مرحبا

عيون بدويه

حياك الله كاتبه تبدع بأذن الله

في سماء ليلاس

واصلي

وان شاء الله يكون ابداعك

محط ومتابعة الكل


ياهلا فيك

البآرت الثآني

ريم تطيح على الأرض...تاضي تروح لها ..وهي ميته ضحك
زآنه مستغربه..الوووو ..ريمووه اللووه ياااربي مع هالبنت الي كل شوي تسكر بوجهي الخط
تاضي..هههههههههههههههههههههه وش فيك
ريم متألمه من رجلها ..أقول ياحمممآره بدل ماتضحكين ساعديني اقوم ..بموت من رجلي تأأألمني ..
تاضي حست انا ريم من جد تتألم..
تاضي خافت ..ريوم بنادي زآنه استني قلبي استنيني هنا ..
ريم ميته من الألم ..طيب طيب..بسرعه لا تتأخرين ...
ريم ميته من الألم وتتألم ..وتنتظر تاضي تجيها ...
سطام كان تو طالع من بيت الشعر...ويشوف تاضي تركض وخايفه ..
سطام مستغرب ويأشر لهآ ..وش فيك تاضي تااااضي وش فيك ..
تاضي خافت وتناظر ريم ..هااا لا ريوم طاحت وتتألم من ساقها
سطام ماكان باله وكان يفكر بالمصيبه الي هو فيها وكيف لو درت ريم وش بتسوي...ريوم ..؟
تاضي عصبت معقوله نسا من كان يحب قبل ..يعني مين ريم بنت اخوي فهد..
سطام رجع لوعيه ريم .ريم حبيبته وطول هالفتره ماشافها وبعد هالفتره بيشوفها واليوم ....طيب طيب وينها ..
تاضي تناظر المكان الي هي موجوده فيه ..هناك قوم نروح لها ..
ريم كان الألم خف لأنه بس مجرد طيحه عاديه بس بدايه الم ..
سطام يروح هو وتاضي لعند ريم .ريم مارفعت عينها ووحسبالها الي جا تاضي وزآنه ..
سطام ينزل يمد يده لريم وهو يصد عنها لأنه مو حلال عليها ..وقلبه كنه بيطلع من مكانه معقول بعد هالسنين يشوفها كان بس يتمنى يشوف ظلها
ريم تمد يدها وتوقف..وتجي ..مشكوره قلبي.... وتعبس وتعصب وتسحب يدهاآآآ
سطام يناظر ريم وفي باله..هذي ملاك ولا انسان ريم ماكانت بهالجمال قبل هي كانت جد تخقق بس مو كذا معقوووله ااااه يالزمن واخير جمعتني مع ريم وشفتها وخليتني اصير قريب قريب من مكآنهآ ..
ريم من الأحراج تسحب تاضي وتصير ورى ضهرها يعني تكون حاجز بينها وبين سطام ..
سطام حس انا ريم انحرجت نزل راسه وقلبه حس طلع من مكانه وراح ..لقلب ربم..اسف ريم بس تاضي جت وقالت لي انك متعوره آآآ اسف عن اذنك
سطام يلملم جروحه ويمشي يرجع لبيت الشعر وفاطريق معقوله لحد الحين ماتبيني لحد الحين زعلانه يالله لاتكبر لي هم...
تاضي تنزل لريم ..ها ريوم وش اخبارك الحين
ريم شوي وتبكي وتنظف فستانها..من قاله يجي ..
تاضي توهقت ..هاا انا ماشفت احد بوجهي وكنت خايفه عليك وقلت له
ريم نزلت دمعه حارقه ..تاضي انتي تدرين سطام وشو بحياتي ..
تاضي تضايقت وتذكرت ..عارفه والله عارفه بس مهمآ كآن هذآ سطآم يآريم
ريم توقف وكانت تمسح دمعتها..تاضي كفايه هالكلام ماله داعي الحين كل شي انتهى خلينا ندخل ولا يجون هلي ويشوفونا بهالموقف...
ريم توقف وتضبط فستانها ويررجع نور وجهها بعد البكا...
ريم وهي تمشي على العشب مستغربه . .وش فيه متغير كذآ ليه الأسمرآر تحت عينه ليه جمآله قل ليش التعب بوجهه . . وش فيك يآسطآم وش فيك علآمك صرت انسآن ثآني
ريم تدخل بالمجلس هي وتاضي..
الكل ..هلاا واخيرا مابغيتو ..
ريم تحاول تكاااابر ومآتبين انهآ منهآره..هلاااااااااااا شخباركم ...
لميا تسلم ..هلا هلا بحماااتي
تاضي ..هههههههههههههههه وش هالأحترام عيب عيب سوي حالك تستحين لاتستحين جد جد تصنعي ياختي
ريم وزآنه ..ههههههههههههههههههههههههههههه
زآنه ..هههههههههههههه عادي وش الجديد الله واكبر الحين بيتغير بتطلع من بيتها بتروح بيت عمها ولد عمها حااافضها شبر شبر هههههههههههههههههههههه
لميا..هههههههههههههههههه حرام عليك والله ماشافني الا قليل ..
ريم تستهبل...يعني كم بالله كم مره باليوم ..؟
لما تضرب ريم بالوساده ..يااانصابه حرام عليك والله مو يومييييين
الكل..ههههههههههههههههههههههههههه
بهاللحضه تدخل الجده سلطانه كانت ببيت بو عبدالرحمن من العصر بس العمه جات للجده من بدري وجلست معها ودخلت معها..
والكل يناظر العمه العفري متى جات هي من بعد نوبه القلب الي جات لبنتها من اسبوعين ماشافوها ....
