كاتب الموضوع :
رجا الاوهام
المنتدى :
القصص المكتمله
الجزء التاسع عشر :
خرج زياد من الحمام كرمكم الله
وكان لابس سبورت
تيشيرت اورنج مع برموده كحلي
وسالك شعره للخلف و مخفف من شاربه شوي
ومعطيه شكل اخر
وبانت ملامحه الجذابه اكثر
جلس ع الكرسي اللي بالصاله و هو يربط شوزه باتقان
كان مدنق راسه
وسمع صوتها فوقه
: انت كذاب تدري والا لا؟
رفع راسه وناظرها باستهزاء
كأنها تبغى تعانده
بلبسها للشورت الاسود مع البدي الابيض الملون
كانت مغريه لحد الثماله
شفاتها كأنها حبة الكرز
و عنقها صافي كصفاء الثلج
و رجليها كانت مابين الحمره و البياض الناصع
نظراتها استفزازيه
معلنه التخوف في اي لحظه والتراجع عن الفعل
شافته كيف رفع راسه لها
وفمه مفتوح من الصدمه من لبسها
والصدمه الاخرى من عنادها
هو متعود ع مناظر اكثر
و بنات يلبسن اكثر من ذلك
لكن لم يتعود ان يخون ابوخالد بسبب ابنته
المراهقه المغريه
ذات الغرور البحت
التي ان استمر ع رؤيتها هكذا
سيقع غي الهلااااااااك
نزل راسه بسرعه
و هو يتذمر
و تكلم بهدوء و هو يشوف ابوها جا من المطبخ
و يناظر سمر بغضب
و يبغى يذبحها ع جرأتها
ماكان يعرف اللي حصل بينهم
وسمعها وهي تقوله انه كذاب
ظن انها مشاكسه كعادتها مع اعدائها
بدون سبب
ولكن بالحقيقه كانت كلماتها
لسبب و لايعرف تفسير ذلك الكلام
الا هو وحده
كان بينطق ولكنه سكت لرؤية ابوخالد
و قام احتراما له
قرب ابوخالد و قرب منه زياد
وحب راسه
: انا مدري كيف اشكرك ع تعبك معي و دخلتك بمشاكلي اللي ماتخلص
ياعمي انا اسف جدا
ولو كنت غلطت بحق اي حد فيكم بذي الايام اللي قضيتها معكم
اتمنى تسامحوني
انا يمكن مريت بمأساة صعبه
و بضروف الله يعلم كيف مرت علي
لكنكم وقفتو معي وقفه والله ماانساها طوال عمري
انا غلطت كثير مع سمر وانا الآن قدامك اعتذر منها
عن صراخي عليها بالمستشفى
ناظرها ثم رد ناظر ابو خالد : والله ياعمي
ان نفسيتي كانت بالحضيض وماكنت بوعيي
وانا متندم كثير ع الكلام
وكذلك خالد و سلمان وهدى وعماتي كلهم
اللي يبغا حقه ياخذه مني الآن وانا في ديرتي
مثل ما
انا اسمحلكم كلكم بأن تأذوني بالأذيه اللي شفتوها مني في ديرتكم
يا عمي....
قاطعه ابوخالد بحزن : يازياد انت ولدي واللي يضرك يضرني
انت ياولدي اللحين مانت بغريب
وانت تامر وتنهي علينا
انا قالتلي امي عن موضوع وشاك به من زمان
لكني ماني متأكد
خاصه بأنك ماتشبه لنا نهاااائي
ضحك ضحكه خفيفه
اربكت زياد وناظر عمه بشك بالموضوع : وش قصدك ياعمي
؛ ماقصدي شي لاتحاتي انت رح لخالك وتوكل ع الله واليوم تغدون عندي
ومافيه لا
فاهم
زياد بابتسامه : تامر امر
فاهم ونص
رتب ع كتفه : ايه هذا ولدي
ولعاد اسمع ذا الحكي مرتن اخرى منك
سمر وخالد هم اللي غلطو عليك والكل شاهد ع ذا الشي
اما الباقي مالهم حق ينقصون من قدرك وراسي يشم الهوا
خاصه ان امي عايده محرصتني عليك
رجف قلب زياد لاشعوري من الاسم
ومن الشعور المفاجئ اللي جاه
تناسا هالشي خاصه انه مو وقته
؛ طيب انا بمشي اللحين خالي ينتظرني وشكلي طولت عليه
خلاص طلعت الشمس
: اي طلعت الشمس
ذي بالله شمس الله يخليك الشمس شمسنا والله
وبعدييين لاتقولي انك بتطلع وانت كذا
: هههههههههههه ايه ليه فيه شي غلط
