كاتب الموضوع :
ليلكي
المنتدى :
قهوة ليلاس
رد: يوم مع عضو / ة ..
السلام عليكم رحمة الله وبركاته
دعائنا بالصبر والسلوى للأخت صاحبة المصاب .. الله يكتب لفقيدهم الرحمة والمغفرة
........
شكرا لولو على التوريطة ....
عارفة اني بحبك وما أقدر ارفضلك طلب
........
كيفكم يا أعضاء ليلاس الطيبين .... ؟؟
....
يومي يوم عادي مثل أي أم
اصحو الساعة سبعة ونصف تقريبا ...
اجهز سندويتشات واكلات المدرسة للأولاد .. احيانا يفطروا واحيانا لا حسب ما يحبوا
وأجهز ابني الصغير للمدرسة وأوصلهم ع الساعة 8 وارجع البيت...
لو كنت سهرانة باليوم السابق اغفو ساعة زمن واذا كان عندي شغل افطر وابدأ بشغلي (ترجمة او تصميم مواقع ..... ألخ) لأني بشتغل فري لانسر (عمل من البيت)
وفي الفترات اللي ما يكون عندي فيها ارتباطات عمل بروح الصبح على النادي ساعتين رياضة وسباحة وارجع منتعشة قبل الظهر
على الساعة 12 اعمل شغل البيت من ترتيب وتنظيف يومي وتجهيز الغدا والطبخ وبتابع صباح الخير ياعرب ولما يأذن أصلي الظهر ولو عندي وقت اخذ لفة على المنتدى والفيس او احكي مع اخواتي على الواتس اب بعديها تكون صارت الساعة 2 اطلع اجيب الاولاد من المدرسة وارجع بيهم للبيت
طبعا برجعتنا للبيت يصير موعد الغدا .. نتغدى واترك صحون الغدا لبنتي الشطورة تجليهم .. وارجع اتابع عملي...
بعد صلاة العصر أبدأ بتدريس أبني الصغير ... وبعديها بحب اطلع على البرندة اقعد بالمرجوحة واتفقد نباتاتي ... لأذان المغرب ...
وبعديها اجهز عشا الاولاد ويجي وقت النوم ليسود الهدوء في البيت .... ممكن اطلع مشوار مع زوجي او زيارة ... أو اتابع مسلسل أو فلم ... واذا ما كان عندي ارتباط بكون اشتغل على تصميم او تعبئة أو ترجمة رواية من روايات ليلاس....
أه نسيت اقول لكم أنا بحب اعمل جدول يومي يعني كل يوم بحدد على ورقة مهماتي لذلك اليوم وبحاول انفذها وفق جدول الساعات اللي بعملو ..... مهووسة تنظيم عارفة حالي (:
*******
شكرا لأستضافتي
واتمنى ان ما يكون يومي ممل لكم
|
07-05-14, 07:42 AM
جديد مواضيع قسم قهوة ليلاس
العرض العادي
