كاتب الموضوع :
اسطورة !
المنتدى :
القصص المكتمله
-
-
بكل ارهاق في جسمه من تعب الشغل و المحاولات المستمره لاعاده ما خسروه بسبب اللي سواه اسامه دخل نواف البيت
متوجهه لغرفه نومه كان ينتظر بس انه يرمي نفسه على سريره حتى يغط في نوم عميق.. بمجرد ما فتح باب الجناح كان بخلع ثوبه.. تفاجأ بالاضاءه مفتوحه و هو كان متاكد انه اغلقها .. للحظه ظن ان الشخص اللي دخل غرفته مره هو هنا و بسرعه توجه لغرفه النوم ولقاها جالسه على السرير و معطيته ظهرها..
نواف بصدمه: ايمان؟؟
ايمان التفت له و بعدها رجعت تنظر لبعيد: كنت عارف انك راح ترجعين لي..
ايمان بصوت حزين : ارجع لك؟... ما تظن ان هذي الكلمه غير مناسبه لوصف وضعي معك؟ لان الرجوع بكامل الجسد و الروح شيء و الرجوع بجسد فقط شيء ثاني.
نواف باستغراب وهو يمشي لعندها: ماني فاهم...انتي ايش اللي تتكلمين عنه
ايمان بابتسامه ساخره: ساره تقول اني نحس و اسبب المشاكل لمن حولي.. و بما انك اكثر شخص اكره في حياتي لازم اصير ملتصقه فيك حتى اجيب لك المشاكل ..
نواف بصدمه: خير؟؟
ايمان وهي تضحك: انا قررت ارجع لك زوجه مثل ما تبي.. تبيني اكون زوجه بالاسم بكيفك اكون زوجه فعلا هما بكيفك لكني راح اكون أمرأه فقد في حياتك... وما راح اكون ايمان... بمعنى انت راح يكون عندك حرمه لكن هذي الحرمه ماهي ايمان...
نواف انقهر: وتظنين اني بقبل بهذا العرض المغرييي؟؟؟؟؟
ايمان بغرور: طبببببببببببببببببببببعا بتقبل انت تحبني بجنون و مستعد تذل نفسك و تبوس رجلي علشان تاخذ ليله وحده معي
نواف انقهر بس حاول يتمالك اعصابه: هذا الكلام كبير ياااا ايمان..
ايمان بوجه كله خبث: كبير ولا صغير... هذي حقيقيه.. انت انسان حقير و كل شيء ممكن تسويه علشان تـ..
طرااااااااااااااااق
ايمان ضحكت من الالم بعد ما لاسم وجهها كفه فتحت عيونها وشافت عيونه اللي كانت تشع غضب: قلت لك كلامك كبير و تظنين اني ممكن ادوس على كرامتي علشان حرمه
ايمان بثقه: اي
نواف رفع يده من جديد حتى يضربها لكنه بمجرد ما غمضت عينها تراجع و مشى بخطوات ثقيله و عاليه: اسمعي ياااااااااااااااااااا ايمان... ان كنتي تظنين انك بماا انك رجعتي لي بارتمي باحضانك و بتوسل لك تجلسين فانتي غلطانه... اناااااا نوووواف.. اللي مليون حرمه تتمناني و اذا عليك فانتي بدالك عشر.....
ايمان انقهرت في داخلها لانها ما قدرت تذله مثل ما كانت تبي بس ما كان في اليد حيله غيرها انها تبتسم: اوكي براحتك.. تزوج.. صاحب .. اسهر.. انا سعيده علشانك
نواف بقهر فتح الباب و ضربه بقوه من وراه وطلع من الجناح بكبره.. ايمان رمت بجسمها الثقيل على السرير بالم وه تتامل السقف غضبها اجبرها تعامله بهذا الشكل .. والحين هو مستحيل يقرب لها بعد ما اهانته و بكذا تكون حققت غايه الكل.. بيرتاح ابوها من الخوف عليها من البقاء بروحها وحيده و بيرتاح فواز من احساسه بالذنب لانه من طلب منه يطلقها و يرتاح نواف من انها تكون لغيره..و فوق كل هذا .. تقهر هند...
ايمان: هند... ما اعرف ان كنتي صادقه في اللي قلتيه ولا لا.. لكن في كلا الحالتي خيانه نواف ماكانت سبب المي.... المي كان في خساره ولدي..
