كاتب الموضوع :
اسطورة !
المنتدى :
القصص المكتمله
البارت الثاني و العشرون:
-
-
-
في قصر نواف في باريس كان نواف جالس في مكتبه الخاص يكلم دلوعته فاطمه و ياخذ اخر الاخبار منها ، بتافف رجع و سال عن ريم: والحين ريم كيف حالها؟
فاطمه: ما ادري بس اللي عرفته من امي انها دخلت في غيبوبه الله اعلم متى تصحى منها.. نواافي انا خايفه ان مرضها هذا يعطل زواجي اكثر ..
نواف: وزواجك كان متحدد من اصله..
فاطمه: ظنيت بعد ما طلعت مع جسار المره اللي فاتت انه قرب بس .. بس..
نواف بخوف من نبرتها المتوتره: ايش صاير يا فاطمه...
فاطمه: نواف .. جسار اتصل فيني و طلب يقابلني مره ثانيه
نواف بخوف: وانتي ايش قلتي له؟
فاطمه: قلت له اني ما اقدر لانك رفضت.. بدا يصرخ و يعاتبني لاني ما انفذ اوامره واني اذا رفضت من جديد الاحسن....
نواف عصب من كلامها: الاحسن ايش يا فاطمه؟؟
فاطمه بصوت مبحوح: الاحسن اظل عندك !!
نواف انفجر و ضرب المكتب بقوه : وصلت فيه لهذي الدرجه!!! انااااااا نواااف البدر يهددني!!!! بس هيييييييييين انا اعلمه و اوريه مكانه الحقيقي..!!
فاطمه بخوف: لا نوااف واللي يسلمك لا تقول له شيء..
نواف زفر: تدافعين عنه و هو سبب حزنك و عذابك..
فاطمه بالم: انا اللي جبته لنفسي... قلت ابيه و اخذته وهو ما قصر خلاني احبه غصب والحين ما اقدر لا ابتعد عنه ولا أاذيييييه لا اللي نحبهم ما نقدر الا ان نشوفهم سعيدين و نحرص على هذا الشيء.. واتمنى يا حبيبي انك ما تسوي له شيء علشان خاطري..
نواف تافف: اووووووووووف... رغم اني كنت ناوي اجبره ينهي موضوع زواجكم بس يظهر اني لازم انتظر حتى تتعافى ريم.. خصوصا انها زوجه فواز الغالي...الا فواز العاشق الولهان ايش سوا لما قالوا له انها تعبت؟
فاطمه: فواز ماهو هنا .. عندك في باريس كان عنده رحله لها
نواف رفع حاجبه: عندي؟ بس رحلات فواز ماهي لباريس..
فاطمه: انا ما ادري بس هذا اللي سمعته من امي...
نواف ابتسم وودع فاطمه و بعدها رجع لكرسيه يجلس يفكر : باريس يااا فووواز هههههههه واضح انك رحت دورها و اكيد لقيتها .. بس حتى و ان لقيتها هذا ما ارح يغير شيء لاني اكيد راح امسكها......
-
-
اسماء وصلت لغرفتها في سكن الطالبات الخاص بكليتها و بمجرد ما دخلت رمت نفسها على السرير بتعب كانت مشغوله و مشتته التفكير.. دخول افراد من عايله البدر حياتها من جديد كان يخوفها على نفسها و على لارا قبل الكل خصوصا انها الاكثر ضعف و القابله للخداع بسهوله..
بعد ما تنهدت للمره العاشره من دخولها الغرفه اخذت موبايلها تضبط فيه موعد المنبه حتى تصحى بدري لما لقت مسج من جوليا
( اتصلي بي فور وصولك! الامر مهم !)
المسج اللي قرته اسماء من جوليا رعبها الشيء اللي اجبرها تتصل فيها على طول
اسماء: مرحبا جوليا..
جوليا بصوت شبه نعسان: اهلا سوما انا اسفه لاني ازعجتك في وقت مثل هذا!
اسماء: يجب ان يكون الامر مهما والا فاني فعل ساغضب..
جوليا بصوت جاد: انه اهم جدا اكثر مما تتصورين!
اسماء بخوف عدلت جلستها و عطت جوليا كل انتباها: ما الامر يا جوليا.؟
جوليا بصوت كله اسى: لقد عرفت الخائن!
اسماء بعيون مصدوومه: سلين..
جوليا بصوت غاضب: كلا لم تكن سلين.. لان العقود اصلا لم تصل اليها!!!
اسماء : ماذا تقصدين..
جوليا : الم تغادر سلين تتحدث على الهاتف بينما كنا في الاجتماع اليس هذا صحيحا!!
اسماء: ولكن سلين عادت و قمنا باختيار هيرتيك..
جوليا : ولكن لارا حزنت عندما نادتها راني بماري انطوانيت.. الشيء الذي جعلها تغادر و تبعتها سلين و لم تكن تحمل شيئا معها ... ثم غادرنا نحن و عدنا و كانت العقود ما تزال مجوده مع فكتوريا حتى تناقشها و عندما بدا النقاش كانت سلين قد طلبت الاذن من فكتوريا و غادرت..
اسماء: فكتوريا!!! مستحيل كيف تتنازل عن الشغل اللي تعبت فيه؟
جوليا هزت راسها : لا سوما لم تكن فكتوريا .. فبعد الانتهاء من النقاش انتقلت للعقود للمراجعه القانونيه.... راني هي من اخذهم معها ..
اسماء: ماهذه السخافات التي تقوووووولينها!!!! راني لايمكن ان تفعل شيء مثل هذااااااااااا....راااني اكثر شخص تثق به لارا هذا الكلام غير منطقي لا يمكن...
جوليا: انا مثلك لم اعد افهم شيئا لكن بما اننا سننسحب من عرض الازياء سنطر الى ان نقوم باكثر من عمليه حتى نعوض بها الخساره و هنا يجب ان نراقبها عن قرب ..
اسماء بتوتر: هل ستخبرين لارا,
جوليا : طبعا لا... فنحن لم نحصل على دليل ضدها و ايضا انتي قلتها .. انها اكثر شخص تثق به لارا..
اسماء: اطمئني اذا جوليا انا سأتصرف...
جوليا : اعتمد عليكي...
اسماء سكرت الخط و رمت نفسها على سريرها : راني !!! من كان يصدق!
--
-
-
اسماء كانت من عادتها تروح لمحاضراتها بدري حتى تراجع الدروس القديم و تقدر تربطها بالدروس الجديده و تدرجيا يحضرون الطلبه.. بس اللي صدمها هو لما دخلت القاعه و لقت عبدالعزيز لحاله و اللي الشيء هذا ما كان من طبعه
ابتسم عبدالعزيز اول ما شافها : هلوووواااات ..
