كاتب الموضوع :
ليلكي
المنتدى :
قهوة ليلاس
رد: يوم مع عضو / ة ..
صباح الانوار والسعاده آل ليلاس
جيتلكم النهارده اشارككم يومى
بعد الورطه الحلوه اللى ادبست فيها من حبيبتى زهوره
ان شاء الله يكون يومى خفيف عليكوا
أول حاجه باصحى انا وزوجى لصلاة الفجر اللى يصحى الاول يصحى التانى
وبعد كده للاسف بانام بعد الصلاه
بس ان شاء الله هابدأ انا وزوجى نخرج نمشى بعد الفجر ساعه من الايام الجايه
يومى الفعلى بيبدأ الساعه 7 او 7.5
النهارده صحيت الساعه 7 طبعآ كالعاده اللى بيقوم بالمهمه دى ابنى عمر
أول واحد بيصحى فى البيت ولقيت صاحى وراه القرد الصغير عبد الله
عمر قالى ياماما الدنيا بتمطر بره اللهم صيبآ نافعآ بصيت من البلكونه لقيت فى مطر خفيف فعلآ
بس الجو مغيم وبرد شويه اكتأبت لأنى بحب الشمس والجو المشرق بس قلت خير شويه والشمس تطلع
المهم الاجازه عندنا بدأت لكن جوزى قدم لعبد الله الصغير فى حضانه جمبنا خاصه فاتحه طول الصيف
فيها ترفيه وكده فطبعآ لبسته وفطرته وعملتله ساندوويتشات وجوزى راح يوصله
وقلت على مايوصله ادخل سريعآ ابص بصه على النت
ودخلت المنتدى واتفاجأت بالورطه الحلوه فى رساله من زهوره
وطبعآ لأنها حبيبتى ماقدرتش أرفضلها طلب
جوزى رجع وقمت أحضر الفطار قالى انا صايم النهارده اول الايام البيض
طبعآ اتصدمت لأنى نسيت وماصمتش وهو مافكرنيش
المهم عملت الفطار ليا انا والاولاد وفطرنا وجوزى دخل النت يشوف الاخبار
وبعد كده بطوتى صحيت وقمت اغيرلها والولاد طبعآ بدأوا الازعاج (عبد الرحمن وعمر)
زوجى قالهم يلا البسوا وتعالوا معايا الشغل >> فيس مش مصدق
اخيرآ هاقعد فى هدوء شويه
طبعآ هما ماصدقوا وقاموا لبسوا وكمان معاد درس القرآن الساعه 2.5 يعنى هايفضلوا بره لغاية الساعه 4
وممكن كمان باباهم يخليهم معاه لغاية ما يجى يفطر المغرب>> بتعشم نفسها
بعد مانزلوا على الساعه 11.5 قمت جرى عملت مج نسكافيه
ودخلت النت وجيتلكوا علشان ابدأ يومى معاكم
معلش اعزرونى من الصور لأنى مش فاضيه بس لو عرفت هانزل
مضطره اسيبكم دلوقتى علشان اقوم اشوف اللى ورايا
ولى عوده انتظروا باقى يومى
|
12-05-14, 11:52 AM
جديد مواضيع قسم قهوة ليلاس
العرض العادي
