* * * *
اليوم التـآلي
يوم السبت , الساعه 9 ونص الصباح | مدينة الملك خالد الطبيه
اليوم كـان يوم التطبيق الاخير على المرضى بهالفصل الدراسي , وطرفه من المُتدربات :)
؛
بوحده من الغُرف . .
رفع الدكتور رأسه وقال بشويش : وش تتوقعين حالته ؟
طرفـَه وهي تترك يدْ المريض وتكتب بالستاند حقها : اتوقع . .
صرخ الدكتور وفزّوا المُتدربات اللي مع طرفه : لا تتوقعين , قولي شي اكيد !!
طرفه بخوف : ز . . زرع كبدْ , وحالته مُستقره بعد العمليه
الدكتور بحزْم : ضَغطه ؟
طرفه : عالي شوي , لكن نقدر ننزله بـ . .
قاطعها وهو يسكر دفتره : خلاص " وناظر المريض وابتسم " آسفين على إزعاجك , والحمد لله على نجاح العمليه . .
ردْ عليه المريض بجوآب راضي وطلع الدكتور وأمرنا نرجع لكلـاسنا بالكُليه - الكليه موجوده بالمدينه الطبيه -
* * * *
بالكلاس .
جلست على وحده من الكراسي وقلت بعصبيه : حمد لله والشكر , مريض هالدكتور !! بس يصارخ ويهاوش فيني
- ههههه حرام عليك والله إنه يجنن , انتي المفروض تكونين عرفتي طبعـَه من الترم اللي فات
طرفه تقلّب عيونها : يبغـآني اعطيه جوآب سريع , يا اخي طيب خلني اشخّص الحاله عطني شوية وقت على الاقل
- يوووه يا طرفه , هذآ تطبيق نهائي يعني تخيلي يحط رجل على رجل وينتظرك تتدلعين عليه
طرفه بغرور : وأتدلع وش ناقصني !
ابتسموا البنات اللي معاها وعمْ السكون لفتره . .
* * * *
إلتفتت على المرآيه اللي ورآي وابتسمت بلُطف على شكلي
دكتوره ولـابسه - الاب كوت الابيض - ومتحجبه . .
" صرت كِل ما اشوف مرآيه اتذكر ذآك الشخص اللي شفته لمّا زآرونا صديقة عمتي
" عبد المحسسن " هذآ اسمه , سألت ناصر عنه ذآك اليوم وقالي
يالبيه بس , يجنن كِله هو وأسممه
الصرآحه ماني قادره امحيه عن خيـآلي شكله وصوته وابتسامته كلْها آسرتني من جد , احسه مخلوق عشآاني وبسس
وأمي من بعد ما قالت انهم يمكن جايين يخطبوني وانا احس انه هالشي بيصير "
وتنهدت واخذت جوآلي وناظرت الرساله اللي أرسلتها لورد ذاك اليوم
" وشفيها ما ردْت عليّ , اكيد مثل العاده ما تفتح الرسايل الا بطلعة الروح كلّه عالبي بي "
المسسكينه للحين على البي بي , الناس تطوّروا وشروا ايفون 4 وهي للحين بلاك تورش ههههههه . .
- طرفه !!
فزّيت من صوت الدكتور اللي دخل ووقفت بسرعه : نعم دكتور طارق ؟
الدكتور بغرور< نفسه ذآك اللي تو : عدّلي بطاقة إسمك مقلوبه " وناظر البنات " يالله تفضّلوا نكمل .
تأففت وعدلت بطاقتي
" ملقووف من اول ما شفتك خخخخخـ . . "
* * * *
أما أنا , فكان اليوم نفس اي يوم عـآدي
رحت للبنك , خلصت شغلي , رجعت الظهر تهاوشت مع اخواني وضحكت على فيصل اللي غايب عشان وجهه ههههههه > مسكينه تعقّد
وسولفت مع حلـا بعد الغدا عن وفدُهم اللي صار فيه بطولات كثيره
وقيّلت الظهريه , وتوني صحيت .
* * * *
الساعه 5 العصر
تثاوبت وانا اطلع من الحمام - يكرم السامع - واربط شعري بالشباصه ذيل حصان
وأول ما جيت بنزل من الدرج سمعت صوت فيصل يكلمني من الصاله
- ابوي عنده رجـآل لا تنزلين
انا بتأفُف : وين بالمجلس الاخضر ؟ < اقصد - المجلس الامامي المفتوح -
فيصل : ايه . .
تنهّدت بتعب ورحت للصـآله عندهم وجلست عالارض جنب عبود اللي كان يفصفص ويلعب بـالآيباد , وفيصل وحلـا يناظرون مسلسل تاكسي عالطلب على قنـآة فنون > ياقدمهم خخخخـ
- صالتنا مو ارضيه لكْن فيها طاوله بالوسط مع سجاده –
" كانوا كل اخواني موجودين و أمي بغرفتها "
مددت رجولي وقلت لعبود : أخ خكري , لا تخلّص الفصفص عليّ تدري ابوك عنده رجـآل والمطبخ تحت خخخـ
عبود يقلّب عيونه : اصلاً ما ابيه , ابوي بيوديني باجه المغرب واشتري كيلو كبر وجهك
ياسر يضحك بطفوله : ههههههههه ورد وجهك كبير جد !!
