كاتب الموضوع :
اسطورة !
المنتدى :
القصص المكتمله
السلام عليكم
شلونكم يااا حلوااات
اولاااا
انا اعتقد ان البارت السبت او الاحد صح و محددته من زمان؟؟؟
بصراحه استغربت ان في كم عضوه من يوم الثلاثاء اللي فات و هم يقولون لي اني تاخرت؟؟
ثانيا : الروايه تقريبا دخلت الفصل الثالث لها و يبقى هذا الفصل و فصل الرابع بعده يعني تقريبا بقى نصها ... حق البنات اللي يسالون ان كنت مطوله
رابعااا: يسلمووووو يااا حلوووووات على الردود الحلووووه حيل .. انا ما ارد عليكم الحين لاني خايفه اتاخر و ناس تذبحني ههههههه
يالله هذا البارت الجديد اتمنى يعجبكم
-
-
-
البارت الثاني و الثلاتون:
الم .........الم ...............الم ........الم .............الم.......... الم........... الم .............الم
عذاب.......... عذااااااب...... عذااااااااب... عذاب.......... عذااااااب...... عذااااااااب..
حــزن............حزن........... حزن.......حزن.. حــزن............حزن........... حزن.......حزن..
قهـــر.....قهر..............قهر............قهر.... ...... قهـــر.....قهر..............قهر............قهر.... ........
كل هذي المشاعر و اكثر كانت تعيشها ايمان في دوامه من الرغبه في الرفض و الاستسلام بسبب الضعف.. دمعه يتمبه نزلت من عينها وهي تتامل سقف الغرفه اللي كانت فيها .. هزيمتها الليله السابقه كانت اكبر هزيمه تلقتها في حياتها.. من التقتت نواف اول مره وهي تخسر حتى لما ظنت انها تفوز عليه في شيء كان يفاجاها بانها خاسره من غير لا تعرف وفي النهايه حصل نواف على كل اللي يبه وهي ما قدرت تمنعه..
انقض عليها من غير انتظار حاولت تقاوم بيده لكنه مسكها بقوه.. ووقفها عن المقاومه و ذكرها باتفقاهم... فواز... اغلى ما عند ايمان.. والشيء اللي اجبرها على الاستسلام مره ثانيه و اعطاء المجال لنواف حتى ياخذ كل اللي يبيه...
ما رحمها ولا اهتم باحساسها كانت تصرخ الم و قهر و حزن لكنه كان مبتسم ... مبتسم ابتسامه النصر اللي ختمها واعلن انها ملكه هو وبس .....
ايمان حركت عيونها بتعب للشخص اللي كان نايم جنبها كان معطيها ظهره و غاط في نوم عميق بعكسها اللي ما غفت حتى رغم كل الم اللي كانت فبيه و كل التعب وهي تحبس بكاءها نواف ما كان يعرف ايش اخذ منها بالضبط وكم كان يعني لها ..........
حركت عيوها بعيد عنه و ظلت تتامل السقف من جدبد و رفعت يدها كانت تتمنى تطوله وهي تقول في نفسها:كنت انتظرك تظهر... امس كنت اتمنى انك تكون حقيقه حتى لثانيه وحده..
-
-
من خمس سنين:
ايمان كانت جالسه في حديقه المدرسه مع نوف كانت ايمان ترسم خريطه الغرام لوحده من عضوات المنتدى عندها و نوف كانت تدرس وهي تتاملها بطرف عينها: صعب الحل؟
ايمان ببرود: مافي شيء ما اقدر اسويه حبيبتي نوف لا تخافين... اذا قربت اخوها من اخته ممكن تتطور علاقتهم و يشيل من باله فكره الطلاق لانه اذا شاف ان العلاقه صارت اقوى اكيد بينظر لها من منظرور اوسع.. خصوصا انه يحب اخته كثير..
نوف رفعت حاجبه: ايمان...ظنيتك قاعده تحلين واحب الرياضيات..
ايمان ببرود: وع .. اصلا مستحيل احله.. فليش اتعب نفسي..
نوف: اووووووووووووووووف
مجموعه بنات جو لعند ايمان و نوف كان طالبات من صفهم .. سمر و سليمه و فاتن، ايمان رفعت راسها و تاملتهم: خير؟
فاتن: تدرين انهم بنقلون ابله سحر مدرسه اللغه العربيه لصف ثاني؟
ايمان: خييييير؟؟ ليش ان شاء الله؟
سمر: يقولون بتجينا ابله جديده بدل عنها توها متعينه جديد و و بيخلون ابله سحر تدرس صف ثاني..
نوف: بس احنا نحب ابله سحر كثير.. اصلا هي احلى مدرسه عندنا..
فاتن بالم: هذا قرار رئيسه القسم الساحره.. ويوم كلمناها قالت ... عندكم الاداره كلموها..
سمر: ايمان شنو نسوي..
ايمان تنهدت و فكرت لدقيقه و بعدها ... : تعالوا معي... خل نروح الصف..
بعد دقايق .. وقدام غرفه الاداره كانوا جميع طالبات صف ايمان جالسين على شكل دائره و رافعين اوراق و بطاقات ..
( لن نأكل و لن ندرس مالم تعيدوا ابله سحر) ( نطالب بحقوقنا و على راسها ابله سحر) ( لا تجبرونا على الاضطراب) ( عوده ابله سحر او الموت هنا) ( ابله سحر لنا وحدنا ) ( اعيدوا ابله سحر) ( نريد ابله سحر)
و بدوا يهتفون بصراخ: نبي ابله سحر... نبي ابله سحر.. اعيدوا ابله سحر .. اعيدوا ابله سحر..
كل الابلات من الاقسام الثانيه تجموعوا عند جهة الاداره و صاروا يشوفون المظاهره اللي كانوا يقومون فيها الصف.. الوكيله طلعت من غرفتها و بدت تصارخ: عمى بعينكم قليللات الادب .. كل وحده على صفها بسرعه قبل لا افصلكم...
الطالبات المتفوقات و الهاديات بدوا يتراجعون لكن ايمان استمرت تصرخ في وجه الوكيله: لن نخاف لن نهاب احد.. حتى يرجع ما هو لنا يسقط القانون الجديد نريد ابله سحر..
الوكيله: ايمان ارجعي لصفك لا افصلك...
ايمان طنشت: لن نخاف لن نخاف ...و سنتمسك بالقرار.. ابله سحر لنا نحن فقط..
ابله سحر كانت تحس باحراج كثير من تصرفهم لكن في الوقت نفسها كانت سعيده ان صفها يحبونها لهذي الدرجه..
الوكيله: ايمااااااان فصل ثلااااااااااااث اياااام..
ايمان ببرود: مو مهم اصلا... انا اخدم مهمه انسانيه .. لن اتراجع عنها مهما كانت الظروف و العقبات..
الوكيله : ايمااااااااان .. فصل كلي .
ايمان : ببرود يكون احسن ...
ابله سحر نزلت و جت بينهم: ايمان يكفي الوكيله ترا ما تضحك معك..
ايمان استمرت تصرخ و تشجع الموجودين معها : عاشت ابله سحر عااااشت نصيره المظلومين...
الوكيله: كل الصف راح استدعي ولي امره...
ايمان: عادي شنوو بيصير يعني...
المديره طلعت من غرفتها وجت عندهم: انا بفهم احنا في مدرسه ولا في مجلس معارضه..