اسماء زفرت و بهدوء مشت لاخر المدرج مكانها المعتاد، انتبهت انه كان يراقبها من مكانه حاولت تتجاهله بس تحملها انتهى لما شافته يمشي بخطوات واثقه لعندها : خير؟
عبدالعزيز: سلمت ما رديتي..
اسماء: ما ابي ارد ولو سمحت اتركني لحالي..
عبدالعزيز جلس على المدرج قدامها وصار مقابلها: ليش ؟ خايفه يشوفك احد معي؟
اسماء رفعت حاجبها: انا ما اخاف و لو سمحت ابي اراجع دروسي...
عبدالعزيز: وليش ما راجعتيهم في الويك اند..
اسماء تاففت : الله يطولك يا روح... انا طالعه..
عبدالعزيز بسرعه وقف و سد عليها الطريق: ممنوع المرور..
اسماء انصدمت من تصرفه و قربه و تراجعت: انت مجنون...
عبدالعزيز عطاها نظره قويه: وليش ما اكون مجنون و انا اشوفك قدامي ياا.... ولا بلاش اكيد بتقولين اني اكذب..
اسماء: لو سمحت بعد...
عبدالعزيز : اسماء... ليش ما تحسين فيني...
اسماء: لو سمحت..........
اسماء انتبهت ان في طلبه دخلوا القاعه و منهم كانوا صديقاتها هديل و عايشه .. حست بخوف و توتر الشيء اللي انتبه عليه عبدالعزيز و تراجع بعد ما عطاها نظره جذابه: المره الجايه يا اسماء..
اسماء حست بقلبها يخفق بقوه و توتر رمت نفسها على الكرسي و صارت تتامله و هو يبتعد عن هدل و عايشه مشوا لعندها و جلسوا ، هديل رفعت حاجبها و سالت: ايش كان يبي منك عبدالعزيز..
اسماء: انسان سخيف يحاول يفتح حوار بس انا صديته..
هديل بعدم تصديق: اهاا
اسماء عصبت من كلمه هديل : ما تعجبني نبرتك هذي يا هديل ..
هديل: انا ما قلت شيء .. ليش شاكه اني حاسه بشيء..
اسماء : ما في شيء اصلا حتى اخاف انك تشكين فيه..
هديل لفت وجهها الشيء اللي وتر اسماء و قررت عايشه تتدخل: هديل مافي داعي لهذا الاسلوب اسماء ما سوت شيء؟
هديل: فعلا... امس تتصل و تقول انها ما راح تحضر اليوم لانها عندها شغل كثير بس نجي اليوم ابكر من موعدنا المعتاد و نتفاجأ بانك مداومه لا .. و موجود معك الانسان اللي دايما كنتي تكرهينه و اللي طبعا ما يكون موجود في هذي الفتره ابدا!!! ايش اللي تخبينه عنا بالضبط يا اسماء.
اسماء سحبت كتبها ووقفت بعيون متملله: الظاهر ان اعصابك يا هديل متوتره و الاحسن اني فعلا اغيب عن المحاضره..
عايشه : اسماء انتظري...
اسماء: ما عليه يا عايشه خل اروح.. انا محتاجه ارتاح لاني وصلت متاخره البارح ..
اسماء عطتهم ظهرها و طلعت من القاعه ، عايشه على طول التفتت لهديل: انتي بشنو كنتي تفكيرين حرام عليج؟
هديل تاففت و سندت راسها على طاوله المدرج: ما ادري.. ما ادري... احس نفس مخنوقه..
عايشه: ليش؟؟ شنو فيج يا هديل؟
هديل سكتت و ما ردت على عايشه اللي كانت تبي تستمر في سؤالها بس دخول الدكتور للقاعه منعها ..
من جهه ثانيه اسماء اللي طلعت من القاعه قررت تطلب اجازه طبيه لمده يومين تعدل فيها افكارها و ترتبها ، مشت بذهن شارد لخزانتها حتى ترمي كتبها و تطلع من الحرم الجامعي لما فتحت الخزانه تفاجأه بظرف مكتوب عليه ( الى سوما)
اسماء ظنتها مجرد رساله اعجاب وكانت بترميها بس حست ان محتوى الظرف كان اثقل من انه يكون محتوي على رساله، فتحته وكانت الصدمه.. في الظرف كانت صور راني مع سعود الشيء اللي اجبرها توصل اعلى و اقصى درجات الصدمه و الغضب..
سحبت موبايلها على طول واتصلت بجوليا: جوليا انا املك الان الدليل القاطع..
-
-
فواز طلع من الطياره و كان في انتظاره جسار في المطار اللي استقبله بحنان طبعا ما اخذوا اجراءات طويله بما ان فواز الكل في المطار يعرفه استلم الشنط بسرعه و ركب السياره على طول مع جسار..
فواز بخوف: طمني يا جسار شلونها ريم الحين..
جسار بهدوء: ما عليها .. الحين نرجع البيت ترتاح و وبعدين اوديك لها....
فواز رفع حاجبه بما ان كلام اخوها ابدا ما كان عاجبه: وتظن اني بصبر لحد ما اشوفها؟
جسار: انا عارف هذا الشيء بس فواز ريم اكيد عندها حريم الحين!
فواز عصب : الحريم يطلعون و ادخل عندها و بعد ما اطلع كيفهم يدخلون..
جسار: بس يا فواز ..
فواز فهم من اسلوب اخوه اللي يعرفه عدل انه قاعد يستفزه و نجح في هذا الاستفزاز: جسار من غير لف ودوران ... اخذي لريم والحين بعد..
جسار ابتسم وبهدوء: براحتك يا اخوي..
جسار غير اتجاه سيره و طلع على المستشفى اللي كانت فيه ريم دخل المستشفى و اخذ معه باقه ورد مميزه و مشى باتجاه الجناح اللي كانت فيه ريم و جسار من وراه ينتظر ايش اللي كان بيصير..
لما كان فواز قريب من الجناح قابل شخص كان متوقع يشوفه بس ماهو بهذا الشكل المتعب الغاضب.. عمه بومشاري و بنته سديم..
فواز بهدوء: السلام عليكم
بومشاري كان حزين على وضع بنته لكن بمجرد ما شاف فواز ارتسمت ملامح الغضب عليه: هذا انت..
فواز استغرب نبره صوت عمه بس ظنه بسبب التعب: شلونك يا عمي..
بومشاري اللي معروف بالهدوء والطيبه صرخ في وجه فواز: ماني بخير طول ماني اشوفك..
فواز: ليش يا عمي انا شنو مسوي؟
بومشاري: وتسال بعد... قول ايش اللي ما سويته...
