها تتكلم من خبره كبيره يعني احتمال كبير تكون من عمري او اصغر بكم سنه ثانيا توصياتها اللي تتكلم عنها اغلبها عن التزيين و الجمال و هو شيء اعتقد انك ما تملكينه.. واتمنى ما تزعلين مني..
ايمان بهدوء: لا ام نواف.. ماراح ازعل... لاني سمعت هذا الكلام كثير و بصراحه ما عاد يأثر فيني...
ساره: انزين ليش يعني ما تغيرين هذا الستايل... انا مستعده اخذك للمصممين اللي نتعامل معهم و هم يصممون الملابس اللي انتي تتمنينها...
ايمان: انا احب الملابس اللي الحين لابستها ولا يمكن اغيرها الا اذا انا تمنيت هذا الشيء..
ساره:بس..
ايمان: ان كنتي خايفه اني احرجج قدام الناس فلا تخافي انا جلوسي هنا مؤقت بس حسب رغبه ابوي .. و خلالها ما راح اطلع قدام اي احد من معارفج حتى ما تنحرجين..
ساره: الموضوع ابدا ماهو كذا حبيبتي .. انتي حره باللي تبينه بس انا كنت خايفه ان كان بخاطرك تلبسين و تتزينين و مانتي عارفه...
ايمان بابتسامه: تطمني .. لما ابي البس و اتزين انتي اول وحده بلجأ لها...
ساره: اوكي اجل غير ملابسك و جهزي عابتك... فارس ولد اخوي جاي يسلم عليك و ياخذك بجوله في الرياض..تتعرفين عليها
ايمان بابتسامه: والله.. اوكي...
ساره ابتسمت و سبقتها لتحت....حتى تستقبل فارس...
-
-
|
12-10-11, 10:21 AM
جديد مواضيع قسم القصص المكتمله
العرض العادي