ريم تناظرها وتناظر جدتها..هلاااااا جدتي يااابعد قلبي والله شتقت لك وهلا والله بعمتي شخبارك لك وحشه والله
الجده سلطانه..هلا هلا هلا بالريم شخبارك يابنيتي ..
ريم تروح تبوس على راس جدتها ..بخير الله يخليك انتي شخبارك
العمه تناظر ريم بدون نفس..هلا شخبارك
ريم والبنات يجون يسلمون على الجده والعمه ...
طبعا تاضي تصير بنت زوج الجده واخت العمه بس مررره حبووبين معها وتاضي تسمي زوجه ابوها امي بحكم انها ربتها والأم هي الي تربي مو هي التجيب والجده متعلقه بتآضي وكنهآ بنتهآ
تاضي تروح للجده وتبوس راسها ..هلا يمه
الجد ..بخير يمه انتي شسويتو
تاضي تبتسم ....بعد قلبي الحمد الله يمه
الجده تناظر ريم..وين امك
ريم..هذاهي جايه بالطريق ابوي ضنتي بيدخل عند الرجآجيل وامي هذاهي جايه بس انا وتاضي سبقناهم..
الجده ...طيب يمه نشديها
ريم تبتسم ..تامرين يمه الحين اتصل عليها(((طبعا من باب الأحترام يقولون للجده يمه ويقولون لها برضو مسميات كثيره )
ريم تتصل على امها
وامها كانت بالطريق بالحوش...
ام ساري ترد ..هلا ريوم
ريم ..هلا يمه وينك..؟
ام ساري..هذاني بالطريق يالله جايه ..
ريم ..انشالله يالله مع السلامه ..
ام ساري ..الله يسلمك
ريم تسكر من امها..يمه هذاهي بحوش بيت عمي ..
ام سطام تجي من غرفه الطعام كانت مره مشغوله بالتحضيرات ...
ريم تناضر مرت عمها ...
ريم تبتسم وكل مابتسمت تبان غمازاتها ...هلا والله
ام سطام تموت وتنبسط على ريم حتى عند اهلها تمدحها..وتنبسط على جمالها واسلوبها الي يخقق وجمآلهآ الي كآن منفرد بين بنآت العآيله
ام سطام..هلا هلا تو مانور البيت وش حالك ..
ريم تبوس راس مرت عمها ..بخير الله يسلمك شخبارك انتي ...؟
ام سطام مبسوطه..بخير الله يسلمك ..يخليك يارب,,
بهالحضه تدخل ام ساري
ام ساري ..السلام عليكم ..
الكل ..وعليكم السلام والرحمه هلا والله
ام ساري تروح تسلم على الجده ..العذر والسموحه تأخرت بس كنت اكلم اخوي
ام سطام تجي تسلم عليها..يابعد قلبي خذي راااحتك البيت بيتك متى ماتجين حياك الله
ريم بهبال وتناظر زآنه ..من تكلمين غيث
الكل ..هههههههههههههههههههههه
ام ساري ..ههههههههههههههه استحي يابنت
بهاللحضه تدخل ام بنيان ...
ام سطام تروح ..هلا يابعدي وينكم بنآتكم يوصلون قبلكم ..؟
البنات ...هههههههههههههههههههههههه
ام ساري ..ههههههههههههه اصلا احس ماحد ينبسط بالعزام اكثر منهم
زآنه تدخل عرض..فديييييييييييييتنا
الكل..هههههههههههههههههههههههههه
الجده..ياحليلكم والله الله يبلغني واحضر عروسكم
الكل ..أميييييييييييييييييييين
ام بنيان..انشالله وترقصين بعروسهم
الكل..امييييييييييييين
الجده تنآظرهم ..الله لايخزينا وش رقصه وش بيقولون
لميا تبوس راس جدتها ..تكفين ابي افرح لما اشوفك يا الغاليه
الجده نبسطت..يابعد قلبي انتي كم لميا عندنا الله يبلغني فيكم
العمه العفري تنزل دمعتها وعلى خبثها الا كل انثى في داخلها عرق ينبض من الرحمه فلا راحم الا الله والرحمه تسكن قلوبنا
العمه العفري تبكي على بنتها
الكل لاحظ ..وسكت
الجده ..يابنيتي مافي الا الخير وان شاء لله الأمور بتزين انشالله نهايه الشر وانشالله وبتطلع من المستشفى وكل داء له دوا
العفري ترفع راسها وتناظر امها ..امين يمه امين
البنات مره تضايقو على منيره وعلى حال عمتهم ...واحمدو ربهم
ام سطام تبي تقطع الحزن ..آآآ يا جماعه تفضلو على العشا يالله خلونا نتعشى ومافي الا الخير وبعدهآ نتونس..ان شاء الله
لميا تقوم ..يالله بنات تفضلو خلونا نتفائل بالخير ...
مزون تجي ..يالله ياجماعه حياكم
الكل ..ونعم بالله يالله ...يالله
الجماعه قامو وتعشو ونبسطو على العشا وكان مره مبسوطين ماعدا شخصين عند الرجال وعند الحريم مو مرتآحين...الي عند الحريم كانت تاكل وتتمنى انه اليوم يعدي على خير من بدايتها شافته وفز قلبها له الله يعلم وش بتصير مع الأيام الباقيه
ريم تتصنع الراحه بشكل ماحد قدر يتوقع انها متضايقه من شي
وعند الرجال كان سطام كل ضحكه او بسمه يبتسمها يتخيل ريم بوجهه وكيف انها تغيرت وعرف بعد الي مآكآن متوقع انها لحد الحين زعلانه ماخذه بخاطرها وعارفه انها مراح تسامحه وانهآ وآضح مآعآدت تبيه