فواز التفتت لجسار اللي كان صامت و سال من جديد: جسار فهمني شنو في؟
بومشاري رد قبل لا يتكلم جسار: عطيتك بنتي امانه عندك و ظنيتك رجال بتحافظ عليها بس النتيجه ايش .. هذي هي مرميه بين الحياه و الموت بسببك و بسبب سواياك!!
فواز: عمي انت شنو تقول ريم تعبت بسبب الضربه اللي تلقتها انا ماسويت شيء؟؟
سديم دخلت بالموضوع و قررت تاخذ شوط عن ابوها: والمضاعفات اللي صابتها بسبب الحاله النفسيه اللي وضعتها فيها؟
فواز بصدمه: حاله نفسيه، انا اعامل ريم احسن معامله و مخليها مثل الاميره و احبها و لا عمري غلطت عليها..
سديم بعصبيه نابعه من حزنها على اختها: و سفراتك و سوالفك مع الحريم الاجنبيات اللي سيرتها على كل لسان تتصور ما تاثر عليها ؟؟؟؟
فواز انصدم : شنووو انا لي سوالف مع حريم اجنبيات....؟؟؟
بومشاري: يا خساره يا فواز يا خساره ..
فواز اللي معروف بهدوءه بدأ يتنرفز وهو شيء كانت ينتظره جسار حتى يصل للي يبيه ..فواز بعصبيه: عمي لا تقول لي انك مصدق كلام الحريم اللي ناقصين عقل و غيرانين من بنتك... ويتمنون لها الشر...
سديم: قبل لما كانت ريم تفرغ اللي بقلبها من الكلام اللي تسمعه من قريب و بعيد كنت انصحها و اقول مثل ما انت تقول لكن الشيء وصل لمستوى كبير .. ايش تفسر هذي ...
سديم رمت الصوره اللي انرسلت على موبايل ريم واللي سحبتها سديم حتى توريها لاهلها و يعرفون حقيقه فواز وهي الصوره اللي اللتقطها عبدالعزيز و ارسلها له..فواز توسعت عيونه من شاف الصوره و حس ان الكلمات ضاعت من عقله..
جسار استغل اللحظه حتى يضغط عليها و يكشف كل شيء بما انه وصل اقصى درجات التحمل: فواز تقدر تفسر لنا شنو سبب هذا الاجتماع على الغدا مع هالجميلات؟ الحقيقه هي الشيء الوحيد اللي راح يبريك ..
فواز حرك عيونه الغاضبه من الصوره الى اخوه اللي كانت ينتظر رده زفر و رمى الصوره من يده حتى تسقط على الارض: ماعندي شيء اقوله الشيء مثل ما تصورتوا بالضبط البنات اللي معي بالصوره صديقات عزيزات علي
طرااااااااااااااااااااااااااااااااخ
كف من بو مشاري استقر على خد فواز اجبر يتراجع كم خطوه لورا فواز رفع عيونه لعمه اللي كانت كل علامات الغضب عليه: اي اللي ما تستحي على وجهك..
فواز : انا ما كذبت .. هذا نتيجه الحقيقه..
بو مشاري بانفجار: جببببببببببب ولا كلمه ... انا كنت مجنون لما رضيت بواحد مثلك.. عديتك رجال مثل ابوك و زوجتك ريم .. الغاليه ريم الرقيقه اللي ما تعرف تزعج احد او تضايقه.. ليش .. ليش يا ولد اخوي..
فواز هز كتفه و رفع حاجبه: هذا انا شنو اسوي في عمري ...
سديم كانت مصدومه وهي تصرخ في نفسها: معقوله يكون هذا فواز نفسه اللي تحبه ريم واللي متزوجها من ثلاث سنين ؟؟؟ لا مستحيل
فواز: هذا انت عرفت الحقيقه يا عمي.. بتسمح لي اشوف ريم ولا لا ..
بومشاري: انت من ايش مصنوع.. تتصور اني بسمح لبنتي تظل عندك بعد اللي عرفته؟
فواز تنهد: هذا قرارك وماهو قرار ريم؟
بومشاري بعصبيه و اصرار: ريم مالها كلمه بعد كلمتي فاهم..و انسى انها كانت بيوم من الايام زوجه لك وان عندك منها ولد..
فواز: حتى ولدي قراره عندك..
بومشاري: لما يصير الابو ماهو كفو.. لازم يظل بعيد عنه حتى يتربى في مكان و بيئه نظيفه..
فواز ابتسم بسخريه: اذا كان هذا قرارك فخل بنتك عندك وولدها بعد..
فواز عطى بومشاري و سديم ظهره و مشى الشيء اللي صدم سديم و ابوها معقوله ريم رخيصه عنده لهذي الدرجه؟
جسار كان الوحيد اللي فاهم كل اللي صار وهي يقول في نفسه : انا متاكد الحين انك لقيتها و ما راح تسمح لاحد يوصل لها حتى على حساب حياتك انت .. لانك ان كان لازم تختار فراح تختاره هي فوق كل شيء.. حتى حياتك..
فواز طلع من المستشفى و تسند على سياره جسار ينتظره يجي كان تعبان و محتار كثير كان يظن ان الدموع بتنزل من عيونه في اي لحظه بس كرامته ما سمحت له: سامحيني يا ريم .. سامحني يا محمد... ما كنت اتصور بيوم اني اقدر اتخلى عنكم او افضل شيء عليكم بس انتوا للاسف لما انحطيتوا في ميزان الاختيار انحطيتوا مع ايمان اللي لايمكن افضل شيء عليها..
جسار مشى بهدوء و فتح السياره و ركب فواز معه و حركوا للبيت فواز كان شارد الذهن و التفكير و رغم ان جسار كان يخطط انه ياجل الموضوع ما قدر يمنع نفسه يستغل الوضع: شلون ايمان؟
فواز التفتت لجسار و رفع حاجبه: اي ايمان؟
جسار: لا تمثل البراءه يا فواز؟ انت تعرف عن اي ايمان اتكلم..
فواز ببرود: زور زوجتك فاطمه و شوف ايمان هناك..
جسار ابتسم بخبث: هههههههه انا ما اتكلم عن ايمان بنت نواف.... انا اتكلم عن ماغي ..
فواز: اهاااا ما ادري..
جسار: فواز ما اصدق انك تتخلى عن ريم اللي تحبها وولدك اللي تموت فيه علشانها...
فواز: جسار الموضوع ابدا ما هو مثل ما انت متصور..
جسار: الا هو مثل ما انا اقول لاني اعرفك زين و اعرف شلون تموت في ريم و تعشق ولدكم و شكثر انت مخلص و مالك علاقات مع الحريم انت اصلا لما تشوف وحده دايما تنزل راسك فشلون تكون لك صداقات ..؟؟؟
فواز: للاسف انك مخدوع فيني يا جسار مثل ناس كثيره ..
