18-9-2011

طبعا هاليوم مميز جدآ بالنسبه لي
لان هاليوم ولدت
واليوم اكمل الـ 16
فليل مارقدت ليين عقب الـ 1 لاني كنت استقبل التهاني والتربيكات.~> فيس مصدق عمره خخخخخخخخ

وعاد انا ديايه .. اذا مارقدت 10 دايما اعتبر سهراااااااااااانه وايد بعد
ف امسس كنت عن جد سهرانه بالقو خخخخ

المهم قمت الصبح وانا احس بتعب فضيع وفيني نوم ومسطله
خذت لي شور يصحصحني .. وعقب بديت الكشخه حق المدرسه
طبعا نحنا ماداومنا الاسبوع الي طاف غير اول يوم
ف هذا يعتبر جنه اول يوم
رحت صفي وجفت ربيعاتي وسلمت عليهم وهيك..
ومن بعدها تمينا نتناقش ف مسأله العلمي والادبي والـخ

ع الحصه الاولى .. يتنا ابلة العربي مبين عليها حبوبه
امتحنتنا تحديد مستوى
وعقب تمت تسولف

والحصه الثاني .. خذتنا ابلة الرياضيات
ماحبيتها وايد .. طط .. ع طول شرحت الدرس حتى ماعرفتنا باسمها
وتبون الصدق مافهمت عدل لاني مسسسسسسسسطله خخخخخ

عقت كان عندنا بريك رحنا تمشينا وخذت كتب وجي

الثالثه .. رياضه يت الابله يلست وعقب سارت
الرابعه احيآ..
الابله مبين عليها حلوو شرحها وزين
بس اختي خوفتني منها .. تقول امتحاناتها صعبه وايد ..><

الخامسه ..
جيلووجياااااا
هني سطللللللللللللللت عدل عدل عدل.. لان ابلتنا ترررررررررررقد
مافهمت منها كلمه بس طاف..

الاخيره .. انقلش
وكانت حصه خفيفه وحلوه


رديت البيت هلكانه
تغديت وجابلة لابي
الحين احاول اقاوم الرقاد .. عسب ارقد من وقت فليل..
شكلي شوي وبقوم اتمشى ف الحوي خخ

لي باك فليل اقولكم تكملة يومي الممل

خواطر يعني كبر ولدي موضوع ممتع لاكني اقاااااااااااااااااوم النوم لي عوده باذن الله

اسمحولي بنات امس ماشبكت فليل

الحين بكمل لكم يومي

امسس عقب ماسكرت اللاب
مشيت ف الحوي شوي..
وعقب رجعت للأبي الحبيب..

فتحت شنطتي شوي.. وجفت الكتب وجي
بس كنت جد مسسطله

تميت اطالع التي في شوي..
واتريا اذان العشا عسب اصلي وارقد
وعاد ماصدقت اذن الا وانا خامده لاني جد كنت تعباااااااااااااانه خخخخخخخ


وبس هذا يومي الممل

اتمنى اني كنت ضيفه خفيفه ع قلبكم

مس ماث ههههههههه ولد خالتك مثل ولد خالتي يفتح بقالته هههه ونشتري ويربح والله



عوافي يومك ممتع مع خالتك

اقتباس :-   المشاركة الأصلية كتبت بواسطة بياض الصبح

لوكه حبوبتي لازم كل جمعة من بعد صلاة الظهر إلى الليل << يا علها عادة ما تنقطع و لا أحس بــ شيء ناقص بـ حياتي و كتمة مو طبيعية اما الروضة الله لا يوريج إذا تبينهم عادي أحب ما على قلبي الخفافيش هذي كلمة باباتي لا شافني قاعدة بـ الليل بروحي تسلمين على المرور ترا أنا بــ ختار بعدي ^ــ^ .. .. ..

خواطر
العمر كله يارب وكل عام وانت بخير

ويومك ممل خخخخخخخخخ عشان الدوام

الله يوفقك يارب