" حرام عليهم وجهي مو كبير خير هههه " قلّبت عيوني وقلت بغرور : وإذا خاطبكم الجاهِلون قولوا سلـاما
عطاني ياسر مقفـآه > مافهم المـَثل هههه
وقام يدوّر الشـآحن حق قيم بويه . .
ابتسمت على هباله الدبدوب وقلت لفيصل : متى جو الرجال يعني بيتأخرون ؟
فيصل يقلّب عالمحطات ويحك رجله > لابس سروآل سنه وبلوزه بيضا ومتمدد عالكنبه كأنه حوريه البحر : مدري عنهم والله , جو بعد صلاة العصر
انا : يوووه ميته جووع , وقتهم ذولـا !
حلا نطت وجلست بالكنبه اللي ورآي : انا مشتهيه كنتاكي , تبغين معاي المغرب ؟
انا بشفاحه : طبعاً يا أووختي
مرّ ياسروه من عندي وجلس يركض يمين ويسار يدور شاحن القيم بوي للحين
انا بقهر : ياسروه لا تنط فوق رجولي , قرّفتي !!
حلا بهمس : طيحيه طيحيه
انا بلعانه : اوك اوك
وأول ما جا يركض وينط فوق رجولي رفعت رجلي وطاح المسكين على وجهه > بس طبعا ما تعوّر < اي مرآ ههههه
المهم إنه قعد يصيح وحـآلته حاله !!
طلعت امي من غرفتها معصبه وهاوشت فينا واخذت حبيب قلبها وضمّته تهديه , وانا والشله نتريق عليه يالبزر يالبزر > هههههههه جانب شرير من عائلتنا !
* * * *
امي بعصبيه وهي تناظرني : حسبي الله ونعم الوكيل إذا انتي الكبيره وكِذا " وصرخت " روحي لأبوك تحت يبغاك
قلت وانا امسح دموعي من الضحك : عنده رجـآال
امي : لا راحوا , يالله روحي باشريه
قلت وانا اقوم : اوك . .
ومشيت وانا اصفق كفي بكف فيصل على تطييحة ياسروه > كان قاهرنا من زمان هو ودلعه هههههه
ونزلت وانا اركض بالدرج وادندن اغنيه اجنبيه . .
* * * *
شفت ابوي جالس بالمجلس الاخضر والشغاله تشيل القهوه والشاي
سلمت عليه وجلست جنبه وانا ابتسم
- سمّ يبا ؟
ابوي بإبتسامه : سم الله عدوينك , جاك الخير اليوم . .
قلت بإستغراب : خير ؟ ليه وش السالفه ؟
ابوي : عيال الهادي قابلوني بالمسجد وطلبوا يجون عندنا بالبيت , وتوهم طلعوا
انا استغربت " الهادي ؟! لا يكون ذولاك اصدقاء عمتي "
فقلت : نفسهم الهادي صديقة عمتي فاتن ؟
ابوي بإبتسامه : اي . .
- طيب , وش يبون ؟
ابوي : عمتك فاتن كلمتني امس , وجـا الولد الكبير مع اخوه اليوم عشان يخطبونك
* * * *
" هاااااااااااااااااااااااااااه إيش إيش !!! "
طبعاً انا وجهي بخليكم انتوا تتخيلون شكلْه لأنه من جد اكسس ولا يوصـَف < كفايه شينه خِلقه وش بيصير زياده xd
ظليت مصنّمه وانا اناظر ابوي على بالي يمزح وقسسم
قلت بسرعه : يخطبوني ؟! انا !!
ابوي بضحكه : هههههههههه بسم الله , وشفيك متخرعه كِذا ؟
انا بإبتسامه على هالموقف : ههه مدري , ما توقعت هالشي !
ابوي بجديه اكبر : انا قلت اقولك قبل لا اعلم امك عشان اشوف رآيك مبدئياً
" يما ورا الدنيا صارت سرييعه كذا " قلت بإبتسامه : رأيي ؟!
يبا شفيك بسم الله مستعجل , انا توني صغيره . .
ابوي : يعني وشو ماراح تفكرين ؟! عيب الرجـآل جاي يخطب جد
يعني على الاقل قولي ابي وقت افكر عشان لا نرفضه بهالسرعه !
انا بإبتسامه وكأني مخدْره من الصدمه : اوك ماقلت شي , بس انت فاجأتي وتوني صاحيه مو قادره استوعب ههههه
ابوي : روحي اكلي لك اي شي على ما اقول لأمك
انا بسرعه : لا تقول لأخواني اوك ؟!
