كاتب الموضوع :
ليلكي
المنتدى :
قهوة ليلاس
رد: يوم مع عضو / ة ..
" يوم السبت " .
العبادات و نظافتي الشخصية اظن ماله داعي ذكرهم :)
صحيت الساعة ثمينة الصباح مسكت " اللاب توب " وجلست اكتب بروايتي حتى صارت الساعة 12 و نزلت البارت
و بعدين دخلت المطبخ و فتحت الثلاجة حصلت شورما بيتية امس سواها اخويا الي بالمتوسط للعشا
بس انا نمت من بدري و ما اكلت منها , فسخنتها بالمكرويف و اكلتها مع عيش صامولي > تبون الصدق طلع طبخه احسن من طبخي بس عاد انا ما اوضحت هالشي و لا بيغتر عاد لو اغتر الله يعين على ما ارجع و اكسرله خشمه :)
و في نص متعتي بالأكل > تراني اشوف الأكل متعة بس امي تقول الأكل عمره ما كان متعة ^ _ ^
المهم دخل ابوي علي وهو جايب معه سمك للغدا أخذت من تهزيئة محترمة قال : بزر انتِ يعني ما انتي شايفة انه ظهر ليش تاكلين الحين ما بتقدير تاكلي الغدا > مسكين ابوي لسى ما اتعود علي يحسبني ما بآكل
بعدين هو جلس يشرب موية و راح يصحي امي من النوم
و انا غرفت الغدا و حطيته بالصالة وجلست استناهم لين ماجوا
و قمنا اكلنا لين حسيت الأكل وصل لحلقي سحبت نفسي من السفرة خخخخخخ
لكني جلست على الكنبة اسمع سوالفهم
كان ابوي يحكيهم عن مكالمته مع جدتي في يوم من الأيام
كنت أنا جالسة بالصالة وابوي يكلم جدتي بالمطبخ
قالت جدتي لأبوي : اسمع يا ناصر ابيك تشتري برتقاز جديد الي عندي خربان ابغى واحد يلمع .
قام ابوي يقول لها : برتقال جديد يلمع .
قالت جدتي : ايه ابي برتقاز جديد من بكرة يكون عندي .
قال ابوي لجدتي : يمه الله يهديك انا بجيك مثل دايمًا نهاية الأسبوع واعطيك المصاريف خلي سالم يشتريلك برتقال ليش انا ؟
قالت جدتي وهي معصبة : انت تعرف سالم واحمد ما منهم خير وانا ابيك انت الي تشتريلي .
قال لها ابوي : بس هذا برتقال عادي بيرضون يشترولك .
صرخت جدتي : طيب يا ناصر مابيه بكرة ابيه اليوم ابي البرتقاز اليوم .
عصب ابوي و صرخ وهو يقول : يمــه وش فيك انتِ بالجامعة وش يجيبني لك اليوم وراي شغل انا وكله عشان برتقـال
قالت جدتي بعصبية : يالثـــــور مو برتقاز الي ياكلونه برتقاز الي يسوون عليه الأكل .
قال ابوي بفهم : تبغين بتاجاز.
قالت جدتي : ايه
قال ابوي : خلاص ان شاء الله اليوم بالليل اجيبه لك .
و جلست العائلة الكريمة تضحك وانا اضحك معاهم جدتي المسكينة ما تنطق كويس وما تسمع كويس عشان كذا صار إلتباس بالموضوع .
رحت لغرفتي و جلست على اللاب توب شغلت انشودة " كشوق الليالي لمحمد العمري " وجلست اسمعها حتى صار العصر
و بعدين غسلت الصحون حق الغدا , و رحت انظف الحمامات " اكرمكم الله " و أمسح اي حاجة بطريقي بس ما مسحت وجهي :) >> تتسامج
زارونا خالاتي هم دخلوا من باب الحريم و ابوي شرد من باب الرجال :)
و انا جلست ابخر البيت بعدين كنت بمقلط الرجال ابخره و طاحت عليا الجمرة بالأرض من زود الذكاء مسكتها بيدي و حطيتها بالمبخرة يدي حمرت شوية بس ما حرقتني مدري كيف
حطيت المبخرة بالمطبخ و رحت اسلم على خالاتي و جدتي أم أمي
و بعدين جلسوا يهزئوني و يقولون : انتي لين متى حابسة نفسك بالبيت , نبغى نعرف ايش عاجبك بالبيت > و كلام كثير
على فكرة انا اكره الخرجات بكل انواعها سواء جمعات او اماكن عامة كل أنواع الخرجات اكرها
ما اخرج الا من عيد لعيد او اذا احد مرض :)
و بعدين امي قالت ليا : سويتي اكل .
قلت لها : لا
قالت لي : اجل عندك فلوس
قلت لها : ايه .
قالت لي روحي جيبيها واعطي لأخوكِ خليه يشتري اي حاجة تنأكل
رحت أخذت خمسين ريال من تحت بيجاماتي و رحت عند اخويا المتغطرس
نطيت فوق سريره وانا اصرخ : عزيزاااااان عزيزااااااان يا عزووووز يا عزوووز يا عزززيزز يا عزززير
طالعني من فوق لتحت بإزدراء و قال : وش تبغين ؟
قلت له : امي تقولك روح اشتري اكل .
حط السماعة بإذنه و طنشني
عصبت و طبقت شاشة لاب توبه
قام عصب و وقف بيضربني
رميت الفلوس بالأرض وما شاف الا غباري .
رحت جلست مع خالاتي و كانوا يتريقون عليا و انا صغيرة رحت شاركتهم تريقة عليا
يتبع ..
|
27-09-14, 07:31 PM
جديد مواضيع قسم قهوة ليلاس
العرض العادي
