كاتب الموضوع :
اسطورة !
المنتدى :
القصص المكتمله
رد: الموت ما هو أنك تكتفن بترابك ! الموت أنك تحب حي ويفارقك ، للكاتبة : }{!Karisa!}{
عواطف كانت تختار في الملابس الواحد ورا الثاني و مافي شيء عاجبها و بغرور رمت اخر فستان اشترته و تقيس في غرفه الملابس خاصتها: ايش هذا القرف... مافي شيء حلو في الرياض كلها
فاطمه بتملل وهي تتنتظرها في غرفتها : هههه قلت لك انتظري شوي حتى نشتري من بره قلتي لا ... عادي عندي اي شيء
عواطف: ومازلت عند كلامي بس ما هو معناه اختار اي شيء ... عطيني فستان ثاني
فاطمه مشت و عطتها فستان و صارت عواطف تلبس : اعتقد هذا احلى واحد
عواطف حركت عيونها لموبايلها اللي رن :تقريبا
فاطمه : من اللي متصل
عواطف توسعت عيونها بمجرد ما شافت اسم هند بخوف قالت: وحده من صديقاتي يظهر بتبارك لي
فاطمه: ما شاء الله بسرعه انتشر الخبر
عواطف: اكيد
بعد ما انتهت المكالمه بدقيقه وصل لعواطف رساله
(( كنت عارفه انك ما راح تردين ... ان كنتي ما تبين تكونين مطلقه للمره الثانيه تعالي لي انتظرك بره))
عواطف توترت و نزلت موبايلها : يظهر اني بختاره هذا الفستان
فاطمه: خير اختيار... بس كاني سمعت صوت مسج؟
عواطف طلعت و هي حاطه عباتها على كتفها : قلت لك صديقتي ... تبيني اشوفها بره....مجهزززه لي مفاجأه
فاطمه: خير؟؟ ما يصير بعد شوي بنروح نشوف القاعه ...
عواطف : ماهي مشكله ... ما راح اطول
فاطمه: منهي صديقتك هذي الللي لها هذي الاهميه
عواطف: وانتي ايش دخلك...باااي
فاطمه حست ان اختها ماهي طبيعه سكتت و توجهت للشباك تتامل السياره اللي ركبتها فيها عواطف بعد فتره : قلبي ماهو متطمن..
-
-
في سياره هند:
ركبت عواطف وهي مبوزه في الوقت اللي كانت فيه هند سعيده: ياا هلا
عواطف بغضب: خييييير
هند: افااا جذي تكلمين صديقتج الغاليه ...ياا عواطف
عواطف: صداقه ما جابت لي الا المصايب
هند: ما جابت لك الا المصايب .. هييين كل هذا لانك ما اخذتي فووواز؟؟؟
عواطف: لو سمختي ياا هند .. انا وحده بتزوج بكرا ممكن تنسين موضوع فواز
هند: ما شاء الله.. زواجك اللي ما دعيتيني له ...
عواطف: دعيت امك واكيد هي بغلتك...
هند: اسمعي زين.. انا ما جيت لهنا حتى اسمع اعذار سخيفه جيت اخذ منك شيء و اتنازل لك عن شيء
عواطف بسخريه : وايش هو هذا اللي الي جايه تاخذينه
هند: سمعت انكم حجزتوا اجنحه خاصه لكل وحده منكم في الفندق اللي بتسون فيه الحفله و تلبسون فيه و بعدها تنامون فيه بعد الحفله و طبعا ايمان معكم... وانتي اللي حاجزه الاجنحه بنفسك..