جسار: اي وحده من حسنوات l&m هي ؟
فواز: ولا وحده..
جسار بخبث : لا تحيمها اكثر يا فواز بما ان دائره البحث ضاقت راح نصديها بسهوله..
فواز: تصيدوونها؟؟ ليش انتوا جم واحد اللي تدورننها..
جسار: كثاار هم اللي يدورن عليها بس اللي مرجح انهم يصيدونها هم انا وواحد.
فواز: حظ موفق.. راح تحتاجونه...
جسار بثقه: بنشوف يا فواز
-
-
باريس فرع شركه البدر..
المدير العجوز للفرع يتكلم عن انجازات الفرع و اعماله لصاحب الملك نواف واللي كانت عيونه على المدير وباله في مكان ثاني و مختلف... عند نهر السين و لارا الرقيقه اللي قابلها قبل يوم ادوارد كان حاس بهذا الشيء و لما انتهى المدير من كلامه كان مجبر انه يتصي نواف: سيدي الا ترا ان الفرع ارتقى كثيرا عن ذي قبل؟
نواف صحى من شروده وابتسم للمدير: معك حق يا ادور.. اشكر على هذا العرض و يمكنك ان تنصرف..
المدير اللي ما كان عارف ان نواف ما سمع حرف واحد من شرحه غادر الغرفه و ترك نواف اللي تنهد و ادوارد الغاضب..
ادوارد زفر و قال بكل صراحه: انني لا احبك ابدا في هذه الفتره...
نواف بابتسامه عريضه: انك تحبني كثيرا عندما امل من الفتاه التي افكر فيها و احاول الابتعاد عنها بالعمل ..
ادوارد: سيدي اننا نسعى للوصول للانسه ايمان عن طريق الليدي لارا، وهي مغامره كبيره خصوصا ان السيده لها علاقات طيبه مع كثير من التجار الاوربين و اهم السيد ادغار.. ولهذا اتمنى ان لا تتهور في تصرفاتك معها..
نواف ضحك على كلام ادوارد وعطاه نظره خبيثه: ان الوصول لايمان كان و مازال هدفي من هذه العلاقه ولكن لا مانع ابدا من الحصول على القليل من المتعه خصوصا عندما يكون الهدف جميلا و رقيقا مثل لارا.....
ادوارد: ولكن يا سيدي..
نواف: قليلات من هن ببراءه لارا و رقتها و بما اني عثرت على واحد لا داعي ان اضيعها..
ادوارد: لقد قلت الامر نفسه عن الانسه ريم في الماضي.. و رغم هذا تركتها تعيش حياتها..
نواف نزل راسه و تنهد: ريم كانت مختلفه...
ادوارد: لانك كنت تحبها اليس كذلك..
نواف عصب من ادوارد و فتحه لمواضيع نساها: اذا سمحت يا ادوارد اتركني افكر فيما ساقوم به في لقاءنا القادم مع السيده لارا..
ادوارد تنهد و طلب الاذن حتى يتطلع و هذا الشيء اللي صار ، بعد ما طلعت رجع نواف ظهره على الكرسي وبدأ ينسج الخطط والكلام اللي لازم يتبادله معها في اللقاء المخطط له مسبقا بينهم.. تخطيطه ما دام طويل لان فونه الخاص رن و قطع تفكيره سحبه ورد من غير نفس..
نواف : الوو؟؟
الجوري بصوت عذب: مرحبا يا المزيون..
نواف: بخير يا ملكه الجمال...
الجوري: هههههههه احلى ما فيك ان محد يغلبك في الكلام..
نواف: ولا في الوسامه..
الجوري: بهذي صدقت.... وللاسف رغم اني كنت ناويه خلال زيارتي للرياض هذي المره اكحل عيوني بوجهك الحلو ما قدرت احقق هذا الشيء...
نواف: ههه للاسف حتى انا كان ودي اشوفك.. بس كان لازم ازور فرع الشركه..
الجوري: تصورت انك في فرع لندن.. ماهو من عادتك زياره فرع باريس؟ بما انه ماهو بالاهيمه اللي تعطيه اياه..
نواف: معاك حق.. اناهنا لاهداف ثانيه..
الجوري: لارا مديره l&m مثلا؟؟
نواف رفع حاجبه: ذكيه و ما يفوتك شيء؟ كيف عرفتي؟
الجوري: اعرفك من كنت صغير و لا تنسى ان سلين اللي كانت عند لارا موجوده في فرع الرياض...
نواف: يعني ماهم جواسيسك اللي في كل مكان اللي قالوا لك؟.
الجوري: ههه يعني.. عرفت انك مستهدف الشركه لما شفت سلين اول مره عندهم.. و مثلت على سلين ان فاهمه الموضوع و هي قالت لي..
نواف ابتسم: يظهر ان غياب سلين هذا خلاها ثرثاره كثير..
الجوري تنهدت و بنبره جاده: نواف ؟؟ ايش اللي تبيه من لارا؟
نواف: اللي ابيه من غيرها.
الجوري: حرام عليك يا نواف.. لارا انسانه رقيقه وصافيه وماهي مثل اللي ببالك؟
نواف: يظهر انك تعرفينها؟
الجوري: تعاملت معها اكثر من مره في موضوع المجوهرات ..وصممت لها كثير من القطع من ايام زوجها مبارك..
نواف: واو يظهر اجل اني لازم اخذ منك كل اللي تعرفينه عنها ؟
الجوري: وكاني يعني بقولك؟
نواف بنبره خبيثه: ههههه اعرفك تحبيني و ما ترفضين لي طلب..
الجوري: الا في اذيه الناس يا نواف ..و انا عارفه انك بديت في اذيتة لارا..
نواف: انا ؟؟؟ كيف ..
الجوري: ايش اللي يخلي لارا تنسحب من عرض الازياء اللي تجهز له من اكثر من ثلاث اشهر قبل اسبوعين بس من موعده ...
نواف: ماهو انا طبعا...
الجوري: لا تمثل اعرفك زين ..
نواف: اخخخخخ راسك يابس وما تغيرين اللي فيه بسهوله.. تطمني انا ما ابي ااذيها .. كل اللي ابي اوصل له هو شخص ثاني عن طريقها..
الجوري : مااغي صح؟
نواف: عفيه على الشاطره..
الجوري: دنيا صغيره كنت ابي اسالك عن موضوع له علاقه فيها..
نواف رفع حاجبه ماهو من عادت جوري تتكلم عن ايمان: شنو الموضوع..