-
-
-
اليوم الثاني الظهر..
بكل توتر دخلوا الممطعم اللي اختارته عواطف و جلسوا في كبينه.. هند كانت مكتفيه في الابتسامه طول الطريق من اخذتها من بيتهم ..
هند بهدوء: المطعم حللو وايد
عواطف بتنهد: ذوقي.... والحين قولي ايش اللي عندك
هند ببرود: ما ظنيتك بخييله عواطف؟ ما راح تغديني؟؟
عواطف بتنهد: ايش طلبك..
هند طلبت و اكلت ببطء حتى توتر عواطف اكثر من ما هي متوتره و تحرمها من التفكير السليم: هند خلصيني ايش اللي تفكرين فيه؟
هند: اهااا سووري والله نسيت
عواطف بعصبيه: هند؟؟
هند: اوكي ياا قلبي .. فوووازز.. حبيب القلب فووواز
عواطف ببرود: اي ...
هند بضحك: ههه توقعتج تخجلين و ...
عواطف: من غير سخافات.. قول لي ..
هند: انا ادري انك تبينه و ميته عليه لكن عندك عائق هو ريم و حب ايمان الشديد لها اللي بدورها يحبها فواز كثير..
عواطف:صح..
هند: اجل لازم نفصل الثلاثه..حتى تحصلين على اللي تبينه
عواطف: ماني فاهمه؟؟ وضحي...
هند: نشعل الحرب في العايله كلها ...
عواطف : حرب؟؟ هند انتي لحد الحين ما فهمت منك شيء
هند: ندى!!!! ندى بنت عمك.. هي شراره الحرب... ندى مثل ما تعرفين الحين.. ارمله.. و حامل و طبعا بعد ما تولد اكيد بتتزوج بما انها صغيره و توها العمر طويل و حتى ان ما تزوجت مستحيل تربي طفل لحالها...
عواطف: وايش علاقه ندى بزواجي من فواز
هند: انتي اسمعي للاخر و بتعرفين كيف انا افكر.... ندى لما تولد مستحيل عيال عيالتكم يرضون ان ولدها ولد عيالتكم يربيه شخص غريب وللاسف ان كل اولاد عمها متزوجين... جسار متزوج فواز متزوج مشاري متزوج و عبدالعزيز متزوج و طبعا فارس بالسجن بتهمه طويله ونواف ما يقدر يتزوجها بما ان عنده عمتها
عواطف: اوكيه..
هند : الشراره هي التنبيه على هذي النقطه... لازم ندخل الفكره في راس كبار العايله كلهم امك .. ام سعود و ام فارس..
لان فاطمه مستحيل ترضى بشريكه وهي طبعا دلوعه العايله اللي مستحيل احد يغلط عليها... فمستحيل يزوجون ندى جسار.. مشاري ماخذ انسانه غريبه عن العايله و صديقه سديم اخته فمستحيل ترضى سديم انه يحط شريكه على صديقتها وهي توها عروس..
عواطف : فعلا كلام صحيح..
هند: نجي للمشكله وهو عبدالعزيز و اللي خايفه منه....عبدالعزيز هو المرشح الاول انه يتزوج ندى بما انه اخو زوجها لكن المشكله هي ان اسماء زوجته من عايله كبيره جدا و امها مستحيل ترضى انه يتزوج على بنتها لهذا السبب لازم نشيل الفكره من راس العايله و هذا ما راح يصير الا اذا تقربتي من اسماء و حاولتي انك تقربينها اكثر للعايله و هذا اكيد بعد ما تتقربين من ايمان... حتى نقدر نوصل للخيار الاخير
عواطف: فواز..
هند بضحك: بالضبط.. فواز طيب القلب و حنون و ما تزوج ريم الا شفقه فيها بعد ما ترملت و لهذا السبب هو اكيد لما يشوف ان المشاكل راح تصير كبيره بعد ما تطلع ندى من العده راح يتزوجها هو علشان ينقذ العوايل الثانيه .. وهذا الشيء هو اللي بيكسر ريم
عواطف: بس انا ما ابيه يتزوجها
هند: ومن قال انه بيتزوجها.. هو راح يفكر و يقول لريم وهذا راح يكسرها كثير و بعدها راح تنجبر توافق ولما توافق احنا نقول لندى انه بتدمر صديقتها و طبعا ندى مستحيل ترضى بهذا الشيء و هذا الشيء بيسبب مشاكل بينهم بتادي لطلاقها منه
عواطف: انتي عبقريه
هند بضحك قويه: هههههههههههههههههههه قلت لك اعبجك
عواطف: هند... انتي ايش اللي بتستفيدينه من ورا مساعدتي..