عند الرجال..
فجأه ..
بنيان ..هيه هيه يا عرب وينك وين شارد
سطام ينتبه ..هلا هلا آآآ وشو وش فيك ..
بو بنيان يناظر ولد اخوه..وش فيك ياسطام منتب على وضعك الطبيعي
سطام يبتسم والحزن بعيونه...لا الغالي مافي شي مير سلامه قلبك بس انا تعبان شوي تدري احس مابعد اتعود على جو الشرقيه خمس سنين بلبنان تغير
بو ساري..ايه والله وانت صادق
بنيان كان حاس انه فيه شي ومررره مشغولن به باله
بنيان يقوم..سطام قوم معي شوي ..
العمام ..على وين ..؟
بنيان ..أأأ بس ابيه شوي ..
العمام..خذو راحتكم ...
بنيان وسطام يطلعون من بيت الشعر ويروحون للحوش..
بنيان يمسك كتوف سطام...انت وش بلاك يا ابن الحلال من جيت وانت مو على بعضك صاير معك شي..؟
سطام بتعب..انشاء الله بتعرفون بس لما نفتح الأوراق الي كاتبها ابوي
بنيان يبتسم...يابن الحلال ربك كريم وقولي وش مضايقك يعني حتى ظلي ماهو بعارف
سطام بتعب..خلها لوقتها طالبك
بنيان يبتسم ..طيب انت كنت عادي لما طلعت من بيت الشعر وش فيك تغيرت كذا
سطام بتعب واللم بقلبه ..شفتها
بنيآن مو فآهم . . منهي
سطآم بألم وحسره وتنهيده . . ريم
بنيان ويفز قلبه ..ريم ...؟بنت عمي ..؟
سطام والدمعه حايره بعيونه ..أيه شفتها آآآآآآآآآه يابنيان وش اقولك وش اوصف كيف نظراتها لي توقعت مع هالسنين انها بتنسى كلمتي لها ليه ماتراعي اني قلت لها بطيش الحين كبرت كبرت والله اني احبهآ واحب الترآب الي تمشي عليه
بنيان نزل راسه وبغيره...متى شفتها ..؟
سطام بتعب..كانت تمشي وجاتني تاضي مسرعه تقول ان ريم تعورت ورحت لها ولا درت انه انا لما رفعت راسها والله نظراتها لي كأنها وتقول اكرهك
بنيان ساكت ...انت الي سويته هو الي خلاها يمكن تقولها
سطام بتعب ويهاوش..عشان قلت لها بروح ادرس بلبنان
بنيان بغيض..بس انت مو بس قلت لها بدرس بلبنان ولا ناسي وش قلت ..؟
سطام ينزل راسه ..كنت امزح ماتوقعت بتصدق ماتوقعت بعد بست شهور من روحتي تكلمني امي تقول ان خطبتي مع ريم تفركشت وان كل وآحد صآر بطريق
بنيان يناظره ..تتوقع الكلمه الي قلتها صح تخيلي تجي وتقولك بسافر لبنان يمكن لا لقيت احلى منك اتركك واتزوجه ويمكن اللقى احلى منك انتي مآفيك زود على غيرك مغتره بجمآلك كل هذآ عآدي ؟ ووتذكر انتو كنتو متهآوشين سآعتهآ يعني الكلآم من قلب تخيل تقول هي هالشي لك
سطام بتعب ..ماكنت اقصد كنت ابي اشوف غيرتها علي ماتوقعت انها باعتني كذا ومو هذا بس لما كلمتني تبكي تقولي الا انت مع وحده غيري قلت لها انا ماحب الا انتي ولما قالت ليه لبنان بذات مادريت وش اقول وهي جلست اصلآ تفسر على كيفهآ وكنت وقتها متضايق اني بعيد عنها وعن هلي وعنكم قلت لها ايه الي تبين تقولين صح اني جيت عشان بنآت وفله وصيآعه صح أيه جيت عشانهم وسكرت بوجهي وبعدها تدري وشهو صار حتى ماستنو اجي بالصيف ونتفاهم على طول فكو كل شي كل شي ليش عشان كنت متضايق ولما دريت وكلمتها ترد وتقول خلك مع بنآتهم احسن لك أي بنآت واي خرابيط هي مو فاهمه انها دنيتي كلها ولا راح تفهم
سطام حس انا بنيان كان منبسط مره وكأنه يبي يقوله شي وفجأه تغيرت ملآمحه
سطام يناظره ..وش فيك مبسوط وكنك تبي تقولي شي
بنيان يبتسم ويخفي الشي الي بيقوله ..لا ولا شي
بنيان وباله ان كنت تريدك ياولد عمي حلالك وان مارادتك فحضني دواها
سطام ..لالا فيه شي قوله
بنيان يبتسم ..بعدين بوقته بتعرف
طبعا هالشي انا بنيان يبي يخطب ريم بنت عمه ..ولا يبي يقول لأحد وكان ناوي يقول لسطام بس بعد الي سمعه منه ماحب انه يكسر قلبه مرتين
سطام متضايق...يالله خل يجينا خبر حلو احسن
بنيان..وبعدييين توكل على الله ويصير خير
سطام بتعب..الحمد الله الحمد الله
بنيان..وش رايك ندخل لا يفكرون افكار ترى انا اعرف عمانك ..
سطام يبتسم ..يالله خلنا ندخل ...
عند الحريم ..انبسطو الى الساعه 1ونص...
ريم ميته من النوم ...اقوول انا بروح انام..
ام سطام تناظرها..بدري خلونا نكمل السهره ..
تاضي تتمدد.. حتى انا ميته من النوم