الجوري: اولا بتروح لمزاد تيريزا سانلورك في روما؟
نواف : ارسلوا لي دعوه بس لما تاملت كاتلوج القطع اللي بتعرض فيه حسيت انه بيكون مجرد مضيعه للوقت..
الجوري: واضح انه ما عجبك شيء..
نواف: ليش انتي عجبك شيء معين؟
الجوري ضحكت و كملت: القطع الموجوده في الكتالوج هي القطع المسجله من شهر في قائمه المعروضات... بس البارح وصلتني صور عن ثلاث قطع جديده وصلت لي عن طريق الفاكس..
نواف: وعجبوك... ؟؟؟
الجوري بضحكه سمعها نواف: تقدر تقول ان وحده منهم بيهمك امرها..
نواف بتشويق: ايش هي..
الجوري: ارسلتها لك ... انا واثقه انك بترجع تتصل فيني... بااي يااا حلوو..
نواف سكر الخط من جوري بفضول .. لانه يعرف ان جوري ما تقول كذا الا اذا كانت واثقه فتحت الايميل و تامل الصور.. الاولى كانت لتصميم مميز من شركه l&m
ضحك نواف لما شافه : هههههه يظهر ان لارا تحاول تغطي على خسارتها و بتعرض اهم انتجاتها في المعرض، معقوله جوري تقصد هذا ...
الصوره الثانيه كانت لتحفه اثريه من عصر الفراعنه واللي مثلها يلفت انتباه الكثيرين من رجال الاعمال .. نواف لوى وجهها لما شافه: وووع.. لا يكون قصدها هذي... ذووق جوري صار سيء كثير..
لما ظهرت الصوره الثالثه عيون نواف توسعت على الاخر و بسرعه وقف من مكانه..: هذذذذذذذذذذي
الصوره كانت لعقد مصنوع من احجار كريمه مميزه مرصعه على عقد مكتوب عليه magi
من غير تفكير على طول اتصل على جوري...اللي ردت بابتسامه
جوري: كنت عارفه انها بتثير اهتمامك...
نواف بتوتر: كيف وصلت للمعروضات..
الجوري: برنارد جاسكون حصل عليها من متجر تحف صغير في جنوب روما من كم شهر.. بمجرد ما شافها عرف انها قطعه ثمينه كثير و انها من تصميمي.. ورغم ان صاحب المتجر كان عارف بقيمتها الكبيره الا انه ما كان قادر يبيعها لان الاشخاص اللي ممكن يدفعون مبلغ خيالي مقابلها ما يمرون بهذي المتجار.. بس برنارد واللي مثله ان الماس ممكن انها تظهر من تحت الارض القذره من عادته يمر على مثل هذي الامكان و يشوف الاشياء المميزه المفقوده او المسرقه و يعرضها بعدها بمجموعه تحفه و بعدها يرجع يبيعها حتى يشتري غيرها من جديد، بعد ما شافها اتصل فيني حتى يتاكد من انها من اعمالنا و مايكون الختم اللي عليها مزور.. وانا جاوبته بانها من اعمالنا و بسعرها الحقيقي و هو قرر يعرضها في المزاد ومن كذا انا عرفت بالقطع الجديد المضافه للمزاد
نواف: و ما عرفتي منه كيف وصلت القلاده للمتجر؟
الجوري: يقول صاحب المتجر ان بنت باعتها له بسعر منخفض كثير من ثلاث سنين و كان واضح انها متحاجه فلوس ولا ماكنت باعته بمبلغ بهذا القله...
نواف بسرعه مرت في بالها كلمه ايمان في اخر مكالمه..
-
ايمان :ذكي.... بس حتى وان كنت قريبه منك!! ما راح توصل لي...لاني اشوفك و ما تشوفني و اسمعك ولا تسمعني.. وهذا ببساطه لاني مستحيل بعد كل العذاب اللي عشته و الالم اللي عانيته راح اسمح لك توصل لي و بالسهوله اللي انت متصورها
-
نواف في نفسها: واضح انك عانيتي كثير يا ايمان وهي اللي مخلي حقدك علي يزيد اكثر و اكثر..
جوري: ايش اللي تفكر فيه يا نواف..
نواف: انا رايح للمزاد... القطعه هذا مالها غير مكان واحد بس..
الجوري: حول رقبه .. حبيبه القلب..
نواف باندهاش: اي حبيبه..
الجوري: ايمان طبعا... واللي ما غابت عنك دقيقه....
نواف: انتي اكيد خرفتي...
الجوري: يمكن.. على العموم راح يمر الوقت وراح اذكرك يا نواف..
نواف: مع السلامه يا الجوري..
الجوري: مع السلامه يا نواف..
نواف بسرعه استدعى ادوارد وبلغه يجهز الطياره لانه رايح لروما
-
-
باريس..
بعد رحله طويله وصلت اسماء لفرع شركتهم الرئييسي في باريس بخطوات شارده وصلت لمكتب لارا و من غير اي تفكير فتحت الباب و دخلت.. تعقدت حواجبها على طول لما شافت ان لارا كانت في اجتماع مغلق مع راني..
لارا ابتسمت اول ما شافت اسماء: سوووماااا اهلاااا حبيبتي..
اسماء ابتسمت للارا لكن في نفس الوقت عيونها كانت على راني المتفاجأه من رجوع اسماء..: مرحبا لارا....
لارا: هل ستغاردين الان للندن؟
اسماء هزت راسها و جلست على الكرسي جنب لارا و مقابله لراني: لا ... في الحقيقه غادرت للندن و عدت لانني لم استطع تركك وانتي في هذا الحال..
راني : انا بخير ما دمنا حولها يا سوما... فلا تخافي و اهتمي بدراستك...
اسماء: انني اسفه يا راني ولكنني لا اثق باحد اكثر مني مع لارا...
راني: ماذا..
لارا بصوت متوتر: سوووما ... لاتقولي مثل هذا الكلام... فراني معها حق.. من الافضل ان تهتمي بدراستك وانا لست وحدي معي راني و فكتوريا وجوليا... وكلهم اثق بهم و احبهم..
اسماء من غير نفس: حتى سلين كنتي تثقين بها؟
راني رافعت حاجبها و عصبت: لا تقارنينا بتلك المرأه..
اسماء: انا لم اعد استطيع الا ان اقارن الجميع بها..
لارا كان دورها حتى تتكلم: سوما ما الامر؟ اعرفك جيدا وانتي انت لا تقولين مثل هذا الاشياء الا عندما يكون هنالك شيء ما قد...
اسماء قاطعتها: لا تهتمي يا لارا انا حصلت على اذن اجازه طبيه من الكليه مدتها اسبوع، يمكنني الان ان ابقى معك نتسلى بكل حريه..