عواطف: اي ممكن افهم ليش تسالين و ليش عن ايمان بالذات
هند: لاني ابي نسخه عن مفتاح غرفتها
عواطف: خيييييير انهبلتي انتي
هند: لا يااا حلوه .., كل جناح له كرتين او ثلاث على الاقل انا ابي واحد وانتي عطيها الباقي
عواطف: وطبعا انتي ناويه على مصيبه لخالتي ايمان
هند: اكيد... واذا ما تبين تكونين مطلقه للمره الثانيه و سيرتك على كل لسان بتسوين اللي انا ابيه و غصبن عنك
عواطف: ما راح اسويه ياا هند سامعه
هند ببرود طلعت سيدي من شنطتها و عرضته قدام عواطف: بتسوينه ولا هذا بينشر على اليوتيوب و الفيس بوك و كل وسيله اتصال عاليمه و طبعا نسخه خاصه منه للوالد و مشاري طبعا
عواطف :هذااا
هند: نسخه من ميات النسخ اللي عندي عن محادثاتك مع السيد فواز و غرامياتك و الخطط اللي كنا نرسمها مع بعض ايش رايك...
عواطف بقهر: انتي حقيييييييييييييييييييره حقييييييييييييره
هند بضحكه:هذاااا اللي تناديني فيه ايمان دايما.... والحين عطيني الكرت ولا اقسم بالله لا اعرضه وانتي في العرس
عواطف نزلت دموعها : حرام عليك يااا هند... حرام عليك اللي تسوينه
هند: حرام علي... واللي سويته انتي ماهو حرام.... باجر الكرت عندي سامعه ...
عواطف ما كان عندها الا انها تسوي اللي قالته هند و تعطيها الكرت ولا راح تنفضح: سامحيني ياا ايمان.. انتي ما سويتي لي الا كل الخير.. بس انا...ان ما سويت هذا الشيء راح تتدمر حياتي سامحيني
-
-
-
اسماء دخلت بتوتر مع عبدالعزيز لعند خالتها و سلمت عليها : شلونج يا خاله
ام فارس بابتسامه: بخير شلونج انتي يا بنتي
اسماء : الحمد لله... شلون الدنيا بعد ما طلعتي يا خاله
ام فارس: بصراحه ما طلعت لسى ما ادري ليش خايفه اطلع
عبدالعزيز: افا يا الغاليه .. تخافين وانا معك؟؟؟ يالله امشي خل نطلع...كلنا
ام فارس وهي تهز راسها: لا ما اقدر ما اقدر اطلع و اترك ندى حرام الحرمه حامل و حرام اتركها لحاله
عبدالعزيز بسرعه حرك عيونه لاسماء اللي ظن انها اكيد بتحسس من موضوع ندى اللي تدخل بكل شيء بس على عكس توقعه كانت عادي عندها و مبتسمه: لا تقولين جذي يا خاله... ندى بخير و اكيد عندها امها و اخوانها ولا نسيتي
ام فارس: امها يا ويلي عليها مريضه من كم يوم وما زارتها و المسكينه مشغوله عليها و ماهي قادره تشوفها
عبدالعزيز: سالت سعود عنها ويقول انها بخير بس محتاجه راحه و عمتي ام سعود عنيده ماهي راضيه تروح للطبيب..
ولا المستشفى حتى يتطمنوا عليها..
اسماء: ايش رايج تروحين لها يا خاله..
عبدالعزيز: انا اقول احسن لو طلعت امي تكون على المطار على طول
ام فارس: خير ليش يا عبدالعزيز
عبدالعزيز: نروح العمره بعد ملكه مشاري على طول ..
ام فارس: بس انا لايمكن احضر الملكه
عبدالعزيز: لا تخافي انا بخلص من الملكه و ببارك لمشاري و بطلع على طول لعندك اخذك و نروح المطار
ام فارس بتردد: وندى...
عبدالعزيز كره ادخال ندى من جديد في الموضوع بابتسامه ردت اسماء: تطمني بعد ما ابارك لعواطف بطلب من عبدالعزيز يجيبني هنا و اجلس مع ندى لحد ما ترجعون من العمره... ايش رايج يا خاله
ام فارس : وامك بترضى؟
اسماء هزت راسها: اكيد اصلا هي اللي طالبه مني اجلس مع ندى كم يوم حتى تطلعي براحتج يا خاله
ام فارس بفرح: جزاك الله كل الخير
اسماء: ولو ياا خالتي ... احنا اهل و ان ما ساعدت ام زوجي اللي احبه و ام ولد اخوه من بساعد
ام فارس وهي حاسه بقهر لانها كانت ومازالت متحيزه لندى على حساب اسماء : الله يوفقك يا رب
اسماء: اجمعين ياا خاله..