؛ ياولدي بتبرد الله يسلمك
: ههه لا وش ابرد بس الله يطولي بعمرك
تونا البرد بشهر 8 يجينا
اللحين مافيه برد
: يااويل حالي جلودكم تعودت ع هالبراد
ياولدي بتمرض كذا بعيد الشر عنك
؛ لاياعمي متعود ع كذا عادي
: والله دامك متعود بس وش اقوول
ع راحتك
ابتسم لابوخالد وهو بقلبه يدعي ان الشي اللي في باله موصحيح
وانهم مو ذول اهله
لان ولا واحد متقبله الا يمكن بعضهم
: انا استرخصك ياعمي وياا * سمر
سمر ناظرته*
وشاف الحزن اللي طغا عليها
ماكان يقدر يعمل اي شي
لف عنها حتى لايتأثر بها
لانها فااتنه حتى وهي بحزنها
مايبغا يناظرها عشان لايشك بشي ابوخالد ويبغا يتعود ان مايناظرها حتى
تفقد الامل منه ومعاد لها صله به
ابوخالد :ماتشوف شر
زياد بابتسامه مرتبكه : مع السلامه
---
: ياولدي ماتبغاني اخطبلك
: ههههه والله مانقول لا ياام خليفه
: جعل عيني ماتبجيك يارب
شرايك ببنت ام زياد
والله ياولدي حشيم و صالحه
وزود ع ذا كله حاليها ربي بالزين والطول
والحسن كله
ابتسم وحب راس امه : توكلنا ع الله دامها بخاطرج يالغاليه ماردج
ولج اللي تبين
ها شقلتي بعد
فرحت ام خليفه كثير ولمت ولدها
: ياولدي الله يخليك لي
وعساني افرح فيك وافرح بعيالك بعد
بابتسامه : اميييين يالغاليه
---
البيت اصبح قدامه
وشافهم جالسين ع البحر و عندهم
القهوه اللي مايستغنون عنها
القهوه التركيه
و باين من بعيد انهم داشين بنقاش ويسولفون
صفط سيارته
و قرب عندهم بهدووء
وابتسم بخبث : بوووووووووووووو
كلهم تخرعو و طمرو من الروعه
و لفو ناظروه
وقامو بسرعه وكل واحد ضمه من جهه
: هههههههههههههههههههه *احبببببببببببببكم
عمار دمعت عينه وهو يحس بنبضات قلب زياد الي عن راس عمار
فرحاااان ومايبغا هاللحظه تنتهي
اشتاااق لزيااد كثييير
و هو ضامه يحس انها لحظه وبتنهي عن قريب
تمسك فيه*
وهو يسمع زياد
وهو يقووول احبكم بصرااااخ
وضحك
رفع راسه وابتسم
ظممه اكثثثر وهو يشوفه كييف تغير
شكله مع التخفيف الجديد للشارب
غييرت من شكله كثيير
: ابني لااصدق انك معي لااااصدق
عدنان بفرح : وانااا كذلك
سوران بخجل : وانا لن انساك طوال حيااتي يازيييد
كم اشتقنااا لك
وكم واجهنا من مصااائب من بعدك
اجلس فأنت قوتنا
وانت عضدنا
و انت اخيينا اللي لن نتخلا عنك طواال حيااتنا
تركوه وهو مبتسم : واناااا كذلك اشتقت لكم كثييييرا وحياتي من بعدكم لاتسوى اي شيء
انت اصحابي واهلي
و كل حيااتي
جلسو ع الشاطئ
وهو ضحك ع عدنان اللي جلّس زياد مكانه و هو من الفرحه جلس خلف زياد وهو موب حاس بروحه
: ههههههههههههههههههههه ماذا بك ياعدنان
لمذا جلست خلفي
: اووووه ههههههه لم اشعر بنفسي
من فرحتي بك
وسع له زياد و جلس عنده
وبدا زياد يقولهم عن رحلته
وعن خوفه عليهم لما خبرته كاترين بأن المزرعه احترقت
خبروه بموت ابوسوران حزن ع حاله سوران
ولكنه ماحزن ع موت العدو اللي
حبس خاله اعز ناسه
واللي تركه يسافر وينهان ويغترب ويحس بالخوف ع خاله في كل لحظه
يفز قلبه ويحاتي اذا حصله شي او لا
عاني كثير بسبب ابوسوران
ماقال الا : الله يرحمه
زياد بابتسامه : خالي حبيبي
انت ذكرت لي انك تسكن عند عدنان اليس كذلك
عدنان بمزح : ومااشأنك يافتى أأنت غائر مني ؟؟
