انا بخير الحمدلله

لكن الكاتبة للان ما نزلت البارت

من ثواني شيكت مافي

الحمد لله انك بخير

السلام عليكم ياا حلوات

شلوووونكم .. ان شا ءالله بخير..

انا اسفه لاني ما نزلت البارت امس...
حصلت لي ضروف اجبرتني اني امس ما ادخل النت...
المهم

ما ابي اطول عليكم ... هذا البارت الجديد و ان شاء الله يعجبكم..
-
-
-
البارت الثالث و الثلاثون...
سلين بتافف رمت مجموعه من الاوراق في وجه ادوارد بعصبيه: اتعرف ما معنى هذا؟؟؟
ادوارد نظر للاوراق و بعدها تنهد: لا تهتمي انا ساتصرف...
سلين: تتصرف؟؟؟ انها ملايين يا ادوارد... ملايين نخسرها في فروعنا بسبب انشغال السيد بحبيبه القلب..
ادوارد: من حق السسيد ان يرتاح... سواء كان هذا مع السيده ايمان او غيرها.. و بخصوص العمل انا راح اتصرف في فرع تركيا هذا ... و اشوف ان كان في اختلاسات او مجرد خسائر عاديه..
سلين : بننتظر و بنشوف يا ادوارد... وانا اتمنى ان لا يكون زواج سيدي نواف من هذي المرأه بدايه الانهيار ..
-
-
-
ايمان صحت من نومها و رفعت جسمها المتعب بكسل .. كانت النومه طويله و مريحه خصوصا لما تكون على سرير كبير و مريح ......... لحظه سرير؟
ايمان الفتت حولها و لقت نفسها في غرفه نوم فاخره مجهزه بكل مسلتزمات الغرف الراقيه : انا متاكده اني كنت على الكرسي جنب نواف في الطياره.؟ كيف وصلت لهنا؟
المضيفه دخلت و على وجهها ابتسامه هاديه: صباح الخير يا مدام..
ايمان بتعجب: لا تقولين انا لسى في الطياره؟
المضيفه بضحك: ايو احنا في الطياره يا مدام.. هذي مقصوره النوم الخاصه بسيدي نواف...بعد ما نمتي على الكرسي نقلك لهنا حتى تاخذي راحتك
ايمان تنهدت: يوم عن يوم استغرب من تصرفات هذا الرجال..
المضيفه: مقصوره النوم ضرورويه خصوصا ان سيدي نواف يسافر كثير و كل مره دوله غيره و مختلفه..و طول الرحله يختلف هما..
ايمان بسخريه: متاكده انها ماهي لاشياء ثانيه..
المضيفه فهمت قصد ايمان و هزت راسها: سيدي نواف ليس ابدا هكذا يا سيدتي..
ايمان بابتسامه و قالت مثل : من يشهد للعروس؟
المضيفه بضحك كملت: الا اهل العروس.....ههههههههه سيدتي انا جيت اصحيك حتى ترتبي شكلك مابقى الا ساعه على الوصول..
ايمان بتعجب: بعد؟ باقي ساعه ...انا كم صار لي ساعه نايمه..
المضيفه: تقريبا 6 ساعات..
ايمان وهي تحسب: وقبلها كنت نايمه سبع...... احنا وين رايحين القمر مثلا..
المضيفه بابتسامه: لا نيوزيلاندا...
ايمان هزت راسها و مشت مع المضيفه اللي وصلتها للحمام... غسلت و صلت و بدلت ملابسها و بعد ما رتبت شعرها و شكلها مشت معها للمكان اللي كان فيه نواف..
نواف كان مثل ما تذكره ايمان قبل نومها كان جالس على الابتوب و يطبع بسرعه كانه يالف له كتاب او يكتب له روايه طويله .. عيونه الشاحبه كانت على الشاشه مركزه على الشاشه بتركيز و مهمل كل اللي من حوله .. ايمان ابتسمت و صرفت المضيفه و توجهت لعنده و من غير اي سابق انذار سكرت الابتوب على اصابعه الي كانت تطبع..
نواف بعصبيه التفتت: يااااااااااااااا
نواف وقف لما شاف وجهها المبتسم: يا شنووو يااا نووواف كمل.... مثل ما تركتك مثل ما لقيتك و مثل ما راح القاك بعد مليون سنه.... بسك شغل.. احنا رايحين شهر عسل مو رحله شغل....
نواف تغيرت ملامحه لهدوء: صح النوم يا قمر..
ايمان ابتسمت و طبعت بوسه على خده: صح بدنك يا حبيبي....
نواف وهو رافع حاجبه تاملها وهي تجلس قدامه: ياااا زين كلمه حبيبي زيييييييييناه..
ايمان بسخريه: هه كم وحده من حريمك قلت لها هالكلمه؟
نواف بثقه: ولا وحده.. انتي الاولى..
ايمان: مصدقتك يااا اكبر كذاب...
المضيفه مشت لعندهم و حطت كوب قهوه عند نواف و عند ايمان..
ايمان توسعت عيونها لما شافت الشيء اللي انحط قدامها: حليب كاكاو؟
نواف بابتسامه: ايش رايكم؟
ايمان: شلون عرفت اني احبه؟
نواف بتفاخر: نسيتي اني انا وياك سافرنا مع بعض قبل هذي المره؟ كنتي تشربينه على الفطور..؟
ايمان : الله يااا نواف... تذكر شغله صغيره مثل هذي حتى بعد هالسنين؟
نواف: و كيف ما اذكر يا ايمان وانتي ما غبتي عن بالي في هذي السنين كلها.. كل تفاصيل حياتك شكلك كل شيء عنك ..
ايمان توترت من كلامه و نظراته لها و قررت تغير الموضوع: تدري ان صار لي سنين ما ذقته؟
نواف: ليش تغير ذوقك؟
ايمان هزت راسها: لا... من بديت الرجيم قطعته يعني تقريبا صار لي ثلاث سنوات... لان حليب الكاكاو عباره عن 300 سعر حراري و انا كان نظام الغذائي يعتمد على 800 سعر حراري يعني ان شربت حليب الكاكاو هذا ... لازم اشرب ماي بس طول اليوم.
نواف بتعجب: واو... و قدرتي تتحملين اللي اعرفه ان الاكل متعتك بالحياه..
ايمان بتنهد: تقدر تضمه لقائمه الاشياء اللي حرمتني..
نواف : وانا ايش دخلني في رجيمك؟
ايمان : كان لازم اسوي رجيم حتى اغير بشكلي و ما تعرفني..
نواف ضحك : هههههه بس هذا الحرمان جاب نتيجه جسمك الحين خيال... عموما انا كنتي عابجتني كذا و كذا..
ايمان: يعني عادي لو البس النظارات..
نواف: قابلك الله يا بعد قلبي حتى وانتي كنتي ام اربع و اربعين بالنظارات
ايماان: افااااا انا ام اربع و اربعين ؟
نواف ضحك: ههههههههه زعلتي؟
ايمان: اي زعلت...
نواف: خلاص ولا يصير بخاطرك اسمك من اليوم وراح الاميره النائمه..
ايمان رفعت حاجبه: وليش ان شاء الله الاميره النائمه؟
نواف: لان من ركبنا الطياره وانتي نايمه حتى لما صحيتي رجعتي نمتي من جديد...تنامين في اي مكان و مهما كان الوقت
ايمان و كانها تذكرت شيء : ما انلام.. ملل الطياره بعد جالسين خصوصا لما تكون الطياره بطيئه مثل طيارتك..