-
-
-
اليوم الملكه
في بيت بومشاري
روان كانت تبكي بقهر شديد .. من سمعت بخبر تحديد الملكه وهي تبكي بجنون و الم كبيرين كانت مشاري وهو يشتري الاغراض للعرس و تزيد في بكاءها و تشوفه وهو يجهز جناح ثاني لعواطف و تموت من القهر القهر كان فيها واصل لدرجه انها كانت تتمنى تحرق جناح مشاري الثاني و تقطع ملابسه للعرس لكن ما كان في اليد حيله
كانت تتمنى يكون عمها موجود حتى تترك البيت و تروح له لكن للاسف ماكان موجود و حتى بيتهم كان مأجره على ناس ثانين ...
كانت تبكي و تنوح لما انفتح باب غرفتها و شافت ريم عند الباب...: ممكن ادخل
روان وهي تمسح دموعها بالم: انتي دخلتي وخلاص
ريم قربت من روان و جلست جنبها : روان .انا و سديم ما راح نروح العرس
روان بالم: فيكم الخير انتي ويايها.. مافي داعي روح استانسوووا واتركوني لحالي
ريم: روان... انا وسديم نحبك كثير و حاولنا في مشاري بس هو عندي ايش اسوي
روان: قلت لك ما قصرتوا ما ابي منكم شيء اتركوني
ريم: روان العصبيه هذي ما راح تفيديك صدقيني...
روان : وايش اللي بيفيدني ياا ريم... الاحترام الاخلاص و الطيبه و كل شيء حلو سويته لمشاري و كافأني في النهايه انه تزوج علي اهي اهي
ريم: روان اسمعيني ..... من سنين قالت لي عمتي ايمان.. ان حتى من غير الحب الرجال يقدر يمثل الحب في الوقت اللي هو يبيه و لما يبي هذا الشيء يصير كتله متحركه من الجمود ...
روان: ماني فاهم
ريم: روان انتي مثل اختي ولهذا السبب قاعده اقول لك هذا الشيء.. انتي الحين تبكين و تقهرين نفسك و مشاري راكب راسه و بيتزوج باي شكل من الاشكال بس اذا جاء و طلب حقوقه هل بترفضيتن و تمنعينه ؟؟؟و تغضبين ربك؟؟
روان: طبعاا لا ..
ريم : لهذا السبب اقولك لك ان الدموع ما تنفعنا احنا النسوان لان الرجال ماعندهم المشاعر اللي عندنا و بكاءنا ما يلامس عندهم الا قليل القليل
روان: اعرف بس ما اقدر
ريم: اسمعيني ياا روان.. لما طلقني فواز حسيت اني بموت من البكاء و الالم لكن السبب كان اني السبب في اللي صار بس حاولت و حاولت و استرجعته بالصبر و التحمل ..رغم ان كان في كثير من الجبهات تهاجمني ..
روان: جبهات كثيره
ريم: ناس كثيره تسعى لتدمير زواجي حتى تاخذ فواز....
روان: وتعرفينهم؟؟؟
ريم: اعرف بعضهم بس ... لكن مع الوقت راح اعرف الباقي... روان انتي افضل اكثر مني على الاقل عندك خصم واحد بس .. و عواطف عندها نقاط ضعف كثيره و لا تنسي ان مشاري يحبك... لا تخسرينه يااا روان..
روان اخذت نفس طويل و ابتسمت : مشكوره ياا ريم.. بحاول
ريم ابتسمت وباست خدها و طلعت على طول و بمجرد ما طلعت مشت مع سديم اللي كانت تنتظرها : ليش ما دخلتي معي
سديم: مافي داعي
ريم : واضح انك تحبينها و خايفه عليها بس ليش هذا البرود..