ايمان بضحك:ههههههه الاثنين طبعاااااا بما انا في دوله ديموقراطيه لنا حق الاعتراض ولا انتي عندج راي ثاني حضره المديره.
المديره ضحكت على ايمان و هزت راسها بالموافقه: ولا يكون بخاطركم رغم اني ما اايد هذا النوع من التصرف لكن يعجبني تمسكم في قراراتكم ابله سحر راح ترجع تدرسكم
البنات كلهم : هااااااااااااااااااااااااااااييييييييييييييييييييي يييييييييييييييييييييييييييييييه
رئيسه القسم جت لعند المديره: ما يصير جذي يااا حضره المديره... جذي تشجعينهم على التصرفات الغلط..
المديره : انا قررت و انا المديره من حقي اعطي الحريه للي اشوف لهم مستقبل مبهر في النقاش... بس هذا ما يعني ان راس الفته و الدهاء ايمان ما راح تعاقب..
ايمان باحباط: عادي.. المهم اكون حققت اللي انا ابيه ...
المديره اشرت لها تجي ورها و بعد ما دخلت ايمان مع المديره طردت الوكيله الباقي لفصولهم..
ايمان عند المديره: خيييير ابله..
المديره ببرود: الحين خايف وقبل شوي صايره لي رئيسه ثوره..
ايمان: ايش اسوي انا كلمت رئيسه القسم .. قالت هذا قرار الاداره ومحد له حق الاعتراض.. و انا اعرف ان رئيسه القسم ما تحبنا علشان جذي قررت تعاقبنا و تشيلها عنا..
المديره: بس ولو.. طريقتج علط و ما عجبتني.. بس انتي تعرفين اني بسامحج بس لاني اوثق بقدراتج..
ايمان بابتسامه: مشكوووووووووووره ابله...
المديره بتحذير: ايمان انا ما ابي اوصيج.. ترا مو كل الناس.. راح تتركج تتحدينها و تروحين بسلام..
ايمان بضحك: هههههههه اكيد مافي نفسج ابله..
المديره: انا ما اتكلم عن مديره او معلم او احد تتعاملين معه.. في بالحياه وحوووش تجردت الرحمه من قلبوهم...وان صار و ما مشيتي على اللي هم يبونه وما راح يتروكونج قبل لا ينتزعون منج كل شيء...
ايمان بضحك: راح افوز عليهم.. هذااا وعد...
المديره بتنهد: طفله مهما قلتي.. والحين بسرعه على صفج قبل لا اغير راي و اعاقبج..
ايمان ضحكت و ركضت بسرعه على صفها و بمجرد ما دخلت بدوا البنات يصفوقون لها و هما ابله سحر اللي كانت عليهم : قويه قويه قويه.. بطله بطله بطله .... شجاعه شجاعه...
ابله سحر: ايمان اتمنى تصرف اليوم ما يتكرر مره ثانيه لان مو في كل مره تسلم الكره ولا انتي ما تعرفين هذا المثل..
ايمان بضحك..: لا اسمعه دايما في الكارتون..
ابله سحر بتحذير: ايمان انا ما امزح معج.. راح يجي يوم و راح تجيج عقبات اصعب بكثير من اللي انتي تتصورينه..
ايمان بتنهد: بليييييييز لا تكملين.. توني طالعه من محاضره طويله عند المديره و راح اقولج نفس الجواب انا ما اخسر...
سمر وحده من الطالبات: هههههههههههههه لا انج جووونقر...
نوف بضحك: لا غرندايزر..
ايمان بضحك هما: لا مازنجر البطل المغوار يواجه الصعاب يهاجم و يطلق الصاروخ ....ههههههههههههههههه
كل الصف ضحك مع ايمان لحد ما قالت بنت منهم: بصراحه لما كنت صغيره كنت اقول ابي واحد مثل مازنجر يدافع عني بس الحين ما ابي لان عندنا ايمان هههههه
سليمه: قصدج فارس احلام على حصان ابيض مغطى بدرع ذهبي ههههه كل وحده تتمنى واحد جذي بس مافي بالواقع.. بس مثل ما قلتي عندنا ايمان تدافع عنا
ايمان سوت يدها على شكل مسدسس بقوه صارت تقول: طاااخ طااااااااخ اياهااا العدو
- نهايه الذكريات-
-
-
ايمان تكاثرت دموعها وصارت تنزل مثل الشلال على الوساده وهي تتذكر هذي الاشياء الجميله وتقول في نفسها: كنت اتظاهر بالقوه قدام الكل و احب استعرض بمهارتي لكن انا بعد... اناااا بعد ..كنت اتمنى يكون عندي احد يدافع عني ... فارس احلام ينقذني من مصيبيتي اللي اعيشها مع هذا الوحش......
شهقاتها بدت تصير علنيه وصارت ترجف من كثرها نواف من جهه ثانيه حس برجفاتها كان معطيها ظهره صحيح ويتظاهر بالنوم لكنه ابدا ما قدر ينام..كان يقول في نفسه: هل ترتجف بسبب البرد ولا بسبب البكاء؟ ......اكيد البكاء... اللي سويته امس شيء لا يمكن تغفره لي...اصلا هي كيف ممكن تغفر لي وانا..
انا ايش بالضبط ...انا انسان نسيت او بالاحرى ما عرفت طعم الرحمه.. من كنت صغير وانا حاقد على هذي العايله بسبب اللي صار لامي دخلتهم في انتقامي من ابوي و حملتهم ذنبه ... سيطرت على عقل الجد واخذت النصيب الاكبر من الثروه و صرت رئيس عليهم وهم تحتي.. عاملة الكل ببرود قلب و قسوه و هما ما اكتتفيت .. دخلت في مشاريع غير قانونيه وصرت اتلاعب بحياه الناس و ادمر اللي ابيه و اخذ كل اللي اتمنى و تزوجت بنتهم و عذبتها و في النهايه انتزعت البنت اللي ما كنت ابيها منها و اخبرتها انها تفقد عقلها و في النهايه وجهت كل اهتمامي و تركيزي على الانسانه اللي دمرت حياتها من قبل لا تشوف النور... شوهت سمعت امها و اجبرتها انها تعيش بعيد و مع القليل القليل من المال و انا عشت بالنعيم و لما نستهم العايله و عاشوا بسلام قررت اني ارجعهم في الصوره من جديد حتى اعذبها اكثر و اكثر و اشوف انتقامي بشكل اجمل من ماكان عليه..... أيمان.... الانسانه اللي اخذت منها كل شيء..
من تعرفت عليها و انا اتلاعب فيها و اجرحها... و استغلها... تلاعبت بعقل صديقتها الغاليه و كنت شريك في مؤامره تدميرها و اللي نتج عنه صدمه كبيره لايمان و هما ما اكتفيت ظليت اسعى وارها هي و اتعقبها ما كنت اقدر امنع نفسي من اني افرض نفسي عليها و اتحرش فيها و اغازلها في وجود الناس و من غيره .. ولما لقيت الرفض منها .. بديت بالتهديدات الكثيره .. سجنت واحد و هددت بذبح الثاني و اجبرت واحد على الزواج من انسانه ما يحبها ولا يطيقها.. و اجبرتها انها تكون عشيقه رخيصه لي و هو السبب في هروبها و ترك حياتها كلها دراستها و اهلها و شعورها بالامان كل هذا ضاع منها بسببي انا ..سافرت لبعيد و تعذبت حتى تقدر تواجهني لكنها بهذا الشيء قوت الرغبه عندي اني اكسرها و ادمرها.. هددتت بحياه اغلى شخص عندها اخوها الغالي فواز و ضربته في سم كان بيذحه وهذي هي كسرت كل كبرياء و كرامه كانت عندها وحققت اللي ابيه ......اني اخليها تترجاني اتزوجه و طبعا بعد ما حصلت على اللي ابيه ما عاملتها برقه و لا بحنان... انقضيت عليها بكل وحشيه.............. بس هل كان هذا بسبب اني ما صدقت انها صارت لي ولا لاني حبيت اتحقق من,,,,,,,,,,,,,,,,,,,,
-
-
قبل شهر...