نواف: افااا انا طيارتي بطئيه.؟
ايمان: اي بطيئه.. الحين صار لنا اكثر من 13 ساعه بالجو ما وصلنا نيوزيلاند؟
نواف: لو سمحتي عن الغلط طيارتي من مستوا عالي كثير و من افضل اصدارات شركات الطياران العالميه اللي انا شريك كبير فيها و لا تقارنينها بطيارات العامه المثيره للشفقه..
ايمان: على الاقل الطيارات العامه توصلني استراليا اللي في اخر الدنيا ب 14 ساعه
نواف حس نفسه بينفجر من الضحك على كلمتها : ايمان حياتي بعد قلبي... تقدرين تحددين لي نيوزيلندا وين بالضبط؟
ايمان باستخفاف فيه: سهله.. فوق بريطانيا..
نواف ما عاد فيه يتحمل انفجر ضحك: هههههههههههههههههههههههههههههههههههههههههههههههههه ههه
ايمان انقهرت من تصرفه: ليش تضحك:.؟؟ سامع نكته؟
نواف: ايمان حيااتي........... نيوزيلندا وين و بريطانيا ويننننن..
ايمان : ليش؟
نواف: نيوزيلندا جنوب استراليا تحتاجين 16 حتى توصلين لها بالطياره ..
ايمان بصدمه: خيييييييير؟؟؟
نواف بضحك: هههههههه واضح ان معلوماتك صفر في الجغرافيا يا حياتي..
ايمان ضربت راسها على الطاوله : الحين عرفت ليش ضحك الصف علي لما قلت ان بريطانيا تقع جنوب نيوزيلندا في امتحان الجغرافيا ...
نواف حط يده على راسها: مافي داعي ابدا انك تزعلين يا حياتي
ايمان: انا غبيه....
نواف: انتي مانتي غبيه يا حياتي ميولك هي اللي ماهي جغرافيه بعكس الرياضيات اللي تحبينه...انا احب الكيمياء والاحياء بس ما اطيق التاريخ..
ايمان رفعت راسها بضحك: الموسوعه العلميه ما تحب التاريخ ما اصدق..
نواف بضحك: قلتيها ياا عمري..انا موسوعه علميه ماهي موسوعه ادبيه..
ايمان ابتسمت:بس انا احب الادب و العلم...خصوصا الشعر..
نواف: محد احسن منك يا سيده الحب...
ايمان: الله .. كم صار لي بعيده عن هذا الاسم... مستغربه ان المنتدى مازال شغال...
نواف: لاني حافظت لك عليه... صحيح ماكنت بمستواك .. بس تقدرين تقولين اني سويت زين.. تقدرين تستانفين شغلك متى ما بغيتي بس اكيد بعد شهر العسل...
ايمان: مازلت مصر على شهر عسل... متاكد انك تقدر تصبر عن شغلك شهر..
نواف: مادامت الجائزه هي رضاك فانا اتركه للابد..
ايمان : وع و تصير بوجهي طول الوقت...سوري نووو... مثل ما قلت ناخذ اسوعين و بعدها نرجع خصوصا اني انا هما عندي شغل ..
نواف من غير نفس: شرايك تتركين الشغل علي وانتي عليك..
ايمان بمقاطعه: للاااااااا.... انت شغلك بروح وانا شغلي بروح خلنا ربع و اصدقاء احسن لنا؟.
نواف بنظره ساخره: بس احنا محنا اصدقاء ياا ايمان.....ههههههههه
ايمان تنهدت: متى نوصل؟
نواف عجبه تهربها و قرر يتركها هالمره: اقل من نص ساعه.. وسيلللللله النقل ( انتبوهوا على الكلمه حتى تفهموها بعدين) بتنتظرنا و بتاخذنا للفيلا و بعد ما نرتاح و نتفطر على راحتنا باخذك بجوله في نيوزليندا ... بتستمعين فيها حبيبتي..
ايمان: ان شاء الله..
-
-
في مكتبه الخاص اسامه ابتسم و هو يشوف نتائج اخر اعماله الممتازه مشت تماما مثل ما كان مخطط له .. بعد طرد ايمان و اهانتها له في فرع شركته في باريس لما قرر انه بيع اسهمه لها.. قرر انه يستغل انشغال نواف عنه و عن الكثيرين و يبدأ خطط جديده .. تظمن له مستقبل مستقل و في نفس المتسوى اللي هو عايش فيه مع المجموعه...
طق طق طق..
طرق باب مكتبه اجبره انه يرجع الملفات اللي كانت بيده و يسمح للطارق يدخل.. و اللي كان فيصل..
فيصل وهو يمشي لعنده و يبوس راسه : صباح الخير يا ابوي..
اسامه بتافف: ابوك متى ما بغيت و متى ماكنت ما تبي .. تنسى..
فيصل و هو يجبر نفسه على الابتسامه عموما هو اعتاد انه يتصرف مع ابوه بهذا الشكل: الله يسامحك يا ابوي.. انا كذا؟
اسامه وهو رافع حاجبه: صحيح انك حاجر قاعه عرس و الضيافه و كل شيء و محدد عرسك؟؟؟
فيصل : اي يا ابوي ليش اللي سويته غلط..
اسامه بتزفير: اكبر غلط... ما تستحي على وجهك كيف تحدد عرسك من غير لا تقول لي؟؟
فبصل بهدوء : انا يا ابوي سبق و قلت لك ان بحدد عرسي و انت قلت لي احدده متى ما حسيت الوقت مناسب ..
اسامه: و متى هو هذا الوقت المناسب يا ولدي العزيز..
فيصل استغفر ربه و قال: بعد اسبوعين يا الغالي تكون.. ندى انهت كل تجهيزاتها و نواف رجع مع عمتي ايمان..
اسامه رفع حاجبه على الشرط الثاني من كلام ولده: بعد... عارف متى بيجون؟
فيصل: اي نواف قال لي لما كلمته اليوم الصبح..
اسامه باستخاف: هههه و ما كلمت عمتك ايمان بعد؟
فيصل: كلمتها و باركت لها بعد.. وتمنيت لها التوفيق..
اسامه ضرب الدرج بيده بقوه: وانت من متى لك علاققققققققققققه فيها؟؟
فيصل: الحمد لله علاقتي مع عمتي ايمان من البدايه كانت عاديه و حتى الحين...احترمها وهي نفس الشيء تبادلني الاحترام... حتى عبدالعزيز مثلي..
اسامه: انت و اخوك ما تفهمون...كيف تكلمون هذي الانسانه اللي حطت راسنا بالارض و فشلنا..
فيصل: ابوي لو سمحت.. ايمان لا فشلتنا ولاحطت راسنا في الارض.. كانت متزوجه انسان محترم.. وكاهي الحين اخذت واحد منا.. وما اعتقد نواف لو كان سامع عنها شيء كان تزوجها..
اسامه: نواااف عااد الله ونواف و اختياراته... انت مانت شاف اللي ماخذهم قبلها كل وحده اردى من الثانيه...
فيصل تنهد: الله يوفقهم و تكون عمتي ايمان سبب صلاحه..
اسامه: اكرمني بسكوتك الله يخليك.. ايمان خل تصلح نفسها اول حتى تصلح غيرها... اسمعني.. زين... ايش اخبار فرع لندن..؟
فيصل بتنهد: الوضع ابدا ماهو زين ... العقود كلها فيها خلل و الارباح في تراجع.. واضح ان في ناس قاعده تلعب عدل من ورانا..