هند: فايده راح تعم على الكل بالفايده .. لكن كل شيء بوقته حلووو المهم الحين انج تتقربين من ايمان و تتقربين من نواف كثير.. و اسماء... و حتى ريم و زوروي ندى حتى تعرفي كل اخباره.. خليني مطلعه على الاخبار حتى ابلغك شنو تسوين
عواطف مدت يدها وصافحت هند باتفاق وكل وحده منهم طايره من الفرح بانها قربت خطوه باتجاه غاياتها
-
-
-
فارس كان يبكي بجنون و حسره و الم على حاله وعلى اللي صار بسبب افكاره هو ابوه و جسار كان عنده يخفف عنه: فارس .. لا تبكي... انت رجال ..
فارس وهو يمسح دموعه اللي كانت تنزل من جديد: كيف ما ابكي... رجال انااا ماني رجال انااا حيوووان
جسار : استغفر ربك شنو هالكلام يااا اخوي
فارٍس: اخوووو انا ما استاااهل اكووون اخوووو... انا قتلت اخوووي انااا اللي حرمته الحيااااه
جسار: ماهو انت ياللي ذبحته لا تقول جذي
فارس بدموع: الا انا... انا لو منعت ابوي .. لو اني مسكته يوم اخذ المسدس لو
جسار: استغفر ربك ولا تقول لو يا اخوي.. فارس اسمعني ... ماهو كل ما جيتك قعدت تقول في هذا الكلام في اموور كثيره محتاجينك فيها
فارس: امور.. شغل.. ايش الفايييده ما ابي اسمع شيء.. ما ابي
جسار: الا بتسمع... وغصبن عليك... انا رفعت القضيه للمحكمه وراح اكون محاميك فيها... و باذن الله راح راح اقلل سنوات السجن الى سنتين و طبعا ان اكيد راح يطلعونك قبلها مع حسن السير و السلوك..
فارس: اطلع؟؟ وليش اطلع.. انا ما ابي.. ابي اظل هنا..
جسار: تظل هنا؟؟ ليش و اهلك..
فارس: اهلي ما اقدر اشووفهم.. كيف تبيني انظر لامي بعد اللي صار.. كيف تبيني انظر لمرت فيصل... بعد ما خسروا ازواجهم وكله بسببي
جسار: فارس .. انت غلطت و بتاخذ عقابك لكن امك و ندى اكيد بيسامحونك تعرف ليش.... لانهم محتاجينك... فارس.. امك خسرت زوجها و نفس الشيء ندى وكل وحده منهم محتاجه رجال يكون جنبها يحميها .. و عبدالعزيز لحاله ما يقدر يسوي شيء ..
فارس: ما اقدر مااا اقدر..
جسار بتنهد: اسمع يا فارس .. احنا الحين في وضع صعب اعرف.. لكن مع الوقت باذن الله كل شيء بيتصلح .. و بترد الايام السعيده.. انت الحين ابيك في فتره جلوسك هنا في السجن تغير من طبعاك..., ارجع لربك يا فارس... و ادرس دينك .. انا متاكد ان ساعاتها كل شيء بينفجر و بتحس الايام تعدي خفيفه و سعيده..
فارس بنظره مستغربه: جسار؟؟؟ انت ليش جايه لهنا؟؟
جسار: خير؟؟ انا محاميك ولا نسيت
فارس: في محامين غيرك .. ليش انت؟
جسار: فارس انت ولد عمي.. تتصور اني ممكن اترك الغريب هو اللي يجلس جلستي هذي
فارس بعيون كلها دموع: سبحان الله.. امي كانت دايما تقول تربيه عمي محمد غير.. بعد كل اللي سواه ابوي فيكم و اللي سويته انا .. جاي تواسيني و تخفف عني و تدافع عني قدام الناس....سبحان الله
جسار: فارس اللي راح راح.. و احنا عيال اليوم.. ابدا بدايه صحيح و انا واثق ان حياتك بتتغير و كلها و بتصير سهله و بتنسى كل شيء مر صار بحياتك..