شركه جيفري ادغار..
نواف و ادوارد من وراه دخلوا لمكتب ادغار بعد ما سمح له السكرتير يدخل ادغار ابتسم له و رحب من وراء مكتبه : نواف البدر في مكتبي انا ما هذا الشرف
نواف ببرود وثقه: انا واثق انه شرفت مكتبك المتواضع هذا..
ادغار: لن يضرك ان جاملت مرحبيك يااا سيد نواف
نواف وعيونه مازالت مغمضه: لن اظنك ستجاملني بعد ان تعرف لماذا انا هنا يا سيد ادغار..
ادغار: ان كان ما اخبرني به مبعوثك منذ ايام فجاوبي لم يتغير لن ابيع ايا من الاسهم التي حصلت عليها..
نواف بغرور: لا احد يشتري اسهم شركتي ياا ادغار
ادغار بغرور ممثال: ولكنني فعل يا نواف..
نواف: اذن تحمل العواقب ...
ادغار بنزعاج: اي عواقب.
ادوارد مد ملف لادغار: سحب جميع صلاحيات شركتك من منظمه عملاء الشرق الاوسط.. و شركه تيلور للادويه و وايقاف جميع تعاملانك مع مؤسسه السياحه الهنديه و الاستراليه.. اي ضربه ستقسم ظهر شركتك..
ادغار بعصبيه: كيييييييف فعلت هذا؟؟؟
نواف ببرود: اخبرتك ان تتحمل العواقب هذه مجرد بدايه و ماهو قادم اكبر...
ادغار: 500 مليون دولار و ساعطيك كل الاسهم
نواف: الا تظن مبلغا كهذا اكبر من نسبه الاسهم التي تمتلكها..
ادغار: 500 مليون مبلغ بسيط عند ما تملكه يااا سيد نواف ام اني مخطئ
نواف طلع دفتر الشيكات و اشر لادوارد يعطيه عقد البيع: وانت على حق.. سيكون لك رغم ان لدي شرط يجب ان تنفذه ايضا..
ادغار: وماهو؟
نواف: الليدي لارا...يجب ان تنساها..
ادغار بغرور: هههه الا تنظن ان الذين هم مثلها يستحقون اهتمامك..
نواف: ولم لا؟
ادغار: يبدو لي ياا عزيزي نواف انك لا تعرف شيء عن حقيقه الليدي لارا.. انا مجرد فتاه من اصل عربي غيرت اسمها بعد ان تلاعبت بعقل مبارك العبدالمحسن.. و تدريجيا اخذت منصبا و قروه حصلت عليها بطرق غير مشروعه.. لها صداقات وعلاقات مع كل من تتعامل معه.. انت تعرف عن اي نوع من العلاقات اتكلم..
نواف بجنون: هذا سخف...
ادغار: انا كنت اقول هذا ايضا ولكن بعد القليل من التحريات تاكدت من الامر والان لا رغبه لي فيها.. فشخص في مثل مستواي لا يمكن ان ينظر لانسانه مثلها .. انا اريد قطعه جديده او قليله الاستعماال وليس قطعه رخيصه للجميع..
نواف انفجر من داخله وهو يتذكر اللي قاله له ايمان قبل لا تسافر..من سنين..
- -
- نواف: لا تتحديني يااا ايمان.. انتي بنت... وطلعتك فيها..
- ايمان ببرود وضحك: شنوو بيصير. بخسر شرفي؟؟ عندي اني اعطيه لاي حقير سافل ... احسن بكثير من اني اتنازل عنه لواحد مثلك.. للانسان اللي قلت اعز مخلوق على قلبي..
- -
نواف كان يغلي من داخله وهو يتصور ان ايمان سمحت لنفسها تسوي تهديدها له بس حتى تقهره و توصل للمكان اللي وصلت له بمجرد ما وقع البيع و سلم لادغار الشيك طلع و هو غايب عن الابتسامه الخبيثه اللي كانت على وجه ادغار..
-
-
الوقت الحالي..
نواف رعص على اسنانه و شدد على قبضه يده حتى انه حس ان يده بتنجر من اظافره اللي غرسه فيها من شده القهر وهو يقول في نفسه: ادغار الحقير!!!!!! اوهمني بانها قطعه رخيصه حتى يثير جنوني و ادمرها بثوره غضبي من انها تكون لواحد غيري و تهديدها لي من سنين هو اللي كان مثل التاكيد على كلامه.....رغم انها .... لكن هي كانت متزوجه مبارك... وحامل منه كيف؟ كيف وهي لساتها بنت؟؟ ماني فاهم شيء .... عموما اللي صار صار انا جرحتها بهجومي عليها و ما عاد في شيء ممكن يعيد اللي سويته كل رجاءي هو انها تسامحني..على كل اللي سويته لها ..... كل جرح جرحتها اياها ما كانت تستحقه .. انا اللي المفروض انجرح و انجرح بسبب غروري و رغبتي في الانتقام ....
ايمان من جهه ثانيه حست في حركه السرير و الغطاء و بعدها اختفى الشيء الدافئ اللي كان جنبها وفهمت من هذا الشيء ان نواف قام من الفراش... ما كانت الا دقايق وسمعت صوت باب ينفتح وبعدها يتسكر وصوت الماي يتلوه.. عرفت ايمان ان نواف راح الحمام يتروش على طول تحركت من السرير وهي تلف جسمها بالغطاء تدور على فتسانها حتى تستر جسمها فيه .. و بمجرد ما مسكته تعقدت عيونها بحزن الثوب كان مقطع بشكل وحشي نزلت وهي تقول قي نفسها: قطعه الوحش.. الحين شنو اسوي ؟
ايمان كانت على الارض جالسه قدام فستانها و مرخيه غطاء السرير عليها بس بسرعه رجعت غطت جسمها فيه لما سمعت صوت الباب ينفتح و نواف يطلع وهو حاط فوطه بس على خصره: سوري... نسيت لا اخذ غيار..
ايمان رجعت عيونها على الارض و ما نظرت له رغم انه كانت ينظر لها بتفحص العلامه الزرقاء على كتفها بسبب مسكه لها بوحشيه وثوبها المتقطع قدامها.. كل دلائل وحشيته ومعاملته القاسيه معه .. تنهد و مشى للخزانه و اخذ له ملابس و بعدها التفت لها من جديد: راح ارسل لك مجموعه من الملابس الجديده حتى تلبسيها ..
لما ما حصل منها جواب مشى للحمام حتى يغير لكن صدمه نطقها من جديد: متى راح تطلقني؟
نواف انصدم و التفتت لها مره ثانيه بوجه غاضب: خير؟
ايمان بكل ذل: اخذت اللي تبيه صح ... الحين ما عاد لي لزمه.. طلقني..