اسامه: اهاااا .. الله يعين.. معك العقود..
فيصل مد العقود اللي كانت معه في شنطه المعاملات... : اي كنت بعطيها لادوارد يراجعها قبل لا نوقع عليها..
اسامه بابتسامه نظر للعقود: المشكله هي ان ادوارد سافر يا فيصل ..
فيصل رفع حاجبه: سافر؟؟ كيف يسافر؟ من راح يوقع العقود ؟
اسامه: يظهر ان في اختلاسات كبيره في فرع تركيا .... و سافر ادوارد يشوف الوضع.. واذا على العقود.. سلين موجوده...
فيصل تنفس براحه: الحمد لله.. خلاص اجل .. انا باخذ العقود لها قبل لا امر على بيت عمي منصور..
اسامه تمسك بالعقود قبل لا ياخذه فيصل: لا ما في داعي.. روح لبيت عمك انت وانا باخذهم... خصوصا ان رايح كذا و لا كذا لسيلن..
فيصل كان حاس بشيء من جهة ابوه بخصوص العقود و خاف من تسليمها له خصوصا انها برقبته بس ايش اللي كان ممكن يسويه ابوه راح تراجعه سلين و بكذا اكيد بيضمن سلامته... اصلا ابوه لايمكن يسوي شيء يضره مهما صار..
اسامه اخذ العقود وهو مبتسم و سمح لولده انه يطلع..ابتسم بسعاده: يظهر يا سلين انه اخيرا صار عندي لحظه ممكن استفيد فيها من وراك..
-
-
بيت منصور..
فيصل كان جالس ينتظر ندى وعلى وجهه ابتسامه هاديه و مقابل مرت عمه ام سعود اللي كانت تتصرف ببرود من شافته وهو ما هو عارف السبب:مطوله ندى يا عمتي؟
ام سعود وهي تلوي وجهها: لا اصبر على ايش مستعجل كلها دقايق و تجي...اشرب شايك ولا ما تحب شاينا بعد مثل القهوه..
فيصل ابتسم رغم انه كان منزعج من مرت عمه: ولو يا عمتي.. بس انتي تدرين .. من كنت صغير ما احب القهوه..
ام سعود: اي....
ندى كانت جالسه على السلم حزينه و مقهوره من تصرفات امها وكلامها مع فيصل بهذا الشكل هي صحيح انها ما كانت تحب فيصل .. لكنه خطيبها و ما بقى على زواجهم الا كم يوم ... امها بعد ما وصل فيصل بمده بلغتها انها تنتظر وقت و بعدها تنزل .. و لا تكشخ ولا تتعطر ولا شيء.. كل هذا حقد على امه لانها ما كانت مباشرتهم وكانها ميته عليهم... ولا تزورهم باستمرار.. اصلا هي ما كانت تبي فيصل لولا تمسك منصور فيه..
ندى حطت مكياج خفيف و عطر جيفنشي لانه كان هادي و نزلت بعد ما لبست فستان اسود طويل و عليه حزام ابيض زيبرا.. و رافعه شعرها كلها بكليبس..
ندى بهدوء: السلام عليكم.
فيصل ابتسم لها بهدوء: وعليكم السلام ..
ندى مشت لعند فيصل و صافحته بس و جلست جنب امها ..
فيصل: شلونك يا ندى..
ندى هزت راسها : الحمد لله و انت..
قبل لا يتكلم فبصل تكلمت ام سعود بمقاطعه: ندى ما كلمتي صاحبه المشغل .. المفروض اليوم نشوفه..
ندى انصدمت من كلام امها و عرف فيصل انها تبيه يختصر في حواره..: ما راح اخذ من وقتكم كثير.. انا جيت هنا حتى افرجكم على ديكورات القاعه.. و تختارون اللي انتوا تبونه..
ندى اخذت الكاتولوجات من فيصل برقه و بدت تتفرج: بصراحه انا ما اعرف.. فيصل ايش رايك انت تختار..
فيصل: ماهي مشكله اخذي راحتك المهندس يبيهمم بعد يومين .. انا اخذ رايك بعدها
ندى هزت راسها بابتسامه: اللي تشوفه..
فيصل وهو يقوم: استاذن انا الحين..
ندى بابتسامه: تو الناس ليش ما تقعد
فيصل: لا مافي داعي... وانتوا واضح انكم مشغولين..
ام سعود من غير نفس: مو مشكله يا فيصل يا ولدي... انا ارجع الكاتلوجات مع امك لا جت تزورنا..
فيصل فهم سبب غضب عمته منه بهدوء هز راسه و قال : مع السلامه..
بمجرد ما وصل فيصل للباب كان يسمع ندى وهي تتذمر عند امه: انتي ليش قلتي له كذا؟
ام سعود من غير نفس: ما تشوفينه جاينا يد ورا و يد قدام.. لا جايب هديه معه ولا شيء... حتى العقد مال العرس ما جابه..
فيصل ما كان فيه يتحمل لو انه كان شخص ثاني كان طلق ندى في موجه الغضب كلها بس فيصل كان عاقل و فاهم.. و عارف ان ندى مالها ذنب في الي تسويه امها ..
طلع على طول و عرفت ندى من صوت الباب انه سمعهم : ماما انتي ايش تستفيدين من كل هذا حرام عليك..
ام سعود بثقه: عادي فيصل اولا متسمك فيك ولا ما كنت سوا الي سواه لما خطبك الشايب الميت وهو حي... و ثانيا انا ما سويت هذا الا حتى اكسر عين عجوز النار مرت عمك ... اللي ما تكرمت و جابت الكاتلوجات بنفسها...
ندى: وعمتي ام فارس ايش ذنبها.. هذا اول عرس عندها و اكيد ما تعرف شيء...
ام سعود: جعلها النار اللي ما تستحي..
ندى انقهرت كثير من كلام امها بس ما كان بيدها تسوي شيء.. خصوصا انها امها و الام ما يحق لاي مخلوق يجرحها بكلمه او يرد عليها حتى وان كانت على غلط.. فبر الوالدين واجب..
-
-
نيوزيلندا:
وصلت الطياره اخيرا بعد الرحله الطويله للارض.. ايمان كانت مصدومه من المناظر اللي كانت تشوفها من خلال شباك الطياره و هي تبتسم من جمالها في الوقت نفسه و بمجرد ما وصلوا كانت في فرقه في انتظارها و عزفت لهم عدد من اغاني التراث القديم عندهم..
ايمان بنظره ساخره لنواف: انت انسان سخيف..
نواف بضحك: سخيف لاني صاير رومانسي؟؟؟
ايمان: الرومانسيه ابدا ماهي جذي؟؟
نواف ضحك و اشر لمساعده اللي مشى وبعدها رجع مع عربه كلها ورود و تجرها ثمان خيول : تفضلي يا اميره..
ايمان بتنهد: كنت اقول انك سخيف والحين اقول انك مجنون..
نواف مد يده لها حتى تصعد: توقعتها راح تعجبك.. احنا كذا مثل الرويات الي الاميره يتزوج الاميره و ياخذها بجوله في مملكته..
ايمان ايمان صعدت و جلس نواف جنبها بالعربه و بدأ السايس بقياده الخيول..: بس هذي ماهي مملكتك يا امير...
نواف بضحك: لا تجبريني اشتريها و اطرد كل الناس اللي فيها ..