لارا ابتسمت وحطت يدها على كتف اسماء: انا ايضا اريد هذا ولكنني مضطره للمغارده اليوم فغدا مزاد تيريزا سانلورك في روما..
اسماء رفعت حاجبها : اشاركتي به؟
لارا: لم يكن امامي خيار اخر... ارسلت التصميم البارحه مساء و حصلت على الموافقه حتى ان الموديل قرر يتم وصعه مع قائمه المعروضات...
اسماء حركت عيونها لراني ..: كل بسببها ... اتمنى لو تشعر ببعض ما احس به
راني حست بشيء من نظره اسماء لها: هذا دليل على ضروره ترك كل شيء عني انا فقط..
اسماء من غير نفس : فعلا..... لارا انا اريد ان اكون معك..
راني اندهشت و ردت على طول : ولكنني انا من ارافق الليدي في المزادات يا انسه سوما...
اسماء : ولكنني ارغب انا بالذهاب.
راني حركت عيونها للارا اللي ردت عليها بابتسامه: لابأس راني انا لن اشتري شيئا فلا داعي للخوف من الاحتيال علي..
راني: انك تقولين هذا دائما ورغم هذا تشترين اشياء كثيره.
لارا ضحكت وعطت غمزه لسوما بالموافقه: لاباس ...
راني تنهدت ووقفت: بما اني لن ارافقك لا حاجه لي بالبقاء.. استأذنك بالانصراف سيدتي ..
لارا بابتسامه عذبه: جهزي حقيبتك سوما.. سنغادر اليوم..
سوما اخير ابتسمت براحه بعد ما رحلت راني وهي تقول بنفسها: ما راح اخلي الذياب تستفرد فيك الا على جثتي يا مسكينه ..
-
-
بيت منصور :
منصور كان جالس مثل الثور اللي ينتظر الهيجان في اي لحظه في الصاله المقابله للباب.. اسامه كان جنبه يهديه و معه ديما اللي كانت السبب في لحظه شبه السكون اللي كان فيها ابوها..
باب البيت انفتح و دخلت دلال ومعها بنتها ندى اللي كان وجهها مغطيته ماهو حشمه وانما لان وجهها كان كله رضوض و ضربات ابوها لها قبل يومين..
منصور بمجرد ما شافها تمشي وقف و كان كل شياطينه رجعت له اسامه حط يده على كتفه و ديما وقفت في وجهه: بابا انت وعدتني...
منصور زفر و رجع جلس: وانا بحافظ على وعدي.. بس مو علشانها.. علشانك يا ديما و علشان اخوي اسامه ..
دلال كانت تسحب ندى معها لعندهم قريب بس ندى ما كانت قادره تقرب اكثر ووقفت، دلال: ندى روحي بوسي راس ابوك وتشكري منه لانه سامحك..
منصور: ما ابيها تقرب مني ..
ندى حست بالم كبير ان ابوها يهينها بهذا الشكل وقدام من.. اختها و عمها ابو اللي تسبب بكل شيء..
دلال: ندى روحي بوسي راس ابوك.....
ندى مشت بكل الم وحسره لعند ابوها بس ابوها بعد الشيء اللي نزلها على الارض عند رجوله، و بدموع بكت: ساااامحني يا ابوووي.... سااامحني...
منصور كان عارف انها تبكي بحراره عند قدمها الا انه ظل لاف وجهه بعيد عنها و وبكل برود قال: انا سامحتك و رضيت ترجعين بالبيت لكن كل هذا بشروط ان خالفتي اي منه ما راح ينجيك من الموت احد..
دلال بكل خوف: اكيد بتوافق على كل شروطك.... وهي عندها غير القبول؟؟
منصور بكل قسوه وبرود: تسلمين يموبايلك و لابتوك لي الحين بمجرد ما تصعدين لغرفتك...
ندى على اول قرار حست ان قلبها ينعصر من الالم: حاضر..
منصور: طلعه من البيت لاي مكان ممنوعه لاي سبب من الاسباب.. الجامعه انسيها ..
ندى شهقت وكانت بترد بس نظره ابوها القاسيه اجبرتها تسكت..: اللي تشوفه
منصور: واخيرا راح تتزوجين الشخص اللي انا اختاره و ان رفضتيه راح يكون الموت هووووو عقااااااااابك..
ندى حست بعد ما سمعت اخر شروط ابوها انها ماتت فعلا انحرمت من كل حقوقها و حريتها و في النهايه راح تتزوج شخص يختاره ابوها.. يعني شخص مثله و مثل عيال عمها اللي كل واحد منهم اسوء من الثاني... بمعنى ثاني انها بتكون نسخه جديده معدله قليلا عن ديما..
-
-
-
ديما بعد ما انتهت من مشكله اختها رجعت لبيت زوجها و استغربت وجود ساره مع فواز .. خصوصا ان فواز المفروض يكون مع زوجته؟
كان جالس و واضع بنتها ايمان بحضنه و كانه يفكر في شيء ثاني..
ساره : هلا ديما.. شلونها ندى..
ديما من غير نفس: زينه...
مشت لعند فواز و مدت يدها: عطني بنتي..
فواز اللي كان حاس بنقص الابوه بسبب غيابه عن ولده مد بنتها و اخذتها ديما منه بكل برود معها و صعدت جناحها,,
ساره تنهدت و التفتت له: حبيبي فواز.. لا تبحث عن بديل روح لزوجتك و رجع ولدك الحقيقي لحضنك
فواز: انا ما افرض ابدا نفسي على شخص ما يبيني ...
ساره: احمد هو اللي ما يبيك بس ريم...... انتظر ريم حتى تصحى و بعدها اسالها..
فواز من غير نفس: يصير خير يا عمتي...
ديما كانت سمعت جزء من كلامهم و هي تمشي اللي حسسها ان في خلا فو كبير بين فواز و زوجته تنهدت و قالت في نفسها: رجال مالهم امان حتى فواز اللي كان في نظري مثال الرجال الحقيقي...
افكار ديما انقطعت لما شافت عواطف واقفه على بلوكونه السلم تتامل فواز من بعيد و تستمع لكلامهم..
عواطف من غير نفس: خير؟
ديما: ولا شيء
ديما حست انها مالها دخل بالموضوع و مشت بهدوء اما عواطف فظلت تتامل وجه فواز و الف فكره و فكره في بالها: ما راح ترجع لك ابدا يا فواز و بتكون لي مهما صار..
-
-
-
قاعه المعروضات الخاصه بالمزاد كانت ضخمه و كبيره كثير في كل ركن كان موجوده قطعه مميزه من حق كل المدعوين الكثار يتاملونها بكل حريه حتى يعرفوا ايش هي حقيقه وكل شيء عن القطعه اللي بيدفعون فيها ملبغ ضخم..