ام ساري..خلاص روحو وانا شوي وجايه ...
زآنه تمسك ريم...اقول اجلسي وش هالنوم وش عندك
ريم تهاوش ..هيييه انتي دوامك كلاس واحد انا من 8 جالسه ..
زآنه تستهبل..ههههههههههههه ايه معليش فداني
ريم تتمدد وهي تضحك وتنشر شعرها على حضن تاضي وتتسطح على رجل تآضي..أقووول فيني النوم مالي خلق اتهاوش ولا استهبل
الكل..ههههههههههههههههههههههه
جوآهر..ههههههههههههههه يابنت عمي اليوم انتي يبي لك مساااج
ريم تضحك..هههههههههه ايه والله
تاضي تقوم..لالا من جد ابي انام
ريم تقوم بتعب.. آآآآآآآآآآآه بشويش مآتعرفين تقولين قووومي يالله يالله حتى انا ..
جوآهر ..يووه اجلسي... وبنفس اللحضه..يتصل غيث خطيب زآنه ..
زآنه نحرجت وبغت تقوم..
ريم تستهبل..أقول وتبغونا نجلس لا زنو ماهي فاضيه غيييث يتصل بك هههههههههههههههههههه
الكل...ههههههههههههههههههههههههه
زآنه نحرجت..يااااالدبه اوريك
زآنه تطلع لغرفه لميا..
زآنه بحيا..هلا والله
غيث..هلا قلبي شخبارك ..؟
زآنه ..تسلم بخير الله يسلمك انت شخبارك..؟
غيث..بخير مدام انتي بخير..ها قمري وينها ..؟
زآنه مرررره نحرجت وسكتت
غيث..يوووه ستحيتي طيب زآنتي وينها...؟
زآنه ..ههههه بيت عمي عثمان..
غيث..اها وش عندكم..؟
زآنه ..امممم ابد بس مرت عمي مسويه لولدها سطام عزيمه عشان انه تخرج ...
غيث مستغرب..اووه توه يتخرج
زآنه ..ايوه تخرج
غيث..اهااا زين اجل توي ابارك على البركه ...
زآنه تبتسم...لا عادي وسع صدرك الله يبآرك فيك وينك..؟
غيث..تو جاي موصل لوولو بيت خويتها ...
زآنه ..اجل ياقلبي بس اروح بيتنا واكلمك ..طيب..؟
غيث..اووكي انتظرك قلبي ..
زآنه تستحي..تسلم مع السلامه ...
غيث..ألله يسلمك ..
زآنه تسكر من غيث..
وتنزل تحت ..
وريم قد انها لبست هي وتاضي وام ساري..
زآنه تدخل..ها بتمشون ..
ريم تتثاوب وتحط يدها على فمها..لأا بنجلس
تاضي سكرانه من التعب..هههههههههههههههههههههه تعجبني تعليقآت ريم ...
زآنه تضرب ريم..ههههههههههههههه بلا ستهبال..
ريم عيونها نعست وزادت جمالها ..شرايك اكيد بنمشي خلاص ..
زآنه ..اممم طيب روحي
مزون..ههههههههههههه يعني الحين على بالك تستأذن منك
لميا..هههههههههههههه مسويه لحالها احترام
ريم ..هههههههههههههه مالت ولا جبت لك خبر اصلا
لميا ..هههههههههههه عاد مو بوجها .اصبرو شوي
ريم ومزون...ههههههههههههههههههههههههه
ريم تسلم على مزون..يالله قلبي اشوفك ..
مزون تبتسم..اشوفك على خير انشآءالله ...
ريم تروح للميا..يالله مرت اخوي اشوفك على خير
ام ساري ..ههههههههههههههههه بدت ريم تجيب العيد
الكل..ههههههههههههههههههههههههه
لميا مره نحرجت..ههههههه تشوفك العافيه ...
ريم تسلم على مرت عمها عثمان..مع السلامه مرت عمي .
ام سطام تبتسم ..الله يسلمك خلونا نشوفكم
ريم تبتسم..انشالله
ام ساري تناظر الجده ..يالله خالتي ماودك تجين ..؟
الجده ...الا يمه بس بجلس شوي متى مارجع فهد بخليه يرجعني معه
ام ساري..ان شاء الله
ريم وتاضي وام ساري يسلمون على اللكل ويطلعون ..
العمه طبعآ كآنت مو طآيقه سيرتهم وكله خبث وتطلع من دون مآتسلم على احد وتتوجه لبيتهآ . .
الجده تنآظر حوآليهآ . . وين بنتي العفري . . ؟
ام سطآم لاحظت خروجهآ من دون مآتسلم . . يمه طلعت العفري شكلهآ كآنت مستعجله
الجده عآرفه انهآ مآتبيهم . . الله يهديهآ ويهدي الجميع
الكل ينآظر بعض . . امييين
ام سآري قررت مع البنآت يروحون للبيت
يوصولن للبيت ...
ام ساري تذكرت..يوووه ماقلت لأبوك اني رجعت البيت ..
ريم ..عااادي كلميه الحين يالله يمه تبين شي. .؟
ام ساري...سلامه قلبك نوم العوافي ...
تاضي..يالله مرت عمي بدك شي..
ريم تستهبل..ايووه كل واحد يرجع لأصله
الكل..ههههههههههههههههه
ام ساري..سلااااامه آآآآلبك ...
ريم تستهبل..اخخخص ماقدر انا
ام ساري...هههههههههههههههههههه عيب ياربي على هالبنت بالشه لي بكل مكان
ريم ..ههههههههههههه اسفه يالله لا ازيد هبال بروح ...
ريم تصعد لغرفتها ..وكانت من كثر النوم مو شايفه كويس...
وام ساري تكلم بو ساري وتخبره انه راحو للبيت وانه ماينسى امه ياخذها بطلعته