نواف رجع و مشى لعندها و بمجرد ما قرب ايمان تكورت على نفسها اكثر: انتي اكيد قاعده تهلوسيني ا ايمان .. انا
ما تزوجتك حتى اطلقك يكون هذا في معلومك و من اللي قال لك انك ما عاد لك لزمه؟
ايمان بكل قهر: بس انا ما ابيك !!!!! ماااااااا ابيييييييييييك!!!!!
نواف : حتى لو كنتي ما تبيني احنا تزوجنا و صار اللي صار و المفروض يا مدام من اليوم ورايح تنظرين لي كزوج وبس وماهو اني نواف اللي ما تبينه..
ايمان نزلت راسها لحظنها المغطى بالشرشف و وكانها تتمنى تختفي عن الوجود و عنه بالذات.. نواف بعد فتره من مراقبتها اكتفى بالتنهد وبدل لا يرجع الحمام طلع من الغرفه بكبرها...
ايمان بالم: ما اوقحه......... يطلع جذي جدام الشغالات.؟؟ ما عنده دم ولا يستحي..؟؟
ايمان رجعت ظهرها لزاويه السرير اللي كانت جالسه على الارض قدامه وبدت تلوم نفسها من جديد على ضعفها و استسلامها .. ما حست بنفسها الا وهي غافيه من شدت التعب والانكسار اللي كانت تحسه ...
-
-
بيت محمد:
ثلاث طرقات على باب غرفه فواز صحته من حاله السرحان اللي كان يعيشها من صحى من النوم التفت للباب : ادخل..
وسط تنهد و زفير دخل جسار الغرفه و جلس على السرير جنب اخوه: صحيتك.؟
فواز بابتسامه معتاده منه: انا صاحي من صليت الفجر..؟؟
جسار: يعني مثلي ما نمت؟
فواز وهو يتظاهر بالهدوء: وليش يعني تظن اني ما نمت انا كنت شبعان نوم..
جسار: لا تكذب ياا فواز وانت اكثر واحد يعرف اني ما احب ابتسامتك المزيفه هذي!!! انت مثلي خايف على ايمان..
فواز: وليش اخاف عليها... ايمان وافقت على نواف بنفسها و من غير ضغط اي منا عليها .. و الظاهر انها تحبه..
جسار بجنون صارخ: انت بشنو تحس!!!! ايمان ما تطيق نواف ولا تحبه و ان كانت تزوجته فاكيد في سبب لهذا الشيء و اكيد هذا الحقير نوااااف مسوي لها شيء كبير !!!
فواز وهو يحاول يهديه: وليش ما تكون ايمان هي اللي تخطط لشيء... انت ناسي انها عندها خبره في الحب و يمكن مقرره تلعب لعبتها مع نواف وووو
جسااااااااار: اي حب واي خرااابيط يااا فووواز كلامك هذااا هو اللي خربها و اوهمها باشياء مثل هذي .. حب اللي مثل نواف ما يحبون يااا فواز ولا يعرفون هذي المشاعر نواف ناوي يكسرها و يدمرها و يعذبها مثل ما انا معذب اخته..لكن والله ثم والله ان فكر ياذيها ما يلوم الا نفسه..
فواز: احنا خل ننتظر وبعدها نشوف شنو بيصير.. ان صار مثل ما انت تقول يا جسار يا اخوي.. مستحيل نسمح له يستمر معها ..
جسار بالم: بس بعد ايش يااا فووووواز بعد ايش..
جسار بالم طلع من الغرفه و ترك فواز لحاله واللي تنهد بحسره على ايمان اللي تتعذب بسببه..
و تذكر ذكرى يتمنى ينساها .. في ليله كان في المستشفى وايمان نايمه عنده..
صحى فواز بتعب وعيون شبه مغلقه على صوت ضربه قويه في الجدار فتح عيونه و شافهم.. ايمان على الارض وظهرها على الجدار وكانها انضرب جسمها كله فيه... و نواف يهددها و يصرخ عليها و بعدها صار يتكلم عن فايروس و عن مرضه اللي صابه هو السبب فيه وانها ان ما نفذت اللي هو يبه ما راح يكون هو الوحيداللي راح يموت... ابوه محمد و جسار و وولده محمد كان يتمنى يتحرك او يتكلم بس ما قدر بعد فتره شاف ايمان حبيبته القويه صاحبت الكبرياء و الشرف تقوم من الارض و بكل اذلال تطلب من نواف يتزوجها فواز حس بطعنه كبيره في قلبه انه اسلبب في كل اللي صار بكل ذل رجع غمض عيونه وما كانت الا دقايق و حس بايمان تقرب من عنده و تعطيه الدواء......
كان يتمنى يوقفها و يمنعها بس ايش يسوي ان صارحها انه عارف بالاتفاق بينها وبين نواف راح تعاند ايمان و ما راح ترد عليه لانها ما كانت تقاتل علشانه بس .. علشانه و علشان اخوه و ابوه وولده ... زواجها من نواف كان الحل الوحيد حتى تحميهم وفي يالوقت نفسه ممكن يكون خلاصها لان نواف واضح انه متمسك فيها و يبيها و ممكن ايمان تقدر بقدراتها انها تسيطر عليه و تحوله من الطريق الغلط اللي هو يعيشه الى الصح.... لكن السؤال هل ايمان عندها نيه تسوي هذا الشيء؟؟؟
-
-
ايمان صحت بخوف لما حست ان باب الغرفه انفتح بسرعه تاكدت من ان جسمها كله مغطى لما شافت ان اللي دخلت هي الشغاله الاجنبيه: انا اسفه يا سيدتي لكني طرقت الباب و لم تجيبي..
ايمان رفعت حاجبها لنا شافت ان الشغاله معها كيس لما الشغاله شافت ان ايمان ما ردت عليها نزلت الاكياس و قالت : هذي الملابس التي طلبتها سيدتي ..
ايمان عقدت حواجبها وهي تقول في نفسها: اي ملابس ؟ اكيد الحقير هو اللي طلبهم و قالها ترسلهها لي... الكلب اللي ما يخاف ربه كيف يدخل الشغاله علي وانا بهذا الوضع...
الشغاله: السيد يطلب منك ان تتجهزي فهو ينتظرك للفطور.
ايمان ما ردت على الشغاله و اللي فهمت منها انها ما تبي وجودها بكل هدوء عطت ايمان ظهرها و طلعت : يبيني اكل بعد اللي سواه فيني؟
بكل اذلال رغم انها ما كانت تبي مننه شيء اخذت ايمان الملابس و توجهت للحمام غسلت جسمها بكل ما عندها بقوه وكانها تتمنى تنتزع الجلد اللي لمسه نواف من عليها لكن هذا كان شيء مستحيل بعد ما نشفت جسمها و شعرها لبست الملابس اللي ارسلها لها نواف.. والي كانت قميص بيج نص كم لف على الجسم لاول الفخر وبنطلون بني لنص الساق و حازم تايقر كريستال... ايمان سرحت شعرها عادي و رفعت جزء منه و نزلت جزء على جنب و تاكدت ان ما في اثر للعلامت اللي تركها نواف على وجهها و جسمها باتسخدام الميك اب.. و راحت وجلست على السرير تتامل الغرفه من جديد خصوصا انه الشيء الوحيد اللي كانت تقدر تسويه..
بعد نص ساعه تقريبا انتهى تاملها للغرفه لما انفتح الباب ودخل نواف عليها الغرفه ايمان رفعت عيونها وهي تتامله كان لابس جينز من ديزل و قميص اسود عليه شعار البورش..
ايمان بعيون مقهوره: اسود ؟؟؟ مثل قلبك الاسود..