ايمان وهي تتامل المناظر الطبيعيه الجميله: ما استبعد هذا الشي منك..
نواف: افااا انا كذا..
ايمان ابتسمت و وخطت راسها على كتفه: امزح معك.. حبيبي...انا فعلا فرحانه ان جينا لهذا المكان.. فعلا رومانسي و هادي و جميل..
نواف ابتسم و حط يده على كتفها حتى يقربها منه اكثر:نسبه التلوث في نيوزيلندا هي من 0 الى 1% و تعتبر اكثر بقاع الارض نقاوه .. ولهذا كنت ابي بدايتنا هنا حتى نكون بعيدين عن التلوث و التوتر..
ايمان : ما شاء الله عليك لكل شيء حاط اعتبار و تخطيط.
نواف: لما يتعلق الموضوع بحبيبه قلبي ايمان.. اصير داهيه...
ايمان ما حبت تجاريها اكثر لانها ما كانت مستعده انها تقدم اشياء اكثر من اللي قدمتها له ظلت تتامل البيوت و المناظر الطبيعيه .. طبعا الناس كانت ينظرون لهم باستغراب و هم في العربه و ياشرون لهم و البعض كان يضحك وبس ما كان احد يقدم على اي خطوه لان كانت في سياره قدامهم فيها حرس لنواف و سياره بعدهم بعد كانه موكب لاميره حقيقه .. ايمان كانت سعيده وهي تشوف الناس ياشرون عليها وب كل براءه ابتسمت و لوحت لهم مثل الاميره.. نواف كان فعلا مبدع في صنع الاجواء الغريبه..وصلوا لفيلا نواف و بعد ما يرتاحون شوي قرووا ينزلون المدينه حتى يبدوا رحله فيها ..
-
-
-
سلين كانت تراجع الملفات بسرعه كبيره توقع البعض و تدمر البعض الثاني و كم ورقه تطلب من مساعدها ترجع تراجعها جديد و توقعها من اكثر من شخص ..
اسامه فتح باب المكتب ودخل بكل وقاحه و من غير استئذان سلين كانت منزعجه بس حاولت تتمالك نفسها حتى تعرف سبب الثقه و الجراء اللي هو فيها هذي المره ايش مصدرها..
سلين صرفت مساعدها و عقدت ايدينها قدام صدرها : السيد اسامه في مكتبي ... ما هذا الشرف..
اسامه بتفاخر: الحمد لله انك عارفه انه فخر لك..
سلين: مدح و مدحناك.. ممكن اعرف سبب وجودك عندي ما اعتقد ان في شيء لك عندي..
اسامه بابتسامه صفراء مد ملف الاوراق اللي اخذها من فيصل : لا ولو.. وانتي الكل بالكل.
سلين: انت عارف اني ماني الكل بالكل ادوارد هو الانسان المعتمد عليه في هذي الشركه..
اسامه: بس ادوارد ماهو هنا.. و الاوراق هذي ما تحتمل التاخير..
سلين اخذت الاوراق و بدت تتصفحها حتى تعرف ما اذا كانت لها الحق بتوقيعها او لا... توسعت عيونها لما شافتها ..: هذي؟؟
اسامه بسرعه رد: كشف اعمال السنه و المصروفات في فرع لندن..
سلين بعيون متوسعه: الكشف فيه اخطاء كثيره مستحيل تكون هذي مصروفات السنه المبلغ كبير جدااااااااا
اسامه ببرود: عادي.. انتي ناسيه ان فرع لندن هو ثاني اكبر مكتب عندنا بعد فرع نيويورك...
سلين بعصبيه رمت الاوراق: بتعلمني شغلي ياااا اسامه هذي الاوراق غير مقبوله و انا مضطره احول كل المسؤولين عن هذا الشيء للتحقيق..
اسامه: انا اللي اعرف شغلي يا سلينننن وحضرتك؟ يااااااااااااا اللي خنتي سيدك اللي مامنك على كل شيء و كشفتي وحده من اسراره لي..
سلين بعيون متوسعه: اي سر انا ما قلت لك شيء...
اسامه رفع حاجبه: ايمان..... اعتقد انك فاهمه عن ايش انا اتكلم...او تبين اتكلم عن حادث السياره اللي صار قدام مدرستها من ثلاث سنين و كانت بتروح فيها يومها لولا تدخل عامر و انقاذه لها..
سلين انصدمت شيء نسته او بالاحرى ظنت الناس نسته كيف يظهر الحين لاااا يوم قررت تستعيد مكانها و ثقت نواف فيها من جديد.. هي فعلا كشفت لاسامه هويه ايمان الحقيقه و لما سال عن شخص ينفذ المهمه سلين رشت له كم شخص من معرفتها ينفذونها بمهاره..
اسامه لما لاحظ التوتر على وجه سلين ابتسم ابتسامه النصر: الحين نقدر نتفاهم يا عزيزتي سلين..
سلين: حتى و ان قلت انا فعلا ما اقدر اوقع هذي الاوراق .... ماهي من اختصاصي..
اسامه:مافي مشكله ...الاوراق لازم توقع خلال هذا الاسبوع... من المسؤول اللي هو ادوارد.. وثلاث مستشارين.. انتي بعد ما توقعينه راح اخفي هذي الاوراق.. و قبل موعد التسليم... راح اجبر المستشارين يوقعونها.. طبعا نظرا لان الوقت ما يكفي للمراجعه الدقيقه راح يوقعونها ببساطه.. خصوصا ان الذكيه حيل سلين و مصدر ثقه السيد نواف موقعتها ..
سلين كانت حاسه بغصه و قهر شديد في صدرها من تخطيطه الحقير: بس ادوراد راح يطلب مراجعه كل شيء لما يرجع ..
اسامه: مستحيل.... المشكله في فرع تركيا كبيييييره حيل .. و مستحيل ينهيها قبل اسبوع مهما كان ذكائه و خبرته..
سلين: خلني اتوقع.. انت السبب ورا مشكله تركيا...
اسامه: ذكيه مثل عادتك...
سلين: ايش اللي راح تستفيد من هذا التصرف يا اسامه..
اسامه: بما انك ما تقدريت تسوين شيء راح اقولك.. انا قررت اترك نواف و كل صله لي فيه.. لكن ماهو قبل لا اخذ حقي في ميراث ابوي كامل .. واللي اخذه منا بالحيله و الخداع..
سلين: سيدي نواف اخذه بتعبه و شغله ليل نهار يا اسامه..
اسامه: اقووولك كلامك لا يكثر... وقعي وخلاص..
سلين بقهر اخذت قلمها ووقعت بكل استسلام وهي تسب نفسها الف مره في نفسها: اسفه ياااا سيدي نووووواف اسفه..خنتك من جديد... يظهر اني خيانتي القديمه راح تلاحقني نتائجها لاخر يوم في عمري..
اسامه اخذ الاوراق بسعاده : شكرا ياا سلين... هذي خدمه مستحيل انساها لك..
سلين: اتمنى انك تقدرها و تنسى موضوع ايمان..
اسامه: ههههههههههههههههه بهذي .. اسف ما اقدر انساه ههههههههههههه
سلين بقهر راقبت اسامه الضاحك وهو يطلع من المكتب سعيد و فرحان.. وهي مقهوره و كئيه للاسف ما كانت تقدر تمسك عليه اي شيء.. خصوصا انه ماله اي ذكر في الاوراق بمعنى انه في السليم في كل الاحوال..