غرفته ريم باارده وظلمه...
شغلت النوم ...شلحت ملابسها وطلعت لها شورت اسود ..ووتشيرت ابيض...خيوط..
راحت لعند جهه السرير ورفعه الغطا فتحت شعرها ونثرته على ظهرها. جلست على السرير
وتذكرت سطآم . .
الله بعد هالسنين كلهآ اشوفك وبموقف يضحك زي هذآ . ( ريم تبتسم ) على انك تغيرت الا انك مآزلت احلى من شآفته عيني
يغطي رمشها الفوقي على رمشها التحتي وكبس على عيونها الضلام .....
عند تاضي..
تاضي كانت بحاله عشق وهيام وغرام مع راكان .. خال ريم الصغير
تاضي ..ههههههههههههههههههه راكان بلا هبال وش يجيبك من جد بتجي
راكان ..وربي من جد وربي مشتاق لك وابي اشوفك ليه فيها شي واحد يبي يشوف حبيبته فيها شي...
تاضي بدلع..امممممم لا مافيها شي بس بكره بيكون البيت مادري كيف..
راكان ..اممم طيب وش رايك نطلع بكره توتو تكفين ابي اطلع معك
تاضي تهاوش..انت مجنون وش يطلعني معك لا قلت لك تبي تطلع معي لازم اقول لريم وريم مو راضيه انا عارفه ..
راكان..أيووه انا مابي ريم تدري..
تاضي مستغربه..ليه ..؟
راكان .. بس ابي انا وانتي الي ندري تكفين لو تحبيني وافقي ...!!!
تاضي طبعا بريائه وبزره ولا تقدر تزعل حبيبها...تكفى مو بكره خلها بعدين بالصيف بالصيف ..طيب..؟
راكان..لالالا بكره انا مشتاق لك وابي اشوفك والله ماقدر
تاضي بدلع..طيب خلاص بكره
راكان انبسط..يييييس أي كذا انتي حبيبتي فديتك مو قادر اصدق بكره بكره يعني بكره بشوفك يالله احس اني بحلم
تاضي..هههههههههههههههههههه شفيك نهبلت ..
راكان ..لأاتلوميني بشوف حبيبتي بكره ...
وقضو تاضي وراكان الى الصبح سوالف وحب وغرام
ــــــــــــــــــــــــــــــــــــــــــــــــــــ
ريم تصحى من النوم على الساعه 9ونص الصبح ...
ريم تفتح عيونهاا..
تقوم ريم من السرير وشعرها يتبعها وكأنه ضلها ...
ريم تقوم ويبرز قوامها ثيابها....
تروح للخزآنه ...وتطلع منشفتها وروبها..
تدخل الحمام وتتروش وبعدهآ تطلع من الحمام ...
من رموشها تنزل قطرات المويه ...ومن حده خشمها .. زي سيف يلمع من لمعه المويه ...
وشفتها من حراره المويه مثل الجمره ...وخدودها من حراره المويه زي الطفل بأيام الصيف...
ريم تروح لخزانتها ...بجامه من (اويشو) احمر واسود وفيها صوره نونو ...
راحت تنشف شعرها ...ولفته بلفاف من (كليرز )لونه احمر ...
تعطرت بعطر بريحه الياسمين للبيت ...
بنفس اللحضه يرن جوال ريم ..بنغمه ...
يازين هب النسيم ....
ريم تروح للجوال...
ريم ...هلا يمه ..
ام ساري...هلا قلبي صحيتي..
ريم ..يب صحيت ..
ام ساري بتعب..يالله انزلي..
ريم ستغربت من صوت امها...يمه وش فيه صوتك مو على بعضه..
ام ساري خايفه..ابوك راح لشركه واليوم يفتحون الوصيه انا ميته خوف ..
ريم خافت..اييييه صح اليوم الله يعين والله قلبي يوجعني من امس مادري وش بيصير...الله يستر بس
ام ساري..يالله قلبي انزلي ترا شوي وابكي من الخوف ..
ريم ..لالا يمه فديتك الحين بنزل جدتي صحت..؟
ام ساري..ايه صحت يالله لاتتأخريين
ريم ..يالله جايه
ريم تسكر من امها وتروح للمرايه تشوف حالها وتضبط شعرها وتمشي لجهه الباب
ويدق ..جوالها..
...يغار قلبي كثر ماتحبك الناس من طيبك اعذر..كل منهو يحبك ..مدام كل الناس ابك ترفع الراس ..انا اول انسان ان وقف يفتخر بك ...
ريم ترد ..هلاااا والله
جود..هلااا بك شالأخبار
ريم ..تماام انتي شخبارك ..؟
جود تبتسم..ماااشي الحال ..اقول بتبدين المذاكره اليوم
ريم بستهبال وترفع حاجبها اليمين..جب
جود بستهبال..مشكوره ماقصرتي يآحمآره ريموووووه جد جد
ريم ..هههههههههههههههه سخيفه اليوم الخمييييس وبعدين بدري باقي 3شهوور على الفاينل بدررري..والميد يوم بيومه
جود...يوووه اخاف ان نستهبل ..طيب وش رايك تجين نأشر مع بعض بكلم مها وبكلم زآنوه
ريم بضيق..لا ماقدر نسيتي اليوم بيفتحون الوصيه وابوي موجود بالوصيه خايفه انو تصير مشكله ..
جود تذكر..صح وش صار ..فتحوها ولا ..؟
ريم بضيق..مادري تقول امي انا ابوي توه رايح يعني له نص ساعه وخااايفه مدري وش بيصييير
