كاتب الموضوع :
ليلكي
المنتدى :
قهوة ليلاس
رد: يوم مع عضو / ة ..
مرحبا بكل اللياسات الجميلات
جيتلكم اليوم علشان أحكلكم عن يومى و تعشوه معايا
هو يمكن مش يكون ظريف لكن أكيد هيكون ممتع لأننا هنكون سوا
أول حاجة أنا يومى بيبتدى بدرى شويا بصحى الساعة ستة الصبح بعد ما بنهى فروضى ببدأ يومى بأحب حاجة على
قلبى أزور بيتى التانى ليلاس صححيح بتكون زيارة سريعة بس بقوم أشرب القهوة و بعدين أشوف الاعصار اللى
أخويا سيبه وراه في المطبخ نسيت أقولكم أنا بعيش في البيت مع أمى و أخويا الصغير
مدلل والدته الصغير ده عند 23 سنة توسانامى عايش معانا فى البيت أحمد الله وجود قليل فى البيت لأن وجوده مدمر
على فكرة أنا الأخت الكبيرة و البنت الوحيدة و والدى عليه رحمة الله متوفى
عندى أخ أصغر منى عايش في مدينة رسول الله مع زوجته و أبنه القرد الصغير عمارووو.
الحمد لله نشكر التكنولوجيا الحديثة اللى قربت المسافات و قربتنا من الناس اللى بنحبهم
أحنا مقمين فى بلدة ما بيسكنها أحد من أهلاً أبدا كل أقرباءنا بالعاصمة علشان كدة بنقدر جداً
التكنولوجيا و طرق التواصل الحديثة اللى قربت المسافات و قربتنا من الناس اللى بينحبهم
و كأنهم عايشين معانا هههههههههههه و كأنى بسوق للتكنولوجيا الحديثة.
بجهز نفسى علشان أروح الشغل بنزل الساعة 8 من البيت تانى أكتر حاجة بحبها في الدنيا التمشية بستغل وقت ذهابى
للشغل في حاجة بحبها جدا أتمشى و استمتع بجمال بلدى أنا من أسوان و عندنا أجمل كورنيش في الجمهورية كلها
و أنا بتشمى باتصل بصديقتى بتكون فى شغلها برضوا كالعادة هبة بتشتكى من أولادها و أزاى مطلعين عينها مع أنهم
ما كملوا 5 سنوات صدقتى التانية هند بيكون حظى حلو لو عرفت أكلمها لمدة دقيقة كاملة لأنها بتشتغل فى حضانة
بمشى حوالى ساعة لغاية ما أوصل الشغل بشتغل مهندسة زراعية (فلاحة) الحمد لله بحب شغلى و يمكن تستغربوا أن
دخلت الكلية برغبة منى لأنى كان نفسى أشتغل في مجال الزراعة أنا بشتغل مهندسة زراعية في مزرعة أشجار
مانجوووو بحب كتير ريحة التربة و ملمسها و أجمل في الشغل أنك تزرعى بذرة و ترعيها لغاية ما تكبر و تبقى شتلة
صغيرة محتاجة رعاية و اهتمام إذا اهتمنا بيها بنلاقى نتيجة حلوة كتير بتسعدنا كتير . حتى لو شجرة كبيرة ما أجمل أن
أزهارها تعقد و تتحول لثمرة صغيرة جداً قد رأس الدبوس و تكبر كل يوم لغاية ما تبقى ثمرة حلوة
بغادر الشغل الساعة واحدة الظهر ساعتها بقى أستحالة أنى أمشى مع كل حبى للمشى لكن الجو بيكون رهيب.
بنزل على السوق و بشترى أغراض للبيت و بأرجع البيت على الساعة 2 الظهر بتغدى أنا و أمى لأن كالعادة أخويا
بيكون نائم أو مش في البيت أصلاً .
بعد صلاة العصر ده وقتى ملكى بقضيه زى ما بحب و طالما بقضى في حاجة بحبها يبقى أكيد مع ليلاس
أترجم شويا أو أتابع أحداث رواية المهم الوقت ده بقضى بكامله مع ليلاس أو ممكن أتبع فيلم أنا بعشق كافة
أنواع الدرما الأجنبية انجليزى كورى هندى أى حاجة المهم يتوافر الوقت
ما بتصحى أمى قبل المغرب بنشرب القهوة سوا و نقعد ندرش حبه لغاية آذان العشاء
و بعدين في الغالب بعض صديقات أمى بيزروها و بتركها معاهم و أرجع
لليلياسى أو أقوم ببعض الأعمال المنزلية على حسب ظروفى لغاية ما صديقات أمى يخلصوا سهرتهم بجهز لأمى العشاء
و الساعة 11 مساءاً بكون في السرير و زى ما ببدأ يومى مع ليلاس بنهيه مع ليلاس برضوا لمدة ساعة
و على الساعة 12 زى سندريلا بالظبط بنهى يومى بأذكار المساء و أقولكم تصبحوا على خير
ده يومى يمكن يكون ممل و مش ظريف بس أنا بحب أعيش كل لحظة فى حياتى بسعادة و تفاؤل
و بيكفينى أنى بقضى يومى كيف ما يكون بابتسامة :) و تفاؤل
|
08-05-14, 04:52 AM
ياهلا بزهره استمتعنا بقراءة يومك الله يخلي لك ماما واخوتك والعصفور الصغير 
جديد مواضيع قسم قهوة ليلاس
العرض العادي