نواف بغرور: ما اعتقد انك شفتي قلبي حتى تحكمي ياا ايمان....
ايمان حركت عيونها بعيد عنه : شنو تبي؟
نواف: ليش ما نزلتي تفطرين؟
ايمان: مالي نفس..
نواف زفر: مو مشكله ممكن تاكلين خفايف عند ساره .. وبعدها في الطياره..
ايمان بصدمه: خير؟؟
نواف : ما تدرين يا بنت الاصول و السنع ان لازم تروحين تسلمين على امي و ابوي قبل لا تسافرين؟
ايمان بالم: بس انا ما ابي اسافر ولا ابي اشوف احد!!!!!!!1
نواف: وليش ما تبين تشوفين احد؟ مسوده الوجه و مسويه مصيبه؟ انتي متزوجه على سنه الله ورسوله وهذا هو زوجك قدامك مافيه شيء عيب حتى تتجنبين الناس عقب عرسك..
ايمان بقهر: الا فيه كل العيب..
نواف بعصبيه: ايماااااااااااان... لا تجبريني اعيد تهديدي من جديد ولا نسيتي احنا على ايش اتفقنا؟؟
ايمان بذل: لا ماني ناسيه...
نواف: عفيه على الشاطره والحين مشينا ..
ايمان جت بتوقف بس حست بدوخه و كانت بتطيح بس نواف مسكها على خصرها بسرعه: اسم الله عليك ياا قلبي...
ايمان باشمئزاز بعدت يده عنها وصارت تمشي جنبه نواف ما علق و مشى معاها ايمان حست بنقزه في قلبها من كلمته للحظه حست ان هذي الكلمه فعلا طلعت من قلبه...
-
في بيت ساره ..
ايمان كانت حاسه بالضيق ان نواف بس يبي ياخذها تسلم على اهله اهو بس قبل لا يسافرون على قوله شهر العسل .. لكن همومها انزاحت لما شافت ان محمد و جسار و فواز كانوا هناك ينتظرونها..
بعد السلام جلست ايمان على كنبه ثنائيه جنب نواف اللي كان حاط يده على كتفها بهدوء و نواف يتكلم و يضحك.. فواز ما كان بيده الا انه ياخذ ولده محمد اللي اخذه من امه قبل لا يجون لبيت ساره و يعطيها اياه لانه يعرف قد ايش هي تحب محمد الصغير..
ايمان ابتسمت لما حط فواز محمد ولده في خضنها و بدت تلعب معه نواف رفع حاجبه وعلى طول قال لفواز: فووواز يا اخوي فك ولدك من زوجتي ترا اغار لا شفتها مع واحد غيري..
فواز: هههههههههههههه بصراحه ان كنت بتقارن نفسك في محمد ولدي بتخسر.. امون حبيبتي تموت عليه...
نواف: بس انا زوجها و المفروض تحبني انا وبس.... ولا انا غلطان يا ايمان..
فواز انتبه على ايمان وانها انزعجت منه كثير فقرر يرد: مسكينه ايمان خجلانه من انه ترد عليك لكن بما اني دايما انوب عنها راح ارد انا عليك... حلال عليك تكون في المركز الرااااابع بروحك يا نواف..
نواف بغرور: خير..
فواز: بصراحه .. قلب ايمان طبقات و مستويات.. الاول انا متمركز فيه من غير منازع و الثاني فيه ابوي و محمد ولدي وجسار في الثالث لان حبها له مشكوك فيه هههههههه فانت الرابع اكيد ان كنت واثق هههههههههه
ايمان ابتسمت على تحليل فواز و هذا شيء عصب نواف.. محمد قرر يتدخل لما شاف نواف انزعج: فواز... فك البنت منك ومن ولدك وخلها تنتبه لزوجها..
نواف: اي والله يا عمي ذبحني من جينا وهو مستفرد فيها ترا اغار..
جسار عجبه اثاره فواز لنواف وحب يسانده فقال: ما راح تنفع الغيره مهما سويت ياا اخوي يا نواف.. ايمان ما تحب الا فواز ومهما سويت ومهما حطيت لا تقارن نفسك فيه شوفني انا قدامك..سنين وانا احاول اتقرب منها ما قدرت .. فنصيحه لك تشيل فكره التحدي من بالك..
نواف بثقه: بتعلمني ايشكثر ايمان تحب فواز... ما يحتاج.. انا عارف..واذا على التحدي انا مستحيل اترك ايمان تحب غيري مهما صار..حتى جيش العيال اللي بنجيبهم ما راح اسمح لها تحبهم اكثر مني
جسار كان وده يكمل بس عمته ساره قررت تتدخل: جسار فواز نواف.. كافي.. ذبحتوا بالبنت بالاحراج..... نواف ما تبطل سوالفك هذي..؟؟
نواف: ايش اسوي يا امي.. ايمان من ملكت عليها امس وانا داخي و ما عدت احس بنفسي..
فاطمه و عواطف كانوا جالسين معهم بس في زاويه شوي بعيده علشان جسار و فواز كانوا موجودين .. عواطف ما كان هامها شيء غير فواز اللي ما شالت عيونها عنه من اول ما دخل و على محمد ولده وهي تقول في نفسها: هذا ايش اللي جايبه معه اوووووف ما صدقت افتك من الام يطلع لي الولد..
فاطمه كانت مقهوره ان جسار من اول ما دخل وهو متجاهلها حتى كلمه شلونك ما قال لها و الشيء الثاني نواف اللي ما اهتم لها ولا دللها بكلامه مثل كل مره من القهر اللي فيها قالت شيء انقلب ضدها
من غير تفكير فاطمه: ماهو شيء جديد عليك يا نواف انت من تشوف وحده حلوه تنسى الدنيا كلها..
ساره انفجرت عصيبه من كلمه بنتها: فااااااااطمه
نواف بابتسامه : اتركيها يااا ماما فطوووم ما تنلام انا تزوجت كثير و انعجبت في بنات كثير... لكن ايمان رااااااح تكون الاخيره لان ايمان غير..
ايمان في نفسها: هه مصدقتك
جسار برغبه منه انه يقهر نواف: بوطبيع ما يغير طبعه يا نواف... متاكد انك بتقدر تتخلى عن الشيء اللي تعودت عليه
نواف وهو يسحب ايمان اكثر لحضنه: والله لما تكون عندك زوجه مثل ايمان يا جساااار مجبور تغير طبعك و تنسى كل نسوان العالم
جسار فرح لكلمه نواف لانها كانت طريقه حتى يقهر فاطمه: قصدك ان فاطمه مو مثل امون؟
فاطمه انقهرت من المقارنه و انتظرت رد نواف: ههههههههه جسااااار مافي داعي لهذا السؤال.. ايمان وين وفاطمه وين؟
فاطمه حست بغرور وبسرعه ردت: كلام اخوي نوافي صحيييييييح.. مهما كانت الحرمه اللي اختارها زوجه له مستحيل تكون في نفس مستواي عند نوااافي
نواف رفع حاجبه رغم ان الابتسامه ما فارقت وجهه: ومن اللي قالك تعتبرين كلامي مديح لك يا فاطمه
فاطمه بجنون صرخت: خييييييييييييير؟؟؟؟؟
ابو نواف انحرج من تصرف بنته: فاطمه اسكتي!!!!