جود تهدي ريم..لا انشالله ماراح يصير الا الخير بس تفائلي بالخير ...
ريم ..امين الله يسمع منك ياقلبي
جود..أجل شوفي اذا صار شي على طول كلميني زين ..؟لأني بنتظرك طيب..؟
ريم ..أووك قلبي فديتك ماقصرتي متى مايستجد شي بكلمك ..
جود...اجل يالله روحي بجنب امك ..
ريم ..اوك قلبي يالله باي
جود..بايو
ريم تسكر من جود وتطلع من غرفتها ...
وهي تنزل من الدرج من نعومه شعرها طاحت اللفه من على شعرها
ريم نزلت بأخر الدرج ونزلت تاخذ اللفه وينزل شعرها كله على وجهها
بهاللحضه ..ام ساري..ريوم جيتي ..
ريم ترفع راسها وخصل شعرها على وجها ماتبين حتى عيونها ..
ريم ترفع راسها وتلف شعرها..
ريم تروح لأمها وتحب على راسها..هلا يمه صباح الخير...
ام ساري...صباح النور يا قلبي شخبار نومك..؟
ريم تبتسم ..تمامو وانتي ..؟
ام ساري..بخير بس والله خايفه ..
ريم تعبس..امييي تكفين مافي الاالخير تفائلي بالخير...
ام ساري...انشالله
ريم تروح لجدتها...هلا يمه صباح الخير ..
الجده خايفه ومتوتره ..صباح النور يآعيوني وش حالك
ريم تبتسم..تمااام الحمد الله بس لو هالخوف يبعد عنك شوي
الجده..لاتلوميني يابنيتي
بهاللحضه يدق جوال ام ساري ...كان الجد صايل ...
ام ساري ترد..هلا يبه ..
الجد..هلا والله صبحك الله بالخير..
ام ساري..صبحك الله بالنور والسروور شحالك يبه .؟
الجد..بخير الله يخليك انتي وش حالك ..
ام ساري. ..بخير الله يسلمك ..
الجد..ها يابوك رجلك وولد اخوه فتحو الوصيه ...وربي اني احاتي من امس..
ام ساري...تسلم يبه لا يبه لسا ماكلمني قالي لا فتحناها وقريناها بيكلمني ..
الجد..انشالله مافي الا الخير بس تطمني ..
ام ساري..فديتك يبه امين الله يسمع منك..
الجد..يالله يابوك تبين شي..؟
ام ساري..سلامه قلبك يا الغالي ...
الجد صآيل . . ربي يخليك مع السلآمه
ام ساري تقفل من ابوها ..
ريم ..تصدقين يمه مشتاقه لجدي من زمان ماشفته
ام ساري..يجي ابوك ونروح المغرب...
ريم نبسطت..يييس هذا الكلام ..الا يمه وين تاضي..
ام ساري..ماصحت ..
ريم ..اها طيب انا بروح اصحيها...
الجده ..خليها نايمه وش فيك عليها ..
ريم بخبث..يااجدتي شتقت لها ههههههههههههههههههههههه
الجده ..هههه والله مافيك الا النصب خلي بنيتي نايمه
ريم تقوم...هههههههههههههه مو لأنها بنتك وتحبينها اكثر مني بروح
الكل ..هههههههههههههههههههههه
ريم راحت لغرفه تاضي
ــــــــــــــــــــــــــــــــــــــــــــــــــــــــــــ ــــــــ
عند الرجال بالشركه ....
جتمعو العم بو ساري ...وساري وسطام ...وطلبو من بو بنيان يكون معهم هو وبنيان ...
طبعا والمحامي مشاري...
المحامي مشاري برسميه..طبعا انتو عارفين انا العم عثمان كان طالب تواجد العم بو ساري وانا مادرري ليه مثلكم ...
وابي اقرا عليكم الوصيه ولو فيها شي ماعجبكم ..لا تعلقون الا بعد انتهائي من قرايتها
الكل..انشالله ..
يبدء المحامي مشاري بفتح الصندوق الي فيه الوصيه وكان في اوراق ومستندات
يبدء المحامي بالقرئه...بسم الله الرحمن الرحيم السلام عليكم ورحمه الله وبركاته
انا عثمان ابو سطام الـــ
اتكلم وبكل قواي العقليه ..والجسديه ...
واقول...ارجو ان تراعو بناتي ووولدي الوحيد يا اخواني وتعتبرون بنآتي بمثل بناتكم ...وولدي سطام بمثل اولادكم ...ولاتبخلو عليهم بشي..فأنتم الأب من بعدي انا والحمد الله ماحرمت بناتي ولا ولدي شي من هالدنيا واتمنى ان هالشي مايتغير بعد موتي راعو فيهم الله ولاتبخلون عليهم تركت لكم امانه صونوها زي ماتصونون عيالكم
فأقر واقول ...الشركه ليست لي انما هي حق لي ولأبو ساري اخوي فهد
بو ساري ستغرب ويناظر ولده وبو بنيان..ولأخوي بو ساري اسهم تعتبر 22% الأسهم الموجوده
ساري مستغرب..معقوله الحين عمي يقر على انها لك والكلام الي قبل
سطام هنا استغرب ..الشركه شركه ابوي شلون الحين ينكر من الله خلقني وانا اعرف شركه ابوي وكيف يقر انها له اسهم فيها الحين يعترف ؟
بو بنيان ..هذا الشي كان فيه هواش من قبل وانا خذت حقي من الشركه بس بو ساري لا
سطام مره تضايق وسكت ونحرج...معقوله كان ابوي معيشنا بخدعه