سديم: مافي برود انتي اكثر خبره و الاحسن انك انتي اللي تنصحينها
ريم: ماني مصدقتك
سديم: لا تصدقين...
ريم و سديم ما كانوا يعرفون ان روان سمعت اللي صار و ابتسمت انه حتى و رغما عن الغضب اللي كانت فيه سديم الا انها ما نست صديقتها و ارسلت ريم لها حتى تخفف عنها ..
-
-
-
الكوافيره كانت تحط اللمسات الاخيره على مكياج ايمان و تسريحتها الروعه و جنبها سوما تعطي التعليمات : واااو اموون طالعه قمر
ايمان بدلع: لو لابسه مثلي كان صرتي احلى .. ما ادري ليش ما تبين تحضيرن الحفله
سوما بضحك: قلت لك ما اقدر عزوز بيسلم و ياخذني على طول مافي داعي البس كل هاللبس الناعم احلى علي
ايمان: ما ادري ليش ما تدليين بعمرج عاجبج اللبس هذا و هو بيجي ياخذج؟؟
اسماء كانت لابسه فستان رملي شيفون ناعم طويل بفتحه صدر عريضه و لابسه عقد ذهب خالص و منزله شعرها عادي ومكياج رملي ناعم لانها بس بتسلم و تطلع ...: عادي و عزوز ما يحب الميك اب الكثير
ايمان: عكس نواف اللي يموت بالالوان الفاقعه
اسماء وهي تعطيها نبره خبيثه : هههه عرفت اجل الكشخه هذي لمن
ايمان: لمن
اسماء وهي تغمز لها : مواعده السيد نواف الليله؟؟
ايمان بضحك: لاااا ... لاني بسافر معه باجر هههه
اسماء: اجل وين الكرت الثاني للغرفه لا تقولين لي ما عطيتيه اياه لاني ما راح اصدقج
ايمان: اي كرت الكرتين موجودين عندج
اسماء: نووو ياا عمري في كرتين المفروض ثلاث كروت ولا انتي ناسيه
ايمان بتنهد: يظهر ان الغرفه مالها الا كرتين او يمكن نسوه عادي
اسماء: لا يا ايمان لازم تخافين انتي لحالج في الغرفه افترضي احد استعمل الكرت و دخل عندج
ايمان بضحك: هههههههه لا تخافي محد يقرب من حرمه نواف الا اللي يبي يموت ولا انتي ناسيه انا من
اسماء بنبره جاده: ايمان.. المواضيع هذي مافيها ضحك
ايمان: لا تخافين يا اسماء انا ما راح اكون لحالي اقطع ايدي اذا ما جاء نواف لعندي اليوم.. اصلا هو لمح كثير
اسماء بنفس راحه: طمنتيني .. كنت خايفه
ايمان بابتسامه وهي توقف حتى تتامل شكلها كانت لابسه فستان اصفر فاقع ومزين بالدانيل الكحلي و الكريسال على الصدر و نازل على طول فم السمكه طبعا كان من غير اكمام ولا علاق و منزله شعرها بعد ما فتحته حاطه شدو اسود و حمر احمر فاقعه و طالعه روعه
اسماء صفرت : وااااااااااووو قمر ... ياليت نواف يجي و يشوف
ايمان بدلع: يعني ابي يجي ملااقه ههه
اسماء: يعني مانتي متشوثقه ما اصدق ههه
ايمان: لا طبعا
اسماء: نفسي اشوووف شكلج الليله هههههههههههه
-
-
|
05-01-13, 10:27 PM
رد: الموت ما هو أنك تكتفن بترابك ! الموت أنك تحب حي ويفارقك ، للكاتبة : }{!Karisa!}{
راح تقولهم ان عواطف ماعطتها غير كرتين بس وهذا بيكون سبب في طلاقها من مشاري هذي توقعاتي يالغلا....
جديد مواضيع قسم القصص المكتمله
العرض العادي