ابوي : طيب . .
وقفت بإبتسامه وانا مدري ليه حسيت نفسسي فرحـآنه فجأه هههه !
قلت قبل لا أمشي وانا الاسئله ذآبحتني : صح يبا , شسمه ؟
ابوي : عبد المحسن
ابتسمت وقلت بإستعباط : ياعيني , من بدآيتها بيخققنا ههههههه
ابوي يضحك : ههههههه حمد لله والشكر , روحي اكلي لك شي وصحصحي , بعدين تعالي كلميني زي الناس
* * * *
ابتسمت على تعليق ابوي ورحت للمطبخ وقلت للشغاله تحط لي من غدا اليوم بالمكرويف
وجلست على طاوله المطبخ وفتحت جوآلي لأنه جتني رسـآله من حقين الصحه والجمال > احب رسايلهم هههههه
بس الصرآحه بالي كان بعيد كُل البعد عن الرسـآله . .
" يخطبووني !! ومين انا ؟! "
أخاف انهم غلطانين على بالهم ابوي أبو طرفـَه هههه ؟!
يعني من جد صدمه قويه , ما توقعت يختاروني أنا بعد ما شافوا طرفه !
وش صـآير , والله الدنيا غريبه بقوووه . .
يعني الصرآحه احس نفسسي مدري عن نفسي < اتحداكم فهمتوا هههه !
كأني بعالم ثالني من الصدمه , وأحس كلامي مع ابوي تو كـان كِله خيال مو صِدق ما ادري ليه !
فجأه لفت انتباهي رسـآله من يومين وطرفـَه رآسلتها !
قلت بسرعه : يؤ يؤ ليش ما انتبهت لها ؟
وفتحت الرسـآله وانا ابتسم < ابتسـآمه خبيثه هههه
" اهلين ورد , اخبارك . .
تخييييييييييييييلي بس , العجوز كلّمت امي وشكلها ناويه تخطبني لولدها الحلو اللي قلت لك عنه !
اي صحيح عرفت اسمه من ناصر , اسمه عبد المحسن . .
كلمييني ضروري حابه افضفض لك من كِثر الوناسه اللي احس فيهـا . . "
* * * *
وقفت لآ إراديا من الطاوله وانا مصدومممه , وخافت الشغاله ههههه
قلت وانا مو مصدقه وأقرا الرساله مره ثانيه وثالثه ورابعه : ايش ايش ايش اييشش !!!
بلعت ريقي بحقد وناديت ابوي بسرعه : يبااا
ابوي من المجلس : نعم ؟
انا بحقد ومن جد احس نفسي مولعه : شسم الولد اللي توو كلمتني عنه ؟!
ابوي بإستغراب : مسرَع نسيتيه , اسمه عبد المحسن الهـآادي
ناظرت جوآلي مره ثانيه وقريت الرسـآله مليون ألف مره خصوصاً الاسم , ومن جد كان ودّي ارميه على جدار المطبخ اللي قدآمي من القهر اللي احس فيه > بس تعرفون محنا نور ومهند نكسسر جوآلات ونشتري xd
وطلعت من المطبخ وانا امشي بعصبيه وأحس السيراميك بينكسر تحتْي
" قـآل ايش !! قال بيخطبونها !! "
وقلت وانا طابقه اسناني على بعضها وماسكه نفسي لا اصارخ : خلينا نشوف وش بيصير فيك لو دريتي مين خـَطب حبيب القلب
وناظرت جوآلي اللي كنت عاصرته بيدي , وصعدت الدرج .
* * * *
وهِنا يخلص البارت
:) تعليقاتكم تهمني اكييد , وباب النقد مفتوح
وياليت اللي يبغى يستفسر عن شي يرسل لي عالملف مو عالخـآص < على ما اكمل عدد المشـآركات هع
نجي للتوقعات :
- هل فيه سر لخطبه عبد المحسن لورد بالذات او انه امه كانت تقصد المغروره - ورد - ؟!
- طرفه , وش تتوقعون ردة فعلها بعد ما تعلقت بهالشخص ؟
- هل ورد بتكون نذله وبتسوي خطه تقهر فيها طرفه , او انها ماراح توافق علي عبد المحسن لأنها ما عرفت انه مطوّع ؟!
- ناصر , تتوقعون وجوده بالبارت مجرد شي عابر , بعد ما عرفتوا انه دخل الطب النفسي لما رفضته ورد من زمان ؟!
يالله انطلقوآ , وموعدنا إن شاء الله الجمعه
وبلييز ما ابغى احراج بطلب بارتات غير هاليومين اللي حددتهم
ربي يسعدكم , ومن جد ردودكم وتفاعلكم يسعدني
ورده للكِل .
12-07-11, 08:54 PM
جديد مواضيع قسم الارشيف
العرض العادي