المحامي ينآظرهم..لو سمحتو قلت لكم أي تعليق بعد قرائه الوصيه ...
الكل سكت ...
طبعا علاقه ساري ببنيان مثل علاقه بنينا بسطام وساري كلهم اخويا..
المحامي...ولأبنائي حق بالشركه فهوا ورثي من ابي...البيت الكبير الذي يعيش به ابنائي كتبته لأم سطام والمستندات والأثباتات موجوده بالصندوق ...
المحامي يطلع المستندات ويشوفها...صح كلامه كل المستندات تشير لهشي..
يكمل ..مؤسسات الخشب ...تكوون لبناتي لما ومزون ...
ومؤئسسات..البلاستك ..تكون لأخوي ساري فهذا حقه وانا انكرت حقه
سطام هنا يعصب..شلون يكون مستحيل اكيد في غلط بالوصيه ...يعني ابوي معيشنا بخداع يا انها تكون له من البدايه او انها ماتكون له حتى بالنهايه
بنيان يهدي سطام..اهدا وش فيك هذي وصيه ابوك ماحد لعب فيها ولا شي
بو ساري..ياولدي..انا مثلك مستغرب انت تعرف انا ابوك انكر هالشي
ساري يمسك سطام..هدي شوي خلنا نعرف شالسالفه
سطام يناظر عمه منحرج وينزل عيونه...
بو ساري يناظر بو بنيان وحاسين بولد اخوهم..
شآليه المجدعآنيه طبعا والكل عارف انها نصهآ لأخوي بو سآري ساري والنص كتبته لولدي سطآم بن عثمآن
سطام معصب ومو رآضي على الوضع الي عآشو فيه خدآع..عارف ابوي قالي ..
المحامي مشاري ينآظر سطام ...ويكمل.. الخيل الغصن العوجا ..لولدي سطام ..
والخيل..كحيله مزون...لبنتي مزون ..
والخيل ..حكيله لميا ...لبنتي لميا..
والخيل..زينه الريمان ..لبنت اخوي ريم ..هديه مني لزواجها من ولدي سطام والبيت الي ينبني بحوش بيتي هذآ بيت ريم وسطآم ولو ريم وسطآم مآتفقو يبقى بيت ريم وريم مآتطلع منه
الكل هنا سكت ...
المحامي يرفع راسه ويناظر سطام والكل يناظر سطام ...
سطام بتعب . . آآآآ انت متأكد من الوصيه
المحامي ..ودي اكمل ممكن
سطام بهواش..كممل كممممل ..
المحامي..وانا اعلن وبكل صوت وقدره ان لا يأخذ احد ملك او مؤوسسه من ابنائي الا بعد زواج سطام من ريم بنت اخوي بو ساري ...وانا ماراح ارضى على ولدي سطام الا بعد زواجه من ريم .ريم له وهو لريم ..والسلام ختام ..
بنيان حس بسكين بصدره والدمعه بعينه ...يوم انه جا يقول لأبوه تكون مغصوبه على اعز اصدقاه ولد عمه ...
ساري انصدم من القرار هذا هو صديقه وهي اخته وساري يعرف انا سطام حبه لريم انتهى وحب ريم له انتهى وش له يرجع وبعد عنآ كبير كل وآحد منهم تنآسآ
سطام يقوم ويطلع من غرفه الأجتماع
وساري يروح ورى سطام ..
ساري يمسك يد سطام ..استنى انت شفيك
سطام ماكان حاس بالي صاير وعيونه تطلع شرار ..خلني لحآلي كفآيه الي جآ منكم
ساري ترك سطام ونآظره بأنك همجي بعينه ورجع للفرفه
المحامي ..ياجماعه انا مادري وش موقفي بينكم الحين بس هذا الوصيه وقريتها ونتهت مهمتي ...واسف للأطاله واسمحولي اروح ..
الكل منبهر ومو مصدق ومتلخبط..هاا ايه تفضل
المحامي يطلع من غرفه الأجتماع
بنيان كان متشتت بين قهر وتعب وهم وغرام ..وساري مو مصدق ولا كان يفكر انا سطام ياخذ اخته ..ووآضح رفضه من رده عليه وهو رآيح له
بو بنيان..كا مستغرمن رده فعل سطام هل هو تضايق من انه بينجبر على اخذه لبنت اخوه او نه تضايق من ان بو ساري بيشاركه بحلاله او انه متضايق من السالفه كلها...
بو ساري منزل راسه وحس الدنيا كلها تدور بوجهه وش يقول لبنته وش يقول لزوجته ..
بو بنيان يمسك يد اخوه..تعوذ من بليس وحلالك ورجع لك المفروض تكون مبسوط
ساري ..يبه لازم تنبسط مو تتتضايق واذا على ريم سطام ماراح يلاقي مثل اختي بس...
بو ساري يقطع كلامه ..بس ماتوقعت انا سطام ياخذ اختك ..صح .؟ بعد الي صآر ابد مآتوقعنآ ان ريم بترجع لسطآم صح . ؟
ساري ينزل راسه وكانت هيبته وزينه وخشمه من حدته مثل لمعه السيف.....
بنيان حس انا الدنيا دارت بوجهه وحب انه يطلع من غرفه الأجتماع,,,
ساري..بنيان وين ..؟
بنيان مخنووق..لا بس بطلع عندي شغل تامرون شي..
بو بنيان..ياوليدي كأنك تعبان وش فيك
بنيان يتصنع الراحه..لا يبه مافي الا الخير بس مانمت امس كويس..بسوي شغلي تبي شي..؟
بو بنيان ...سلامتك ..
بنيان يطلع من الغرفه ويقابله خويه زيد ...
زيد ..وش فيك ..