بقهر ضربت المكتب بمجرد ما طلع : كله بسببها هي ... كلها منهااااااا ايمااااااااان... ليش ما تختفي و نرتاح منها ..
-


-
ايمان بعيون واسعه تاملت المطعم الفخم اللي كانت دخلته مع نواف .. كانت الارضيات كلها من المخمل الاحمر ..
و الكراسي من المخمل الاسود و الدانيتل الابيض .. و الازهار في كل مكان: وااوو انا في باريس؟؟
نواف بغرور: ليش؟ يعني باريس احنا من نيوزيلندا...
ايمان بهدوء: لا... بس من جينا لهنا و انا احس نفسي في الارياف..هههه
نواف: هذا لان المكان اللي احنا فيه عباره عن ارياف.. ولا انتي كنتي تبين مكان مثل باريس..
ايمان:لا مليت منها...
نواف هز راسه للنادل اللي جاهم يستقبلهم.: ما الومك
ايمان بابتسامه وهي تجلس على الكرسي: بس المطعم فعلا روعه تصميمه.. احس نفسي في فرساي..
نواف جلس جدامها : انا فعلا فرحان انه عجبك...
النادل على طول ركض لعندهم و عرض عليهم ان يصب لهم نبيذ ( خمر) لكن نواف صده و طلب منه يرجعه و يرجع حتى ياخذ الطلب ايمان باستغراب: توقعتك تشرب؟
نواف: وليش توقعتيني اشرب يا حلوه..
ايمان بتنهد دال على عدم تقبلها له حتى و تصرفت بعكس هذا الشي: يعني .. ستايلك و اسلوبك مع النسوان و عيشتك بره..
نواف: خليني اقول لك اجل.. ان توقعك غلط.. انا ما اشرب و لا اتعطى مخدرات و اذا على النسوان... انا اتزوج و اطلق و هذا ما فيها شيء حسب ما اظن..
ايمان وهي ماده بوزها: اي صحيح..
نواف: ايمان هذا سوء ظن و لهجه ما عجبتني فيك..
ايمان وهي ترسم ابتسامتها من جديد على وجهها : اسفه نوافي حبيبي.. حقك علي..
نواف: مع ان فاطمه تناديني كذا طول الوقت.. ما ادري ليش ما فز قلبي الا لما ناديتني كذا يا سندريلا...
ايمان ابتسمت: سندريلا؟؟ ليش سندريلا ظنيتك تناديني ماري انطوانيت..
نواف : ماري انطوانيت .. سندريلا.. كلهم كانوا معروفين بجمالهم.. بس انتي احلاهم .. واذاا على ليش ناديتك كذا...امممممم خليها بعيدين.....
ايمان: لا اللحين..
نواف : بصراحه انا جوعان و ما عندي استعداد اسوي شيء قبل لا اكل..
ايمان بوزت بس عذرته و بدت تتصفح المنيو..النادل مشى لعندهم حتى ياخذ الطلبات..نواف اشر على ايمان حتى ياخذ طلبها اول..
ايمان : لو سمحت سلطه من غير ذره و عصير جريب فورت .
نواف بعيون مستغرب و ابتسامه عريضه: اشر للنادل يجي لجهته: جيبي طبقين من افضل ستياكات عندك.. خاليه من منتجات الخنزير.. و طبقين مقبلات المميزه و تحيله و اتمنى كلهم يكونون موجودين في واحد..
النادل وهو يسجل الطلبات: و مشروبك سيدي؟
نواف وهو يعطيها نظره قويه: 2 حليب كاكاو
ايمان انقهرت و النادل استغرب .. خضوضا انه كان وقت غدا..بس نواف صرفه.. ايمان رفعت حاجبها : ايش اللي قاعد تسويه.
نواف: ولا شيء... طلبت لي غدا..
ايمان وهي مبوزه: طلبت طبقين من كل شيء و قلت اوكي لكن.. انك تطلب حليب كاكاو منه اثنين هذي اللي ما اصدقها..
نواف بضحك: وايش اللي مضايقك.. انا رجال تعبان و جوعان ومستعد اكل فيل الحين فليش ما اطب كذا..
ايمان: اوكيه نشووف اخرها معك يا نواف..
وصل طلب نواف و ايمان في الوقت نفسه.. ايمان ابتدت تاكل سلطتها بهدوء و هي تتامل نواف وهو يقطع الستيك بكل دقه و يحطها في فمه و تحس بشيء غريب من مراقبته بنوع من الجوع اللي ما حست فيه من سنين وهو تسب نفسها في نفسها: الحقير... يبي يخليني اشتهي الاكل.. بس ما راح اسمح لك يا نواف تتلاعب فيني مثل ما انت تبي...حتى وان وعدت نفسي اتناسى الماضي و اتصرف معك بكل طبيعه .......
ايمان استمرت تاكل سلطتها بهدوء وتشرب العصير.. وهي تحس بوخزات متعدده في بطنها... نواف رفع راسه مبستم و مد طبق الستيك لها: ما راح يضرك ان كسرتي رجيمك يوم...
ايمان: سوري يااا حبيبي.. ما راح اكسره علشانك انت و افكارك..
ايمان استمرت تاكل بسلطتها لاخرها رغم انها بالعاده ما تخلصها بس الجوع و عمايله ..
نواف قطع قطعه صغيره من الستيك و بعد ما غمسها بالباربيكيو قربها من ايمان: اكلي بس هذي..
ايمان عقدت حوابجها: لا طبعا..
نواف بعيون كلها حنان: انزين علشان خاطري..
ايمان في نفسها : وكان لك خاطر عندي...
نواف : يالله امووونه..
ايمان بتنهد: بس لانك قلت لي اموونه باخذ هذي القطعه..
نواف وهو رافع حاجبه: ليش..
ايمان: لان الوحيد اللي ينادين امونه هو حبيب قلبي فووواززز
نواف بعصبيه: ليش فواز.. و جسار ما يناديك كذا؟
ايمان هزت راسها : نوو جسار يناديني اموون.. فواز هو اللي يناديني امونه..
نواف بتنهد: يظهر اني راح احتاج وقت كثير حتى اوصل لمستوى حبيب القلب فواز في قلبك..
ايمان بضحك: انت اوصل لمستوى جسار اول حتى توصل لفواز..
نواف: احس باحباط..
ايمان ابتسمت و من غير لا تحس اخذت قطعه ثانيه من طبق نواف.. نواف ابتسم و بعد فتره اشر للحارسه يحاسب و يعطي اكراميه للنادل و بعد ما قام مد يده لايمان حتى تمسكها طبعا ايمان بعد ما وقفت سمعت واحد كان جالس جنبهم على طاوله: التي مع السيد نواف جديده...
الثاني: اجل.... ولكني لم اره من قبل يتعامل مع مرافقاته بهذا الشكل ..لابد انها مميزه
نواف ابتسم لان الحوار جاء في مصلحته و حرك عيونه لها بس ايمان ما كان عاجبها حتى وان كان نواف يجي كثير هنا مو معقوله تكون هذي صدفه اكيد مدبرها..بس تكلمت الحوار اكد لها انهم فعلا يتكلمون بعفويه..
الرجال1: لا الومه.. ماهذا الطول و الجمال.. اتمنى لو بس..
ايمان ابتسمت بفرح في الوقت اللي انقهر نواف و عطى الرجالين نظره قويه: سيد هايد ماهي اخباااااااااااارك......