فاطمه بعصبيه: لا ما راح اسكت.. اناااا يااا نووواف اناااا تنساننني علشاااان من؟؟؟ هذذذذذذذذذي
نواف ظل مبتسم لها ولا رد الشيء اللي زاد قهرها على طول طلعت من المجلس تمسح دموعها.. بونواف على طول بهمس لنواف سمعته ايمان بس لانها كانت جنبه: نواف ادري انك معرس جديد و ادري كيف تحب ايمان بس راع شوي
شعور فاطمه انت تعرف انت ايش بالنسبه لها..
نواف ببرود: انا ما سويت شيء غلط ومال هذي البنت ذنب تقهرها بمقارنتها من اول يوم...كان لازم احد لها حد..
بونواف: بس هذا راح يزيد المشاكل خصوصا بينها و بين ايمان..
نواف: خل تقرب لايمان... وراح اندمها...
ايمان حست بشعور غريب وهي تسمع كلام نواف و تهديداتها اللي كان يقولها و صارت تدور في داخل نفسها .. وتذكرت شيء قاله في المستشفى
- -
- لاني حطيتك في بالي اكثر من اي شيء ثاني و معتاد احصل على اللي ابيه فكيف اذا كان اللي ابيه اكثر من اي شيء ثاني.. انا مستعد حتى اجبرك للخضوع ادمر فاطمه... ايش هوو قرارك..
- -
حركت عيونها له لدقيقه وصارت تفكر في نفسها : معقوله يكون فعلا يحبني؟ لااا الللي مثل نواف مستحيل يحبون احد .. اكيد ناوي على شيء..
ساره بتنهد: نواف يا ولدي بليز كلم فاطمه ما ابيك تسافر واهي زعلانه.. انت عارف قد ايش هي تحبك..
نواف تنهد و قام من مكانه: حاضر يا ماما .. بطيب خاطرها بكلمتين..
بمجرد ما طلع نواف محمد قام من مكانه و اخذ يد ايمان: انفتح الحصار اخيرا يا اميره و اقدر اخطفج
ايمان بابتسامه: انا لك على طول..
فواز بضحك: انا لك على طوووول خلك ليااا و ابعث لي من الشووووووووووووووق يمر علي...
محمد اخذ ولد فواز وحطه عند ابوه و هو يضحك: بلااااا سخااافه و اغاني الغباء اللي تسمعها ..
عواطف فز قلبها لما سمعت فواز يغني لعبدالحليم و كيف هي تحب الاغنيه ابتسمت وقررت تدخل في الحوار: ليش ياا خالي عبدالحليم على راس اغاني الحب و الغرام.. و اللي ما يحب اغانيه مستحيل يكون انسان رومانسي..
فواز: اخيرا قلتي شيء مفيد يا عواطف يا اختي..
عواطف بقهر في نفسها: اختي ؟؟ انا اختك؟؟؟؟ شلون اختك وانا احبك ياااااااااا غبي...
فواز ابتسم لها وراح ينزل ولده على الارض حتى يلعب بالالعاب الخاص فيه و قام محمد و ايمان و دخول لداخل .. عواطف ظلت عيونها على ولد فواز تراقبه بتامل لما لمحت وحده من العابه شوي بعدها عنه بكل براءه و حاول يزحف لها .. عواطف من غير تفكير دفعت اللعبه برجلها و اجبرتها تدخل تحت الكنبه .. و تركت الطفل يتاملها و بعد فتره بدأ يبكي .. عواطف ظلت ساكته و تتصرف ببراءه و كان ما صار شيء.. فواز اللي ما شاف شيء رجع واخذ ولده في حضنه ..ويحاول يسكته... عواطف ابتسم اخيرا و هي ترسم خطتها الجديده حتى تتقرب من فواز..
-
-
من جهه ثانيه محمد اخذ ايمان وبدوا يتمشون في الحديقه كان في باله الف سؤال و سؤال بس كان متمالك نفسه و قرر يسال الشيء المهم بس..
محمد : شلونج يا ايمان..
ايمان وهي تتظاهر بالسعاده: الحمد لله بخير يا بابا..
محمد: وشلون نواف معج ؟
ايمان بكل تمثيل قدرت تطبقه: الحمد لله يا بابا نواف مثل ما توقعت بالضبط.. انسان رقيق و حنون كثير معي
محمد كان شاك بحقيقه الكلام اللي كانت تقوله خصوصا انه يعرفها زين : ايمان.. انا ما سالتج انتي ليش تبين تتزوجني نواف خصوصا اني شفت اصرارج الكبير عليه و لهذا السبب انا بقولج الحين ... نواف زوجج يا ايمان و من واجبج انج تحترمينه و تنفذين كل طلباته و اوامره ومهما كان عليج بالطاعه و هذا يعني انج تشيلي فكره استغلال الزواج كوسيله حتى تنتقمين منه...
ايمان بتوتر: اي انتقام يا بابا.. انا .. احب نواف و ما تزوجته الا لهذا السبب..
محمد: ما في داعي تبررين .. هذا كل اللي عندي و اتمنى تحطينه في بالج زين..
ايمان كانت تفرح كثير لما كان ابوها يفهم هي بايش تفكر لما كانت صغيره لكنها كرهت فهمه هذا كثثثثثثثيييييير هذا اليوم ..
بعد دقايق نزل نواف من غرفه فاطمه و هي معه تمسح كم دمعه واضح انها ذرفتها وواضح ان نواف راضاها في شيء ما حد عرف ايش هو ..ايمان على طول جلست بين ابوها وفواز.. نواف ما عجبه ابدا هذا التصرف منها و سكت وهو يتوعد في قلبه: ماشي يا ايمان.. تتجنبيني.. نشوف كيف بتتجنبيني بعد ما نصير لحالنا..
ساره بابتسامه: نواف حبيبي وين ناوي تروحون شهر العسل؟
ايمان من غير نفس تقول في نفسها: شهر عسل ههه... قولي شهر بصل هم..
نواف بابتسامه: مفكر اروح لنيوزيلاندا.. اقضي فيها كم يوم في الطبيعه و بعدها استراليا و بعدها نرجع لاوروبا .. بصراحه لازم اقضي مع ايمان جزء من شهر العسل في البندقيه مدينه العشاق...
ايمان توسعت عيونها وهي تتذكر حوار سابق لها معه :
- -
- ايمان حركت وجهها لبعيد و ظلت تتامل الشوارع من الشباك نواف حتى يغير الجو قال بهدوء: اللي ذاكره ان ثلاث منهم تزوجتهم هنا في باريس مدينه الرومانيسه..
- ايمان تنهدت و قالت بهدوء : غلط باااريس ماهي مدينه الرومانيسه...
- نواف : ايش؟
- ايمان بهدوء: مدينه الرومانيسه هي البندقيه في ايطاليا...
- نواف بتعجب من كلامها: هههه حلوه يا سيده الرومانيسه...
- ايمان بعصبيه: انا ماني سيده الرومانسيه انا سيده الحب
- - -
ايمان ابتسمت باسى على هذي الذكره وهي تقول في نفسها: اللايام الجميله.... مع نواف الطيب الحنون.... لاااا نووواف عمره ما كان طيب ولا حنون.... انا اللي كنت مخدوعه فيه و متصورته طيب وحنون...
نواف وقف وهو مبتسم: يالله تامرون على شيء..
ايمان حست بضربات قلبها تتزايد لااا ما تبي تروح معه.. ما تبي تكون معه لحالهم بعد اللي سواه فيها .. تبي تظل مع الناس اللي تحبهم لااا
نواف بعيون حنون ايمان كانت تعرف انها كلها كذب: مشينا يا قلبي... ولا عجبتك القعده؟
ايمان بالم: اي كثير...