ابتسم زياد ع جنب و تكلم بجديه : ليس كذلك ياعدنان
ولكن انا حدثتكم عن صاحب عملي ابا خالد
طلب مني ان آتي بخالي عمار بيك
سيستضيفه عنده في البيت
وانا سأعمل حتى نستطيع جلب نقود تعيننا ع *شراء بيت لي ولحبيبي قلبي خالي
ضم كتوف خاله بحنان و باس خده
وناظر بعيون خاله المليانه بالدموع : انني اعشقك لماذا تفعل بي هكذا
مااستطاع خاله ان يمسك دموعه وتساقطت
و حط راسه ع صدر زياد العريض
واما سوران وعدنان
ابتسمو و هو متأثرين بهذا المنظر
عمار رجل طيب بكل ماتحمله الكلمه
وبيفقدونه اذا غادرهم هو وصديقهم زيد
: زيييد اصبح خالك حساس هذه الايام
حرك يده ع شعر خاله اللي الى الآن ع صدره بمزح
وابتسم بحب : اتركه
فإنه خال زياد له الحق في كل شيء اليس كذلك ياعمار بيك
رفع راسه عمار ومسح دموعه وابتسم ؛ نعم كذلك وانا لن استطيع العيش من دونك يازيد
سآتي معك اينما تقودني
امتلى وجهه الفرح والنور بعد الحزن اللي لازمه قبل
من شاف خاله نسا كل شي وراه ومعاد يفكر
الا بخاله
وملامح وجهه واحساسه وحركاته وعباراته
يموت بخاله
ومستعد يضحي بروحه بروحه عشان خاله اللي عمل المستحيل لسعادته
---
قام خالد ع صوت ابوه العالي وشاف الوقت للحين ماطلع النهار يعني توهم نايمين
علامه ابوه يصرخ
ع مين ياربي
حنا جايين نستانس والا جايين ننهم زياده
طلع وهو عليه بجامته المقلمه بنطرون بنفس خامه القميص النص كم
شعره معفوس وعيونه بالموت فاتحهم
شاف ابوه
ماسك شعر سمر و يصيح عليها
و هي ساكته وعيونها تدمع لاارادي
و ماردت ع ابوها لانها تعرف انها غلطانه
اسرع لهم و صار بين الاثنين ومسك يد ابوه وهو يهديه : يبا الله يهديك علامك عليها
ليه كل ذا الصياح
ابوخالد عيونه تفجر بها النيران وهو يشوفها واقفه وماتحركت وصدرها يرتفع فوق وينزل
و دموعها ماوقفت للحين
صايح عليها بغضب : اذلفي عن وجهي مااابغا اشوفك
انتي لو بعلم فيك طول عمري مراح تتعلمي ياقليله الحيا
اذلفيييييييييي*
ركضت لغرفتها تبكي و شافت قدامها هدى
تركتها و دخلت بالبلكونه و هي حاطه كفوووفها ع وجهها
وميته من البكي
هدى طاح قلبها
مسكتها
و بدت تقرى عليها
وهي خاافيه وتفكيرها راح بأن زياد عامل حاجه بسمر
او مخبر ابوخالد
بالموضوع
او اي حاجه
خافت ع سمر وانهيارها
خافت لاتردلها حالتها اللي قبل
مسكتها
وجلستها ع الكرسي اللي بالبلكونه
وبدت سمر تهذري *تحكيلها وش سوت : اااااا اهئ اهئ
اااااااااه * انا ثوووله وبقره وحيوااانه
انا ماافهم
انا جبت الكلام لنفسي
ليش اعانده ليييييش وش الفاايده
لييييه لييييه
الكل مايناظرني الا اني شخص مااسوى لييييه
بكت وهدى لامتها *وهي حزنانه ع سمر
اللي بدت تقط كلام غير مفهوم
: حتى هو ...... * *لييه ... يهاوشني
... ليه ... ليه دوووم يناظرني بغرووور .... ليه يكسرني .... ليه مايحبني ... لييييه .. انا
وش سوييت له ... وش سوييييت له
يااهدى قوووليلي*
هدى ماتدري وش تقول لها
عارفه انها تقصد زياد
زياد من دخل حياة سمر
وهي منقلبه فووق تحت
كانت طيبه اصبحت شريره
كانت ضحوكه و دوم ابتسامتها ع وجهها
اللحين صارت ماتشووف الا دمووعها
كان فيها شموخ صاار للاسف ذل
ومااتبغا تشوف زيااد بالذات
لانها ماتتحمل منه كلمه الا وهبت بوجهه
اسئله كثيره مايقدر يجيب عنها الا سمر نفسها