السيد هايد اللي هو الرجال 1 بتوتر: اهلا سيد نواف...انني على احسن حال
نواف: جيد.. خصوصا اني افكر في دخول مناقصات السفن التجاريه التي انت مسؤول عنها...
السيد هايد: ههه لابد انك تمزح..
نواف بضحكه بارده: انها فعلا مزحه لكن.. يمكن ان اجعلها حقيق..
نواف مسك يد ايمان و اخذها معه و بمجرد ما ابتعدوا ايمان لاحظت انه خفت عصبيته: شفيك؟
نواف: الحقير هايد هذا شلون يتكلم عنك كذا وانا واقف جنبك قسمن بالله لافلس شركته..
ايمان: نواف هذا رجال عجوز وانت تعرف كيف يفكرون اللي بعمره.. و ثانيا تعليقه عادي كان ممكن تسمعه في اي مول و...
نواف حرك عيونه لايمان كانت لابسه جينز طويل و فوقه فستان للركبه احمر باكمام طويله و حاطه ميك اب خفيف : من اليوم ورايح اللون الاحمر ممنوع..
ايمان وهي معقده حواجبه: خير؟؟ شنو الاحمر ممنوع مو بكيفك انا احب اللون الاحمر كثير.
نواف: تلبسينه قدام النسوان و قدامي اوكي لكن ان طلعنا لا...
ايمان عطته ظهرها و ركبت السياره: ما ابي و ماهو من حقك تفرض علي رايك..
نواف : من حقي امنعك تلبسين شيء يلفت الانتباه..
ايمان: ومن حقك بعد انك تغريين بالاكل حتى اسمن و الفت الانتباه بعد. اذا جسمي و شكلي كانوا مضايقينك لهذي الدرجه ليش تزوجتني..
نواف اخذ يد ايمان برقه و حطها على قلبه: هذا للي اختار يا ايمان.. ماهو انا...
ايمان: يعني لو ما بغاني قلبك ما كنت سويت اللي سويته..حتى تتزوجني..
نواف: ايش اسوي فيك عنيده.. هااا ايش قلتي..
ايمان بدلع: افكر... اممممممممممممممممم...... خلاص ما راح البس احمر...
نواف: عفيه ع الشاطره..
ايمان: بس هذا معناه.. قدام الناس و قدام ههههههههه
نواف: عن السخافه ايمان
ايمان انفجرت ضحك و نواف عصب بس كانت فرصه له استغل ضحكها و باسها : هيييييييييييييي
نواف وهو صار يضحك الحين: سوري ما قدرت اقاااااااوم
ايمان صارت لاصقه في الباب بعيد عنه: وحش.. وخر عني..
نواف انفجر ضحك و رجع لصق فيها وماعاد فيها انها تهرب.. عمره في حياته ما تصرف كذا مع انسانه بس مع ايمان كل الحواجز تنكسر...
-
-
بيت احمد:
مشاري دخل غرفه الجلوس اللي كانت فيها امه اللي كانت تلاعب محمد ولد ريم و ابوه اللي يقرا الجريده و سيدم اللي تلعب في البلاستيشن..
مشاري دحل بابتسامه و باس راس امها و ابوه: السلام عليكم شلونك يبه و يمه.
امه و ابوه هزوا راسهم و تحمدوا ربهم مشاري انتبه على ان محمد مع امه و بكل عفويه سال : وين ريم؟
ام مشاري : راحت تقسيم تستلم فستان عرس فيصل .. كان عليه تصليح..
مشاري بابتسامه: اهااا
حرك عيونه على سديم اللي كانت معطيتهم ظهرها و تلعب باندماج و رماها بالكوشيه..
سديم: ااااااااايييي
مشاري: وانتي ليش ما رحتي مع اختك يا الخبله..
سديم بعصبيه: اولا فستاني استلمته امس و ثاااانيااااااا لا تقول خبله..
مشاري وهو يمد لسانه لها : خبله خبله خبله...
سديم بصراخ : مااااماااا شوووفيه....
ام مشاري: يووو مشاري بس..
بو مشاري قرر يساند دلوعته و ياخذ حقها من ولده: هييي مشاااري .. بدل ما تزعج اختك ممكن تجاوبني... خلصت شغلك للعرس ولا لا؟؟؟
مشاري بضحك: اكيد يا ابوي.. رحت مع فيصل و اختار له بشت وانا اخذت لي بعد واحد بما اني اقرب واحد له ههههههه
سديم: وع مصدق نفسك معرس يعني... اقول عط ابوي البشت .. هو عليه بيصير روعه وانت ييييييييييييييييييييع .. ما ادري كيف...ههههههههههه
مشاري انقهر بس ما حب انه يقطع الموضوع اللي كان يتمنى ينفتح معه: تصدق يا ابوي... لما صرت اجهز اغراض فيصل معه .. و تجهيزات العرس.. تمنيت اني اكون انا المعرس..
ام مشاري بفرح: وهذي الساعه المباركه يا ولدي.. انت بس اشر وانا اخطب لك احسن بنت في الكون..
سديم التفتت لاخوها و هي تضحك بخبث: لا تقوللييييييين يا ماما... عرووووس مشارري عندي انا ...هههههههه.. اصل و جمال و ...
ام مشاري : سديم عيب الكلام هذا..
مشاري وهو مصر على كلامه: ليش يمه خليها تكمل يمكن من جد عندها احد هههه
ام مشاري : بس يا ولد.. احنا مستحيل نخطب وحده ما نعرف اهلها زين...
سديم: لا من هالجهه تطمني..
ام مشاري مسكت يد سديم و سحبتها معها لغرفه ثانيه و مشاري كان يتاملهم ما يعرف ليش قرر يتذكر اللي صار معه من كم اسبوع في هذي اللحظه..
-
-
من كم اسبوع
سديم رمت الكتاب بانزعاج و عيونها على صديقتها و تاففت من جديد: انا ما افهم ما افهم يعني ما افهم...
البنت بتوتر من صوت سديم العالي: سديم حياتي ... ان ما درستي لا ترسبين في المقرر و عمي .. قايل انه ما راح يقبل اي اعذار هذي المره مهما كانت صدقاتنا..
سديم: عمك معقد وانتي معقده مثله...يا روان...
روان صديقه سديم بانزعاج: مشكوره ..
سديم بوزت: اوووووف سوووري روان ما كان قصدي.. ازعلك.. بس انا والله ما كان قصدي..
ام مشاري دخلت و اشفت نظره الانزعاج على وجه روان: سديم انتي ايش قايله للبنت..؟؟
سديم: وااااي مااما لا تصيرين انتي و الزمن علي .. ما قلت شيء لروان غير ان عمها معقد يعطينا دايما اسئله صعبه..
ام مشاري: ما معد الا انتي يا الغبيه مخك بس في البلاستشبن و الالعاب و المجلات و القصص و ماهو عند الدراسه...
سديم عصبت: ماما...
روان ضحكت على روح ام صديقتها الغاليه الدعابيه و على وجه صديقتها اللي ما يحمل الا التعابير الممتعه : لا يا خالتي لا تقولي كذا لسدومه ما ارضى عليها..
سديم مدت لسانها لامها: ههههه شفتي صديقتي حبيبتي شلون توقف في صفي..
ام مشاري: الله يثبتك يا روان على هذا الزين و تصير سديم مثلك عقل و ثقل..
روان بابتسامه عذبه: الله يخليها لك ياخالتي...