بنيان بتعب..مافيني شي بس مشغول يالله اخليك مره مره مستعجل
بنيان يطلع من الشركه بكبرها ..
زيد مستغرب..وش فيهم هذول سطام مو معطيني وجه ولا بنيان ..؟
بغرفه الأجتماع ...
بو ساري منزل راسه ومتضآيق..وش اقول لبنتي ولأمها ..
بو بنيان ..يابن الحلال ريم تسمع كلامك ولا ترد لك كلمه ...ومصير ولد العم ياخذ بنت عمه ..مافي شي جد يعني ..
بو ساري. انت تدري ريم بنتي الوحيده حتى ساري مادللته مثلها والحين اجبرها اقول لهآ يآلله ارجعي لسطآم ؟وش اقول طيب لأمها ..؟ لا وهي كرهت الزوآج منه بعد الي صآر لهآ مع سطآم لا وارجع اقول لهآ سطآم بتتزوجينه وشلون اقولهآ يآعيآل الحللآل
ساري حاس بمعاناه ابوه..يبه تبيني اكلمهم انا ..
بو ساري..لا انا ابيك تروح معي نكلمهم
ساري..تامر يبه ..
بو بنيان..ولا بغيتني اجي معك جيت ..
بو ساري..لا مايحتاج حنا الحين بنروح لهم وبنقول السالفه بس امي لازم تدري ..
بو بنيان ..خلاص انت امي بيتك كلمهم هم الثلاثه ..
بو ساري بتعب.. انشاء الله
بو بنيان..ولا يهمك انت روح يالله روح
بو ساري وساري يطلعون من الغرفه ويوتجهون لسياره ساري ...
(ماي بخ)السودا ..
بو ساري يركب السياره وساري يركب ...
بو ساري وساري بالسياره بحاله صمت بالسياره ..
ساري..يبه لا تتضايق خل الموضوع عادي عشان حتى ريم ماتتضايق ويبه اول شي قول لهم الخبر الحلو ..
بو ساري ..يعني قصدك اقول لهم انا اخوي رجع الشركه بعد مآ سكت عن الموضوع كل هالسنين
ساري..يبه على الأقل خبر حلو..وبعدين نفتح الموضوع الثاني ..
بو ساري خايف..انشالله يصير خير ..
وبعد دقايق يوصل بو ساري وساري للبيت ويدخلون البيت...
ريم سمعت صوت الباب ...يمه شكل ابوي او ساري جو..
ام ساري..جد .؟
الجده سلطانه ..يالله عساه خيير يآرب
ريم ..يب تو سمعت الباب ..
وبهاللحضه يدخلون بو ساري وساري ..
ريم تروح تسلم على ابوها ..هلا يبه هآ بشر وش صآر
ام ساري مستغربه..هلا والله وش عندكم جايين بدري .؟
ساري وابو ساري يناظرون بعض..
الجده سلطانه بخوف..ها بشرو وش صار
ام ساري خايفه..قريتو الوصيه ...؟؟
ريم بعدت عن ابوها وحست انا قلبه يدق بقوه وترفع رآسهآ تنآظره...يبه وش صار .؟وش فيك
بو ساري يجلس على الكنب ..ويتصنع الراحه ..
ويبتسم..عندي لكم خبرين
ريم بطفوله..ياللله يالله نبي الخبر الأاول ..
ساري يجلس ويتصنع الراحه ..يالله يبه قول ابسطهم
بو ساري يجلس ويجلس ام ساري بجنبه وريم بجنبه الثاني ...
وكانو مقايبلين الجده ..
الجده ..بشرنا الله يبشرك
بو ساري..اليوم رجع لي حقي من الشركه المزرعه
ريم نبسطت وام ساري مره نبسطت ..من جدك يبه من جدك..شلون ..
الجده نبسطت ..الحمد الله على الخير قلت لك اخوك ماراح ياكل حقك
بو ساري ..قرينا بالوصيه انه رجع لي وطلع مستندات وكتب البيت بأسم ام سطام ..وفي خبر ثاني..يخص ريم ..
ريم مستغربه يخصني..؟انا .؟وشو
ام ساري مستغربه ..بنتي..؟ وشهو
الجده سلطانه تناظر ريم ومستغربه
ساري نزل راسه ..بو ساري يناظر بنته
بو ساري..ريم انا عارف انك مدلله عندي وانا ماابيك الا ترتاحين بحياتك وو
ريم مستغربه..يبه وش فيك ..تكلم بوضوح مافهمت ..
ام ساري مستغربه..فهد وش فيك خوفتنا
الجده سلطانه تقريبا فهمت الموضوع لأن على حياه ولدها كان يبي ريم لسطام ونزلت راسها متضايقه ..
بو ساري بخوف وضيق..عمك عثمان وصا انا العيال ماياخذون ورثهم ولا املاكم الا ..
ريم بخوف..الا وشو يبه تكلم ..
بو ساري بتعب..الا بعد ماتتزوجين انتي ياريم من سطام ولاراح يرضى عليه الا لما تتزوجينه


هنآ ينتهي البآرت الثآني
تتوقعون وش رده فعل ريم من الخبر الثآني هل هي بتوآفق وبترضى بالأمر الوآقع او انهآ تعآرض ولا تنفذ اوآمر عمهآ
وش سبب كره العمه لريم بالذآت
وامور كثيره رآح تعرفونهآ بالبآرت الثآني

رآيكم بهالبآرت يرضييني

اكمل ولالا؟

هلا وغلا اختي حياك نورتي ان شاءالله تلاقي كل التشجيع من جميع الاعضاء

اسطر تستحق القراءة بدايه موفقه غاليتي اتمنى تستمري وماتقطعي

قلمك يستحق كل الاعجاب والشكر لي عودة باذن الله للتعليق على الشخصيات

دمتي بحفظ الرحمن