فارس: الله كريم.. و مشكووووور يا ولد عمي..
-
-
-
نواف رجع البيت الظهر بعد ما بات بره البيت و دخل جناحه.. شافها جالسه على السرير وحاطه الابتوب في حضنها تطبع بسرعه ... كانت لابسه فستان بصلي باكمام قصيره للركبه و حاطه اساور ملونه.. منظرها هبل فيه بس ما قدر يعطي اي تعليق حتى ما يبين لها انه ميت عليها
ايمان: يظهر انك انبسطت كثير مع اللي اخترتها امس...
نواف التفت لها و شافها تكلم طبعا و تكلمه من غير نفس: تصدقين كثير.. بس قلت اخذ لي ملابس.. و اتسبح... بس لا تخافين بجهز الجناح القديم لي .. حتى اخذ راحتي وتاخذين راحتك...
ايمان نظرت له بسرعه و رجعت عيونها لصفحه المنتدى ترد فيها و تسال كان ودها تساله عن كم عضو كان هو يرد عليهم فتره غيابها بس ما كان الوضع مناسب خصوصا انها تبي تبدي معه مرحله جديده من البرود و التجاهل .....طبعا نواف بمجرد ما اخذ اغراضه طلع من الجناح و راج جناحه القديم..
غيرت و تسبح و رجع بيطلع للشغل لما شافته ساره: نواف؟؟؟ متى جيت..
نواف بعيون ذبلانه: البارح لكن رجعت الشغل و رجعت الحين اغير و بطلع..... عموما لا تنتظرين من اليوم ورايح لاني احتمال كيبر ما اطول في البيت..
ساره:ليش في شيء في الشغل؟؟
نواف بتنهد: لا.. ايمان رجعت و بصراحه الوضع متوتر معها شوي..
ساره بعوين متوسعه: ايمان رجعت؟؟
نواف: اي و في جناحها.. عن اذنك ..
ساره بمجرد ما طلع نواف نظرت للسلم و تذكرت اللي صار بينها وبين ايمان يوم العزاء .. بخطوات حزينه و خائفه توجهت لجناحها و طرقت الباب
ايمان من وراء الباب: من؟
ساره بتوتر : انا ساره..افتحي الباب يا ايمان .. بكلمك
ايمان فتحت الباب و رجعت دخلت ساره و شافتها وهي معطيتها ظهرها: خيييييييير شنوو تبين؟؟
ساره: ابي اكلمك يا ايمان
ايمان من غير نفس: ما بينا كلام يا ساره...مو انا بنت الحرام النحس اللي تسبب المشاكل للناس..
ساره: ما كان قصدي وربي كنت
ايمان وهي تنظر لها بقوه: قصدتي ولا ما قصدتي ما راح يتغير شيء.. انكسر كل شيء صنعته لج.. ظنيتج اخت حقيقه لي لكن للاسف ..ما كنتي تحبين و مثل اخوانك تتمنين اني اختفي و تناديني بنت الحرام.. حرااام عليكم... حرااام عليكم اللي سويتوه فيني.. مو كافي اني متزوجه واحده ما احبه و ما اطيق اشوفه و ماني قادره اطلعه من حياتي..
ساره: ايمان انا بكلم نواف..و
ايمان: وانا ما ابيج تكلمينه و من اليوم وراح لا تدخلين عندي.. راح تكونين اخت لي جدام الناس و بس.. مو علشان شيء لانج اختي و ما ابي الناس تقول ان اختها الصغيره ماهي محترمته و غيره ما عندي كلام.. لو سمحتي .. اطلعي من غرفتي..
ساره: ايمان
ايمان ببرود: برررررررررررره
ساره تراجعت و طلعت بره الغرفه كانت متوقعه من ايمان اكثر .. كانت متوقعه انها تغضب و تصارخ ووممكن تضربها لكنها ما سوت وهذا كان اكبر دليل ان الانسانه اللي كانت عندها من شوي ماهي ايمان اللي عرفوها طول الوقت..
-
-
|
02-10-12, 07:18 AM
جديد مواضيع قسم القصص المكتمله
العرض العادي