عدد المدعوين للمزاد كان كثير لكن اسباب حضور كل منهم كانت مختلفه المدعوين كان جزء منهم من عشاق جمع القطع النادره المميزه و جزء يدفعون مبالغ كبيره بس حتى يتسعرضوا ثراءهم و مكانهم العالي قدام البقيه، وجزء كان هدفه الوصول لهذي التجمعات حتى يعقد الصفقات و يقابل ناس معينه يتمنى يقابلهم حتى يحصل على عمل مشترك او لاهداف ثانيه مثل اهداف شخص معين..
لارا كانت تتامل تاج مصنوع من الذهب الخالص و مرصع باحجار بياقوته ضخمه و يعود لاميرات فارس..: انه جميل اليس كذلك يا سوما..
اسماء تنهدت: ظننت انك لا تريدين ان تشتري شيئا,..
لارا بعيون حزينه: هذا صحيح لكنني اجد صعوبه في المقوامه.. واخشى ان تغضب راني..
اسماء على ذكر اسم راني لوت وجهها بس صوت من ورا لارا حول انتباها: ان كنتي تريدينه فلن يمنعني شيء من ان اشتريه لك..
لارا التفتت وشافت رجال في اواخر الثلاثينات لابس بدله رسميه سوداطوله كان متوسط و شعره بني غامق و عيونه خضراء..
لارا ابتسمت: شكرا سيد ادغار لكن لا رغبه لي فيه..
ادغار حرك عيونه ببرود عليها و بعدها تكلم: لقد طلبت مسبقا ان تتركي الرسميات و تناديني جيفري فقط..
لارا نزلت راسها الشي ءاللي نزل خصل بسيطه من شعرها اللي كانت ارفعته بطريقه رومانيه و منزله جزء منه على جنب بشكل مموجه على وجهها، طبعا كانت في احلى حله فستانها كانت بنفسجي غامق ملفوف على جسمها الخيالي و مربوط بحزام من الشوارفيكي البنفسجي واصل لتحت الركبه بشوي ، سوما كانت ستايلها مختلف شعرها مربوط بشكل ذيل حصان مموج و لابسه فستان زيتي لنص الساف مزينه اطرافه بالدانتيل المزين باحجاز ذهبيه ..
سوما كانت متاكده انها ان تكرت لارا مع ادغار دقيقه زياده فراح يظل ملتصق فيهم طول اليوم.: سيد ادغار.. اذا لم يكن لديك مانع انا و عزيزتي لارا نرغب في ان نتفرج على المزيد من المعروضات..
ادغار ابتسم و كان عارف ان اسماء تحاول انها تبتعد عنه و لهذا جاوب: هل استطيع ان ارافقكم ...؟
لارا كانت بترد بس اسماء سبقتها: لا .. فانا ولارا سنذهب لدوره المياه اولا...
لارا مشت مع اسماء و تركت ادغار اللي ما ارتفتعت عيونه من عليهم حتى اختفوا من نظره و بعدها توجه للبار ياخذ له كاس شراب ..
بمجرد ما حست اسماء ان ادغار بعد طلعت هي و لارا من دوره المياه: لا افهم لماذا لا يحل و يبتعد عنا هذا القذر...
لارا: مسكين.. ذنبه انه يحبني..
اسماء من غير نفس قالت بالعربي: اوووف حبه برص ان شاء الله..
لارا كانت بتسال سوما ايش قالت لما صوت ضحك كان يمهم..: ما تجوزين من دعواتك هذي يا اسماء,,
اسماء رفعت عينها بحقد بعد ما عرفت صاحبه الصوت لارا ابتسمت بمجرد ما شافتها: افراااح ؟؟
افراح قربت من عند لارا و سلمت عليها: مرحبا بالعزيزه لارا لم ارك منذ مده..
لارا: وانا ايضا لقد اشتقت اليك كثيرا.. كيف هي صحتك؟
افراح: انا على خير حال.. مرحبا يا اسماء...
اسماء عقدت حواجبها بمجرد ما شافت افراح وحركت عيونها لبعيد الشيء اللي احرج لارا: سوما...ان افراح تتحدث اليك؟
اسماء من غير نفس: وانا لا ارغب في التجدث معها..
افراح بالعربي: مافي داعي تحرجينها كل مره.. حتى وان كرهتيني ..ردي السلام علشانها مره يا بنت الناس...!!!
اسماء وهي رافع حاجبها و معطيه افراح نظره حاقده: انا ما اجامل انسانه ما اطيقها...
لارا ما كانت فاهمه شيء لانهم كانوا يتكلمون عربي بس شخص ثاني قرر ينهي الحوار: واووو من جد حريم ما يقدرون يكونون بمكان واحد من غير لا يتهاوشون..
اسماء توسعت عيونها لاقصى حد لما شافت وجه الشخص اللي مشى لعندهم.. في الوقت اللي ابتسمت افراح و انصدمت لارا بس ماهو مثل اسماء..
افراح: ايش هذي المفاجأه... مرحبا نواف..
نواف ابتسم لهم: مرحبا بمرت ولد العم.. و ليدي لارا..
نواف كان مستهدف انه يلفت انتباه لارا و يظهر لاسماء انه تجاهلها او ماهو عارفها.. لارا كانت متوتره و مستغربه في الوقت نفسه: لقد تقابلنا من قبل...
نواف بابتسامه ساحره: اجل عند نهر السين.. الم اقل لك اننا سنتلقي من جديد..
لارا ابتسمت : رغم اني لم اصدقك
نواف مد يده لها: نواف البدر...
لارا كانت بتمد يدها بس : ليدي لارا..
اسماء مسدت يدها و سحبتها : سوما انتظري..
نواف تكلم قبل لا تبتعد: يبدو لي انك لا تحبين افراح فقط يا انسه اسماء و انما تكرهنيني ايضا..
اسماء سحبت لارا و كملت طريقها و هنا نواف ابتسم بخبث الشيء اللي لفت انتباه افراح: نواف ايش في؟ انت تعرفها؟
نواف باتسامه: و كيف ما اعرفها يا افراح وهي ....... خلينا منها عامر ما هو جاي؟
افراح: مسكين صايبته انفلونزا شديده هو و بنتنا و لو اني خايف القطع اللي عارضينها ما تلقى اهتمام كان ما اجيت .. ليش ما جت وحده من البنات معك..
نواف: المره الجايه ان شاء الله...
بعد ساعه من الحوارات و الاتفاقات بين اعضاء المزاد و المدعوين ابتدا المزاد و بدأ كل فرد من المدعوين يستعرض ثراءه و قوته قدام الباقي و يشتري القطع باسعار خياليه..
