كاتب الموضوع :
ليلكي
المنتدى :
قهوة ليلاس
رد: يوم مع عضو / ة ..
السلام عليكم...
تم توريطي من قبل توتو الحلووة :)
مممم كيف قضيت اليوم !
اليوم كان عليي امتحان بجروت انجلش ..والبجروت هو امتحانات بنعملها من اول ثانوي وهي بتحدد معدل الثانوية للطالب
.امتحاني كات عالوحدة ..وكان لازم كون في المدرسة قيبل بوقت ..
صحيت بدري لانو من القلق مش قاادرة اناام هاذ غير شوشرة خوااتي وهن قايمات عالمدرسة ^^
ظليت في فراشي للثمان ونص وبعدها قمت .. قعدت مع امي واختي الكبيرة شوي وبعدين بديت اراجع عالبجروت
اليوم بذكرى النكبة
في مسيرة ع عكا ولقرية مهجرة قضاءها اسمها الكابري بعنوان (الى قرانا نعود وفي الكابري نلتقي) ..اليوم هو المهرجان الختامي لعدة اسابيع كان فيها مسيرات للعودة لقرى مهجرة في فلسطين..واللقاء كان في قرية الكابري
كان نفسي اروح فيها بس عشان امتحاني ماقدرت ..امي وابوي واختي بدهم يروحوا ..واختي الصغيرة ظلت عند اختي الثانية عبال ما اجي انا من الامتحان ...
المهم عالاطنعش اجت عليي صاحبتي عشان نروح سوا عالمدرسة ....مدرستنا قريبة من بيتنا وبنروح عليها مشي !
عملنا الامتحان عالوحدة والحمد لله قدمت منيييييييح فيه ...كان ثقيل دم وانضغطت بالوقت بس مع هيك ان شالله بجيب علاامة منيحة كثير ...عالثنتين ونص طلعت من المدرسة وعالثلاث الا ربع وصلت البيت
طبعا ارتحت شوي وتصفحت ليلاس ...شفت رواية مهااوي انتهت ..البارح طولوا في التزيل وما قدرت اكمل معاهم فقريت شوي منها
وبعد اذان العصر بديت اراجع لمقالبة اللغة العبرية ...عنا اشي 20% من علامة البجروت هو مقالبة باللغة العبرية لمدة ربع ساعة عن موضوع معين بالاضافة الى عشر دقائق عرض تلقيه انت للممتحن مشان يحددلك العلامة ..وان شالله يوم الثلاث موعد المقاابلة تبعتي ...
بعد ما خلصت لعبت شووي مع سوسو اختي الصغيرة وبسسها ...بسسها هي قصة لحالهن ..رسيل بتناام عندي بالغرفة ومستحيل تنام الا وهي خاانقة البسس حدها خخخخخ عاااد انا برحم البسس وبخليهن يشردن بس الا تلحقهن وتنيمهن عندها هههههههه لا ومرة عااملة البسة كانها بنتها وبتطعميها من اكلها خخخ
اختي وبسسها ^^
اجا الليل ...واتصفحت ليلاس ...قريت يوميات البنااات وعلقت عليه اجتني رسالة من توتو اني المتورطة :)
وهياااتني قاعدة بكتب كيف كان يومي وبدي ارسل الرد واروح احااول انام !
لانو بكرا عليي برضو تعليم ! استااذ الرياضياات شافنا مظغووطين بايام الاسبووع ومش قاادر يعلمنا منيح وبجروت الرياضيات قرب فقال بدنا نعمل يوم الجمعة تركيز ...عالسااعة 8 الصبح ...
بدي جهز لبكرا واناام مشان اقدر اصحى بكير
وبكذا بيخلص يوومي
^_______*
طبعا هاليوم استثناائي وحتى فيه شوية اكشن لانو فترة امتحانات ولا ايااامي عادة روتينية من المدرسة للبيت والنت وبس ^^
|
15-05-14, 10:04 PM
جديد مواضيع قسم قهوة ليلاس
العرض العادي