نواف بصوت هادي: افااا لااا كذا ازعل منك يا حبيبتي..
محمد بهدوء طبطب على كتف ايمان: ايمان عيب اللي تقولينه ولا تنسين كلامي يالله...
ايمان رفعت نفسها بصعوبه و سمحت للمرافقه اللي عينها لها نواف انها تلبسها عباتها .. ساره كانت حاسه بتوتر ايمان و من غير تفكير تكلمت بحس امومه نابعه من قلبها: نواف .. ما اوصيك على ايمان....
نواف بكل هدوء وهو يحط يده على خصر ايمان ويقربها لصدره: لا توصين حريص يااا ماما.. ايمان اذا ما شالتها عيوني.. شالها قلبي و روحي..
ايمان في نفسها وهي تحس بالم فضيع في صدرها: كذب كذب كذذذذذذذذذذذذذذذذذذذذذذذذذذذذذب..
بعد السلام و الوداع الحار مشت ايمان مع نواف لسيارته اللي طلع على طول لطيارتهم الخاصه و طارت فيها بعيد عن بيتها و اهلها و الناس اللي تحبهم..
-
-
بعد ما طلعت ايمان و نواف اصرت ساره ان يظل محمد وعيالهم حتى يتغدوا معهم بس محمد تعذر بانه عنده شغل و ان فواز لازم يرجع محمد الصغير لامه.. و السبب الحقيقي كان انه ما يبي يحرج البنات بوجود عياله معه..
دخل البيت و بمجرد ما جلس نزلت دمعه يتيمه كان كابتها..
جسار بصدمه: بابا؟ تبكي؟؟
محمد بتنهد: لا تلومني ياا جسار... ماني مصدق ان ايمان تزوجت...
فواز بابتسامه حاول انه يخفف عن ابوه..: افااااا تبكي على ايمان لانها تزوجت وانا يوم تزوجت كنت شوي و تزغرط من الفرح؟
محمد بابتسامه: انت غير يا فواز و ايمان غير... ايمان بنتي!!!
جسار: تتكلم وكانها اول مره تتزوج فيها يا بابا..
محمد: بس زواجها هذا غير يااا جسااار... هذا صار قدامي و بموافقتي... ان صار لها شيء ماهو زين لا سمح الله انا الوحيد اللي بشيل الذنب..
فواز بضحك: تطمن منت الوحيد اللي بتنلام.. انا الذنب كله علي ...
جسار بضحك هما: وليش ما يكون انا علي الذنب انا الكبير..
فواز: خلاص الذنب عليك انت وبابا وانا بطلع الطيب فيكم هههههه
محمد ابتسم من محاولات عياله التخفيف عنه رغم انه كان كله هموم كثيره خصوصا بعد حواره مع ايمان ..
طلع محمد لغرفته و ترك جسار و فواز جالسين يسولف كل منه بموضوع..
جسار: شفت فاطمه الكلبه شنو قالت لايمان...
فواز: بس نواف سكتها ما ارتحت..
جسار: حتى ولو .. ما راح اعيدها لها لو تموت.. انا ما وريتها نجوم الظهر ما اكون ولد ابوي..
فواز بقلق على اخوه..: ياا جسار الله يخليك انسى الانتقام من فاطمه ترى رغم كل تصرفات الهبل اللي تسويها و تظاهرها بالقوه تظل بزر و تموت فيك..
جسار: لا والله ما افوت لها و لا اخوه و انا جسار ولد محمد...
فواز: اووووف براااحتك...
رن رن رن رنر نر
فواز اخذ الموبايل و انتبه انه رقم غريب و تجاهله..، جسار: ليش ما ترد؟
فواز: رقم غريب و اكيد من اصحاب الدعايات للعروض على شركات المطار..
رن رن رن رن رن
رجع الموابيل يتصل من جديد و قرر فواز انه يرد : الو؟
.............: السلام عليكم
فواز رفع حاجبه على الصوت الانثوي: نعم من معي؟
بصوت كله دلع: انا عواطف يا فواز..
فواز باندهاش: عواطف؟ اي عواطف؟
جسار رفع حاجبه بصدمه: عواطف؟
عواطف بقهر انه ما عرفها: وكم عواطف تعرف يا فواز.. انا عواطف بنت عمتك ساره...
فواز بتنهد: هلا عواطف اسمحي لي ما طيريتي على بالي لما قلتي الاسم.
عواطف ماتت قهر من كلمته اكثر وهي تصرخ في نفسها: ما طيريتي على بالك لاني اساسا مو فيه بس هييييييييين انا ما خليتك ما تفكر الا فيني ما اكون بنت ابوي..
جسار وهو ياشر لاخوه: ايش تبي..
فواز اشر له ينتظر: خير عواطف في شيء؟
عواطف وهي تسوي نفسها هاديه: اسفه على الازعاج .. انا اخذت رقمك من امي لاني خفت ان الشيء يكون مهم..
فواز: وايش هو هذا الشيء؟
عواطف: عرفت ليش حمود بعد عمري قعد يبجي... لعبته اللي كان يلعب فيها لقتها الشغاله تحت الكنبه اللي كانت جنبه..
فواز باستغراب: اهااا ... بس جذي مو مشكله..
عواطف: اي عاد انا قلت اتصل عليك حتى اقولك اخاف انه لحد الحين يبكي.
فواز : تطمني حمود سكت لما وصل لعند امه..
عواطف: انزين اللعبه ما تبي اجيبها لكم حتى تعطيها اياه.؟
فواز: لا تطمني اختتتتتتتتتتتتتتتتتتتي عواطف ... حمود عنده العاب كثيره و هذي وحده منهم.. ما يحتاج الموضوع انج تتعنين علشااانها
عواطف بقهر لانه رجع وقال اختي: مو مشكله يا فواز تعبكم راحه..
فواز: اذا كنتي مصره .. انا لما اجي ازور عمتي ساره بكره اخذها. انتي اتركيها عند الشغاله اوكي....
عواطف : اوكي
فواز: تبين شيء ثاااني اختتتتتتتتتتتتي عواطف ..
عواطف انقهرت انه سكر اي مجال في وجهه حتى تبدأ حوار معه: لا ما ابي شيء مشكوور واسفه اني اخذت من وقتك..
فواز: لا ما يحتاج .. مع السلامه..
عواطف: مع السلامه..
فواز على طول سكر الخط و التفت لاخوه. جسار اللي على طول سال: هذي شنو كانت تبي منك؟؟
فواز: تقول ان لعبه حمود لقوها تحت الكنبه و تبي تجيبها لي...
جسار: ما شاء الله وانت من متى مع الاخت عواطف؟
فواز: مابينا شيء يا جسار... هي اخذت رقمي من عمتي ساره لما شافت اللعب..
جسار: و تتصور ان لعبه طفل تستاهل ان وحده مثل عواطف تروح و تاخذ رقمك يا ولد خاله من امها و تتصل عليك؟؟
فواز بتغابي: ماني فاهمك؟
جسار: الا فاهمني زين ياا فواز... انا من زمااااااااان و انا ملاحظ ان عواطف معك غير عنها مع غيرك من عيال العايله.. ومن طلقت ريم وهي تحاول باكثر من شكل ترمي سهامها عليك..
فواز: حلوه ترمي سهامها هذي... هههه
جسار: فواز انا اتكلم جد..
