كاتب الموضوع :
ليلكي
المنتدى :
قهوة ليلاس
رد: يوم مع عضو / ة ..
ورجعت لكم تانى علشان اكملكم باقى يومى امبارح
اعذرونى معرفتش ادخل امبارح كنت مشغوله
طبعآ بعد ماقفلت معاكم انتهزت فرصة الهدوء الرائع اللى كنت فيه
وقلت أقلب الشقه وانضفها وكمان الشمس طلعت والجو بقى رائع
انبسطت جدآ واتحمست وقمت فتحت الشبابيك كلها وبدأت ماراثون النضافه
اول حاجه قلت ادخل المطبخ واعمل الاكل بسرعه علشان انجز
طلعت كفتة برغل كنت مجهزاها قبلها فى الفريزر وبدأت اجهزها
وقلت نقضيها اكل بسيط فعملت جمبها شربة لسان عصفور وسلطه وعيش اسمر وبس
وهوب مره واحده لقيت الساعه 3 يانهار ابيض اكيد الساعه مش مظبوطه ياجماعه
بصيط فى اكتر من مصدر لقيتها برضه 3 نسيت اجيب عبد الله من الحضااااااانه 
بسرعه لبست ونزلت اجيبه
علشان حظى الجميل لقيت بوابة العماره مقفوله والبواب مش موجود يلاااااهوى اعمل ايه
ومفتاحى نسياه مع ماما ولأن ماما بيتها قريب منى اتصلت بيها علشان تيجى تفتحلى
دايمآ تعبينها معانا كده الصراحه
وعلى ماامى جت اتصلت بالحضانه ردت الداده وقالتلى ان مفيش غيرها هى وعبد الله بس
والكل روح حتى المدرسات
طبعآ روحت جرى جبته واعتذرت للداده وده كان اهم موقف حصلى فى يومى
رجعت طبعآ كملت توضيب البيت لغاية ما زوجى رجع على المغرب واتغدينا
وبعد كده رجع زوجى نزل اقعدت مع الاولاد لغاية بعد صلاة العشا
اكلتهم فاكهه وبعدين اخد كل واحد دش وعلى السرير عدل
بعدها كلمتنى صاحبتى شويه واتفقنا نتقابل يوم الاربعاء فى النادى مع باقى الشله
يومى كان روتينى الى حد ما بس مش دايمآ يكون على نفس الوتيره
اتمنى يكون يومى عجبكم كنت اتمنى احكيلكم عن يوم دسم اكتر فى احداثه
بس فرصه اخرى ان شاء الله هههههه
دمتم فى حفظ الله
|
13-05-14, 01:13 AM
جديد مواضيع قسم قهوة ليلاس
العرض العادي