من غير سابق انذار كان في صوت في المجلس بره الغرفه اللي كانوا فيها: سديم... سدييييييييييينووووم يا الخبله...وينك فيه..
سديم بسرعه كانت بتركض حتى تطلع له قبل لا يدخل لكن الباب انفتح و دخل مشاري: سييييييديمووو وينك؟
سديم كانت في وجه مشاري تبي تطلعه بسرعه : بره بره بره..
مشاري بضحك : مو بكيفك يا الغبيه هذا بيتي..
ضحك مشاري على طول توقف لما سقطت عيونه على روان.. روان كانت مثل الطفله الكبيره... العيون السوداء الناعسه و البشره البيضاء و الوجه الطفولي واللي زايد براءه و جمال عليه شعرها القصير ( قصه سعاد حسني) ..
سديم دفعت مشاري بقوه: مشاري يا الخبل...
من غير تفكير او ما طلعت سديم مشاري سالها على طول: من هذي؟
سديم: عيييييييييييييب عليك.. رجال طول بعرض و تطالع صديقاتك خواتك... ثانيا كم مره قلت لك تنحنن لا دخل او حتى اسئل الشغاله اذا عندنا احد..
مشاري: ما توقعت احد بيكون عندنا الظهر...
سديم: وكاهو عندنا... روووان رجعت معي من الجامعه حتى نراجع قبل الامتحان..
مشاري بابتسامه: ماشاء الله اسمها روان؟
سديم : للاشاياء اللي تبيها تصير اذنك ولا جهاز تجسس اي اسمها روان... صديقتي من ايام الاعداديه ..
مشاري بتنهد: ماشاء الله عليه.. ما اصدق انسانه مثله تتحمل انسانه مثلك..
سديم: انت ايش اللي تبيه بالضبط..
مشاري وهو غارق في التفكير: ولا شيء سلامتك... بروح لغرفتي..
سديم ظنت ان مشاري صعد فعلا لغرفته و دخلت للغرفه اللي كانت فيها روان و امها و اللي كانت منحرجه من تصرف ولدها : سامحينا يا بنتي يا روان ... مشاري طبعه كذا يدخل من غير لا يحس
روان بهدوء: ما عليه يا خالتي.. كلنا ننشغل و بالنا ما يكون معنا .. و انا جايتكم الظهر .. ماحد يزور هذي الساعه ولا انا غلطانه..
سديم : اووووف لااازم تصيرين حتى بهذي طيبه....
ام مشاري: بس يااا بنت. ما عليك منها يااا بنتي يا رواني.. ترا سديم خبله و عليها حركات هبل كثيره لهذا السبب اخوها ما يناديها الا كذا..
روان بضحك: اعرف هذا الشيء.. مو صديقتي.. و ثانيا سديم قايله لي عن حياتها مع مشاري ..
ام مشاري عطت بنتها نظره غاضبه لانها تتكلم عن اخوها باشياء محرجه بس سديم بعدت وجهها عن امها بضحك..
روان على طول فهمت ان ام مشاري عصبت من بنتها و برقه قالت: لا تزعلين من سديم يا خالتي الله يخليك... كلامها دايما عنكم يفرحني خصوصا كلامها عن مشاري .. يحسسني ان اخوي خالد الله يرحمه مازال معي ...
سديم نزلت راسها باسى على صديقه عمرها: الله يرحمه..
مشاري كان واقف بره و بمجرد ما سمع الحوار حس بقلبه يتقطع.. رجع و صعد لغرفه من حق هذي المره..
كان يتذكر كل شيء ...
قبل خمس سنين دخلت سديم اخته تبكي بجنون.. و تصرخ ان صديقه عمرها روان صار لها هي و عايلتها حادث و هم راحين لجده صدمتهم شاحنه و ان امها و ابوها توفوا من لحظتها.. و هي روان و اخوها خالد اللي كان اكبر من روان باربع سنين..دخلوا العنايه المشدده في حاله خطره.. ظلت روان في العنايه المشدده خمس ايام و طلعت بعدها للجناح بكسر في قدمها و كم رضه في جسمها.. لكن اخوها خالد ظل في العنايه لمده اكثر و ما طلع منها الا على القبر.. مات بسبب المضاعفات اللي صابته خلال مرضه و صارت روان طفله وحيده مالها غير عم واحد كان يدرس في امريكا يحضر الدكتواره و اللي يرجع حتى يظل جنبها و بعدها اخذها يكمل الدكتوره سنه .. اخذت فيها روان اجازه حتى ترتاح نفسيتها بعد الحادث المؤسف اللي صار و بعدها رجعوا و رجعت سديم و روان لبعض من جديد..
مشاري تنهد: كنت اذكرها طفله صغيره تلعب مع سديم طول الوقت.. على البلاستشين.. ما كنت اتوقع انها تغيرت كذا بعد الحادث..
-
-
الوقت الحالي:
ام مشاري دخلت بنتها لداخل الغرفه بعصبيه و صرخت: انتي عن ايش كنتي تتكلمين مع اخوك قبل شوي؟؟؟ في شيء انا ما اعرفه..
سديم بكل بساطه: ابدا..انتي قلتي بخطب له .. وانا قلت اقترح لكم ناس...ههههههه
ام مشاري: سدييييموو انا اعرفك زيييين انتي ما تتكلمين بشيء الا وانتي عارفه انه ناجخ...تكلمي اخوك يعرف له وحده؟؟؟ تكلمي؟؟؟
سديم بضحك: اي للاسف .. و عنده منها ثلاث اولاد و اربع بنات...
ام مشاري على طول ضربت كتف بنتها : كلميني عدل يااا بنت...
سديم: اووووتش ماما تعور...لا تخافين ولدك المفضل ماااااااااا عنده اي خرابيط انا كنت اتلكم عن روان..
ام مشاري بنظره حاده: روان؟؟؟ روان صديقتك؟؟
سديم هزت راسها: اي روان صديقتي... اصل و سنع و جمال و رقه و كاااااااافي ان مشاري معجب فيها..
ام مشاري : وانتي ايش عرفك انه معجب فيها؟؟؟
سديم: تذكرين اخر مره لما دخل علينا بالغلط وشاف روان معي؟؟
ام مشاري: اي؟
سديم: من بعد هذا اليوم و هو يسالني عنها و عن اخبارها .. بطريقه غير مباشرره مرات يسالني عن الدوام و ايش مسويه فيه و ان كانت هي مسويه زين.. و مرات عن عمها كيف هي اخباره و هي بعده هههههه........ المهم.. مااامااا... ما قلتي لي ايش رايك فيها..
ام مشاري باعجاب بالفكره: والله ان الفكره ممتازه... مثل ما قلتي اصل و سنع و جمال و كافي انا نعرفها من كانت صغيره...
سديم: الحمد لله .. وناااااسه.. صديقتي بتكون زوجه اخووووووووي
ام مشاري: بس الاول اخذ راي ابوك و مشاري اخاف عندهم تفكير ثااني..
سديم: انا ضامنه مشاري لا تخافين...
ام مشاري تنهدت و مشت مع بنتها للمجلس اللي تركوا فيه مشاري و ابوه ..
بو مشاري على طول : تاخرتي يااا حبيبتي وين كنتوا..
سديم بضحك: خايف اكون خطفت حبيبتك يا بابا..
بو مشاري بضحك: خخخخخخخ ما استبعد هذا الشيء منك...المهم ايش سويتوا..
ام مشاري جلست جنب ولدها : مشاري يا ولدي.. ايش رايك بروان..