فواز ببرود: وانا اتكلم جد ... خل ترمي سهامها علي كثر ما تقدر اللي هنا ( وهو ياشر على راسه) ما يسوي الا اللي هو يبيه وانا ما ابي عواطف ولا ابي قربها اكيد انت فاهمني يا جسار..
جسار: بس يا فواز انا خايف عليك... مثل ما اجبروني اتزوج فاطمه... خايف انك..
فواز: تطمن محد يقدر يجبرني على شيء واللي اجبرك على فاطمه هو نواف لان فاطمه حبيبه قلبه لكن عواطف لا غير... ولا يحبها نواف...
جسار: بس انت وضعك جذي خطر رجع ريم و ارتاح..
فواز: مستحيل ارجع ريم الحين يا جسار..
جسار باتسغراب: وليش ما ترجعها لما شفتكن في المستشفى هذاك اليوم ظنيت ان المياه رجعت لمجاريها و كل شيء صار تمام..
فواز: ريم جرحتني يا جسار.. وانا حتى وان كنت ناوي ارجعها مستحيل ارجعها الحين قبل لا اوريها مقدار العذاب اللي عذبتني اياه لما شكت فيني..
جسار: عموما ان رجعت ريم يمكن تشيلك عواطف من بالها يا فواز.. و بجذي تظمن سلامتك..
فواز : وتظن اللي مثل عواطف يهمهم انا متزوج ولا لا..
جسار: واضح انك خاسبها عدل..
فواز: اكيد.......خصوصا ان بعد ما صار شيء من مده...... يستحيل اتقبلهم بعد اليوم..
-
-
ايمان فتحت عيونها المتعبه من قله النوم وهي تحس بشيء من الدفئ و الراحه واخيرا و شيء ناعم يمسح على وجهها .. اخيرا رجع كل شيء لطبيعته... اهي اكيد في بيتهم و عند ابوها و اخوانها اكيد انها نايمه على كنبتها المفضله في غرفه الجلوس... ... اكيد انها غفت وهي تشاهد التلفيزون و هذا ابوها يمسح على شعرها بحنانه المعتاد...
ايمان فتحت عيونها كلها و بعد ثانيه تمنت انها ما فتحتها .. اكتشفت ان كل تخيلاتها .. ما كانت الا تخيلات غير واقعيه .. عادت بكل اسى.. عادت لعذابها.. كانت متمدده على جلسه دائريه في طياره نواف.. و راسها على فخذه و اليد اللي ظنتها يد ابوها الحنون كانت يد نواف.. بكل قرف رفعت جسمها بعيد..
نواف: صباح الخير...
ايمان نظرت لبعيد تتامل المكان اللي هم فيه و تتاكد انها في الطياره الخاص لنواف..
حاولت تنهض نفسها لكن الاستيقاظ السريع اخل بتوازنها و سقطت من جديد لكن بعكس المره السابقه ما مسكها نواف وهو واقف.. مسكها وهو جالس و صارت كانها جالسه بحضنه...:اتركني..
نواف بعد ما سمع ايش قالت حوط يده حوله بقوه: انتي اللي سقطتي علي.. ما عندي استعداد اتخلى عن شيء انتي عطيتنيني اياه..
ايمان: بس اناا...
نواف قاطعها على طول: اششششششش.... .. ارتاحي يا ايمان... من الطبيعي انك تتدوخين خصوصا ان صار لك اكثر من سبع ساعات نايمه..
ايمان توسعت عيونها : خيررررر؟؟ سبع ساعات؟؟؟ كيف..
نواف: او ل ما ركبنا الطياره تسندتي على الكرسي و من غير لا تحسين بعد عشر دقايق غطيتيت بالنوم..كنت باخذك لمقصوره النوم بس خفت تصحين خصوصا انه كان واضح عليك التعب...
ايمان بعدت عنه: وانت طبعا اخذت راحتك وانا نايمه..
نواف: لو بغيت شيء كان اخذته من زمان يا ايمان... عموما انا سعيد لان فيك شيء واحد ما تغير عن اخر رحله طلعناها مع بعض..
ايمان: خير ؟ شنو هو هذاالشيء؟؟
نواف : تناميني في اي مكان
ايمان تذكرت هذا الكلمه اللي قالتها هي نامت هما في الرحله اللي اخذوها من باريس الى جزيره كوزمو .. لست ساعات كامله من غير لا تحس بنفسها...
نواف كمل: كنتي انسانه مختلفه كثير وقتها..
ايمان: لاني ما كنت عارفه حقيقه الوحش اللي كان معي..
نواف: انا ما سويت شيء لك حتى تكهرينين لهذي الدرجه يا ايمان..
ايمان: كل اللي سويته و ما سويت شيء؟؟
نواف: من حقي اسعى حتى احصل على اللي ابيه و انا ما تمنيت و رغبت بشيء كثر ما رغبت فيك...
ايمان: وحصلت علي بطرقك الملتويه..
نواف: ايمان في سبيل انك تغرفين لي و نبدي صفحه جديده انا مستعد اسوي لك اي شيء...اعطيك اللي تبينه و احقق لك اي امنيه تتمنيننها و احميك من اعطاءك واي شيء يبي فيك السوء.ز
ايمان : بس انتي اللي اذيتني و تسببت لي بالسوء يا نواف..
نواف: قلت لك اللي صار كله مجرد اخطاء صارت من الماضي.. ارجوك يا ايمان... احنا الحين تزوجنا و اتمنى ان ننسى الماضي و نبدي من جديد ... ان شاء الله يكون تغييري على يدك ..
ايمان: واذا ما صار اللي انت تبيه ما راح يتغير شيء .. راح تاذي الناس اللي احبهم من غير تردد..
نواف: اوعدك يا ايمان من اليوم ورايح ما راح ارفض لك طلب و لا راح المس شعر من اي انسان عزيز و غالي عليك ارتحتي؟؟
ايمان : و ممكن انك توفي بوعدك هذا؟؟
نواف مد يده لها : وعد رجال..... انتي المهم التزمي بجزءك من الوعد..
ايمان: اي جزء؟
نواف: انك تكونين لي زوجه وفيه و مخلصه.... و انا اكون لك الزوج اللي يحميك و يدافع عن الناس اللي تحبينهم و يوفر لك كل اللي تبينه..
ايمان: وان فرطت في وعدك..
نواف بابتسامه حنونه: وتتصورين لما يكون المقابل انتي.. ممكن افرط بوعدي... ؟
ايمان مدت يدها و صافحت يده: اتفقنا يا نواف... انا راح اوفي بوعدي وانت اوف بوعدك...
نواف ابتسم و قرب وجهه منه بيبوسها بس ايمان تراجعت ولما شافها تراجعت هو تراجع و عقد حواجبه : الزوجه المخلصه و الفيه ما تسوي كذا يا ايمان...
ايمان غمضت عيونها و مر في بالها كل الناس اللي تحبهم اهلها و اصدقاءها و المقربين منها و اولهم فواز و جسار و محمد... ماكانت ابدا تبيهم يلقون مصير نوف كان لازم تدوس على اخر ذره كرامه عندها و تمثل شيء ماكان فيها بكل تصنع ايمان ابتسمت له: اسفه حبيبي..
نواف ابتسم لابتسامتها اللي شافها اخيرا و قرب منها و اخيرا سمحت له ايمان يبوسها ...
-
-
-
يتبع ..
|
29-06-12, 11:31 AM
جديد مواضيع قسم القصص المكتمله
العرض العادي