لكن مووب وقته لان نفسيتها عدم
وماااهي محتاااجه لاكثر من كذا
اللحين تبغا احد بس يهديييها
---
تنرفز من ابوه ورد بتحكم و بقهر : اللحين كل ذا عشان لبسها
هذي سمممر يايبا
سمممر لاتنسا انها بنتك وقطعه منك
تفضل الغريب عليها
تكسر فيها دايم بسببه هو
ماصارت المشااكل الا من بعد دخوله بينا
خلاص خله يروح لخاله ومانبغاه يجلس معنا
يباااا انت صرت تفرق بينااا بسببه
يبا خلاااص انا معاد ابغا اشوف وجهه
من اشوفه كأني اشوف شيطان قدامي
الظاهر انه ساحرك
والا عاملك عمل ماتشوف احدن غيييره
كفففففففففففففف قوووووووووي
انطرم به خالد
وهو
مصدوووووووووووووووم
وفتح عيييييينه بقووووه
معقووووله
معااااد يشوووف الا زياااد
وعياااله صارو كلهم غلط بغلط
قام خالد وهو موب قادر يستوعب اللي صارله
ابوووه يعطيييه كف ليش
وعشان منو
كل شي سيء يعوود لزياااد
الله ياخذه وافتك منه هو وبلاويه
تكلم بغصه وبألم نابع من روحه : صرت تقدمه علينا بكل حاجه
اعماك لكل اللي يبغاه
: ايه اعماني يومنكم معاد لي حشمه ولاتقدير بينكم
صرتو ماتشوفون الا نفسكم
وهالفقير المسكين صار حشره عندكم
كل واحد فيكم انذل من الثاني
بان معدنكم ياعيالي
ماوقف معاي غير الغالي سلمان
اما انتو كل واحد
صار نفسي نفسي
هذا اللي ربيتكم عليه
هذا اللي يستاهلونه الناس منكم
هذي اخر اخلاقكم
هذا حاصل مفهومكم للتطور
تطورتو باذهانكم
لكن ماتطورتو باخلاقكم
بنت عمرها وصل ال20 لاحيا ولا مستحا
جايه عند رجال غريب
و مطلعه كل جسمها له
وش بقا وش غطت
ماتقولي جاي تدافع عن شنو جااي تدافع عن فسقها وفجوورها
جااي تحميها بالغلط
لا والف لا
دام راسي يشم الهوا
انا ولي امركم
اول شي بعلمكم
وان اصريتو ع الخطأ بيحصل لكم اللي ماتسرونه
لان هذا جزاكم والف من جزاكم
خالد .. انت ولدي
لاتطيح من عيني اكثر ....ياولدي
لوكانت اختك وهايف عليها صدق
ماتوقف معها بالخطأ
الزم عقلك قبل قلبك
ترا الدنيا تقرصك مره وثنين وثلاث
وبعدها تروح بدروب الهالكين
وهذا اللي مااسمح لكم تمرون به
تتوقع ليش اناااانيه مني
والا حب لكم
وخوووف عليييكم
انا طالع غرفتي ببدل وبطلع
واذا صحو الباقي
انزلو انتظركم ع البحر
وسمر ان جلست بالشقه ياويلها مني
نزلها حتى لو بالغصب
*---
زياد : اوك اريد ان اشم هواء بلادي
ااااه كم انت مشتاق لك يااتركياااا
هيا هيا قومو لنمشي قليلا وبعدها نذهب لمطعم نفطر به
الكل بابتسامه : هيااا
عدنان : والافطار من الآن علي
زياد : بيض الله وجهك
طبعا الكل علامات تعجب
وهو مات من الضحك ع اشكاالهم
: اقصد شكرا لك
ولكن نحن نقولها هكذا بالعربيه
ضربه مع راسه خاله بخفه : الى الآن ياشقي تلعب علي بلغتك
اااه اريد تعلمها كي افهمك ولاتضحك علي
: ههههههههه لن اتحدث معكم بالعربيه بتااااتاااا
: اممم صحيح صحيح
سوران : صدقناااك ياعزيزي
زياد : هههههههههههه
----
اليوم التكمله
انا اعرف مدى تأخري عليكم
لكن اقسم لكم بانشغالي الدائم
تمنيت انتهي من الروايه قبل الدوامات
ولكن لن ابخس حقها ابداا
وبإذن الله اتمها ع خيير
لن اطالب بالردود
من يرد علي له الشكر
ومن لم يرد ايضا له الشكر
|
22-09-11, 05:33 PM
جديد مواضيع قسم القصص المكتمله
العرض العادي