مشاري توتر و قال: اي روان
سديم بمقاطعه: رواااااااااااااااااااااااااااان رواني صيدقتي الغاليه..
مشاري: راي فيها كيف يعني..
سديم: ياااااااااااااااااااااااااووو ياا سخفك لما تمثل ان مانت فاهم.. شيء.... روان صديقتي خطبتك.. ياا عروووسه هههههههههه
مشاري: هااا؟؟؟
ام مشاري: سديم عييييييب عليك..
سديم: هههههههه هو لو ما كان فاهم كان صرخت علي الحين لووووول
مشاري: سديييييييييييييييييييوم يا الخبله..
ام مشاري: مشاري ما عليك من اختك... ايش رايك في روان... اخططبها لك و لا في بالك احد ثاني..
مشاري: احد ثاني.. لا طبعا يا امي.. انتي تخيطين واحنا نلبس ...
سديم: ههههههههههه قصدك انا اللي اخيط... كيفي صديقتي و اقدر اخليها ترفضك ههههههههه
بو مشاري: روان ما تسويها يااا سديم حتى لو كنتي صديقتها .. طيبه القلب..
سديم من غير نفس: عكس الغبيه عواطف...
مشاري عقد حواجبه.. بو مشاري صرخ: اتمنى يااااااااا سديم انك ما تعيدين هذا المووضوع من جديد خصوصا ان صار له سينين.......
سديم ابتسمت: سووووووووووووووووووري ما راح اعيدها
ام مشاري: يا بو مشاري... شرايك انت و مشاري تكلمون عم البنت و نشووف رايه..
مشاري وهو حاس بشيء من الضيق لانه تذكر حادثه قديمه: امي ليش ما سديم تكلم البنت اول و نشوف رايه..
سديم: ماهي مشكله .. شرايك ماما.. بابا
ابو مشاري: يكون احسن خصوصا ان البنت مالها نسوان حتى تتلكمون معهم و منها على الاقل نكون كاسبين البنت قبل عمها..
ام مشاري حركت عيونها لبنتها: ابيك تكلمين روان و بس في الموضوع مو تعرف نص العائله بالموضوع و احنا حتى ما صار شيء...
سديم و هي تضرب لها تحيه ضباط: اوكي ياااااااااااا سيدي..
سديم في نفسها: ما راح ارتاح... حتى تعرف السخيفه عواطف بالموضوع و تعرف من ضيعت من يدها..
-
-
- بعد ثلاث ايام..
ايمان بعد ما صحت من النوم استغربت ان نواف ما كان جنبها مع انها كانت متاكده من انه لاصق فيها ولا يتركها ولا دقيقه.من وصلوا من ثلاث ايام.. طلعت و توجهت للطابق السفلي و شافته جالس على طاوله الفطور يشرب له قهوه:: صباح العسل يا عسل..
ايمان رفعت حاجبه: تتفطر من غير؟؟
نواف وهو يتظاهر بالهدوء: لا........... كنتي حييييييييييييل كيووووت و انتي نايمه .. ماهان علي اصحيك..
ايمان مدت لسانها له وهي تشوف وحده ما كانت جميله كثر ما كانت جذابه و مغريه .. جسمها كان مثل عارضات الازياء بس مليانه شوي و شعرها كستانئي مرفوع كله و عيونها زرقاء و مكياجها كان لبناني.. لابسه تنوره قصيره لفوق الركبه و عليها قميص رسمي.. بصلي..
ايمان: مصدقتك ..
نواف راقب نظراتها وهي تتامل الحرمه و بعدها : اسف .. .. بس جاني بريد مستعجل من مكتبي في تركيا .. و السكرتيره هنا بنفسها فكان لازم اصحي و اشوفه..
ايمان وهي ترفع حاجبه ظنيت ماكو شغل ..
نواف: سوري بس الموضوع فعلا ما كان يستحمل الانتظار..
ايمان بتنهد: اوكي.. انا بصعد ارتاح حتى تنتهي..
ايمان طلعت و بمجرد ما طلعت استاذنت السكرتيره نواف حتى تروح لدروه المياه نواف طبعا اللي كان مشغول البريد اللي وصله ..
- سيدي نواف..
ارسلت لك هذا البريد المستعجل مع كافات الملفات و العقود التي عثرت عليها من خلال مراجعتي للملفات في فرع الشركه في تركيا.. ان الموضوع اكبر بكثير من ماتخيلت.. اللص اللذي ضرب ضربته و اختلس.. تسبب في اثاره باقي المختلسيين الذي اخذ كل منهم ينهبنا ... و هذا اثار بقيه الشركاء الذين لن يرتاحوا قبل ان يتم القبض عليه..
انني لن اتوانى عن معاقبه عندما اعرفه و لكنني اردت ابلاغك حتى تكون على بينه بكل شيء..
صديقك و تابعك المخلص دائما: ادوارد..
-
نواف عقد حواجب و زفر...: حتى اني اقضي كم يوم بعيد عن الشغل و مرتاح مع الانسانه اللي احبه .. مستحرمينه علي يا عيال البدر...
--
-
ايمان اول ما طلعت و من غير تفكير سالت مدبره البيت: هل تاتي هذيه الى هنا دايما؟؟
السكرتيره اللي كانت ورا ايمان تكلمت: يمكنك ان تساليني بنفسك.. بدل هذه العجوز..
ايمان انقهرت و صرفت مدبره المنزل حتى تتفرغ للقثيثه سكرتيره زوجها: و من الي قال لك اني اتكمل عنك..
السكرتيره وهي تعقد يده قدام صدرها وكان ايمان ماهي عاجبتها : نظرات الغيره على وجهك..
ايمان: انا اغارررررر و منك انتي ههههههههههه ليش ان شاء الله..
السكريتيره : لازم تغارين.. على الاقل انا اعرف مصيرك اكثر منك..
ايمان: خير؟
السكريتيره وهي تضحك: ههههه كنت اراقب سيدي وهو يجيء بالزوجات و الصديقات لهنا كثير.. وكل وحده منهم كانت احلى و اذكى من اللي قبلها و كل وحده استخدمت اسلوب غير و افكار متعدده اكثر و اكثر.. .. و طبعا كل وحده منهم كانت تظن انها بتكون الاخيره في نظره .. لكن سيدي نواف... متقلب الذوق و المزاج و بسرعه كبيره... تخلى عنهم مثل ما وجدهم.
ايمان بعصبيه: و تتصورين اني مثلهم..
السكرتيره : انا ماااااااااااا اظن... انا متاكده. .. و بنشووف كم راح تصمدين معه.. بحكم خبرتي ...... انا اعطيك شهر بالكثير.
ايمان انقهرت و عطتها كف .. بس السكرتيره ظلت مبتسمه..بثقه..

ايمان بسرعه مر في بالها وعده لها ..
اوعدك انك بتكونين الاخيره ياا حبيبتي .. لاني اخيرا وجدت الحب الحقيقي معك.... احبك انتي و بس يا ايمان...
ايمان نظرت للسكرتيره اللي كانت ما تزال واثقه وهي تقول في نفسها: هل كان كلامه حقيقي فعلا ام اني بصددد مواجه مأساه جديده..
-
-
يتبع..


لا تنسووووون انا انتظر ردودكم ...

البارت جميل اوي
بس انا من راي ان نواف بيحبها بجد مش زي راي السكرتيره

شكرا على الروايه المميزه