لحد ما وصل الدور للقطعه اللي حضر نواف المزاد علشانها.. عقد ماغي..وكان من المستيحل يتركها لاحد..
مسؤول المزاد: نبدأ المزاد بثلاث ملايين دولار...
المزياد1 : اربع ملاييين..
المزايد 2: خمس ملايين.
المزايده 1: خمس ملايين و خمس مئه الف..
الخ الخ الخ .....
نواف كان حاس بتملل و بدأ يحرك عيونه في الموجودين من حوله و اخيرا سقطت على مبتغاه... اسماء كانت تناقش لارا باصرار و تاشر بيدهاو كنها تمنع لارا عن المزاايده..
لارا: عشر ملايين دولار..
نواف استنتج من نظرات اسماء انها في نظرها العقد ما كان يستحق مثل هذا السعر خصوصا انه يحمل ذكريات سيئه لها..
نواف قرر ينهي المزاد عليه برقم خيالي: 100 مليون دولار..
شهق اغلب الموجودين في القاعه من نبره صوت نواف البارده و اللي ذهلتهم بالرقم اللي اعلنه و هو عشر اضعاف السعر اللي كان الكل وصل له...
نواف التفتت من حوله وكانه ينتظر ان احد يرفع عنه السعر بس ما حد ملك الجرأه خصوصا ان نواف ما كان السعر اللي عرضه قليل..
مسؤول المزاد اعلن رسوا العقد على نواف اللي استلم العقد وهو يعطي ابتسامه غريبه للارا..اللي التفتت لاسماء وقالت شيء ما سمعه نواف الا انه كانت متاكد من انها كانت تسال عن سبب نظراته لها.. طبعا اسماء كانت نظرات االغضب على وجهها تزيد في كل دقيقه..
من جهة ثانيه السيد ادغار كان ملاحظ نظرات نواف و ابتسامه لارا و هو شيء قهره كثير و كان ينتظر نهايه المزاد حتى يسال نواف ايش اللي قاعد يسويه بالضبط..
بعد ما انتهى عرض العقد انتقل مسؤولين المزاد لقطعه ثانيه و ثالثه و الى باقي القطع حتى انتهى المزاد .. و بمجرد ما انتهى المزاد تحرك حشد من المسؤولين و الضيوف لنواف يسحبونه للمنصه حتى يجرون مقابله مصغره معه..
المسؤول: السيد نواف البدر.. هو صاحب اعلى سعر طرح في ا في المزاد اليوم حتى الاشخاص الذين اشتروا قطعتين وثلاث لم يصلوا الى الرقم الذي عرضته اليوم على قطعه الا تظن انها لا تستحق هذا الملبغ الخيالي..
نواف ابتسم و عطى نظره ساحره ذوبت كثير من السيدات من الحشد..و تكلم بكل جاذبيه: حتى وان كان غالي الثمن هو لن يصل للسعر الذي كان من المفروض ان ادفعه من اجل اجمل قطعه في المزاد اليوم..
مسؤول المزاد باندهاش: ههه اهنالك ما هي اجمل و تستحق اكبر من المبلغ الذي قمت بدفعه..
نواف: اجل... واتمنى لو استطيع امتلاكها..
مسؤول المزاد : وما هو الملبغ قد تدفعه لهذه القطعه الجميله..
نواف: 100 مليار دولار لاجمل تحفه في هذه الحفله... الليدي لارا يغامسي ...
لارا توسعت عيونها من الذهول ، اسماء من الصدمه ، و ادغار من الغضب و كثيرين من الغيره ..
-
-
راني كانت في مكتبها الخاص تجري محادثاتها و تقرا لها كم مشروع قبل لا تطلع للبيت لما دخلت عليها جوليا و معها فكتوريا...
راني رفعت عيونها لهم ابتسمت: اهلا...
جوليا: لا تتصرفي ببراءه فكل شيء كشف يا عزيزتي..
راني رافعت حاجبها و ببراءه: اي شيء؟
فكتوريا: تعبنا الذي ضيعته و خيانتك لمن ائتنمك على ماله و حياته..
راني ببرود: لارا؟
جوليا: انتي تعرفين لماذا نحن هنا يا راني فلا تتظاهري بالبراءه فلن يصدقك احد خصوصا اننا جميعا نعرف بكل شيء ما عادا لارا..
راني: تقصدين ان سوما تعرف ؟
فكتوريا: سؤالك دليل على حقيقه ما نفكر فيه..
راني رفعت يدها باستسلام: استسلم لكم يا شارلوك هومز و دكتور واتسون.. والان ماذا تريدون..
جوليا: مغادره الشركه طبعا فانتي لا تستحقين ان تكونين بيننا بعد الان..
راني ببرود: شعور متبادل فانا لا رغبه لي برؤيه وجوهكم المثيره للشفقه بعد الان.. و اتمنى ان لا تكون اول مصيبه تقعون بها بعيده حتى استطيع ان افرح قريبا..
جوليا : حقيره
راني ضحكت بس فكتوريا تكلمت بقوه: و نصيبك من الشركه اطلبي السعر الذي تريدنه و سوف نشتريه منك..
راني هنا عطتهم نظره جاده: لا يا حبيبتي ... هذا شيء لا يمكن ان يحدث.... وانا لايمكن ان اترك نصيبي في هذي الشركه مهما حدث.. وحتى و ان غادر فساتي كل شهر لاستلم نصيبي من الارباح..
فكتوريا كانت بتنفجر على راني بس جوليا مسكتها و منعهتها.. راني بببرود وضعت الاوراق الباقيه من شغلها في شنطتها و طلعت من المكتب : مع السلامه يا حسنوات..
فكتوريا وهي تتامل راني اللي طلعت: انا واثقه بانها كانت تعرف بان كشفها اصبح قريبا و لها ضربت بقوه هذي المره..
جوليا تنهدت بالم و مرت نفسها على الكنبه: انني خائفه من الايام القادمه.. كيف سنتعامل معها..
فكتوريا: ليكون الله في عوننا و عون السيده لارا ايضا... خساره راني ضربه ستقسم ظهر الشركه بقوه
يتبع:
التوقعات:
ايش بيكون مصير شركه l&m بعد ما خصروا اقوى اعضاءها .؟
افراح هل ظهورها بالروايه اخيرا راح يقرب كشف ايمان ام لا؟
لارا هل راح تقع في فخ نواف و كلامه العذب؟
هل راح تظهر ايمان اخيرا؟
ندى ايش المصير اللي ينتظرها بعد اللي صار ؟
فواز هل راح يرجع ريم؟
هل بيرضى احمد يرجع بنته لفواز بعد اللي شافه منه؟
1
2
3
4
|
06-05-12, 09:07 AM
جديد مواضيع قسم القصص المكتمله
العرض العادي
